المصريين المغتربين بالكويت

[noname]

السلام عليكم يا جماعة ممكن اعرف انتو بتتعاملوا ازاى من خلال الموقع الجميل دة 000

بجد انا تعبت من كتر المحاولة 00

بكل بساطة انا هنا فى الكويت ومخنوق ونفسى الاقى ناس افضفض معاهم خصوصا انى جديد هنا00ياريت حد يرد على

عاوز احس انى مش باكلم نفسى

[herohero]

ليه بس التشائم وكفايه كده وربنا يوفقكوا يارب لما يحبه ويرضاه

التشاؤم لان الاوضاع ده من زمان قوي او ع الاقل من اول ماالواحد مادخلاولى ابتدائي من سنه 87 ف الكويت والواحد ف المدرسة

بيلاقي العيال الكوايتة بتنده ع الولد اللي امه مصرية ويقوله يا ابن المصرية طبعا ده وقت كانت منتشرة فيه زواج الخليجيين من المصريات وربنا يخلي البدرشين والحوامدية شغالين الله ينور

يعني اللي اقصده حبيب قلبنا طول عهدهالمبارك حرص ع تقليل قيمة المصريين بكل ما اوتي من قوة الله يرحم ايام عبد الناصر

يا ام عمورة فيه مسلسل كويتي بيتعرض اسمه ليله عيد بتاع حياة الفهد الولد اخوها بيقول لاخوه الكبير هات لنا معاك نعول من مصر متخيله يعني الناس سنة 67 كاتنوا بيجيبواالشباشب الحلوة من مصر

سيدتي حكومتنا هي اللي ضيعتنا وهياللي حريصه جدااااا على تقليل قيمتنا احنا بنحاول بس صدقيني الافراد لوحدهم مش كفايه

واللي ف السعوديه عارفين مثلا ان الاردنيين مثلا بيقيموا ف المجتمع السعودي احسن من المصريين وهم الي اصلا لاجئين فلسطينيين يعني

وياريت كمان تشوفي مسلسل وزي الحارة المصري حاجه تقرف وقارنيه بباب الحارة السوري

بلا فخر نحن حريصين ع كشف سلبيات بلدنا ونفرش كل الاخطاء اللي عندنا ونرجع نقول ليه بتقولوا علينا كده

ورمضان كريم وربنا يستجيب دعاءنا ع الناس اللي عملت فينا كده

[pocy]

السلام عليكم ورحمه الله وبركاته

اهلا بيك بينا يا اخى الفاضل نو نيم اولا كل سنه وانت طيب وبخير

بص بقي يا سيدى الفاصل احنا بنتعامل هنا زى ما حضرتك شايف بنكتب مداخله زى ما حضرتك كتبت المداخله اللى فاتت ولو فى حد موجود ورد على المداخله ولا حاجه بندخل ونرد بنفس الطريقه

طيب في حاله انك محتاج تقتببس كلام حد معين مثلا تروح تدوس على الايقونه اللى مكتوب عليها

multi Quote ودى تستخدم لاقتباس واحد او عده اقتباسات للمداخلات اللى محتاج تضيفها

طب افرض انك مش عايز تقتبس كلام وعايز ترد على طول فعندك المربع اللى تحت بتاع الرد السريع واللى بيتكتب فيه ودوس على كلمه بوست وممكن برضه تضيف رد عن طريق كلمه add reply

بس التانيه فيها امكانيات اكتر من الرد السريع

طيب افرض عايز تبعت رساله لحد معين

اولا لازم يعدى مشاركاته تقريب يا 30 او 50 مشاركه تقريبا علشان تقدر تبعت لحد رساله خاصه واللى بتجبها من خلال الضغط على اسم الشخص ده مترسل رساله من خلال الصفحه بتاعته

ايه تانى ايه تانى يا بوسي

اهه عندك علامه - حمرا وعلامه + خضرا الناقص دى معناها ان كلام المداخله دى مش عجبك لكن علامه الزائد معناها ان الكلام فى المداخله دى عجبك

