المصريين المغتربين بالكويت

[تامر مصطفى]

اختنا حمال الاسية

اولا نقدر ونثمن حبك للمصريين واقتناعك انهم مخلصين في عملهم

شيء جميل اننا نسمع من وجهة نظر كويتية رأيها في الموظفين المصريين

بس طبعا انتي متفقة معايا ان الناس مش زي بعضها ولكن للأسف دايما السيء هو الاوضح

ما تفضلتي بقوله هو حقيقة لا يمكن انكارها ولا اخفاؤها وقد تحدث عنها الكثير في هذا المنتدى سواء في باب المغتربين بالكويت او في السعودية او حتى بشكل عام ولكن نحن ايضا ننتقد تلك الاوضاع ولا تعجبنا ونتمنى ان يكون الموظف او العامل المصري مثال يحتذى به في جميع مجالات الحياة

اغلبنا يفتقد حب ابن بلده

وتلك هي المشكلة

وبالنسبة للبيروقراطية والروتين العقيم

فده انا تعايشت معاه ولمسته عن قرب اثناء عملي في كنترول الثانوية العامة

فحتى المصطلحات والالفاظ والمسميات في الكنترول كلها مصرية

ولكي اوضح لكم

جميع التعاملات داخل الكنترول تسير بروتين عقييييييم جدا ومعقد

وتعتمد على مبدأ ان اللي مسك ورقة الطالب قبلك معندوش ضمير والي هيمسكها بعدك حرامي وقائم على تصيد الاخطاء

وعندما تحدثت لأحد الأخوة الكويتيين عن سبب كل هذا التعقيد فرد علي قائلا انتوا اللي علمتونا الروتين

وذكر ان كنترول الثانوية العامة هو منقول بالحرف وبحذافيره من الكنترول المصري والقائمين عليه من بدايته معلمين خبرة في مصر وهم من وضعوا النظام الذي نسير عليه حتى اليوم

تحياتي لكي

ومتابع لباقي مشاركاتك

[herohero]

مؤيد للكلام وانا اسف لكن ده الحقيقة بس على فكرة الاجيال الجديدة في مصر بتحاول تغيير هذا النمط وان شاء الله تتغير لكن يمتاز اسلوب الفكر المصري التقليدي بالروتين والبيروقراطيه ليه معرفش انما الفكر المتحرر والمتطور ف الغالب غير موجود ولكن في نظم التعليم الخاصه وبعيدا عن نطاق العمل الحكومى هناك افكار جديده لكن يبقى الروتين القاتل سيد الموقف

وانا بحمد ربنا ان ادارتي هندية مش عربية وهي اريح مليون مرة من العرب عموما ومن الادارة المصرية اليل اشتغلت معاها وكانوا مهندسين المفروض عمليين يعني

واضيف سلبية وهي ان الادارة المصرية تعتمد ع اهل الثقة وليس الكفاءة

[noname]

مانا يا ماما قلب ابيض قلت ابدأ ازن من دلوقتى علشان الموافقه تيجي ان شاء الله وبمانى متاكده انى كده كده فى الايام دى هنخرج وان شاء الله الجو يساعد ونشوى يبقي نروح ونتجمع سوا وادينا بنتعرف على بعض واعرفكم على صحبه حلوه كده زيكم ولا ايه ياماما بس ربنا يسهل يارب ونختار يوم ويناسب الجميع ان شاء الله والله ناويه ونيه صادقه انى اقابلكم ان شاء الله علشان انا شايفه كفايه منتديات وعلشان بس اللى شاف عمر يقول انه سبهي ولا حاجه الحمد لله انه طال لابوه اصلي حاسه ناس متخيلانى كده فرجينا جميله الجميلات هههههههههههههههههههههه :lol: :wub: :ninja:

يااااااااااااااااة

اخيرا رجعت البسمة والبهجة للمنتدى

عودا حميدا وحمدلله على السلامة والسمك

[areeg]

لو سمحت يا جماعه انا سمعت ان في قرار جحديد بتحويل الزياره العائليه الي التحاق بعائل فهل هذا صحيح

[بيطري]

لو سمحت يا جماعه انا سمعت ان في قرار جحديد بتحويل الزياره العائليه الي التحاق بعائل فهل هذا صحيح

نفس سؤالي لكن لم احد ينتبه له

[أمل حياتي]

صباح الورد والفل والياسمين على الجميع

اعتذر لو كلامي ضايق البعض ولكن هى الحقيقه المؤسفه وانني دائما اقول لو وجدت عيوب

في الموظفين المصريين فهى تكاد تكون متشابهه ورغم ذلك فأنا افضل الإعتماد عليهم لأنهم يمكن الإعتماد عليهم

في اوقات العمل اذا اشتد وفي الأزمات .

