المصريين المغتربين بالكويت

[تامر مصطفى]

السلام عليكم

السادة والسيدات اعضاء محاورات المصريين

ضمن فعاليات لقاء أعضاء المحاورات فرع الكويت

تم تنظيم اللقاء الأول في قرية المسيلة المائية

وكان يوما أقل وصف يطلق عليه رووووووعة

وكان لقاء ثري بشخصيات مرموقة وعلى مستوى عالي من الذوق

بالطبع لا استطيع أن أوفي ماما قلب ابيض وزوجها الدكتور محمود حقهم مهما تحدثت عنهم وعن روحهم الجميلة وهي معروفة للجميع

فهي أم للجميع طبعا اقصد اللي مواليدهم بعد سنة 80

اما مواليد السبعينات فهي اخت كبيرة لهم في المقام طبعا

والدكتور محمود مجرد الجلوس بجانبه استفادة علمية وكما وصفه أخي سمبا فهو شخص رائع وحبوب بكل المقاييس

وأبناءهم وبناتهم انعكس عليهم اخلاق ابويهم في تربيتهم فهم لا يختلفون عنهم في ذوقهم ومرحهم ورقيهم

أما أخي الكبير سمبا

فهو انسان هادئ رزين ومن يراه يشعر معه بألفة غريبة

يعني الواحد يحس بأنه يعرفه من زمان

انسان ذوق ومحترم

بس كان بيشرب سجارة بني

مش البني اللي تغنى بها مطرب البني

انما سجارة راقية

تحيتي لك يا سمبا

التقينا ايضا بنجم من نجوم المنتدى وهو اتش درويش

وأحمد الله ان اللقاء تم في هذه الفترة التي تزامنت مع وجوده في الكويت

بالرغم من صغر سنه الا ان عقله أكبر بكثيير

وانا شخصيا تمنيت ان اتقابل معه وكنت قد ذكرت ذلك له منذ عام تقريبا ولكن اللقا نصيب

وأنار اللقاء ايضا أخونا العزيز سامح مجدي واسرته الكريمة

وهو لا يختلف في دماثة أخلاقه عن سمبا وحسن درويش

وهو شاب هادئ محترم ومثقف

ولديه روح دعابة عالية وسرعان ما اندمج مع الدكتور محمود

تحياتي لكم جميعا

وعليه تم التوصل الى مشروع قرار للقاء الثاني تحت شعار

يا مفسخاتي ... نور حياتي

وحيث ان الفسيخ كان هو رمز الملتقى الثاني وبالرغم من عدم التوافق بيني شخصيا وبين الفسيخ

وكذلك بعض الاعضاء

فقد قررت ام اسلام اللي هي قلب ابيض ان يكون هناك بديل لأعداء الفسيخ

وعلى فكرة احنا بعتنا فرقة مننا لشاطئ العقيلة علشان نسيطر على كل الحدود البحرية

وان شاء الله نحاول نتفق على اللقاء في العقيلة علشان اخواننا سكان المنطقة العاشرة يقدروا يتجمعوا معانا

في النهاية احب اوجه كلامي لمن تخلف عن حضور اللقاء

انت الخسران

بس يمكنك انك تلحق الركب بالحضور في اللقاء الثاني

وبصراحة نفسي اطلع لساني للأخوة الأعداء

ارحب بأختنا لماضة والبيت بيتك وتدخلي وتخرجي في اي وقت

[تامر مصطفى]

علي فكره احنا ذبحنا عجلين في العيد بس مرحناش لجيرنا اللي ذبحوا خروف وقلنالهم ايه ريؤكو في العجلين بتوعنا (الحدق يفهم يا استاذ الكاشف) وده مش عشان خايفين من الحسد ولكن احترام لمشاعر اخوان لنا في الدين والوطن

دكتورة اريج

كل سنه وانتي بألف خير وان شاء الله تكوني معانا في اللقاء القادم وتنورينا

بس بلاش العنف بتاع الحريم ده

[samehmagdy]

السلام عليكم

بصراحه انا مش عارف اقول ايه

بس فعلا اللى مجاش امبارح خسر و هيندم من هنا لحد اللقاء الجاى بتاع الفسيخ" والمكرونه بالباشميل smk: " ان شاء الله

فعلا كان يوم اكتر من رائع

مش عارف اتكلم واشكر فى مين ولا فى مين

فى ماما قلب ابيض وزوجها الدكتور محمود اللى كانو قمه فى كل شى هما وولادها ربنا يحفظهم

ولا فى اخوانى تامر ولا فى سيمبا ولا فى حسن درويش اللى كل واحد فيهم لو فضلت اتكلم عنه من هنا لبكره مش هقدر اوصف اخلاقهم وروحهم الحلوه وعقلهم الكبير

