استفسار بخصوص سعر الفدان الزراعي بمحافظة المنوفية

[memory]

السلام عليكم ورحمه الله

تحية لهذا المنتدي الجميل الزاخر بنخبة من الاعضاء المثقفين

فانا اتابعه منذ فترة ووجدت مدي المودة والمساعدة والتقارب بين اعضاءه

ارجو ان اكون ضيف خفيف عليكم

بخصوص استفساري كنت قد اشتريت فدان زراعة بالمنوفية ايام الرخص زمان

والان بفكر ابيعه او ابيع كام قيراط منه ذهبت هناك وسألت عن سعر القيراط

اللي يقولي 7000 و 6000 واللي يقول 8000

ثم ذهبت الي الجمعية الزراعية التابعة للقرية واخبروني 18 الف جنية للقيراط

اتضح ان في تلاعب في السعر من الفلاحين

ده حتي الفلاح اللي مأجر الارض عايز يشتري القيراط علي 5000

طمع وجشع مش عارف اسميه ايه

حقيقي انا محتار وعايز اعرف السعر الحقيقي للقيراط في المنوفية

للمعلومية الارض لها مصدر ري وصرف ومسجلة ولا توجد اي مشاكل بها

اذا امكن من له صلة او قرابة بمحافظة المنوفية ويعلم الاسعار جيدا فليخبرني

لكم مني كل التحية التقدير

[doha]

هو طبعا السعر زي ماقالوا لك في الجمعية الزراعية منه لله الفلاح المستاجر الي عندك الي بيقولك على خمسة بس على فكره في مشكلة ..

دلوقت انت لو هتبيعها قراريط يبقى مفيش قدامك غير تبيعها لشخص من نفس المنطقة ويفضل طبعا جار للارض نفسها وده هيخسف سعرها ده غير انه مراعاة للحرامي الي فيها احتمال محدش يستجري يشتري منك اساسا .. الفلاحين عندهم عرف اقوى من الحق واقوى من حدود الله كمان .. يعني محدش يقدر ينزل ارض ( راكبها ) مستاجر بدون رضى المستأجر ده ولو استشهدت بفلاح في مشكلة بينك وبين فلاح تاني هيقدم ( حق العرب ) على حق الله وهيشهد في صالح الفلاح زميله لان هم لهم مصالح مع بعض بينما انت غريب مش هتفيده في حاجه لو وقف في صفك حتى لو الحق معاك ..

يفضل انك لو هتبيع تبيع الفدان على بعضه عشان يبقى نافع ان حد يجي من آخر الدنيا يزرعه لوحده او لو هتبيعه قراريط يبقى مفيش قدامك غير ترضى بالامر الواقع وتبيعه لواحد من العصابه الي حواليه بس في الحاله دي مظنش هتجيب فيه سعر عادل .. وعلى فكره هم لما بيشتروا منك ويدفعوا لك مبيقولوش حقك واخذته لاه بيقولوا شوفوا انت دفعت فيها اصلا كام والفلاح الي ماجرها منك نماها لك وخلاها لك لك بكام يعني احمد ربنا انك كسبت فيها .. معليش هم لهم منطق كده لوحدهم ربنا مايوقع حد فينا تحت رحمه حد فيهم ..

الخلاصه ..

لو عاوز تبيع انت شيع في البلد انك عارضها للبيع بس اطلب فيها سعر عالي شويه الفين تلاته عشان هم يخفضوا من عندهم اربعه خمسة فياخذوها بسعر قريب من ثمنها ..

