المصريين المغتربين بالكويت

[pocy]

هو الموضوع قلبه كله اغاني وطنية واناشيد حماسية :lol:

احنا في 6 اكتوبر وانا معرفش :blink:

لا يا سمبا بس ده ان الواحد كان هنا والعيد فى مصر شغال ههههههههههههههههه

قال صحيح ان الاكل فى مصر مبقاش ليه طعم ؟؟؟؟؟؟؟؟؟؟؟؟؟؟

والناس مشغوله على طول بعكس الحياه الهاديه ويمكن الرتيبه اللى هنا ؟؟؟؟؟؟؟؟؟؟؟؟؟؟

يعنى انا بقالي فتره مش عارفه اكلم اهلى فى مصر لانهم مشغولين تلات اربع الوقت ومعرفش في ايه ؟؟؟؟؟؟؟؟؟؟؟؟؟؟؟؟؟؟

والحكايات هناك كتيره ومش بتخلص وانا هنا بيقلولوا انى قاعده فى الروقان ؟؟؟؟؟؟؟؟؟؟؟؟؟

والله دى نعمه الواحد مش حاسس بيها والحمد لله على كل شئ

سامح حمد الله على السلامه واول يوم كده رنجه وتسمم ليه بس بلاش تدخل على الرنجه فى الاول خليها حاجه حاجه علشان مش تتعب هههههههههههههههههه

حمد الله هلى السلامه ياتامر اكيد وصلت بالسلامه وربنا يباركلك يارب فى اول يوم دوام

طب ما الدنيا حلوه فى مصر بكارنيه الشرطه طب ما تدينا واحد يا اغابي دول اللى فى المحاورات غلابه برضه هههههههههههههههههههه

رونا اخبارك ايه واخبار الكويت معاكى ايه الجو كان جميل فى سليل الجهرا وكان رطوبه فى لاتينو كافيه فى السالميه وطبعا نفس الحكايه فى سلطان البحر

بس كانت اجازه سعيده واللى كان فعلا منشكح جدا هو عموره لانه اول مره اخرجه كل الخروجات دى كل يوم لمده اربع ايام وبيعد فى اماكن مفتوحه يلعب بالكوره براحته

الا صحيح عايزه اسال هل صحيح ان مواليد الكويت ليهم افضليه فى شويه حاجات كده اللى يعرف يقلي زى النوادى والحاجات دى واللى يعرف نوادى فى الجهرا يقلي علشان عايزه اودى عموره يندمج شويه مع الناس لحد ما ربنا يكرمنى بتعليم واول يوم تدريب هيكون يوم الجمعه ان شاء الله ادعولى انجح مش افشل هههههههههههههههه

[عادل أبو عمر]

بس كانت اجازه سعيده واللى كان فعلا منشكح جدا هو عموره لانه اول مره اخرجه كل الخروجات دى كل يوم لمده اربع ايام وبيعد فى اماكن مفتوحه يلعب بالكوره براحته

الا صحيح عايزه اسال هل صحيح ان مواليد الكويت ليهم افضليه فى شويه حاجات كده اللى يعرف يقلي زى النوادى والحاجات دى واللى يعرف نوادى فى الجهرا يقلي علشان عايزه اودى عموره يندمج شويه مع الناس لحد ما ربنا يكرمنى بتعليم واول يوم تدريب هيكون يوم الجمعه ان شاء الله ادعولى انجح مش افشل هههههههههههههههه

عيد سعيد على الجميع و يارب تكون بداية العمل كويسة بعد الإجازة

بوسي

الأغاني الوطنية مش هتخلص عشان الناس كلها بتحب مصر أكتر ما نتخيل و كل واحد جواه حب لمصر أكبر بكتير من مشاكله و متاعبه في مصر لأنها فعلا تستاهل الحب ده رغم كل شيء ..

