استودعكم الله

[حشيش]

عقلى الباطن: فيه أعضاء كتير بيقولوا إنهم حيسيبوا المنتدى وبقية الأعضاء يقعدوا يتحايلم عليهم علشان  ما يمشوش...حعمل إنى حسيب المنتدى وأشوف حيمسكوا فيه ولا حيقولولى مع السلامة ياحيلة...المركب اللى تودى...

الأخوة والأخوات الأعزاء

بعد صراع مرير مع النفس قررت أن أرحل عن عالمكم إلى أفاق أرحب وألذ...ألذ...ألذ................والأن استودعكم الله

عقلى الباطن: ودلوقتى بقه ألبد واشوف حيعملوا إيه

[فــيــروز]

ودلوقتى بقه ألبد واشوف حيعملوا إيه

عقلى الباطن : يا ترى هيلبد فى الدره ولا فى حشيش !!

[linux]

بعد صراع مرير مع النفس قررت أن أرحل عن عالمكم إلى أفاق أرحب وألذ...ألذ...ألذ................والأن استودعكم الله

]

طيب ما تنساش تجيب لى مكعب مرقة دجاج ماجي "لو" رجعت !!

[linux]

عقلى الباطن: هوا مشي بجد؟!  خلاص ياجماعة ... الدار أمان ... كله يطلع من المخبأ ... حشيش مشي خلاص ...

[Scorpion]

حشيش.. و عهد الله انت مستحيل يا راجل... مش ممكن اللي بتعمله ده انت حكاية يا جدع.. الله يجازيك و يجازي عقلك الباطن.. خليتني اصحي الجيران من الضحك..

عارف أنا لي أعتراف.. انا أنضميت للمنتدي ده بسببك انت و شعنونة(بجد)... فعشان خاطري لا ترحل.. ام اذا ركبت الحذاء و رحلت.. فرجاء.. كلما قارب قرص الشمس الأحمر المخنوق الي المغيب.. أذكرني

( وش عماد حمدي في فيلم : ما خلاص كبرنا عالكلام ده يا نينا )

[ragab2]

فوق

شوية ياعم حشيش وفكر تانى فى القرار دة

وراجع نَفَسَك

[freefreer]

يا حشيش .. انت "كيف " المنتدى .. ارجوك لا ترحل ..

[سقراط المصري]

حشيش انا مدمنك.

وبعدين لو مشيت هنعدل المزاج إزاي.

روح منك لله خليت الواحد يدمنك.

سقراط

[maksoof]

خليك معانا يا حشيش و مش حتندم. أنا جالى أخبار من مصدر موثوق فيه إن اللجنة العليا للناركوتيات حتصدر قرار قريب جدا بترقيتك إلى رتبة "أفيون ثانى"

وورقك على مكتب الوزير و حيمضيه بمجرد ما يرجع من الأجازة.

[سقراط المصري]

مكسوف كتب:

خليك معانا يا حشيش و مش حتندم. أنا جالى أخبار من مصدر موثوق فيه إن اللجنة العليا للناركوتيات حتصدر قرار قريب جدا بترقيتك إلى رتبة "أفيون ثانى"

وورقك على مكتب الوزير و حيمضيه بمجرد ما يرجع من الأجازة.

هههههههههههههههههههههههههههههههه

حلوه وملعوبه صح.

سقراط

[Guest Mohd Gramoun]

بسم الله الرحمن الرحيم....

لماذا؟؟؟؟

[se_ Elsyed]

وورقك على مكتب الوزير و حيمضيه بمجرد ما يرجع من الأجازة.

قصدك الوزير هايمضي الورق أول ما يفوق .

أنا الوحيد اللي عارف الحقيقة ... حشيش مايقدرش يسيبنا لأن ده المتوى الوحيد الامان له .. وهو بصراحه مطلوب فى مصر في عدة قضايا سواء قضايا كــيف .. او قضايا سياسية لنشاطاته المريبة بالمنتدى .

