المصريين المغتربين بالكويت

[Simba]

هههههههههههههههه سلملى علية

انا بس بسئل علشان الشنط مش مكفية والشتوى كتير

وانا محتارة مش عارفة اسيبة ولا اخد كل حاجة

لا طبعا ما تاخديش كل حاجة

طبيعي انك مع الوقت هتشتري منها حاجات كتير فالحاجات الكتير والكل حاجة اللي هتجيبها هتنزلي بيها مصر ازاي

[نور السما]

الف شكر على ردك يا نونيم

[Simba]

http://www.youtube.com/watch?v=Iaf54P55Pwo

[sindbad]

ازيكم يا جماعه

محدش بارك لنا ( بتوع السالميه يعني اللي هما احنا ) على افتتاح جيان هنا في السالميه

فاضل لنا كارفور بس ويبقى خلاص مش عايزين نطلع بره wst::

بس فيه مول عملاق مساحته كبيره جدا قدام سيتي سنتر شغالين فيه من سنتين

شكله كده ح يبقى وهم

[احمد عبد العال]

مساء الخير عاليكم جميعا ياشباب

كل سنه وانتم طيبيبن ورمضان كريم عاليكم

كنت عاوز بس استفسر عن عرض عمل في الكويت وياريت اسمع ارءاكم فيه

واسمع صوت الناس الخبره في العرض دا

هو العرض كالتالي

انا هبقي محاسب في شركه تجاريه هشتغل 8 ساعات فقط

بمرتب 175 دينار وزياده 25 دينار كل سنه

وقابل للزياده كل شهر حسب كفاءتك ونشاطك في العمل

انا مش هتحمل اي مصاريف اطلاقا

كله متوفر من سكن وفيزا وتذاكر الطيران

انا هتحمل بس مصاريف المعيشه

هيا ايه اخبار المعيشه هناك؟؟

ياريت بجد اسمع ارائكم في العرض دا وشكرا ليكم مقدما

[تامر مصطفى]

مساء الخير عاليكم جميعا ياشباب

كل سنه وانتم طيبيبن ورمضان كريم عاليكم

كنت عاوز بس استفسر عن عرض عمل في الكويت وياريت اسمع ارءاكم فيه

واسمع صوت الناس الخبره في العرض دا

هو العرض كالتالي

انا هبقي محاسب في شركه تجاريه هشتغل 8 ساعات فقط

بمرتب 175 دينار وزياده 25 دينار كل سنه

وقابل للزياده كل شهر حسب كفاءتك ونشاطك في العمل

انا مش هتحمل اي مصاريف اطلاقا

كله متوفر من سكن وفيزا وتذاكر الطيران

انا هتحمل بس مصاريف المعيشه

هيا ايه اخبار المعيشه هناك؟؟

ياريت بجد اسمع ارائكم في العرض دا وشكرا ليكم مقدما

اخي الفاضل احمد عبد العال

لو رجعت في صفحات التوبيك للخلف هتلاقي ردود على كل التساؤلات اللي سألتها واللي مسألتهاش واللي مخطرش على بالك تسألها

بس معلش اتعب شوية

وعموما راتب 175 لا يكفي المعيشة في الكويت وميستاهلش ان الواحد يضحي علشانه بأي وضع في مصر

ومسألة الزيادات دي في علم الغيب لاننا سمعنا كتير عن ناس خدت وعود وردية واول ما استلم شغله ملقاش اي حاجة من الوعود

ولو كنت هتدفع مبلغ علشان تيجي الكويت يبقى حرام عليك

طيب قولنا عن اسم الشركة وهل هي شركة كبيرة والا مجرد مكتب صغير؟؟

اخي احمد

انا عارف ومتأكد ان كلامي ده مش هيجي على هواك ومش هيبقى لادد عليك

بس انا بقول ما تقتضيه الامانه تجاه شاب من بلدي وجلدتي

ولو رجعت زي ما قلتلك صفحات للخلف هتفهم كلامي بالتفصيل

ربنا يوفقك ويكرمك ويكتب لك الخير

[samehmagdy]

