المصريين المغتربين بالكويت

[زهقان]

لو سمحت يا جماعه كنت عايز اسالكم لو جت فيزه العمل لزوجي الاجراءات تاخد وقت قد ايه في مصر عقبال ميسافر وتاخد وقت قد ايه في الكويت عشان يدق الاقامه علما انه عقد حكومي علي وزاره الصحه وامت يقدر يبعتلنا التحاق بعائل وهل التحاق بعائل بيتعملها كشف طبي وفيروسات وبتاخد وقت قد ايه عشان نسافر وهل ممكن مدرسه خاصه تقبل الاولاد عقبال مندق الاقامه ولا لا لان الوقت ازف وانا مش عارفه ادفع مصاريف المدرسه هنا في مصر ولا هنلحق ندخل الاولاد مدارس الكويت معلش طولت عليكم بس الموضوع مهم بالنسبه ليا جدا

اجراءات مصر شهر "تقريبا" يزيد أو ينقص أسبوع

اجراءات الكويت شهر "تقريب" يزيد أو ينقص أسبوع

[زهقان]

اخي زهقان,,, انا يا سيدي كان المفروض اسافر السنة دي مكان ما لكن ربنا قدر ان يبقي في حمل و الحمدللة ام هشام جابتلنا تقي يوم 14 اللي فات,, و سافرو من يومين علي مصر و انا هنا لوحدي ,, الاول زهقت من الحمل و و مسئولية الراجل اثناء حمل مراتة و بعدين زهقت لان السفر اياة اتاجل و دلوقتي زهقان عشان لوحدي في الجو اللي يشرح القلب دة بتاع الكوييت,,

طب تعمل اية يابوهشام, تزعل, لا , تتضايق,, لا تعمل اية,,, مافيش,, مش عاوز انزل مصر للاسباب اللي ذكرها اخونا تامر و ماليش الا الشبكة العنكبوتية علي رأيك,, قلت استفيد و افيد,, قررت اتعلم اعمل اكل و اديني بجمع وصفات و ربنا يستر,, قررت برضة اتعلم مبادئ اللغة الفرنسية و لسة بادئ,,,

القصد الوقت نعمة و لااازم الواحد يستغلها في المفيد عشان لو في فضا انت عارف ان الشيطان شاطر و دحيح والواحد اذا ماراحش للصح هبروح للغلط و الهيافة,,

خليك ايجابي و استفيد بوقتك

و اسمع الاغنية دي لو ليك في الاغاني و قلي اية رايك

http://www..com/watch?v=utF3vwvaAx8

شكرا على الاغنية يا أبو هشام وحمد الله على سلامة أم تقى

وشكرا على النصيحة

[الغريب]

ماشاء الله اللهم صلى على النبي ، التوبيك سهمه عالي في بورصة المحاورات النهاردة ، شدو حيلكم شوية يمكن ربنا يكرمنا وإدارة المحاورات تنزلنا المكافئات قبل شهر رمضان :lol: :lol:

غريب بك

دايما منور التوبيك والله :)

أنا اول مرة اسمع عن التأمين الخاص ده وبالنسبة للمستوصفات كلامك مظبوط جدا والله انا لسه النهاردة بس واخد مشوار خالص في مستوصف الفروانية كنت هناك من الساعة 6 الصبح علشان اقف في طابور يغلب طوابير العيش في مصر للساعة 8 ووكل ده علشان الدكتور يديني ميعاد في يوم تاني لحشو العصب .. حقيقي مشكلة والله يعني انا النهاردة كنت دوام ومعرفتش اخرج من الشغل خالص مكانش فيه اي حل غير اني اخد سيك ليف وبرضه اخدتها بالعافية من مستوصف الرقعي .. علشان حشو بس عمال الف من السالمية للرقعي للفروانية .. بفكر والله خلاص اروح اظبط سناني في عيادة خاصة بره بس نفسي اعرف بتتكلف قد ايه