يعنى حضرتك حطيت على مداخلتى + الخضرا وده معناها المفروض انه عجبك والحمد لله انك مش دوست على التانيه بالغلط هههههههههههههههههههههه

ويالا بقي قول مخنوق من ايه وان شاء الله كلنا بلا استثناء هنزود لا اقصد هنزيحها باذن الله هههههههههههههه

وكل سنه وانت طيب

[pocy]

اخى الفاضل هيروووووووووووووو

انا معاك فى معظم كلامك بس خدلى بالك كده من الكلام اللى قوله

هل الكويت او السعوديه بلد ملهاش حل ؟؟؟؟؟؟؟؟؟؟؟؟؟؟ كحكومه عجباك؟؟؟؟؟ وايه اللى عجبك فيها ؟؟؟؟؟؟؟؟؟ وازاى بتقيم الناس اللى فيها

رد على وهارد عليك

[herohero]

اخى الفاضل هيروووووووووووووو

انا معاك فى معظم كلامك بس خدلى بالك كده من الكلام اللى قوله

هل الكويت او السعوديه بلد ملهاش حل ؟؟؟؟؟؟؟؟؟؟؟؟؟؟ كحكومه عجباك؟؟؟؟؟ وايه اللى عجبك فيها ؟؟؟؟؟؟؟؟؟ وازاى بتقيم الناس اللى فيها

رد على وهارد عليك

عموما مشمن حقنانقيم حكومات لانتمي اليها لكن انا عن تجربتي احكي لك

الكويت مثلا بدات كبلد ليس لديه موارد لماربنا انعمعليه عمل ايه هذه الموارد استغلها ف ايه ؟؟؟ تنمية بلده

الكويت انااةوعى عليها زمان كانوا بيعملواحملة لمكافحه القوارض الكويت زمان كان فيها صهاريج مياه بتيجي تعبي مياه

المدارس الحكومية افضل بكثير من الخاصه

الحكومات ف الخليج عموما اخذت نفس المنحى اما ما يعجبني فيها

عامله قيمة لابنها

باختصار ده اللي عاجبني فيهم ومزعلني من حكومتي

خلي كويتي يتعرض لاهانه ف بلد تانيه ورغمانهم نموذج سيئ لبلدهم بره البلد

انا شوفت موقف الحكومة الكويتيه ف الغزو وموقف الحكومة المصرية تجاه عيالها

سيدتي للاسف حكومتنا مش بتتعامل معانا كموطنين بتتعامل معانا ع اننا عبء ثقيل عليها

وانا وانت لسنا فمحل تقييم حكومات لدول اخرى لكن نذكر مانلاحظه يعني ان هذه الحكومات تحاول بذل كل شيئ من اجل ان يحوز مواطنها ع افضل شيئ واظن هذا الشعور نفتقده فمصر

اماكون انها حكومة ملهاش حل فانا اصلا غير مقتنع بالحكومات العربية يعني ع الاقل لم ارى فيها راجل محترم زي الدكتور مهاتير محمد

ولكن الامور نسبية من حكومة تقطع عنك الكهرباء كل يوم ساعه ع الاقل ف اماكن كثيرة وتحاسبك ع فواتير كهرباء

[pocy]

اخى الفاضل كلامك ممتاز بس كم عدد الناس فى الكويت 8 مليون ولو ان العدد ده كبير ومن ضمنه مغتربين

فى السعوديه كام عدد سكانها 25 مليون ومن ضمنهم مغتربين

كم عدد سكان مصر 80 مليون

يمكن ده سبب من الاسباب ان مش كل واحد اخد حقه كويس

انا مش بقول ان الحكومه بتاعتنا مش غلطانه لا هى غلطانه فى حاجات كتير اكيد طبعا بس مننكرش ان فيها حاجات كتير كويسه بس للاسف الاعلام مش بيظهر الا الوحش وده اللى مخلينا جميعا مضاييقين والناس بتشوف اللى بيقوله الاعلام فى حين ان باقي الدول التانيه بتظهر الزين وتخبي الشين يعنى عيوبنا هى اللى ظاهره بس

