المصريين المغتربين بالكويت

[تامر مصطفى]

اه كمان حاجة

كمان ما بقتش ليا نفس انى اشتغل ولا اتكلم مع حد بقيت

اليوم كله وانا بوقى مسدود وساكتة وزهقانة

بجد يا جماعة عاوزة اسيب الكويت - ملل اوف -

لكن جوزى حتى لو عاوزة اجازة صغيرة مش موافق انزل مصر لوحدى

بيخاف عليا جدا جدا حتى فى مصر كل مشوار معايا

يعنى حتى لو حبيت فى مصر اتمشي وسط البلد مع اختى الكبيرة

زى ما كنا زمان انا وهى ونتغدى

وناكل ايس كريم من العبد - الله على ايس كريم العبد - احلى ذكريات يا جدعان

تلاقى جوزى برضوه يروح معانا- هو بس انا عارفة بيخاف

عليا فى مصر ومن مصر مش عارفة ليه بيحسسنى ان مصر مش امان وبيحسسنى انه مش مصري

:lol:

هو انا صدعتكم قولولى لو صدعتكم كفاية او اكمل عادى

بس بجد عمل ايه - انتحر ؟؟

اغابي

كلنا آذان صاغية واحنا هنا وظيفتنا نخفف عن بعض

هو من وجهة نظري ان الحل الوحيد انك تاخدي اجازة طويلة شوية وتنزلي مصر وحاولي تقنعي جوزك يستحمل شوية ويقوي قلبه

بس لما تنزلي مصر في خطة عمل علاجية لازم تلتزمي بيها

اولا لو عندك سيارة في مصر بلاش تستعمليها نهائي واستخدمي الميكروباص ومن اساسيات الخطة العلاجية انك لازم تروحي رمسيس كل يوم

ثانيا تتوجهي الى السجل المدني لاستخراج شهادة ميلاد كمبيوتر حتى لو مش محتاجاها وبعدها تروحي تعملي بدل فاقد لبطاقة الرقم القومي

وهنا لنا وقفة

ممكن بعد البندين دول تكوني خفيتي وترجعي الكويت فريش

ولو محصلش يبقى نكمل الخطة

ثالثا بما انك بقيتي مؤذية وبتجري شكل الناس يبقى تروحي قسم الشرطة تعملي محضر ضد اي حد المهم انك تروحي قسم الشرطة مرتين او ثلاثه على الاقل

رابعا تنزلي تشتري طماطم وخضار ولما البائع يقولك الكيلو ب5 جنيه قولي له باتنين ونص

لو مخفيتيش لغاية دلوقتي

تروحي لأي واحد من الكناسين اللي لابسين اخضر في الشارع وتديله ربع جنيه وتحديدا ربع يعني مش اكتر

كفاية عليكي الشوية دول وانا متأكد بعدهم هترجعي وانتي مبسوطه وتبقي ترجعي للشركة باقي الاجازة لانك اكيد هتقطعيها من بعد اسبوعين وترجعي شغلك ووقتها هتركني سيارتك في مكانها بدون ازعاج الاخرين

شروط يجب مراعاتها اثناء الاجازة:

ممنوع تاكلي كشري من عند الامير اللي في دوران شبرا

ممنوع منعا باتا تناول الايس كريم من عند العبد

ممنوع تاكلي رز بلبن من عند المالكي

ممنوع تاكلي سندوتشات فول وبطاطس من اخر ساعة في وسط البلد

اوعي تزعلي لما قلتلك بقيتي مؤذية

ده مجرد هزار

اخوكي الصغير تامر

[pocy]

ههههههههههههههههههههههههههه

مقدرتش امنع نفسي يا اغابي بقي بتجري شكل الناس علشان تغيري الروتين طب ما تيجى اتخانق معاكى ولا اعاكسك بالتليفون ويبقي كده انا غيرت الروتين والله انا حالتك دى كانت بتصيبنى دائما وخصوصا وقت المدارس اللى محدش فاضي فيها لحد لااختى فاضيه ولا جوزى حتى فاضيلي وتخيلي انك قاعده 12 ساعه محبوسه فى اربع حيطان مع طفل برئ كل مشكلته انى زهقانه وملانه ومفيش حاجه عملها ههههههههههههههههههههههههه

