قرار العودة امته هاتاخده

[hemaya]

جئت للسعودية وكلي امل ان ابني مستقبلي من 6 سنوات كنت ساعتها لسه متخرج ومع اني مبرمج جيت علي وظيفة مدرس حاسب في مكان صحراوي في الجنوب وعشت الذل علي اصوله وكنت باخد 1400 ريال طبعا مكنش بيفضلي اي حاجة وكانت حالتي بؤس المهم الحمد لله الأيام مرت وحصل مشاكل ونقلت كفالة بعد مادفعت 5000 ريال للناس دول علشان يسيبوني وبعدين اشتغلت اعمل برامج حر ؛ المهم دخلي اتحسن شوية ؛ لكن بعد مرور 3 سنوات لقيت ان زمايلي اللي كانوا معايا في شركة في القاهرة رواتبهم احسن مني ؛ قولت ده نصيب ؛ ولأني بكره العيشة في القاهرة جدااااا والبرمجة ساعتها كات مش موجودة الا هناك فمنزلتش مصر ؛ ومرت الأيام وكل تفكيري كان منصب علي الفلوس وازاي اعمل فلوس علشان انزل مصر ؛؛ لكن توفي ابي ولم اره منذ عامين ؟ حمدت الله علي كل حال لكني وقفت مع نفسي هل الغربة تساوي كل هذا // وماذا سيحدث عندما يصبح معاك فلوس // اكيد هتفكر تجيب اكتر يعني دوامة // وف الآخر يفارقك اللي ضيع حياته علشانك // كلها حسابات تداخلت مع بعضها البعض // المهم اخدت القرار اللي كان لازم اخده من زمان // وهو العودة النهائية لمصر لكي اكون بجوار والدتي المسنة لأرعاها // واللي يحصل يحصل // طبعا انا متزوج وعندي ابن // وكل تعبي في الغربة 6 سنوات من الإهانة والذل و .... وكام اللي معايا ؟؟؟؟؟؟ كل اللي معايا يا اخواني 60.000 ريال سعودي /////

شكرا لمروركم واتمني ان تستفيدوا من تجربتي ////

تم تعديل 9 أبريل 2009 بواسطة hemaya

[elfakhrany]

أخى العزيز hemaya

أدركت من حديثك أنك نسيت شيئ من أهم الأشياء اللتى يفتقدها الكثيرون فى هذا العصر وهى الرضـــــــــا

* حين نـُحرم الرضا ... يضيع كل شيء

تختنق البسمات ، تشتد البليّات ، وتعظُم المهلكات .

* حين نـُحرم الرضا نفقد الإحساس بكل شيء

تضيع النيات ، تتبعثر الأطروحات ، وتنهار السامقات .

* حين نـُحرم الرضا....ينتهي كل شيئ

تتمزق الأركان ، وتصفق الأيدي خسارة الدنيا .

* حين نُحرم الرضا .. فطريقنا مسدود ...وسؤالنا مردود.... ونورنا محجوب.... وهمنا مغلوب ...

* حين نـحرم الرضا ... لن نـحصد سوى الحسرة .. وما أشقانا !!.

**** أيها الإنسان أناجي قلبك ..

فيا إنسان .. لا يُشقيك حرمان الرضا .

يا إنسان ... كل جراح الحرمان تندمل إلا جُرح حرمان الرضا ..

يا إنسان .....مسكين إن حُرمت الرضا فهمومك لمن تبثها !!

وأشجانك تبعثها لمن ؟!!

كيف لا وقد حُرمت كل شيئ .. أوليس الرضا كُل شيئ

دموعك لمن ... وشكواك إلى من ....:

كيف لا وقد حرمت العطا من المعطي

كيف لا وقد قُوبلت بالجفا من رب الأرض والسماء .

كيف لا وقد فقدت المعين والمجيب والقريب والنصير والحبيب ... فواه لك !!!!

أعلمت الآن ما أقسى حرمان الرضا .!!!

مصائب وابتلاءات .. محن وفاجعات تعصف بكل فرد ؛ تقذف به هنا وهناك ، ولكن من سكن الرضا قلبه حوقلت أركانه وغشيته الرحمة ،

فظل رغم الأذى يكسوه الرضا ... ويا روعة ذلك !!!