وده اللى حضرتك قلته فى مسلسل الحاره مع العلم انى مش شوفته

بس ارجع واقول ان العيب في كل واحد فينا احنا بسلبيتنا عاملين كده فكر اخى معى لو كال واحد عدل من نفسه ومن اولاده واولاده عدلوا فى ابنائهم هيكون ايه النظام الديد فده اقل حاجه ممكن الواحد يعملها انه يعدل من نفسه ومن كل ما حوله بالتعامل السمح والاسلامى اى التعامل بالدين وساعتها ل الامور هتختلف والله اعلم

وعلى فكره الكويت مشهوره بحاجات فظيعه برضه وانا اعرف ناس بيعشقوا تراب مصر ونفسهم انهم يقيموا هناك

سؤال على جنب لو منحنت الجنسيه الكويتيه هتوافق ؟؟؟؟؟ وليه ؟؟؟؟؟؟؟

[نور السما]

أولا : السلام عليكم

كل سنة و انتم طيبين جميعا عضو عضو يعنى الكبير و الصغير التخين و الرفيع

أنا جديد في الموضوع أول مشاركة لي و انا متابع الموضوع من شهر 7 بعد ما نويت أسافر الكويت و دلوقتى انا هنا في الكويت من شهر تقريبا و أتشرفت بمشاركتي مع اخواتى المغتربين بالكويت و بجد بحبكم كلكم يا اخوانى و اخواتى

ثانيا : موضوع التعليق على خبرين العاملات المصريات و الحنطور في مصر المحروسة

الحنطور في مصر المحروسة

سؤال ؟؟

ليه الاخوه الكويتيين لما هما نصح كده يشتروا ؟ يتركوا السلعة لحد ما تبور أو يشوف بلد ثانية يشترى منها زى الصين و الصين بتعمل كل حاجة

او يتصرف زى ما كاتب الموضوع تفضل و يجيب واحد مصري يشترى له و مش عيب

زى ما أنت ليك كفيل كويتي بيستفيد من ورآك

هو كمان يبقى ليه كفيل مصري يستفيد من ورآه و المصري هو اللي يتعامل مع المصريين و الحكومة و الكويتي براس المال ده رأى في الموضوع الأول

و الموضوع الثاني بتاع المصريات عاملات النظافة

برده يتوجب على الأخ الكويتي الناصح الفاهم أن يضع شروط لعاملات النظافة المصريات

و يبصمهم على الشروط و اللي يخالف الشروط يروح

من غير زعل و تشريد في الجرايد و في الأخر العيب عليهم عشان معرفوش يضعوا شروط كويسة لاستقدام عاملات مصريات

ده رأيي في الموضوعين

ثالثا : إحساسي

الميزة الوحيدة في الكويت إنها بتحترم شعبها بزيادة و بتحاول تراعيهم بزيادة

و الوافدين بينولهم جزء لا يذكر من هذه الزيادة في الاحترام

وهذا الجزء يعتبروا الوافد انه عظيم لأنه وجد فيه ما فقدوا في بلده من رعاية و أدمية و أدنى مستويات الإنسانية

و اعتقد انه لو جاء حاكم عادل إلى مصر و حب مصر و عمل دعوة لأبنائها لإصلاحها و النهوض بها مرة أخرى

و أعطى تسهيلات لأبنائها و اظهر رعاية مصر المحروسة لهم فلن أتردد بنزول إلى مصر و بنائها مرة أخرى

و التعب فيها إلى الممات و التنعم في قربها و الشرب من نبعها والتنزه في جوها و الشرب من نيلها

و في الأخر وحشتينى يا مصر التي في خاطري و ليست ما هي عليه الآن

[pocy]

يا الف اهلا وسهلا باخونا نور السما الاسم اللى مختاره بصراحه جميل جدا تحس فيه انه لسه فى امل فى حاجات كتير

نشكرك على اضافتك الجميله والمشاركه الاولى لك ان تخط هنا فى المغتربين فى الكويت وحضرتك الان من اصحاب البيت واتمنى تظال معنا ان شاء الله

[تامر مصطفى]

