المصريين المغتربين بالكويت

[تامر مصطفى]

السلام عليكم ورحمة الله وبركاته

انجي سلطان

بكرة ان شاء الله هيروح المندوب السامي بتاعنا يسأل في المدرسة اللي كلمتك عنها وهيرد عليا وهبلغك بالتفاصيل على طول

سندباد

لساني مش مطاوعني اقولك متسمعش كلام الماما قلب ابيض بس انت اعتبرني قلتها

شوف يا سيدي

في سنة 2003 كانت اول نزله ليا بالسيارة لمصر وكان أي امين شرطة يقابلني اول سؤال ليه يكون معاك رخصة مصرية ؟

وطبعا مكانش معايا فكنت بطلع الكويتية بلاقيه يفرح وكأنه ضمن ال20 جنيه وبسرعة البرق يقولي حضرتك مصري اقوله ايوة يقولي يبقى دي مخالفة وطبعا لازم اطلع العشريناية واغمزه بيها فقررت اني احرمهم من عشريناتي وقلت اروح اطلع رخصة واريح نفسي وفعلا رحت مرور فيصل ودخلت على رئيس الوحده بالصدفة وكان معايا الوالد فقلت له انا معايا رخصة كويتية ينفع تتحول مصرية ؟

راح الضابط منادي على موظف وقاله شوف لي الكويت كده في القرار والا لأ

ومشينا مع الموظف والوالد راح قايلي بصوت عالي اديله عشرين جنيه راح الموظف بص لي من تحت النظارة وقالي اسمع كلام بابا قلت له عنيا

المهم انه طلع لي قرار واكل عليه طعمية وراح عامل دائرة على كلمة الكويت وقالي ينفع ولمحت جنبها كلمة الجزائر وطلب مني اصور اوراقي والرخصة الكويتية اصورها تكبير وخلصت الاوراق ورحت اتصورت واستلمت الرخصة في نفس اليوم يعني الموضوع كله كان حوالي 3 ساعات .

يعني باختصار الموضوع فيه قرار رسمي بس المهم انك توصل للرجل المناسب وتدفع المبلغ المناسب علشان القرار يظهر بدون تعقيدات ولا تأجيل 3 شهور وبدون تحديد لمهنة .

بوسي

متزعليش نفسك ده قضاء وقدر وربنا يسترها علينا وعليكم

قلب ابيض

مش هرد عليكي دلوقتي لينا اجازة صيف تجمعنا سوا

[enjisultan]

السلام عليكم ورحمة الله وبركاته

انجي سلطان

بكرة ان شاء الله هيروح المندوب السامي بتاعنا يسأل في المدرسة اللي كلمتك عنها وهيرد عليا وهبلغك بالتفاصيل على طول

سندباد

لساني مش مطاوعني اقولك متسمعش كلام الماما قلب ابيض بس انت اعتبرني قلتها

شوف يا سيدي

في سنة 2003 كانت اول نزله ليا بالسيارة لمصر وكان أي امين شرطة يقابلني اول سؤال ليه يكون معاك رخصة مصرية ؟

وطبعا مكانش معايا فكنت بطلع الكويتية بلاقيه يفرح وكأنه ضمن ال20 جنيه وبسرعة البرق يقولي حضرتك مصري اقوله ايوة يقولي يبقى دي مخالفة وطبعا لازم اطلع العشريناية واغمزه بيها فقررت اني احرمهم من عشريناتي وقلت اروح اطلع رخصة واريح نفسي وفعلا رحت مرور فيصل ودخلت على رئيس الوحده بالصدفة وكان معايا الوالد فقلت له انا معايا رخصة كويتية ينفع تتحول مصرية ؟

راح الضابط منادي على موظف وقاله شوف لي الكويت كده في القرار والا لأ

ومشينا مع الموظف والوالد راح قايلي بصوت عالي اديله عشرين جنيه راح الموظف بص لي من تحت النظارة وقالي اسمع كلام بابا قلت له عنيا

المهم انه طلع لي قرار واكل عليه طعمية وراح عامل دائرة على كلمة الكويت وقالي ينفع ولمحت جنبها كلمة الجزائر وطلب مني اصور اوراقي والرخصة الكويتية اصورها تكبير وخلصت الاوراق ورحت اتصورت واستلمت الرخصة في نفس اليوم يعني الموضوع كله كان حوالي 3 ساعات .

