المصريين المغتربين بالكويت

[sindbad]

ممكن حضرتكوا تساعدوني في موضوع العربية

فقط للي موجود في الكويت عايزين عربية مايتعداش سعرها 250 دينار و متكونش كولت :)

ومش عايزها خردة تقف او بتطفي في الشارع او تفتح بقها وتقول عايزة اروح الميكانيكي اصلي تعبانة

عايز عربية تكون نظيفة استعمال واحد موسوس بخاف على حاجته وبخيييييل جدا مابيصرفش بانزين ف ممشيش بيها كتير

مش مهم دايو .. هيونداي ... لانسر مش مشكلة

ممكن تساعدوني

لاني في زنقة وعايز ابيع عربيتي لكن في نفس الوقت عايز عربية لفترة مؤقتة للشغل

250 دينار؟؟

وعربيه بتمشي

ما اظنش :sad:

[Simba]

ممكن حضرتكوا تساعدوني في موضوع العربية

فقط للي موجود في الكويت عايزين عربية مايتعداش سعرها 250 دينار و متكونش كولت

ومش عايزها خردة تقف او بتطفي في الشارع او تفتح بقها وتقول عايزة اروح الميكانيكي اصلي تعبانة

عايز عربية تكون نظيفة استعمال واحد موسوس بخاف على حاجته وبخيييييل جدا مابيصرفش بانزين ف ممشيش بيها كتير

مش مهم دايو .. هيونداي ... لانسر مش مشكلة

ممكن تساعدوني

لاني في زنقة وعايز ابيع عربيتي لكن في نفس الوقت عايز عربية لفترة مؤقتة للشغل

يا سيدي يا سيدي ايه المواصفات دي كلها

ده انت عايز سيارة علي كفالة الوكالة وتأمين شامل بعد :)

بحبح ايديك شوية

واحد زمليناراح حراج السيارات وجاب سيارة هوندا موديل قديم ب 350 دينار وماشية معاه تمام

[رونا]

طيب لو عربية فى حدود 500 دينار

تبقى كويسة

والمبلغ دة ممكن يجيب نوع اية

[Simba]

طيب لو عربية فى حدود 500 دينار

تبقى كويسة

والمبلغ دة ممكن يجيب نوع اية

ال 500 دينار ممكن يجيبوا كل الانواع المهم الموديل وحالة العربية

بس ممكن يجبيوا عربية تمشي واعطالها مش كتير

كان فيه عربية اسمها باترول تقريبا اتباعت ب 410 وهما بيقولوا ممتازة بس مشكلتها في قطع غيارها غالية ومش متوفرة وكانت موديل 2003

[pocy]

اولا صباح الفل عليكم جميعا

وحشتونى جميعا بلا استثناء

بصوا بقي انا زيك بالضبط فى موضوع العربيات ده نفسي في عربيه ب250 فلس يوه قصدى ب150 دينار ههههههههههههه علشان اخبط فيها براحتى

بس نصيحه منى وعن تجربه ابعدوا كل البعد عن الاوروبي الاوروبي هنا اسعاره حلوه بس اول ما تحتاج قطع غيار ساعتها هنقول ياريتنى ما جبته اسعار قطع الغيار بتاعتها مولعه جدا وخليك فى اليابانى شغال وقطع غياره وصيانته ممتازه ومتوفره وربنا يوفقك يارب اللهم امين

وكنت والله بفكر اجيب كولت بس لما شوفتها قلت انا مفروض اعملى فتحه فى السقف علشان ادخل منها براحتى ههههههههههههههه

فوتكم بعافيه على رأي لماضه ........

الا اخونا غريب لسه مجاش من السفر ولا لازال متقوقع فى مصر ؟؟؟؟؟؟؟؟؟؟؟؟؟؟؟؟؟

ماروووووووووووووووو ميرسي جدا على السؤال انا والحمد لله بخير وفى احسن حال بس الا حضرتك هتيجي امتى ان شاء الله

سمبا وانت بتدور على عربيه ليك ولقتلى حاجه كده على 150 فلس يووه اقصد دينار ابقي قولى وربنا يوفقك يارب في الرخصه ان شاء الله

[رونا]

العربيات الاوربى كويسة جدا بس مش فى الخليج

وكان لينا تجربة معاها فى السعودية

كان معانا بيجو 307 موديل 2006

كانت تحفة بس ملهاش قطع غيار ولا حد فاهم فيها

وكمان ساعت البيع

بعناها بالعافية وبربع تمنها

علشان مش عليها اقبال فى الشراء

ملحوظة: فى اعلان فى الوسيط عن مزدا 96 ب 250 دينار

[Simba]