ليه بس التشائم يا استاذي الفاضل وليه عمرو ينسي

لو كل واحد فينا فى مكانه او اى مكان يروحه اظهر الاحترام والتعامل السمح اكيد ده هيغير وفى نظر ناس كتير صدقونى وكمان تعالوا هنا انا اعرف ناس كوايته حبهم الاول والاخير للمصريين والمصريين بس عارفين ليه لان التعامل معانا سلس وحبوبين ودمنا خفيف وفى منا كتير المحترم واللى خارج من داره علشان ربنا يفرجها عليه والله الانسان معامله ولو كل واحد فينا حسن تعامله اللى قدامه هيحسن تعامله برضه

وكل بلد فيها الشين والزين على قوله الكويته يعنى يمكن احنا بس بنبص للسلبيات ونسيب الناس اللى بتعمل مكانها اثر واضح وربنا يوفق يارب اللهم امين

وبالنسبه لموضوع العاملات انا اعتقد ان الوظيفه ملاحمها مش ظاهره هل هى مههنه اداريه ولا لا ؟؟؟ بمعنى هل هى مشرف منفذ خدمه يعنى هى مشرفه بتابع نظافه العاملات وهى الوسيط بين الاداره وعاملات النظافه ولا لا لو هو ده فعلا فمش عيب ولا يستلزم ان تكون ترتدى زى موحد والكلام ده وبالنسبه انها تكون عامله نظافه فيبقي حرام تسيب بلدها وتيجي تنضف بلاد تانيه وده لان والمهنه دى للاسف الى بيعمل فيها بيتعامل بالاهانه وانتم عارفين ان بعض من الكوايته متعةدين على اسلوب الخدم انها تأمر وتنفذ الخادمه وبس وطبعا الامر مش بيكون بالاسلوب الائق واللى المصريات معتاده عليه فى عملها

وكفايه كده وربنا يوفقكوا يارب لما يحبه ويرضاه

مين لسه بيدعيلي بتيسير الامور اوعوا تنسونى فى الشهر الفضيل ده

اوضح لك الوظيفة دي

منفذ الخدمة ذات نفسه اثناء التقويم السنوي بيصنف على انه من فئة الفراشين

ومساعد منفذ الخدمة هي وظيفة مستحدثة واعتقد سبب التسمية بالمسمى ده علشان في دول كتير ومن ضمنها مصر هترفض تطلع ناسها على وظيفة خدام او فراش

بس منفذ الخدمة بيكون كويتي فبالتالي لا يوكل اليه اعمال النظافة

اما المساعدين فهم مصريين وهنود فبالتالي عليهم مهمة التنظيف وتغيير الحفاضات لأطفال الروضة

[قلب ابيض]

:)صباح النشاااااط يا بسبس شكلك النهارده هاتقضيها دليفرى ...وابو عمرو هايتبسط منك اوووووى

" اللى من غير اسم " مش عاوزه اقولها بشكل تانى انت مادام فى وسطنا صدقنى هاتدمن قاعدتك عالنت هاتفضفض وترتاح وكله هايبقى فى التمام ان شاء الله

انا عرفت الناس دى او مش دى بالظبط اعتقد انى قبلهم كلهم فى الباب ده المهم انى عرفتهم فى ظروف نفسيه صعبه جدا ووبفضل الله ومساندتهم عدت بخير

اهلا بيك فى وسط اخواتك واهلك وانا على فكره بفرح اوى لما حد ينادينى بماما قلب ابيض ....ماعدا تامر ....عشان هو اكبر منى wst::

نور السمااااا هلا وغلا بأى اسم فيه نوووور حبيب قلبى

عجبنى اوى كلمتك مصر اللى فى خاطرى ... انا والله بحب مصر جداااااااا بس مصر اللى فى بالى بكل ذكرياتها الحلوه واهلها الطيبين اللى لسه فى منهم قليل ااوووى بس موجودين

يا جماعه سامحونى برده مش عارفه اخد راحتى فى الكلام معاكم ...استنونى لما ارجع الكويت احكى براحتى

اغابى ...اين انتى ؟؟؟ الصيام عامل عاميله معاك ولا ايه ؟؟؟؟؟؟ ;) :D

[herohero]

