المصريين المغتربين بالكويت

[عادل أبو عمر]

اعترفلكم بحاجة يا جماعة

التوبيك داه دايما بيفكرنى كل ما اددخله انى عايشة فى الكويت

وانا بحاول انسي انى فى الكويت - اعتبرونى باخد مخدر لذاكرتى علشان انسي

انا بجد مش بحب الكويت يا جماعة

فى حل - اى حد عنده علاج لحالتى بما انكم كلكم فى الكويت

افيدونى بليزززز

:blush2:

اغابي

اسمحيلي يا أغابي ممكن توضحي ليه مش بتحبيها أكيد فيه حد مممكن يساعدك من الإخوة و الأخوات اللي عايشين فيها من فترة زي ما شرحت بوسي ليكي و ليها وجهة نظر محترمة ،

في رأيي إن مفيش مكان مثالي و حالة الرضا أصبحت أصعب شيء في الدنيا يعني اللي في مصر نفسه يسيبها لأنه احلامه كلها بتتقتل و ميعرفشي يعيش فيها و ببساطة بيبئى حاسس زيك بالظبط إنه معدشي حابب المكان و البلد و مش لاقي نفسه و لاحاجة كويسة فيها لا صحة و لا تعليم و لا أكل نضيف و لا ألف حاجة و كمان أخلاق الناس اتغيرت بحكم صعوبة الحياة ... حتى البلد نفسها حالها يصعب على الطفل الصغير لما يلاقيها 30 سنة في مكانها محلك سر و مع كدة لسة حاسين إننا أم الدنيا و احنا مش عارفين ناخد قرار حتى في التوك توك ، ساعتها الواحد يتمنى يسيبها و لما يسيبها يتمنى يرجع و لما يرجع يقول إيه اللي رجعني و على دا الحال ... الرضا بالحال فعلا أصعب شيء

ربنا يهدينا و يرزقنا القناعة و الرضا و حسن الختام

و اكرر ليكي فيه أخوة و إخوات ممكن يفيدوكي جدا لأني قريت ليهم رسايل كتير و كلهم بحمد الله لا يتأخروا في المساعدة و تقديم النصيحة

[عادل أبو عمر]

اخى الفاضل مارووووووووووووووو والله دمعت عينى للاغنيه التانيه وجايبالك الاغنيه دى وربنا يحميها يارب اللهم امين

رغم كل شئ بحبك يا مصر

http://www.youtube.com/watch?v=do1M7glKy4k

مش معقول اخويا الكبير شويه صغيره واستاذي الفاضل / خالد شحاته واللى عيد ميلاد ابنه احمد هو نفس يوم ميلاد عمر

بجد مفتقداك جدا فى التوبك هنا واتمنى نشوفك دايما بخير وكل سنه وانت طيب والاسره الكريمه يارب ويكرمك فى اولادك واسرتك وان شاء الله تكون الوالده الان فى احسن الاحوال يارب اللهم امين

نو نيم فينك النهارده يارب تكون عال والاحوال احسن وتحب الكويت زى ما بحبها وان شاء الله يارب نلتقي جميعا وعلى خير بس اول مااتعلم السواقه ان شاء الله

ادعولى هاخد كورس تدريب سواقه مكثف بعد العيد واشوفكم ع خير

شكرا يا بوسي على الأغنية الجميلة و فعلا شربنا و الله من نيلها و ده اللي مخلينا حاطينها في قلوبنا لكن الأجيال الجديدة ربنا يلطف بيها و ربنا يهدي حكامنا لصالح العباد و البلاد

[تامر مصطفى]

السلام عليكم ورحمة الله وبركاته

اخواني اخواتي جميع اعضاء المنتدى حتى لا انسى احد احبابي

كل عام وانتم بألف خير وصحة وسلامة

انا بإذن الله راجع الكويت بعد العيد وهترحك من هنا مساء يوم السبت القادم

حد عايز حاجة من مصر؟

ادعولي منتبهدلش في ميناء نويبع البحري لاني متعود اني اقضي فيه 20 ساعة كحد أدنى بدون اماكن محترمة للطعام وحيث البيع بالاستغلال لكل شيء ولا مكان آدمي للنوم او استراحات تصلح للجلوس وحيث الحقد والغيرة من موظفين دخلهم افضل من دخلي ب 20 مرة