- ارحب بمشاركة الأخ herohero ولا اعرف سبب تسميته لهذا الإسم نتمنى التوضيح

اما اسم حمال الأسيه فقد سألني احد المشاركين بأن لا يكون بسبب المصريين

في الحقيقه انا احب الأغنيه نفسها وايضا بسبب المسئوليات التي كنت احملها في العمل ليل نهار بحيث

لم يكن هناك وقت يجده الشخص لنفسه

- رابعا انا بألاحظ ان المصري اكتر واحد بيتكلم كثير الكلام ولا علاقه لذلك بمدى انتاجيته فهو قد يكون مخلص في عمله ومجد ولكن كثرة الكلام هى السمة الغالبه لهم ولا اعرف السبب ودائما باقولهم شوفوا المحطات المصريه ياما في مقابلات المذيعه والناس بيتكلموا وماسكين الميكروفونات ( برامج حواريه كتير )

ياما في تنطيط ورقص واغاني (( محدش يزعل ده رأيي ))

- خامسا الموظفين المصريين حسب كل تجاربي هنا في الكويت غير جيدين مع بعض ابدا ويستحيل شخص يقنعني بغير ذلك حتى لو كانوا من الأهل في عندهم صراع البقاء ده رأيي وكل موظف بيحاول انه يزيح الموظف المتخصص بنفس مهنته

لدرجة كان عندي موظف توفي عمه وساحكي لكم قصته فيما بعد ولم ينتظر لحين الإنتهاء من دفنه ولكنه سارع بتقديم اوراق اخيه للعمل بدل هذا العم الذي كان يساعده في بداية حياته مما ادى لمقاطعة زوجة عمه له منذ عامين ولا زالت

والحقيقه ان هذا الموظف كانت له صولات وجولات معي في مساعدته على ايجاد مصدر رزق قبل ان اقوم بتعيينه ولكنه كان اول شخص خبطني

وخان عملي معاه بعدما حصلتلي ظروف وسبحان الله ان اهله كانوا بيعطوه المبررات ويقولوا عليه ( غلبان الكلمه اللي باكرهها لآنها مش مفروض تقال عن اي حد ) ولكن ربنا جابلي حقي لما اتكشف ليهم بعد وفاة عمه

وانا اعتقد ان صراع البقاء هو بسبب كثرة عدد المصريين رغم اني في مناقشاتي معهم بيقولولي الصين ودول اخرى عددها كبير بس مش زينا ما أعرفش انا ده رأيي العدد كبير والبلد جميله بس يخف الناس اللي فيها

لي عوده اخرى

والأخ سيمبااتمنى تكون بخير وما لقيتش تعزم الا في المباركيه انا باتوه فيها بامشي على البركه بس بجد الجو الأيام دي جميل

لي عوده سلام

تم تعديل 23 أكتوبر 2010 بواسطة حمال الأسيه

[أمل حياتي]

وعلى فكره الأخ herohero انا قرأت كل مشاركاتك عن الكويت ومش حأزعل من كلامك وحأقول رأيي بصراحه سواء مدح او نقد

ولسه حاكتب محدش يستعجل على رزقه :)

انا نفسي بس توضح الجملة دي (( الادارة المصرية تعتمد ع اهل الثقة وليس الكفاءة ))

لأن لو هيه حسب ما فهمتها فأنا حاحكتب لكم تجارب توضح الجمله دي تعرضت لها شخصيا لأني اعتمدت على الإدارة المصريه في جزء من عملي

تم تعديل 23 أكتوبر 2010 بواسطة حمال الأسيه

[الغريب]

السلام عليكم

الأخت حمال الأسية

أهلا بيكي وبنشاطك الملحوظ هنا وبرة كمان في المحاورات

كل ما ذكرتي من تفاصيل لسلبيات المصريين في العمل تندرج عندي تحت مصطلح "البيور الشرقي في العمل" اللي بيعتمد على العشم والود وكل هذه المصطلحات التي لا تمت للجو العملي الصحي بشئ، والخطأ فيها يكون للمدير فيه النصيب الأكبر لأنه سمح بهذ الجو أن ينمو في مؤسسته ولم يؤسس لنظام جيد للثواب والعقاب في المؤسسة (أيه الكلام الكبير ده :))

