المصريين المغتربين بالكويت

[sindbad]

صباح الفل والورد والياسمين لكل الحبايب

وحشتونى كتير واعتذر عن عدم المشاركة الايام اللى فاتت لانى مجددتش اشتراك النت

ياريت تفيدونى عما هو آت :-

اولا : انا سامع طبول الحرب بس مش مش عارف مع مين ولا ضد مين

عموما بصفتى جندى سابق هجهز اسلحتى الفتاكة ( الرشاش الموف والبندقية الفوشيا وعصاية الاستيك)

بس بلاش تكون بين رجال وسيدات المنتدى

واذا كان الامر كذلك فأنا كجنتلمان اكيد مش هقدر اكون الا مع ماما قلب ابيض واخواتها. وربنا يستر

والله خايف تكون مع اطراف اخرى خارج المنتدى بتاعنا بس ولا يهمكم انا واخد بطولة الماراثون فى الهروب السريع

ثانيا : سمعت اشاعة عن لقاء قريب يوم الجمعة ياريت حد يؤكد او ينفى لانى لسة مضرب عن الاكل بسبب اللقاء الماضى مع انى كنت مدعو بس مكنتش متابع

وعلشان كدة انا هتابع كل يوم وكل ساعة يمكن الاقى اسمى مكتوب فى المدعوين

مع انى واثق انة لو دا حقيقى انى مدعو

ويومكم سعيد

يا صباح الفل والورد والياسمين

منور ياباشا

مش عارف ايه حكايه يوم الجمعه القادم دي!!

ودي طبعا ح تخلي مغتربي السعوديه يثورو زي بركان فيزوف كده بالضبط :P

عموما

خلي السلاح صاحي gsm::

[HDarwish]

ايه يا غريب بك

اجازة تاني

احنا كنا لسه خلصنا من اجازة العيد علشان ناخد اجازة تانية

يايلا كله خير :) :)

يا عم سيمبا بحبها شوية وماله يعني ربنا يكتر الأجازات هو في أحلى من الدفا في الشتا ده، وخدعندك كمان أجازة الأسبوع اللي بعده بمناسبة رأس السنة الميلادية (ربنا يجعل أجازتنا خفيفه عليهم) "بتوع السعودية، والإمارات كمان"

لو حد فكرنى انا اللى كنت جاى الكويت بفيزا زيارة المهم انا سألت واحد قريبى فى الكويت وقال لى انه هيدور لى على فيزا تجارى قابلة للتحويل اقامة وهيقولى سعرها قد ايه يا ريت اللى عنده معلومات يقول لى وعاوز اسأل الاستاذ قلب ابيض سؤال هو وزارة التربية والتعليم اخر معاد لتقديم فيها امتا داخل الكويت عشان انا مدرس انجليزى

معلومة غير مهمة الانتخابات فى المنصورة اتزورة ذى بقيت مصر

شكرا لاعضأ المنتدى على النصائح وحقا انه منتدى محترم

الفيزا التجارية اللي بتتحول إقامة موجودة بالفعل وفي تجار كتيير بيبيعوها، بس خد بالك قوي من النصب والنصابين كتييير في الموضوع ده..

أما بالنسبة للتقديم بالتربية فمأظنكش تلحق

على العموم تعالى وإن شاء الله في أماكن أكيد هتفضى في المدارس الخاصة تنزل فيها بأمر الله وتنتظر التربية في الموسم القادم، أو أستنى عندك مين عارف يمكن التربية تقبل من عندك بعد ما يخلصوا هنا..

أما بالنسبة للتزوير بالمنصورة فدي قديمة شوف غيرها :P

خير ؟؟؟!!!! أنا شايف حد جايب سيرة المنصورة ..

[elkashif]

( أ / مصطفى الكاشف هل هناك قرابة مع المستشار سامح الكاشف ولا دا تشابة اسماء ؟ ) على فكرة انا محامى مصرى مقبول للمرافعة امام مجلس الدولة ودا سبب السؤال

مصطفى الكاشف دا اللي هو أنا ولا حد تاني

عموما انا محمود الكاشف سيدي الفاضل

وهي عائلة واحدة فقط يربطهم جميعا النسب ولا بوجد تشابه أسماء

من المتحدث الرسمي للإنتخابات الى الغفير

حتى مصطفى الكاشف نفسه من العيلة برده :)

سعدت بمعرفتك يا زميل الدراسة ولي الشرف طبعا

............................................................