سمبا وانت بتدور على عربيه ليك ولقتلى حاجه كده على 150 فلس يووه اقصد دينار ابقي قولى وربنا يوفقك يارب في الرخصه ان شاء الله

يا دنانيرك يا مدام بوسي اللي مش عارفة توديها فين ولا فين :D

انا يوم ما اجيب عربية لازم تليق بخافمتي سيارة كلاسيك موديل الاربعينات -_-

[اروى]

الف حمدلله على سلامتك مدام بوسى بجد نورتى المنتدى

[pocy]

الله يسمحك يا أ.سمبا ههههههههههه مانت عارف ان دنانيري كتير وبحب اديها للغلابه اللى زى عمورى كده هههههههههههههه علشان ترجعلى تانى طبعا ههههههههههههه

والله انا لما قعدت ابص على الموقع ده وحطيت من صفر لحد 1000 للسعر اضايقت قوى ملقتش حاجه ب150 فس ابدا هههههههههههههههههه بس الغريبه انى لقيت صفر كتير هههههههههههههههه اتارى الناس مش عايزه تبعها ببلاش لا دى مش حاطه السعر ههههههههههههههههه

خد الموقع ده اتمزج بالعربيات شويه وهتلاقي موديلات قديمه كتير ولاسيك ومن التلاتينات بس منصحكش لانهم بيعتبروها تحفه وتتباع ب40 الف دينار هههههههههههههههههههههههههه وهنيالك يا صاحب العقل

اروى والله انك انسانه جميله جدا فى ذوقك ياقمر وانتى دايما اللى منورانا

واتمنى اشوفك انتى ورونا وكب كيك وام مروان وقلب ابيض وطبيبه مصريه واريج و رحمه وكده رضا ويارب ما اكون نسيت حد ان شاء الله

كب كيك والله التاخير مش بايدى وهبعتلك رساله الان ياقمر وحشانى موت

رونا اخبار الكويت معاكى ايه يارب تكون بخير

اريج يالا شدى حيلك نفسنا تكونى معانا هنا عن قريب ان شاء الله

كنت عايزه اسال عن حاجه كده هى مميزات الالتحاق بعمل داخل الحكومه وهى فى البلد غير من واهى بره البلد صح ده بالنسبه للتربيه فهل هو نفسه بالنسبه للصحه كمان

يعنى ال بينفيتس بتقل ولا ايه ؟؟؟؟؟؟؟؟؟؟؟؟؟؟؟؟؟

[تامر مصطفى]

كنت عايزه اسال عن حاجه كده هى مميزات الالتحاق بعمل داخل الحكومه وهى فى البلد غير من واهى بره البلد صح ده بالنسبه للتربيه فهل هو نفسه بالنسبه للصحه كمان

يعنى ال بينفيتس بتقل ولا ايه ؟؟؟؟؟؟؟؟؟؟؟؟؟؟؟؟؟

انجليزي ده يا مرسي؟؟

انا مفهمتش حاجة من السؤال

ومين هي اللي في البلد وبرة البلد

[pocy]

يعنى التعاقد من بره البلد مع الحكومه غير التعاقد مع الحكومه من داخل البلد المميزات يعنى بتبقي غير وبتختلف وده موجود فى الوزاره بتاعه التربيه فهل موجود فى باقي الوزارات ولا لا ؟؟؟؟؟؟؟؟؟؟؟؟؟؟؟

[sindbad]

صباح الخير عليكم جميعا يا مصريين في الكويت

مدام بوسي: التعاقد هنا في الصحة بيقل عن اللي جاي من مصر ده اللي انا اسمع عنه

انا كمان عايز حاجه

بمناسبه السيارات: عايز مرايه للسياره بس يكون سعرها حنين :sad: اروح الشويخ ولا الحراج

ياريت اهل الخبرة يدلوني :rolleyes:

[تامر مصطفى]

صباح الخير عليكم جميعا يا مصريين في الكويت

مدام بوسي: التعاقد هنا في الصحة بيقل عن اللي جاي من مصر ده اللي انا اسمع عنه

انا كمان عايز حاجه

بمناسبه السيارات: عايز مرايه للسياره بس يكون سعرها حنين :sad: اروح الشويخ ولا الحراج

ياريت اهل الخبرة يدلوني :rolleyes:

انت سيارتك ايه؟

قبل ما تروح مشوار السكراب اسأل في الوكالة على سعرها لانه ممكن يكون بسيط

واعتقد ان ممكن تلاقي تجاري

ولو لقيته غالي يبقى عليك وعلى السكراب في الجهراء وهتلاقيها اقل من الاصلي واغلى شوية من التجاري