لا واللى ضحكنى اكتر كلام تامر الشهير بطموووووووووووووووووووره بجد كلامك فظيع جدا جدا جدا فطسنى على روحى من الضحك بس انا حابه اضيف انها تروح تعمل الباسبور الجديد وتكون البطاقه منتهيه الصلاحيه وتروح تجددها وبعد ما تجددها هيطلبوا منها شهاده بالكمبيوتر للاولاد ودواليك ههههههههههههههههههه كده هتلاقي نفسك بتقولى يقطع ............... على اللى ..................... وكمان اللى ........................

والحمد لله تكونى رجعتى لحالتك الطبيعيه ولله الحمد

كل سنه وانتم طيبين تعرفوا يا جماعه انا كنت فى امبارح فى لاتينو كافيه فى السالميه والمراوح عامله شغل جامد والحمد لله المهم كل اللى قابلتهم هناك كانوا رجعين طازه من مصر وبجد كان ارائهم متناقضه فيه منهم اللى بيقول على مصر انها اد ايه جميله وكل حاجه جميله وفي منهم الى بيلعن كل حته فيها ولما حصرت وجهات النظر وتناقشت عرفت انى اللى قعد بره القاهره تحديدا كان مرتاح ومفيش اى معوقات لكن اللى كانوا قاعدين فى القاهره اشتكوا كثير جدا من الزحمه وعدم نظافه الشوارع وحالات النصب المتعمده فى كل مكان وخصوصا عباره مبروك كسبت معانا كذا بس لازم تدفع كذا ولما تروح هناك علشان تستلم الجايزه هتاخد الكذا اللى حضرتك دفعتهم ههههههههههههه وطبعا كان الرد الطبيعي انا اول مره اسمع ان اكسب وادفع انا اعرف انى اكسب ومدفعش لو دى عندكم انا موافق جدا ههههههههههههههههههههههه

يا اغابي يا قمر الدنيا فى الكويت هاديه ومفهاش احداث جديده وخصوصا ان الفتره بتاعه الصيف بتبقي رتيبه وممله لان مفهاش اكشن هههههههههههههههه ومصر كلها اكشنات بصراحه ههههههههههههههههه

فرفشي يا قمر والدنيا عيد وكل سنه وانتى طيبه ولو عايزه تكملى كلنا اذان صاغيه ههههههههههههههههههههههه وودان كبيره كمان وتستحمل مش كده ياللى فى بالي هههههههههههههههه طبعا انا بهزر لانى مش شوفت حد فيكم بس اكيد اللى على راسه بطحه هيحسس عليها ههههههههههههههههههه

يالا الدنيا عيد وافرحوا ورفشوا اضحك خلى الدنيا تضحكلك

اغابي كلمه كده على جنب ابقي فكرينى اول ما تبدأ المدارس بانى قلت الكلام ده لانى هرجع اقول نفس اللى بتقوليه اصلي ساعات بتروح ازعق للحارس علشان ينضف علشان اغير الروتين هههههههههههههههههههههههههههههه

[أبوعمار]

كل سنة وانتوا طيبين ده أولا

ثانيا يا جماعة انتوا بتخلوني بحب مصر أكتر والله العظيم

كل ما أدخل المنتدى وأقرا كل الكلام اللي بتكتبوه ايا كان

أصل انا مشكلتي اني مهما اسمع عن مصر ولا أشوف فيها بحبها

عارفين أغنية حسين الجسمي طبعا اللي بيقول فيها "ده وانتي مطلعة عيني .... بحبك موت"

ويمكن الأخت أغابي حسستني اني مش لوحدي اللي بحب مصر وبتوحشني ومتعلق بيها

وعلى فكرة انا هنا معايا ولادي يعني مستقر ولله الحمد بس برضو يا جماعة مصر حاجة تانية

قولوا فيها نصب فيها سرقة.... فيها رشاوي ... فيها فقر ... وفيها اللي فيها... بحبها موت