يعني باختصار الموضوع فيه قرار رسمي بس المهم انك توصل للرجل المناسب وتدفع المبلغ المناسب علشان القرار يظهر بدون تعقيدات ولا تأجيل 3 شهور وبدون تحديد لمهنة .

بوسي

متزعليش نفسك ده قضاء وقدر وربنا يسترها علينا وعليكم

قلب ابيض

مش هرد عليكي دلوقتي لينا اجازة صيف تجمعنا سوا

شكرا يا استاذ تامر مقدما فى انتظار رد المندوب السامى ومعلش هنتعبكوا معانا

[عادل أبو عمر]

الحمد لله وجدت الخبر اخيرا وبعضهم بالصور

0

1

2

مدام بوسي ألف حمدالله على سلامتكم وربنا يلطف بالجميع ، هو كويس إنك عارفة إن فيه ناس في العمارة وممكن حضرتك أو أبو عمر تسألوا عليهم و ربنا يجازيكم كل خير ، أكيد صعب جدا على أي حد يشوف المنظر ده و الأصعب إنه يعيشه و كمان في الغربة ربنا يعافينا و يعافي المسلمين و يرزقنا حسن الخاتمة أجمعين

[عادل أبو عمر]

عسل و الله يا سمبا

بتفكرني بسعيد صالح و هو بيقول مرسي الزناتي اتهزم يا رجالة

عادي يا ابو عمر بك انا كنا طابور ساقطين خارج ورا بعض يسد عين الشمس بس انا بلا فخر كنت قائد السرب :lol:

و الله يا سمبا أنا كنت بهزر معاك و بإذن الله تنجح فيها عن قريب و تاخد الرخصة و تفسح حبايبك في أحلى حتة فيكي يا كويت

بخصوص اختبارات الرخصة ... تقريبا من عشر سنين لي واحد صاحبي في مصر سقط 3 مرات في اختبار المرور ( نصيبه كدة) وفي المرة الرابعة ربنا كرمنا و عرفنا مدير المرور عقيد بس صراحة راجل محترم جدا نادرا ما تلائي زيه في الشرطة وطمنا و قال له بس إنت خش الاختبار و متخفش المهم رحت مع صاحبي ده يوم الاختبار و لقيته جايب عربية يختبر عليها العربية نوعها 126 تعرفها ؟؟ .... دي عربية تقريبا عرض نص متر في طول متر إلا ربع يعني أصغر عربية ممكن تشوفها

المهم روحنا للظابط (عارفنا بئى ) فضحك و سلم علينا و بعدين طلب منه طلب واحد بس ( منظر كدة يعني ) إنه يرجع بضهره حوالي مترين و يعدي بين قرطاسين المسافة بينهم لا تقل بأي حال عن 5 متر ( كوسة كوسة يعني ) وصاحبي ركب العربية و دور المحرك بمنتهى الهدوء و بدأ يرجع لورا بمنتهى الثقة و إذ يفوجئ جميع الحضور إن صاحبي طير قرطاس بجدارة و باصرار يحسد عليه و عنها ياباشا و نافورة ضحك اتفتحت في المرور كله على المنظر ... صراحة محدش منا جاله وش يسأل على النتيجة .... تقول إيه ... نصيب يا سمبا

[عادل أبو عمر]

السلام عليكم جميعا

اخباركم ايه؟

قلب ابيض - بوسي - سندباد - سمبا - مارو- رونا - حمال الاسية - اغابي - وكل الاحباب اللي موجودين هنا

اتمنى انكم تكونوا في افضل حال وصحة واللي بيتعلم السواقة يكون بقى محترف واللي بيدور على طماطم يكون لقى الكيلو ب100 فلس

مش عارف ليه مش ناويين تتقابلوا صوت وصورة مع اني بقالي فترة عايز اقابل سمبا

وفي ناس كنت هقابلهم عند داندي ميجا مول في طريق اسكندرية الصحراوي حيث درجات الحرارة التي تقل عن 22 درجة مئوية ولكن مكانوش فاضيين لي مع اني كنت هعزمهم على السحور من عند التابعي .