[جـورج]

عقلى الباطن: ودلوقتى بقه ألبد واشوف حيعملوا إيه

انا رأيى انك تلبد خمس ست شهور لغايه ما تشوف مين مش حيسأل عنك و بعدها تطلع و تطخه

و بكده يبقى اتخلصنا من الاعضاء اللى ما بيسئلوش على بعض

سلم نفسك يا حشيش المنتدى محاصر من كل مكان

[elbana]

:lol: :lol: :lol: :lol: :lol: :lol:

والله يا حشيش إنت عسل ...

من حكمدار مصر القديمة إلى حشيش القاطن بمنتدى المحاورات : لا تشرب الدواء .. الدواء فيه سم قاتل ..

[White heart]

انت باين عليك بتوع

[achnaton]

ما تسمعش كلامهم يا " حشيش " .. خليك كده لابد فى الدرة .. على الأقل انت ضامن " الألاويح " لا تقول فحم ولا دياولوا .. واللى بيقول عليه الأخ وايت هارت برضه حل .. ولكنه فى نفس الوقت حيحل وسطك بعد أن ادمن احد المصريين هناك حكاية هز الوسط وفتح مدرسة لهز الوسط جابها " مستفيد " فى برنامجه الأسبوع اللى فات .. كأحد نماذج نجاح المصريين فى الخارج .. ولو سمعت كلام وايت هارت ورحت أمستردام ممكن تفتح مدرسة " تنفيس بالاوح الذرة " لسة الناس هناك ميعرفوهاش ..

[disappointed]

يا "حشيش"

"مبروم" على مبروم ما "يلفّش"

"فووووق"

و

خد لك "نفس"

وبعدين حنبقى نعمل "قعده" نشوف فيها حل و نبقى نراضبك بــ"قرشين"

وبعدين تمشى تروح فين.....انت "نفسك قصيّر" كده ليه...ده انت لسّه "بالسيلوفانه" بتاعتك يا راجل و مشاركاتك لسّه يادوب حتبتدى "تكركر" و "دماغك" ابتدت "تشتغل" مع "دماغ" الناس...وبعدين قانون المنتدى بيقول أنه لا يسمح لأى عضو بمغادرة القعده قبل ما "يوصل" الى مرحلة "الأفورة"

ولا تنسى أن قانون المنتدى يـنص...يا ربع....يا ثمن

الخلاصه:

"شح" مداخلاتك وانسحابك من "سوق" المنتدى سيفتح الطريق أمام كيوف أخرى.. ومين عارف...يمكن نلاقى بعدها اسم موضوع "عشق المصريين للمانجو" اتغيّر ليصبح "عشق المصريين للبانجو"

[حشيش]

مش قادر أعيش من غير Emoticons ....ساعات أقعد أعيط لوحدى وبعدين أرجع أضحك (مقتبس من نورا)...وساعات أحس إنى خيفة خيفة خيفة (مقتبس من نورا برده)...وساعات بقطع شرايينى وبعدين أقول أنا ليه عملت كده (مقتبس من شعنونة)...وساعات بحس إن الناس بتقول عليه إنى برجوازى ومتسفسط (مقتبس من كاتامندو)...أنا تعبت...مش قادر أتحمل أكتر من كده...............الوداع (وش واحد عبيط)

[nora]

انت اساسا مقتبس الموضوع ده مني انا عرفة عموما انا مبسوطة ان في حد بيقلدني (لسان طولة مترين)

اما ردي على رحيلك

خليك هنا خليييييييييييك بلاش تفارق بتقول يومين وتغيب سنا

بلاش تفارق

خلتني اخاف لما بحس بخطوتك وخداك بعيدددددد

عليك بخاف لما تقول كلمة وداع تاني من جديد

خايفة من بكرة والي حيجري لما تروح

وتغيب سنا وتفوت هنا حبيب مجروححححححح

لاااااااا يا حبيبي لا الفراق دا لا لالالالالالالالا

اه اية رأبك كده

[زهــZــرة]

هههههههههه

موضوع جميل وردود تضبط الدماغ صحيح

خليك ياحشيش ماحدش يقدر يستغني عنك

الاصناف التانية ليست في متناول الجميع