ربنا يسعدك إنتي و عمورة و أبو عمورة على فكرة إنا ابني الكبير اسمه عمر عنده 9 سنين و بحب أوي اسمع كلامك عن عمورة ابنك ربنا يحفظه و يبارك لكم فيه وواضح كمان إن جميع الموجودين في الحوارات بيحبوا عمورة لأنه أهم موضوع في حواراتك

ربنا يوفقك وتنجحي في التدريب

[رونا]

رونا اخبارك ايه واخبار الكويت معاكى ايه الجو كان جميل فى سليل الجهرا وكان رطوبه فى لاتينو كافيه فى السالميه وطبعا نفس الحكايه فى سلطان البحر

ميرسى على سؤالك ياقمر

انا الحمد لله كويسة

بس لسة ملخومة فى تظبيط الشقة

مخرجتش غير تقريبا 3 مرات

بس الصراحة عاجبى الجو

ومفيش رطوبة قوى

مقارنة بالسعودية

اية اخبار السواقة معاكى

على فكرة انابحب السواقة جدا

حتى فى الزحمة ببقى مش عاوزة اروح البيت وافضل مقضياها سواقة

[pocy]

أخى فى الله مارووووووووووو

جزاك الله كل الخير بس المشكله انى قاعده فى البيت ومفيش قدامى غير عمورى واللى باكتشفه بيعرف يعمله او لما بيقلدنى وانا بطبخ يجيب حله ويشتغل يحط فيها بصل ويقطع بالسكينه اللعبه بتاعته ولا لما يخاخد طماطم من التلاجه اللى خلاص بقيت بقفلها بالمفتاح لانه بيدخل جواها ويتلزز بتفتيشها كل دقيتين للبحث عن ماهو جديد وفى الاخر يخرج باى فاكه او طماطم لو الفاكه خلصت او يقلي عايز عشير اللى هى عصير يعنى لو بلن او عايز لبن صدعتك معلش اصل الواد عمورى ده حياتى كلها دلوتى بقعد معاه لوحدنا 12 ساعه من 7 الصبح لحد الساعه 7 بالليل لما ابو عمر يجي ف12 ساعه هو محور حياتى فيها كل يوم فاكيد كل كلامى هيكون عنه ولان عمورى هو اصغر محاوراتى وانا كنت مشغله قسم الاسره والطفل بسببه كل ما يحتاج حاجه او يحصله حاجه اجرى جرى على نون النسوه واشتل رغي عنه ياربي هو انا مش هبطل كلام ابدا عنه طب كفايه كده

وربنا يحفظلك اولادك وخصوصا عمورى الكبير ويارب يطلعوا زى الفاروق عمر بن الخطاب قول اميـــــــــــــــن

رونا ربنا يكرمك يارب ولو محتاجه اى حاجه قوليلي وانتى هتعرفي ياقمر توصليلي

وعمار يا كويت زى ما بنقول عمار يامصر وربنا يوفقكم جميعا لما يحبه ويرضاه

الا يا جماعه محدش شاف تامر بعد السفريه بتاعته اصله مش ظهر من يوم الجمعه اللى فاتت وسافر يوم السبت ان شاء الله يكون وصل بالسلامه بس شكله مشغول فى امتحانات الدور التانى الله يعينه يارب اللهم امين

يا رب يكون الجميع بالف خير يارب اللهم امين

[اغابي]

ازيكم يا مصريين الكويت

ازيك يا بوسي

عاوزة كارنية شرطة من عنيه انت امرى يا قمر

وابعتلك عليه ملازم اول كمان هدية ولا يهمك

يمكن تحتجيه فى مشوار رقم قومي ولا مشوار لمجمع التحرير

:lol: :lol:

وميرسي يا نور السما بس قولى انت الاول انت برج ايه

وبعدين انا اقول انا برج ايه

:roseop:

اغابي

[mahmoudfaried]

السلام عليكم)حياكم الله( يا محاورتيه

كل سنه وانتو طيبين )عيدكم مبارك ومن عواده ( جايه متاخره بس انا من زمان مشفتش النت

بعد وصولى الكويت الجميله من ساعت مجيت و انا بسال مفيش نت ؟؟ مفيش ويرلس ؟؟ مفيش ؟؟؟ و الناس تستغرب مش عارف ليه !!!!!!!!!!