وكفايه ان الواحد كسب اخوه بهذا الشكل هنا فى الكويت

فعلا كان يوم فوق العاده

تحيا مصر يا عم

تم تعديل 19 نوفمبر 2010 بواسطة samehmagdy

[areeg]

معلش يا سمبا انا مش قصدي التعديد انا قصدي التعييد علينا (يعني تقول كل سنه وانتو طييبين)

[قلب ابيض]

لا اخفى عنكم كتبت كتير ومحوت كل ما كتبت مرارا

والسبب انى فى كل مره بدون مجامله اجدنى اسهب فى وصف مشاعرى تجاه كل شخصيه ممن قابلت فخفت ان اتهم بالمبالغه

ولكنى سأكتفى بكل ما اختزنته فى نفسى من ردود افعال وانعكاسات تجاه هذا اللقاء الاسرى الدافىء ولعلى اوجز وصف الشخصيات فى كلمات بسيطه معتمده على ثقتهم فيما اقول وما احتفظت به لنفسى

ابدء بالترتيب حسب الحضور

اخى الاصغر تامر مصطفى

وزوجته الجميله وبناته القمرات .. غنى عن التعريف وسبق ان تعارفنا من قبل وزادنى لقاءه احتراما وتقديرا لشخصه ..كل الموده لاسره تامر مصطفى

سمبا ...

اقل ما يوصف به باقه من الاحترام والذوق معا ..كتله احساس متحركه بكا معانى الكلمه..

وبيعمل شاى مزااااج

سمبا ..احترماتى اخى العزيز

سامح مجدى

مثال للشاب الطموح المهذب واسع الافق خفيف الروح والظل بكل احترام وتدين وتواضع معا

وما يزيدنى سعاده بسامح زوجته الشابه الجميله واجمل اختراع فى الدنيا والذى يطلق عليه ...احمد ....حكااااااااااااااايه مش ممكن يتنسى ابدا

ربنا يحفظه لك يا سامح ويديم عليكم نعمه الاستقرار ورضا ربنا

سامح ....كل الحب من ماما قلب الى ابنها وبنتها وحفيدها bv:-

اتش ...درويش

حضور طاغى ..رزانه وبشاشه متوافقه جداااا

شاب تعتز بمعرفته ..وتتتمنى تكرار لقائه ...وان كان ظهوره مفاجىء وخروجه اكثر مفاجأه ...لدرجه انه مشى وماسلمش على :wub:

ابو جنى....

تحياتى ...وامنياتى لك بالتوفيق دوما

كل الحب لاعضاء الديوانيه

وانتظركم فى اللقاء التانى ....ان قدر الله وكان لنا عمر :)

[حوريةعين]

ربنا يديم عليكم المحبة

بجد انتم ناس زي العسل

بجد كنت اتمنى اني اكون معاكم يومها

بس يلا اتبسطت بوجودكم مع بعض

[Simba]

ربنا يديم عليكم المحبة

بجد انتم ناس زي العسل

بجد كنت اتمنى اني اكون معاكم يومها

بس يلا اتبسطت بوجودكم مع بعض

ايه ده انا احتج والايموشن اللي جنبي بيحتج :protest:

الموضوع مبقاش زي الاول علشان اي حد جديد يقدر يشارك في الموضوع ده لازم يقدم استمارة قبول عضوية

مصحوب بكارت توصية من احد قدامي الاعضاء :closedeyes:

طبعا مش محتاج توضيح اني بهزر

انتي تشرفي والبيت بيتك والكل ان شاء الله هنا اخواتك :WelEgTks:

تم تعديل 19 نوفمبر 2010 بواسطة سمبا

[Simba]

بالمناسبة السعيدة دي

ممكن ادعوكم للصفحة دي علي الفيس بوك

صحيح مش بتاعتي لكن انا اللي بعمل محتواها كله كأدمن فيها

زورنا تجدوا مايسركم

http://www.facebook.com/pages/hkayat-shhrzad/157923000895456?ref=mf

[تامر مصطفى]

ربنا يديم عليكم المحبة

بجد انتم ناس زي العسل

بجد كنت اتمنى اني اكون معاكم يومها

بس يلا اتبسطت بوجودكم مع بعض

اهلا بحورية العين

حسستينا اننا دخلنا الجنة

عموما عندنا لقاء تاني تحت شعار

يا مفسخاتي .. نور حياتي

حاولي تشرفينا

نورتي الموضوع بس لازم جنب الوالي يوافق على عضوية حضرتك

نحيل اوراقك لقلب ابيض لإبداء الرأي

[تامر مصطفى]