او هات حد صاحبك من بعيد يجي يزور ويعاين الارض معاك وشيع قدام الفلاحين ان فلان ده جاي من برا وعاوز يستثمر وهيشتري الفدان على بعضه وهم ساعتها هيجوا لك جري بالفلوس عشان يشتروها منه .. بس الحكايه دي عاوزه قلب ميت وتكون من النوع الي بيعرف يسبك الدور لان الفلاحين خبثا ومش بيخيل عليهم اي شيء بس لو صدقوها ومشيت عليهم هيدفعوا مبلغ محترم لان الفلاح المستأجر بيعتبر نفسه مالك واصعب ماعليه ان الارض ملكه تروح لحد تاني ومش هيدفع فيها حقها او قريب منه الا لو مقداموش غير كده انما تكلمهم بالمنطق وتقولهم سعرها كده هاتوه هيقولوا لك دور على الي يشتريها وفعلا للاسف لو الي فيها مش عاوزك تبيع صعب شويه انك تلاقي لها مشتري بغير رضاه ..

[خالد شحاته]

السلام عليكم ورحمة الله وبركاته

السعر للازم يتحدد من المنطقه نفسها لان بيكون الارض الزراعيه في منها قريبه لطريف وفي منها بيكون دخل جوه عن المياه وكل ارض لها سعر وان كانت بعيده عن البلد ولا قريبه اكيد كل حوض معرف سعره كم

بس الاخت ضحي طلعت كل الفلاحين حراميه ونصابين وعصابه كمان ههههههههههههههههه اكيد الفلاح بيصعب عليه ارض بيزرعها من كم سنه انها تروح بس بعد القانون الجديد لو انت عايز تطلعه في لحظه بيروح لانه بيكون عقده سنه بسنه

تم تعديل 9 أبريل 2009 بواسطة خالد شحاته

[doha]

السلام عليكم ورحمة الله وبركاته

السعر للازم يتحدد من المنطقه نفسها لان بيكون الارض الزراعيه في منها قريبه لطريف وفي منها بيكون دخل جوه عن المياه وكل ارض لها سعر وان كانت بعيده عن البلد ولا قريبه اكيد كل حوض معرف سعره كم

بس الاخت ضحي طلعت كل الفلاحين حراميه ونصابين وعصابه كمان ههههههههههههههههه اكيد الفلاح بيصعب عليه ارض بيزرعها من كم سنه انها تروح بس بعد القانون الجديد لو انت عايز تطلعه في لحظه بيروح لانه بيكون عقده سنه بسنه

استغفر الله انا مقلتش كل الفلاحين حرامية بس لو حضرتك اخذت بالك بيقولك الفلاح الي في ارضه عرض يشتريها بخمسة الاف للقيراط وقت مالدنيا كلها بتبيع من 15 - 18 واكيد حضرتك عارف ان ارض المنوفية اغلى من اي ارض في اي حته تانيه في مصر يبقى الي يعرض سعر زي كده في حاجه بالثمن ده ينقال عليه ايه؟

والفلاحين التانيين الي سألهم برضه ردوا عليه بمبلغ في الحدود ده ..

على كل حال شفت بنفسي تعامل الفلاحين مع اصحاب الارض في ثلاث او اربع اماكن مختلفة وبعيده عن بعضها وللاسف هو نفسه ماذكرته .

للاسف عندنا في مصر لا في فلاح بيفرط في ارض مستأجرها ولا في مستأجر قانون قديم بيسيب الشقة الي ( ورثها ) عن صاحب البيت الا بطلوع الضرس .. مستأجر الشقة بيطلب تعويض بكل بجاحه طالما ان القانون في صفه ومش هيطلع ولا بالطبل البلدي اما الفلاح فرغم ان القانون مش في صفه المرة دي بس هو بيلجأ للعرف عشان يحمي ورثه الخاص لتتوارثه الاجيال .. للاسف الفلاح بقى اغنى من صاحب الارض الي لسه بيعامل على انه اقطاعي مش لازمه الكام قيراط الي حداه دول ..