بس الحمد لله اخيرا لقيت نت الحمد لله

و احششنى جدا يا جماعه والله سمبا و الغريب و مدام بوسى و عمر و الاستاذ تامر و و و و و و وو كلكو كلكو)طال عمركم (

انا لسه مقرتش المناقشات اللى فاتت بس حابب اقولكو انى حاسس انى مش فى الكويت انا حاسس انى لسه فى مصر من كتر المصريين اللى هنا فى الفروانيه الحارس و الجيران و امام المسجد و و و و و وو كلو مصرى بس فى فيلم هندى جنب المصريين

!!!!!!!

المهم يا رب تكونو كلكو كويسين و بصحه و عافيه يعطيكم العافيه .

ادعولى الاقى حد اوصل منو نت عشان نرغى !!!!!

سلام

[قلب ابيض]

صباح ومساء الخيرات على احلى مجموعه فى المحاورات

وحشتونى بجد....

ان شاء الله ساصل الكويت بعد غدا

اللى عاوز اى حاجه اااااااى حاجه انا حاضره بس بسرعه قدامى الخميس فقط

واتمنى بجد بجد نتقابل بقى

""مصختوها عاااد يا ربعى ""

====================================

تامر الف حمد لله عالسلامه مانسيتش حاجه اجيبهالك وانا جايه؟؟؟

الفاضل ماروووو...جزاك الله الف خير على الدعوات الجميله وربنا يصلح لنا امورنا جميعا

كل فرد باسمه لك وحشه ومشتاقه لحديثكم جميعا

عاوزين نفتح مواضيع جديده ومحتاجه اتناقش معاكم فى امور كتييييير بس ساعه رواقه لما اجيلكم بقى

على راى حبيبتى لماضه ....فوتكم بعافيه

[pocy]

وناسبنا الحكومه وبقينا قرايب ومين ع الحكومه يا روحى مين يقدر يعايب

ما سبق كان كلاما لابد منه وخصوصا انى لسه شايفه ريه وسكينه قريب هههههههههههه

طب خلاص يا جماعه وبقى معايا كارنيه معايا كارنيه مشتكرين يا اغابي ياقمر هههههههههههههههه

يا هلا والف غلا باستاذ محمود ويارب تكون سنه سعيده عليك يارب متقلقش انا لما بروح فى اى حته فى الكويت بحس انى فى مصر من كتر المصريين سواء كانوا موظفين او كانوا عملاء زيي وان شاء الله قريبا نشوفك ومعاك نت ويرلس علشان تكلمنا كل شويه

ماما قلب ابيض واللى قلبها ابيض وزى الفل وحشانى طمنينى اخبارك ايه وان شاء الله عودا احمد لالالا ولا اقول عودا ابيض ان شاء الله وزى الفل كمان

يالا منتظرينك على احر من الجمر يا ماما عايزه تفاصيل ممله انتى عارفانى والله ام مروان كمان بتسلم عليكى ادعيلي يا ماما اتعلم السواقه وانا تانى يوم ما اكون اتعلمت هجيب عربيه وطيران على الافينوز ونتجمع هنا بقي اشوفك ع خير يا ست الكل

[pocy]

الا يا جماعه انتم مش ملاحظين برضه ان بعض الاخوه تاهوا عننا

استاذ نيو نيم اين انتم لم تظهر بقالك فتره اتمنى ان تكون بخير حال يارب اللهم امين

استاذ محمود الكميائي اين انت اخى الفاضل اتمنى ان تكون فى احسن صحه

استاذ الغريب فينك وفين ايامك وياترى مصر حلوه كده انها نستك اخواتك اللى هنا ولا ايه ؟؟؟؟؟؟؟؟

هنت كده على جنب ليك انا قدمت فى المعهد الدينى وهم قالوا هيبدأوا بعد العيد ادعيلى اكمل واجى واحفظم القران ان شاء الله انا حافظه للاسف خمس اجزاء بس هراجع عليهم واكمل ان شاء الله

