المصريين المغتربين بالكويت

[زهقان]

السلام عليكم ورحمة الله وبركاته

الأستاذ تامر شكرا لك على الاهتمام بخصوص موضوع الوزن الزائد على مصر للطيران ، لو ليا 50 كيلو يبقى تمام انا معايا حوالى 90 كيلو يعنى زياده 40 كيلو ، حسبة 80 دينار ، لو شحنتهم برى 20 دينار يعنى فرق 60 دينار مش قضية وربنا يقدم اللى فيه الخير

ماما قلب أبيض ، شكرا لحضرتك ، شكرا لحضرتك وهو انا لو معايا 2 او 3 كيلو كنت هعمل الدوشة دى كلها

انا بصراحه اول مره اسافر بحاجات كتير ، فى الغالب بسافر بهاند باج لدرجة انى مش بشحن شنط خالص بس المره دى نازل بكل حاجتى

وبالنسبة للملابس والسلع بوجهه عام ، والله العظيم انا ما فى حاجه فى البلد دى بتملى عينى حتى الاجهزه اللى الناس بتتهبل عليها ، عمرى ما ازبهليت فى البلد دى ، ولله الحمد كل لبسى من مصر (ومش مصرى) حتى قبل ما أجى الكويت ، الحاجه الوحيده اللى ممكن أشيلها معايا وانا نازل بعض البهارات وطبعا البن التركى بس للاسف المره دى مش اخد معايا حاجه خالص من البهارات.

ملحوظه للباش مهندسه Pocy

عدد سكان دولة الكويت 3 مليون مش 8 مليون والرقم ده بسلاطتهم بابا غنوجهم يعنى ميلون وحته صغيره (تقريبا 100 الف ان لم تخونى الذاكره) كويتين والباقى مقيمين ، يعنى الكويت كلها على بعضها متجيش أد حى شبرا ، بلاش اللى بيخشو مجمع التحرير وبيطلعو منه فى اليوم الواحد أكتر من عدد سكان دولة الكويت عشان كده تجديد رخصة السياره مش بياخد وقت فى الكويت وبياخد وقت فى مصر (ودى ملحوظه صغنونه للاستاذ نور السما) الموضوع مفيهوش تعقيد ولا حاجه وبعيد الشر عليك من العقد

فرحااااااااااااااااااااااااااااااان

دمتم بود

[herohero]

ملحوظه للباش مهندسه Pocy

عدد سكان دولة الكويت 3 مليون مش 8 مليون والرقم ده بسلاطتهم بابا غنوجهم يعنى ميلون وحته صغيره (تقريبا 100 الف ان لم تخونى الذاكره) كويتين والباقى مقيمين ، يعنى الكويت كلها على بعضها متجيش أد حى شبرا ، بلاش اللى بيخشو مجمع التحرير وبيطلعو منه فى اليوم الواحد أكتر من عدد سكان دولة الكويت عشان كده تجديد رخصة السياره مش بياخد وقت فى الكويت وبياخد وقت فى مصر (ودى ملحوظه صغنونه للاستاذ نور السما) الموضوع مفيهوش تعقيد ولا حاجه وبعيد الشر عليك من العقد

فرحااااااااااااااااااااااااااااااان

دمتم بود

ده ياسيدي حضرتك هتتخذ نفس مبدا الحزب الوطني ان كل مشاكلنا هي بسبب عدد السكان انقطاع الكهرباء نتيجه ضعف امدادات الغاز الطبيعي من وزارة البترول للكهرباء سببه عدد السكان سوء تعاملنا ف ملف حوض دول مياه النيل وتصدير الغاز برخص التراب

يعني انا شايف حجه عدد السكان بقى حجه مملة فيه حاجه اسمه تمنولوجيا المعلومات لما بدانا استخدامها ف اماكن ف مصر حلت ازمة والمرور ف الكويت كده من زمان يعني والمرور كذلك ف السعوديه اللي عدد سكانها25 مليون وعدد سكان امريكا شوف كم مليون وماسمعناش ان الدنيا عندهم خنقة والصين والههند احنا كبلد مانجيش عدد سكان ولايه ومش بيستوردوا حاجه

