بعد فشل الزواج

[Farida]

الله الله ايه الموضوع يا أستاذ شرقيه يعنى تغيب تغيب و لما ترجع عايز تناكفنى انا و الله شبعانه مناكفات من اللى بره و اللى جوه ....و ايه حكاية انك متوقع كل كلمه فى كلامى دى عموما يا سيدى دى حاجه تسعدنى على الأقل لما أخد أجازة من المنتدى اديك الpassword بتاعتى و ابقى ادخل اكتب على لسانى .......بس ايه حكايه التوجه الأيدولوجى لرئيسة لجنة المراه دى ؟؟ ده كلام كبير و بالمره نفسى بجد و عايزه اعرف ايه هو اللى كنت كتبته لإستفزازى من اسبوعين و عنوان التوبيك كان ايه بجد عايزه اعرف أحسن التوتر مش كويس علشانى .....

المهم ياسيدى كنت بتقول رأيي فى الأسماء اللى انت ذكرتها :

1- نوال السعداوى ما احبهاش و لا تعجبنى ارائها و بالمره فكرتنى اول ما ابتديت اكتب باسم فريده كان فيه زميل كل ما اكتب حاجه يقولى اراء نوال السعداوى و فيفى عبده مش عارفه ايه علاقتهم ببعض فتخيلت انك ممكن تسألنى عنها هى كمان

2- اقبال بركه .... شرحه

3- فريده النقاش ما قريتلهاش كتير

4- حسن شاه بتعجبنى ردودها القويه على الرسائل اللى بتوصل لها فى اخبار اليوم

5- صافى ناز كاظم باحبها جدا رغم انها شعنونه حبتين

6- نعمات احمد فؤاد سيده محترمه و جاده و لها وقفات حاسمه مع روقه وزير الثقافه بس باخد عليها دفاعها المستميت عن الفراعنه برغم ان لهم عيوب كثيره

..... اى خدمات تانيه احنا فى الخدمه

الأستاذ س.س. انا باقولك تعمل مربى و مخلل (بلاش مخلل علشان الريحه خليها حلل محشى) تقوللى اطفال المفاتيح هل تعلم ان المربى و المخلل قصدى المحشى يمكن عملهم فى البيت بجانب الاطفال ؟؟؟؟

و هل تعلم ايضا ان من حق الزوجه المسلمه شرعا ان تطلب مصروفا شهريا من زوجها و هذا لا يتعارض مع الشرع و الدين !!!!!!!أمال انا كنت باهاتى فى موضوع المهر ليه علشان تبقى لها حاجه للزمن لو حد قالها مع السلامه تقوله الباب اللى يودى

و اخيرا هل تعلم ان هناك امهات قاعدين فى البيت و مع ذلك اطفالهم ليسوا على درجه عاليه من الأدب و الأخلاق مش كلهم لكن كتير منهم و الأمثله عندى كتير

-------------------------------------

تم تعديل بعض الكلمات بمعرفتى لأن تداخلت الأسماء عندى

--------------------------------------

[wa7d]

الزوجة فى الدول الغربية تأخذ نصف أملآك العائلة ونصف معاش الزوج . يعنى تجمع ماتملكه وما يملكه الزوج ومعاشها ومعاش الزوج - عند وصولهما سن المعاش ويقسم على إثنين . والعملية فى الغالب تحتاج إلى محامى إذا كانت الثروة كبيره . وهذا نظام سيء للغاية - وهو يشبه قانون أيجار المساكن الذى أعلنه ناصر . يعنى كويس جدا للزوجة بعد الزواج . ولكنه سيء جدا للفتاة التى تريد الزواج لأن الرجل إما ممتنع تماما عن الزواج أو مهرب أمواله من زوجة المستقبل . وأعظم قانون للزواج والطلاق هو بدون شك قانون الشريعة الإسلامية ، فقط إذا كانت الفتاة قوية كما يريدها الإسلام - والمؤمن القوى خير من المؤمن الضعيف . وتتمسك بحقوقها ولا تنخدع بمسكنة الرجل . وتعرف إن الرجل الذى يتمسكن ليحصل على " لا شروط " فى الغالب ( 90% ) سوف يهين زوجته إذا أتيحت له الفرصة . والمرأة الضعيفه التى تضع مستقبلها فى جيب زوجها لتكسب حبه لا ينفعها أى قانون وربنا يستر وندعيلها بزوج يخاف ربه . ويمكن نطلب من المجتمع المسلم الوقوف بجانبها وفرض الشروط المتاحه للمرأة المسلمه حسب الدين الإسلامى .

[سقراط المصري]

الأخت فيروز

ردك كان مقنع وعقلاني.

واعتقد انه لايوجد خلاف في وجهات نظرنا.

شكراً للرد والتعقيب

تحياتي

سقراط

[Sharkiah]

الله الله ايه الموضوع يا أستاذ شرقيه يعنى تغيب تغيب و لما ترجع عايز تناكفنى انا و الله شبعانه مناكفات من اللى بره و اللى جوه ....و ايه حكاية انك متوقع كل كلمه فى كلامى دى عموما يا سيدى دى حاجه تسعدنى على الأقل لما أخد أجازة من المنتدى اديك الpassword بتاعتى و ابقى ادخل اكتب على لسانى .......بس ايه حكايه التوجه الأيدولوجى لرئيسة لجنة المراه دى ؟؟ ده كلام كبير و بالمره نفسى بجد و عايزه اعرف ايه هو اللى كنت كتبته لإستفزازى من اسبوعين و عنوان التوبيك كان ايه بجد عايزه اعرف أحسن التوتر مش كويس علشانى ..... 