تامر واضح ان دوامه الشغل اخدتك مننا اتمنى تكون بخير حال

رونا مش اغيبي علينا كتير كده يا قمر ربنا يوفقك ان شاء الله لما يحبه ويرضاه

كب كيك انتى روحتى فين وحشتينى انا مستنيه الرد علشان ابعتلك بيه رساله واخبار لؤي ايه يارب يكون بخير اللهم امين

أم مروان حبيبتى وعيونى الاربعه وحشانى جدا ولولا اتصالك امس كان ايه كانت هتبقي الدنيا ضلمه المهم انك الحمد لله بخير ويا جماعه والله كانت بتسأل على كل واحد فيكم ربنا يباركلها فى اولادها يارب

سمبا طمنى عليك اخبار السواقه ايه لحسن انا ركبي بتخبط فى بعضها عرفت تحط المفتاح مكانه ولا لسه بتضرب على الكلكس هههههههههههههههههه انتم السابقون ونحن الاحقون

[sindbad]

صباح ومساء الخيرات على احلى مجموعه فى المحاورات

وحشتونى بجد....

ان شاء الله ساصل الكويت بعد غدا

اللى عاوز اى حاجه اااااااى حاجه انا حاضره بس بسرعه قدامى الخميس فقط

واتمنى بجد بجد نتقابل بقى

""مصختوها عاااد يا ربعى ""

====================================

تامر الف حمد لله عالسلامه مانسيتش حاجه اجيبهالك وانا جايه؟؟؟

الفاضل ماروووو...جزاك الله الف خير على الدعوات الجميله وربنا يصلح لنا امورنا جميعا

كل فرد باسمه لك وحشه ومشتاقه لحديثكم جميعا

عاوزين نفتح مواضيع جديده ومحتاجه اتناقش معاكم فى امور كتييييير بس ساعه رواقه لما اجيلكم بقى

على راى حبيبتى لماضه ....فوتكم بعافيه

توصلوا بالسلامه ان شاء الله

سلمولي على مصر قوي

[pocy]

سندباد شوفت غبت عننا شويه اسمك وقع منى اخباك ايه وكل سنه وانت طيب وعملت ايه فى اجازه العيد وقرطاس الكريمه يارب يكرمك انت والاسره الكريمه يارب اللهم امين

اوعى تزعل انا ساعات بيبقي عندى زهايمر وبنسي عمر ههههههههههههه

[sindbad]

سندباد شوفت غبت عننا شويه اسمك وقع منى اخباك ايه وكل سنه وانت طيب وعملت ايه فى اجازه العيد وقرطاس الكريمه يارب يكرمك انت والاسره الكريمه يارب اللهم امين

اوعى تزعل انا ساعات بيبقي عندى زهايمر وبنسي عمر ههههههههههههه

ياهلا وسهلا بالاخت بوسي

بيتيهالي صعب حد يزعل من اختنا بوسي لانها ماشاء الله متواجده مع الكل باستمرار واول واحده بتطمن علينا كلنا - دي حقيقه مش مجامله-

اخبار عموره الاموره ايه وابو عموره - يارب يكون الجميع بخير

الحمد لله العيدهنا ( افراح شاقه مؤبده) يعني انا رحت اصلي العيد وقلت ح اعيد على الناس اللي عارفهم في المنطقه بس للاسف مفيش ولا واحد جه صلاة العيد

وفضلت بعد الصلاه مستني اني الاقي حد اعيد عليه مفيش :sad:

الحمدلله ان الملائكه بتسلم على بيصلي العيد - الله يرحم مصر الاعياد بتاعتها........ هيههههههههههه دونيا :closedeyes:

انا ملقتش كيس الكريمه غير في المحاميد وده كان اخر مكان متوقع!! wst:: وتخيلوا بكام 6 دينار كامله ماهو صنع المانيا بقى

بس كان اخر قطعه md2: وشكله من بره قديم شويه

فعلا كان موضوع شاق

تم تعديل 16 سبتمبر 2010 بواسطة sindbad

[عادل أبو عمر]

السيدة الفاضلة : قلب أبيض ... ترجعوا بالف سلامة ... الحوارات تفتقد لوجودك الراقي و قلبك الأبيض الكبير