اخى الفاضل كلامك ممتاز بس كم عدد الناس فى الكويت 8 مليون ولو ان العدد ده كبير ومن ضمنه مغتربين

فى السعوديه كام عدد سكانها 25 مليون ومن ضمنهم مغتربين

كم عدد سكان مصر 80 مليون

يمكن ده سبب من الاسباب ان مش كل واحد اخد حقه كويس

انا مش بقول ان الحكومه بتاعتنا مش غلطانه لا هى غلطانه فى حاجات كتير اكيد طبعا بس مننكرش ان فيها حاجات كتير كويسه بس للاسف الاعلام مش بيظهر الا الوحش وده اللى مخلينا جميعا مضاييقين والناس بتشوف اللى بيقوله الاعلام فى حين ان باقي الدول التانيه بتظهر الزين وتخبي الشين يعنى عيوبنا هى اللى ظاهره بس

وده اللى حضرتك قلته فى مسلسل الحاره مع العلم انى مش شوفته

بس ارجع واقول ان العيب في كل واحد فينا احنا بسلبيتنا عاملين كده فكر اخى معى لو كال واحد عدل من نفسه ومن اولاده واولاده عدلوا فى ابنائهم هيكون ايه النظام الديد فده اقل حاجه ممكن الواحد يعملها انه يعدل من نفسه ومن كل ما حوله بالتعامل السمح والاسلامى اى التعامل بالدين وساعتها ل الامور هتختلف والله اعلم

وعلى فكره الكويت مشهوره بحاجات فظيعه برضه وانا اعرف ناس بيعشقوا تراب مصر ونفسهم انهم يقيموا هناك

سؤال على جنب لو منحنت الجنسيه الكويتيه هتوافق ؟؟؟؟؟ وليه ؟؟؟؟؟؟؟

يابشمهندسة عيب انت تفكيرك عملي المفروضتعرفي ان البلد اللي فيها 80 مليون لو هم معاتيه او ناس متخلفين او فاقدين الاهليه ماشي كانوا يبقوا عبء سيدتي مصر فيها خير كتيييييييييير جدا ولما تيجي تشوفي اسعار العربيات ف مصر اد ايه ضعف الاسعار بره مصر ورغم كده الناس راكبة يبقى الناس مش كلعهم فقراء ولا حاجه ولكن اعلامك مصر يوريكي حاجات انا مشوفتهاش بصراحه

او ع الاقل مش مصر كلها كده زي ما بتطلع ف مسلسلاتنا

يا باشمهندسة 80 مليون ف دولة حضارية زي مصر عدد سكان عادي جدا سيدتي انا بقول الحكومة تحط سياسات محترمة حضرتك ماتعرفيش ان الفلبيني ف الخليج حقوقه محفوظة اكتر من المصري ها الفلبين دولة احسن مننا فقيرة واهلها عايشين ف عشش وعدد سكانهم كبير زينا يعني القصه مش قصه عدد سكان لان زمان مصر كانت عامله قيمة لعيالها

سيدتي حجه بص عدد سكان الكويت وعدد سكان السعوديه والكلام ده مش عملي

هو احنا عملنا خطط تنمية وتعبنا بجد وفشلنا سيدتي هو تصدير الغعاز لاسرائيل عشان عدد سكان مصر كبير

سيدتي مواقفنا مع دول حوض النيل واننا مش بنستثمر فيها عشان عدد سكان مصر كبير

ياترى حضرتك عارفة عدد سكان الهند وعارفه طبعا انهم بياكلوا رز وبيشربوا رز ورغم كده مكتفيين ذاتيا اه بلد فقيرة ف غالبيه شعبها لكن قدرت تبقى قوة وانت عارفه الهنود نجحوا ازاي ف صناعات البرمجيات وسيطروا ازاي عليها عالميا وبقت دوله بتصنع سلاح وبتصنع حاجات كتير والهند عدد سكانها كبير والصين عدد سكانها اد ايه وبرده ماتلاقيش صيني خدام ف الخليج او عامل نظافه

