الذنب ذنب مين ياجماعه

[السيد توفيق]

اطلعت على عدد من المشاكل التي يواجهها المصريين عند السفر للخارج ولعل السبب الرئيس في تلك المشاكل هو المصري وليس السعودي أو الكويتي أو القطري .........الخ

وبما أني أعمل بالسعودية سيكون حديثي عنها ... فالمواطن المصري عندما يتلقى عقد عمل من السعودية يقوم بالاطلاع على بنود العقد كاملة فالعقد لايكون صحيح إلا بتوقيع الطرف الثاني ( المصري )

يقوم الطرف الثاني بالموافقة والتوقيع دون تردد وبعدها يقوم بتهيئة نفسه للسفر للسعودية وعندما يصل يتفاجئ بأن هناك مصريين يعملون بالسعودية أقل من مؤهله العلمي وخبراته العملية يتقاضون أضعاف مايتقاضاه بل يجد أنهم يركبون سيارات حديثة ويحصلون على مميزات وحوافز وهنا يصاب الطرف الثاني بالاحباط ويعض على اصابعه لانه وافق على ذلك العقد كذلك سيجد أن بعض أصحاب الشركات السعودية المنافسة تعرض عليه عقود براتب ومميزات أفضل ولكنها عقود ( داخلية ) تشترط نقل الخدمات ! فكيف يترك العمل وهو اتى من مصر ليعمل بشركة معينة وحددة بالعقد ومن الطبيعي أن الشركة لن تخلي طرفه ليعمل لدى شركة منافسة لهم لان نقل الخدمات من شركة لشركة سيكلف الشركة مصاريف إدارية ضخمة والحكومة لن تعوضهم عن عقود العمل التي نقلوا خدمات اصحابها

فهنا الذنب ليس ذنب صاحب العمل السعودي أو حتى مكتب انهاء اجراءات العماله في مصر فالذنب ذنبك يامن قبلت بالعقد

هذه معضلة يا احبه لاحظتها بشكل كبير وقد قابلت ليلة البارحة زميل مهندس تعاقد قبل اسبوع مع شركة براتب 4000ريال وبعد أيام فوجئ بأن زميل له اخر تخرج معه يحصل على مرتب 6000 ريال + سيارة موديل حديث

والصدمة اليتي سيصدم بها كل من سيأتي السعودية سيجد واد صنايعي مصري مش يحمل أي مؤهل علمي ولا يعرف يقرأ أو يكتب يعمل ميكانيكي ولا كهربائي ولا اي شغله صنايعيه بيكسب ذهب

تم تعديل 10 أبريل 2009 بواسطة السيد توفيق

[ذهبية]

المصرى غلبان و مفيش فى ايدة حيلة يا ام الاستقرار فى بلد حالتها الاقتصادية من سىء الى اسوء لا ام السفر و لغربة و البهدلة مهما كان هيكون احسن من هنا

حضرتك قولت فى تعليقك انهو لما بيوصل هناك بيتفاجا ان غيرة بياخد اضعاف مرتبة من اين لة اين يعرف قبل السفر وهو اصلا مش طايل اى فرصة سفر

اعتقد انها قلة ذمة من الجانب الاخر اللى بيبخس حقة و يجيبة برخص التراب لا تقول لماذا وافق لان الشغل براتب قليل احسن من البطالة

و بيكون عارف كويس انة لو رفض العقد دة هيجى غيرةهيقبل بالعقد دة واقل كمان دة استغلال من الطرف\ الاخر لظروفنا الاقتصادية

دى وجهة نظرى

ذهبية

[Egypt]

ايه ياعم دى ارزاق

وليه الحقد والضغينه بينا يامصريين

المهندس اللى راتبه 4 رزقه كده واللى بياخد سته رزقه كده

والناس اللى بتاخد اكتر واقل فى الشهاده ...مين قالك انهم ماتعبوش لما وصلوا لهذا الراتب

ربنا يرزقنا جميعا

[Amr Radwan]

طبعا كما قال الاخ ايجبت .. دي ارزاق .. بس المشكلة في حاجة تانية خالص .. ان اللي بيجيله عقد بيحوله لمصري و يقعد يحلم بانه هيوفر 99،99% من الراتب و لما يجي الخليج يلاقي ان احلامة كلها طارت في الهوا لما يلاقي السكن غالي و اللموزين غالي و الاكل غالي و الميه بفلوس و كل حاجة بفلوس .. ساعتها بيحس انه وقع في الفخ ... و بيبدأ ساعاتها يخرج من الفخ و يبحث بإراتده عن فخ اخر يضع فيه نفسه ..

و دمتم

[الجدار]

والصدمة اليتي سيصدم بها كل من سيأتي السعودية سيجد واد صنايعي مصري مش يحمل أي مؤهل علمي ولا يعرف يقرأ أو يكتب يعمل ميكانيكي ولا كهربائي ولا اي شغله صنايعيه بيكسب ذهب

سامحني معلش اني حطلع برا الموضوع شوية

أنا مش عاجباني الجملة دي يعني حاسس ان فيها احتقار لمهنة الفني أو لغير ذوي الشهادات وده غلط لأن المهن الحرفية ماتقلش عن اي مهنة تانية

وفي العالم كله الفني بينظر اليه على انه يد التكنولوجيا

يا ريت مانحقرش في حد لأن زي ما الأخوة الأفاضل قالوا ان ده رزق ونصيب

الحمد لله اننا لقينا حد يصرف علينا علشان نتعلم غيرنا بيجروا على عائلات كامله من وهما أطفال وده مايعيبش فيهم بالعكس ده يرفعهم لفوق

ويكفي انه بيشتغل بعرقة ولو المهندس مش عاجبه راتبه ينزل يشتغل صنايعي ويكسب دهب برضو.

شكراً لسعة صدرك

تم تعديل 11 أبريل 2009 بواسطة الجدار