عايز اعترف لكم باعتراف هيزعل ناس معينه مني بس مش هينفع اخبي

انا اتولد عندي احساس الرغبة في الرجوع لمصر والاستقرار هناك خصوصا اني شايف ان الوضع الاقتصادي للناس هناك اتحسن جدا والواحد ممكن يلحق يدخل في الطابور .

حقيقي مش مجرد كلام قابلت ناس هناك كانوا شغالين هنا لسنين طويلة وسبحان الله امورهم اتحسنت جدا ومستوى الدخل بالنسبة ليهم بقى افضل من ايام الغربة والناس دي هي المؤثر الاساسي في قراري .

اللي عايش في مصر بيلاقي فرص كويسة جدا بتقع تحت رجليه مستحيل احنا نشوفها.

قابلت شاب في مصر فاتح كوفي شوب في الهرم وعرفت انه كان شغال في الكويت في مطاعم امريكانا براتب 120 دينار واشتغل لمدة سنه وكان كل ما استخلصه من الغربة هو مبلغ لا يتجاوز 8 الاف جنيه مصري ورجع مصر وهو خايف من المستقبل المظلم وفجأة لقى محل للايجار بمبلغ 2000 جنيه شهريا واتفق هو واحد صاحبه انهم ياخدوه وصاحبه ده عمل قرض بحوالي 13 الف وخدوا المحل وشوية شيش وكام طاولة على كام كرسي على تلفزيونين وجهازين تكييف .

بعد مرور حوالي سنه ربنا فتحها عليهم والاتنين اشتروا سيارات من الي اسعارها في 85 الف تقريبا واللي منهم اتجوز وامورهم اتعدلت .

الموضوع ده اتفتح قبل كده بس الناس كانت خايفة ترد والكل خايف من المجهول اللي منتظره في مصر

أ. تامر

بداية تقبل مني كل الاحترام و شكرا على موضوعك

خبر بسيط الطماطم النهاردة في مصر وصلت 12 جنيه ده خبر حقيقي سمعته النهاردة ، تفتكر لوحضرتك رجعت و عايش في مصر هيأثر معاك الخبر ده على مشترياتك من الطماطم ؟؟

أعتقد بنسبة كبيرة مش هيأثر أكتر من إنك هتستغرب شوية وبعدين برده هتشتري طماطم بـ 15 جنيه ( جامدة شوية عشان السلطة و السندوتشات)

هو ده باختصار تعليقي ليس على قرار النزول لكن على اسلوب المعيشة تقريبا لنا كما أعتقده ( المتواجدين في هذه المحاورات )

لكن على العكس ستجد هذ الشاب الذي تحكي عنه سيفكر بطريقة مختلفة مع نفس الخبر أولها اسحب أكبر كمية من الصلصة من السوبر ماركت قبل ما تخلص و بعدين تغلى هي كمان ، ثانيا قرار رقم واحد مفيش سلطة ( لأنها أصبحت من الرفاهية ) ثالثا المكرونة ممكن تتعمل متحمرة بزيت بدون طماطم و طعمها بيكون كويس ( زي الجيش كدة ممكن تسأل أ. سندباد عن أنواع الأكل في الجيش ) يعني هتلاقي هذا الشاب الذي ذكرته عمل إعادة جدولة لحياته و فورا رتب مصروفاته على إيراداته عشان يفضل يقدر يحوش ، و هو ده بيت القصيد .. نمط الحياة و طريقة التفكير في كيفية الاستثمار في أقل القليل