ابقى شوف التليفزيون المصري دفع كم لشراء مسلسل الجماعه ابقى شوف ميزانية المسلسلات اد ايه ابقى شوف اشترينا كاس العالم بكم سيدي احنا بنستخسر نصرف فالتطوير اللي ممكن لا قدر الله والعياذ بالله يريح المواطن سيدي احنا بنشتري تكنولجيا اللي بترهق المواطن وتكره ف عيشته

ابقى حضرتك احكيلنا عت تجربتك فالمرور ف مصر وابقى بررلي ليه لازم تروح هنا وهناك عشان التامين وليه لازمة اختبار التلوث البتاعه الي بيدخلها ف الشاكمان غير انك تدي الراجل 20 جنيه

سيدي عندك مرور مدينه نصر والوايلي ومدينة السلام ياريت تبقى تزورهم وتحكيلنا ع مجهوداتهم ف اراحه المواطن وارجع واقول الحكاية مش حكاية عدد لاننا مش شعب كله معاق ذهنيا وعاله ع الغالي اللي بيعايرنا باللقمه

سيدي مشكلتنا ف مصر

فكر الفقر

[زهقان]

سيدي مشكلتنا ف مصر

فكر الفقر

بينما تتمتع دول الخليج بالثراء الفكرى الذى نفتقره نحن فى مصر

ربنا يسهل الحال ونقدر نكتسب منهم الخبره اللازمة اللى لما نرجع بيها نقدر نساهم بيها فى نمو بلادنا دى برده هتبقى مسئولية علينا ولازم كل واحد فينا يستغل الوقت اللى بيشتغله فى دول الخليج لينهل قدر المستطاع من الفكر الخليجى ليكون لنا السبيل الى نمو مصر ونهضتها

دمت بود

[noname]

السلام عليكم جميعا ..ممكن يا جماعة حد يرد السلام ولا انتو جروب ومش عاوزين حد جديد ..انا حاتم وكنت حابب اتواصل معاكم ..لو فى مانع انا اعتذر لدخولى من غير اذن

تم تعديل 19 أغسطس 2010 بواسطة noname

[زهقان]

السلام عليكم جميعا ..ممكن يا جماعة حد يرد السلام ولا انتو جروب ومش عاوزين حد جديد ..انا حاتم وكنت حابب اتواصل معاكم ..لو فى مانع انا اعتذر لدخولى من غير اذن

وعليكم السلام ورحمة الله وبركاته

هلا هلا يا حاتم

وبعدين اذن ايه وبتاع ايه راجل ده احنا خلاص بقينا عشره عمر

يلا شد لك شلته وتعالى أقعد جنب اخواتك

معلش بس انت يمكن دخلت فى وقت المناقشة فيه حامية الوطيس "مين الوطيس ده ، ده يقرب للوسيط"

ما علينا

روق كده يا عم حاتم واهلا بيك فى الاسره المصربة الكويتية

[herohero]

سيدي مشكلتنا ف مصر

سيدي هك فرق كبير بين

فقر الفكر = الخليج في نظر الكثير مننا

فكر الفقر = مصر

فانا اقصد فكر الفقر وليس فقر الفكر ونحن للاسف عندنا ثراء فكري لكن دون استخدام وماتزعلش نفسك ياسيدي لكن هناك فرق كبير بين الجملتين

[قلب ابيض]

السلام عليكم جميعا ..ممكن يا جماعة حد يرد السلام ولا انتو جروب ومش عاوزين حد جديد ..انا حاتم وكنت حابب اتواصل معاكم ..لو فى مانع انا اعتذر لدخولى من غير اذن

تصدق يا حاتشيم انا كده زعلت منك

يعنى انت عاوز ايه يعنى؟؟؟

البيت بيتك والمفتاح مع عمو عادل ...وكل الابواب بتفتح على بعضها

بيت عيله من الاخر.... وبعدين خش فى الموضوع بقى انت هنا من امتى ؟ وبتشتغل ايه ؟ وحالتك الاجتماعيه

من الاخر السى فى بتاعك

هااااااااا كده كويس ؟ حسينا بيك ولا لسه ؟؟

[Simba]

