المصريين المغتربين بالكويت

[زهقان]

ممكن حد يقولنا اسم الشركة او نوعية الفراخ علشان ناخد بالنا ... وبعدين اتأكدتم ان مصر بخير وان الفساد اصبح سمة عالمية وادى اصغر دولة فيها فساد زى اكبر دولة واكتر

هتاخد بالك من أيه ولا أيه يا حاتم

اذا كان المياه المعدنية فى أنواع منها غير صالحة للاستخدام الادمى

أشرب وصلى على النبى يا عم حاتم

[زهقان]

نصف طن أسماك فاسدة في المباركية

لحظات معدودة فصلت بين ضبط اكثر من نصف طن من الاسماك الفاسدة وامكانية تسريبها إلى الاسواق, حيث تمكن مفتشو مركز سوق المباركية امس من وقف مزاد علني على 570 كيلوغراما من الاسماك الفاسدة المستوردة من دول خليجية وآسيوية تضمنت انواعا مختلفة من البلطي والهامور والشعوم , تبين تهتك انسجتها وتغير لون خياشيمها وانبعاث الروائح الكريهة منها, وعلى الفور تم ضبط الكمية واتلافها.

وفي جانب آخر كلف مدير فرع بلدية العاصمة فالح الشمري مراقب الاغذية والاسواق جزا الديحاني بتشكيل فريق للكشف على شركات التجهيزات الغذائية التي تعد ولائم الافطار للصائمين في شهر رمضان المبارك للتأكد من التزامها بالاشتراطات الصحية واللوائح .

المصدر جريدة السياسة الكويتية بتاريخ 28 يوليو 2010

http://www.al-seyassah.com/AtricleView/tabid/59/smid/438/ArticleID/99402/reftab/59/Default.aspx

[noname]

على رأيك يا زهقان الموت علينا حق

اصلهم ناقصين فلوس علشان يسرقوا صحة البشر

وبمنتهى الصراحة انا كدة متفاءل .. تعرف لية ؟

علشان الشركة معندهاش تفرقة عنصرية يعنى صحة وحياة المواطن = الوافد

اخيرا الحمد لله

[hamadahussein]

اولا كل سنة وانتم طيبين ورمضان كريم

اخوكى حمادة مقيم بالكويت من 10سنوات والحمد للة حابب اتعرف على ناس محترمين زيكم

وكل عام وانتم بخير

[pocy]

السلام عليكم ورحمه الله وبركاته

اخى فى الله حاتم

مخنوق ليه بس ربنا ما يجيب خنقه ان شاء ومعلش هى فى الاول بتبقي الدنيا صعبه حبتين وبعدين الدنيا بتبقي احلى بكتير واهدى وان شاء الله اول ما تلاقي نصك التانى وتستقر هتلاقي الدنيا بقت وردى ان شاء الله

اختى سوزى كل سنه وانتى طيبه

ازيك يا قمر المبلغ ده ممتاز جدا جدا انا كنت قعدت لوحدى الاول بس كان السكن والمواصلات ع الشغل وكنت بصرف فى الشهر من 30 : 45 دينار اكل وشرب وبصراحه مكنتش بخرج نهائي فكان تقريبا باقي المرتب لي المهم انتى ربنا يباركلك ان شاء الله ولو هتسكنى سكن خارجى اعتقد الملحق فى حدود من 80 : 100 وده عباره عن اوضه ومطبخ وحمام او مشاركه سكن سيدات وده هيبقي في حدود من 80 : 100 برضه غرفه لوحدك فى شقه مشتركه وربنا يوفقك يارب اللهم امين

بس فى حاجه انتى لو اشتغلتى فى الوزاره هيبقي مرتبك غير خالص يعنى ممكن توصلي ل1000دينار بس هتبقي في مشكله انك تقدرى تجيبي رخصه مزاوله مهنه ودى بقي هى اللى صعبه شويه على ما اعتقد لان جاره لى صيدلانيه مش عرفت تشتغل فى الوزاره بسبب مش عرفت تطلع الرخصه بتاعه مزاوله المهنه واهى قاعده فى البيت دلوقتى وربنا يكرمها يارب اللهم امين

اخى الفاضل : زهقان

والله بطنى وجعتنى لما قريت الاخبار دى والحمد والشكر لله انى مش بحب اكل بره البيت ده غير انى بجيب ساديا واعتقد انها ممتازه و مش هى دى اللى يقصدوا بيها وطبعا انا جربت الروضه ودجاج نايف وحلال بس بصراحه بحس ان فى حاجه غلط فى الشوربه لكن ساديا الوحيده اللى بتبقي طعم وشوربه بصراحه ودايما بجيب كرتونه ولما تخلص بجيب واحده تانيه وهكذا ده غير طبعا انى مش بجيب قرقيعان نهائي لان مليش فى التوفى والحاجات دى ولله الحمد بس طمنتنى وكويس انك قلت لان بقالى فتره مش بقرا الجرايد

