المصريين المغتربين بالكويت

[ارماندوا]

افتكر رمضان زمان غير دلوقتى خالص حاسس انه كان له طاله غريبه ايام مسلسل الاشكيف بتاع ليلى علوى و الفوازير بتاعت شريهان اللى بتقول فيها ماندوا وفاطيمة فاكريين الايام دى والفوانيس اغانى رمضان دلوقتى بقت حاجة تخنق مسميين الفوانيس بأسامى اللعيبة والممسلين بلا قرف

[sindbad]

صباح الخير عليكم جمعيا

احنا رحنا الجهرا السليل..... مكان جميل بصراحه ومحترم عن المارينا مثلا!! :ninja:

بس المشوار :blink:

الناس اللي جابت فوانيس تقول بسرعه جبتم منين الفوانيس بس محدش يقول لي من الجهرا :lol:

[pocy]

صباح الورد والفل والياسمين صباح جميل ع احلى مغتربين

من الجهرا ومن موقعى هذا امام الجهاز احب اقول ان فعلا سليل الجهرا مكان جميل جميل جدا ويا سلام لو دخلت المنتجع اللى جنبه او الفندق هتتهوس بحاجات جميله هناك

وبالنسبه للفوانيس اكيد لازم تاخدها من الجهرا ههههههههههههههههه على العموم انا شوفت الفانوس الصغير ابو شمعه بتاع زمان هنا ب 3 دنار والكبير ب7 والاكبر ب10 بس ده بيتعلق على البيت من بره فخلينا فى المتوسط لو ليك او للمدام او الصغير لو للاطفال

والله فرحت لما شوفت ابوشمعه

بصراحه انا جبت الشمعه بس لسه مش جبت الفانوس هههههههههههههههههههه

ولو هتجيبه من الجهرا عليك وعلى سلطان هنا بعد الايسكريم بشويه هههههههههههههههههه

كل سنه وانتم طيبين وبخير يارب يتقبله منا اللهم بلغنا رمضان يارب اللهم امين

[sindbad]

اهلا اخت بوسي صباح الخير

ياهه الفانوس ب 7 دينار

انا ح اخلي اللي جايين من مصر يجيبولي فرشه فوانيس بحالها معاهم :lol:

المشكله الفوانيس اللي هنا كل مرة شكلها بيبقى مش حلو زي بتاعت مصر

فعلا ام الدنيا bv:-

[زهقان]

السلام عليكم ورحمة الله وبركاته

صباح القشطة المتعاصة بعسل نحل قطفة أولى على كل المصريين اللى فى الكويت

الصراحة بالنسبة للفانوس أنا بفضل الفانوس المعدنى أبو شمعة بتاع زمان ، الفانوس ده هو فعلا اللى بيخلى الواحد يحس برمضان زمان ، اما فانوس ابو تريكة وكرمبو و ..... اللى هى الصينى الواحد مبيحسش بيها انها فوانيس اصلا ، على اى حال هى أزواق ، ولولا أختلاف الازواق لبارت السلع

كل عام وأنتم بخير

[تامر مصطفى]

اهلا اخت بوسي صباح الخير

ياهه الفانوس ب 7 دينار

انا ح اخلي اللي جايين من مصر يجيبولي فرشه فوانيس بحالها معاهم :lol:

المشكله الفوانيس اللي هنا كل مرة شكلها بيبقى مش حلو زي بتاعت مصر

فعلا ام الدنيا bv:-

صباح الخير عليكم جميعا

على فكرة اسعار الفوانيس في مصر تقريبا في حدود 100 جنيه

ده بالنسبة للفوانيس الحلوة بتاعة زمان

اما الفوانيس المسخ امثال كرومبو واشكاله فاسعارها تبدأ من 50 جنيه وانت طالع

[تامر مصطفى]

بذمتك يا استاذ تامر كده

الفانوس ولا المسحراتى لهم طعم دلوقتى ؟؟؟؟

العيال مواصله ليل بنهار صاحيين

وبعد البلاى ستيشن والوى هايمسكوا فانوس؟؟؟؟

انا بقول لابنى ابو 7 سنين اجيب لك فانوس رمضان ؟؟

قالى يا ماما ده انا يبقى شكلى عبيط اوى وانا ماسكه ..الناس هاتضحك على... طبعا الناس اللى هما من سنه

هاااااااااااا لسه عاوز فانوس؟؟

والله شكله ليك مش للولاد

smk:

لا يا ستي انا بناتي زعلانين مني علشان لسه مجبتش لهم فوانيس وانا مأجل الفوانيس لغاية اليوم الأخير علشان هيتكسر بمجرد دخوله البيت

وانا في نيتي اشتري لهم الفوانيس الاصلية مش الكرومبية

وبعدين لازم تطلعي اسراري برة

انا فعلا عايز الفانوس ليا وعندي واحد بالفعل بس المشكله انه نص طولي بالضبط

وخايف اشيله العيال تضحك عليا

[pocy]

صباح النور والهنا على الموجودين هنا

اخباركم ايه يا محاوراتيه ومغتربين فى الكويت حبيت اسال هو فى الاسعار بتقل ولا بتغلى فى رمضان يعنى الواحد يجيب قبل ما رمضان يدخل ولا نستنى يمكن يكون فى عروض احسن بعد ما رمضان يبدأ؟؟؟؟؟

اصلي مش فاكره بصراحه

[ارماندوا]

روحت الجمعية اشترى جبت كل شئ طبعا السكر غالى جدا المشكله بقى فى قمر الدين كل واحد ميخدش اكتر من خمس لفف طبعا انا ومراتى واخوها كل واحد راح خد خمسه اشتغلناهم يعنى بالزمة مش عالم عبيطة

[pocy]

اخى ارماندوا هنا مفيش الكلام ده والسكر انا اشتريت 10 كليو سكر الاسره بدينار و800 انا شايفه انه رخيص بصراحه وفى الجمعيه كان فى سكر الوزان 10 كيلو ب1و990 مش عارفه هى الجمعيه اللى فى الجهرا ارخص ولا ايه

اخى الفاضل اقولك انا بعمل ايه هنا عندى تلات اماكن بروحهم اشترى منهم عندك سلطان الجهرا والجمعيه الرئيسيه و سوق اسمه اسعار زمان بشوف العروض على النت بتاعه سلطان وعرض الجمعيه بيجي لحد البيت وعرض اسعار زمان فى المجله وبحدد انا هروح فين واشترى ايه ولقتنى باشترى دايما الخضار من اسعار زمان الجبن والفاكهه من الجمعيه لانها ارخص من سلطان وكمان المنظفات والبامبرز وبجيب باقي احتياجاتى من سلطان

وبصراحه فى حاجات رمضان جبتها من الجمعيه كانت افضل وارخص بس مش بكتير يعنى فى كل حاجه تقريب 100 او 200 فلس فرق

بس بصراحه لما بشوف عروض لولو هايبر و جيان وكارفور وسيتى سنتر على النت بحس انى عايزه اروح بصراحه بس انا مكتفيه اكتفاء زاتى بالجهراء واتعودت اروح فين واجيب ايه وكلهم حولى ولله الحمد

بس فى حاجه ملحظاها الفراخ هنا فى المتحده وفى الروضه وفى طبعا ساديا وبيقبي فى فرق كبير في السعر بصراحه انا جربت ساديا ولما جربت غيرها ندمت ورجعتلها طعمها وطعم شوربتها افضل بمراحل من اى فراخ تانيه فهل هى مثلا مش مهجنه ولا ايه والباقي مهجن ؟؟؟؟ لان الفرق بيبقي اكتر من 3ونص دينار

[sindbad]

محدش يا جماعه جرب فراخ نايف الطازه

اصل الواحد مبييحبش المجمد

صباح الفل :rolleyes:

[masrry]

السلام عليكم

كل عام وجميع المصرين والامة الاسلاميه بخير

ورمضان كريم

[pocy]

بصراحه انا مجربتش اروح لنايف بس هل فعلا عنده فراخ طازه اول مره اعرف هبقي اروح وابص بصه وابقي ارجع اقولكم ان شاء الله

اخى الفاضل مصري اهلا وسهلا بيك وكل سنه وكل الامه الاسلاميه بخير يارب الهم امين

انا بقولكم مش تنسونا من دعائكم بتيسير الامور ولكم مثله ان شاء الله انا عايزه دعاء فى كل سجده معلش انا طماعه حبتين ههههههههههههه

[الغريب]

السلام عليكم

والله يا جماعة نصيحة ترفعوا إيديكم من الجمعيات لأنها بقت غالية لدرجة رهيبة ولو ركزتوا شوية هتعرفوا فرق الأسعار ، وعلى فكرة بدأو يعملوا حاجة مش لطيفة وهي أسعار مميزة للمواطنين ودي حاجة مش مقبولة خالص.