الناس دي بتوع زين للاتصالات دول بيهزرو ... اكيد يعني بيهزرو

شحنت اليوم ب 3 دينار بعت رسالة حب وتعاطف قالي فيها مبروك كسبت من زين عشر ايام صلاحية زيادة :lol: :lol:

وانا اصلا الخط بتاعي فيه صلاحية لحد شهر اكتوبر 2011

طيب كنت كسبت معاهم جايزة كبري ربع دينار رصيد ولا حاجة :blink:

[نور السما]

السلام عليكم و رحمة الله و بركاته على الجميع و استاذ حاتم خصوصا

اخى العزيز زهقان اخونا هيرو هيرو عنده حق احنا عندنا فكر الفقر و ده طبعا مقصود من الحكومة و تعتبر سياسة الدولة تتجه نحو هذا الفقر ليه ؟

عشان الشعب لو شبع هايطلب حقوقه من الدولة و اهمهم حق الادمية فلازم يبقى عندنا فقر عشان هم الناس يبقى فى الجرى وراء ما يبقيه حى و شبعان و الامل فى امتلاك سيارة ملاكى بدل الميكروباصات و التاكسيات و الامل فى امتلاك شقة تمليك بدل الايجار اللى يقطم الوسط بكده تبقى عمرك ما هاتفكر فى افعال الحكومة و تصرفاتها البشعة و اهدارها لاموال الشعب و بيع مصادر دخل البلد اللى باقى منها قناة السويس و خلاص بيدوروا على بيعة مناسبة عشان خلاص الرئيس هايخلع و البلد هاتخرب على دماغ اللى هايمسكها بعده ( احنا كده هانتمسك ) ربنا يستر المهم اخى العزيز زهقان انت اكيد مستواك المادى كويس عشان كده مش حاسس بمعانة الشعب يعنى انت من الناس اللى اتولدوا و فى فمهم معلقة دهب و انكل فلان جوز طنط هاتروح له بكرة و تديله كارت بابا يطلع لك الرخصة و تروح للاستاذ فلان قول له انا من طرف الضابط فلان عشان تتطلع الباسبور عشان كده الخليج بالنسبة لك قرف و ملل و ناس بتتحكم فيك و مش اى ناس لا ناس معندهاش فكر ممكن لا يملكون الفكر بس بيشتروا اللى يفكرلهم و بيطبقوا احدث الاساليب فى جميع المجلات و ده فى حد ذاته فكر سليم اشوف ربنا مدينى ايه و استغله عشان اطور بيه نفسي قولى بقى كل العباقرة المصريين فين د/ احمد زويل فين د/ احمد يعقوب فين مش عارفين يطوروا فى بلدهم ليه عشان هما مش لقين مساندة من الحكومة اللى عايزة الشعب يفضل زى ما هو كده فقير

كنت بتفرج على برنامج بدون رقابة على قناة القاهرة و الناس و المذيعة بتسأل سامى العدل انت مع التوريث و لا ضده ؟ قال لها لا انا ضد التوريث بس عايز جمال مبارك يبقى الرئيس مش عشان ابن حسنى مبارك انما عشان هو انسان مجتهد بدل ما كان دلوقتى بيتفسح فى باريس او لندن لا نزل و مسك الحزب الوطنى و بيشتغل بالله عليكم ده كلام تقدر تقول لى كده جمال مبارك عمره وقف فى طبور عيش او طبور صحة عشان يطعم قبل العمرة او عشان يطعم حد من عياله عمرة جرى ورا ورق بطاقته عمره طلع باسبور زى اى حد من الشعب يبقى ازاى هايحس بالشعب و هو رايسهم و ازاى اى حد معناش فى مصلحة حكومية هايقدر يحس بمعانة المواطن البسيط اللى معندوش واسطة ايه رايكم يا مغتربين انتم مع التوريث و لا ضده ؟

[تامر مصطفى]

الاخ الفاضل زهقان

الحالة الشعورية والوجدانية اللي حضرتك بتمر بيها حاليا كلنا عشناها في اوائل سنوات الغربة وايامها كنا لما نرجع مصر واثناء هبوط الطائرة على مدرج مطار القاهرة كنا بنسمع اغنية " يا حبيبتي يا مصر يا مصر " بترن في ودانا وكنا بنقعد في مصر ونقول لنفسنا خلاص احنا مستحيل نخرج برة مصر تاني علشان مصر هي امي ونيلها هو دمي .