على فكرة يا جماعة

اختنا امل حياتي

ام علي

عادت من المحروسة بسلام الله

ومن هذه المنصة يشرفني اني اقولها حمد لله على سلامتك ونورتي الكويت بلدك الثاني :cheer:

:waving:

[manoelmasry]

كل سنه وانتو طيبين ممكن اعرف عدم الممانعه بتطلع فى مده قد ايه من الكويت والغاء نظام الكفيل ده كويس ولا كلام وخلاص وهيعملو قانون جديد يكون امر من الكفيل ارجو الاهتمام والرد وشكرا

[تامر مصطفى]

كل سنه وانتو طيبين ممكن اعرف عدم الممانعه بتطلع فى مده قد ايه من الكويت والغاء نظام الكفيل ده كويس ولا كلام وخلاص وهيعملو قانون جديد يكون امر من الكفيل ارجو الاهتمام والرد وشكرا

عدم الممانعة بتطلع خلال 3 ايام او اسبوع بالكتير جدا

و

انا شخصيا لا اعتقد في امكانية الغاء نظام الكفيل لانه فاتح بيوت ناس من نوع ممنوع الاقتراب

حاول تراجع الصفحات السابقة

ارجع حوالي 100 صفحة وهتلاقي معلومات اكتر من ما تريد

[elkashif]

الأخوان و الأخوات الاعزاء /عزيزات

أدام الله الود بيننا وبينكم/ن

مستمتع جدا باللقاء الذي تم بينكم/ن

وسعادتي تكتمل على أمل اللقاء بإذن الله

وللقلب رسول يشكر كل القلوب الرائعة

سبما والعزيز تامر والفاضلة قلب أبيض والرائع Marrow

وأيضا كلمات لبعض القلوب ..

كلمات مقتطفة من كاتب صاحب فكر واعي الأستاذ فتحي عيسى

يقول :

هكذا عرفناهم هكذا هم لايبالون

سخطهم علي كل شئ وأي شئ

أفقدهم كل شعور قد ينالون من وراءه

بعض الآمان بعض الطمآنينه

راحة البال

ولكن هيهات أن تجد نفوسهم راحة

ورياحهم سباحة غاضبة شرسة

لاتعرف سوي الترحال

................

أتمنى أن يكون أيامك أحلى الأيام

كما كانت أعيادكم أحلى الأعياد

وأدم الله عليكم صفاء قلوبكم يا أصحاب القلوب الرائعة

كونوا جميعا بخير ... كي أكون

تم تعديل 20 نوفمبر 2010 بواسطة elkashif

[أبوعمار]

أولا : كل سنة وانتوا طيبين ومتجمعين ومتهنيين

ثانيا: أنا بقالي كتير ما دخلتش ع المحاورات زحمة العيد بقى

وهدوم العيال والذي منه بس أول ما دخلت وشوفت أخبار اللمة دي

طبعا زعلت لأني كان نفسي أكون معاكم. مع اني ما اعرفش انا كنت ممكن آجي من نفسي عادي ولا لزم أكون معزوم بالاسم.

في ناس قاعدين يذلوا فينا بالذات سمبا قاعد يقول اللي ما جاش هايندم وخسر كتير

ماشي يا سيدي عارفين والله

بس والله انا فعلا فرحت بلمتكم كأني كنت معاكم

وفعلا اللمة دي أكيد مش زي أي لمة تانية

ناس جمعهم الفكر وقابلوا بعض بقلوبهم قبل ما يتقابلوا في الحقيقة

والأرواح حنود مجندة, وانا حاسس ان كل مغتربي الكويت والمحاوراتية عموما

معظمهم أرواحهم تآلفت مع بعض وده الأهم

ان شاء الله أكون معاكم يوم الفسيخ ولو اني ماليش فيه

بس المهم أشوفكم وخلاص ده اذا طبعا كنت من المعزومين

بس كان عندي ملحوظة رفيعة

ممكن نتجمع بعدين في أيام عادية ما تكونش زحمة عشان نركز في قعدتنا مع بعض

وتكون القعدة أهدي شوية

أعزائي المتجمعين دايما في المناسبات الحلوة ان شاء الله

أحبكم في الله

[elkashif]

اخواتى و اخوانى كل عام و انتم بخير وربنا يعيد علينا الايام الحلوه دى و احنا فى اتم صحة و احسن حال

و يارب السنه الجايه تكونوا كلكم فى عرفات

طبعا بين تنظيف العيد و شراء الطلبات و التجهيز الواحد معندوش وقت بس حبيت اعيد عليكم كلكم و اتمنى لكم عيد سعيد و نتقابل تانى بعد العيد اذا الله اراد