وربنا يسترها علينا يارب اللهم امين

كب كيك ورونا انتم رحتوا فين ؟؟؟؟؟؟؟؟

ومنتظرينك يارونا

ماما حبيبتى قلب ابيض اخبارك ايه واخبار رمضان فى القاهره ايه يارب يكون بخير وسلامى للاولاد وبالاخص نور

[رونا]

حبيبتى بوسى

حقيقى بتبسط قوى لما بلاقيكى فكرانى وبتسالى عليا

الواحد بيحس ان لية اخت فى الكويت

انا ياستى دلوقتى بحضر الشنط

وانشاء الله اكون فى الكويت قريب

بس ادعيلى الامور تمشى على خير

[noname]

شكرا اخت بوسى بس انا مش مخنوق من الكويت ولا من الغربة

الحقيقة اللى خانقنى انى مش عارف لية مش عاوز ارجع مصر

مع انى والله بحبها .. يمكن علشان معنديش حد فيها ارجع علشانة

الله واعلم.

[noname]

السلام عليكم ورحمه الله وبركاته

اهلا بيك بينا يا اخى الفاضل نو نيم اولا كل سنه وانت طيب وبخير

بص بقي يا سيدى الفاصل احنا بنتعامل هنا زى ما حضرتك شايف بنكتب مداخله زى ما حضرتك كتبت المداخله اللى فاتت ولو فى حد موجود ورد على المداخله ولا حاجه بندخل ونرد بنفس الطريقه

طيب في حاله انك محتاج تقتببس كلام حد معين مثلا تروح تدوس على الايقونه اللى مكتوب عليها

multi Quote ودى تستخدم لاقتباس واحد او عده اقتباسات للمداخلات اللى محتاج تضيفها

طب افرض انك مش عايز تقتبس كلام وعايز ترد على طول فعندك المربع اللى تحت بتاع الرد السريع واللى بيتكتب فيه ودوس على كلمه بوست وممكن برضه تضيف رد عن طريق كلمه add reply

بس التانيه فيها امكانيات اكتر من الرد السريع

طيب افرض عايز تبعت رساله لحد معين

اولا لازم يعدى مشاركاته تقريب يا 30 او 50 مشاركه تقريبا علشان تقدر تبعت لحد رساله خاصه واللى بتجبها من خلال الضغط على اسم الشخص ده مترسل رساله من خلال الصفحه بتاعته

ايه تانى ايه تانى يا بوسي

اهه عندك علامه - حمرا وعلامه + خضرا الناقص دى معناها ان كلام المداخله دى مش عجبك لكن علامه الزائد معناها ان الكلام فى المداخله دى عجبك

يعنى حضرتك حطيت على مداخلتى + الخضرا وده معناها المفروض انه عجبك والحمد لله انك مش دوست على التانيه بالغلط هههههههههههههههههههههه

ويالا بقي قول مخنوق من ايه وان شاء الله كلنا بلا استثناء هنزود لا اقصد هنزيحها باذن الله هههههههههههههه

وكل سنه وانت طيب

شكرا على التوضيح الجميل دة وربنا يبارك فيكم جميعا

[pocy]

رونا

الف الف الف مليون مبرووووووووووووووووووووك على تجهيز الشنط وده خطوه جامده جدا يعنى خطوه كمان وتكونى معانا هنا ياقمر

يا حبيبتى الكل هنا فاكرك اكيد لانك ببساطه تدخلى القلب على طول وده باين جدا من ذوقك فى الكلام ويارب يارب توصلي بالسلامه وربنا يجمع دايما بينك وبين زوجك يارب اللهم امين انا بعتلك رساله على الخاص يا قمر اتمنى انها تكون وصلتك والف الف حمد الله على السلامه مقدما ان شاء الله

[pocy]

اخى فى الله / نو نيم

مصر فيها حاجات حلوه كتير اهمهم الاهل ودول لوحدهم كفايه ان الواحد يرجع عشانهم

لكن لو الاهل متواجدين هنا معاك فدى يمكن هاقول ان كده هنا مش غربه للانك وسط اهلك وناسك

وان شاء الله ربنا يزيح عنك كل ما هو خانقك ان شاء الله

بس انت كشكشها متعرضهاش وقول قبل ده كله

يـــــــــــــــــــــــا رب

[noname]

اخى فى الله / نو نيم

مصر فيها حاجات حلوه كتير اهمهم الاهل ودول لوحدهم كفايه ان الواحد يرجع عشانهم

لكن لو الاهل متواجدين هنا معاك فدى يمكن هاقول ان كده هنا مش غربه للانك وسط اهلك وناسك

وان شاء الله ربنا يزيح عنك كل ما هو خانقك ان شاء الله

بس انت كشكشها متعرضهاش وقول قبل ده كله

يـــــــــــــــــــــــا رب

والله مكشكشها على الاخر ........