لكل اللي بيحب مصر واللي مش هايقدر يستغنى عنها ومتغربين عنها زيي

إن شاء الله أملنا رب العالمين يصلح حال المصريين ونرجع بلدنا سالمين غانمين (على رأي الحاجة أمي)

المهم يا أخت أغابي

علاجك انك أولا تلاقي حاجات مفيده تشغلي بيها وقتك وتحسي كل يوم ان ال24 ساعة مش مكفية

ومحتاجة كمان 48 ساعة قبل ما اليوم يخلص,هتلاقي الأيام بتعدي بسرعة وانتي راضية عن نفسك لأن الأيام دي من عمرك سواء كانت في مصر أو هنا, يعني لما تتمني ان الساعة تكون 9 بدل 4 يبقى خسرتي ساعات من عمرك والعمر ده غالي قوي.

بالنسبة لاشتياقك لمصر خليكي دايما ع النت مع أصحابك وحبايبك ويا حبذا لو يحكوا دايما عن مصر والحاجات الحلوة اللي فيها

ولما تدخلي محاورات المصريين ...وتشوفي كلامهم وخفة دمهم ... قولي عمار يا مصر ان شاء الله

[aboutabeakh]

كل سنة وكل المصريين طيبين وعيد سعيد عليكم جميعا انا طبعا متابعكم دايما بس قليل لما اشارك انا معاكم هنا فى الكويت المهم سمعت اغنية كدة لسمير الأسكندرانى عجبتنى اوى واتأثرت كتير بيها وحبيت اسمعهلكمhttp://www.youtube.com/watch?v=Rvq-MHtMDTo&feature=related

[aboutabeakh]

شوية وطنية بقا يا جماعة مصر بلدنا واصلنا وان شاء الله مستقبل العرب والمسلمين حيكون طالع من البلد دى وهية وولادها وجنودها المدافعين عن الأسلام والعروبة الى يوم الدين

http://www.youtube.com/watch?v=5ykuR_ao9Zw&feature=related

[aboutabeakh]

وتانى مع الجميل والرائع والأحساس الوطنى الرائع سمير الأسكندرانى

http://www.youtube.com/watch?v=oHhgXnrbKZI

[samehmagdy]

كل سنه وكلكم طيـــــــــــــــــــــــــــــبين

وتقبل الله طاعتكم

فعلا فى مصر العيد حاجه تانيه خالص

اصلى عقبال عندكم فى مصــــــــــــــــــــر قل اعوذ برب الفلق اللهم لا حسد

واحلى حاجه بصراحه اول يوم العيد لما اكلت رنجه وجالى تسمم شعور متحسش بيه غير فى مصر بصراحه

اغابى بصراحه مقدرتش امسك نفسى انا كمان من الضحك من كلامك اصلى الموضوع دى كان بيحصل معانا برضه بس مراتى هى اللى كانت بتعمله معايا من الفراغ علشان سايبها طول النهار فى البيت بس كانت بتجر شكلى انا مش شكل الجيران

المهم بصراحه زى ما ابو عمار بيقول لازم تشغلى وقتك بحاجه تحبيها وتاخد معظم وقتك

ممكن مثلا تزودى اللغه عندك او تتعلمى لغه جديده او ممكن تتعلمى شغل الجرافيك وتصميم مواقع الانترنت شغل ممتع وجميل وهيشغل وقتك جدااا

وبصراحه يا تامر الروشته بتاعتك دى ملهاش حل انا شخصيا مجرب معظمها وزود عليها لما تخلص ورق من الجيش كمان

[OrionNebula]

السلام عليكم

كل سنه و إنتم طيبين و عساكم من عواده

و الله يديمها نعمه و يحفظلنا الديره

أنا كنت عايش في الكويت 18 سنه مولود هناك و عاصرت الغزو و حرب الخليج الأخيره لما ضربوا سوق شرق

كنا ساكنين في حولي عند مدرسة النجاه آخر مره كنت فيها في الكويت سنة 2008 و شكلها آخر سنه

