المصريين المغتربين بالكويت

[HDarwish]

يا استاذ حسن جزاك اللة خيرا انا مش حكاية انا عايز من الأخر ولا من الأول ومش عايز اتعب زى ما حضرتك بتقول لكن اللى انا فهمتة من خبرتى القليلة فى البلد دى ان موضوع رخصة القيادة مهمة جدا فى الشغل وحتى من غير شغل وجود سيارة خصوصا لما يكون معاك اولاد فى جزئية بقا يا استاذ حسن هل الشركة اللى سكرت العمال اللى عليها ميعرفوش يحولوا طب لو كان العامل دة الشركة دى هية كفيلة التانى بردة نفس الحكاية وبعدين لو تكرمت هل الألتحاق بعائل زى كدة ممكن يطلع رخصة زى فى حال الزوجة الألتحاق بعائل وعندها اولاد وشكرا ليك بجد لأهتمامك ولو تعرف تشوفلى وسطة يبقى ربنا يكرمك يا رب

طبعاً كلامك مظبوط الرخصة هنا مهمة جدا وبيطلق عليها وظيفة أخرى أو هي إيديك ورجليك في البلد هنا .. لكن اللي أنا أعرفه واللي سمعته من ناس في نفس ظروفك إنهم ما ينفعش يعملوا الرخصة وهما التحاق بعائل والناس دول كان بئالهم حوالي اربع سنين او ثلاث سنين والمدام بيكون معاها الرخصة علشان الأولاد لكن الزوج علشان التحاق بعائل ما بينفعش يستخرج اللامانع بتاع الرخصة .. واسأل برضه جايز يكون الأمور اتغيرت لاني انا بئالي كثير بعيد شوية عن موضوع الرخصة والكلام ده ..

الشركة اللي سكرت العمال اللي عليها ميعرفوش يحولوا .. لأ الشركة دي قبل ما تسكر في الشؤون بيدوا للعمال اللي عليها شهر يحولوا فيه وده طبعا لما تكون الشركة دي الكفيل التاني مش الأول وعلى ما اعتقد انها لو الكفيل الاول ما بينفعش التحويل .. بس المشكلة لما تكون الشركة دي واخده رمز والرموز كثير لدرجة إني ما عدتش عارف إيه هو الرمز اللي الشركة بتاخده وما ينفعش خلاص التحويل من عليها وايه هو الرمز اللي ممكن تحول من عليه .. لو عايز واسطه اطلع على الكويت في منطقة شرق في العاصمة بجوار مجمع بهبهاني والخليجية فيه مجموعة قهاوي اقعد لك على قهوة منهم وياريت يكون بالنهار وهتلاقي مناديب بالهبل هناك وناس بتخلص بالفلوس .. هتتحرج تسأل أي حد والكلام ده تبئا تلاغي الواد اللي جاب لك كوباية الشاي بالنعناع وتئوله أنا عايز حد يخلص لي الرخصة ما تعرفش حد .. (على فكرة انا بتكلم بجد) إوعى تكون فاكرني بهزر لإني عملت كده في البداية لما حصل لي مشاكل مع الكفيل بتاعي وكنت ناوي الغي ورقي من عليه واخد زياره تجارية واطلع البحرين وارجع وموال كبير كده بس عرفت الناس اللي كانت هتساعدني وبتكلفة ارخص من الكفيل الاول لي عن طريق القهوة دي بس الكلام ده من خمس سنين .. بس خد بالك وامشي زي ما انا بعمل علشان محدش يضحك عليك .. مع أي حد يئولك عايزين الأول مبلغ كذا علشان ندفعها لفلان علشان يخلص الموضوع يكون جوابك على طول لأ .. ونظرتي في الموضوع ده إن البني آدم اللي قدامي ده مش واثق في إني هنفذ وعدي يبئا ليه أنا أثق فيه وإنه هينفذ وعده .. علشان ما تدخلش في متاهات مع كل خطوة .. أنا كنت بمضي الكفيل بتاعي على وصلات أمانه ..

معليشي بئا انا كده دوامي خلص ولازم ماشي ..

وبالتوفيق إن شاء الله ..