ما علينا هي البهدلة اتكتبت علينا لكوننا مصريين

اعترفلكم بحاجة يا جماعة

التوبيك داه دايما بيفكرنى كل ما اددخله انى عايشة فى الكويت

وانا بحاول انسي انى فى الكويت - اعتبرونى باخد مخدر لذاكرتى علشان انسي

انا بجد مش بحب الكويت يا جماعة

فى حل - اى حد عنده علاج لحالتى بما انكم كلكم فى الكويت

افيدونى بليزززز

:blush2:

اغابي

يا اغابي يا بنتي خليكي هنا مع بتوع الكويت وسيبك من بتوع السعودية احنا هنا فاهمينك اكتر

وبالنسبة لعلاجك فده سهل اوي بس محتاج وقت شوية وانك تكوني عايزة تتغيري من جوة

قولي ورايا

انا بحب عيشتي في الكويت علشان مش عارفة اعيش في بلدي

كرري الجملة دي 300 مرة قبل النوم واول ما تصحي من النوم

بوسي ازيك عاملة ايه

انا قربت اجي الكويت والماما قلب لسه باقي لها يجي شهر وشوية ما هي فاضية بقى ولا عندها خصم ولا انذار ولا تأخير ولا حضور ولا انصراف

يا بختها بحسدها

وبالنسبة للأكل مش هينفع اجيب معايا غير الكحك والبسكوت واللي عايز انا عينيا ليه

انا مرة خدت معايا مانجة كنت مشتريها حجارة وقعدت يومين في نويبع في الحر وصلت الكويت لقيت المنجه مطبوخة وعليها شوربة كمان

بس لو عايزاني اجيب معايا بطاية والا وزاية والا حماماية انا حاضر

بس هتبقى فسيخ من نوع جديد

بمناسبة الفسيخ انا رايح اشتري بكرة من عند شاهين الفسخاني اشهر فسخاني في بر مصر المحروسة

طبعا مش ليا انا مش بحب الفسيخ

بس مجبر اخاك لا بطل غصم واقتدار والراجل يقول لأ

mf-:

po::

صحيح اخبار الغبار ايه والرطوبة والحر؟

[ياسر]

اعترفلكم بحاجة يا جماعة

التوبيك داه دايما بيفكرنى كل ما اددخله انى عايشة فى الكويت

وانا بحاول انسي انى فى الكويت - اعتبرونى باخد مخدر لذاكرتى علشان انسي

انا بجد مش بحب الكويت يا جماعة

فى حل - اى حد عنده علاج لحالتى بما انكم كلكم فى الكويت

افيدونى بليزززز

:blush2:

اغابي

http://www.youtube.com/watch?v=Nqja2RxOVyA

[تامر مصطفى]

اعترفلكم بحاجة يا جماعة

التوبيك داه دايما بيفكرنى كل ما اددخله انى عايشة فى الكويت

وانا بحاول انسي انى فى الكويت - اعتبرونى باخد مخدر لذاكرتى علشان انسي

انا بجد مش بحب الكويت يا جماعة

فى حل - اى حد عنده علاج لحالتى بما انكم كلكم فى الكويت

افيدونى بليزززز

:blush2:

اغابي

http://www.youtube.com/watch?v=Nqja2RxOVyA

رابط القصيدة الكاملة

http://www.youtube.com/watch?v=sVQ1VU8v6d4&feature=related

[اغابي]

بوسي وتامر ومروة وياسر

شكرا لردودكم الجميلة واهتمامكم

ضحكتونى بجد

كل المشكلة انى مش حاقدر اقول انا مش قصير قوزعة انا طويل واهبل

- قصدى يا تامر مش حاقدر اكرر واقول انا بحب عيشتى فى الكويت 300 مرة

لانى حابقى كدا بضحك على نفسي وبصدع نفسي

انا مشكلتى بسيطة جدا كلها مع الوقت يعنى عندى فى الصالة ساعة على الحيطة حاجة كدا زى ساعة المستشفيات

اول ما ....الاقيها الساعة 4 ازعل جدا انها مش الساعة 9 واول ما تيجي 9 ازعل انها مش 12 وهكذا

بحب اوى اليوم يخلص - بسرعة انا مش عاوزة اليوم بالشكل داه

مفتقدة اوى الاصحاب والجيران

مفتقدة تلفون بيتى يرن - لو رن انا اول واحدة اجرى عليه ويا ويل ابنى لو كان اسرع منى فى الخطوة وجرى قبلى