من منا لم يئن من المصيبة ، ويبكي الألم

من منا لم يمزقه حدث ، ويهزمه جرح

والله لا أحد ... أجزم بها على اختلاف الالآم

هنا فقط يفيض نور الرضا يهِبُه الله لمن يحب ......... فما أروع الحب والرضا !!

فالرضا تمام المحبة ويعقبه الاقتراب فما أروع أن يقترب العبد من جلال المولى جل وعلا فيعيش عذب المحيا وإن تراءى للناس الشقاء .

أغلب الأشياء في هذا العالم المظلم تُبعدنا عن الرضا تجعلُنا نستسيغ الحرمان ، ونحن بكل سذاجة نقبلها وبـحب أيضاً ... ياه ما أشد سذاجتنا !!!!!

تعال معي واجعل بين يديك كتاب ربك ..

واقرأ قوله تعالى ... {إِنَّ الَّذِينَ آمَنُوا وَعَمِلُوا الصَّالِحَاتِ أُوْلَئِكَ هُمْ خَيْرُ الْبَرِيَّةِ جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا رَّضِيَ اللَّهُ عَنْهُمْ وَرَضُوا عَنْهُ ذَلِكَ لِمَنْ خَشِيَ رَبَّهُ ) سورة البينة

وأقرأ قوله تعالى .{ {قَالَ اللّهُ هَذَا يَوْمُ يَنفَعُ الصَّادِقِينَ صِدْقُهُمْ لَهُمْ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا أَبَدًا رَّضِيَ اللّهُ عَنْهُمْ وَرَضُواْ عَنْهُ ذَلِكَ الْفَوْزُ الْعَظِيمُ} (119) سورة المائدة

وأقرأ قوله تعالى .{ {يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللّهِ وَلاَ يَخَافُونَ لَوْمَةَ لآئِمٍ ذَلِكَ فَضْلُ اللّهِ يُؤْتِيهِ مَن يَشَاء وَاللّهُ وَاسِعٌ عَلِيمٌ} (54) سورة المائدة

وأقرأ قوله تعالى . ٍٍ{وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبًّا لِّلّهِ وَلَوْ يَرَى الَّذِينَ ظَلَمُواْ إِذْ يَرَوْنَ الْعَذَابَ أَنَّ الْقُوَّةَ لِلّهِ جَمِيعاً وَأَنَّ اللّهَ شَدِيدُ الْعَذَابِ} (165) سورة البقرة 2222

وقوله تعالى . {فَأَنذَرْتُكُمْ نَارًا تَلَظَّى لَا يَصْلَاهَا إِلَّا الْأَشْقَى الَّذِي كَذَّبَ وَتَوَلَّى وَسَيُجَنَّبُهَا الْأَتْقَى الَّذِي يُؤْتِي مَالَهُ يَتَزَكَّى وَمَا لِأَحَدٍ عِندَهُ مِن نِّعْمَةٍ تُجْزَى إِلَّا ابْتِغَاء وَجْهِ رَبِّهِ الْأَعْلَى وَلَسَوْفَ يَرْضَى} (21) سورة الليل

و قوله تعالى {لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ} (22) سورة المجادلة

وقوله تعالى {فَاصْبِرْ عَلَى مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا وَمِنْ آنَاء اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَى} (130) سورة طـه

وقوله تعالى {وَلَسَوْفَ يُعْطِيكَ رَبُّكَ فَتَرْضَى} (5) سورة الضحى

**** حتى لا تُحرم الرضا فكر بقلبك هُنا أرجوك ....

• حين تقدم الإبداعات وتسعى للإنجازات ... لا يعني ذلك أنك هٌديت إلى الرضا . حتى يعرف قلبك معنى الرضا ويطلبه .

• اعقد العزم بحب الله والعمل له وفق صحيح المنهج وكلك رجاء بالوصول إلى رضا الله .

• قال أبو موسى الأشعري رضي الله عنه ( إنما تسبق من الخيل المُضًمّرة ) .

• قال حماد بن سلمه رحمه الله ( مهما سبقت فلا تُسْبًقنّ بتقوى الله ) .