مثال تاني ذكر أ. سندباد أن الشباب فتحوا مشاريع و هناك ( فئة عمرية أكبر) في مصر من بنوا عمارات ، و طب و تقول إيه لما تسمع عن مشروع من سنتين اسمه " ابني بيتك " و ده مشروع بيملكك أرض 150 متر في المدن الجديدة ( تمليك) بعشرة آلاف جنيه (تدفع ألف جنيه سنويا لمدة عشر سنين ) على شرط تبني الدور الأول ( نصف المساحة فقط ) خلال سنة وبعد ماتبني الدور الأول تاخد عليه دعم من الدولة 15 ألف جنيه كاش ،المشروع ده استفاد منه أكتر من 100 ألف مصري بسم الله ماشاء الله ربنا يبارك لهم جميعا... و طب بقيت الـ 80 مليون .... أكيد مش حاجزين في مدينتي ... و لكن نسبة كبيرة من الناس قالوا يا عم أنا ماليش في المباني و المقاولات و اللي يقول يعني هابني على 75 متر و دي تبئى خنئة طبعا ... المهم الفرصة راحت و اللي ربنا وفقه خد فيها .. تعرف الأرض دي بعد سنة من استلامها بتتباع بالدور الأول بـ 150 ألف جنيه ...

تخيل ممكن حضرتك تكون مهندس و ترجع السنة الجاية مثلا تدور على شقة بعد خمس سنين غربة و إنت حاسس إنك الغربة جابت حقها معاك تلاقي عامل بسيط كان شغال في نفس المصنع مرتبه لا يزيد عن ألف جنيه و يقولك الحمد لله عندي بيت دلوقتي و بنيت 3 أدوار طب جيبتهم منين يقولك و الله ماعرف دي تساهيل من عند ربنا أهو سلفة من هنا على مساعدة من هنا و عشنا ظروف صعبة أنا و العيال بس كله بيعدي ...

وعشان منقولشي مثلا إن الواحد كان بره مصر فمعرفشي ففاتته الفرصة دي .. بأكدلك إن فيه ناس كتير جدا ماخدوش في المشروع بقرارهم و

لكن ده نصيب في الأول والآخر

الاستقرار بدون مخاطرة أو عبأ نفسي معادلة صعبة جدا لا يقدر عليها من في مصر أو خارجها إلا بفضل الله على من يشاء ..

يقول الله عز و جل " نحن قسمنا بينهم معيشتهم في الحياة الدنيا "

[قلب ابيض]

ايه كل الكلام عن الرخصة ده

مفيش اي اعتبارات انسانية مفيش مشاركات وجدانية -_-

ده انا حتي حاسس اني بيني وبين الرخصة بلاد

عموما لسه فيه بقايا امل خصوصا ان مصدر رفيع المستوي في البلاد اكد لي انهم هيشيلوا الارصفة في التراي الجاي ;)

حط فى بطنك بطيخه صيفى يا سمبا ...ولوعاوزهم يشيلوا الاسفلت نفسه هايحصل ..يخرب بيت اللى يزعلك يا شيخ

ولا يهمك ...ومن هنا ليومها اعتبر عربيتى تحت امرك ...اى وقت

:lol: اى وقت ممكن تتصور جنبها :lol:

سندباد

لساني مش مطاوعني اقولك متسمعش كلام الماما قلب ابيض بس انت اعتبرني قلتها

كلك ذوق يا تيمووووو

في سنة 2003 كانت اول نزله ليا بالسيارة لمصر وكان أي امين شرطة يقابلني اول سؤال

انا نسيت انك اد ولادى ...انا باتكلم على سنه 1997 يعنى قبل الميلاد بالنسبه لك

مش هرد عليكي دلوقتي لينا اجازة صيف تجمعنا سوا

كده الكباب راااااااااح jmb-) jmb-) ويل يا ويل ويل يا ويل jmb-) jmb-)

[قلب ابيض]

بوسى الف سلامه عليكم

قدر الله وماشاء فعل

انا اتصلت عليك ما ردتيش ماحبيتش ازعجك ...هاطمن عليك لما اسمع صوتك ان شاء الله

وكله خير ان شاء الله

[قلب ابيض]

حد فيكم راح السينما السادسيه الابعاد؟؟

فى الافنيوز

دى حكاااااااااااااايه مالهاش حل

خليها بكره بقى ........لما اروح واعاينها بنفسى

تيجوا معانا؟؟؟؟؟؟ smk:

[مودة ورحمة]

ازيكم يا قاطني الكويت

انا كنت عاوزة اسأل عن وضع الاطباء عندكم؟ وامكانية العمل هناك؟ هل تستاهل المجازفة وخوض التجربة؟ والا مش جايبة تمننها؟