يا باشمهندسة ده كلمة اللي بحبه قوووووي اللي بيعايرنا كل شوية بلقمتنا فبلاش تقولي زيه لانها حجه مالهاش مبرر

حجه فاشلة

اما جنسية الكويت فلا طبعا اعيش اه انما اخد جنسيتها لا والف لا لان باختصار الدول الخليجيه مالهاش اي مستقبل ببساطة خلص النفط يبقى ايه الحل

ولا حاجه مصر زي الست اللي شاطرة ف البيت وحلوة وكل شيئ كويس بس مصرة تلبس جلابية ريحتها بصل ثوم وشعرها حلو بس سايباه ومهملاه

بشوية اهتمام هتبقى زي الفل

اما لو ع الجنسيات فانت عارفه وكل اللي ف المنتدى عارفين الجنسية للدول اللي الواحد شايفهم بيخططوا وبيعتمدوا ع الانسان اللي له قيمة عندهم

زي دول الاتحاد الاوروبي كندا استراليا نيوزلند

لو ادامك جواز سفر ليهم للبيع كلميني ع الخاص :lol:

لانك ع العام مش هتلاحقي

[pocy]

ايوه هو ده اللى انا عايزه اسمعه كلامك جميل جميل جميل يبقي مصر حلوه واستحاله ابدل باسبورى بواحد تانى عربي لكن لو كندى او نيوزلندى لا دانا اجرى عليه والله بقالى فتره كنت بفكر فى الموضوع ده ولما فكرت اقدم لقيتهم لغو المهنه بتاعتى من اللست هههههههههههه ده غير بقي انى لازم ادرس فرنساوى علشان ينفع اقدم على كيبيك المهم اننا متفقين ان مصر ست حلوه وشاطره بس مهمله فى نفسها او بتشتر ي كريمات وحاجات مش نافعه معاها

وان اهلها واولادنا هم اللى هيظبتوها بس احنا ندعى ان ربنا يوفقنا فى تربيتهم يارب

ومره تانيه اقتنعت وشلت السبب بس والله مصر حلوه ومحتاجه اولادها يجملوها واحنا لو مش بدأنا من نفسنا وم ع اولادنا مش هنعرف نعمل ايه

قلبي ماما قلب ابيض وحشانى يا قمر

تصدقى انا يدوبك الحق اعمل الاكل والا ابو عمر هيبسطنى هههههههههههههههههههه

سلام لاحبائي فى مصر الحبيبه

[herohero]

ايوه هو ده اللى انا عايزه اسمعه كلامك جميل جميل جميل يبقي مصر حلوه واستحاله ابدل باسبورى بواحد تانى عربي لكن لو كندى او نيوزلندى لا دانا اجرى عليه والله بقالى فتره كنت بفكر فى الموضوع ده ولما فكرت اقدم لقيتهم لغو المهنه بتاعتى من اللست هههههههههههه ده غير بقي انى لازم ادرس فرنساوى علشان ينفع اقدم على كيبيك المهم اننا متفقين ان مصر ست حلوه وشاطره بس مهمله فى نفسها او بتشتر ي كريمات وحاجات مش نافعه معاها

وان اهلها واولادنا هم اللى هيظبتوها بس احنا ندعى ان ربنا يوفقنا فى تربيتهم يارب

ماحنا قولنا مصر فيها حاجات كتير حلوة بس للاسف فيه ناس مصرة تخنقنا وتطفشنا احنا بنحاول كلواحد يصلح من نفسه بس معاول الهدم كتييييييييرة قوي

وعموما خلينا نقول زي ريهام عبد الحكيم فيها حاجة حلوة

http://www.youtube.com/watch?v=KfPhTM-0Mbc

[رونا]

اخوانى اعزائى كل المغتربين

كل سنة وانتم طيبين

كان ليا سؤال

هل فى حد سافر طيران للكويت غير مصر للطيران

واية اخبار الشركات التانية

زى الكويتية والخليج او الوطنية

[sindbad]

انا جربت الوطنيه

هي رايقه جدا والمعامله جيده بس الطياره الواحد يحس انها طياره صغيره شويه

والميزة انها بتنزل المطار القديم

اسعارها نفس اسعار مصر للطيران

[رونا]