مساء

السلام عليكم

انا مع راى الاخ تامر

لو انت شغال فى مصر ووضعك كويس فلهاش لازمه الغربه على حاجه ملهاش لازمه

ثانيا بالمرتب دى هتلاقى نفسك هتحوش بالكتير اوى 120 دينار لو كل حاجه على الشركه من سكن ومواصلات داخليه ومش هيبقى عليك غير الاكل والشرب بس انسى انك تفكر فى يوم من الايام انك تطلع رخصه علشان تجيب عربيه او انك تجيب مراتك معاك لو كنت متزوج او ناوى تتجوز الايجارات هنا غرفه وصاله اقل حاجه 150 دينار

وطبعا فى النهاية القرار ليك انت

[noname]

للاخ احمد عبد العال

نصيحة من اخ بلاش بلاش بلاش .. اوعى اقل مرتب للمحاسب حديث التخرج 250 او 300 دينار

والله 175 قلتهم احسن لانهم ببساطة كدة يادوبك تقدر تشترى بيهم كلينكس تمسح بية دموع الندم

ودا لانى كانى بسمع حكايتى من حد تانى .... ودا بس تكملة لكلام الاخوة اللى سبقونى

تم تعديل 2 سبتمبر 2010 بواسطة noname

[عادل أبو عمر]

السلام عليكم و رحمة الله و بركاته

و تقبل الله طاعتكم جميعا وبلغنا ليلة القدر

كل الاحترام و التحية لجميع الإخوة و الأخوات الذين استمتعت بقراءة رسائلهم

انا من يومين بحاول أسجل معاكم و كنت منتظر الموافقة و الحمد لله جت و عقبال الفيزا

سؤال لمن يستطيع مساعدتي أنا معروض علي عمل في الكويت وظيفة مدير تصدير في شركة صناعية الحمد لله اتفقنا على السكن العائلي المؤثث و السيارة و تذاكر السفر للأسرة بس لسة في تفاوض على الراتب

ما أريد معرفته هو متوسط تكاليف المعيشة للأسرة كام دينار في الشهر و تكاليف التعليم ( أحمد الله أن وهبني 3 أولاد 10 سنوات و توام 4 سنوات)

خالص تحياتي

أبو عمر

اهلا وسهلا ياباشا وتنور الكويت

شوف ياسيدي الموضوع ده محتاج شويه تفاصيل ممله لو مفيش مانع تسمع التفاصيل يبقى اوكى

الدراسه : تعتبر هي اكثر شيء مكلف في الكويت

يعني بالنسبه للمدارس ممكن تبدا ب 400 دينار في السنه او اقل وممكن توصل 1500 دينار للطفل الواحد في السنه

وهناك مذاهب في المدارس يعني في ناس بيحبوا يدخلوا اولادهم مدارس عالميه وطبعا دي فوق 800 دينار في السنه بالنسبه للمراحل الاولى وجايز تزيد شويه

وفي ناس بتدخل اولادها مدارس رخيصه وغير مكلفة زي المدارس الباكستانيه والهنديه ودي رخيصه

وفي الاخر وجهات نظر

شكرا جزيلا يا سندباد على المعلومات

ممكن من فضلك تقولي تكلفة المعيشة للأسرة في المتوسط

[sindbad]

السلام عليكم و رحمة الله و بركاته

و تقبل الله طاعتكم جميعا وبلغنا ليلة القدر

كل الاحترام و التحية لجميع الإخوة و الأخوات الذين استمتعت بقراءة رسائلهم

انا من يومين بحاول أسجل معاكم و كنت منتظر الموافقة و الحمد لله جت و عقبال الفيزا

سؤال لمن يستطيع مساعدتي أنا معروض علي عمل في الكويت وظيفة مدير تصدير في شركة صناعية الحمد لله اتفقنا على السكن العائلي المؤثث و السيارة و تذاكر السفر للأسرة بس لسة في تفاوض على الراتب