أنت اللي نورت الكويت والله ياسيبما

ألف سلامة عليك ، وبالنسبة للطابور اللي بتوصفه ده فأنا شوفته فعلا في مستوصف الفروانية من حوالي إسبوع ، بس سامحني عاوز أقولك أنت تستاهل :sad:

قصدي تستاهل الطابور ، بقى ياراجل لسه جاي من مصر ملكش أسبوع ومتظبطش حالك هناك ، على العموم أستحمل معلش هو وجع السنان صعب شوية وربنا يقديلك حاجتك ، أنما بالنسبة للعلاج الخاص للأسنان فهو غالي جدا وهيخلي سنانك تسل عليك بسبب سعره وكمان مبيجبش نتيجة فهتدفع من غير فايدة يبقى خليك في المستوصف وربنا ييسرلك الحال.

لو سمحت يا جماعه كنت عايز اسالكم لو جت فيزه العمل لزوجي الاجراءات تاخد وقت قد ايه في مصر عقبال ميسافر وتاخد وقت قد ايه في الكويت عشان يدق الاقامه علما انه عقد حكومي علي وزاره الصحه وامت يقدر يبعتلنا التحاق بعائل وهل التحاق بعائل بيتعملها كشف طبي وفيروسات وبتاخد وقت قد ايه عشان نسافر وهل ممكن مدرسه خاصه تقبل الاولاد عقبال مندق الاقامه ولا لا لان الوقت ازف وانا مش عارفه ادفع مصاريف المدرسه هنا في مصر ولا هنلحق ندخل الاولاد مدارس الكويت معلش طولت عليكم بس الموضوع مهم بالنسبه ليا جدا

يخدلو في مصر حوالي شهر، وفي الكويت شهر بردو ، وإلتحاق بعائل بتاخد شهر بردو في مصر ولما تيجي أسبوعين تقريبا ، بس متهيألي لو قصدك على السنة دي فصعب الأولاد يلحقوا المدرسة السنة دي هنا وربنا ييسرلك

وأي خدمة يا أخت أريج أحنا موجودين ، خلينا أحنا نرد على أستفسارات الناس ولما نستفسر أحنا محدش يمسح زورنا بأي رد :lol:

سلام.. أحسن نفسي في يومين أجازة نوم من أولهم لآخرهم

[زهقان]

اخى الفاضل زهقان اسعدنة كلامك جدا عن مصر لانى رغم كل شئ وانها سبق ان طردتنى شر طرده وكان السبيل الوحيد لى للعيش الكريم هو السفر الا انى احبها جدا وبمانى من اثاليم مصر محافظه السويس فانا انعم بهدوء جميل وتعامل محترم فى اى مكان غير البهدله بتاعه القاهره من حيث الزحمه والحر ومالى ذلك

وفعلا برضه عندك حق ان المقارنه بين مصر واى دوله من دول الخليج مقارنه ظالمه وان سكان القاهره بس عدى ال6 مليون تقريبا يعنى تقريبا عدد سكان الكويت كلها ولكن اخى الفاضل هل كلنا نستطيع العوده الى مصر لالالالالالالالالالالا للاسف تعودنا على الهدوء اللذيذ تعودنا على سهوله التعامل والعيشه المريحه فى كل شئ السياره البيت والمولات والاسواق فى كل مكان تعودنا ان اى شئ يخلص فى ثوانى مش فى ايام

كلام اخى الفاضل تامر صحيح وكلامك اخى الفاضل ايضا صحيح وكلا منكما يحكةى من منظور ما شاهده

وبرضه اقول مصر هى امى نيلها هو دمى وبجد وحشتينى قوى يا مصر ولو لقيت اى فرصه انى انزل مصر صدقنى مش هتاخر ابدا ان ا كملت اربع سنين فى الكويت وفى يناير القادم اكمل خمس سنوات ان شاء الله