وبمجرد ما نصرف القرشين ونبتدي نشحت نفكر في العودة الى الغربة مع قرار محسوم وغير قابل للمناقشة اننا نرجع لمدة سنه واحدة بس ومش هتبقى اتنين .

في الفترة دي انا شخصيا كان عمري 22 او 23 سنة وملحقتش احتك بشوية السلبيات البسيطة جدا جدا اللي في مصر وعلشان كده كانت بتوحشني اوي وبحس اني لازم ارجع لها واترمي في حضنها ومش هفارقها تاني ابدا حتى لو عشت فيها اقل من عيشة الكفاف.

ولكن مع مرور السنين ومع النضج ومع الاحتكاك بالسلبيات وبعد توسيع المدارك ايقنت وتأكدت ان السلبيات البسيطة جدا جدا اهم سلبية فيها ان بلدي اللي انا مازلت اعشقها هي اللي طردتني وحوجتني وهي اللي قست عليا وكأنها بتقولي انت مش ابني انت لقيط وتحولت في خيالي ووجداني الى مرات ابويا بعد ما كنت متخيل انها امي وام امي .

لان بكل بساطة الام بتلم عيالها ومش بترضى ببهدلتهم وتشغيلهم خدم في بيوت الناس بالرغم من انها تملك الكثير من الخيرات والمال الوفير اللي ممكن يجيب الناس من كل مكان يشتغلوا عند عيالها.

افتكرت دلوقتي حكاية طفل كنت بقابله كتير زمان وهو شحات من ولاد الشوارع

الطفل ده جه يشحت مني فأنا هزرت معاه وقلت له اني غلبان ومعييش فلوس اتفاجأت بالولد مطلع 15 جنيه وبيعرض عليا اني اخدهم وبدأت احكي معاه وبدأ الولد يرتاحلي وحكالي ان امه بتشتغل خدامة في البيوت وكل ما ترجع البيت تلاقيه بيلعب تطرده برة وتقوله روح اشحت وهات لنا فلوس بالرغم من انها بتقبض مبالغ كويسة جدا .

اما بالنسبة لكلامك عن عدد السكان فصدقني مصر بإمكانياتهاومواردها الوفيرة تتحمل أد ال 80 مليون كمان 3 مرات ولو كان عدد السكان مشكلة بالنسبة للدولة كان زمان الصين بقت من افقر دول العالم لأن عدد سكانها أد عدد سكان مصر دشليون مرة ومع ذلك استفادت من الطاقة البشرية وشغلتهم وفتحت لهم المجال للانتاج وبتفتح اسواق مع كل دول العالم اما في مصر استخدمنا تعداد السكان كشماعة نعلق عليها فشلنا وللأسف الناس بتردد من غير ما تفكر .

انا اتفق تماما مع هيرو في كلمة فكر الفقر

بالفعل احنادولة بتمووووت في الفقر والدول الخليجية اللي طول عمرنا بنعيب على تفكير أهلها وبنقول عليهم احلى كلام سبقونا بكتييييير وماشيين للأمام في حين اننا طول عمرنا باصين ورانا وماسكين في معتقدات هي سبب الخراب ودايما نفتخر بحضارتنا اللي محدش زيها واهراماتنا وابو هولنا ونسينا حاضرنا ومستقبلنا

ويحضرني بيتين شعر اقرأ معي

كن ابن من شئت واكتسب أدباً

يغنيك محموده عن النسب

إن الفتى من يقول هاأنذا

ليس الفتى من يقول كان أبي

ويكفينا التقارير اللي بتطل علينا كل يوم تقول اننا من اسوأ الدول في كل شيئ ( المرور - حقوق الانسان - المعيشة ) وتميزنا بمركز متقدم في تقرير واحد فقط وهو عن الرشوة والفساد فحصلنا على مركز مرموق.