ما أريد معرفته هو متوسط تكاليف المعيشة للأسرة كام دينار في الشهر و تكاليف التعليم ( أحمد الله أن وهبني 3 أولاد 10 سنوات و توام 4 سنوات)

خالص تحياتي

أبو عمر

اهلا وسهلا ياباشا وتنور الكويت

شوف ياسيدي الموضوع ده محتاج شويه تفاصيل ممله لو مفيش مانع تسمع التفاصيل يبقى اوكى

الدراسه : تعتبر هي اكثر شيء مكلف في الكويت

يعني بالنسبه للمدارس ممكن تبدا ب 400 دينار في السنه او اقل وممكن توصل 1500 دينار للطفل الواحد في السنه

وهناك مذاهب في المدارس يعني في ناس بيحبوا يدخلوا اولادهم مدارس عالميه وطبعا دي فوق 800 دينار في السنه بالنسبه للمراحل الاولى وجايز تزيد شويه

وفي ناس بتدخل اولادها مدارس رخيصه وغير مكلفة زي المدارس الباكستانيه والهنديه ودي رخيصه

وفي الاخر وجهات نظر

شكرا جزيلا يا سندباد على المعلومات

ممكن من فضلك تقولي تكلفة المعيشة للأسرة في المتوسط

لا شكر على واجب استاذ مارو

تكلفه المعيشه للاسره لو 5 افراد لو عايز تعيش مرتاح حوالي 250 دينار

اما لو عايز تعيش تعبان شويه ممكن 180

خللي بالك فيه بنود كتير محدش بياخد باله منها زي

مصاريف السياره المصنعيه غاليه بالمقارنه بالسعوديه مثلا

تلفونات دوليه( سعر الدقيقه لمصر 200-220 فلس) !!

اسعار تصليح اي شيء في المنزل غاليه جدا تلاجه- غساله.. الخ

الادويه ومعامل التحاليل الخاصه اسعارها غاليا جدا اقل علبة مضاد حيوي ب 5 دينار مثلا!!- الحكومه (مستوصفات)زحمة جدا وبهدله في الغالب

بصراحه ح تلاقي ان بعض الاشهر المصاريف ممكن تزيد عن 250 دينار

ده واقع احنا بنعيشه

تم تعديل 2 سبتمبر 2010 بواسطة sindbad

[sindbad]

مساء الخير عاليكم جميعا ياشباب

كل سنه وانتم طيبيبن ورمضان كريم عاليكم

كنت عاوز بس استفسر عن عرض عمل في الكويت وياريت اسمع ارءاكم فيه

واسمع صوت الناس الخبره في العرض دا

هو العرض كالتالي

انا هبقي محاسب في شركه تجاريه هشتغل 8 ساعات فقط

بمرتب 175 دينار وزياده 25 دينار كل سنه

وقابل للزياده كل شهر حسب كفاءتك ونشاطك في العمل

انا مش هتحمل اي مصاريف اطلاقا

كله متوفر من سكن وفيزا وتذاكر الطيران

انا هتحمل بس مصاريف المعيشه

هيا ايه اخبار المعيشه هناك؟؟

ياريت بجد اسمع ارائكم في العرض دا وشكرا ليكم مقدما

اخي الفاضل احمد عبد العال

لو رجعت في صفحات التوبيك للخلف هتلاقي ردود على كل التساؤلات اللي سألتها واللي مسألتهاش واللي مخطرش على بالك تسألها

بس معلش اتعب شوية

وعموما راتب 175 لا يكفي المعيشة في الكويت وميستاهلش ان الواحد يضحي علشانه بأي وضع في مصر

ومسألة الزيادات دي في علم الغيب لاننا سمعنا كتير عن ناس خدت وعود وردية واول ما استلم شغله ملقاش اي حاجة من الوعود