ومره اخرى احيك ثم احيك لدفعاك عن بلدك وفقك الله لما يحبه ويرضاه ان شاء الله

شكرا لحضرتك ، ولكن هعقم بس على الجملة الاخيره

لم أشترك فى هذا المنتدى للدفاع عن مصر ، ما يكتب هنا أو هناك لن ينقص من قدر مصر وليس هدفى ايضا الهجوم على الكويت حاشا لله

بالاضافة الى ذلك أنا أعرف وأعى تماما ان كل من ينتقض مصر من المصريين ينتقضها ليس بغرض الاساءه ولكن لانه عاوز يشوفها احلى بلد فى الدنيا

فضل الكويت على الكثير منا لا ينكره الا جاحد لكن الفضل كل الفضل لمصر قبل الكويت ولله أولا وأخيرا وقبل اى شئ

فـ لولا ما منحتنى مصر اياه من ما كانت قدامى وطأت ارض الكويت دره الخليج

تم تعديل 5 أغسطس 2010 بواسطة زهقان

[زهقان]

[name=قلب ابيض' timestamp='1281013496' post='633011]

الله يجازيك كل خير يا زهقان يا خويا

اللى يقولى عطر الجنه واللى يقولى استاذ قلب ابيض ....زى الفل الحمد لله

بعد المتابعه الجيده للتوبيك اتضح لى انى المفروض كنت أكتب "أستاذه" أو مدام قلب أبيض

اللى ما يعرفك يجهلك

أسف على الخطأ الغير مقصود ومره تانية أحمد الله انى قدرت أرسم الابتسامة والبهحة على وجه حضرتك

[رحمة]

السلام عليكم اخوتي و اخواني في الكويت كيف حالكم جميعا انا سعيدة بالانضمام لكم لقد كنت اقرا المنتدي من فترة طويلة و كنت سعيدة جدا بتعاون و اخوة الجميع هنا انا زوجي حضر للكويت في شهر7 ليعمل طبيب بمستشفي الجهراء ( هلا مدام بوسي) و سننضم اليه بمجرد انهاء الاجراءات ان شاء الله لقد كنا في الجهرا من فترة و تركناها لظروف ثم عدنا سالمين برضه للجهرا المهم دلوقتي جوزي بيدور علي شقة ومش لاقي خالص ربنا ييسر الاحوال المهم انا سعيدة جدا اني اتشرف بمعرفتكم

[ارماندوا]

السلام عليكم اخوتي و اخواني في الكويت كيف حالكم جميعا انا سعيدة بالانضمام لكم لقد كنت اقرا المنتدي من فترة طويلة و كنت سعيدة جدا بتعاون و اخوة الجميع هنا انا زوجي حضر للكويت في شهر7 ليعمل طبيب بمستشفي الجهراء ( هلا مدام بوسي) و سننضم اليه بمجرد انهاء الاجراءات ان شاء الله لقد كنا في الجهرا من فترة و تركناها لظروف ثم عدنا سالمين برضه للجهرا المهم دلوقتي جوزي بيدور علي شقة ومش لاقي خالص ربنا ييسر الاحوال المهم انا سعيدة جدا اني اتشرف بمعرفتكم

هههههههههههههه حلو موضوع رجعنا للجهرا سالمين ( الجهرا دى اسم على مسمى) اما لو عايزين شقه عليكم بمنطقه العماير كلها شقق وقريبه جدا من المستشفى اللى فيها جوزك فى عمارات العاقول كلها شقق فاضيه بس عيبها عزاب على عائلات معلشى اصل الجهراء كل شئ فيها ممكن دى محافظة بره الكويت يضموها للعراق ونخلص بقى من البدو والبدون الله يلعن دى ايام طلعت منها روحت السالميه حسيت انى فى مكان خنيق برضه قمت واخد بعضى وطالع على الفروانيه حسيت انى فى مصر بقى ارتحت هناك اوى بس الزحمة الزياده هتخنقنى الظاهر بفكر اروح حولى اشوف الوضع ايه

[ياسر]