على كل حال مش عاوز أقلبها دراما كفاية المواضيع بره

تمنياتي للجميع بكل خير ،، ولي عودة

[herohero]

مفهوم اهل الثقه على اهل الكفاءة شائع جدا في عالمنا العربي

تقدري تقولي هوالوزراء في عالمنا العربي وكبار المسئولين بيتعينوا ع اساس ايه يعني القصه من فوق كبيره جدا واحنا كشعوب عايشين ع مبدااهل الثقة

وعموما الادارات العربية فيها مافيها من سلبيات لكن المصرية اكثرها وضوحا لان عدد المصريين كبير فاي سلبية هتظهر وكمان اعلامنا حريته خلت غيرنا يبص لنا نظرة وحشة لكن افضل من بقية الشعوب اللي بتدفن راسها ف الرمال

واظن اكبر دليل ان الحمد لله مفيش قناة مصرية حد اجر بلطجية وكسروها

عموما سلبييات الموظف المصري اهون بكثير من سلبيات موظفين اخريين مش بيجوا الا متاخر وبيزوغ من شغله وموضوع الكلام الكتير هو لان المواطن المصري عنده ثراء ثقافي فيمكن بيتكلم كتير شوية واحنا اتربينا في بيئة فيها خضرة ونهر وجو حلو فطبعا طباعنا مش هتبقى جافه وهنتكلم كتير ومرحين

وعموما اختي العزيزة لا تحكمي ع المصريين من نماذج لاتمثل الا اصحابها وبيني وبينك عاوزة تشوفي موظفين روحي شوفي الشباب في مصر في القرية الذكية شباب مؤهل ومتعلم صح ومتعلم يعني ايه communication skills

مع احترامي ماتقدريش تعممي لكن في نظري آفة الادارة العربية وبما فيها المصرية مبدا اهل الثقة ده ضيعنا بنثق في الناس ونخليهم في اعلى المناصب دون ما يكونوا عندهم التهيئة المناسبة

تم تعديل 23 أكتوبر 2010 بواسطة herohero

[رونا]

مساء الخير على كل المغتربين

معلش اعذرونى على عدم المشاركة كتير

mfb: بس الصراحة زهقانة قوى ومش عارفة اعمل اية

بفكرة اشتغل بس كل شغلانة بتيجى بعيدة قوى

ومرتبات ضعيفة

نصها هتروح تاكسيات

بس سمعت ان من الواحد ممكن يشتغل من البيت

بس اية هي انواع الشغل دى

وهل هتكون مجزية فى المرتب

دلونى اهل الخبرة

[أمل حياتي]

اخي العزيز heroher

اقدر مشاركتك الراقيه والتي تدل على تقافتك العميقه

والحقيقه انني لا أعمم ولكنني اتكلم عن واقع شهدته بنفسي ومن حولي

وليس معنى ذلك ان المصري سيء في عمله بالعكس ارجع لبداية حديثي فأنا اؤكد بأنه يقدر العمل ومنتج

ولكني اتحدث عن سمات عامه لم اراها معي فقط ولكن حتى مع غيري

والحقيقه ان جزء من عملي معهم اتعبني كثيرا حيث كانوا يختارون بعضهم عن طريق المعرفه وليس الكفاءه وكنت اتغاضي

لمراعاة خاطر القدامي منهم ولكن المشكله ان الموظف منهم سرعان ما يتغير اتجاهه وتفكيره بعدما يضمن انه تم تثبيته بالعمل

ويبدأ في تجاوز حدوده

وقد عانيت كثيرا منهم ومقدار معاناتي وضيقي والمي يساوي محبتي لهم وحبي لمساعدتهم

ولهذا كانت صدماتي معهم كثيره في العمل

ولو كانوا كجنسيه غير مهمين بالنسبة لي لما تألمت وكنت اري تعالي الكويتيين عليهم ولم يكن ذلك يعجبني

لأني كنت قريبه منهم ومن مشاكلهم وبيوتهم

ومن شدة صدماتي كانت لدي ردة فعل غير طبيعيه وهى ان لا اسافر مره اخرى الى مصر وفعلا ظللت حوالي ثلاثة سنوات

لا اسافر لها رغم حبي لها وبداخلي صراع

الى ان كسرت هذا الحاجز في العام 2008 واتجهت لشراء شقه هناك بعد ان اقنعت نفسي بأن اتعايش مع كل شي