الاخ الكاشف عيد سعيد وربنا معاك و اهم حاجه الاستخاره اما بقى الغربه و المصاريف و كل المواضيع دى سيبها على ربنا لانه بيغير حال الدنيا من حال لحال فى طرفه العين المهم تعقلها و تتوكل و متقلقش انت هيكون هنا ليك اخوه و اخوات مش هيحسسوك بالغربه و هيكونوا جنبك لو احتجت اى حاجه اما بخصوص المصاريف الى ممكن تصرفها هنا فممكن تكون من 500 الى 1000 دينار لو انت مسرف زى ما بتقول يعنى لو هتقضيها مطاعم خمس نجوم و فسح و هدوم ماركات اما بقى لو هتبقى زى حالاتنا مطاعم شعبى و محلات شعبى كله شعبى فى شعبى فمش هتزيد عن 200 دينار و انت وشطارتك بقى بس طبعا لازم تلم ايدك شويه علشان زى ما بتقول انك عازب يعنى هيبقى فى جواز ان شاء الله و الجواز بيحتاج مصاريف ولا ايه؟ ربنا يوفقك يا سيدى و يرزقك و يرزقنا جميعا

اما بقى يا استاذ نو نيم عن العيد فاحنا هنقضيه فى البيت لان الخاص مبيرحمش و اجازته قصيره و بابانا عايز ينام يلا هنقضيها فته و لحمه ورقاق و نلقاكم بعد العيد

دمتم بخير و عيد سعيد

شكرا على نصيحتك الغالية وردك الجميل

وقد أقدمت على صلاة صلاة الاستخارة وكان الارتياح للفكرة هو الغالب الأعم

كوني بخير

[noname]

السلام عليكم واجازة سعيدة

شكرا ياسمبا ايوة انا الحالم بالمحشى يا اخى بدال ماتحسرنى كنت ادينى خبر

انا زعلان من نفسى اوى ومتحسر والله نفسى اعيط

ياريتنى كنت معاكم .. لو تعرفوا العيد عدى على ازاى وانا وحدى ومليش نفس لحاجة ومن خيبتى مفتحتش النت ولا شفت الدعوة الكريمة

اخخخخخخخخخخخخخخخخخ الحسرة هتموتنى اااااااااااااااااااااااااااااه

انا مضرب عن الطعام حتى اللقاء القادم بس والنبى مطولوش احسن اموت من الجوع

عموما كفاية اننا بدأنا نتقابل ونتجمع يارب دايما فى الخير متجمعين

ماما قلب ابيض مشكووووووووووووووووووووووووووووووورة ودايما بخير

مدام امل حياتى ام على عودا حميدا ونورتى

اخونا الكبير اوى تامر اكيد هنتقابل لانى محتاج ولى امر اليومين دول ومش هلاقى احسن منكوياريت تسمحلى اتصل بيك

زعلللللللللللللللللللللللللللللللللللللان منك اوى ياسامبا ومش عاوز اقول حاقد والعياذ بالله

دايما عامر

[sindbad]

السلام عليكم جميعا اخواني في الكويت

تامر

قلب ابيض

نونيم

سمبا

بوسي

اريج

حمال الاسيه

الكاشف

مانو

سامح

ابوعمار

درويش

كب كيك

مع الاحتفاظ طبعا بالالقاب

كل عام وانتم بخير

احيكم من الكويت الحبيبه بعد رجوعنا من مصر ام الدنيا

ايه ده: فسيخ..... اسمحولي بالطلعه دي

ح اقولكم على طريقه لاكل كميات من الفسيخ بدون اي معاناة او مشاكل بعد الاكل بس بعد ما اتعزم طبعا :closedeyes:

تم تعديل 20 نوفمبر 2010 بواسطة sindbad

[noname]

علي عجالة اليوم كان رائع جدا جدا

واللي مجاش فاته 98 % من عمره .....

مش عارف هيقدر يعيش ازاي تاني بالنسبة المئوية اللي باقية له :blink:

التقرير المفصل بعد شوية او شويتين

الله يبارك لكم فيه ويعوضنا خير ويصبرنى لعند اليوم اللى جاى مش عارف امتى

بس انا مليش فى الفسيخ ممكن رنجة مدخنة ملح قليل لو سمحتم

[noname]

السلام عليكم جميعا اخواني في الكويت

تامر

قلب ابيض

نونيم

سمبا

بوسي

اريج

حمال الاسيه

الكاشف

مانو

سامح

ابوعمار

درويش

كب كيك

مع الاحتفاظ طبعا بالالقاب

كل عام وانتم بخير

احيكم من الكويت الحبيبه بعد رجوعنا من مصر ام الدنيا

نورت الكويت والف حمدلله على سلامتك

[Simba]

نو نيم

راجع الدعوة وهتلاقي اسمك منورة فيها بالبنط العريض

امل حياتي

السندباد

الف الف حمدلله علي السلامة :)