اخي زهقان,,, انا يا سيدي كان المفروض اسافر السنة دي مكان ما لكن ربنا قدر ان يبقي في حمل و الحمدللة ام هشام جابتلنا تقي يوم 14 اللي فات,, و سافرو من يومين علي مصر و انا هنا لوحدي ,, الاول زهقت من الحمل و و مسئولية الراجل اثناء حمل مراتة و بعدين زهقت لان السفر اياة اتاجل و دلوقتي زهقان عشان لوحدي في الجو اللي يشرح القلب دة بتاع الكوييت,,

طب تعمل اية يابوهشام, تزعل, لا , تتضايق,, لا تعمل اية,,, مافيش,, مش عاوز انزل مصر للاسباب اللي ذكرها اخونا تامر و ماليش الا الشبكة العنكبوتية علي رأيك,, قلت استفيد و افيد,, قررت اتعلم اعمل اكل و اديني بجمع وصفات و ربنا يستر,, قررت برضة اتعلم مبادئ اللغة الفرنسية و لسة بادئ,,,

القصد الوقت نعمة و لااازم الواحد يستغلها في المفيد عشان لو في فضا انت عارف ان الشيطان شاطر و دحيح والواحد اذا ماراحش للصح هبروح للغلط و الهيافة,,

خليك ايجابي و استفيد بوقتك

و اسمع الاغنية دي لو ليك في الاغاني و قلي اية رايك

http://www..com/watch?v=utF3vwvaAx8

شكرا على الاغنية يا أبو هشام وحمد الله على سلامة أم تقى

وشكرا على النصيحة

يا حبيبي العفو,, انا مش عاوز ازود علي اللي اتفضل بية الاخوة و الاخوات عن الاوضاع في مصر ,, دي حاجة معروفة لكل,, و علي العموم بلدنا بقالها 2000 سنة في انحدار, و ربنا ييسر شعب و قادة عشان ترجع زي ما كانت,,, واعتقد ان المشكلة الاساسية في بلادنا ان الصفوة المجتمعية مغيبة عن القدرة علي الفعل و مهمشة حتي بالاستشارة,,و ان العشرة في المية اللي بتحكم موجودة في موقع الحكم لنفوذها ايا كان نوع هذا النفوذ.

اسمع الشعر دة و قلي اية رايك

http://www.youtube.com/watch?v=z90qk08RKkM

[رحمة]

ربنا يكرمك اخي ارماندو و الله بيقول مش لاقي في العماير ربنا ييسر الفراونية حلوة بس فعلا زحمة جداو كلها مولات و شوبنج مرات صاحب جوزي مستمتعة جدا هناك صرفه كللللللللل المرتب و هو حيموت عاوز يروح حته تانية انا قلت لجوزى نسكن هناك md2: مستتحيل طبعا :lol: المهم حولي ناس نعرفهم ساكنين فيها بيقولوا حلوة بس شوارع غير شوارع يعني ابعد عن المولات الكبيرة حتلاقيها اهدي و ربنا ييسر احوالنا كلنا

[pocy]

يا الف هلا ومليون غلالالالا على اختنا رحمه

انتى فى الجهرا يا بنتى انا نفسي اهج من هنا وانتى عايزه تيجي

والله لو كنتى قلتيلي قبل يوم 20/7 كنت جبتك فى عمارتى كلها مصريين وناس محترمه جدا مهندسين ودكاتره ومدرسين لان ده شرط صاحب العماره يكون اقل حاجه مهندس وهنا فى العماره فى دكاتره كتير جراحه وعظام و تخدير وكلهم فى مستشفي الجهرا اكيد زملاء لزوجك وربنا ييسر انتى فين بقي دلوقتى ؟؟؟؟؟؟؟؟؟؟؟

والله كانت هتبقي شقه ممتازه ب180 دينار اوضتين وصاله وحمامين وصاله كبيره ربنا يباركلك ياقمر ويسر اموركم يارب