ولو كنت هتدفع مبلغ علشان تيجي الكويت يبقى حرام عليك

طيب قولنا عن اسم الشركة وهل هي شركة كبيرة والا مجرد مكتب صغير؟؟

اخي احمد

انا عارف ومتأكد ان كلامي ده مش هيجي على هواك ومش هيبقى لادد عليك

بس انا بقول ما تقتضيه الامانه تجاه شاب من بلدي وجلدتي

ولو رجعت زي ما قلتلك صفحات للخلف هتفهم كلامي بالتفصيل

ربنا يوفقك ويكرمك ويكتب لك الخير

كلام ا تامر مضبوط طبعا

اعرف ناس كتير محاسبين كانوا جايين على نفس الراتب وبعد اكتر من سنه لم يجمعوا اي مال من الغربه واضطروا يسافروا للسعوديه

الراتب 175 دينار ده يعتبر زي الى بياخد 200 جنيه في مصر

ياراجل انت ممكن تصرف في الشهر 15 و20 دينار مكالمات دوليه مرتاح!!

وخللي بالك في شركات كتير السكن بيكون 6 في غرفه!!!

يعني بهدله ومفيش فلوس

انا راي السعوديه افضل للمحاسب طبعا مليون مره

كل اقاربي المحاسبين بيعملوا في السعوديه رغم مشاكل الكفيل وبيرفضوا الكويت لان الراتب لن بيمكنهم من استخراج رخصه او استقدام زوجه او عمل اي شيء

ويكفي لك ان تعرف ان المحاسب الاردني عديم الخبره بيجي الكويت على 280 دينار او 300 دينار وبيسكن 2 في غرفه مش 6 !!

ليه؟؟؟؟؟؟

عشان احنا بنقبل اي وضع ونحلم ونقول يمكن اشبط في حاجه افضل بعد شويه او يمكن الراجل يلاقيني كفاءه فيزودني!! وده طبعا مستحيل

الا فيما ندر يعني ده الاستثناء النادر وليس القاعده

انا عارف ان كلامي محبط ولكن دي امانه الرأي والنصيحه.... فيه معارف هنا بقالهم 3 سنين ولسه ملموش تمن الفلوس اللي استلفوها في مصر

شوف من الاخر: لو الراتب 250 دينار وافق لو دينارونصف لا توافق لان كل المعاملات بتطلع على الراتب اعلى من 250 دينار!!!

تم تعديل 2 سبتمبر 2010 بواسطة sindbad

[عادل أبو عمر]

جزاك الله كل خير بجد إنت لفت نظري لحاجات مهمة رغم إني سألت ناس عايشين هناك لكن موضوع العلاج و المصروفات مكنتش واضحة زي ما قلتها

بجد انا سعيد جدا بيك و بجميع الإخوة اللي بيساعدوا أي واحد طالب استفسار متعرفشي أد إيه بتفرق معاه إنه يسمع الكلام ده من مصري في نفس البلد

ربنا يبارك لك و يوسع عليك و علينا و على المسلمين اجمعين

و لو حصل نصيب و جيت الكويت اكيد هاكون على اتصال بيك بإذن الله

[pocy]

بسم الله ما شاء الله ايه الصفحات دى كلها

احب اقول لرونا حبيبتى واختى فى الله

يا ستى لو تقدرى مش تجيبي الا جاكت او اتنين والباقي صيفي يبقي ممتاز لانك هتاخدى شتوى على الفاضي الشتا هنا اخر 12 وشهر يناير وبس والجو ربيعي في 2 و3 وموجه الحر بتبدأ فى اخر 4 ان شاء الله السنه اللى فاتت مش افتكر انى لبست شتوى الا قليل قوى وكان صيفي بالنهار وجاكت على اللبس الصيفي زى ما قال سيمبا بالضبط وربنا يجيبك بالسلامه يارب اللهم امين