[عادل أبو عمر]

ايه كل الكلام عن الرخصة ده

مفيش اي اعتبارات انسانية مفيش مشاركات وجدانية -_-

ده انا حتي حاسس اني بيني وبين الرخصة بلاد

عموما لسه فيه بقايا امل خصوصا ان مصدر رفيع المستوي في البلاد اكد لي انهم هيشيلوا الارصفة في التراي الجاي ;)

حط فى بطنك بطيخه صيفى يا سمبا ...ولوعاوزهم يشيلوا الاسفلت نفسه هايحصل ..يخرب بيت اللى يزعلك يا شيخ

ولا يهمك ...ومن هنا ليومها اعتبر عربيتى تحت امرك ...اى وقت

:lol: اى وقت ممكن تتصور جنبها :lol:

صباح الفل يا مدام قلب أبيض

إيه الروئااااااااااااان ده ..

و الله حاجة تهلك من الضحك و تنسي الهم

يا بختك يا عم سمبا ... الصورة دي أكيد بشرة خير

ربنا يبارك لكم في صحبتكم

[اروى]

الف حمدلله على سلامتك مدام بوسى وربنا يسترها معانا جميعا

بخصوص الرخصة الكويتية اللى ممكن تتحول مصرية أكيد الكلام دة

وان شاء الله يا استاذ سمبا هاتاخدها قريب بس قول يا رب

[sindbad]

ازيكم يا قاطني الكويت

انا كنت عاوزة اسأل عن وضع الاطباء عندكم؟ وامكانية العمل هناك؟ هل تستاهل المجازفة وخوض التجربة؟ والا مش جايبة تمننها؟

اهلا موده

شوفي الاول انت عايزها تشتغلي حكومه ولا خاص؟

ومعاك اسره ولا ح تيجي لوحدك؟

وتخصصك ايه؟ وعاك ماستر ولا دكتوراه؟

وان شاء الله نقدر نفيدك

[sindbad]

السلام عليكم ورحمة الله وبركاته

سندباد

لساني مش مطاوعني اقولك متسمعش كلام الماما قلب ابيض بس انت اعتبرني قلتها

شوف يا سيدي

في سنة 2003 كانت اول نزله ليا بالسيارة لمصر وكان أي امين شرطة يقابلني اول سؤال ليه يكون معاك رخصة مصرية ؟

وطبعا مكانش معايا فكنت بطلع الكويتية بلاقيه يفرح وكأنه ضمن ال20 جنيه وبسرعة البرق يقولي حضرتك مصري اقوله ايوة يقولي يبقى دي مخالفة وطبعا لازم اطلع العشريناية واغمزه بيها فقررت اني احرمهم من عشريناتي وقلت اروح اطلع رخصة واريح نفسي وفعلا رحت مرور فيصل ودخلت على رئيس الوحده بالصدفة وكان معايا الوالد فقلت له انا معايا رخصة كويتية ينفع تتحول مصرية ؟

راح الضابط منادي على موظف وقاله شوف لي الكويت كده في القرار والا لأ

ومشينا مع الموظف والوالد راح قايلي بصوت عالي اديله عشرين جنيه راح الموظف بص لي من تحت النظارة وقالي اسمع كلام بابا قلت له عنيا

المهم انه طلع لي قرار واكل عليه طعمية وراح عامل دائرة على كلمة الكويت وقالي ينفع ولمحت جنبها كلمة الجزائر وطلب مني اصور اوراقي والرخصة الكويتية اصورها تكبير وخلصت الاوراق ورحت اتصورت واستلمت الرخصة في نفس اليوم يعني الموضوع كله كان حوالي 3 ساعات .

يعني باختصار الموضوع فيه قرار رسمي بس المهم انك توصل للرجل المناسب وتدفع المبلغ المناسب علشان القرار يظهر بدون تعقيدات ولا تأجيل 3 شهور وبدون تحديد لمهنة .