كانت ايام دلوقتي إستقرينا في مصر بس بصراحه أهلي حاسين إن الكويت أخدت كتييير أوي زي ما أدت

على العموم روحي يا كويت لا بدعيلك و لا بدعي عليكي :closedeyes:

[اغابي]

ميرسي يا بوسي وانت يا ابوعمار

وميرسي لكل واحد حب يمد ايه بفكرة تهديني شوية

وميرسي يا تامر

بس تعالى هنا اقولك على حاجة

انا مخبية عن المحاورات لانى حاسة ان فيه عداء

بين المحاورات وظباط الشرطة مع ان الشرطة فى خدمة اغابي

:lol:

- بصراحة كدا من الاخر يا تامر انا عيلتى كلها ظبابيط

- وكمان كل الرتب عندى فى العيلة

ملازم اول ورائد ونقيب ومقدم - وبجد مش علشان قرايبي بس بجد طيبين جدا وغير ما بيتحكى عنهم بجد

لدرجة اننا لما بننزل اجازة بيكون واحد منهم فى المطار مستنينا

- وهو غالبا ابن عم جوزى وجوز اخته الكبيرة وهو مقدم شرطة وربنا مهدى الامور بينا الايام دي - خير الله واعلم -

المهم - طبعا انت عارف بننزل مصر فممكن يكون معانا متفجرات ولا حاجة

ويضيقونا -لا قصدى علشان ممكن حد يرخم فى المطار

كمان علطول اللى بيجيبلى العيش من المخبز او الخضار من السوق -العساكر

وانا مرة عسكرى جابلى خضار - فاتبقت فلوس فمرضتش اخدها

- وهو زعل جدا واعتبر انها اهانة وقالى ان سيادة المقدم

بيعمل فيه خير انه بس بيكلفة بخدمة ان يروح المخبر

او يشتريلى لحمة او خضار وان باقى الظباط

بيتعاملو مع العساكر بطريقة صعبة

وهو فرحان جدا ان خدمته مع سيادة المقدم

وكمان يا تامر - مش حاوصفلك منظرى لما اكون رايحة مشوار من اياهم اللى بتقول عليهم دول وتيجي تاخدنى من تحت العمارة عربية الشرطة ومليانة عساكر بس كل جيرانى عارفين ان عيلتى فيها كتير ظباط

بس بيني وبينك شكلى بيبقى ولا اجدع مجرمة - فضيحة

الحمدالله ومش حاوصفلك الهزار والليالى اللى العيلة كلها متلمين عند عزومة حد مننا

مش حاوصفلك هزار الظباط لما يظهر ويبان - يعنى مرة سيادة الرائد

حط فى دماغى مسدس حقيقي بجد وبيهزر وبيقولى بحب امسي عليكي يا اغابي

نفسك فى حاجة قبل ما تموتى طبعا انا بالصوت العالى

يالهوى مسدس بجد الحقونى - لان الشطان شاطر

وكمان حكاويهم مع بعض فى القعدة عن اخر المهمات ليهم فى وكر فى الجبل لشوية غجر وبتوع مخدرات

وازاى الرصاص بيشتغل وكل واحد يحكي اللى اتصاب فى كتفه برصاصة واللى مش عارفة ايه لاء وانت بتسمع حكاوى بيحكوها كانك بيحكولك ببساطة وبهدوء قصص مرعبة بجد

داه مرة واحد من تجار المخدرات طلع من الخيمة اللى

فى الجبل ولما اتفاجاء بالشرطة فى كل مكان ضرب الظابط براس واحد لسة مقطوعة

لا عادي قصص حتعجبك وبيتكلمو عن حماية الوطن قعدة دسمة جدا بجد ومرعبة

وكمان اى مشاوير يا تامر بيكون معايا فيها وحد من قريبي الظبابيط

وبيظبطولنا كل الامور فى مكان

يبقى مش حتلاقى حاجة تاني تكرهنى فيها فى مصر

يعنى انا واحدة لا بتتعب فى مشاوير ولا بتصيف غير شواطىء ونوادى الشرطة

ولا بتجيب عيش من المخبز ولا بتتبهدل

انا وجوزى ماشيين بكرنية الشرطة

يبقى ايه اللى حيخليني اكره مصر بس

:P

سيبك من الحل داه ما مشيش معايا يا تامر

تعالى اكملكم وافضفض - ما دام لسة ما زهقتوش منى

اغابي

فاصل

تم تعديل 12 سبتمبر 2010 بواسطة اغابي

[Simba]