انا جربت الوطنيه

هي رايقه جدا والمعامله جيده بس الطياره الواحد يحس انها طياره صغيره شويه

والميزة انها بتنزل المطار القديم

اسعارها نفس اسعار مصر للطيران

الف شكر للاهتمامك

يعنى كدة مصر للطيران احسن

[نور السما]

نور السمااااا هلا وغلا بأى اسم فيه نوووور حبيب قلبى

عجبنى اوى كلمتك مصر اللى فى خاطرى ... انا والله بحب مصر جداااااااا بس مصر اللى فى بالى بكل ذكرياتها الحلوه واهلها الطيبين اللى لسه فى منهم قليل ااوووى بس موجودين

ماما قلب ابيض الف شكر ليكى على الترحيب و كمان الاخت بوسي و جميع الاخوة فى

الموضوع

[نور السما]

بالنسبة لموضوع الطيران انا جربت العربية للطيران و بالنسبة لى حاسس انه جميل رخيص بس ايام و ايام يعنى ممكن يوم فى وسط الاسبوع يبقى ارخص من اخر الاسبوع واحد صحبى نازل يوم 7-9-2010 على العربية من الكويت الى برج العرب الاسكندرية ( برج العرب مش النزهة ) عشان النزهة فيه ترانزيت بالشارقة المهم صحبى حجز نزول الى مصر ب 26 دينار كويتى و ده لينك الشركة للعايز يحجز http://www.airarabia.com/home-kw

[نور السما]

يا جماعة انا رحت مرور حولى اتعقدت بس ماتفهموش غلط انا روحت مع قريبى عشان يفحص السيارة رحنا فحصنا و خرجنا فى 5 دقائق صحيح عنده ملاحظات فى سيارته الضابط كتبها له بس مش مهم المهم انه مكملناش 5 دقائق معقول احنا فى عاجزين اننا نعمل مكان زى مكان الفحص الفنى اللى فى الكويت و الدنيا سهلة كده طب هاحكى من الاول معاد تجديد السيارة ازف

رحنا شركة التأمين بالدفتر يعنى الرخصة و دخلنا و اعطيناهم الدفتر و البطاقة المدنى فى خمس دقايق على الكمبيوتر طلع لينا ورق و دفعنا تقريبا 19 دينار على فكرة كنا 9.30 باليل و بعد الفطار و التراويح و خدنا الورق و طلعنا تانى يوم على الفحص الفنى زى ما قلت فوق 5 دقايق و قريبى قالى لو كنا عدينا الفحص كنا رحنا المرور قدمنا الورق اللى هو نتيجة الفحص و خدنا الرخصة برضه من 5 الى 10 دقائق انا كنت بسأل ده عشان مفيش ناس كتير و لا النظام حلو اعتقد النظام حلو و تفريق الاماكن برضه عامل شغل بس مكان الفحص و طريقة الفحص اعتقد لو فيه 100 عربية واقفة مش هاتأخد 3 ساعات لان هناك 3 ضباط و كل ضابط عربية فى 5 دقايق يعنى كل 5 دقايق 3 سيارات المهم يارب نفكر فى مصر عشان نسهل على الناس بس اعتقد سياسة الدولة ضد راحة المواطن عشان المواطن لو ارتاح هايفكر فى السياسة و الحكم و الكلام يزيد و الحكومة تتوتر المهم احنا الفجر و انا خلاص خرفت و هضمت السحور و مضطر ادخل انام و اسف على التهيس المسائى بس انا حاسس انى وسط اخواتى يعنى سامحونى و تصبحوا على خير و على خبر حلو من مصر

[تامر مصطفى]

يا ماما قلب ابيض يا بنتي انا لما بقولك كلمة ماما مش معناها امي انا بقولها زي ما تقولي لبنتك يا ماما

وبعدين انا اتميت ال 36 امس وبعدي بشوية انتي هتمي ال 26 ونص ومحتار في هديةعيد ميلادك

تحبي اجيبلك ايه؟