حبيب قلبي ا. تامر والله

الف شكر للمعلومات دي وربنا يكرمك

وليك عندي فسحة بالعربيه في مصر علشان انا عندي عربيه هناك ومعييش الرخصه المصري

وهنا معايا الرخصه الكويتي وممعييش العربيه :lol:

يدوم العز ودايما عامر بس مقولتليش نادي السيارات فين في الشويخ؟

[مودة ورحمة]

ازيكم يا قاطني الكويت

انا كنت عاوزة اسأل عن وضع الاطباء عندكم؟ وامكانية العمل هناك؟ هل تستاهل المجازفة وخوض التجربة؟ والا مش جايبة تمننها؟

اهلا موده

شوفي الاول انت عايزها تشتغلي حكومه ولا خاص؟

ومعاك اسره ولا ح تيجي لوحدك؟

وتخصصك ايه؟ وعاك ماستر ولا دكتوراه؟

وان شاء الله نقدر نفيدك

شوفي الاول انت عايزها تشتغلي حكومه ولا خاص؟

حكومة او خاص

بس بأحس دايما الحكومة أضمن في الوضع بتاعي

ومعاك اسره ولا ح تيجي لوحدك؟

لوحدي

وتخصصك ايه؟ وعاك ماستر ولا دكتوراه؟

باثولوجي اكلينيكي ماستر وبأعمل زمالة في نفس التخصص ودبلومة في تخصص اداري

وان شاء الله نقدر نفيدك

يا رب وجزاكم الله خيرا

تم تعديل 30 سبتمبر 2010 بواسطة مودة ورحمة

[areeg]

يا جماعه سؤال مهم جدا واستفسار عاجل انا دلوقتي مبعتلي عقد في الخاص ولكن مده انتهاء العقد مكتوب فيها مفتوحه open ended يعني ايه الكلام ده يعني لو حبيت اسبهم في اي وقت الموضوع ده يعمل مشكله ولا ده في صالحي العقد مش مكتوب في اي شروط وكله يقول حسب قانون العمل في كل بنوده ما عدا الاجازه السشنويه

[Simba]

يا جماعه سؤال مهم جدا واستفسار عاجل انا دلوقتي مبعتلي عقد في الخاص ولكن مده انتهاء العقد مكتوب فيها مفتوحه open ended يعني ايه الكلام ده يعني لو حبيت اسبهم في اي وقت الموضوع ده يعمل مشكله ولا ده في صالحي العقد مش مكتوب في اي شروط وكله يقول حسب قانون العمل في كل بنوده ما عدا الاجازه السشنويه

متهيألي كده يا دكتورة اريج طالما مفيش شرط جزائي في العقد فيبقي براحتك واللي اعرفه ان في قانون العمل من حق اي طرف يفسخ العقد بشرط يبلغ الطرف التاني قبلها بثلاث شهور والله اعلم

[Simba]

ازيكم يا قاطني الكويت

انا كنت عاوزة اسأل عن وضع الاطباء عندكم؟ وامكانية العمل هناك؟ هل تستاهل المجازفة وخوض التجربة؟ والا مش جايبة تمننها؟

شوفي يا دكتورة مودة ان كان العمل حكومي والكفيل وزراة الصحة فهي هتكون جايبة تمنها وعشاها وفطارها

العقود الخاصة بقي فيها اقاويل علي حسب بنود العقد

[noname]

السلام عليكم جميعا

اولا اعتذر عن عدم المشاركة الفترة الماضية بس دا غصب عنى لظروف خاصة

وشكرا لكل اللى سئل عنى

اختنا بوسى ام عمر معلش انا لسة عارف ظروف الحريق بس دلوقتى الحمدلله انك والاسرة بخير

وفين المحشى يا ماما قلب ابيض

[enjisultan]

الف حمد الله على سلامتك يا بوسى قدر ولطف وربنا يلطف بعبادة ويكفينا شر نار الدنيا والاخرة يا رب العالمين

[Simba]

منتظرينكم في طلعة بكرة علي الشات الساعة 9 مساءا والحاضر يعلم الغايب

ان كان فيه حد حاضر يعرف حد غايب شخصيا اصلا :D

ممنوع اصطحاب المأكولات والمشروبات وبسمح بالتدخين فقط smk: