المصريين المغتربين بالكويت

[pocy]

هلا بدكتورتنا اريج يارب تكونى بالف صحه وسلامه وان شاء الله نشوفك قريبا هنا فى الكويت يارب اللهم امين

وعندك حق والله انا سيباها على ربنا سبحانه وتعالى ومش بقصر فى التقديم لاي شغل مناسب لظروفى والحمد لله والاهم عندى اكيد عمورى والبيت وبحاول بس حاولت فى مشرفات لمواقع بس للاسف معظمهم من غير عائد مادى ومش لاقيه مشرفه موقع بعائد مادى وربنا ييسر الامر يارب اللهم امين وميرسي ياقمر على مداخلتك اللى زى العسل وربنا يوفقك وزوجك لما يحبه ويرضاه يارب اللهم امين

[sindbad]

صباح الخير على جميع الاخوه والاخوات في المحاورات

موضوع نزول البري ده انا شايله من دماغي نهائي علشان عارف الناس في مصر بتفكر ازاي

ولو حد عايز يعمله لازم يكون ليه معرفه كبيره في الميناء اللي ح ينزلها في مصر وساعتها بس انا ممكن انزل معاه بالسياره

غير كده اي حد ممكن يلطش فيك في مصر بدون حساب والغرض مفهوم الا وهو تقليب الزبون :sad:

ياريت اخونا تامر يحكي لنا ايه اللي حصل وليه هو متمسك بموضوع البري ده وهل عنده معرفه في المواني المصريه smk:

[أبوعمار]

صباح الخير على كل المصريين الجامدين اللي في الكويت مقيمين

بمناسبة الكلام عن النزول البري, أنا كنت ناويها فعلا للمرة الأولى السنة دي

عارف انها بهدلة وتعب وخصوصا للي معاه أطفال زي حياتي

بس أن انا جربت ان أعيش في مصر بنظام التاكسيات كان مأساة بمعنى الكلمة

وجربت اني اتأجر سيارة بس كان مكلف جدا

تفتكروا لو نزلت بري بس عشان استفيد من السيارة في تنقلاتي هايكون الموضوع مش مجدي ولا ايه؟

[تامر مصطفى]

السلام عليكم ورحمة الله وبركاته

وحشتوني كلكم واللي مانعني عنكم الشديد القوي

النت مقطوع حواليا في كل حته

خلوني الاول اكلمكم عن السفر البري في اختصار

السفر البري له اسرار وطرق صحيحة باتباعها بتكون الرحلة مش متعبة بالمرة وانا بدأت علاقتي بالسفر البري من سنة 2003 وكل سنه كنت بتعلم حاجة جديدة لدرجة ان السفرية اللي فاتت دي كنت بحدد الموعد اللي هوصل فيه لكل منطقة بالدقيقة والحمد لله كانت حساباتي بتمشي كويس .

السر الاول هو ان يكون يوم سفرك اجازة من اوله يعني متسافرش بعد الشغل وتكون نايم كويس

السر الثاني هو موعد خروجك من المنزل في الكويت فاكتشفت ان افضل موعد على الاطلاق هو الساعة 12 ظهرا في عز الحر لان كل الناس بتخاف تطلع في الحر وبالتالي بتوصل حدود الكويت وتليها حدود السعودية لوحدك تقريبا.

السر الثالث انك تاخد الرحلة لوحدك من غير اي سيارة مرافقة.

عن نفسي بعد دخول السعودية بيكون تفكيري كله في الوصول الى منطقة سكاكا يعني بعد 1000 كم من المنزل واول ما اوصل هناك حتى لو لسه فيا حيل فأنابتوقف عن السواقة و بنزل في فندق وانام لمدة 6 ساعات وبعدها اكمل لغاية الاردن وبوصل هناك مرتاح جدا.

وهنا لنا وقفة

لازم تتحلى بالصبر لأبعد الحدود لان العبارة هي حكر على شركة واحدة وانت في مكانك اصبحت تحت امر الشركة ووقت ما تيجي العبارة هتركب يعني ممكن تركب بعد ساعة من وصولك ميناء العقبة او بعد 24 ساعة وده ملوش اي قاعدة .