[sozan]

hi

[mahmoudfaried]

السلام عليكم

اخباركم ايه ؟؟؟ يا رب تكونو بخير و كلو تمام

فى البدايه

كنت عاوز اكمل الموضوع بتاع صورة مصر فى عيون الاخرين و ازاى نصلحها !! و يا ريت يا استازه بوسى متخليش عمرو ينسى

انا بس عاوز اقولكو انى لما قريت المقال بتاع الحنطور و العاملات او الشغالات قبل ما اعلق على المقال فى المنتدى بتاعنا , بعت اميل لكاتب المقال و قولتلو ببساطه انت من حقك تكتب اللى انت عايزه و انا معاك فى لو فيه اى سلبيه ممكن نسلط الضوء عليها بس انا مستاء جدا من التعميم يعنى مينفعش كلامك يبان منو ان كل المصريين كده !!!!!!!!!

و بعد يومين جالى رد محترم جدا من الكاتب و قاللى انو ميقصدش و انو اسف لو حصل سوء فهم .

شوفتوا بقا عمرو مش المفروض ينسى عمرو المفروض يبقى ايجابى و يعمل اللى عليه .

الموضوع التانى بتاع الاكل الفاسد

الموضوع دا طمنى جدا

عشان كنت خلاص جاى الكويت قريب و كنت عاوز اجيب اكل فاسد معايا من مصر عشان حاسس انى اتعودت عليه بس كده خلاص مش هجيب معايا حاجه عمار يا كويت !!! وهخرج من مشكلة الوزن الزائد

بالمناسبه انا جاى كمان يومين

لو اى حد عاوز اى حاجه من مصر يقول .

بالمناسبه هيا ايه الحاجات اللى المفروض اجيبها معايا ؟؟؟ وايه الحاجات اللى المفروض مجيبهاش معايا ؟؟؟

مستنى ردودكم

[sozan]

انا متشكره توى للناس اللى ردت و جزاكم الله خير............

سؤال تانى هو فيه كفيل في الكويت زى السعوديه .... ولو فيه نظامه ايه علما بانى هشتغل في شركه ادويه.... يعنى لازه يبقى ليه كفيل ولا ايه وكمان لو و انا هناك حبيت اغير الشغل يعنى اروح مكان يدينى اكتر ينفع ولا لا؟؟؟؟؟؟؟؟؟؟؟؟؟؟؟؟

[pocy]

اولا احب ان ارحب بالاستاذ حماده واللى للاسف لسه شايفه المداخله بتاعته الان ونقول يا الف اهلا وسهلا بالناس الغاليين وياريت تشاركنا دوم على قوله اخوانا الكويته

الاخ محمود فريد انت انسان ايجابي بالفعل عارف فكرتنى بكورس الانجليش اللى كنت باخده فى مصر كان فى موضوع عن واحد امريكى راح اوتيل والحجره بتاعته كان نظامها خطأ وكان نظام خدمه الغرف مش عجبه وكتب لمدير الاوتيل رساله فيها شكواه واقتراحاته وبجد عجبنى جدا الراجل ده يمكن ميجيش مره تانيه على الاوتيل بس حب انه يضيف حاجه ممكن تسعد الناس وعجبنى

ايجابيته جدا

واكيد مش هخلى عمرو ينسي ولا ايه مصر لسه بخير ياولاد

بالنسبه بقي لتحضير الشنطه هو حضرتك اول مره تيجي؟؟؟؟ولا ايه ؟؟؟؟

سوزى يا قمر اكيد الشركه ليها صاحب اه صاحب الشركه ده هو الكفيل بتاعها وميزه ان يبقي الكفيل بتاعه شركه كبيره ومحترمه ان موضوع انك تنتقلي من شغل للتانى حلو

وحظك الجميل يا قمر ان قانون العمل الجديد يسمحلك انك تحولى من شغل لشغل بعد اعطاء الشركه تنويه يمتد لمده تلات شهور والحمد لله وعلى فكره كفيل الكويت ارحم بمراحل من كفيل السعوديه ولله الحمد

[رونا]

رونا

الف الف الف مليون مبرووووووووووووووووووووك على تجهيز الشنط وده خطوه جامده جدا يعنى خطوه كمان وتكونى معانا هنا ياقمر