وبالنسبه للاستاذ احمد عبدالعال

احب احكى قصتى اول ما جيت انا مهندسه كمبيوتر وعندى خبره تدريس حاسوب 6.ونص المهم جيت هنا ع شغل ب185 وكنت مموعوده ان بعد تلات شهور الاختبار هيبقي 250 المهم عدوا 3 شهور وبعدهم 3 شهور تانيين لحد ما مرتبي بقي 225 بالعافيه والله وبخناق وانى كنت هسيبلهم الشغل المهم قبل ان يزيد المرتب وجدت ان دوامى لم يصبح 8 ساعات ولكن اصبح 12 ساعه وبالاكراه وكانوا بيدونى على الساعه نص دينار ده غير في خصومات استهباليه لانى خرجت من المحاضره سورى يعنى للحمام كان مفروض ااجله لبعد المحاضره ههههههههههههه المهم حاجات رخمه كده ده غير انى مطالبه انى اعمل موقع للمعهد وحاجات كده كتير انا فى غنى عن ان اتذكرها وبجد كنت متبهدله جدا جدا والشغل الخاص مش بيرحم وحصلي اجهاضين بسبب الدوام واللى مكنتش بعرف اخد اجازه او غياب لانهم مش بيرضوا يدونى ورقه طبيه اخد بيها اجازه تخيل وطبعا اول ما عرفت بالحمل التالت وده م ن ستر ربنا رحت رافعه عليهم قضيتين اولا انى اخد حقوقى لانى كملت العقد سنه وكانت حقوقى عندهم 180 دينار والحد الان مش اخدتها حار ونار فى جتتهم والقضيه التانيه تحويل اقامه على زوجى والحمد لله ربنا كرمنى وحولت على جوزى بعد بهدله ومن ساعتها وانا مش عايزه شغل خاص لانه مقرف ولو انه اتعدل والحمد لله بعد القانون الخاص الجديد ما اتطبق

نسيت اقولك انهم كانوا مفروض موفرين السكن والمواصلات السكن كان موجود والمفروض كانوا بنتين بس معاي لانهم هم اللى كانوا بنات وبعدين اتجوزوا واستقالوا والمواصلات اارك الله مكنتش بتيجي ونستنى وفى الاخر بناخد خصم يومين للتاخر دقيقتين تخيل الوضع بقي

فمش كل اللى هيتقال هيتعمل وال 185 كانوا بيتصرفوا كالاتى تليفونات ونت حوالى 20 دينار شهريا و50 اكل وشرب وقول هتبشرق على نفسك ب 20 اتبقالك كام 95 دينار والله اوفرلك علشان العيشه الكريمه انك تقعد فى بلدك وربنا يوفقك يارب ومتجيش الا بما يلا يقل عن 250 دينار وانت محاسب يعنى ممكن تلاقي عقد احسن من كده بمراحل ان شاء الله وربنا يوفقك ان شاء الله للافضل

الاخ مارووو

ربنا يوفقك يارب اللهم امين لما يحبه ويرضاه

اولا علشان اسره من خمس افراد لازم تكون تفكر فى الاتى :

1- مصاريف المعيشه من اكل وشرب وفسح ودى تحسب على حسب الترف اللى حضرتك عايز تعيش فيه ولو مدخن هيبقي ليها حسبه برضه يعنى اعتقد على الاقصي 250 ومش اكتر ان شاء الله

2- مصاريف العلاج حكومى وخاص وطبعا التحاليل واسالنى لسه كعه 20 دينار لتحاليل بتتعمل فى مصر ب50 جنيه وطبعا لو عملتها فى خاص يبقي هدخل فى 100 ولا حاجه (لو تقدر نخلى التامين اللى هتعمله الشركه على مستشفيات خاص يبقي ممتاز كده هتبقي الرعايه افضل وببلاش او باسعار قليله وربنا يوفقك ان شاء الله )

3- مصاريف مدارس ودى بقي اللى ممكن تقسم الظهر ولو حضرتك رجعت اكتر من 20 صفحه لورا هتلاقي انى متكلمه على تكاليف المدارس بالتفصيل الممل وربنا يوفقك ان شاء الله

4- مصاريف السكن والمواصلات ودى نقطه هامه جدا اعتقد ان السكن عليهم ومؤثث فده ممتاز جدا جدا جدا لانه هيوفر عليك حاجات كتير ومصاريف اكتر لان اى شقه ادميه لخمس افراد لا تقل عن 250 دينار