تم تعديل 23 أكتوبر 2010 بواسطة حمال الأسيه

[أمل حياتي]

الأخت العزيزه رونا

نفسي اساعدك بس مش عارفه فعلا هل في وظائف على النت في البيت

هنا عندنا في البلد انامش عارفه ربنا يوفقك في حاجه مناسبه كان نفسي افيدك

[أمل حياتي]

الأخ الفاضل الغريب

كلامك صح وعين العقل

( ان الخطأ فيها يكون للمدير فيه النصيب الأكبر لأنه سمح بهذ الجو أن ينمو في مؤسسته ولم يؤسس لنظام جيد للثواب والعقاب في المؤسسة )

بس خلي بالك مهو المدير بيكون متحوط من مجموعه منهم بيثق فيها وهيه اللي بتقترح وكله بينفع بعض

وبالآخر تلاقي ناس تنط على وظائف بدون ما تتدرج فيها اعتمادا على ثقة المدير بالأشخاص اللي حواليه

[aboutabeakh]

:P والله يا جماعة كلامكم حمسنى انى اتكلم خصوصا كنت بتناقش مع واحد صحبى بقالة هنا فى الكويت خمس سنيين وحقولكم على خلاصة تحليلنا لفئة المصريين الموجودين فى الخليج عامتا والكويت من وجهة نظرى اللى قولتها ان فى الغالب الأكثرية اللى بيضطروا يسافروا تلاقيهم ليهم بعض الصفات اولا بيكونوا ظروفهم المادية فى مصر صعبة وعاشوا واتربوا تحت الظروف الصعبة دى فبيبقى الشىء الغالب على تفكيرهم بسبب الخلفية دى فى حياتهم هو حبهم للمال الشديد والتضحية بالمبادىء والأخلاق عشان المال دة ودة بيجرهم لصفات زى الغيرة القاتلة يتبعها الحقد...... الخ

لكن فية نوعية تانية زى ما بيقولوا كدة ولاد اصول قديمة ودول بقا فى دمهم حب الخير الأخلاق عارفين ان المال دة مش هو بس السعادة لأنهم عاشوا مستقريين ماديا وفى حياة مرفهة واكتشفوا ان مش المال اللى يخلى الأنسان سعيد

فخلاصة الكلام عشان انا سرحت فى الكلام الأصل ثم الأصل ثم الأصل

وكل بلد فيها الوحش والكويس وبردوا تبع الأصل التربية التنشئة والى لقاء اخر ان شاء الله اخوكم ابو محمد

[تامر مصطفى]

:P والله يا جماعة كلامكم حمسنى انى اتكلم خصوصا كنت بتناقش مع واحد صحبى بقالة هنا فى الكويت خمس سنيين وحقولكم على خلاصة تحليلنا لفئة المصريين الموجودين فى الخليج عامتا والكويت من وجهة نظرى اللى قولتها ان فى الغالب الأكثرية اللى بيضطروا يسافروا تلاقيهم ليهم بعض الصفات اولا بيكونوا ظروفهم المادية فى مصر صعبة وعاشوا واتربوا تحت الظروف الصعبة دى فبيبقى الشىء الغالب على تفكيرهم بسبب الخلفية دى فى حياتهم هو حبهم للمال الشديد والتضحية بالمبادىء والأخلاق عشان المال دة ودة بيجرهم لصفات زى الغيرة القاتلة يتبعها الحقد...... الخ

لكن فية نوعية تانية زى ما بيقولوا كدة ولاد اصول قديمة ودول بقا فى دمهم حب الخير الأخلاق عارفين ان المال دة مش هو بس السعادة لأنهم عاشوا مستقريين ماديا وفى حياة مرفهة واكتشفوا ان مش المال اللى يخلى الأنسان سعيد

فخلاصة الكلام عشان انا سرحت فى الكلام الأصل ثم الأصل ثم الأصل

وكل بلد فيها الوحش والكويس وبردوا تبع الأصل التربية التنشئة والى لقاء اخر ان شاء الله اخوكم ابو محمد

تحياتي ابو طبيخ على الخلاصة اللي ذكرتها

فعلا

الاصل غلاب

[herohero]

اؤكد كلام الاستاذ ان الاصل هو الاهم ودليل ع ذلك معلش روحوا شوفوا الشباب بتوعم القريه الذكية وشركات الاتصالات والشباب اللي باختصار شبعان