أنا لسه بخلص اجراءات حفظ الوظيفة لانهم متمسكين بيا جدا لدرجة انهم بيقلولي استقيل وخلص نفسك

وعشان تمسكهم الرهيب دا أنا كمان متمسك بيهم لأخر لحظة

بالنسبة للواسطة بقى الافاضل اللي كانو بيقولو فيه واسطة

هي أكيد موجودة بس مش موجوده في مجلس الدولة وكل شغل مجلس الدولة نزيه جدا لأبعد الحدود

ولو حصلت مشكلة زي اللي أنا فيها دي بيدوني اللوائح الوظيفية ولو ليا حق ( وأنا ليا حق طبعا) هخده طبعا سواء باللوائح أو باتباع الاجراءات القانونية .

بجد أنا سعيد بتواجدي وسط الكم الرائع من الأعظاء المحترمين

وألف ألف ألف سلامة عليكي أيتها القلب الأبيض ويا رب تكوني بخير وأسف على التأخير

والاستاذ سمبا المرشد العام للأعضاء ( مع المعنى الدقيق) أتمنى تكون بخير حال

والمحبب الى قلبي الاستاذ تامر أرجو من الله القدير أن يجعل أيامك مشرقة

وجميع الرائع مارو والغريب ودرويش وكل الأفاضل

كونوا بخير حال

دمتم بود

[نور السما]

الحرب مشتعلة على الاخر بس احنا لاخر نفس اليكم الرابط الدموى

http://www.egyptiantalks.org/invb/index.php?showtopic=113347&st=30#entry664046

[saramath]

اقولكم على القصة بأه

ركزوا معايا

من حوالي 6 سنوات كده كان في لجنة من وزارة التربية بتعمل مقابلات شخصية في مصر

وبعدين كان في 15 شاب من تخصص واحد وقرية واحدة وخريجين كلية واحدة تقدموا للجنة

المهم مطولش عليكم

اتقبل منهم 14 ويا عيني الواحد المسكين اترفض

والناس جت هنا واشتغلت وكله تمام

وبعد مرور حوالي سنة نزلت اللجنة مرة اخرى والواحد المسكين كان مقدم مرة تانية

ولكن ......

اترفض مرة اخرى

فما كان منه الا انه فتح النار على باقي زملاؤه ال14 وأوشى بهم شر وشاية

وقال انهم مقدمين شهادات خبرة مزورة

وللأسف كانت حقيقة

طبعا الناس دي اتقفشت واتهددوا تهديدات عنيفة جدا

اولها السجن بتهمة التزوير

ثانيها كان في عرض للصلح

على ان يعيد كل شخص منهم جميع الرواتب التي حصل عليها خلال عام كامل ويتفنش ويرجع بلده

وبعدها فتحوا ملفات جمييييييييييييييييع المعلمين المصريين وراجعوا كل شهاداتهم وخبراتهم عن طريق السفارة

وللأسف ايضا تم الكشف عن عدد لا بأس به من شهادات التخرج المزورة وعدد يكاد يكون الضعف لشهادات الخبرة التي نسميها بالعرف المصري .... المضروبة

وكان الشعار الذي حمله الشخص المسكين رقم 15

يا نعيش عيشة فل ....... يا نموت احنا الكل

اهلا استاذ تامر

انا دايما بدخل بس احباط ما بعد الدوام بيخليني اكتفي بالقراءة فقط

بلاش الله يكرمك موضوع الحضور والانصراف اصلى اتعقدت منه

معروف ان الصبح بنمضي فى الدفتر قبل الساعه 7 ونصف وانا بدوام حوالى الساعه 6 ونص علشان ارتب وسائلي التعليمية بالصف واشوف الاشراف الخ الخ الخ

وكنت بمضي الساعه 2 رغم ان جرس نهاية الدوام بيدق الشاعه 1 ونصف لكن نتيجة ضغط العمل بنتظر نص ساعه كمان اخلص فيها شغلي ووسائلي