المهم ياسيدى كنت بتقول رأيي فى الأسماء اللى انت ذكرتها : 

1- نوال السعداوى ما احبهاش و لا تعجبنى ارائها و بالمره فكرتنى اول ما ابتديت اكتب باسم فريده كان فيه زميل كل ما اكتب حاجه يقولى اراء نوال السعداوى و فيفى عبده مش عارفه ايه علاقتهم ببعض فتخيلت انك ممكن تسألنى عنها هى كمان 

2- اقبال بركه .... شرحه 

3- فريده النقاش ما قريتلهاش كتير 

4- حسن شاه بتعجبنى ردودها القويه على الرسائل اللى بتوصل لها فى اخبار اليوم 

5- صافى ناز كاظم باحبها جدا رغم انها شعنونه حبتين 

6- نعمات احمد فؤاد سيده محترمه و جاده و لها وقفات حاسمه مع روقه وزير الثقافه بس باخد عليها دفاعها المستميت عن الفراعنه برغم ان لهم عيوب كثيره 

..... اى خدمات تانيه احنا فى الخدمه

الدكتوره فريده ـ بإعتبار ماسيحدث قريبا بإذن الله تعالى

أنا خلاص بخبث ودهاء شديدين أحسد عليهما عرفت التوجه الأيدلوجى بتاعك ؛ وعموما مما يسعدنى ويثلج صدرى ؛ وأزعم أن الجميع يشاركونى هذا الإحساس ؛ أن الغالبيه ـ إن لم يكن الكل ـ من آنسات وسيدات المنتدى يتميزن بالإلتزام الدينى ؛ وأسأل الله أن يثبتنا جميعا ويديم نعمائه علينا

مناكفتى السابقه لك كانت فى الشكوى التى أوردتيها من حوالى أسبوعين عن إلغاء لبعض مواضيعك رغم عدم مخالفتك لقواعد المنتدى وقيام محاوريك بالمخالفات ؛ فأنا كتبت فور نزول موضوعك مناكفه صغيره أقول فيها يعنى مش إلغاء الموضوعات كمبدأ هو ما تشتكى منه ولكن فقط مداخلاتك ؛ وفكرتك بعباره كنت ضحكت أمام الشاشه لما قرأتها وكنتى كتبتيها فى موضوع تعدد الزوجات إن "الرجاله عينهم زايغه وبيدوروا على حقوقهم بمنكاش فلازم الستات كما تدور على حقوقهن بمنكاش" ؛ بس عموما أنا دلوقت سعيد جدا ومبسوط لأن توجه رئيسه لجنه المرأه فى المنتدى مخالف لتوجه نوال السعداوى وإقبال بركه

ربنا يقومك بالسلامه إن شاء الله وتجيبى لنا ولد ويتربى فى عزك إنت وزوجك الفاضل ويكبر ويصبح رجل ويدور على حقه بمنكاش

[Farida]

الأستاذ شرقيه

و الله انا بيسعدنى انك دايما مهتم بمداخلاتى و عموما انا خلاص خدت على المناكفات زى ما قلت لك ... اما بخصوص التوجه الإيدولوجى اللى حضرتك بتقول عليه و حكايه رئيسه لجنة المرأه دى كبيره على حبتين و الدكتورة دى برضه لسه ربنا ما حننش قلوب المشرفين على ...

ما علينا انا كنت عارفه ان حضرتك عايز تعرف التوجه بتاعى زى ما بتقول بس الحقيقه انا باحب اسمع لناس كتير و من توجهات مختلفه واتعلمت انى لما اقرا لحد مش لازم اخد كل توجهاته لأ ارفض ما أراه خطأ و برضه مش لازم ارفض كل توجهاته لأ اخد ما اراه صحيح .... و فى النهايه لى مرجعى الدينى و الأخلاقى الذى يفرق بين الصح و الخطأ علشان كده لا حرج ان التقت افكارى مع من ارفض توجهاتهم و العكس بالعكس ...

أما بخصوص القادم الجديد شكلها كده كمان بنوته مع ان كان نفسى يبقى ولد علشان اعلمه ازاى يحترم المرأه و يبقى راجل بحق و حقيق , و يعاملها زى ديننا الجميل ما أمر لكن الحمد لله ربنا شاء انى اكون ام لبنات اربيهم و الله المستعان و اوعيهم و و أعرفهم حقوقهم وواجباتهم و اطلعهم باذن الله مخربشات و مناكفات زى حالاتى كده.. و هم بقه عليهم يجيبولى الرجاله جاهزة من غير تعب و شقا

[فــيــروز]

يا فريده يا بنتى البنات يدخلوكى الجنه ان شاء الله اما تحسنى تربيتهم .. وكمان الواحد يعرف يدلعهم و يجيبلهم هدوم ملونه و يعمل شعرهم ضفاير و يحكى معاهم حواديت و حاجات كتير صعب تعمليها مع الاولاد .. على العموم كل اللى يجيبه ربنا كويس و ربنا يقومك بالسلامه ان شاء الله :) بس انا عاوزه من السبوع و المغات و كل حاجه :)

[Farida]

كل ده و انا بنتك ده انتى اللى بنتى يا فيروز المهم البنات نعمه الحمد لله و كل اللى قلتيه مضبوط انا ابن اختى مش عارفه اتفاهم معاه و مش عارفه العب معاه ..... اما بخصوص المغات و السبوع ربنا يقومنى بالسلامه الأول و كل طلباتك اوامر و عقبالك ان شاء الله

[فــيــروز]

ميرسى يا جميله ربنا يخليكى