[aboutabeakh]

اختى بوسى مردتيش عليا كنت عايز اسمع رايك ولو تقدرى تفيدينى وتعرفى موضوع التحاق بعائل ممكن يعمل رخصة ولا لا

[pocy]

ابو محمد طبعا محدش عايز يتعب نفسه اكيد بس متزعلش منى اى حد هتلاقيه معاه واسطه مأكد هيشلها ليه في اى وقت زنقه دا غير ان الواسطه هنا مش بيعملهالك خدمه وبلاش مش كلهم لا ياما خدمه قدام خدمه ياما بمقابل مادى وعلشان برضه افهمك نقطه انت عارف ان فيه هنا فئه مستثناه زى المهندس والمدرس والطبيب واعتقد المحاسب كمان وطبعا المندوب والسواق دى كلها فئه مستثناه لعمل الرخص واشياء تانيه كتير بص بقي ع اللى جى لازم كمان المسمي الوظيفي في اذن العمل يكون مواكب للفئه دى بمعنى ان زميلتى برضه مهندسه وخريجه هندسه بس انا كتبونى مهندسه كمبيوتر فى اذن العمل بتاعى لكن فى اذن العمل بتاعها كتبولها مدربه كمبيوتر مع انها مهندسه معاها كليه هندسه والشهاده واضحه وصريحه وبعدين تفتكر ايه الى حصل وكمان معاها رخصه مصريه وكانت بتسوق فى مصر رفضوا يطلعوا الاستماره بتاعتها لانها مش من الفئه المستثناه طب ازاى دانا مهندسه لا اتارى ان المسمى الوظيفي كمان بيفرق يعنى لو كان اتكتبلها مدرسه كمبيوتر او مهندسه كمبيوتر كان الموضوع اتحل تخيل ومعرفتش تطلع رخصه الا لما ربنها كرمها وبقي عتدها بيبي صغير وساعتها كانت التحاق بعائل وكانت مستثناه معلش حكايه طويله عريضه بس نتعلم منها ان ياما تكون مدير عام وبتقبض 400 دينار ياما مستثنى ياما التحاق بعائل وعندك طفل طيب انت تتصرف ازاى

عندك اكتر من طريقه بص يا سيدى :

الطريقه الاولى اذن عمل يقول انك سائق او محاسب او مدير عام والمرتب اكتر من 400او 400 المهم دى طريقه بس لازم تكون موثقه بشهاده الكليه او اى شهاده

الطريقه التانيه واسطه قويه جدا ودى علشان تقدر تطلع ورقه الرخصه مهما كان المسمى الوظيفي

الطريقه التالته وهى انك تشوف حد تدفعله فلوس

[pocy]

اما بالنسبه يا اخ محمد على موضوع انك تحول على شركه بتاعه إقامات فانا منصحكش اسالنى ليه ؟؟؟

أقولك يا سيدى زى ما قالوا الاساتذه الاستاذ حسن والاستاذ رمضان سابقا ان الشئون هذه الايام قفلت كل الشركات الوهميه بتاعه الاقامات هتسألنى وتقلي ده معناه ايه معناه يا سيدى بلاوى اولا لا ينفع تجدد ولا ينفع تحول حتى لو كفيل العاشر مش التانى ومفيش قدامك الا انك ترجع مصر بخفي حنين بس طبعا في شغل من تحت التربيزه بس مكلف شويه انهم يفتحولوا ملف الشركه المغلقه لمده 24 ساعه يحولوا فيها والكلام اللى هو مش لكل الشركات طبعا

وطبعا الشئون مش هتفتح ملفات مقفوله لان عدد العماله زاد فى البلد لدرجه هم شايفنها مهوله وزياده عن الحد

طب الحل ايه؟؟؟؟؟؟؟؟؟؟؟؟؟

اولا قبل ما اقول اى شئ لازم تزودنى بشويه معلومات بمعنى انتى خريج ايه بالضبط وتقلي نفس المسمى بتاع الشهاده بتاعتك دااولا

ثانيا انت بتشتغل الان ولا لا وبتشتغل ايه؟؟؟؟؟؟؟؟؟؟

[pocy]

اخى فى الله الاستاذ حسن اخيا نورتنا ياراجل داحنا بعد كده هنتحايل عليك تدخل انا عارفه انك مشغول وعازراك بس بين الحين والحين ابقي طل علينا

ام نور ايوه كده شوفتى دخلتك علينا كده جابت نسيم البحر كله يالا متحرميناش منك بقي ومن طلتك البهيه دى

ام دعاء رحتى فين عايزينك ياقمر ام نور دخلت اهه يالا تعالى معانا

ياترى يا هل ترى يا استاذ تامر عامل ايه دلوقت فى الجو الجميل اللى عندك احنا لا سمح الله لا بنحقد عليك ولا حاجه ههههههههههههههههههههه

تروح وترجعلنا بالف سلامه

[pocy]

ابو محمد انت ليه مش تشتغل وانت على اقامتك زوجتك احسنلك لو ينفع فى شغلك كمل على هذا الاساس احسن

[aboutabeakh]

شكرا ليكى اختى بوسى انا طبعا التحاق بعائل على زوجتى المعلمة بوزارة التربية وبقالى هنا فى البلد 6شهور وزوجتى بتعمل اليومين دول رخصة قيادة بس انا محتاجها اكتر منها عشان تفتحلى مجالات شغل انا بكالوريوس خدمة اجتماعية ومعايا شهادة icdl وعايا دورات انجليزى وفى مصر كنت شغال فى شركة كمبيوتر فى الصيانة لمدة 5 سنيين يعنى مجال عملى فى الكمبيوتر وانا كنت عرفت ان جوز حضرتك شغلة فى الهندسة الألكترونية وانتى فى الكمبيوتر لو ربنا يكرمك شوفتيلى اى شغلانة باى مرتب بس المشكلة بردو انى خايف اشتغل مخالف دلوقتى واتعرض للترحيل وزوجتى تنضر فى شغلها وبقول اصبر الكام شهر اللى بقيلى واحول بعد كدة براحتى ولا اية رايك يا ام عمرو

[pocy]

والله شركه جوزى يا اخ محمد بعماله تنفنش فى العمال لان مفيش مشاريع وربنا يستر ويسر للجميع ان شاء الله

طيب انت مجربتش تقدم فى المعاهد او تشتغل فنى كمبيوتر طالما معاك خبره انا قدمت فى اكتر من مكان واتقبلت بس للاسف كان صبح وبالليل وانا علشان بيتى وابنى مقدرش اشتغل فترتين

[pocy]

ع العموم هانت وربنا ييسرها بس انا رائي انك من الان تشوف شغل و تبقي تحول لما تخلص السنه عادى بيحصل الموضوع ده مع ناس كتير

[pocy]

على العموم ربنا يوفقك لما يحبه ويرضاه يارب ويرزقك ويرزق الجميع ان شاء الله

ولو لقيت حاجه قدامى على النت او فى الوسيط هاقوله على طول انا متابعه طبعا موضوع الوظايف ده وربنا ييسر اللى فيه الخير

ولو اى سؤال احنا حاضرين ان شاء الله

تم تعديل 16 يوليو 2009 بواسطة pocy

[aboutabeakh]

ربنا يكرمك ويكرم الجميع وييسرلنا الخير يا رب وشكراااااا ليكى اختى ام عمرو

[ghadanfar]

تانى معلش انا عايز صورة تقريبية

معلش يا جماعة ممكن اعرف الطبيب الممارس العام مرتبه بيبقى فى حدود كام فى الكويت؟

و ايه النظام عندكم

و بجد استفدت من الموضوع ده جدا

و كمان كنت عايز اسأل اذا الشغل معجبنيش و حبيت انقل لصاحب عمل تانى بيبقى ايه النظام لو عايز انقل من غير ما انزل مصر

[الحاج فوزى]

الطبيب فى الحكومة راتبه حوالى من 450 لـ 600 دينار اقل او ازيد 50 دينار .. ويختلف حسب الخبرة والتميز .. هناك اطباء يتقاضون ما يزيد عن 12000 دينار ..

لكن لا بد من توافر سنوات من الخبرة قبل العمل .. حسب ما اذكر حوالى 5 او 6 سنوات ..

واعتقد ايضا وجوب التخصص

[ghadanfar]

الف شكر يا حاج فوزى

[pocy]

اخى فى الله الايتاذ غدنفر

اولا على ما اعتقد طبعا الاخ العزيز الحاج فوزى رد عليك فى موضوع الرواتب بس الكلام اللى انا هقوله ده لواحد فلسطينى

هو طبيب ممارس جه البلد على اساس يشتغل كده وللاسف الشديد طلب منه ان يكون خبره خمس سنوات فى نفس المجال حتى يستطيعون اعتماده هنا فى وزاره الصحه وبالتالى لابد ان يكون عدد سنين الخبره لا يقل عن 5 سنوات

ثانيا المرتب كما قاله لى سيكون فى حدود 500 دينار ومعرفش ده فى الحكومه ولا قطاع خاص مش اخدت بالى من النقطه دى ويزيد طبعا على حسب الشهادات والخبره اللى معاك