افوجىء انهم طلعوا قانون جديد من ضمن القرارات المستبدة بالمدرسة : - المعلمة ال مش هتمضي قبل الساعه 1 ونص هنعتبرها خرجت من المدرسة بدون توقيع قبل نهاية الدوام

وطبعا انا من زحمه الشغل بنسي امضى على الساعه 1 ونص وكل يومين الاقي اسمي مشطوب عليه على اساس اني خرجت من المدرسة قبل نهاية الدوام

بالنسبة بقا لاختبارات الفترة الأولي : - ( لا تعليق )...(اقرأ الاختبار للتلميذات / أوضح لهم الأسئلة / أقوم بمساعدتهم على الاجابات / اقف بجانب كل تلميذة ومساعدتها والنتيجة اكتر من نصف الصف راسب وكلمة المديرة لجميع الاخوات المصريات رغم ان من اول يوم تحاضيري بالكمبيوتر ووسائل بالكمبيوتر ودولابين مليانين عناصر ووسائل تعليمية وما قصرنا( سبب ضعف التلميذات ( المعلم ) والعيب كله على المعلمة وليس التلميذ وابناء ديرتنا امانه فى ايديكم وانتم قلوبكم ما على عيالنا) .. نفسي اشوف سبورة سودة زي بتاعت مصر (مش سبورة بيضة )وصابع طباشير جير (مش قلم سبورة )وبشاورة كلها جير وتراب ( مش مساحة بورد )وعيال قاعدين عاوزة تتعلم وأهاليهم بعتاهم يتعلموا مش عيال كل ال علي لسانهم ( ابلة متي الفرصة / ابلة متي الهده / ابلة أبي أكل / أبلة أبي اشرب من مطارتي / أبلة ابلة ابلة ابلة ...... )مسمعتش جملة لها علاقة بالعملية التعليمية الى الان:closedeyes: ...)

وغريبه موضوع الخبرة دي

انا محدش طلب مني شهادات خبرة وكان شارطين ان الخبرة تلت سنوات وانا مكنش معايا الا سنة واحدة فقط واتقبلت عادي

استاذ تامر بما انك زميل بالوزارة .. متعرفش ازاي احول لاى مدرسة تانية غير المدرسة ال انا فيها حتي لو صبيان على الترم الثاني؟؟

[saramath]

اقولكم على القصة بأه

ركزوا معايا

من حوالي 6 سنوات كده كان في لجنة من وزارة التربية بتعمل مقابلات شخصية في مصر

وبعدين كان في 15 شاب من تخصص واحد وقرية واحدة وخريجين كلية واحدة تقدموا للجنة

المهم مطولش عليكم

اتقبل منهم 14 ويا عيني الواحد المسكين اترفض

والناس جت هنا واشتغلت وكله تمام

وبعد مرور حوالي سنة نزلت اللجنة مرة اخرى والواحد المسكين كان مقدم مرة تانية

ولكن ......

اترفض مرة اخرى

فما كان منه الا انه فتح النار على باقي زملاؤه ال14 وأوشى بهم شر وشاية

وقال انهم مقدمين شهادات خبرة مزورة

وللأسف كانت حقيقة

طبعا الناس دي اتقفشت واتهددوا تهديدات عنيفة جدا

اولها السجن بتهمة التزوير

ثانيها كان في عرض للصلح

على ان يعيد كل شخص منهم جميع الرواتب التي حصل عليها خلال عام كامل ويتفنش ويرجع بلده

وبعدها فتحوا ملفات جمييييييييييييييييع المعلمين المصريين وراجعوا كل شهاداتهم وخبراتهم عن طريق السفارة

وللأسف ايضا تم الكشف عن عدد لا بأس به من شهادات التخرج المزورة وعدد يكاد يكون الضعف لشهادات الخبرة التي نسميها بالعرف المصري .... المضروبة

وكان الشعار الذي حمله الشخص المسكين رقم 15

يا نعيش عيشة فل ....... يا نموت احنا الكل

اهلا استاذ تامر

انا دايما بدخل بس احباط ما بعد الدوام بيخليني اكتفي بالقراءة فقط

بلاش الله يكرمك موضوع الحضور والانصراف اصلى اتعقدت منه

معروف ان الصبح بنمضي فى الدفتر قبل الساعه 7 ونصف وانا بدوام حوالى الساعه 6 ونص علشان ارتب وسائلي التعليمية بالصف واشوف الاشراف الخ الخ الخ