اختنا العزيزة بوسي ...... ام عموري الأموري : ياريت تنامي بدري عشان تعرفي تركزي بكرة إنشاء الله في التدريب و دعواتنا ليكي بالتوفيق ... و خلي كارنيه أغابي معاكي يمكن يكون فيه لجنة هناك و لا حاجة

الأخ العزيز سندباد : كل سنة و إنت طيب و ما زلت أشكرك و ادعو لك بالتوفيق على انك اول من حببني في هذه الحوارات بردك و مساعدتك لي .. و ألف مبروك ليك مصافحة الملائكة بإذن الله ... و حاول من دلوقتي تربط مع أصحابك عشان صلاة العيد الكبير .. ممكن تروح الفروانية المصريين هناك ماشاء الله كتير و في هناك قهوة للمصريين ممكن الناس تتفق مع بعضها على الصلاة في مكان مناسب.

[تامر مصطفى]

السلام عليكم ورحمة الله وبركاته

انا جييييييت

اشكر كل اخواني واخواتي اللي سألوا عني وخصوصا اختي بوسي واخي محمود والام الحنونة قلب ابيض قصدي بنتي الصغيرة قلب ابيض

والله يا جماعة انا وصلت الكويت بإعجوبة وبرحمة ربنا

تخيلوا ان اخر 500 كيلو في الطريق محسيتش بيهم خالص لاني كنت مفصول عن الخدمةنهائيا

وداخل الكويت كان بيحصل ل تهيؤات رهيبة لدرجة اني شفت سيارة دورية واختفت فجأة وسألت مراتي قالت لي مفيش دوريات

وبعدها الطريق وقف خالص وفرملت وقربت اقف راحت مراتي سألتني وقفت ليه الطريق فاضي

المهم اني وصلت البيت بالصدفة

المهم انتوا عاملين ايه وحشتوني اليومين دول بس انا النت عندي مقطوع في البيت وفي الشغل علشان كده مقصر معاكوا شوية

اتمنى لبنتي قلب ابيض سلامة الوصول وانا نسيت في مصر 3 كيلو كباب عند الكبابجي ياريت تعدي تجيبيهم معاكي علشان اعشي جماعة المحاورات

[نور السما]

:lol: :lol:

وميرسي يا نور السما بس قولى انت الاول انت برج ايه

وبعدين انا اقول انا برج ايه

:roseop:

اغابي

انا برج الاسد

[Simba]

لسه يا مدام بوسي اصلا عمري ما مسكت المفتاح ربنا بلاني بواحد سوري md2: ربنا يسمع مني دعايا ويكون من حده ونصيبه قولوا امين

لهف مني 50 دينار في اكتر من 10 حصص لا وكمان كان حابب يتعصب علي

ما علينا

المهم الله يخليكم عايز رقم مكتب تعليم قيادة سيارات بسررررعة وياريت يكون فيه حد مصري

[noname]

السلام عليكم اهل المنتدى

الاخت ام عمر شكرا على سؤالك انا بخير والحمدلله ويارب تتعلمى بسرعة وتعملى الليسن من اول مرة ومن غير واسطة

ماما قلب ابيض حمدالله على السلامة ويارب تعزمينى على محشى مصرى محبش ( على فكرة انا نفسى انزل مصر علشان اكل محشى )

[sindbad]

مدام قلب ابيض: حمد لله على السلامه

أ. تامر: حمدلله على السلامه. وعايز اعرف ليه موضوع البري ده. انا بفكر اعمله من زمان وخايف كده انا مش ح اعمله خالص :blink:

ا. نونايم: لا شكر على واجب واحنا هنا في الخدمه . وان شاء الله نجمع في صلاه العيد

مدام بوسي عساكم بخير

ا. سمبا ولا يهمك وان شاء الله ح تعمل الرخصه وصدقني لازم تكون بالصعوبه دي علشان يكون ليها طعم واسال مجرب :closedeyes:

تحياتي للجميع

[pocy]