• قال معاذ بن جبل رضي الله عنه ( إن العلم والإيمان مكانهما من ابتغاهما وجدهما ) .

• قال عليه الصلاة والسلام (ما من مسلم يقول حين يمسي وحين يصبح رضيت بالله ربا وبالإسلام دينا وبمحمد نبيا إلا كان حقا على الله أن يرضيه يوم القيامة ) صحيح من طريق أبي سلام رضي الله عنه .

• اتجه إلى طريق الرضا وحتماً ستجده حين يكون في جوفك صدق الالتجاء إلى الله وسترى الرضا يغشاك والسعادة ترتع في قلبك ...... وحينها ما أهنأ عيشك والله .

• قال صلى الله عليه وسلم : (إن المعونة تأتي من الله للعبد على قدر المؤنة ، و إن الصبر يأتي من الله على قدر المصيبة) صحيح الجامع من طريق أبي هريرة رضي الله عنه .

• أصلح سريرتك ترزق بالرضا ولا بد .

• البحث عن مُعين يدفعك إلى الرضا مطلب مهم ... يا باغي الرضا .

• حدد معيارك نـحو الوصول واسرح بفكرك نـحوه .........وأنا أجزم بوصولك.

• لابد أن تثري حياتك بكل ما يزيد من سموها ورفعتها .

• لا بد أن يكون توجهنا في الاتجاه الصحيح لما يزيد من أفق الخير والرضا . ...

• لا بد أن تطلب الرضا ... لتنال القرب .

تم تعديل 9 أبريل 2009 بواسطة elfakhrany

[شاب مصري]

أيوة الرضا شئ جميل بس الفلوس شئ مهم جدا وبلاش نضحك على نفسنا .

[hosambob]

ربنا يوفقك و يسهل الأمور ..

علي فكرة انا يمكن ظروفي زي ظروفك ( انا مدرب كمبيوتر ICDL ) و كنت شغال في شركة كبيرة في مصر

بس للأسف كنت افتكر ان السفر راح يضيف لي شئ جديد و يحسن الامور المالية بس بقالي دلوقتي 6 شهور معملتش ريال واحد

الحمد لله ... ربنا يكرمني و اقدر اخد زيك قرار الرجوع لمصر و لزجتى و ابني اللي بموت فيهم جدا جدا جدا

يارب ادعولي يا جماعة

[Alattar]

السلام عليكم و رحمة الله

أخي الكريم..أنا تقريبا نفس ظروفك بس الحمد لله والدي لسه عايش

أنا برضه أعمل مبرمج بالرياض..و أول ما جيت كان راتبي برضه في حدود 2000 ريال شاملين حاجات كتير

و الحمد لله دلوقتي لما اتنقلت للرياض..دخلي اتحسن كتير.. من فضل الله تعالي.

بفكر والله في الموضوع ده كتيييير..و امتي هنرجع..و بصراحة أنا نفسي أرجع النهاردة قبل بكره.

بس أنا حددت هدفين رئيسين ان شاء الله أخلصهم و أنزل فورا..أولها..اني أحج ان شاء الله أنا وزوجتي

و بعدين أخلص دين صغير كده علي والدي..و بعد كده ان شاء الله هانزل فورا..رغم اني راتبي هنا ده

ما كنتش أحلم بيه..بس زي ما انت قلت..كل ما هتجيب فلوس هتبقي عاوز أكتر.

ولو دخلنا في الدوامة دي عمرنا ما هنخلص.

[HassanAboali]

أخي ما شاء الله إنت ترجع لوالدتك لأنه واجب عليك تكون جنبها وماشاء الله المبلغ إلى معك كويس جدا أحسن من إلي مش معاه خالص وعايش وراضي ربنا يرزقنا الرضا وأكيد هتاخد على المعيشة في مصر مع الوقت وربنا يجعل بار بأمك

[doha]

استخير ثم استخير ثم استخير ..

قرارك مصيري فلازم تتروى قبل اتخاذه ..