وكنت بمضي فى نهاية الدوام الساعه 2 رغم ان جرس نهاية الدوام بيدق الشاعه 1 ونصف لكن نتيجة ضغط العمل بنتظر نص ساعه كمان اخلص فيها شغلي ووسائلي واقول مش مشكلة كله عند الله

افوجىء انهم طلعوا قانون جديد من ضمن القرارات المستبدة بالمدرسة : - المعلمة ال مش هتمضي قبل الساعه 1 ونص هنعتبرها خرجت من المدرسة بدون توقيع قبل نهاية الدوام

وطبعا انا من زحمه الشغل بنسي امضى على الساعه 1 ونص وكل يومين الاقي اسمي مشطوب عليه على اساس اني خرجت من المدرسة قبل نهاية الدوام

بالنسبة بقا لاختبارات الفترة الأولي : - ( لا تعليق )...(اقرأ الاختبار للتلميذات / أوضح لهم الأسئلة / أقوم بمساعدتهم على الاجابات / اقف بجانب كل تلميذة ومساعدتها والنتيجة اكتر من نصف الصف راسب وكلمة المديرة لجميع الاخوات المصريات رغم ان من اول يوم تحاضيري بالكمبيوتر ووسائل بالكمبيوتر ودولابين مليانين عناصر ووسائل تعليمية وما قصرنا( سبب ضعف التلميذات ( المعلم ) والعيب كله على المعلمة وليس التلميذ وابناء ديرتنا امانه فى ايديكم وانتم قلوبكم ما على عيالنا) .. نفسي اشوف سبورة سودة زي بتاعت مصر (مش سبورة بيضة )وصابع طباشير جير (مش قلم سبورة )وبشاورة كلها جير وتراب ( مش مساحة بورد )وعيال قاعدين عاوزة تتعلم وأهاليهم بعتاهم يتعلموا مش عيال كل ال علي لسانهم ( ابلة متي الفرصة / ابلة متي الهده / ابلة أبي أكل / أبلة أبي اشرب من مطارتي / أبلة ابلة ابلة ابلة ...... )مسمعتش جملة لها علاقة بالعملية التعليمية الى الان:closedeyes: ...)

وغريبه موضوع الخبرة دي

انا محدش طلب مني شهادات خبرة وكان شارطين ان الخبرة تلت سنوات وانا مكنش معايا الا سنة واحدة فقط واتقبلت عادي

استاذ تامر بما انك زميل بالوزارة .. متعرفش ازاي احول لاى مدرسة تانية غير المدرسة ال انا فيها حتي لو صبيان على الترم الثاني؟؟

[تامر مصطفى]

اهلا استاذ تامر

انا دايما بدخل بس احباط ما بعد الدوام بيخليني اكتفي بالقراءة فقط

بلاش الله يكرمك موضوع الحضور والانصراف اصلى اتعقدت منه

معروف ان الصبح بنمضي فى الدفتر قبل الساعه 7 ونصف وانا بدوام حوالى الساعه 6 ونص علشان ارتب وسائلي التعليمية بالصف واشوف الاشراف الخ الخ الخ

وكنت بمضي الساعه 2 رغم ان جرس نهاية الدوام بيدق الشاعه 1 ونصف لكن نتيجة ضغط العمل بنتظر نص ساعه كمان اخلص فيها شغلي ووسائلي

افوجىء انهم طلعوا قانون جديد من ضمن القرارات المستبدة بالمدرسة : - المعلمة ال مش هتمضي قبل الساعه 1 ونص هنعتبرها خرجت من المدرسة بدون توقيع قبل نهاية الدوام

وطبعا انا من زحمه الشغل بنسي امضى على الساعه 1 ونص وكل يومين الاقي اسمي مشطوب عليه على اساس اني خرجت من المدرسة قبل نهاية الدوام