اخي الفاضل :

مصر كلها ايجابيات - مصر هي ارضنا ووطنا وفخرنا واعتزازنا ولكن لن نغفر لها بعض السلبيات التي تعرفها جيدا ولا تستطيع اخفائها أوانكارها واهمها ان انا وانت وامثالنا بنشتغل برة مصر.

تقبل تحياتي

تم تعديل 20 أغسطس 2010 بواسطة تامر مصطفى

[sozan]

السلام عليكم كل سنه وانتم طيبين...كان عندي سؤال بس لو صيدلانيه سافرت الكويت للعمل كمندوبه دعايه بمرتب 600 دينار بس السكن عليها يعنى الشركه مالهاش دعوه بالسكن.... ده كده كويس ولا قليل ولا ايه باضبط...

[sozan]

سؤال كمان لو سمحتم السكن بتكلف كم لو اقل سكن وكمان الاكل بيتكلف كم فى الشهر طبعا لشخص واحد

[Simba]

السلام عليكم كل سنه وانتم طيبين...كان عندي سؤال بس لو صيدلانيه سافرت الكويت للعمل كمندوبه دعايه بمرتب 600 دينار بس السكن عليها يعنى الشركه مالهاش دعوه بالسكن.... ده كده كويس ولا قليل ولا ايه باضبط...

هو كويس يا سوزان مع ان لو كان العمل في وزراة الصحة هيكون الراتب اكبر لان ببساطة التمريض في الوزارة الراتب بيبدا من 500 دينار غير ان السكن والمواصلات علي حساب الوزارة فما بالك بالاطباء

عموما لو هتسكني في غرفة لوحدك في شقة كويسة ممكن هتدفعي 100 دينار او اقل حاجات بسيطة مصاريفك الشخصية هتكون علي حساب طبعك بتحبي توفري ولا الحياة معاكي عادي لو مش هتبقي ماسكة علي نفسك يعني مصاريفك ممكن تبقي 100 دينار كمان ولا حاجة

وربنا يوفقك

[زهقان]

السلام عليكم كل سنه وانتم طيبين...كان عندي سؤال بس لو صيدلانيه سافرت الكويت للعمل كمندوبه دعايه بمرتب 600 دينار بس السكن عليها يعنى الشركه مالهاش دعوه بالسكن.... ده كده كويس ولا قليل ولا ايه باضبط...

وعليكم السلام ورحمة الله

الراتب كويس جدا ... بس مش ممتاز

السكن أمامك خياران

الأول : السكن فى ملحق بمفردك عباره عن غرفة ومطبخ وحمام وده لن بتجاوز الـ 100 دينار بأى حال من الأحوال

الثانى : مشاركة سكن مع زميلة لك أو مدرسة أو أى امرأه وده لو سكن غرفتين وصالة وحمام ومطبخ يكون بحوالى 200 دينار يكون نصيبك فيهم 100 دينار

يعنى ميزانية السكن لن تتجاوز بأى حال من الاحوال الـ 100 دينار

ولكن هناك مشكلة بصفتك مندوبة ستحتاجين لمصروفات انتقال ومواصلات لحين اصدار رخصة وشراء سياره

مصاريف المواصلات ممكن تبقى من 20 الى 100 دينار وده لانك مندوبة فستحتاجين الى موصلات كثيره

20 دينار لو هتكون الموصلات بالاتوبيس وممكن توصل لـ 100 دينار لو هتستخدمى تاكسيات

اما فى حالة وجود سياره فمصاريف السياره الشهرية الاجماليه من صيانة وبنزين وغسيل وتغيير زيت كله لن يتجاوز الـ 30 دينار وربنا يبعد عنك الحوادث

أكل وشرب ومصروف شخصى ونثريات لن يتجاوز الـ 100 دينار شهريا بأى حال من الاحوال

يبقى على بركة الله

والله الموفق

تم تعديل 20 أغسطس 2010 بواسطة زهقان

[noname]

السلام عليكم جميعا ..ممكن يا جماعة حد يرد السلام ولا انتو جروب ومش عاوزين حد جديد ..انا حاتم وكنت حابب اتواصل معاكم ..لو فى مانع انا اعتذر لدخولى من غير اذن