[خالد شحاته]

السلام عليكم ورحمة الله وبركاته

السعر للازم يتحدد من المنطقه نفسها لان بيكون الارض الزراعيه في منها قريبه لطريف وفي منها بيكون دخل جوه عن المياه وكل ارض لها سعر وان كانت بعيده عن البلد ولا قريبه اكيد كل حوض معرف سعره كم

بس الاخت ضحي طلعت كل الفلاحين حراميه ونصابين وعصابه كمان ههههههههههههههههه اكيد الفلاح بيصعب عليه ارض بيزرعها من كم سنه انها تروح بس بعد القانون الجديد لو انت عايز تطلعه في لحظه بيروح لانه بيكون عقده سنه بسنه

استغفر الله انا مقلتش كل الفلاحين حرامية بس لو حضرتك اخذت بالك بيقولك الفلاح الي في ارضه عرض يشتريها بخمسة الاف للقيراط وقت مالدنيا كلها بتبيع من 15 - 18 واكيد حضرتك عارف ان ارض المنوفية اغلى من اي ارض في اي حته تانيه في مصر يبقى الي يعرض سعر زي كده في حاجه بالثمن ده ينقال عليه ايه؟

والفلاحين التانيين الي سألهم برضه ردوا عليه بمبلغ في الحدود ده ..

على كل حال شفت بنفسي تعامل الفلاحين مع اصحاب الارض في ثلاث او اربع اماكن مختلفة وبعيده عن بعضها وللاسف هو نفسه ماذكرته .

للاسف عندنا في مصر لا في فلاح بيفرط في ارض مستأجرها ولا في مستأجر قانون قديم بيسيب الشقة الي ( ورثها ) عن صاحب البيت الا بطلوع الضرس .. مستأجر الشقة بيطلب تعويض بكل بجاحه طالما ان القانون في صفه ومش هيطلع ولا بالطبل البلدي اما الفلاح فرغم ان القانون مش في صفه المرة دي بس هو بيلجأ للعرف عشان يحمي ورثه الخاص لتتوارثه الاجيال .. للاسف الفلاح بقى اغنى من صاحب الارض الي لسه بيعامل على انه اقطاعي مش لازمه الكام قيراط الي حداه دول ..

انا معكي ان الفلاح بيحب الارض وعايز يموت سعرها علي فكره انا عندي ارض ومع مزراعين والله ما اخذت منها منها من اكتر من 4 سنوات فلوس ولما اجي اكلمه يقول اصبري عليا انا عندي اولاد بربيهم وبزوج بناتي هنقول ايه ربنا يكون في عون الجميع

[memory]

الاخت الفاضلة ضحي

اشكرك جدا علي مداخلتك الثمينة لشرح ابعاد الموقف من كل النواحي

ربنا يبارك لك

الفلاحين لما عرفوا اني هابيع اخدوا موقف موحد وكلام واحد علي اساس اصدق سعرهم

سبحان الله كاني يهودي بيقطعو من لحمي

ده معداش يوم واحد بالظبط والقرية كلها عرفت اني ببيع مش عارف ازاي لمجرد اني سألت علي سعر الفدان من فلاح هناك

بعدها بأسبوع نزلت تاني البلد لقيت كله عارف واتفقوا وخططوا علي الكلام اللي هايتقالي

مثل ما تفضلتي السعر بتاع الجمعية الزراعية هو المظبوط لكن قانون الجمعية مش بيمشي علي الفلاحين

وخصوصا لو هايشترو من حد غريب لكن فعلا عملية بيع وشراء الارض بتتم من تخطيط الفلاح والسعر اللي عايزه

بصراحة كرهت اسلوبهم اللي بيتبعوه وقررت ابيع الفدان كله لجار ارضه ملاصقة لارضي طالب في القيراط 7000

وانا راضي بالقليل اهم شئ انفد بجلدي من هناك

[memory]

الاخ الفاضل خالد شحاته

تحياتي لك وربنا ما يوريك المعاملة والاسلوب اللي شوفتها من الفلاحين حقيقي ده واقع شوفته بعيني