فاصل

ونواصل :closedeyes:

تسجيل متابعة وترقب :)

[noname]

الاخت الفاضلة اغابى

والله مصر حلوة من غير منحليها

وحشتنى اوى يارب ارجعلها بسرعة

مش مهم مين مش قادر يعيش فيها المهم مين بيحبها ودول كتير كتير

تصورى ان اللى بيحبوها من غير اولادها اكتر من اولادها الجاحدين بكتير اوى

تحيا مصر واللى مش عاجبة يجرب يشرب من نيلها بحب وهو يعرف غلاوتها وحلاوتها

والله لو فيها الف مبارك و100 مليون على شاكلتة برضة هافضل احبها وهشتكليها ومش هشتكى منها ابدا ( وكل سنة وانتو طيبين وعيدكم مبارك وشريف ونظيف مليان سرور وكله جمال )

فضفضة من قلب عاشق ترابها

[noname]

كل سنه وكلكم طيـــــــــــــــــــــــــــــبين

وتقبل الله طاعتكم

فعلا فى مصر العيد حاجه تانيه خالص

اصلى عقبال عندكم فى مصــــــــــــــــــــر قل اعوذ برب الفلق اللهم لا حسد

واحلى حاجه بصراحه اول يوم العيد لما اكلت رنجه وجالى تسمم شعور متحسش بيه غير فى مصر بصراحه

اغابى بصراحه مقدرتش امسك نفسى انا كمان من الضحك من كلامك اصلى الموضوع دى كان بيحصل معانا برضه بس مراتى هى اللى كانت بتعمله معايا من الفراغ علشان سايبها طول النهار فى البيت بس كانت بتجر شكلى انا مش شكل الجيران

المهم بصراحه زى ما ابو عمار بيقول لازم تشغلى وقتك بحاجه تحبيها وتاخد معظم وقتك

ممكن مثلا تزودى اللغه عندك او تتعلمى لغه جديده او ممكن تتعلمى شغل الجرافيك وتصميم مواقع الانترنت شغل ممتع وجميل وهيشغل وقتك جدااا

وبصراحه يا تامر الروشته بتاعتك دى ملهاش حل انا شخصيا مجرب معظمها وزود عليها لما تخلص ورق من الجيش كمان

يا بختك ودا مش حسد يعنى تقدر تسمية ار

[اغابي]

ميرسي يا استاذ سامح ويا سمبا

على رايكم ومشاركتكم ليا

بس انا باشتغل زى ما قلت

وبالكتير اوى الساعة 4:15 بابقى فى البيت او تحت العمارة

اجر شكل الجيران لازم باقفل على حد ولانى طبعا بارجع الساعة 4 او 4 وربع

يبقى فى ناس نازلة من العمارة دوام شيفت تانى فى نفس الميعاد

اروح اقفل عليهم ويجي الحارس ياخد المفتاح يحركو عربيتي ويرجعولى المفتاح

وبصراحة الحارس مطول باله اوى عليا باقيين باركنين لسة ما قفلتش عليهم

وبكدا اشوف اعيد الكرة من جديد مع العمارة نفسها

ولا انقل على العمارة اللى قصادى

:lol:

المهم انا لو ركزت اوى

حلاقى شوية نقاط هى اللى معكننة عليا بجد

وعليكم برضوه - انتم معايا

لاننا كلنا قعدين على ديكة الاحتياطي وداه وحده قلق

فين احساس الاستقرار احنا فى اى وقت نطلع بره الكويت

انا بحب الاستقرار والاحساس بيه - بعنى ايه اخطط لبكره -

انا مش عارفة اخطط كل مشاريعي متاجلة ومتعلقة بسبب وجودى بالكويت

انا احتياطي فى كل لحظة

فى كلة يوم بيمر عليا

جوايا الم فظيع - تعبانة ان العمر بيعدي وانا مش مستقرة

انا مش حاسة بالامان - احساس الغربة واحساس انك متغرب داه بيقتل

بس كمان انا لما بيجينى احساس جوايا عاوزة اصرخ بصوت عالى اروح كاتمة غيظي

فى المخدة واصرخ فيها بصوت مكتوم انا عارفة ان الصرخة دى بتطلع من جوايا لكن مكتومة

لكن برضوه من وقت للتانى بتخفف منى

وكمان بيخفف منى انى اضرب المخدة فى الحيطة بجنون

عاوزة اكسر وافشفش فى اى حاجة قدامى -

بس بفضل ابقى وحدى لان اولادى ممكن يقلدونى

- عاوزة اطلع نفس طويل زى اللى بيشد الشيشة كدا

يعنى لما اروح الاكوابارك بحب انزل فى حمام السباحة اعوم تحت المية واكتم نفسي

وقت كبير علشان مرة واحد اقب فوق الميه واخد نفس طويل

- جايز تصرفات غريبة بس حقيقي بتخفف منى -

مع العلم شكلى الظاهرى هادى جدا ودى كمان مصيبة تانية

انا صوت مكتوم - صرخة عاوزة تطلع و كل داه بيختفى بمجرد نزولى مصر كانه سحر

ولا بفكر فى الالم ولا الغربه ولا بافتكر غير الضحك والعيلة ولمتنا كلنا

اسفة لو طولت عليكم او سببتلكم ازعاج

فاصل

ونواصل

اغابي

تم تعديل 13 سبتمبر 2010 بواسطة اغابي

[noname]

السلام عليكم يا اهل المندى الكرام

مع كل احترامى للاخوة المحبطين والاخوات المحبطات

انا كنت كدة واكتر حتى تعرفت على المنتدى الجميل دة وبجد من يومها بدأ اليأس والاحباط يخاف منى

يعنى احسلسى بالغربة والضيق والزهق اصبح فى حكم العدم

مش هاقول الغربة حلوة لااااااا دى مرة اوى لكن الناس اللى فتحت لى قلبها وعقلها واستوعبتنى وقدرت تساعدنى على عبور مشكلتى بكل حب ومن غير ملل لمجرد انى مصرى زيهم وشربت من نيلها بس الحمد لله معنديش بلهارسيا

كل دة كفاية اوى علشان احب مصر اكتر من الاول

وكلامى مش المقصود بيةانشودة فى حب مصر لكن القصد انة اعتراف منى بالجميل لكل اللى رحبوا بى وساعدونى من غير مايعرفونى

اخت اغابى يارب ينصرك على حالة الزهق دى وتعبريها بأمان زيى

الاستقرار النفسى مهم اوى هنا خصوصا اننا مش عارفين امتى هنرجع نستقر فى مصر

صحيح على قولك كلنا هنا احتياطى بس لو فكرنا بهدوء واتصارحنا مع انفسنا هنلاقينا مشتاقين للحظة طلوعنا برة

ماهى مش بلدنا علشان نفكر ننزل الملعب

وخدى البيتين دول من الشعر الحلابنتيشى يمكن ينفعوا

اضحك بلاش حزن وكمد وقول لنفسك فضها

داالعمر لحظة قصيرة حرام تضيع حزن ونكد

[noname]

يا جماعة انا لقيت القصيدة دى وعجبتنى اوى وحبيت انكم تقروها بس مش عاوز حد يدعى على

**************

أنا مصري

ولو كمموا صوتي يوم واتخرست

أو زادوا العقارب فيكي واتقرصت

بحبك يام البلاد والكون

لا عمري زعلت منك ولا حتي اتقمصت

....

وأنا مصري

حبيت الطمي في نيلك

ومهما الغربة خادتني

حلمي إني آجيلك

ولو ف يوم ماقدرتش

قلبي وعمري أهديلك

....