وطبعا انا ضد الذهاب عن طريق ميناء ضبا سفاجا او الغردقة نهاااااائيا وطبعا بسبب البحر والامواج لان ده بيتعب المسافرين بدرجة كبيرة جدا.

بعد الوصول الى نويبع بكون نمت في العبارة حوالي 5 ساعات لاني باخد غرفة اول ما اطلع العبارة وانام حتى نهاية الرحلةوهنا نحتاج للسر الاخير واللي سافر عن طريق نويبع ممكن يستوعب كلامي كويس

لما بروح عند المرور علشان ارخص السيارة بتكون دي المرحلة العصيبة وهي اسوأ ما في الميناء في اول شباك هتلاقي امين شرطة قاعد والشباك فاضي خالص في حين ان الشبابيك التالية عليها زحام وفوضى رهيبة ... تقوم تروح للطيب اللي قاعد فاضي ده وتديله علبة بيبسي ساقعة وورقة ب50 جنيه وتقوله اخوك تعبان ومحتاج مساعدة منك

هو اوتوماتيك وكأنه رسالة مسجله هيقولك بس الخمسين دي بتاعة الامين اللي هيخلصلك الورق فين بتاعتي انا؟ تتفق معاه على الخمسين التانية وهو هيوفر عليك ساعتين تقريبا .

وبعدها تاخد طريقك للبيت ومتبصش وراك تاني وتنسى خاااالص لغاية ما يجي موعد العودة.

بس بكل صراحة انا السنة دي حسيت بالتعب من كتر السفر البري وفكرت اشتري سيارة في مصر ولقيت سيارة كويسة جيب ب105 الف ولكن قابلتني شوية معوقات فكرت فيها وهي اني هستعمل السيارة شهرين فقط في السنة ولو ركنتها هتخرب من عدم الحركة ولو تركتها لاحد الاقارب هرجع مش هلاقيها وطبعا غير التفكير المنطقي اللي بيقولي المبلغ ده اعمل بيه اي منفعه اخرى .

ده غير ان السفر البري بيتحول بعد كام سفرية لادمان .

وانا كنت قلت قبل كده لبوسي عن مزايا السفر البري من وجهة نظري شخصيا واذكرها مرة اخرى :

1 - تحديد يوم السفر والعودة بكل حرية مع امكانية التأجيل في حال حدوث اي طارئ.

2 - عدم التفكير في الوزن المسموح او حجم الشنطة.

3 - وجود سيارة تملكها شخصيا وغير مؤجرة في مصر هو ضرورة وليس رفاهية

[الغريب]

السلام عليكم

عاملين ايه

الأجازة أوشكت علي الإنتهاء ، وراجعلكم قريبا

تمنياتي بالتوفيق للجميع

[Simba]

السلام عليكم

عاملين ايه

الأجازة أوشكت علي الإنتهاء ، وراجعلكم قريبا

تمنياتي بالتوفيق للجميع

يا الف الف قهلا وسهلا وحشتنا والله

[اروى]

alf alf shokr ya madam pocy 7adretek begad 7'adoma we mabteb7'alesh 3la ay ensam belma3loma elmofeda gazake alah 7'ayran ana aslan elte7ak be3a2el we al7amdolelah ma3aya atfal wala 2a3mal

bas ezaher 7adretek metala3a elro7'sa abl matet3aleme sa7 wala ana fehemt 3'alat?

tayeb ba3d eznek te2olele eza ademt fe madraset el keyada we a7'adt elestemara ha7'od wa2t ad eah 3alashan at3alem we atala3 elro7'sa wala da 7asab el me3ad ele hayedohone.

ana asfa ene bakteb keda bas 3alashan arabic keyboard bayez

gazake alah 7'ayran wa ashkorkom game3an

[pocy]

السلام عليكم ورحمه الله وبركاته

ياهلا وغلا و باخونا تامر ايه فينك وحمد الله ع السلامه وربنا يوصل النت عندكم يا رب علشان نطمن على الاسره الكريمه ان شاء الله