يا حبيبتى الكل هنا فاكرك اكيد لانك ببساطه تدخلى القلب على طول وده باين جدا من ذوقك فى الكلام ويارب يارب توصلي بالسلامه وربنا يجمع دايما بينك وبين زوجك يارب اللهم امين انا بعتلك رساله على الخاص يا قمر اتمنى انها تكون وصلتك والف الف حمد الله على السلامه مقدما ان شاء الله

ميرسى ياقمر على كلامك الرقيق ودعواتك

[pocy]

صباح الفل والورد والياسمين على كل الموجودين

اخباركم ايه اتمنى الجميع يبقي بخير

والله انا بفكر اننا نفيد بعض فى موضوع كده بقالي فتره بتابعه وهى تذاكر الطيران

بمعنى اللى يسمع ان فى عرض على اى شركه طيران يقول العرض ويحط اللنك انا بسمع دايما عن عرض بدينار وعرض ب 8 دينار وعرض ب11 او16 او 20 دينار بس بصراحه عمرى ما لقيته فى اى وقت فياريت اللى يسمع عن اى عرض كده يقولنا وكده نفيد ونستفيد ولا ايه رايكم يا جماعه

وكمان لو كان زى ما استاذ سمبا كان متابع العروض اللى بتبقي فى اماكن مختلفه يعنى انا سمعت عروض ماكس بعد ما خلصت العروض اللى فيها واضايقت طبعا

فياريت استاذ سمبا يرجه موضوع هنا الكويت مره تانيه والله كان موضوع اد ايه جميل

ثالثا بقي وبما انكم اخواتى عايزاكم تشوفولى حل فى تعلم السواقه انا للاسف بخاف جدا اول ما بقعد ورا الدريكسيون بجد بترعب ونفسي اجيب سياره نص كم علشان بس اقدر اروح اى مكان ولو جبت سياره واتعلمت سواقه اوعدكم انى اول واحده هتجهز لمقابله فى الكويت وهاجى انا وعموره منورين كده ههههههههههههه وعملكم محشي ورق عنب بس مش ضرورى الرز يبقي جوه الورق فهمنى طبعا ههههههههههههههه او ممكن صينيه بطاطس محروقه الوجه ولا بلاش خليها مكرونه باشميل معجنه او بيتزا عجينتها مش استوت حاجه كده علشان تعرفوا بس مواهبي المطبخيه هههههههههههههههههههههههههههههههه

اقولكم سلام مؤقت

وسلامى للجميع

[pocy]

نسيت اقولكم عيد ميلاد عمورى الامورى بكره

حبيبي هيكمل سنتين ان شاء الله

وبالمناسبه دى عايزه اسال تطعيم السنتين بيسخن ولالالا ؟؟؟؟؟؟؟؟؟؟؟؟؟؟

[noname]

نسيت اقولكم عيد ميلاد عمورى الامورى بكره

حبيبي هيكمل سنتين ان شاء الله

وبالمناسبه دى عايزه اسال تطعيم السنتين بيسخن ولالالا ؟؟؟؟؟؟؟؟؟؟؟؟؟؟

كل سنة وعمورى طيب وبسلام وعقبال 100 سنة وتعالوا نقولة (هابى بيرزداى تو مورى)

happy birthday to mory

تبارك الله وعقبال فرحتة بالنجاح والعروسة

تم تعديل 23 أغسطس 2010 بواسطة noname

[cup cake]

صباح الخير على اهالى دولة المغتربين المصريين

اول حاجة اسلم على ميسى الى معليه حسى و عالطول جابرة بخاطرى بوسى و اقول لعمورى كل سنه و انت طيب و مستنيين التورته و الحلويات و الذى منه اما بخصوص السواقه فانا كمان نفسى اتعلم بس عايزة الى يشجعنى فايه رايك يا بوسى نشجع بعض و نتعلم سوا لان القاعده فى البيت فعلا ممله

رونا توصلى بالسلامه ان شاء الله و يا رب الكويت تعجبك و لو احتجتى اى حاجه احنا اخواتك هنا و اكيد هنكون معاكى و خلى بالك و انتى جايه اوعى تجيبى معاكى ادويه كتير اصلى و انا جايه جبت شويه ادويه لزوم الاستعمال الشخصى يعنى ادويه سكر وادويه لابنى شويه ادويه حراره و مغص يعنى تشكيله الادويه الى بيحتاجها كل طفل بس خدوها منى فى المطار و جابولى الضابط و قعد يحقق معايا جايبه الدوا ده لمين و ليه فقلتله انى هقعد شهرين لحد ما يتعملى اقامه و ابدا اجيب ادويه و الادويه فى الكويت غاليه بس برضو اخد الادويه حظ نحس مش كده

ليدو شكرا على ردك عالخاص