السلام عليكم ورحمه الله وبركاته

ازيكم جميعا بلا استثناء انا بصراحه مش هلحق اككتب لانى خارجه كمان شويه المهم انا محتاج دعائكم جدا جدا بكره وربنا يوفق يارب اللى فيه الخير ادعولى بتيسير الامور لو كان فى خير لي ان شاء الله وطبعا الموضوع انى رايحه اقدم ورقي فى مدرسه قريبه منى هنا ويارب يكونوا محتاجين وينفع اشتغل لحسن انا طهقت من قعده البيت المهم

شوفتوا اللى كان حاصل في الجهراء امبارح الاول احنا مكناش عارفين ايه كميه الشرطه الفظيعه دى وكانت قريبه مننا جدا ودوريات وتفتيش وحركات كتير وعربيات لا حصر لها وعرفت النهارده ليه فى واحد الله لا يسامحه شيعي شتم فى ام المؤمنين السيده عائشه رضي الله عنها وكانت هناك طلب من شخص مش فاكره اسمه طلب عقد ندوه وتم رفض الطلب لعدم حدوث فتنه بين السنه والشيعه وانتم عارفين اكيد ان الشيعه عدد لا يستهان بيه وبس انا شوفت ان فى عربيات كتير في جامع الجديد والكبير هنا فى الجهرا ومحطوط يافظه مكتوب عليها الصديقه بنت الصديق واعتتقد انها اتعملت فعلا بدون موافقه الداخليه والله اعلم بس بجد كانت كميه الشرطه الموجوده تقلق والله المستعان

ده اللنك بتاع الموضوع

جريده الراي

تم تعديل 18 سبتمبر 2010 بواسطة pocy

[قلب ابيض]

السيدة الفاضلة : قلب أبيض ... ترجعوا بالف سلامة ... الحوارات تفتقد لوجودك الراقي و قلبك الأبيض الكبير

ربنا يخليك يا ماااااروو كللك ذوق والله كسفتنى

ان شاء الله بس اعمل ريستارت لدماغى وعقلى وكل حاجه لانى فعلا فى الاجازه دى هنجت تمااااااااما

الف شكر لسؤالك الغالى

السلام عليكم ورحمة الله وبركاته

انا جييييييت

وانا كمااااااااااااااااااااان

اشكر كل اخواني واخواتي اللي سألوا عني وخصوصا اختي بوسي واخي محمود والام الحنونة قلب ابيض قصدي بنتي الصغيرة قلب ابيض

وانا نسيت في مصر 3 كيلو كباب عند الكبابجي ياريت تعدي تجيبيهم معاكي علشان اعشي جماعة المحاورات

مش كنت تبدر شويه يا ابو التييييم wst:: نمشيها بقى مباركيه بس نبقى جماعه ...واللى يرجع فى كلامه يبقى ......راااااااجل bv:-

لسه يا مدام بوسي اصلا عمري ما مسكت المفتاح ربنا بلاني بواحد سوري md2: ربنا يسمع مني دعايا ويكون من حده ونصيبه قولوا امين

لهف مني 50 دينار في اكتر من 10 حصص لا وكمان كان حابب يتعصب علي

ما علينا

المهم الله يخليكم عايز رقم مكتب تعليم قيادة سيارات بسررررعة وياريت يكون فيه حد مصري

سمبا

عليك وعلى مدرسه المرور اللى عند دوار العظام ...

ماما قلب ابيض حمدالله على السلامة ويارب تعزمينى على محشى مصرى محبش ( على فكرة انا نفسى انزل مصر علشان اكل محشى )

والله يا حاتم بس اشم نفسى من السفر ...انا واصله امبارح بالليل بس

وعنيه محشى بكل انواعه والله ......ماتخليكوا جدعان بقى وتعالوا نتقابل

ام مروان ..طبيبه مصريه ...جايه لك يا كندا ...بسبس طبعا ...اغابى ...يارب ماكونش نسيت حد من حبيباتى .."ماتيجوا نعمل قمه نسائيه فى السكرته كده ....."

مستنيه ردكم عالخاص طبعا ;)

تم تعديل 18 سبتمبر 2010 بواسطة قلب ابيض