خلاص حاسة ان باقيلى كام شهر واخرس بجد مش هزار - فيه كلام ابتديت انساه

اهو بفضفض اصل حالتى صعبة

- زهقت من الكويت - انا ليا حوالى 9 سنين لكن المشكلة جوزى

استحالة حابب يعيش فى مصر واتعود خلاص على الغربة 

:roseop:

اغابي

[تامر مصطفى]

بوسي وتامر ومروة وياسر

شكرا لردودكم الجميلة واهتمامكم

ضحكتونى بجد

كل المشكلة انى مش حاقدر اقول انا مش قصير قوزعة انا طويل واهبل

- قصدى يا تامر مش حاقدر اكرر واقول انا بحب عيشتى فى الكويت 300 مرة

لانى حابقى كدا بضحك على نفسي وبصدع نفسي

انا مشكلتى بسيطة جدا كلها مع الوقت يعنى عندى فى الصالة ساعة على الحيطة حاجة كدا زى ساعة المستشفيات

اول ما ....الاقيها الساعة 4 ازعل جدا انها مش الساعة 9 واول ما تيجي 9 ازعل انها مش 12 وهكذا

بحب اوى اليوم يخلص - بسرعة انا مش عاوزة اليوم بالشكل داه

مفتقدة اوى الاصحاب والجيران

مفتقدة تلفون بيتى يرن - لو رن انا اول واحدة اجرى عليه ويا ويل ابنى لو كان اسرع منى فى الخطوة وجرى قبلى

خلاص حاسة ان باقيلى كام شهر واخرس بجد مش هزار - فيه كلام ابتديت انساه

اهو بفضفض اصل حالتى صعبة

- زهقت من الكويت - انا ليا حوالى 9 سنين لكن المشكلة جوزى

استحالة حابب يعيش فى مصر واتعود خلاص على الغربة 

:roseop:

اغابي

من الواضح من كلامك انك مش بتشتغلي وقاعدة في البيت

عموما كلنا بنحلم باليوم اللي نقدر نعيش في مصر حياة كريمة ومش المقصود ماديا بالدرجة الاولى

ولكن اللي نتمناه كلنا هو الحياة الانسانية يعني نبقى عايشين وحاسين ان الحياة حوالينا سهلة مفيهاش تعقيدات ولا روتينات

ولا حقد ولا شحاتين ونعيش في بيئة نظيفة بدون جبال القمامة اللي مالية شوارعنا وبدون البلطجية بكل مستوياتهم وبدون الغش وبدون الرشاوي

ولما بنتي تدخل ثانوي مبقاش خايف عليها من مدرسها اللي عنده 21 سنه ولا الالفاظ اللي ممكن تسمعها داخل المدرسة من المدرسات والفراشين

(طبعا بتكلم على مدارس الحكومة في المقام الاول)

و..و..و..و..و..و..و

حاجات كتير صعب تتوفر في الوقت الحالي وفي اعتقادي ولا بعد 50 سنه على اقل تقدير

اذن انا مضطر استحمل الحياة في مكان بلاقي فيه ولو جزء بسيط من آدميتي

[sindbad]

كل عام وانتم بخير وعيد فطر سعيد علينا جميعا

والله موضوع مصر ده يوجع القلب :sad:

بس ليه سؤال بيشغل بالي

اللي زي حالاتنا كده لما ح ينزلو مصر ياترى ح يعملوا ايه؟

يعني من ناحيه العمل والدخل والمصاريف

لو معاهم قرشين ح يعملوا بيهم ايه؟ وهل القرشين دول ح يكفوا مصاريف الجامعات الخاصه للاولاد؟ ولو حد حب يعمل مشروع ياترى يكون زي ايه وهل في الوضع الحالي او القادم المشاريع ممكن تنجح في مصر؟؟

في وجه نظري ان اللي الواحد فيه مجرد مخدر علشان منشعرش بالالم

بس لما مقعوله يروح ربنا ستر ساعتها

فعلا موضوع محير كل اللي اتكلمت معاهم هنا معندوش اي فكره عن تخطيط حياته القادمه في مصر ببساطه لانه مش لامس المجتمع هناك حاليا وكل افطاره بتبقى من زمان

