المصريين المغتربين بالكويت

[sindbad]

اهلا اخت بوسي

ايه ده انت بتاخدي عموري المسجد كمان .. اه لو المدام عرفت ح تقولي لازم اروح اصلي في المسجد المشكله ان ميدو مشاكل ابني ملهوش حل في الشقاوة ويستحيل حد ياخده معاه المسجد لانه ح يبهدل الدنيا hypr:

[cup cake]

عايزة اطلب منكم طلب هو غريب شوية بس عشمى فيكم كبير و طلبى ده بجد مش بهزر انا عايزة لاخوية عروسه ايوه عروسة اصلنا عايشين فى الكويت طول عمرنا و مفيش حد حوالينا مناسب و ملناش اصدقاء كتير او معارف يساعدونا فى الموضوع ده وبما ان اخويه عايش و بيشتغل هنا و اهلى كمان فهيبقى اسهل لنا لو لاقينا عروسه هنا و جوزناه و خلصنا لان اى اجازة مش هتكفى ندور و نسال فياريت لو فى حد يقدر يساعد يعرفنى بجد لانى تعبت من زنه :sad:

[Leedo]

عايزة اطلب منكم طلب هو غريب شوية بس عشمى فيكم كبير و طلبى ده بجد مش بهزر انا عايزة لاخوية عروسه ايوه عروسة اصلنا عايشين فى الكويت طول عمرنا و مفيش حد حوالينا مناسب و ملناش اصدقاء كتير او معارف يساعدونا فى الموضوع ده وبما ان اخويه عايش و بيشتغل هنا و اهلى كمان فهيبقى اسهل لنا لو لاقينا عروسه هنا و جوزناه و خلصنا لان اى اجازة مش هتكفى ندور و نسال فياريت لو فى حد يقدر يساعد يعرفنى بجد لانى تعبت من زنه :sad:

طيب ممكن اعرف تفاصيل اكتر عن اخوكي انا فيه اخت واحد صاحبي هنا بس يا ريت ممكن يبقى الموضوع على الخاص

[noname]

عايزة اطلب منكم طلب هو غريب شوية بس عشمى فيكم كبير و طلبى ده بجد مش بهزر انا عايزة لاخوية عروسه ايوه عروسة اصلنا عايشين فى الكويت طول عمرنا و مفيش حد حوالينا مناسب و ملناش اصدقاء كتير او معارف يساعدونا فى الموضوع ده وبما ان اخويه عايش و بيشتغل هنا و اهلى كمان فهيبقى اسهل لنا لو لاقينا عروسه هنا و جوزناه و خلصنا لان اى اجازة مش هتكفى ندور و نسال فياريت لو فى حد يقدر يساعد يعرفنى بجد لانى تعبت من زنه :sad:

طيب ممكن اعرف تفاصيل اكتر عن اخوكي انا فيه اخت واحد صاحبي هنا بس يا ريت ممكن يبقى الموضوع على الخاص

السلام عليكم جميعا وكل سنة وانتم طيبين ورمضان كريم

[Simba]

استاذي سمبا اين انت من المحاورات هذه الايام اتمنى ان تكون بخير

شكرا لسؤالك يا مدام بوسي

وشكرا لمدام قلب ابيض

اخواتي تامر والغريب وسندباد والجميع ... رمضان كريم

الموضوع بقي عليه بقي عالمي واخد نقلة تاريخية من استفسارات الاقامة وكارت الزيارة للجواز ... ما شاء الله .... الله يوفق

بس المرة دي لو الموضوع تم علي خير لازم نقف وقفة رجالة وناخد حقنا وعمولتنا ناشفة :closedeyes:

حتي اختنا سارة زمان جابت سيارة ونسيت تكسر عضم علي رأي مدام قلب أبيض :lol:

كان نفسي علي الاقل شباب الموضوع ده نتجمع ونفطر سوا في يوم

بس واضح ان التجمع ده ولا لقاء المستحيل :D

فوتكم بعافية

[زهقان]

السلام عليكم ورحمة الله وبركاته

طبعا يا جماعه انا مسافر الاسبوع الجاى على رحلة مصر للطيران الاضافية بتاعه الساعه 12 بالليل

سؤالى : هو غرامة الوزن الزائد كام للكيلو الواحد ، والتذكره الواحده مسموح لها بأد أيه وزن

عشان بس أعمل حسابى فى فلوس كويتى وانا رايح المطار

تم تعديل 17 أغسطس 2010 بواسطة زهقان

[تامر مصطفى]

السلام عليكم

اهلا بعودتك يا كابتن سمبا متبقاش تغيب علينا يا راجل وبالنسبة لفكرة الافطار الجماعي للرجالة فهي فكرة حلوة بس للأسف مش هقدر اشاركك فيها لاني في مصر حاليا.

noname كل عام وانت بألف خير وصحة.