وفى دكتور جه جديد فى العماره على 1/8 واخد شقه اوضه وصاله ومطبخ وحمام ب160

بس اكيد هتنورى الجهرا واكيد ان شاء الله اتعرف عليكى انا محاطه بعمارات العاقول ومين قال ان العاقول مفهاش شقق اكيد فيها وجدا كمان انا اختى لسه سايبه شقه فى العاقول وسكنت فى العماره اللى ان فيها اكيد العقول فيها بس بصراحه انا مش بحب عماره العاقول دى نهائي لاسباب هبقي اقولهالك بعدين ههههههههههه

المهم ياقمر يا مرحب بيكى فى الجهرا وعلى فكره الجهرا مش وحشه بالعكس انا شايفه انها احلى من مناطق تانيه كتير

[رحمة]

الجهرا منورة بيكي يا بوسي علي فكرة انا ليا صاحبة انتيم في الاندلس برضه اسمها بوسي انا لسه في الاسكندرية و ربنا ييسر الاحوال عشان المدارس انا كنت في الجهرا قبل كده و علي فكرة الجهرا علي قد بعدها بس حلوة و فيها استكفاء ذاتي عن منطقة زي الرجعي مثلا و برضه هادية( اقولك سر الاول كنت مش طايقاها بس بعد كده تقدري تقولي تعود او عشرة) الحمد لله بس انا معرفش فين عمارات العاقول يعني جنب الجمعية الجديدة و لا عند السنيما و لا القيصرية اقوله عليها ربنا يسهل وربنا يكرمك وجزاكي الله خيرا

[ارماندوا]

الجهرا منورة بيكي يا بوسي علي فكرة انا ليا صاحبة انتيم في الاندلس برضه اسمها بوسي انا لسه في الاسكندرية و ربنا ييسر الاحوال عشان المدارس انا كنت في الجهرا قبل كده و علي فكرة الجهرا علي قد بعدها بس حلوة و فيها استكفاء ذاتي عن منطقة زي الرجعي مثلا و برضه هادية( اقولك سر الاول كنت مش طايقاها بس بعد كده تقدري تقولي تعود او عشرة) الحمد لله بس انا معرفش فين عمارات العاقول يعني جنب الجمعية الجديدة و لا عند السنيما و لا القيصرية اقوله عليها ربنا يسهل وربنا يكرمك وجزاكي الله خيرا

عمارات العاقول فى قلب منطقه العماير بس بلاش صدقينى احنا اسكندرنيه زى بعض ووجبى اقولك المفيد وانشاء الله تيجى بالسلامه وترتاحى فى الكويت ونسمع عنكم اخبار حلوه

[herohero]

الفاضل الاستاذ زهقان

انا من مواليد الكويت سنة 1978 سيدي لا احد يقارن مصر بدول الخليج بالعكس مصر حاليا ع الاقل ف مجال الاتصالات وتكنولوجيا المعلومات احسن من دول كثيرة الا استثناءات معينه ومرتبات العاملين ف المجال ده ف مصر بقت ف اماكن كثيرة احسن من الخليج ويكفي لما تزور القرية الذكية تحس انك ف بلد تاني

لكن هي مصر القرية الذكية ومين قال ان دول الخليج تبقى احسن مننا بامارة ايه احنا لازم نبقى احسن بكتير بس اللي مزعلك اننا بقالنا فترة وهي فترة حكم مباركة البلد ف النازل ف كل شيئ فين ادبائك بتوعم زمان فين فنانيك ع فكرة احنا عايشين ع الناس بتوعم زمان كم واحد عدل اتوزلد ف العهد المبارك

سيدي الكويت من سنه 78 وهي ع الوضع ده مش عاوز اقولك كانوا بيدوا لطلبة المدارس 2 بنطلون رمادي و2 قميص ابيض وف الشتاء بلوفر كحلي

احتضنت مثقفين مصر لما النظام طفشهم يعني احنا اللي عملنا كده ف نفسنا احنا اللي طفشنا عيالنا بنفسنا