هيه ما علينا هذا امر شرحه يطول ... وانا الليله مشغول في البيتيفور :happy:

تم تعديل 9 سبتمبر 2010 بواسطة sindbad

[herohero]

ياجماعه باختصار محدش هيقدر يمشي بمزاجه وده عن تجربة شخصية لان الانسان بيتعود ع اسلوب حياة معين وبيزهق

وبعدين حكاية المشاريع ف مصر مع كامل احترامي المشاريع اللي بججد عاوزة مبالغ محترمة فهل ياترى المحاسب العادي او المدرس هيقدر يعمل مشروع

المشاريع لها ناسها هل من السهل بعد 20 سنة ف الكةويت انه ينزل يتعامل مع نوعيات مختلفهعشان يمشي مشروعه

ياجماعه احنا بنوضب الشقة بالعافية وبنتعب مع العمال

باختصار عيش يومك وخلاص وموضوع الرجوع لمصر ماتفكرش فيه طول ما امورك ماشية ومش مهم المادية المهم راحتك النفسية يبقى خلاص

والغربة مش غربة مكان الاصعب غربة الوطن وانت فيه

لما تبقى ف مصر وحاسس انك غريب وسط اهلك وف بلدك هتبقى مش عارف تتكيف مع الناس بجد شيئ متعب

انا والدي بعد ما قضينا عمرنا كله فالكويت زهق لما نزل مصر

واهو ممشي اموره ومخلاص

وانا زهقت واضطريت اطلع من مصر باختصار لانك اتعودت ع طبيعه حياة اخرى ولاسف بتفتقدها ف مصر

[sindbad]

اخي الكريم هيرو

انا كل الكلام ده انا عارفه

انما انا بتكلم في نقطه ان احنا راجعين راجعين مسأله وقت مش اكتر

طب ساعتها ح تعمل ايه؟؟

يعني مينفعش تسيب اولادك يتعلموا في مصر بعيد عنك وانت هنا ؟؟!!

يبقى ح ننزل كلنا عشان الجامعه مثلا

وساعتها بقى نعمل ايه

طبعا ممكن اي حد يقول يبقى يحلها حلا وعيش يومك ومتفكرش في اليوم ده؟؟ ليه مفكرش هو مش ح يجي ح يجي يبقى لازم الواحد يعمل حسابه

من هنا ان بطرح الموضوع علشان نفكر سوا

بس مش اكتر

تم تعديل 9 سبتمبر 2010 بواسطة sindbad

[herohero]

اخي الكريم هيرو

انا كل الكلام ده انا عارفه

انما انا بتكلم في نقطه ان احنا راجعين راجعين مسأله وقت مش اكتر

طب ساعتها ح تعمل ايه؟؟

يعني مينفعش تسيب اولادك يتعلموا في مصر بعيد عنك وانت هنا ؟؟!!

يبقى ح ننزل كلنا عشان الجامعه مثلا

وساعتها بقى نعمل ايه

طبعا ممكن اي حد يقول يبقى يحلها حلا وعيش يومك ومتفكرش في اليوم ده؟؟ ليه مفكرش هو مش ح يجي ح يجي يبقى لازم الواحد يعمل حسابه

من هنا ان بطرح الموضوع علشان نفكر سوا

بس مش اكتر

شوف سيدي موضوع ولادك ف حته وانت ف حته موضوع صعب وبيغير حساباتك

انا بتكلم عن تجربتي الشخصية كنا كلنا عايشين ف الكويت اول احتكاك ليا انا واخواتي كان ف سن 90 ف الغزو كانت خبطة جامده من مدارس الكويت الحكومية والرفاهيه اللي فيها لمدارس مصر المهم مع الوقت تاقلمنا برده صدقني والامور بقت تمام

ويادوب التاقلم بدا يبقى تمام رجعنا الكويت تاني واستمر الوضع ده حتى دخولنا للجامعات ف مصر

وبقى والدي ف الكويت وهو مدرس فاجازاته كتير بقى ينزل كل اجازة اعياد ونهاية العام الدراسي واجازة نصف العام

والامور كانت كويسة جدا ووالدي وصل سن المعاش ونزل مصر وبصراحه مش مرتاح لكن بيقولك اهي ايام وبنقضيها

خلال الفترة ده كنت اتخرجت ورفضت فكرة السفر واستمريت 4 سنوات لكن للاسف فشلت ف التكيف المريح يعني كنت بمشي اموريوزهقت واضطريت امشي