بخصوص الارض فهيا ملاصقة وبجوار اكورديون المباني مباشرة

وتبعد عن الطريق العمومي حوالي 70 متر فقط ومصدر الري والصرف قريب منها

انا شايف الفلاح اولي بالارض من حد تاني نظرا لظروفهم الله يرزقهم ويعينهم علي الحياة

ويسترها معانا جميعا

[خالد شحاته]

الاخ الفاضل خالد شحاته

تحياتي لك وربنا ما يوريك المعاملة والاسلوب اللي شوفتها من الفلاحين حقيقي ده واقع شوفته بعيني

بخصوص الارض فهيا ملاصقة وبجوار اكورديون المباني مباشرة

وتبعد عن الطريق العمومي حوالي 70 متر فقط ومصدر الري والصرف قريب منها

انا شايف الفلاح اولي بالارض من حد تاني نظرا لظروفهم الله يرزقهم ويعينهم علي الحياة

ويسترها معانا جميعا

اخي الفاضل من كلامك انت غريب عن المنطقه صح

لو الغريب يكون استغلو النقطه دي انت كان الصح تاجرها كل سنه لشخص تاني غير الاخر علشان تتعرف تتعامل مع الناس دي

[esocial]

الاخت الفاضلة ضحي

اشكرك جدا علي مداخلتك الثمينة لشرح ابعاد الموقف من كل النواحي

ربنا يبارك لك

الفلاحين لما عرفوا اني هابيع اخدوا موقف موحد وكلام واحد علي اساس اصدق سعرهم

سبحان الله كاني يهودي بيقطعو من لحمي

ده معداش يوم واحد بالظبط والقرية كلها عرفت اني ببيع مش عارف ازاي لمجرد اني سألت علي سعر الفدان من فلاح هناك

بعدها بأسبوع نزلت تاني البلد لقيت كله عارف واتفقوا وخططوا علي الكلام اللي هايتقالي

مثل ما تفضلتي السعر بتاع الجمعية الزراعية هو المظبوط لكن قانون الجمعية مش بيمشي علي الفلاحين

وخصوصا لو هايشترو من حد غريب لكن فعلا عملية بيع وشراء الارض بتتم من تخطيط الفلاح والسعر اللي عايزه

بصراحة كرهت اسلوبهم اللي بيتبعوه وقررت ابيع الفدان كله لجار ارضه ملاصقة لارضي طالب في القيراط 7000

وانا راضي بالقليل اهم شئ انفد بجلدي من هناك

المفروض انه ميقلش عن 250 الف زى ما سمعنا فى مناطق تانية

[doha]

الاخت الفاضلة ضحي

اشكرك جدا علي مداخلتك الثمينة لشرح ابعاد الموقف من كل النواحي

ربنا يبارك لك

الفلاحين لما عرفوا اني هابيع اخدوا موقف موحد وكلام واحد علي اساس اصدق سعرهم

سبحان الله كاني يهودي بيقطعو من لحمي

ده معداش يوم واحد بالظبط والقرية كلها عرفت اني ببيع مش عارف ازاي لمجرد اني سألت علي سعر الفدان من فلاح هناك

بعدها بأسبوع نزلت تاني البلد لقيت كله عارف واتفقوا وخططوا علي الكلام اللي هايتقالي

مثل ما تفضلتي السعر بتاع الجمعية الزراعية هو المظبوط لكن قانون الجمعية مش بيمشي علي الفلاحين

وخصوصا لو هايشترو من حد غريب لكن فعلا عملية بيع وشراء الارض بتتم من تخطيط الفلاح والسعر اللي عايزه

بصراحة كرهت اسلوبهم اللي بيتبعوه وقررت ابيع الفدان كله لجار ارضه ملاصقة لارضي طالب في القيراط 7000

وانا راضي بالقليل اهم شئ انفد بجلدي من هناك

بصراحه سعر ظالم جدا وحسبنا الله ونعم الوكيل على كل فلاح من شاكلة الفلاحين دول وامثالهم ..