بالنسبة بقا لاختبارات الفترة الأولي : - ( لا تعليق )...(اقرأ الاختبار للتلميذات / أوضح لهم الأسئلة / أقوم بمساعدتهم على الاجابات / اقف بجانب كل تلميذة ومساعدتها والنتيجة اكتر من نصف الصف راسب وكلمة المديرة لجميع الاخوات المصريات رغم ان من اول يوم تحاضيري بالكمبيوتر ووسائل بالكمبيوتر ودولابين مليانين عناصر ووسائل تعليمية وما قصرنا( سبب ضعف التلميذات ( المعلم ) والعيب كله على المعلمة وليس التلميذ وابناء ديرتنا امانه فى ايديكم وانتم قلوبكم ما على عيالنا) .. نفسي اشوف سبورة سودة زي بتاعت مصر (مش سبورة بيضة )وصابع طباشير جير (مش قلم سبورة )وبشاورة كلها جير وتراب ( مش مساحة بورد )وعيال قاعدين عاوزة تتعلم وأهاليهم بعتاهم يتعلموا مش عيال كل ال علي لسانهم ( ابلة متي الفرصة / ابلة متي الهده / ابلة أبي أكل / أبلة أبي اشرب من مطارتي / أبلة ابلة ابلة ابلة ...... )مسمعتش جملة لها علاقة بالعملية التعليمية الى الان:closedeyes: ...)

وغريبه موضوع الخبرة دي

انا محدش طلب مني شهادات خبرة وكان شارطين ان الخبرة تلت سنوات وانا مكنش معايا الا سنة واحدة فقط واتقبلت عادي

استاذ تامر بما انك زميل بالوزارة .. متعرفش ازاي احول لاى مدرسة تانية غير المدرسة ال انا فيها حتي لو صبيان على الترم الثاني؟؟

اهلا ابلة سارة

بالنسبة للنقل فهو سهل بس بشرط انه ميكونش في احتياج ونقص

قريبا هيفتح باب طلبات النقل

في نوعين

نقل داخلي وده ممكن تحددي فيه مدرستين او 3 حسب رغبتك

ونقل خارجي تحددي فيه منطقة تعليمية ويفضل تكون قريبة على سكنك

وباب النقل بيقفل 31 مارس وينفذ من السنة الجاية

بس هو كل مكان وليه القرف بتاعه

انتي بتفكريني بأول خناقة ليا مع موجه فني

وقتها كنت فاهم التربية غلط

كنت متخيل ان اهم حاجة مصلحة الطالب العلمية

ولكن اكتشفت اني بسبح ضد التيار وان اهم حاجة التزويق والتلوين بدون علم

معلش بكرة تتعودي

[areeg]

يا استاذ تامر لو سمحت والابله ساره ممكن تكلمونا شويه عن مدارس الكويت الحكوميه والخاصه وايه احسن مدارس من وجهة نظركم كخبراء في التربيه والتعليم بالذات المرحله الابتدائيه لقد تليقت تعليمي في مدارس حكوميه كويتيه لمده طويله من الزمن وكنا بنكون احسن في كثير من المواد من من يتلقون تعليمهم في مصر وعندنا روح الابتكار ولما نزلنا مصر اضراري سنه 1990 (سنه الغزو) معظمنا حقق نتائج كويسه وطلعنا الاوائل علي المديريات التعليميه وبعض المحافظات حتي انهم كانو يجعلولنا نقرا الانجليزي او القران او موضوعات التعبير اللي احنا كاتبينها علي تلاميذ الفصول التانيه عشان نطق الانجليزي والقران ولكن من كلامكم فهمت ان الموضوع اختلف واولادي هدخلهم ان شاء الله الترم التاني مدارس في الكويت وكنت هضحي بموضوع اللغات لانهم كانو في مدارس لغات في مصر وادخلهم الحكومه لو ينفع بس الظاهر هغير رائي وايه رايكم في الباكستانيه او المدارس التانيه انا اهم حاجه عندي انهم يعرفو عربي ودين كويس مع اللغات عشان مخدش ذنبهم يعني ممكن ادخلت مدرسه انترناشونال بس الولد يطلع مش عارف قران كويس و ده انا مش عاوزاه معلش طولت عليكم بس كنت عايزه اوضح وجهه نظري وانا عارفه انكو اتكلمتي في موضوع التعليم سابقا بس كنا عايزين تفاصيل اكتر ولكم جزيل الشكر مقدما