وانا مصري ويحلالي

أقولها ف النهار والليل

وحبك مش مقياس ولا كيل

ده زرع جذوره في قلبي

وشايلك جوه عيني شيل

.....

أنا مصري

ونفسي يا مصر

أكحل عيني بترابك

ولما آجي

ما يحوشني العس علي بابك

وأحكيلك

وأشكي الهم

وأقولك أنا درويش

مضموم لزمرة أحبابك

.............

وف نيلك أغسل رجس الترحال

وغربة عمر

وهجرة ما كانت ع البال

وأبوس إيدك

ولا اسيبك

منقول عن احد الشعراء واسمه ابن طيبة بارك الله له

[noname]

طيب يا جماعة ممكن تتحملونى شوية كمان عندى قصة جميلة ضد اليأس والاحباط اقروها واحكموا عليها

وقع حصان أحد المزارعين في بئر مياه عميقة ولكنها جافة، وأجهش الحيوان بالبكاء الشديد من الألم من أثر السقوط واستمر هكذا لعدة ساعات كان المزارع خلالها يبحث الموقف ويفكر كيف سيستعيد الحصان؟ ولم يستغرق الأمر طويلاً كي يُقنع نفسه بأن الحصان قد أصبح عجوزًا وأن تكلفة استخراجه تقترب من تكلفة شراء حصان آخر، هذا إلى جانب أن البئر جافة منذ زمن طويل وتحتاج إلى ردمها بأي شكل. وهكذا، نادى المزارع جيرانه وطلب منهم مساعدته في ردم البئر كي يحل مشكلتين في آن واحد؛ التخلص من البئر الجاف ودفن الحصان. وبدأ الجميع بالمعاول والجواريف في جمع الأتربة والنفايات وإلقائها في البئر. في بادئ الأمر، أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة. وبعد قليل من الوقت اندهش الجميع لانقطاع صوت الحصان فجأة، وبعد عدد قليل من الجواريف، نظر المزارع إلى داخل البئر وقد صعق لما رآه، فقد وجد الحصان مشغولاً بهز ظهره! كلما سقطت عليه الأتربة فيرميها بدوره على الأرض ويرتفع هو بمقدار خطوة واحدة لأعلى.وهكذا استمر الحال، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعد الفترة اللازمة لملء البئر، اقترب الحصان. من سطح الأرض حيث قفز قفزة بسيطة وصل بها إلى سطح الأرض بسلام.

وبالمثل، تلقي الحياة بأوجاعها وأثقالها عليك، فلكي تكون حصيفًا، عليك بمثل ما فعل الحصان حتى تتغلب عليها، فكل مشكلة تقابلنا هي بمثابة عقبة وحجر عثرة في طريق حياتنا، فلا تقلق، لقد تعلمت توًا كيف تنجو من أعمق آبار المشاكل بأن تنفض هذه المشاكل عن ظهرك وترتفع بذلك خطوة واحدة لأعلى.

يلخص لنا الحصان القواعد الستة للسعادة بعبارات محددة كالآتي:

1- اجعل قلبك خاليًا من الهموم.

2- اجعل عقلك خاليًا من القلق.

3- عش حياتك ببساطة.

4- أكثر من العطاء وتوقع المصاعب.

5- توقع أن تأخذ القليل.

6- توكل على الله واطمئن لعدالته.

الحكمة من وراء هذه القصة:

كلما حاولت أن تنسى همومك، فهي لن تنساك وسوف تواصل إلقاء نفسها فوق ظهرك، ولكنك دوما تستطيع أن تقفز عليها لتجعلها مقوية لك، وموجهة لك إلى دروب نجاحك.