كب كيك ربنا يوفق اخوكي لما فيه الخير بس افتكري كلمتي دي اثناء رحلة البحث عن عروسة ((عالأصل دور))

بوسي منورة دايما الموضوع ووجودك فيه بيحسسنا دايما ان الموضوع لسه عايش

زهقان ترجع مصر بالسلامة ان شاء الله وعلى فكرة والدتي لسه جايه من الكويت على مصر للطيران وكان ليها وزن مسموح 50 كيلو بس نصيحتي ليك لو معاك وزن كتير روح اشحن الحاجات التقيلة اللي معاك من الباب للباب ودول موجودين في الفروانية كتير وريح نفسك.

فين يا جماعة اختنا اغابي؟؟ زهقت مننا والا ايه؟

سندباد اخبارك ايه مع الحلويات انا ممكن اجيبه ليك من مصر لو عايز هنا في التوحيد والنور كتير بس المهم ان امورك تعدي على خير وميبقاش في خساير في الارواح :lol:

طبعا انا مش هسأل على قلب ابيض علشان عارف هي فين وكل يوم بتفطر على البحر وسايبانا احنا في القاهرة امبارح كانت الحرارة 43 وفي ل القطع المبرمج للكهرباء فاحنا بنعاني معاناة بايخة شوية خصوصا ان وقت القطع بيكون مدروس جيدا يعني مرة يقطعوه والناس لسه بتطبخ قبل الفطار وساعات وقت صلاة التراويح والشيخ يفضل يعلي في صوته علشان الناس تسمع وساعات وقت النوم والحر يخليك تصحى متنرفز ومش طايق نفسك .

واللي مذكرتش اسمه ميزعلش لاني فاكر الكل وكل عام والجميع بألف خير

[قلب ابيض]

السلام عليكم ورحمة الله وبركاته

طبعا يا جماعه انا مسافر الاسبوع الجاى على رحلة مصر للطيران الاضافية بتاعه الساعه 12 بالليل

سؤالى : هو غرامة الوزن الزائد كام للكيلو الواحد ، والتذكره الواحده مسموح لها بأد أيه وزن

عشان بس أعمل حسابى فى فلوس كويتى وانا رايح المطار

رحله سعيده ان شاء الله

شوف يا فرحان افندى ...الوزن الزائد الكيلو بـ2 دينار

فالأفضل لحضرتك لو معاك وزن زياده حبتين تلاته تبعتهم عن طريق البر يعنى شحن مع حد من اللى بيوصلوا القاهره والمحافظات ودول كتير اوى والكيلو بت500 فلس يعنى نص دينار هاتفرق كتير معاك لو وزن كتير انما لو تلاته اربعه كيلو انصحك هندباج وكيس تانى من بتاع الهدايا وخلاص

بس خللى بالك انا السنه اللى فاتت نفس رحله الفجر دى قبل العيد ضيعت 3 شنط منى حفيت وراهم الاجازه كلها يوميا بالمطار فى مصر لحد ما رجعوا .....

يعنى خليك عالسير لحد ماتتاكد ان الليبول اتحط عالشنط قدامك ونزلت تحت

" ونصيحه اخيره بقى كووووول حاجه موجوده فى مصر خاصه الصينى اللى عندك هو اللى عندنا بس بالجنيه نفس القيمه ماتركزش عالملابس واللى زى كده وخليك فاكر الجنيه غلب الكارنيه

يا بختك ياعم جاى مصر بشوق ولهفه والجو فيها دلوقتى برررررررد ومنعش اخر حاجه

[قلب ابيض]

طبعا انا مش هسأل على قلب ابيض علشان عارف هي فين وكل يوم بتفطر على البحر وسايبانا احنا في القاهرة امبارح كانت الحرارة 43 وفي ل القطع المبرمج للكهرباء فاحنا بنعاني معاناة بايخة شوية خصوصا ان وقت القطع بيكون مدروس جيدا يعني مرة يقطعوه والناس لسه بتطبخ قبل الفطار وساعات وقت صلاة التراويح والشيخ يفضل يعلي في صوته علشان الناس تسمع وساعات وقت النوم والحر يخليك تصحى متنرفز ومش طايق نفسك .