لو نويت خلاص ترجع فقبل ماتبيع القضية تأكد الاول ان عملك في مصر موجود ومتاح .. لو الحكايه على رعاية والدتك فاكيد ده حقها وكلنا هنكون مكانها في يوم من الايام فلازم نعمل حساب اليوم ده لكن برضه زوجتك وابنك لهم عليك حق فلو رجوعك لمصر هيكون على غير عمل خاصه اني فهمت من كلامك انك من الاقاليم ودول شغل البرمجه عندهم مش قد كده للاسف فبرضه فكر الف مرة قبل ماتضحي بكل شيء وترجع للمجهول ..

عن رايي في حل وسط .. انك تستقدم والدتك للعيش معك وفورا وتحط هدف امامك انك ترعاها في سنها ده وتوفر لها كل سبل العنايه بحيث تبقى قايم بحقها عليك ..

لو حضورها لعندك صعب لوجود اخوه تانيين مثلا متقدرش تتركهم او ماشابه ففكر الف مرة قبل ماتستمر في غربتك ولو لقيت ان مقدامكش غير كده في الآخر يبقى استسمحها في وجودك وحاول تعوضها باي طريقة تانيه ولو ماديه ويبقى حد منكم يرعاها شخصيا والثاني ماديا وهكذا..

بالنسبة لوالدك الي توفي فالله يرحمه متعذبش نفسك بوفاته وعزائك انه اكيد مات وهو مطمئن عليك .. يعني كان ممكن يموت لاقدر الله وانت لا متزوج ولا بتعمل وفي الحاله دي كل ماتحقق نجاح في حياتك الشيطان مكانش هيسيبك ويقولك ياريته شافك وانت في الحاله دي .. لكن هو الحمد لله مات وهو مش شايل همك وانت جزئيا واقف على بر الامان فالحمد لله انه وصل للمرحلة دي وبرضه وجودك بجواره مكانش هيمنع ان الله يسترد امانته فمتلومش نفسك على حاجه انت ملكش فيها يد وحاول تعوض بانك تعتمر عنه او تحج ودي اكبر هديه ممكن تؤديها له بعد وفاته رحمه الله ورحم اموات المسلمين جميعا ..

برضه في حاجه مهمه جدا وهي راي زوجتك في الوضع الحالي مينفعش تقرر لوحدك اكيد لازم تشوف هي رايها ايه عشان يكون قرراركم مشترك فزي ماهي هتتحمل معاك تبعة القرار ده ايا كان يبقى تشارك معاك في اتخاذه ..

واخيرا متخليش العاطفة تغلب على العقل .. ولابرضه الماديات على جوانب الحياه التانيه .. يعني مقولش انا هرجع عشان اهلي وحشوني بعدين اروح الاقي كل واحد منهم في وادي وانا في وادي ومش بشوفهم غير مرة في الشهر .. او ارجع عشان اعتني بوالدتي واروح اسيبها في شقتها وانا في شقتي وكل ماشوفها ارفع صوتي عليها وانكد الدقيقتين الي قاضيهم معاها .. وبرضه مقعدش في السعوديه وانا مغصوب ومضروب واقول اهو كفايه جوار الحرم وانا مببصش عليه غير كل سنتين مرة ..

ساعات البني آدم بيكون زهقان من شغله في السعوديه وتعبان فبيتخيل ان مصر هي الراحه وهي الملاذ فبيجيب الف عذر عشان يرجعها وساعات برضه العكس .. يكون طالع عينه في مصر وفاقد الامل من اي شيء فيقول انا اهرب واروح السعوديه وكل الامور هتنحل ..

الواقعيه مطلوبه فانت قيم وضعك هنا وهناك ولو لقيت ان دلوقت في اللحظه الراهنة وجودك هنا افضل وعلى المدى القصير خليك . لو لقيت وجودك في مصر افضل برضه وعلى المدى البعيد ارجع .. ولاحظ ان السعودية مش دايمه ومصر مش هتطير انما هي المحطه النهائية .. يعني لو مصلحتك فيها ولو مؤقته خليك في السعوديه بس اعمل لآخرتك وختامك الي مهما طول هيكون في مصر ..

وبرضه اقول .. استخير .. ثم استخير .. ثم استخير ..