انا بقولك الحكاية نسبية خااااااااااااااااالص

لو حضرتك عايش ف القطاميه هايتس وشغال ف القرية الذكية وزوجتك كذلك وعيالك ف مدارس الشويفات يبقى طز ف اي عيشه بره مصر

ولعلمك ف مصر ممكن تعمل كل شيئ احنا اشتكينا منه ف ثواني لو معاك كووووووووووووووووووسة

انا طلعت الاعفاء النهائي للجيش لبلوغ 30 ف اقل من ساعه

وقبلها بيوم القيد العائلي المميكن صحابي عارفين من اين تاكل الكتف شعور بايخ جدا جدا وانت بتتخطى الناس وانت قاعد تشرب كوباية الشاي وورقك بيخلص

اختي الصغيره طلعت الرخصه ف اقل من ساعتين وكله بالمعارف وانا حفيت عشان اطلعها ف مصر سنه 2001 وسايط مش لاقي رشاوي مش عارف اديها لمين

سيدي مصر = فلوس + نفوذ

وانا لا اكره بلدي لكن غير راضي عن الظلم فيها والفساد والخليج لا يلزمني ف شيئ ليس الا مكان وفر لي حياة مريحه ليس اكثر

صح بلد زي الكويت اكن لها كل المحبه واظن ده طبيعي بلد اتربيت فيها ولا انكر فضلها عليها وياما قولت "وطني الكويت سلمت لي المجد وعلى جبينك طالع السعد " للاسف قولتها اكتر ماقولت السلام الجمهوري المصري لكن بلدي ف نظري لا ينازعها حب حتى لما اخد جواز سفر تاني فهو لان بلدي مطنشاني شويتين

وارجع واقولك الحكاية نسبية وجرب تستقر ف مصر وشوف الامور وفي الاخر انا راجل عملي Take it or Leave it

فنحن لانكره بلدنا ولانشوه صورتها لان مش كلامنا اللي هياثر ولا هيشوه شيئ ياسيدي كم كنت اتمنى ان كلامنا ياثر لكن لاتقلق

واهديك أغنية ريهام "بالورقه والقلم من فيلم عسل اسود اتمنى تكون شوفته وتشوف فكرته

ع فكرة مؤلفه واخد جايزة برنامج محددون مع عمرو خالد يعني مش بيشوه سمعه مصر ولا حاجه وشاب مكافح وناجح

http://www.youtube.com/watch?v=3HBCjlQGxSE&feature=related

<object width="480" height="385"><param name="movie" value="http://www.youtube.com/v/SpAPwfSfwwg&hl=en_US&fs=1"></param><param'>http://www.youtube.com/v/SpAPwfSfwwg&hl=en_US&fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/SpAPwfSfwwg&hl=en_US&fs=1" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

تم تعديل 6 أغسطس 2010 بواسطة herohero

[sindbad]

صباح الفل على مصريين الكويت كلهم

ارماندو

رحمه

بوسي

قلب ابيض - مش عطر الجنه اهوه انا حفظت خلاص

سمبا

الغريب

هيروهيرو

ياسر

زهقان

[اغابي]

اخى الفاضل زهقان اسعدنة كلامك جدا عن مصر لانى رغم كل شئ وانها

سبق ان طردتنى شر طرده وكان السبيل الوحيد لى للعيش الكريم هو السفر

يعنى ايه يا بوسي طردتنى - هو حصل ايه معاكى فى مصر بليز :lol:

- اوعى تكونى عملت عمليةخطيرة فى القلب لحد ومات

والجرايد كتبت ان مصرية فشلت فى عملية

زى القصص اللى بنسمعها فى اوربا من المصريين الفاشلين

:lol: :lol:

طب لو كنت حكيتي موضوع الطرد داه فى توبيك قبل كدا انزلى باللينك بتاعه بدل ما تحكى من جديد وتضايقى نفسك لانى مش مذاكرة