ان رايي تستخير اكتر من مره ولو مش مزنوق ( جدا ) في الفلوس دي اصبر متبيعش دلوقت خالص محدش عارف بكرا فيه ايه والفلوس قيمتها بتنزل مع الوقت بينما الارض قيمتها بتطلع ..

في حاجه اسمها بيعة المستغني .. يعني انت بتعرض ارضك للبيع ولو جابت لك سعر كويس بيع لو مجابتش خلاص انت مستغني ومش هتبيع .. لازم الفلاحين يعرفوا الحكايه دي عشان يرفعوا السعر وهي الغلطه انك رحت من الاول قلت لهم ياجماعه انا عاوز اعرف سعر البيع كام كان الصح انك تروح تقولهم ياجماعه انا عارضها للبيع لو جابت لي سعر حلو هبيع هل من مشتري ؟ هنا هتلاقي حد عرض سعر تعبان تقوم تسمعه وانت بتضحك وتقول لاه مش الي في دماغي ومتبيعش وهكذا ومتصرحش ابدا ايه الي في دماغك عشان هم يجيبوا اخرهم في السعر ..

على كل حال زي ماقلت لك استخير اكتر من مرة عشان مترجعش تندم لانك هتبص تلاقي نفس الي اشتراها منك باعها بعد يومين بضعف تمنها ودي حصلت لواحد زميل زوجي باع ارض لفلاح نصف كاش ونصف تقسيط .. تخيل بعد سنه وحده راح باعها بضعف الثمن الي اشتراها بيه ولسه للآن على مااظن بيقسط لصاحبها الاصلي في باقي الثمن ..

وزي ماقالوا لك الاخوه غير المستأجر الي فيها عشان تجيب سعر افضل .. وبالمناسبة اسعار الايجارات في الاراضي العاديه ( السمرا ) الي هي مش منوفية من 3000 - 4000 للفدان وممكن توصل 5000 .. ده للارض العاديه واكيد المنوفية طبعا هتكون اغلى عشان جوده الارض هناك ..

وبرضه سألت لك على اسعار البيع مرة تانيه عشان اكون متاكده فعرفت ان الارض الجيده سعرها لايقل عن 15 الف للقيراط وبما انك في المنوفية فالسعر ممكن يوصل 20 الف عادي جدا ..

وبرضه الاستخاره هي الاهم من كل الكلام ده وربنا يارب يرزقك الخير سواء في البيع او الاحتفاظ بالارض لغايه ماتستفيد منها اقصى استفاده باذن الله ..

[memory]

الاخ الفاضل خالد شحاته

تحياتي لك وربنا ما يوريك المعاملة والاسلوب اللي شوفتها من الفلاحين حقيقي ده واقع شوفته بعيني

بخصوص الارض فهيا ملاصقة وبجوار اكورديون المباني مباشرة

وتبعد عن الطريق العمومي حوالي 70 متر فقط ومصدر الري والصرف قريب منها

انا شايف الفلاح اولي بالارض من حد تاني نظرا لظروفهم الله يرزقهم ويعينهم علي الحياة

ويسترها معانا جميعا

اخي الفاضل من كلامك انت غريب عن المنطقه صح

لو الغريب يكون استغلو النقطه دي انت كان الصح تاجرها كل سنه لشخص تاني غير الاخر علشان تتعرف تتعامل مع الناس دي

اعيش بالقاهرة ومثل ما حضرتك ذكرت بيستغلوا الغريب

الارض كانت متأجرة لفلاح حوالي 3 سنين واجرتها لواحد تاني 4 سنين

ودلوقتي اللي مأجرها بقالوا سنتين وبيماطل في دفع ايجارها

لاني مش بنزل البلد من فترة طويلة لظروف العمل والحياة

[memory]