واللي مذكرتش اسمه ميزعلش لاني فاكر الكل وكل عام والجميع بألف خير

تيمو اخويا ابن بلدى

ربنا ما يجعل لنا جار وله عنين

احدثكم من الدور التانى عالبسين والهوا عمااااال يلفح فى وشى

تصدق بنتغطى بالليل فعلا بس للاسف لازمن وحتمن نرجع القاهره فى غضون 4 ايام

بس عشان الناس ماتفهمنيش صح ...انا نفسى امشى من هنا عالمطار اصل بحب القاهره اوووووووووووى... نهاركم منعش لذيذ وصيام مقبول وافطار شهى

"سورى بقى يا سمبا فى تعليق عاوزه اقوله على مداخلتك الجزء الخاص باللقاء " كان غيرك اشطر

استنانى لما اجى ولك عندى غدوه فسيخ عالخليج بس اللى هايعزم نفسه سوووووورى مش عاوزين حد معانا اه

[تامر مصطفى]

شوفو يا جماعة الخبر ده ومنتظر تعليقاتكم

http://www.alqabas.com.kw/Article.aspx?id=629702 &date=17082010

[تامر مصطفى]

وده كمان

http://www.alqabas.com.kw/Article.aspx?id=629727&date=17082010

[herohero]

وده كمان

http://www.alqabas.com.kw/Article.aspx?id=629727&date=17082010

خبران احلى من بعض يا استاذ تامر وطبيعيين جدا سيدي مادام انت بتتكلم ع بلد ما بيفرقش معاها لا اللي جوا مصر ولا اللي برا مصر من المصريين

موقف العاملات المصريات عادي فعيبنا كمصريين بنطلع باي سلبية ونطلع بيها بره وبالتالي بيعمم غير المصري علي المصريين كلهم سيدي ماذكر بخصوص الاستثمار العربي هو فعلا صحيح ولو شوفت مثلا المستثمر الاسرائيلي مفضل ع المصري مش الكويتي فحكومتنا تحخترم الاجانب اي الاوروبيين وابناء العم الاسرائيليين عن المصريين والعرب عموما

واستمرار لمسلسل الاهانة وعدم مراعاة ان نعمل سمعه جيده لنا خارج مصر فلتنظر سيدي الى الدراما المصرية

عندك زهرة وازواجها الخمسة نموذج مشوه للمضرة المصرية اللي فيه كتير منهم محترم

وكذلك شوف مسلسل الحارة وما فيه من قيئ حتى اذا كان هذا واقع هل مطلوب من غير المصريين معرفته هل كل الحارات المصرية كده دعارة وزنى محارم ومخدرات وفقر فظيع ليست كل الحارات المصرية كذلك اهذه هي الحارة التي قدمها نجيب محفوظ

سيدي قارن هذا بمسلسل باب الحارة السوري ياسلام ع الحلاوة والجمال

سيدي نحن بلد تتفنن ف تشوية صورتها امام الاخرين وللاسف قيادتنا الحكيمة تتفنن ف اذلالنا ف الخارج والداخل كيفي ان كل فترة تلاقي واحد سعودي قتل مصري بكل بساطة نتيجه مشاده لسه امبارح مصري ف المدينة المنورة اتقتل بكل بساطة قتله بسكينة ياسلام

فهتتكلم ف ايه الاهانة اصبحت قدرنا

[cup cake]