[سهل جدا]

وهو العودة النهائية لمصر لكي اكون بجوار والدتي المسنة لأرعاها // واللي يحصل يحصل

إذا كانت ديه نيتك في الرجوع إلى مصر , فأسأل الله أن ييسر لك الرجوع ويبارك لك في عمرك ومالك وولدك ووالدتك

قال ابن عباس رضي الله عنه: لا أعلم عملا عند الله أعظم من بر الأم

وحاشى لله أن ينسى من يفكر بهذه الطريقة ويرعى أمه

وعلى فكرة مبلغ 60 ألف ريال (90 ألف جنيه) لا بأس به في مصر , ممكن تفتح به محل صغير واللي يطلعلك تاكل منه إنت وعيالك

أنا حاليا في مصر في أجازة وقابلت أصحاب كثير عمرهم من عمري وما شاء الله , بعضهم أمورهم كويسة ومنهم اللي وشك إنه يكون مليونير وبالحلال

وعلى فكرة أنا بفكر أعمل زيك قريب .. بس لسه في مرحلة الاستخارة والاستشارة

اللهم اقدر لنا الخير حيث كان ..

[أحمد سيف]

لكني وقفت مع نفسي هل الغربة تساوي كل هذا

طبعا الغربة لا تساوي 1400 ريال شهريا ... إنما لو كانوا 14000 شهريا طبعا كانت الحسبه هاتختلف

علشان كده أنا بأقول دايما لاخوانا المستعجلين ييجوا السعودية على أي حاجه بلاش تيجي إلا على حاجه عليها القيمة (وفيه ناس بتزعل مني)

يعني لو عازب ما تجيش على أقل من 4000 ولو متزوج ماتجيش على أقل من 6000 ... والأرقام تقريبية طبعا

كلامي على الجامعي اللي ظروفه في مصر معقوله يعني مستقر في شغله وبياخذ مرتب متوسط (1000-2000 جنيه)

والمعادلة مرة ثانيه باكتبها

الطرف الأيمن: الفلوس اللي بتاخذها في مصر + المميزات والفوائد اللي بتجنيها من قعدتك في مصر (أهلك - خبره - تعليم) + المشاكل اللي هاتلاقيها لما تتغرب (عنصريه - عدم استقرار - غلاء)

الطرف الأيسر: الفلوس اللي بتاخذها في الغربه + مميزات العيشه في الغربه (راحه - نظافه - حريه دينية) + المشاكل اللي عاوز تتجنبها في مصر (أمراض - فساد وقلة أدب - مشكلات أسرية أو أمنية)

لو الطرف الأيمن أكبر من الطرف الأيسر خليك في مصر ولو العكس سافر

وكل واحد يعرف يقدر ظروفه ويحسب حسبته

تم تعديل 9 أبريل 2009 بواسطة أحمد سيف

[KINGCAT]

اخى الفاضل لا نملك لك الا الدعاء(اللهم يسر له امره واشرح له صدره ووفقه للقرار الصحيح

وان شاءالله بفضل رضاء الست الوالدة ودعاؤها سيعوضك الله خيراويريت تأخذرأىالوالدة؟؟؟؟

[الأمير العاشق]

بسم الله الرحمن الرحيم الاخ الكريم اول حاجة اقولهالك فعلا الاستخارة وربنا يوفقك للخير لكن بقلك على تجربتى انا جيت السعودية من 3 سنين انا مصمم جرافيك وكان الشغل كويس ايوة المرتب كان 2000 ريال وكل حاجة على المؤسسة وده كان كويس مبدئيا بس الحنين للاهل والبلد كان دايما معايا قعدت سنة ونزلت اجازة ورجعت بعد 3 شهور تانى للسعودية وفى كل ده اقول لنفسي ليه الغربة بلدنا افضل الواحد لو اشتغل فى بلده الشغل ده هيكسب اكتر وقررت بعد 3 شهور انى انزل ونزلت مصر اشتغل فى مجالى وبعد سنة اكتشفت انى معملتش حاجة وندمت انى رجعت وادينى راجع تانى ان شاء الله وربنا سهل والمؤسسة بعتتلى تانى فارجوا انك تفكر كويس جدا جدا وتستخير ربنا ومتفتكرشي ان بلدنا خضراء ومفروشة بالورد هتلاقى حاجات كتير اتغيرت والفرص قلت وتضيع منك السنين وتندم وان شاءاللهربنا يكتبلك الخير والصواب

[Amr Radwan]

اقدر اقولك .. ربنا ييسر لك الحال سواء في مصر او السعودية ..