المجمعات والأسواق بدأت تركز على النقطة دي وعاملين تخفيضات كويسة

لولو هايبر هو أفضل مكان في الأسعار وجيان

سلطان فرع العائلات اللي على السادس عامل عرووض رائعة للغاية ، ياريت اللي عاوز يجيب أغراض لرمضان يجري على هناك النهاردة ، وبالذات المكسرات والخضروات والرز المصري

جيان النهاردة عامل عرض على موبايل نوكيا 5130 بـ 20 دينار فقط يعني تخفيض 7.5 دينار تقريبا وممكن أكتر العرض ده على عدد محدود تقريبا 400 عدة ويتلحق يا متلحقش

كان معكم مراسلكم من أسواق الكويت .. الغريب

[ارماندوا]

شكرا الاخت بوسى بس اصل جمعية الفروانيه والهى زباله جمعيه كبيره على الفاضى اسعارها زفت غير اللى انتى بتقولى عليه

انا على كلامكم اروح لولو هايبر احسن على كده انا كنت مفكر ان الجمعيات ارخص شئ شكرا على النصيحة وكل عام وانتم بخير

[مصطفى محمد]

لو سمحتوا ياجماعة ممكن اعرف اسم شركة كويسة فى المنصورة لانهاء اجراءات السفر الى الكويت يعنى انا اسمع ان فية شركة فى المنصورة اسمها شركة بدر السعودية بتخلص اجراءات الورق وبتسلمك الجواز فية التأشيرة وبعد كدة احنا بنحجز وبنسافر على طول فكنت عايز اعرف اسم شركة كويسة تخلص ورقى وهل قبل ما اسافر مصر اعمل الكشف الطبى لازم احجز على النت ولا اية وازاى احجز واخد الرقم اللى هدخل بية ان شاء الله....وشكرا وكل عام وانتم بخير.

[HDarwish]

الأول أنا حبيت اقولكم جميعا كل سنة وانتم طيبين

محدش يا جماعه جرب فراخ نايف الطازه

اصل الواحد مبييحبش المجمد

صباح الفل :rolleyes:

جربتها فترة كبيرة جداً ودي أحسن الموجود بالنسبة للفراخ او الدجاج باللهجة الكويتية

[HDarwish]

لو سمحتوا ياجماعة ممكن اعرف اسم شركة كويسة فى المنصورة لانهاء اجراءات السفر الى الكويت يعنى انا اسمع ان فية شركة فى المنصورة اسمها شركة بدر السعودية بتخلص اجراءات الورق وبتسلمك الجواز فية التأشيرة وبعد كدة احنا بنحجز وبنسافر على طول فكنت عايز اعرف اسم شركة كويسة تخلص ورقى وهل قبل ما اسافر مصر اعمل الكشف الطبى لازم احجز على النت ولا اية وازاى احجز واخد الرقم اللى هدخل بية ان شاء الله....وشكرا وكل عام وانتم بخير.

كان نفسي أفيدك .. أنا من المنصورة برضوا بس ما اعرفش اي مكاتب بتخلص الأوراق دي بس ممكن تسأل عند شارع عشرة او مساكن الشناوي معظم مكاتب السفر بتبئا موجودة هناك

بالتوفيق

[Yusef]

السلام عليكم حبيت اكون من المهنئين لشهر رمضان الكريم اعاده الله علينا وعليكم وسائر بلاد المسلمين باليمن والبركات

اخوكم يوسف زاهر

مغترب في الكويت

تم تعديل 10 أغسطس 2010 بواسطة Yusef

[pocy]

هلا بيك اخونا يوسف ونتمنى نشوف مشاركاتك معانا فى الجو الرمضانى على المغتربين فى الكويت ان شاء الله

وكل سنه وانت طيب والاسره الكريمه والامه الاسلاميه اجمع ان شاء الله

وبقول من موقعى هذا انى مش شفت كتير زى قلب ابيض حبيبتى وحبيبه الملايين وبجد جزاها الله عنا الكل الخير فاكرنا دايما فى كل اوقاتها زى اولادها كمان

وبجد بحبك فى الله ياقمر وميرسي جدا جدا على الرساله الجميله ودايما سباقه بالخير يا قمرايه