وجزاك الله خيرا على الشرح المفصل بس انا فى رأي ان تكلفه الموضوع مقاربه لتكلفه الطيران هى بس وجود سياره فى مصر فعلا هو اللى ضروره حتميه وفعلا كفيت ووفيت بس ممكن اعرف حاجه معلش سؤال رخم التكلفه أد ايه بالضبط ؟؟؟؟؟؟؟؟؟؟؟؟؟؟ولا ممكن تختلف على حسب عدد الافراد؟؟؟؟؟؟؟؟؟؟؟؟؟؟؟

اخونا الغريب ربنا يوصلك بالسلامه يارب وييسرلك امورك ومنتظرينك بكل لهفه لعوده قلمك وخطك للمحاورات

ونقولك عودا احمد مستر عمر

اختنا اروى جزاكى الله كل خير يا قمر والله احرجتينى بكلامك الحلو ده والحمد لله ان كلنا هنا هذا الرجل ولله الحمد من قبل ومن بعد

بصي يا قمر اولا دى المستندات المطلوبه

مستند إثبات فصيلة الدم

البطاقه المدنيه الأصليه للكفيل وصوره عنها

كتاب خطي من كفيل الإقامه

صورة جواز السفر

عدد (2) صورة شخصية مقاس (4×6) الخلفية زرقاء

وطبعا ما يثبت انك التحاق بعائل ومعاكى اطفال زى شهادات الميلاد وطبعا الكفيل بتاعك يكون موجود

بصي ده موقع البوابه الالكترونيه الرسميه للكويت فيها كل ما تحتاجينه

هتلاقي في الصفحه دى السيارات والنقل دوسي على منح استماره التعليم للسيارات الخاصه

وبعدها هدوسي منحها لغير الكويتيتن علشان تعرفي الحاجات المطلوبه منك وعلى جنب هتلاقي النماذج اللى مطلوب منك انك تمليها وتحطهالها

- نموذج طلب اصدار رخصة قيادة

- نموذج شهادة لياقة طبية للحصول على رخصة قيادة

- نموذج طلب رخصة قيادة

البوابه الالكترونيه الرسميه

بالنسبه لى انا ساعتها كانت اقامتى ع الشغل واللى عملته رحت المرور بتاع الجهرا المنطقه اللى انا عايشه فيها وبعدين طلبت انى اقدم على رخصه قياده خاصه وادونى استماره وقالولى املى البيانات دى و لان شرط الراتب مكنش متوفر لانه كان اقل من 250 قالولى مينفعش قلتلهم انا من الفئه المستثناه ومعايا أذن العمل بتاعى مكتوب فيه كلمه مهندسه فاطلع على اصل الشهاده التخرج واخد ثوره منها ورحت لمستوصف النعيم هنا فى الجهرا وعملت فحص الدم وده كان من ضمن الاوراق اللى اخدت بيها وبعدين عملت اختبار نظر والحمد لله كله كان لائق وبعدين رجعتلهم تانى وادونى الاستماره بس مش فاكره دفعت كام بصراحه وبعد ما اخدت الاستماره رحت علشان احدد موعد وكان اقرب موعد بعد شهرين خلال الفتره دى كان فى طالبه عندى بتتعلم سواقه وادتنى رقم الرقم اللى بيعلمها وكان تابع لمدرسه قياد ه اسمها الخليج للتدريب وتعليم قياده السيارات وكان واحد سورى الله يعينه واتدربت معاه تقريبا 15 ساعه وكانت الساعه ساعتها ب2.5 دينار وده بس علشانى وان وافده وكده يعنى بس انا حسيت انه كل مره بيسبنى فى المدرسه ومش بيرضي يعلمنى برره فقلت كده كده الموضوع عايز واسطه قويه سواق اتعلمت او لا المهم رحت اول مره دفعت خمسه اختبار و10 طابع و10 سياره و5 ساعتين تدريب قبل دخول الاختبار