[اغابي]

ميرسي يا استاذ noname

بجد انتم مجموعة طيبين جدا

وكمان ميرسي على الابيات الشعري القرنفليه دى على فكرة انا مش باعرف اكتب شعر - لكن ممكن استفذ وتطلع منى فلتات

لكن مش بسميها شعر - هى حاجات كدا غريبة - ما اعرفش اسميها ايه - وبتظهر بحالات مش علطول

لكن انا باعرف كويس اتذوق الشعر

واقدر اقول ان فى نهاية الكلام

الحالة مش حتروح الا بالخروج من الكويت بلا رجعة

وميرسي ليكم كلك - انكم بجداستحملتونى وشاركتونى فضفضتى

وادعولى انى افكها شوية

اختكم اغابي

[أبوعمار]

طيب يا جماعة ممكن تتحملونى شوية كمان عندى قصة جميلة ضد اليأس والاحباط اقروها واحكموا عليها

وقع حصان أحد المزارعين في بئر مياه عميقة ولكنها جافة، وأجهش الحيوان بالبكاء الشديد من الألم من أثر السقوط واستمر هكذا لعدة ساعات كان المزارع خلالها يبحث الموقف ويفكر كيف سيستعيد الحصان؟ ولم يستغرق الأمر طويلاً كي يُقنع نفسه بأن الحصان قد أصبح عجوزًا وأن تكلفة استخراجه تقترب من تكلفة شراء حصان آخر، هذا إلى جانب أن البئر جافة منذ زمن طويل وتحتاج إلى ردمها بأي شكل. وهكذا، نادى المزارع جيرانه وطلب منهم مساعدته في ردم البئر كي يحل مشكلتين في آن واحد؛ التخلص من البئر الجاف ودفن الحصان. وبدأ الجميع بالمعاول والجواريف في جمع الأتربة والنفايات وإلقائها في البئر. في بادئ الأمر، أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة. وبعد قليل من الوقت اندهش الجميع لانقطاع صوت الحصان فجأة، وبعد عدد قليل من الجواريف، نظر المزارع إلى داخل البئر وقد صعق لما رآه، فقد وجد الحصان مشغولاً بهز ظهره! كلما سقطت عليه الأتربة فيرميها بدوره على الأرض ويرتفع هو بمقدار خطوة واحدة لأعلى.وهكذا استمر الحال، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعد الفترة اللازمة لملء البئر، اقترب الحصان. من سطح الأرض حيث قفز قفزة بسيطة وصل بها إلى سطح الأرض بسلام.

وبالمثل، تلقي الحياة بأوجاعها وأثقالها عليك، فلكي تكون حصيفًا، عليك بمثل ما فعل الحصان حتى تتغلب عليها، فكل مشكلة تقابلنا هي بمثابة عقبة وحجر عثرة في طريق حياتنا، فلا تقلق، لقد تعلمت توًا كيف تنجو من أعمق آبار المشاكل بأن تنفض هذه المشاكل عن ظهرك وترتفع بذلك خطوة واحدة لأعلى.

يلخص لنا الحصان القواعد الستة للسعادة بعبارات محددة كالآتي:

1- اجعل قلبك خاليًا من الهموم.

2- اجعل عقلك خاليًا من القلق.

3- عش حياتك ببساطة.

4- أكثر من العطاء وتوقع المصاعب.

5- توقع أن تأخذ القليل.

6- توكل على الله واطمئن لعدالته.

الحكمة من وراء هذه القصة:

كلما حاولت أن تنسى همومك، فهي لن تنساك وسوف تواصل إلقاء نفسها فوق ظهرك، ولكنك دوما تستطيع أن تقفز عليها لتجعلها مقوية لك، وموجهة لك إلى دروب نجاحك.

يسعدني أرحب بيك يا أخي العزيزوبنفسي لأني برضو عضو جديد واعذرني لو كان الترحيب متأخر

وكلامك فرحني أنا كمان وأسعدني

ويارب ما يحرمنا من مصر ولا من حبنا ليها

ولو مش لايقين اللمة بتاعت مصر كفاية لمتنا في المنتدى واحساسنا ببعض وباللي واجعنا

وسلام من قلبي لكل المصريين في بلدهم واللي متغربين

[Simba]

هو الموضوع قلبه كله اغاني وطنية واناشيد حماسية :lol:

احنا في 6 اكتوبر وانا معرفش :blink:

[نور السما]

سؤال لاغابي هو انت برج ايه ؟؟؟؟؟ و اعضاء منتدانا الغالى كل واحد يقول برجه