بس بجد عاوزة اعرف ايه حصل معاكى بجد بجد

تحيكم اغابي من

السالمية وحولى والفروانية والجابرية

ومازال التنقل مستمر

:lol:

وانزلى يا ابنى باغنية سواح وماشي في البلاد

تم تعديل 7 أغسطس 2010 بواسطة اغابي

[تامر مصطفى]

اخواني اخواتي

صباح الخير على الجميع نفر نفر

هو انتوا يا جماعة (اقصد الموجودين داخل الكويت حاليا) حسدتونا والا حاجة؟؟؟؟

درجة الحرارة بقالها يومين في ارتفاع مستمر والرطوبة زايدة بشكل بايخ وخصوصا انها هنا في القاهرة مصحوبة بالغبار والاتربة

امبارح الساعة 12 بالليل درجة الحرارة كانت 40

لا مينفعش كده خفوا عنيكوا عنا شوية :lol:

الا صحيح يا جماعة عايز اخد رأيكم

عايز اشتري لبناتي فانوس رمضان ومحتار في الشكل المناسب ... ساعدوني في الاختيار من بين الاشكال المتوفرة في السوق:

( كرومبو - حمبوزو لاوي بوزو - سحس بومب - حسن شحاته-ابو تريكة - توكتوك - عربية زلط - سيارةاسعاف - شعبولا )

انا بصراحة بدور على فانوس على شكل حسن عابدين ومش لاقي خصوصا ان شويبس رجعت تاني بقوة في مصر

تم تعديل 7 أغسطس 2010 بواسطة تامر مصطفى

[قلب ابيض]

بذمتك يا استاذ تامر كده

الفانوس ولا المسحراتى لهم طعم دلوقتى ؟؟؟؟

العيال مواصله ليل بنهار صاحيين

وبعد البلاى ستيشن والوى هايمسكوا فانوس؟؟؟؟

انا بقول لابنى ابو 7 سنين اجيب لك فانوس رمضان ؟؟

قالى يا ماما ده انا يبقى شكلى عبيط اوى وانا ماسكه ..الناس هاتضحك على... طبعا الناس اللى هما من سنه

هاااااااااااا لسه عاوز فانوس؟؟

والله شكله ليك مش للولاد

smk:

[ياسر]

السلام عليكم,

عندي سؤال في السريع و ارجو المساعدة.

اية افضل اشتراك انترنيت وايرليس في الكويت؟

عارفين البتاعة دي اللي اسمها يو بي اس اللي بتركب في الجهاز و تشغل انترنيت ,,,,,, اهو هو دة قصدي دي اسعارها اية و الاشتراك تفاصيلة اية.

و شكرا مقدما

[sindbad]

اذا كنت من هواه التحميل فلا انصح بالموضوع ده علشان ليه عدد محدد من الجيجا بايت للدونلوود كل شهر

بعد كده بيبقى بطيء جدا

[رحمة]

السلام عليكم كل اخواننا في الكويت يارب تكونواجميعا بخير اخي ارماندوا اهلا و سهلا بأهل اسكندرية و جزاك الله خيرا علي النصيحة و الله الواحد اصله مل المدارس قربت و كل ما اسال جوزي الشقة يقولي مش لاقي الشقة المناسبة smk: smk: ربنا ييسر الحال و يهدينا للي فيه الخير.

يا جماعة الخير محدش يتريق علي الفوانيس انا متعصبة جدا لمبدأ شراء فانوس رمضان انا فضلت اجيب و احد لحد اول سنة جواز بعدها :blush2: جوزي احرجني بصراحةبس اولادي بجيب لهم و رمضان مالوش طعم من غيرها حتي لو كانت بس عادة بتربطنا بايام جميلة بس الفوانييس بتاعة ابو تريكة و الحاجات دي مش رمضان خالص ايامنا انا بجيب فانوس ينور و يقول رمضان جانا او اي اغنية رمضانية ( محدش يضحك عليا ) انا بفرح بيها اوي حتي اكتر من الولادو كل سنة و انت طيبين