والحمد لله سقطت وتانى مره كانت و5 طابع و10 سياره وتدريب 5 قبل الاختبار وسقطت وعلى فكره كان معايا واسطه بس شكلى كنت محتاجه حاجه قويه ههههههههههههه المهم المره التالته مش حددت موعد الاختبار الا لما عثرت على عضو مجلس امه علشان انجح ههههههههههههههه والحمد لله كانت طالبه عندى خالها عضو محلس امه والحمد لله المره التالته نجحت بس بصراحه انا لو مكنهم كنت سقطتنى هههههههههههههههههه انا مشكلتى مش بعرف ارجع الs بس لكن غير كده الحمد لله بعمله كويس وبعد ما اخدت الرخصه وجيت اجيب العربيه ربنا كرم جوزى بشغل هنا والحمد لله وبقي هو اللى بيسوق وانا ابدا ما امسك الدركسيون او السكان هههههههههههههعلى قوله اخوانا السوريين معلش طولت عليكى اصل عمورى نايم وفاضيه

بس بصي يا قمر لو عايزه تنجحى بسرعه روحى مدرسه اللقياده اللى عند دوار العظام هناك بتديكى 10 حصص اعتقد كانوا ب40 جنيه وبتمتحنى على نفس المكان اللى ادربتى عليه وبتهيألى ده احسن وربنا يوفقك يارب اللهم امين لما يحبه ويرضاه اتمنى اكون افادتك باى شئ انا بقالى 4 سنين واخده الرخصه ومش فكرت انى اسوق الا من كام شهر بس علشان لو حبيت افسح عمورى فتره الصبح وبابا مش موجود او اشوف ماما قلب ابيض وام مروان وحبايبنا كتير وكمان لما عمورى يروح المدرسه تبقي العمليه احسن يعنى وربنا يكرمك ان شاء الله

ادعولى بقي لحسن انا لما بركب العربيه بطنى بتكركب وعندى تدريب بكره وبعده ان شاء الله

تم تعديل 23 سبتمبر 2010 بواسطة pocy

[pocy]

انا اسفه فعلا يا سمبا والله نسيتك خالص ونسيت اجبلك الرقم اصله مش معايا مع زوج اختى ان شاء الله اول ما يجي من الشغل هتصل عليه واجبلك الرقم

نسيت اقول ان الراجل لما نجحنى قالى اوعى تسوقى فى الشارع الا لما تدريبى عدل ولان اى حاجه هتحصل هتبقي ذنبها فى رقبتى وربنا يسترها

[Simba]

انا اسفه فعلا يا سمبا والله نسيتك خالص ونسيت اجبلك الرقم اصله مش معايا مع زوج اختى ان شاء الله اول ما يجي من الشغل هتصل عليه واجبلك الرقم

ما تقلقيش يا مدام بوسي

حنا رجال

ونحن لها -_-

انا من كام يوم اتصلت علي واحد مصري وجالي بعربيته هي مش عربية تعليم هي توك توك تعليم وعصبتني جدا عايز رجل فيل علشان ادوس علي البنزين ورجل فيل تانية للفرامل غير ان الله يشفيه يارب ماشي بالبخاخة علي طول مش عارف ازاي بيسوق وهو مريض كده

رجعت السوري تاني .. القط ما بيحبش غير خناقه :D

وامبارح خليته يكره اليوم اللي اتولد فيه لما دخلت الجزيرة في مشيرف ما شاء الله علي مش كنت بحك الرصيف لا ده انا كنت بطلع فوق الرصيف

والنهاردة بقي كان حدث تاريخي استعان باربعة من اصحابه والله كل واحد يركب معايا شوية في الجزيرة دي

زي الصعيدي كده اللي مات اتنين بيحاسبوه وعشرة بيفهموه انه مات

عموما هانت كلها 3 ايام واخلص من الفيلم ده ان شاء الله بجد بجد انا تعليمي كان نزيف دنانير تقريبا راتب الشهر اللي فات راح علي التعليم والمطاعم وشكرا