وبالنسبه للمواصلات فدى مهمه جدا لاى مكان لان المواصلات غاليه فاتمنى ان حضرتك تكون مجهز نفسك انك هتحتاج عربيه لمشاوريك الخاصه وربنا يوفقك يارب اللهم امين

5- مصاريف تكميليه ولكنها اوقات تكون مهمه زى مصاريف التليفون والنت

ودى على الاقصي مش هتاخد 30 :50 دينار لو بترغوا فى التليفون لمصر والنت هيبقي ارحم طبعا وده اقل اشتراك لوحدك هيكون 15 دينار وربنا يوفقك

اعتقد انى كده شرحت بالتفصيل فيه ايه تانى يا بوسي في ايه تانى ؟؟؟؟؟؟؟؟؟؟؟؟؟مش فاكره

[pocy]

اخى الاستاذ تامر زعلتنى جدا باللى قلته عن المول ده

بس انا نفسي اعرف فى حد دخل جوه وجرب يشوف ايه جوه علشان نعرف فى دهب وياقوت ومرجان ولا لا ؟؟؟؟؟؟؟؟؟؟؟؟؟؟؟

بجد حاجه تفرس امال لو عمر راح معايا وعرفه ادخله فى شنطه ايدى ههههههههههههه هيعمل ايه جوه انا عمر بيروح سلطان علشان يلعب كوره ومحدش بيكلمه هههههههههههههههه وبالعكس والله الناس بتوع هوم سنتر بيلعبوا معاه ساعات سبحان الله ربنا يكرم اصحاب العقول بعقولهم

المهم اسيبكم بقي واشوف اللى ورايا

استاذي استاذ سامح

نا زى ماقلت ممكن اشتغل اى شغل ادارى زى سكرتيره او موظفه علاقات عامه او مساعد hr المهم انه يكون شغل مناسب ومحترم ويكون فتره صباحيه فقط يعنى مثلا من 8:4 مثلا لانى بعد كده ابو عمر مش هيدخلنى البيت ههههههههههههههه وربنا يوفق اللى فيه الخير

نيو نيم استاذ تامر من الفروانيه وممكن تساله على اى حاجه محتاجها اوعى تكون عايز تسأل على اللى كان بيسال عليه ماجد الكدوانى فى فيلم حراميه فى كيجو 2 ههههههههههههه والله بضحك وبهزر اوعى تزعل هههههههههههههههههههههه

[cup cake]

لاحظت فى المحاورات الى فاتت ان الكل بيقول ان الاتصالات لمصر غاليه هو صحيح لو هتتصل من الموبايل هتكون الدقيقة 200 فلس بس لو اتكلمنا من السنترال هتكون الدقيقة 50 فلس و لو جبنا كروت اتصال من النت هتكون ال80 دقيقة ب 3 دنانير يعنى تكلفة معقوله انا عن نفسى بستخدم كروت النت و بتصل براحتى من بيتى و بتكلم براحتى

حد يا جماعه بيفتح القناه الكويتية الاولى او التالته قبل الفطار علشان يسمع الاذان انا بقى بجيبها و بشوف المدفع و هو بينضرب الى شدنى بقى مش المدفع الى شدنى اكتر الناس الى بتبقى واقفه تحضر ضرب المدفع و عمالين يبيبيوا يعنى يعملوا باى باى لذاذ جدا و فكرت اروح و اتصل باهلى بمصر على الاقل يشوفونى و يطمنوا عليا صورة و صوت ولا انتوا ايه رايكم؟ههههههههههههههههه

[samehmagdy]

لسه داخل اكتبلكم لما لاحظت ان الناس كلها بتشتكى من الاتصالات لمصر

سبقنى وقالكم عن موضوع الكروت والسنترال اللى 50 فلس الدقيقهcup cake لقيت

بس انا بصراحه عندى حل احسن من الكروت ومن السنترال كمان لانى جربت كل حاجه ممكن تتخيلوها فى موضوع الاتصالات دى

phn:

فى برنامج اسمه سكاى بى بتتكلم منه الدقيقه ب حوالى 50 فلس الدقيقه

والبرنامج التانى تحفه بصراحه اسمه nymgo

ودى بنص تمن الاسكاى بى كمان الدقيقه ب 25 فلس

وانا مجرب الاتنين وصوتهم تحفه بصراحه كانك بتتكلم من تليفون ارضى كمان

واهو منها تتكلمو دولى ومنها تعملو شغل بعد الظهر :lol:

بس متنسوش نصيبى انا صاحب الفكره برضه wst::

[pocy]

انا معاكم ان الكروت ام 3 دينار دى ممتازه بس منين الواحد يقدر يحصلها احنا لما بنعوزها بنوصي واحد علشان يجبها من واحد واحنا وحظنا الراجل ده موجو د ولا مسافر وانا طبعا اقصد كنت الاتصالات من الموبيل واللى اعرفه ان الكروت دى تداولها ممنوع هنا فى الكويت والله اعلم

وكمان السنترالات ا م 50 فلس دجى مش متوفره في كل مكان يعنى انا فكره ان من سنه تقريبا فى العماره اللى جنبي فتحوا سنترال جوه شقه وكانت المكالمه منه ب 100 فلس وواحد تانى كان ب 80 فلس المهم جت البلديه باين او حاجه كده وقبضت عليهم كلهم وحرزوا على الاجهزه اللى عندهم واتقفل المسمي بالسنترال بس 50 فلس اول مره اسمع عنها

فى بقي كتير جدا مواقع على النت بتشتري منهم كريدت بالفيزا بتاعتك بس الواحد بيقلق ليكون موقع نصب ولا حاجه

علشان كده بنقول المضمون والقانونى احسن

انا قريت من فتره انهم هيخلوا الكلام بالثانيه يعنى هيحاسبونا بالثانيه مش بالدقيقه قال الموضوع ده صحيح ؟؟؟؟؟؟؟؟؟؟؟؟؟؟؟؟؟

[pocy]

نسيت اقول برضه ان لما كنت بكلم حماتى فى القاهره كان الصوت بيبقي ممتاز لم اجى اكلم مامتى فى السويس مش بيسمعونى نهائي معرفش ليه مع انى سمعاهم كويس ومش عارفه ليه بقي ؟؟؟؟؟؟؟؟؟؟؟؟

[احمد عبد العال]

شوف من الاخر: لو الراتب 250 دينار وافق لو دينارونصف لا توافق لان كل المعاملات بتطلع على الراتب اعلى من 250 دينار!!!

شكرا لردك ياجنرال انا استفد بكلامك

وشكرا لرد الاخ تامر كلامه كله مظبوط

وشكرا برود للبشمهندسه بوسي ع نصحيتها

وانا طبعا كان يهمني راي الشباب المصري في الكويت

بس عاوز اضيف ان الشركه اللي هشتغل فيها شركه معاملات ماليه موجوده في الكويت العاصمه

وانا طالع من مصر مع صاحب الشركه معرفه يعني

ومش هتحمل اي مصاريف اطلاقا

وهشتغل 8 ساعات فقط وممكن اشوف شغل خاص في فتره الليل ولا حاجه

بس اللي كان قلقني مصاريف المعيشه هناك

اشكركم مره تانيه وبالتوفيق ليكم

[Simba]

بس عاوز اضيف ان الشركه اللي هشتغل فيها شركه معاملات ماليه موجوده في الكويت العاصمه

وانا طالع من مصر مع صاحب الشركه معرفه يعني

ومش هتحمل اي مصاريف اطلاقا

وهشتغل 8 ساعات فقط وممكن اشوف شغل خاص في فتره الليل ولا حاجه

بس اللي كان قلقني مصاريف المعيشه هناك

اشكركم مره تانيه وبالتوفيق ليكم

الناس نصححتك وهي بتنصحك عارفة ان الكلام مش هيجي علي هواك

عموما تعال وشوف بنفسك wst::