خبرين بجد يزعلوا بس هى دى الحقيقة و هو ده الشعب المصرى مع انه فى مميزات كتير مش موجوده فى كتير من البشر الا انه مبيبصش الا تحت رجليه يعنى مثلا عاملات النظافه دول فاكرين هيجوا الكويت يشتغلوا ايه رؤساء مجلس اداره انتى جايه و عارفه شغلانتك ايه و قبلتى بيها يبقى ليه التعامل بالطريقه المصراويه دى فاكره نفسها لسه فى مصر نظام مشى حالك اى حاجه قال يعنى مش هيقدروا يستغنوا عنها كل واحد جاى الخليج فاكر انه هيفتح عكا و ان الناس هنا بتعبى الفلوس فى زكايب و انه هيجى يقعد على مكتب و الناس هتخدمه لانه مصرى و لما يجى و يلاقى مفيش حاجه من ده يبدا يسوق العوج و فى الاخر بتيجى على دماغه مش قادرين حتى يستروا نفسهم يتخانقوا مع بعض ياخدوا المرتب و يغيبوا اسلوب مصرى صرف المفروض اى حد جاى هنا يعرف انه سفير لبلدوا بس دول برضو على قد حالهم و تعليمهم على قدهم الى عيظ بقى الناس الى فى الخبر التانى سرقه عينى عينك كفايه حرام عليكم فضحتونا اومال فين الكرم و الشهامه المصريه عايزين تسرقوا الراجل علشان خليجى و تبيعوا الحاجه بالضعف ده حتى حرام بس نرجع و نقول هو ده الشعب المصرى مش كله بس معظمه بيعتبروا ان من حقهم باخدوا من الى معاه على قد ما يقدروا و بيعتبروها شطاره و الى ميرداش يديهم بيبقوا عايزين ينطوا فى كرشه كانه يعنى فرض عليه و ده للاسف مبقاش مع الخليجيين بس بقى كمان مع الى بيجوا من الخليج و حصلت مواقف زى دى معايا كتير لما انزل مصر بمجرد ما يعرف البياع انى جايه من الخليج و ده بيبان من اللبس او اللكنه و ده غصب عن الواحد يقوم يرفع السعر و لو رفضت يسمعك الموشح المعرف بس برضو هنعيب عليهم ليه و حكومتنا الكريمه هى كمان بتحل لنفسها بيزات الخليج رافعه شعار واحد التجاره شطاره و كتير منقطع خير من قليل دائم و الى يجى منه احسن منه و الى معاه قرش محيره يجى مصر و احنا نطيره و سلملى على عزة

[تامر مصطفى]

ههههههههههههههههههه

عزة مين يا كب كيك؟

[pocy]

ليه بس كده يا استاذ تامر والله زعلتنى والخبرين يضايقوا اكتر من بعض وليس فى مقدورى غير قول حسبي الله ونعم الوكيل اللى يخلى الواحد

يطلع من داره وكمان ينقل مقداره واستغفر الله العظيم من كل ذنب عظيم

شكلك عايز يفطرنا واحنا فى رمضان

الله يسمحك ياللى في بالي

[pocy]

كب كيك يارب تكونى بخير انتى والاسره الكريمه

ماما قلب ابيض مش عرفت اكلمك ع الشات لان الكلام بيجي من عندك بلغه مش مفهومه واعتقد ده فونت مش موجود دى المشكله

طبيبه بتسال عليكى والله وبتقولك كل سنه وانتى طيبه يا قمر

كب كيك انا عندى عروسه لو لسه اخوكى مش لاقي عروسه مناسبه ياريت تبلغينى وارسلك الموضوع ع الخاص هى هنا هى واختها وزوج اختها واولاد اختها

وربنا يوفق الجميع يارب اللهم امين

تم تعديل 17 أغسطس 2010 بواسطة pocy

[Simba]

شوفو يا جماعة الخبر ده ومنتظر تعليقاتكم

http://www.alqabas.c....aspx?id=629702 &date=17082010

وضع طبيعي جدا ومتوقع واكيد هيكون فيه الاسوء الفترة الجاية .... فكرة سفر المصريات كعاملات نظافة فكرة كارثية بكل المقاييس يعني

الموضوع ده في بدايته تم مناقشته هنا في المحاورات وكان راي الجميع معارض وكان فيه توقعات انه هيحصل ما لا يحمد عقباه وفعلا بدأ يحصل اهو

[mahmoudfaried]

شكرا استاذ تامر على اللينكات

بجد حاجه مش لطيفه خالص

اللى ينرفز بقا اسلوب التعميم مش كل المصرين كده !!!!!