وادي النتيجه انا ف السعوديه

والوالد نزل من الكويت وبيمشي الايام

سيدي فكرة المشاريع مش سهلة ولنا اصحابنا كتير كده وجربوا وللاسف الفشل كان ملاحقهم

الغالبية العظمى غير متكيف لكن بيقضي وقته نظام معاشات

اما غير كده فكانت احلى واسعد ايام لما كنت اسرة كامله عايشين ف الكويت وطبعا كانت ايام الكويت الخير بجد

وربننا يحفظ البلد ده اللي الواحد عمره ما ينسى ايامها الحلوة

اللي الواحد ياما غنى وطني الكويت سلمت لي المجد

[Simba]

العلاج يا اغابي في كلمة واحدة

انك تقولي الله علي جبنة المصريين في رغيف فينو

[نور السما]

كل سنة و انتوا طيبيين يا اعضاء منتداما الحبيب و عيد سعيد عليكم و يار بيبقى احلى عيد عليكم و على اولادكم و اخواتكم و اهليكم و كل ذوايكم حابب اعرف كل واحد هايقضى العيد ازاى سواء فى مصر او فى الكويت ؟؟؟ انا عن نفسي فى الساحل الشمالى قرية اسمها زمردة طبعا الجو جامد جدا بلا حسد يا جماعة بس الحاجة الوحيدة اللى تعبانى و مخليانى مش مستمتع ان العبال و امهم فى الكويت ادعولى ارجعلهم بسرعة

تم تعديل 9 سبتمبر 2010 بواسطة نور السما

[Simba]

كل سنة و انتوا طيبيين يا اعضاء منتداما الحبيب و عيد سعيد عليكم و يار بيبقى احلى عيد عليكم و على اولادكم و اخواتكم و اهليكم و كل ذوايكم حابب اعرف كل واحد هايقضى العيد ازاى سواء فى مصر او فى الكويت ؟؟؟ انا عن نفسي فى الساحل الشمالى قرية اسمها زمردة طبعا الجو جامد جدا بلا حسد يا جماعة بس الحاجة الوحيدة اللى تعبانى و مخليانى مش مستمتع ان العبال و امهم فى الكويت ادعولى ارجعلهم بسرعة

هاقضي العيد في الدوام :lol:

[noname]

اخى الفاضل مارووووووووووووووو والله دمعت عينى للاغنيه التانيه وجايبالك الاغنيه دى وربنا يحميها يارب اللهم امين

رغم كل شئ بحبك يا مصر

http://www.youtube.com/watch?v=do1M7glKy4k

مش معقول اخويا الكبير شويه صغيره واستاذي الفاضل / خالد شحاته واللى عيد ميلاد ابنه احمد هو نفس يوم ميلاد عمر

بجد مفتقداك جدا فى التوبك هنا واتمنى نشوفك دايما بخير وكل سنه وانت طيب والاسره الكريمه يارب ويكرمك فى اولادك واسرتك وان شاء الله تكون الوالده الان فى احسن الاحوال يارب اللهم امين

نو نيم فينك النهارده يارب تكون عال والاحوال احسن وتحب الكويت زى ما بحبها وان شاء الله يارب نلتقي جميعا وعلى خير بس اول مااتعلم السواقه ان شاء الله

ادعولى هاخد كورس تدريب سواقه مكثف بعد العيد واشوفكم ع خير

اختى فى الله ام اعمر كل سنة وانتى طيبة وعمورة بخير وامان

متشكر جدا على السؤال والحمد لله انا بخير وزى الفل

ربنا يوفقك وتتعلمى السواقة وتعملى الليسن وتشترى سيارة همر

وتقبل الله صيامكم وقيامكم

لا تنسينى من صالح الدعاء

[Simba]

اول يوم لية في تعليم السواقة والحمدلله اتعلمت ضرب الكلاكس ببراعة واتقان :happy:

آما خليت المدرب يكره اليوم اللي اشتغل فيه مدرب wst::

[رونا]

كل سنة وانتم طيبين

[تامر مصطفى]

اول يوم لية في تعليم السواقة والحمدلله اتعلمت ضرب الكلاكس ببراعة واتقان :happy:

آما خليت المدرب يكره اليوم اللي اشتغل فيه مدرب wst::