[sindbad]

اهلا الفاضله اريج

اللي اعرفه ان المدارس الباكستاني و الهندي غير معترف بيهم في مصر

حد يصحح لي لو غلطان

[sindbad]

كمان احب اقول ان

بابا جونز

اسوء بيتزا

[herohero]

انا اعرف ناساصغر مني دخلوا الباكستانيه وعادي جدا دخلوا ف مصر هي جامعات خاصه بسبمزاجهم بتهيئلي يعني ماعجبتهومش الجامعات الحكومية روشنة بقى

---

على جنب بقى هو انت حضرت يا استاذه اريج

مع حمد قلم

مع حمد ورق وقلم

لان الجيل ده كان متاسس كويسانا نزلت سنه الغزو تانيه اعدادي بعرف اتكم انجليزي واكتب مواضيع عربي كويس وكان قرايبي بيحفطوا مواضيع التعبير سواء عربي او انجليزي

تم تعديل 1 ديسمبر 2010 بواسطة herohero

[areeg]

طبعا يا باشمنهدس هيرو حضرت حمد والقلم بتاعو (يا تري حمد لسه محتفظ بالقلم)

وسنه الغزو طلعنا الاوائل وخدوني في مدرسه المتفوقين في عين شمس بس انا مرحتش

[sindbad]

وخدوني في مدرسه المتفوقين في عين شمس بس انا مرحتش

ايه ده

انا بقى كنت هناك بس قبل الغزو بسنين :closedeyes:

[قلب ابيض]

بخ

!!!!!!!انا جييييت ...يا وحشششين الحرب شغلتكم عنى لاكيلو برتقان ولا تورتايه من لابجيت طب حتى اس ام اس

المهم

تناثرت اقوال وتبعثرت عن موعد مرتقب بالجزيره الخضراء.....ما هى صحه هذه الانباء؟؟

من موقعى هذا ومن امام لابتوبى الموقر المدندش ...انا موافقه جدا لاسباب اهمها انى محتاجه اغير جو بعد دور المرض اللعين والنفسيه اللى مش هى دى

والاهم منها انى اشوف عريس بنتى احمد سامح

وطبعا اتمنى من كل قلبى ان نحظى برؤيه ولقاء حوريه وبوسى وهبه واغابى طبعا

والجنس الخشن بقى يجيب الاسره اه ...واللى بروحه بردوا اهلا وسهلا

فقط الاستفسار .....هل نعتبره يوم الفسيخ العالمى؟؟؟ ام ماذا ؟؟

رجائى سرعه الرد حتى نتلاشى اللخبطه اللى حصلت فى العيد

[حوريةعين]

الف سلام وتحية للناس اللي هيه

قصدي للناس اللي دخلو القلب من غير لا احم ولا دستور ... قلب ابيض

سلامتك وان شاء الله اجر وعافية وربنا يجعل صبرك على المرض في ميزان اعماللك

ورداً على العزومة اللي اسعدتني ( يا بختك اخدتي ثواب ادخال السرور على قلب مسلم )

وانا من ادام لاب توبي الرفيق المستديم ليا بعلن اني موافقققققققققققققققققققققققققه جدا

بس سؤال صغنن :closedeyes: هيا فين الجزيرة الخضراء ويتراحلها منين لاني احسن واحدة بتوه ;)

الاستاذة الغالية سارة

امبارح قريت مشاركتك وكان نفسي ارد عليكي بس واللله مقدرتش لاني كان لازم اسلم دفاتر الدرجات الصبح

وبرضه ملحقتش اسلمهم bsh:) ... الله المستعان

حبيبتي هوني على نفسك علشان تقدري تكملي المشوار

ومعلشي بكره الامور هتتغير معاكي صدقيني

ان الله لا يضيع اجر من احسن عملا

ده قانون رب العالمين في الارض

يمكن يتاخر الفرج لكن صدقيني شوية والادارة هتتغير معاكي للأحسن

ومتخليش ده يكون سبب لنقلك لان كل ادارة وليها مشاكلها

وبجد حاولي تستمتعي بالاخلاص في العمل وربنا هيغير الامور للاحسن ان شاء الله

يلا اروح اكمل شغلي ... ادعولي

[قلب ابيض]