الاخت الفاضلة ضحي

اشكرك جدا علي مداخلتك الثمينة لشرح ابعاد الموقف من كل النواحي

ربنا يبارك لك

الفلاحين لما عرفوا اني هابيع اخدوا موقف موحد وكلام واحد علي اساس اصدق سعرهم

سبحان الله كاني يهودي بيقطعو من لحمي

ده معداش يوم واحد بالظبط والقرية كلها عرفت اني ببيع مش عارف ازاي لمجرد اني سألت علي سعر الفدان من فلاح هناك

بعدها بأسبوع نزلت تاني البلد لقيت كله عارف واتفقوا وخططوا علي الكلام اللي هايتقالي

مثل ما تفضلتي السعر بتاع الجمعية الزراعية هو المظبوط لكن قانون الجمعية مش بيمشي علي الفلاحين

وخصوصا لو هايشترو من حد غريب لكن فعلا عملية بيع وشراء الارض بتتم من تخطيط الفلاح والسعر اللي عايزه

بصراحة كرهت اسلوبهم اللي بيتبعوه وقررت ابيع الفدان كله لجار ارضه ملاصقة لارضي طالب في القيراط 7000

وانا راضي بالقليل اهم شئ انفد بجلدي من هناك

المفروض انه ميقلش عن 250 الف زى ما سمعنا فى مناطق تانية

250 الف للفدان معني كده ان القيراط علي 10 تقريبا

ممكن اعرف من حضرتك المناطق التانية فين

[memory]

الاخت الفاضلة ضحي

اشكرك جدا علي مداخلتك الثمينة لشرح ابعاد الموقف من كل النواحي

ربنا يبارك لك

الفلاحين لما عرفوا اني هابيع اخدوا موقف موحد وكلام واحد علي اساس اصدق سعرهم

سبحان الله كاني يهودي بيقطعو من لحمي

ده معداش يوم واحد بالظبط والقرية كلها عرفت اني ببيع مش عارف ازاي لمجرد اني سألت علي سعر الفدان من فلاح هناك

بعدها بأسبوع نزلت تاني البلد لقيت كله عارف واتفقوا وخططوا علي الكلام اللي هايتقالي

مثل ما تفضلتي السعر بتاع الجمعية الزراعية هو المظبوط لكن قانون الجمعية مش بيمشي علي الفلاحين

وخصوصا لو هايشترو من حد غريب لكن فعلا عملية بيع وشراء الارض بتتم من تخطيط الفلاح والسعر اللي عايزه

بصراحة كرهت اسلوبهم اللي بيتبعوه وقررت ابيع الفدان كله لجار ارضه ملاصقة لارضي طالب في القيراط 7000

وانا راضي بالقليل اهم شئ انفد بجلدي من هناك

بصراحه سعر ظالم جدا وحسبنا الله ونعم الوكيل على كل فلاح من شاكلة الفلاحين دول وامثالهم ..

ان رايي تستخير اكتر من مره ولو مش مزنوق ( جدا ) في الفلوس دي اصبر متبيعش دلوقت خالص محدش عارف بكرا فيه ايه والفلوس قيمتها بتنزل مع الوقت بينما الارض قيمتها بتطلع ..

في حاجه اسمها بيعة المستغني .. يعني انت بتعرض ارضك للبيع ولو جابت لك سعر كويس بيع لو مجابتش خلاص انت مستغني ومش هتبيع .. لازم الفلاحين يعرفوا الحكايه دي عشان يرفعوا السعر وهي الغلطه انك رحت من الاول قلت لهم ياجماعه انا عاوز اعرف سعر البيع كام كان الصح انك تروح تقولهم ياجماعه انا عارضها للبيع لو جابت لي سعر حلو هبيع هل من مشتري ؟ هنا هتلاقي حد عرض سعر تعبان تقوم تسمعه وانت بتضحك وتقول لاه مش الي في دماغي ومتبيعش وهكذا ومتصرحش ابدا ايه الي في دماغك عشان هم يجيبوا اخرهم في السعر ..