و لكن لابد ان تسال نفسك سؤال مهم ..

هل انت مقنع فعلا بالرجوع لمصر ؟ يعني لما ترجع مصر ان شاء الله بالسلامة و تبدأ تتاقلم في الحياة في مصر .. هل بعد فترة هتندم و ترجع تقول يا ريتني فضلت هناك .. انا كان زماني كذا و عملت كذا ؟؟!؟! و لا هتفضل علي رايك و تستمر في حياتك في مصر و تتاقلم عليها و تتعايش معها ؟

لو فعلا الخيار الاول هو اختيارك ..انصحك بشدة في الاستمرار في العمل في السعودية و ان تتاقلم فيها و تتعايش معها .

لو الخيار التاني هو خيارك .. ارجع مصر و ربنا يوفقك ان شاء الله

الخيارين امامك الان و انت من يقرر و يحكم في ضوء المعطيات التي امامك ..

و انصح اي حد عاوز يسافر السعودية او اي دولة من دول الخليج او دولة اخري .. انه قبل ما يسافر لازم يكون له هدف او مجموعة من الاهداف عاوز يحققها و فور تحقيقها يرجع علي مصر تاني .. انما تروح السعودية او الخليج و انت مش عارف انت عاوز اية .. او نفسك تحقق اية .. ده معناه حاجة واحدة بس .. انك هتفضل طول عمرك في الغربة ..

انا من وجهة نظري ان الغربة ما هي الا مرحلة من مراحل حياة الانسان الطموح لتحقيق بعض اهدافه ثم الرجوع الي ارض الوطن لتحقيق باقي الاهداف

[justtrying]

اقدر اقولك .. ربنا ييسر لك الحال سواء في مصر او السعودية ..

و لكن لابد ان تسال نفسك سؤال مهم ..

هل انت مقنع فعلا بالرجوع لمصر ؟ يعني لما ترجع مصر ان شاء الله بالسلامة و تبدأ تتاقلم في الحياة في مصر .. هل بعد فترة هتندم و ترجع تقول يا ريتني فضلت هناك .. انا كان زماني كذا و عملت كذا ؟؟!؟! و لا هتفضل علي رايك و تستمر في حياتك في مصر و تتاقلم عليها و تتعايش معها ؟

لو فعلا الخيار الاول هو اختيارك ..انصحك بشدة في الاستمرار في العمل في السعودية و ان تتاقلم فيها و تتعايش معها .

لو الخيار التاني هو خيارك .. ارجع مصر و ربنا يوفقك ان شاء الله

الخيارين امامك الان و انت من يقرر و يحكم في ضوء المعطيات التي امامك ..

و انصح اي حد عاوز يسافر السعودية او اي دولة من دول الخليج او دولة اخري .. انه قبل ما يسافر لازم يكون له هدف او مجموعة من الاهداف عاوز يحققها و فور تحقيقها يرجع علي مصر تاني .. انما تروح السعودية او الخليج و انت مش عارف انت عاوز اية .. او نفسك تحقق اية .. ده معناه حاجة واحدة بس .. انك هتفضل طول عمرك في الغربة ..

انا من وجهة نظري ان الغربة ما هي الا مرحلة من مراحل حياة الانسان الطموح لتحقيق بعض اهدافه ثم الرجوع الي ارض الوطن لتحقيق باقي الاهداف

اتفق تماما ما تفضل به الأخ الفاضل

[hemaya]

شكرا لنصائحكم الغالية وأحب اني اوضح ان انا مينفعش اخد رأي والدتي لأنها طبعا هتفضل مصلحتي ؛ أما بالنسبة لي فمصلحتي اني اكون بجوارها ؛ وبالنسبة لرأي زوجتي هي متفهمة للوضع والحمد لله ؛ وأنا بحاول دي الوقتي اني اقدر افضل اعمل مع الشركة اللي انا فيها من خلال الإنترنت ولو حتي براتب قليل ؛ وربنا يسهل الأمور باذن الله