يلا خير بقي وتتعوض

لما اشوف بكرة هيوديني فين ده كمان :)

[أمل حياتي]

السلام عليكم انا اشتركت ودخلت وانا في اجازة الصيف كنت في عروس البحر ورجعت دلوقتي اتمنى الجميع يكونوا بخير وتحيه من الكويت

[أمل حياتي]

يا جماعه انا داخله بنص الحوارات بس عايزه اسال هنا في الكويت اجيب منين جبنه اسطنبولي او دمياطي حاموت عايزه اكلهم تعودت عليهم في مصر

[قلب ابيض]

يا جماعه انا داخله بنص الحوارات بس عايزه اسال هنا في الكويت اجيب منين جبنه اسطنبولي او دمياطي حاموت عايزه اكلهم تعودت عليهم في مصر

ههههههههههههههههههه....ضحكتينى والله يا حمال الاسيه ياقلبى

اى جمعيه او فرع جمعيه تابعه لمنطقتك السكنيه اسأليهم عن نوع الجبنه اللى انتى عاوزاها هاتلاقيها على طول متوفر جميع انواع الجبن المصرى والفرنسى والانجليزى

عندى جبنه قديمه ومش حكااااااااااااايه.....شششششششششش الموضوع توب سيكرت لو لك فيها ابعتى لى العنوان عالخاص

تم تعديل 23 سبتمبر 2010 بواسطة قلب ابيض

[أمل حياتي]

اهلا يا حبيبتي قلب ابيض مفيش الجبن دي هنا وانا كويتيه وعايزه النصيحه دليني ونوريني مع ان حبايبي كتير بس باستحي اسال

[أمل حياتي]

ايه يا جماعه رحتوا فين

[قلب ابيض]

اهلا يا حبيبتي قلب ابيض مفيش الجبن دي هنا وانا كويتيه وعايزه النصيحه دليني ونوريني مع ان حبايبي كتير بس باستحي اسال

هلا والله

شوفى اكيد تدلين الجمعيه اي مكان اكيد فيه جمعيه ...بس توجهى لقسم الاجبان والله مافيها اى مشكله

او شوفى ان كنتى بالفروانيه او خيطان اوصلها لك عالراسى .....وهنى وعافيه

ومادمت وسطينا ما تستحى مننا ابدا كلنا اخوان وحبايب الحمد لله

[أمل حياتي]

حبيبتي انتي انا اقدر اوصل لي مكان بس قلت اسال انتوا اسرع تسلمي على ردك العسل انا اشتقت للكل هناك والجو بس خلينا نتكلم مصري احسن اصلي مصرية الهوى وحمال الاسيه ده اسمي من كتر المسئوليات اللي باشيلها ربنا يوفق الجميع

[أمل حياتي]

نراكم غدا على خير

[اروى]

والله تعبتك معايا يا مدام بوسى بس كلامك وحكاياتك حقيقى شيقة وفيها اسلوب جذب رائع تنفعى تكونى كاتبة او قصاصة

وربنا معاكى فى التعليم بس بجد لازم متسوقيش قبل ما تتقنى السواقة علشانك وعلشان عمورة اولا وربنا يخليهولك ويباركلك فيه

كنت عايزة استشيركوا فى موضوع احنا ماعندناش عربية فى مصر وناوين ان شاء الله ننزل اجازة شهر فتنصحونا بايه ناجر ولا نشترى واذا كان نأجر فايه افضل مكاتب الايجار المحترمة والرخيصة او اشخاص اذا فيه حد يقدر يدلنا واذا كان شراء فهنعمل فى العربيه اية لما نسافر

[Simba]

ناجر ولا نشترى واذا كان نأجر فايه افضل مكاتب الايجار المحترمة والرخيصة او اشخاص اذا فيه حد يقدر يدلنا واذا كان شراء فهنعمل فى العربيه اية لما نسافر

ادخلي الموضوع ده يا مدام اروي

http://www.egyptiantalks.org/invb/index.php?showtopic=102842&pid=610348&st=0entry610348