ومحدش يزعل مني مش معقولة حد يكون جي من بيئة ظروفها صعبه ويكون طباعه زي طباع اللي جاي من بيئة مرفهة

مش معقوله ابن القرية الفقيرة زي اللي جاي من المدينة ومرفه

يأسفني سيدتي انك بتشوفي للاسف الناس اللي ع ادهم من المصريي لان بصراحه لو الواحد كان مظبط في مصر ايه اي هيطلعه

يعني كتير مرتباتهم مثلا في مصر ما يعرفوش ياخدوه في الخليج القصه قصة سلوك

ولعلمك نفس النموذج السيئ هو سيئ في مصر وبرده احن بنعاني من نماذج سيئة واحنا في مصر

ومن غير زعل لاي حد يعني لما تنزلي القرية والريف بتلاقيهم بيبصوا لبعض يعني موضوع الحقد ةوانهم بيبصوا لبعض في القرية منتشر بكثرة غير القاهرة محدش عرف حد

يعني مصر فيه الي جاي من الريف وفيه اللي جاي من المدينة وكل له احترامه لكن السلوكيات مختلفه

[sindbad]

تحياتي للجميع من ارض المحروسه

يا حبيبتي يامصر !!!

[noname]

اؤكد كلام الاستاذ ان الاصل هو الاهم ودليل ع ذلك معلش روحوا شوفوا الشباب بتوعم القريه الذكية وشركات الاتصالات والشباب اللي باختصار شبعان

ومحدش يزعل مني مش معقولة حد يكون جي من بيئة ظروفها صعبه ويكون طباعه زي طباع اللي جاي من بيئة مرفهة

مش معقوله ابن القرية الفقيرة زي اللي جاي من المدينة ومرفه

يأسفني سيدتي انك بتشوفي للاسف الناس اللي ع ادهم من المصريي لان بصراحه لو الواحد كان مظبط في مصر ايه اي هيطلعه

يعني كتير مرتباتهم مثلا في مصر ما يعرفوش ياخدوه في الخليج القصه قصة سلوك

ولعلمك نفس النموذج السيئ هو سيئ في مصر وبرده احن بنعاني من نماذج سيئة واحنا في مصر

ومن غير زعل لاي حد يعني لما تنزلي القرية والريف بتلاقيهم بيبصوا لبعض يعني موضوع الحقد ةوانهم بيبصوا لبعض في القرية منتشر بكثرة غير القاهرة محدش عرف حد

يعني مصر فيه الي جاي من الريف وفيه اللي جاي من المدينة وكل له احترامه لكن السلوكيات مختلفه

السلام عليكم جميعا

بس الاول مش هقول لوم او عتاب لكن للاسف الاحساس بمشاعر الغير اصبح خارج نطاق اهتمام البعض

يا اخى الفاضل ليس دفاعا عن اهل الريف لانهم معروفين تماما ومن يتكلم بمثل هذا الكلام الغير مسؤول لا يعرف من هم اهل الريف

افخر واشرف باننى من هؤلاء الريفيين البسطاء وبرغم قضائى اكثر سنوات عمرى فى قاهرتكم المصونة فلم اشعر بالود او الامان الا فى قريتى الصغيرة القابعة فى اعماق اعماق الريف المصرى

يا أخى الفاضل ليس للامر علاقة بالمدينة او الريف انها الطباع المختلفة والتى لا توجد قاعدة ثابتة تحكمها فكلنا ترك اهلة واحبتة من اجل هدف معين

والهدف الاكبر للغربة هو جمع اكبر قدر من المال ثم العودة للاهل ومنا الغنى الذى لا يتحتاج ومنا من هو فى حاجة لا يعلم اسبابها الا الله القائل ( هو الذى جعل لكم الارض ذلولا فامشوا فى مناكبها وكلوا من رزقة)

يا اخوتى الكرام لا تجعلوها عنصرية بقولكم مدينة وريف .... كفانا كوايتة ومصريين

سامحك الله يا اخى الكريم والله نحن اهل الريف لا نعرف هذا الحقد الذى تتكلم عنة انما المودة والتكافل هو السمة الاصيلة التى نعيش بها ولها ففقيرنا اغنانا وغنينا اكثرنا تواضعا ...وكما قلت فى المدينة محدش بيبص لحد لان محدش بيعرف حد .. يعنى مفيش تراحم ولا مودة وهذا شئ لا يستحق التباهى بة

جزاك الله خيرا .