تصدق يا حاتشيم انا كده زعلت منك

يعنى انت عاوز ايه يعنى؟؟؟

البيت بيتك والمفتاح مع عمو عادل ...وكل الابواب بتفتح على بعضها

بيت عيله من الاخر.... وبعدين خش فى الموضوع بقى انت هنا من امتى ؟ وبتشتغل ايه ؟ وحالتك الاجتماعيه

من الاخر السى فى بتاعك

هااااااااا كده كويس ؟ حسينا بيك ولا لسه ؟؟

اولا السلام عليكم وثانيا متشكر على اهتمامكم وانا سعيد انى اكون معاكم وياريت محدش يزعل من حاتشيم

[noname]

السلام عليكم جميعا ..ممكن يا جماعة حد يرد السلام ولا انتو جروب ومش عاوزين حد جديد ..انا حاتم وكنت حابب اتواصل معاكم ..لو فى مانع انا اعتذر لدخولى من غير اذن

تصدق يا حاتشيم انا كده زعلت منك

يعنى انت عاوز ايه يعنى؟؟؟

البيت بيتك والمفتاح مع عمو عادل ...وكل الابواب بتفتح على بعضها

بيت عيله من الاخر.... وبعدين خش فى الموضوع بقى انت هنا من امتى ؟ وبتشتغل ايه ؟ وحالتك الاجتماعيه

من الاخر السى فى بتاعك

هااااااااا كده كويس ؟ حسينا بيك ولا لسه ؟؟

اولا السلام عليكم وثانيا متشكر على اهتمامكم وانا سعيد انى اكون معاكم وياريت محدش يزعل من حاتشيم

شكرا يا ماما قلب ابيض على اهتمامك ,,, وياريت تسامحونى على خنقتى فى الكلام .

معلش انا امر بظروف نفسية صعبة بس مش معقد ولا حاجة ,,لانى اوتيت من حيث مأمنى ,,,دى نص السى فى والنص التانى انا هنا من كام شهر وبشتغل قانونى فى شركة ربنا يحرقها

ملحوظة هامة : الحالة الاجتماعية اعزب من شهرين ومش مطلق ولا ارمل

تم تعديل 21 أغسطس 2010 بواسطة noname

[زهقان]

صاحب الشركة «ذو سوابق» وهو الذي وزع 65 ألف كلغ لحماً فاسداً قبل 8 أشهر

صحة 50 ألف مواطن ووافد مهددة

17000 دجاجة فاسدة في الأسواق

زكريا محمد

50 ألف مواطن ووافد على الأقل مهددون بصحتهم بعد أن تسربت إلى السوق كمية كبيرة من الدجاج التالف.

الكمية غير الصالحة للاستهلاك الآدمي بلغت 17000 دجاجة وزعتها على الأسواق الشركة نفسها، التي أغرقت السوق في يناير الماضي بــ65 ألف كيلوغرام لحماً فاسداً.

ورغم أن البلدية تقر بأن صاحب الشركة ذو سوابق، فإنه استطاع مجدداً الإفلات من رقابتها وسرب 1700 كرتون دجاجاً مثلجاً (سعة الكرتونة 10 دجاجات) إلى الأسواق وهي غير صالحة.

أما الطريقة التي اعتمدها فهي نفسها التي لجأ إليها لتوزيع اللحم الفاسد قبل ثمانية أشهر، إذ أوضحت مصادر البلدية أن إدارة الأغذية المستوردة التابعة للبلدية طلبت من صاحب العلاقة حجز البضاعة في مخازنه لحين ظهور نتائج الفحص المخبري، وهو الأسلوب المتبع في فحص جميع البضائع الواردة للبلاد، لكنه عمد إلى توزيعها فوراً، وبعد ذلك أظهرت نتيجة الفحص أن الدجاج غير صالح للاستهلاك الآدمي نتيجة ارتفاع السالمونيلا فيه.