ثالثا هناك قريب لزوجى هنا يعمل دكتور فى جراحه القلب وهو استاذ مساعد فى كليه طب القاهره وبسم الله ما شاء الله مرتبه بيعدى 2000 دينار في الشهر ربنا يزيده ان شاء الله بس ده طبعا لان شهاداته كبيره وغير انه استاذ مساعد فى الجامعه فليه وضع تانى

رابعا اخى فى الله خد بالك لما تيجي من مصر على عقد ما تاكد واسال جيدا على الكفيل فهناك من هم مؤذين لاقصى الحدود لدرجه انه يرحلك ويعملك تسفير بمعنى عدم دخول البلاد مره اخرى وده اللى كان هيحصل معاى لولا الحمد الله وقف الله معى

بالنسبه لنقل الكفاله تعتمد على الكفيل نفسه هل هيوافق ولا لا دا اولا وممكن تنقل بكل سهوله لو كملت مع الكفيل ده خمس سنين ممكن تحول بسهوله بتقديم شكوى في الشئون بس بعد ما تكمل خمس سنوات معاه ولو انى لا احبذ ان العقد يتكتب بقيمه كبيره وطبعا فى اسباب يمكنك التحويل بها بس للاسف مش بيعتمدوها بسبب الواسطه هتقلي زى ايه خد عندك يا سيدى انت بقالك على كفالته مثلا 2 او تىته وعايز تحول هيسألك المحقق فى الشئون ليه عايز تحول ممكن تحول بسهوله لو قدرت تثبت الاسباب التاليه

1- مش بيدفع اجرك ( وطبعا هو هيجيب تقرير من البنك انه بيبعتلك كل شهر المبلغ وساعتها هتكون النقطه دى راحت عليك لو كان فعلا بيعمل كده )

2- تسبب فى احداث ضغط نفسي وازمه صحيه ( ودى بقي صعب اثبات الضغط النفسي وبالتالى عليك والازمه الصحيه ومش هتعرف تطلعها هنا الا لو كانت حقيقيه )

3- للاسف مش فاكره السبب التالت

بس عموما حاول تشوف كفيلك كويس ولما تفكر تسيبه لا تبالغ وتتركه فى وقت زنقه لانه مش هيسبك وهتعصبه وهيعمل كل حاجه علشان يرجعك بلدك خائب بخفي حنين

وربنا يوفقك يا اخى الكريم

تم تعديل 18 يوليو 2009 بواسطة pocy

[pocy]

هو مفيش حد اليوم ولا يوم الخميس مش هيتكرر ولا ايه دانا قلت هعمل الغدا بدرى علشان ابقي فاضيالكم

انا مقدرش اغيظك يا استاذ حسن دى عزومه للمنتدى كله بس استنوا اعملكوا احلى اكله بحريه ان شاء الله واقدمهالكم جميعا وربنا يقدرنى على العدد ان شاء الله

ام نور فينك رحتى فين ولا هوا الساحل الشمالى واخدك مننا

ام دعاء فينك يا قمر بقالك فتره ما طليتى

استاذنا تامر فينك وهبقي اتواصل وانا في مصر فينك ولا مصر ومشاكلك مع التوكتك اخدينك مننا هههههههههههههه

[pocy]

استاذ اسامه ايه فينك دخلت عزمتنا على الشاي لاوصلنا حاجه ولا انت دخلت ومنتظرينك من ساعتها

اتمنى يكون المانع خير ان شاء الله

[mohamedabdallah]

الطبيب فى الحكومة راتبه حوالى من 450 لـ 600 دينار اقل او ازيد 50 دينار .. ويختلف حسب الخبرة والتميز .. هناك اطباء يتقاضون ما يزيد عن 12000 دينار ..

لكن لا بد من توافر سنوات من الخبرة قبل العمل .. حسب ما اذكر حوالى 5 او 6 سنوات ..

واعتقد ايضا وجوب التخصص

هو اكيد حضرتك تقصد 1200 دينار مش 12000 دينار

علشان ال 12000 دينار دول

اكيد يعنى مرتب ابوتريكه مش مرتب طبيب شغال فى الكويت

[pocy]

صباح الخير عليكم اخوانى اليوم انا مش فاضيه ارغي لوحدى معاكم ههههههههههههههههه

بس ان شاء الله هبقي ادخل بكره ان كان فى نصيب ووعشنا

[pocy]

صباح عليكم يا مصريين اخباركم ايه واخبار الجو معاكم ايه

انا مكنتش اعرف ان خلع الضرس صعب كده الا امبارح بس الحمد لله عدى على خير اتمنى اشوفكم قريب وبخير يارب

اسيبكم بقي تشوفوا اللى وراكم سلام يا صاحبي