الف سلام وتحية للناس اللي هيه

قصدي للناس اللي دخلو القلب من غير لا احم ولا دستور ... قلب ابيض

سلامتك وان شاء الله اجر وعافية وربنا يجعل صبرك على المرض في ميزان اعماللك

ورداً على العزومة اللي اسعدتني ( يا بختك اخدتي ثواب ادخال السرور على قلب مسلم )

وانا من ادام لاب توبي الرفيق المستديم ليا بعلن اني موافقققققققققققققققققققققققققه جدا

بس سؤال صغنن :closedeyes: هيا فين الجزيرة الخضراء ويتراحلها منين لاني احسن واحدة بتوه ;)

تسلمى يا حوريه يا غاليه اسم على مسمى يا خواتى؟؟؟

الجزيره الخضراء بجوار الابراج

لو حبيتى اقابلك فى مكان او لو كنتى جنبى امر عليك ونخليها سياره رجالى وسياره حريمى مافيش مشاكل

لو كده اكتبى لى عالخاص...لسه عندك مشكله فيه ؟؟

هابعتلك انا ناو

باقى الناس فييييييييين

بتتفرجوا عالجزء اللى اتشحورتوا فيه ؟؟؟

تامر انا عارفه انك بطولك فى الليله دى لذا وجب الاجتماع

مش عاوزه اكتب اسماء بقى ياريت كل اللى جاى او مش جاى يقول موافق او غير موافق عشان نحدد ساعه وتحديددا المكان بالجزيره ....اوك

مساكم لحظات حب ودفء عائلى مرييييييح

[تامر مصطفى]

انا جااااااهز

بس الموعد امتى؟؟؟

[اغابي]

انا جيت اهوووت - سلامات يا مدام قلب ابيض

بس ما تعملوش حسابي فى عزومات

لمهم نتكلم عن الفلم احسن اللى يعملوا تامر

انا رايي مدام قلب ابيض تقلبها عليهم بسيناريو يزلزل الزلازيل

ويجي يمر فى اخر الفلم عمنا ابو محمد يحرك شناباته

ويخوفهم كدا اكمن برضك السن له هيبة ولا ايه يا كابيرنا يا تامر يا زعيم

احنا معاك

:closedeyes:

تم تعديل 1 ديسمبر 2010 بواسطة اغابي

[Simba]

وانا كمان جاهز ومستعد

ومستعد وجاهز

في اي وقت

بس ربنا يستر ما يصادفش دوام ضهر لية او نايت

وبجد بجد

حراااااااااااااام

غزارة التوبيكات اللي هنا عن التدريس وحاجات تانية كتيرة تختفي في صفحات وصعب اي حد يوصلها

مسيو تامر

لا تراجع ولا استسلام لحد ما يبقي فيه باب للكويت بكالون ومفتاحين واحد معاك والتاني مع مدام قلب ابيض

حقيقي والله

المفروض يكون فيه باب للكويت تتحط فيه المواضيع المهمة علشان يكون سهل الوصول لها

حد من البصاصين بيسمعنا :P :P

[لماضة مصرية جدا]

عوااااااااف

داستور....حد يكون خالع راسه و لا حاجة

يا جماعة مش عارفة و اناقاعدة كده...قلبي خبط عليا و قالي....قومي و شقري علي حبايب قلبك

انا كنت جاية اطمن عليكم

و جايبلكم معايا دي

النبي قبل الهدية

طروا علي قلبكم....محدش واخد منها حاجة

و خليكوا زي ما انتو قاعدين....ع الكنبة...مع اني شافية اغابي بتحاول تزق تقعد و كل شوية تتهبد ع الارض...معلشي

فوتكم بعافية

هتوحشوني يا عكاريت

طراااااااااااخش......(ده صوتي و انا بلبس في الباب....اصلي مش عايزة اشيل عيني من عليكم)

يا رب يكون عجبكم التوثيق لمرحلة المخاض المحاوراتي

نايتي...نايتي