على كل حال زي ماقلت لك استخير اكتر من مرة عشان مترجعش تندم لانك هتبص تلاقي نفس الي اشتراها منك باعها بعد يومين بضعف تمنها ودي حصلت لواحد زميل زوجي باع ارض لفلاح نصف كاش ونصف تقسيط .. تخيل بعد سنه وحده راح باعها بضعف الثمن الي اشتراها بيه ولسه للآن على مااظن بيقسط لصاحبها الاصلي في باقي الثمن ..

وزي ماقالوا لك الاخوه غير المستأجر الي فيها عشان تجيب سعر افضل .. وبالمناسبة اسعار الايجارات في الاراضي العاديه ( السمرا ) الي هي مش منوفية من 3000 - 4000 للفدان وممكن توصل 5000 .. ده للارض العاديه واكيد المنوفية طبعا هتكون اغلى عشان جوده الارض هناك ..

وبرضه سألت لك على اسعار البيع مرة تانيه عشان اكون متاكده فعرفت ان الارض الجيده سعرها لايقل عن 15 الف للقيراط وبما انك في المنوفية فالسعر ممكن يوصل 20 الف عادي جدا ..

وبرضه الاستخاره هي الاهم من كل الكلام ده وربنا يارب يرزقك الخير سواء في البيع او الاحتفاظ بالارض لغايه ماتستفيد منها اقصى استفاده باذن الله ..

الاخت الفاضلة ضحي مداخلة حضرتك اعطتني الامل مرة اخري

السعر فعلا زي ما حضرتك قولتي من 15 الي 20، لكن معتقدش انهم يشترو بالسعر ده

كلام في سرك القرية اللي فيها ارضي او المربع الجغرافي بالتحديد الي حوالين ارضي

سكانه وفلاحينه صعب جدا ومش بيسمحوا لحد غريب جاي من برة البلد عارض سعر كويس يشتري ارضي اللي بجوار ارضهم

بكل بساطة بيقولو الجار اولي بالشفعة وتقوم حرب نفسية علي المشتري الغريب اللي عارض سعر اعلي ومناسب للارض

ويخاف ويطفش وهكذا، اسلوب متبع حداهم في القرية وعرف سائد من زمان ليبخسوا تمن الارض ويحللوه لنفسهم

علي العموم انا مزنوق في تمن قيراطين فقط هابيعهم بسعرهم وربنا يعوض عليا

اما باقي الارض بناء علي مشورتكم الكريمة هاسيبها للمستقبل يمكن الحال يتغير والناس اللي هناك تفكيرها يتغير

اشكرك جدا جدا علي رأيك الصائب اللي نور تفكيري وربنا يبارك في صحتك ويعطيكي من فضله

[memory]

الاخ الفاضل

انا رايي من راي الاخت ضحي انك تصبر لو مش محتاج الفلوس ضروري

وانا كنت متابع اسعار الاراضي الزراعيه في الصيف الماضي وكان سعر الفدان في المنوفيه اكثر من 700000 جنيه

وانت ذكرت ان ارضك بجوار المباني يعني احتمال دخولها كردون المباني وارد واحتمال يكون قريب

ومن متابعتي لاسعار الاراضي الملاصقه للمباني فان سعر القيراط الواحد بيصل الي 50000 جنيه

يعني حاول تتاني في البيع لان هذا الفدان ممكن يكون ضربة حظ لك

ولا تستجيب لاي ضغوط للبيع واتمني لك التوفيق

اخي الفاضل حسن بعد التحية

موضوع كوردون المباني ده بالامانة هو اللي مصبرني لحد الان

من سنتين تقريبا كانوا بيقولوا هايضموا عدد 2 قيراط اللي بجوار المباني لكن مفيش تفيذ

بالنسبة لكلام حضرتك بخصوص 50 الف للقيراط اللي داخل كوردون مباني كلام مظبوط

ولما يدخلو مباني توصل 100 للقيراط

ان شاء الله هابيع القيراطين اللي في اخر الارض بجوار مصدر الري

واشكرك جدا علي مداخلة حضرتك وربنا يباركلك