بجد الف مبروك فرحتلك اوي

بس ده مؤشر ممتاز

يعني اتوقع انك هتعرف تشغل المساحات ببراعة تامة بس هتلاقي صعوبة شوية في استخدام رشاشات المياه معاها بس معلش كله بالتدريب يبقى سهل

كل سنة وانتم طيبين

وانتي بألف خير وصحة

العيد في مصر ليه طعم تاني خالص

حتى بناتي حاسين بفرق كبييييير ومن امبارح مش راضيين يناموا ومهيصين بالبومب والصواريخ

ده اول عيد بناتي يحضروه في مصر

لموا عيديات عمر ابوهم ما حلم يمسكها وهو اكبر منهم حتى

يا بختهم

جتنا نيلة في حظنا الهباب md2:

[اغابي]

يا جماعة افهمونى بجد

مفيش حد دكتور نفسي ويعالج حالتى بليزز

انا حاديكم معلومات اكتر عن حالة مرضي

ركز يا سمبا - الله يسامحك - مش تقولى رغيف فينو وجبنة

اولا الساعة 4 دى ميعاد دخولى من باب البيت - يعنى انا بشتغل

وبعدين ابتدت حالة الاكتئاب من فترة لكن بقى اكتئاب مزمن من 3 شهور وصل ان حالتى صعبة بجد

مع ان زمايلي فى الشغل بيحبونى اوى وبيحترمونى جدا

بس للاسف كل الشركة عندى لبنانيين وفلسطينين مش مصريين وانا باعتقد داه سبب فى الاكتئاب

لان لو معايا مصريين حيخفف حدة الغربة مش اليوم كله شو وما شو .... ومش عارفة ايه

وانا اول ما بشوف مصري هل علينا زائر او ضيف بافرح اوى

بجد بحب المصريين اصلنا طيبين اوى

- المهم اكملكم يا جماعة حالتى

بدات تبقى وحشة حتى هما فى الشغل ممكن ادخل مكشرة وقرفانة ومش عاوزة اتكلم مع حد خالص

- وبعدين قررت من شهرين كدا اخد اجازة 10 ايام فى البيت

وقلت لمديري ان نفسيتي تعبانة شوية ومحتاجة كام يوم تغيير الروتين مش اكتر

مفيش 5 ايام وقطعت الاجازة وزهقت اكتر فى البيت -

بس بقيت حابة اعمل مشاكل --- بس بهدف تغيير الروتين

- زى مثلا اقفل بعربيتي على عربيات الموظفين اللى فى الشركات اللى قصادنا

:lol:

يجو من نص الدوام يبعتو الفراش علشان اجى ابعد سيارتى

علشان الناس تمشي او مثلا اعمل نفس الحركة فى جيران عمارتى اقفل على عربياتهم

ويبعتولى الحارس يخبط عليا ويسالنى ليه قافلة على الناس وسايبة باركنى فاضي ؟؟؟؟؟

:lol: :lol:

اهو حاجة جديدة فى اليوم لان كل يوم شبه اللى قبله وانا واثقة انه شبه اللى بعده

اغابي

تم تعديل 10 سبتمبر 2010 بواسطة اغابي

[اغابي]

اه كمان حاجة

كمان ما بقتش ليا نفس انى اشتغل ولا اتكلم مع حد بقيت

اليوم كله وانا بوقى مسدود وساكتة وزهقانة

بجد يا جماعة عاوزة اسيب الكويت - ملل اوف -

لكن جوزى حتى لو عاوزة اجازة صغيرة مش موافق انزل مصر لوحدى

بيخاف عليا جدا جدا حتى فى مصر كل مشوار معايا

يعنى حتى لو حبيت فى مصر اتمشي وسط البلد مع اختى الكبيرة

زى ما كنا زمان انا وهى ونتغدى

وناكل ايس كريم من العبد - الله على ايس كريم العبد - احلى ذكريات يا جدعان

تلاقى جوزى برضوه يروح معانا- هو بس انا عارفة بيخاف

عليا فى مصر ومن مصر مش عارفة ليه بيحسسنى ان مصر مش امان وبيحسسنى انه مش مصري

:lol:

هو انا صدعتكم قولولى لو صدعتكم كفاية او اكمل عادى

بس بجد عمل ايه - انتحر ؟؟

اغابي

تم تعديل 10 سبتمبر 2010 بواسطة اغابي