انا مشوفتش لسه المصرين عاملين ازاى فى الكويت بس اكيد مش كل الناس زى بعض . اكيد فيه فروق صوابعى مش زى بعض ولا ايه ؟؟؟

انا اول مقريت المقاله بتاع الحنطور افتكرت كلام استازه ساره من حوالى شهر لما كانت بتتكلم عن المدرسين المصرين و الكويتين وقالت انهم مش نفس المعامله او المرتب و لما استاذ تامر بيتكلم عن طابور دول مجلس التعاون و طابور الكويتين و طابور الجنسيات الاخرى فى المصالح الحكوميه او المطارات مش فاكر !!! فالكلام دا بيقول انو مش بس المصريين اللى بيفرقوا على حسب الجنسيه ولا ايه ؟؟!!!!!!

عموما اللى ضايقنى لما بفكر كام مستثمر قرأ المقال و قال مش نازل مصر تانى او كام واحد قرر يبقى اخرس عشان يتحنطر بسعر اقل !!!!

محدش يفهم انى مع الظلم و المكيال بمكيالين انا بس اللى مش عاجبنى التعميم.

و بعدين هنروح بعيد ليه اللى شاف فيلم عسل اسود هيلاقى الدولار ب اتنين جنيه و ازازة الميه ب عشره جنيه عشان بس الراجل جاى من امريكا !!!!!

بس

تفتكرو دى مسؤولية ميين ؟؟ الاعلام الناس الحكومه ولا ميين ؟؟

انا شايف ان كل واحد لازم يكون ليه دور

المهم بقا المفروض احنا نعمل ايه ؟؟؟ لو فكرنا اننا مسؤولين نحسن الصوره اللى تكسف دى ؟؟؟ يا ريت اعرف آرائكم يا محاورتيه .

[Simba]

المهم بقا المفروض احنا نعمل ايه ؟؟؟ لو فكرنا اننا مسؤولين نحسن الصوره اللى تكسف دى ؟؟؟ يا ريت اعرف آرائكم يا محاورتيه

أنسي يا عمرو :)

تم تعديل 18 أغسطس 2010 بواسطة سمبا

[pocy]

ليه بس التشائم يا استاذي الفاضل وليه عمرو ينسي

لو كل واحد فينا فى مكانه او اى مكان يروحه اظهر الاحترام والتعامل السمح اكيد ده هيغير وفى نظر ناس كتير صدقونى وكمان تعالوا هنا انا اعرف ناس كوايته حبهم الاول والاخير للمصريين والمصريين بس عارفين ليه لان التعامل معانا سلس وحبوبين ودمنا خفيف وفى منا كتير المحترم واللى خارج من داره علشان ربنا يفرجها عليه والله الانسان معامله ولو كل واحد فينا حسن تعامله اللى قدامه هيحسن تعامله برضه

وكل بلد فيها الشين والزين على قوله الكويته يعنى يمكن احنا بس بنبص للسلبيات ونسيب الناس اللى بتعمل مكانها اثر واضح وربنا يوفق يارب اللهم امين

وبالنسبه لموضوع العاملات انا اعتقد ان الوظيفه ملاحمها مش ظاهره هل هى مههنه اداريه ولا لا ؟؟؟ بمعنى هل هى مشرف منفذ خدمه يعنى هى مشرفه بتابع نظافه العاملات وهى الوسيط بين الاداره وعاملات النظافه ولا لا لو هو ده فعلا فمش عيب ولا يستلزم ان تكون ترتدى زى موحد والكلام ده وبالنسبه انها تكون عامله نظافه فيبقي حرام تسيب بلدها وتيجي تنضف بلاد تانيه وده لان والمهنه دى للاسف الى بيعمل فيها بيتعامل بالاهانه وانتم عارفين ان بعض من الكوايته متعةدين على اسلوب الخدم انها تأمر وتنفذ الخادمه وبس وطبعا الامر مش بيكون بالاسلوب الائق واللى المصريات معتاده عليه فى عملها

وكفايه كده وربنا يوفقكوا يارب لما يحبه ويرضاه

مين لسه بيدعيلي بتيسير الامور اوعوا تنسونى فى الشهر الفضيل ده