اسف ان كانت كلماتى ازعجت بعضكم ولكن حق الرد امانة

تم تعديل 23 أكتوبر 2010 بواسطة noname

[قلب ابيض]

فى ايه ياجماعه الخير التوبيك ملعلع ما شاء الله عينى عليك بارده يا حمال الاسيه

الاول خدى اسمعى دى منى تحيه على جنب كده

http://www.youtube.com/watch?v=5-By-Qp9AAs

[قلب ابيض]

وبعد ما سمعنا فايزه وعرفنا مين هو اللى حمال الاسيه ... انا عاوزه اعقب بشكل مجمل على كل اللى اتناقشتوا فيه وانا بره

نقطه غيره المصريين من بعضهم فى مجال الشغل معروفه جدا ويمكن لاننا مصريين بنقول غيره المصريين

يعنى ياترى الغيره دى موجوده مع السوريين بردوا؟؟ او التوانسه مثلا او الفلسطنين؟؟؟؟

مش عارفه

بس بشكل عام انا لاحظتها فى سنوات عملى القليله هنا ان الكل بيحاول اثبات وجوده بشكل قاتل يعنى عشان ابان انى نشيطه لازم ابين ان غيرى كسلان ما ينفعش يكون فى اتنين او اكثر فى مكان واحد لهم نفس الكفاءه او النشاط ...

للاسف زى ما تفضل من قال ان الروتين احنا اللى بدعناه كمصريين ده كلام مظبووووط تماما

اذكر فى سنه 95 تقريبا كان لى معامله فى مصلحه حكوميه معروفه هنا بالكويت شئون موظفين كان القسم كله قائم على موظف كويتى واحد وكان شابا ..ومعه رجل مصرى كنت لسه جديده بالبلد وكأى جنسيه اخرى عندما تكون مغتربه تكون متلهفه لابناء بلدتها او جنسيتها لعلهم سند او عون او حتى موجهه لما قد يصعب عليها معرفته او مجاراته

المهم لجئت لهذا الموظف مستفسره عن اوراق ما ..ولا استطيع ان اصف لكم كم اللامبالاه التى واجهنى بها والعجرفه بدون داعى والاهمال المتعمد ..والله صعبت على نفسى حتى كدت ان ابكى من فرط احساسى باهانت ابن بلدى لى فى موقف هو المفترض انه عمله مش احسان منه

هنا جاء الموظف الكويتى وطلب منى الاوراق وعطانى موعد تانى يوم وعندما حضرت له فى الموعد بكل ادب وذوق سلمنى المعامله ويصاحبها ابتسامه فتحت اماى كل الابواب المغلقه ..رحمه الله عليه توفى بعد ذلك بعام ومسك مكانه هذا المتعجرف البغيض والكل يعرفه ويعرف كم يتسبب فى عطله الناس وعلى فكره معظم النتعاملين معاه مصريين يعنى لاتقولوا جنسيه ولا تفرقه عنصريه

الاصل ثم الاصل

وده يحدفنا دووووغرى على اخر مداخلتين لهيروو ونونيم

يا ولاد عمى انتو الاتنين الفلاحين والصعايده والبندر كلهم مصريين

يا هيروو زى مافى الفلاحين ناس تعبانه ومش لاقيه القوت لكن عندها ستر ونعمه مايعوضهوش الاف الفلوس ..واستنى قبل ماتتعصب على اه ...انا عارفه انك ماتقصدش تهينهم وانك بتقول ان فئه معينه هى اللى بترخصنا كجنسيه من فرط الذل اللى بتتحمله وتقبله على نفسها فى مجال تعاملها مع الكفيل او الريس او ما شبه ذلك تحت شعار لقمه العيش يا باشا...بس بردوا فيه فلاحين ذو شهادات ومراكز مرموقه او حتى محدوده ويحظوا باحترام وتقدير الكل من سائر الجنسيات الاخرى بسبب تعاملهم الراقى واسلوبهم المهذب

من الاخر كلمه بالبلدى كده ...اللى عينه شبعانه عمره ما يرخص نفسه ...شبعانه مش فلوس شبعانه كبرياء مش تكبر

شبعانه عزه نفس مش غرور

شبعانه حب مش حقد

من الاخر الطبع يغلب التطبع ..وولاد الاصول بيبانوا فى اى مجال واى مكان

لنا عوده اكيد