مصادر إدارة التغذية اعتبرت أنها «فوجئت» عندما راجع مفتشوها صاحب العلاقة وطلبوا منه إعادة الدجاج إلى البلد المستورد منه خلال 3 شهور، وإلا فستُتلَف الكمية، لكنهم اكتشفوا أن حوالي 1700 كرتون، أي 17000 دجاجة بيعت لل

مطاعم والأسواق المركزية، ولا يوجد في مخازنه سوى 240 كرتوناً فقط!

الإدارة أصدرت قراراً فورياً بإغلاق المخزن وتحريز باقي الكمية وتحرير مخالفة لصاحب العلاقة تمهيداً لإحالته إلى المحكمة، وهي الإجراءات نفسها التي اعتمدتها حينما «فوجئت» في يناير الماضي بأنه باع الــ65 ألف كيلوغرام لحماً فاسداً قبل أن تظهر نتائج الفحص، لكن الأمور سرعان ما عادت إلى مجاريها، وأعاد المعني فتح مخازنه واستورد دجاجاً فاسدا، ووزعه على السوق تحت نظر رقابة البلدية وسمعها وانعدام جديتها!

مصدر الخبر جريدة القبس الكويتية بتاريخ الامس

http://www.alqabas.com.kw/Article.aspx?id=630658 &date=20082010

تم تعديل 21 أغسطس 2010 بواسطة زهقان

[زهقان]

هُرّبت إلى الأسواق.. والفحص أظهر أنها «غير صالحة»

بعد الدجاج التالف وعشية القرقيعان والعيد

حلوى فاسدة تهدد أطفالنا

زكريا محمد

بعد الدجاج الفاسد الذي تسرب منه الى السوق 17 الف دجاجة، دخلت حلوى الاطفال الفاسدة الى الاسواق والمحال، ولكن من شركة أخرى.

احدى الشركات المستوردة لحلوى الاطفال، ادخلت كمية منه الى البلاد واردة من الصين من دون انتظار نتائج الفحص المخبري على العينات المسحوبة، ووزعتها في الاسواق المركزية والبقالات.

وعندما ظهرت نتيجة الفحص، أكدت ان الحلوى تحتوي على الوان صناعية مضافة غير مطابقة للاشتراطات الصحية، وهي غير صالحة للاستهلاك الآدمي.

وكما في كل مخالفة، «فوجئ» المعنيون في ادارة الأغذية المستوردة لدى مراجعتهم للشركة المستوردة للتحفظ على الكمية في المخازن، بأن البضاعة غير موجودة، وتم بيعها في السوق المحلي!

وفي هذا الاطار صرح وزير الاشغال والبلدية د. فاضل صفر ان وزارته ترفض تسريب بعض أصحاب شركات الأغذية بضائعهم الى الاسواق، قبل ظهور نتائج الفحص المخبري.

ووعد «بتطبيق اللوائح والأنظمة والعقوبات المقررة عليهم، وسنقوم بالدخول الى المخازن، ومصادرة البضائع الفاسدة».

كما أوضح لـ القبس ان البلدية اتخذت اجراءاتها القانونية ضد الشركة التي سربت الدجاج الفاسد في الاسواق، وانه خاطب مجلس الوزراء لاحالة المخالفين الى النيابة العامة مباشرة. وقال ان اللجنة القانونية التابعة لمجلس الوزراء تدرس هذا الامر تمهيداً لاقراره.

وذكر صفر أنه اعطى تعليماته الى المسؤولين في ادارة الأغذية المستوردة بدرس امكانية سحب رخصة صاحب شركة الدجاج الفاسد، وذلك لتكرار فعلته.

المصدر جريدة القبس الكويتية بتاريخ اليوم

http://www.alqabas.com.kw/Article.aspx?id=630823 &date=21082010

شكرا

[noname]

ممكن حد يقولنا اسم الشركة او نوعية الفراخ علشان ناخد بالنا ... وبعدين اتأكدتم ان مصر بخير وان الفساد اصبح سمة عالمية وادى اصغر دولة فيها فساد زى اكبر دولة واكتر

[زهقان]

يا جماعة الخير طمنونا عنكم أوعو يكون حد أكل من الدياي

و أوعو تشترو جرجيعان السنه دى

ويجعلو عامر