[noname]

السلام عليكم جميعا

يارب تكونوا بخير جميعا .... بجد وحشتونى

معلش النت عندى مش مظبوط

ندخل فى الموضوع اولا شكرا لماما قلب ابيض على المحشى بجد جنان تسلم ايديكى

اختنا ام عمر شكرا على دعوتك الكريمة واقتراحك بمساعدة العزاب على الجواز والله فكرة ممتازة

ربنا يخليكم لينا ( العزاب) بس بشرط تكون مصرية والا بلاش

اشوفكم بخير المرة الجاية

[Simba]

الحمدلله

نجحت النهاردة في التراي وخلاص هطلع الرخصة بفضل حد ساعدني من هنا مقدرش اقول هو مين من غير يأذن لي لكن له كل الشكر والأمتنان والله

[sindbad]

مبرووووووووووووووووووووووووووووووووووووووووووووووووووووووووووووووووووك

يا سمبا

خد دي مني

[قلب ابيض]

الحمدلله

نجحت النهاردة في التراي وخلاص هطلع الرخصة بفضل حد ساعدني من هنا مقدرش اقول هو مين من غير يأذن لي لكن له كل الشكر والأمتنان والله

لولولولوللولىىىىىىىىى

مبروك الف مبروك يا سمبا ...

المهم التدريبات بقى تستمر

وجارى حذف الارصفه من جميع الشوارع فى الكويت

بس انت شد حيلك وهات السياره ...والموضوع كده لازمن له صدر كنافه ....ولا نسيت ؟

[عادل أبو عمر]

الحمدلله

نجحت النهاردة في التراي وخلاص هطلع الرخصة بفضل حد ساعدني من هنا مقدرش اقول هو مين من غير يأذن لي لكن له كل الشكر والأمتنان والله

يارااااااااااااااااااااااااااااااااجل gt: clp:: :waving:

ألف مبروك يا سمبا

و عقبالك يا مدام بوسي bv:-

[Simba]

مبرووووووووووووووووووووووووووووووووووووووووووووووووووووووووووووووووووك

يا سمبا

خد دي مني

الله يبارك فيك يا سندباد وردك مقبول يا سيدي بس ما تنساش تجيبلنا معطر جو للسيارة :D

لولولولوللولىىىىىىىىى

مبروك الف مبروك يا سمبا ...

المهم التدريبات بقى تستمر

وجارى حذف الارصفه من جميع الشوارع فى الكويت

بس انت شد حيلك وهات السياره ...والموضوع كده لازمن له صدر كنافه ....ولا نسيت ؟

الله يبارك فيه يا مدام قلب ابيض ,, قلبك ابيض وزي ا لفل

تدريبات ايه اللي تستمر انا بعت محصول القطن والدرة في التدريبات دي :sad:

وبمناسبة انكم هتشيلو الارصفة ممكن اعرف ايه موقفكم من الدوار هو كمان -_-

وان كان علي الكنافة وصدر خروف بس لما لما يجي وقت الشوف :)

يارااااااااااااااااااااااااااااااااجل

ألف مبروك يا سمبا

و عقبالك يا مدام بوسي

يا سيدي يا سيدي

عاملي بارتي الله يبارك فيك يا ابو عمر

بس مدام بوسي عندها الرخصة من زماااان ناس واصلة ياعم :happy:

[pocy]

هههههههههههههههههههههههه وانا اقول ايه بس اللى مرجعنى ورا ههههههههههههههههههه

الف الف الف مبروووووووووووووووووووووووووك على الرخصه وعقبال السواقه يارب بدرجه امتياز ان شاء الله

يالا شد حيلك وهات الهديه بتاعتى عربيه بس حقيقي مش اللى ب100 فلس هههههههههههههههههههه

بجد احلى خبر سمعته النهارده والله فرحت فرحت فرحت بالخبر الجميل ده

وانا عايزه اعرف بقي مين الواصل ده ههههههههههههههههههههههه واللى قدر يشيلك الرصيف فى التراى هههههههههههههههههه

وجزاه الله عنك كل الخير يارب بس سمبا ربنا يكرمك بلاش تسوق دلوقتى ادرب الاول وربنا يوفقك يارب اللهمامين

ماروووووووووووووووووووو زى ما قالك سمبا الله يسمحه انا معايا الرخصه من تلات سنين عالم وصله بقي تقول ايه ههههههههههههه بس مش بعرف اسوق تخيل ههههههههههههههه