المصريين المغتربين بالكويت

[أمل حياتي]

مساء الفل على الجميع

انشالله تكونوا بخير وصحه

احنا بنتكلم بنكشف طباع وحقائق مش عشان نجرح اي حد ابدا

ولكن هناك واقع مر لا بد من مواجهته

عموما انا عايزه اقول ان احنا تجمعنا انا وقلب ابيض واستاذ تامر في يوم

25 اكتوبر 2010م في مكتبي وكان لقاء جميل

واطلب من الاخت قلب ابيض او الاستاذ تامر ان يكتبوا عنه في موضوع منفصل او هنا

مع تحياتي

[sindbad]

كيف حالكم جميعا

حد عايز حاجه من مصر

[noname]

السلام عليكم,

شكرا لصاحب الموضوع و اعتقد انة موضوع فعلا مهم.

رغم اني قريت بعض المداخلات و التجارب و مش كلها,, لكن انا اعتقد ان الموظف المصري في احيان كتير بيكون غير كفء و بيعطل المراكب السايرة,,, انا ليا اكتر من تجربة سواء في مصر او هنا و دي خلاصة التجربة,, اتمني اكون غلطان , لكن انا شخصيا لا يمكن اجيب حد مصري يصلح حاجة خربت في البيت عندي مثلا,,, استحالة,,,ودة نتيجة لموقف حصل قبل كدة, و اللة حتي اذا حصل ظروف و اضطريت اخد تاكسي هنا في الكويت لا يمكن يكون مصري .

في مصر لو عايز اعمل حاجة في البيت بكون مضطر ,, بس بجيب واحد فاهم كويس اوي و بتفق معاة علي كل حاجة قبل ما يبتدي.,,,

في راي ان كتر العددهنا في الكويت و اللهفة علي جني المال خلو الشخص رخيص و يقبل باي شغل حتي لو مايعرفش فية اي حاجة,,مثلا انا اعرف مدرس كان بيشتغل من اربعة لعشرة بالليل في مطعم,,,ياتري اية علاقة التدريس بالمطعم,, اللة اعلم,,,,, اهي فهلوة او ابتزال

و في امثلة كتير اعرفها بالشكل دة خلتني احاسب اويييي قبل ما اتعرف علي اي حد هنا في الكويت,,, فاذا ما غارش منك في الشغل ممكن يغير لانك جبت عربية جديدة او جبت لمراتك حتة دهب ,, او عشان جبت لابنك لعبة جديدة,وواللة حصلت.

الأول اسمح لي اقتبس مقولة من توقيع الاخت مصرية مغتربة

ما تشعر به تجاه الاخرين حتما سيعود إليك

يا سيدي الفاضل

لما انت وانا وغيرنا من المصريين يكون ده انطباعنا عن طباعنا .. ا ومال فين السادة المصريين الكويسين ... خلاص انقرضوا

ومش معني ان حصل لك موقف او اتنين يبقي كده تعمم الانطباع ده علي الشعب كله .. صحيح فيه سلبيات لكنها مش مقتصرة علي فئة دون فئة

بكل حال ان من سنين بنتكلم في موضوع المصري ده ونعيب في نفسنا رغم ان العيب مش فينا

ويا سيدي مبروك العربية الجديدة وربنا يحفظ لك ابنك

السلام عليكم,

شكرا اخي سمبا علي النصيحة,,ربنا يجعلني انا و غيري نتقبل النصح دايما بصدر رحب,

بس الانطباع موجود و بقوة عند المصريين و غيرهم,,و واللة مش قصدي التجريح,, هجرح في نفسي يعني,, بس كشف المرض هو اول سبل العلاج و العيب موجودة فينا و لازم يبقي في حركة ما لتصحيح العيب انما اقول ما كل الناس فيها و التعميم لا يجوز فدة مش حل,,

اتمني تكون فهمت قصدي,, وشكرا علي الدعاء و ربنا يحفظك انت و حبايبك

مساء الفل عليكم جميعا تعرفوا مصر اللى بتتكلموا عنها

ممكن من فضلكم تشوفها بعيونى وان كان الشعر دا ش من عندى لكن منقول

بحبك يا مصر يا أمى

يا روحى يا كيانى يا دمى

بحبك يا مصر

وف جمالك تهت سنين

بس دايب في الحنين

نفسي مرة أحس بيكى

حاضنة قلبي بين ايديكى

وارتاح شوية من الأنين

بحبك يا مصر

يا أم عباية خضرا

وعنين سمر فرحانين

أنا جايلك في بكره الاتى

لسه شوقى جاى عاتى

جاى بيشق البحور

يا مصر يا امى يا حياتى

يا بلدى يا حقيقتى وثباتي

يا حب ف قلبي جسور

بحبك يا مصر

********

بحبك يا مصر …..بحب أبتسامتك

وبدعى لربى يحفظلى سلامتك من كل العيون

ووجع الجفون …ويحفظ رموشك من كل الشرور

بحبك يا مصر…….بحب ورودك

واعشق خدودك ……….واكره وعودك

وألحن بعودك ………موالى وغنايا

بحبك يا مصر ….

بحبك فى عصرى وصباحى ومساكى

عشه فى عزبه……… وبيت جوه قصر

بحب الزحام والناس والمكان ……وصوت الأذان

يخش الودان ……….أنادى عليكى

بحبك يا مصر

بحب الشوارع والليل و المصانع

والراجل اللى صانع ……..جمالك يا مصر

بحب سلامك وتيجى فى منامى ……..عروسه معجبانى

بحبك يا حرة وأكره سجونك

وحبك فى قلبى بيحس بشجونك

بحبك يا مصر وعمرى ما أفارق

بحبك وعمرى ما خفت الطوارىء

بحبك يا مصر …

بحب صباحك……..وبعشق غيطانك

وكل مزارع بيعزق فى أرضه ينبت فلاحك

وبعشق سموك …..

والشمس اللى راحت والشمس اللى جاية

تنور ظلامك …..وتحفظ مقامك فى وسط البصيره

بحبك يا مصر …جواهر ولا فالصوا

أرض وحصيرة

بحبك يا مصر …دا أنتى والله عندى

در وياقوت

وشوفى مهما عملوا

بحبك م النهارده

ليوم القيامه

وحبك يا مصر فى قلبى علامه

بحبك يا مصر

وف حبك با موت

بحبك يا مصر

*************

زي الصحه بالظبط مايحسش بقيمتها غير المريض

ومصر كده بنحبها وندوب في هواها ونتغاظ منها ونشتمها واحنا معاها

لكن لما نبعد يانهاري تبقي اسمها بس بيرد الروح

على فكرة والله وحشتونى

تعرفوا مصر عامله زي إيه ؟

تم تعديل 2 نوفمبر 2010 بواسطة noname

[قلب ابيض]

مساء الفل على الجميع

انشالله تكونوا بخير وصحه

احنا بنتكلم بنكشف طباع وحقائق مش عشان نجرح اي حد ابدا

ولكن هناك واقع مر لا بد من مواجهته

عموما انا عايزه اقول ان احنا تجمعنا انا وقلب ابيض واستاذ تامر في يوم

25 اكتوبر 2010م في مكتبي وكان لقاء جميل

واطلب من الاخت قلب ابيض او الاستاذ تامر ان يكتبوا عنه في موضوع منفصل او هنا

مع تحياتي

مش عاوزين نتكلم بس عشان الحسد :P

" اخيرا شعرنا اننا مش اشباح لاءوكتاب الله ده بحق وحقيق.... " وش سهر البابلى فى ريا وسكينه

الموعد كان بينى وبين ام على ...وفاجئتنى اعتقد زى ما فاجئت الاستاذ تامر بوجود ثلاثتنا معا

الجميل بقى انى عرفت الاستاذ تامر من غير ماتعرفنى بيه ...

هى شخصيه محترمه جداااا ومضيافه وابتسامتها تنم عما فى قلبها

الاستاذ تامر ..صديقى اللدود ...اصغر مما تصورته سنا.. شخصيه هادئه جدا ذو صوت هادىء وكلمات بسيطه مرتبه

وان كان ممكن يولعها من تحت لتحت احيانا smk:

سعدت جدا برؤيتهم وتمنيت ان توسع الدائره ونرى باقى اخوانى واخواتى فى باب المغتربين بالكويت

هذه مشاهداتى ....

اين انت يا ابو فرح ؟؟؟

وانت يا ام على ؟؟؟؟؟

" استروا على الله يكرمكم بلاش تسييح"

"... :wub: :blush2:

[قلب ابيض]

كيف حالكم جميعا

حد عايز حاجه من مصر

تروح وتيجى بألف سلامه يارب

وعيد سعيد عليك ان شاء الله وعلى الاهل جميعا

[قلب ابيض]

ابيكم تدشووون عالهارابط

واماااانه لاتفشلونى

http://www.egyptiantalks.org/invb/index.php?showtopic=112276

تم تعديل 2 نوفمبر 2010 بواسطة قلب ابيض

[Simba]

الاخت أم علي .. مدام قلب أبيض ... مسيو ابو فرحة

متجمعين دايما علي الخير يارب وفي الخير أن شاء الله :) :)

انا كنت عايز اسأل كروت paypal منين اقدر اشتريها في الكويت

تم تعديل 3 نوفمبر 2010 بواسطة سمبا

[أمل حياتي]

صباح الفل على الجميع

صباح الفل يا اخ سيمبا

انشالله المره الجايه تكون معانا انت والاخوان اللي معانا والاخت بوسي

والاخ ابوطبيخ وكل المختفين تتجمعوا عندي ان شاء الله

انا نفسي يا سيمبا تفرد لنا موضوع عن مهنتك اللي هيه التمريض

وطبيعة عملك في المستشفى اصلي غاوية الحاجات دي

خساره اني ما دخلتش طب ونفسي اخد دوره في التمريض

[Simba]

صباح الفل يا اخ سيمبا

انشالله المره الجايه تكون معانا انت والاخوان اللي معانا والاخت بوسي

والاخ ابوطبيخ وكل المختفين تتجمعوا عندي ان شاء الله

انا نفسي يا سيمبا تفرد لنا موضوع عن مهنتك اللي هيه التمريض

وطبيعة عملك في المستشفى اصلي غاوية الحاجات دي

خساره اني ما دخلتش طب ونفسي اخد دوره في التمريض

كنت عملت موضوع قبل كده عن التمريض في مصر وقارنته بالتمريض في الخليج وحصل ما لا يحمد عقباه

مشادة كبيرة بين عضوة صادف انها ممرضة ومشرف هنا

لكن ان شاء الله هاعمل موضوع مفضل عن التمريض في الكويت في باب المغتربين والله المستعان

[قلب ابيض]

سؤاااال برىء

وارجوكم ماتفهمونيش صح ;)

هو ليه باب مغتربين الكويت مش مثبت وباب صباح الخير يا سعوديه مثبت ؟؟؟

مع اننا وصلنا للصفحه 186 وهما حاليا 43 ومثبت من زماااان؟؟؟

سؤال ارجو الاجابه عليه

ولا نلم الرجاله ونعمل مظاهره على باب المنتدى ؟؟؟؟؟؟؟ :malta:

[sherifff]

عارف طبعا ان كلامنا مش هيجيب نتيجه مع الاخ اللى ناوى يجى على 130 دينار واللى على 110 دينار

بس دى نصيحه لوجه الله

بالمرتب دى هتشوف ايام ما يعلم بيها الا ربنا وهتفضل سنه كامله على احسن الظروف بتشتغل علشان بس تجيب تمن الاقامه اللى انت دفعتها

وباقى السنين على المبلغ دى تقدر تقول انك هتوفر مثلا فى احسن الاول 10 الاف فى السنه هتجيب بنصهم هدايا وانت نازل

دى غير طبعا الاحساس بالغربه والبعد عن الاهل وانت وحظك والله اعلم الكفيل بتاعك هيكون شكله ايه

فنصيحه لوجه الله فكر تانى وثالث قبل ما تيجى على المرتب دى

فعلا زى ما اختنا ام عمر بتقول مش اقل من 250 دينار علشان يبقى اسمك هتعمل حاجه

مصاريف الاقامة عليهم

[الغريب]

سؤاااال برىء

وارجوكم ماتفهمونيش صح ;)

هو ليه باب مغتربين الكويت مش مثبت وباب صباح الخير يا سعوديه مثبت ؟؟؟

مع اننا وصلنا للصفحه 186 وهما حاليا 43 ومثبت من زماااان؟؟؟

سؤال ارجو الاجابه عليه

ولا نلم الرجاله ونعمل مظاهره على باب المنتدى ؟؟؟؟؟؟؟ :malta:

السلام عليكم

صباح الرضا يا قلب أبيض ، أنت لسه بتسألي السؤال ده تااااااااااني

أظن أتسأل هنا كتييير أوي وأفتكر أننا كمان كنا أنتخبنا مشرف للموضوع بس كله ده كان أحلاااااام

عندي تسجيل راائع جدا لقصيدة عبدالرحمن الأبنودي اللي قالها بعد تحرير الكويت 1991 مين قال هات

[pocy]

السلام عليكم ورحمه الله وبركاته

إهى إهي إهي لالالالالالالالا cr((: cr((: cr((: انا غيرانه جدا واحسنلكم ترقي نفسكم هههههههههههههههههه

لالالالالا بجد غيرانه انا كنت عايزه ابقي هناك ههههههههههههههههههه بس هنعمل ايه فى سي السيد بقي ربنا يكرمه يارب ويسرله اموره وامورنا جميعا يارب اللهم امين

المره لازم حد يجي ياخدنى انا مليش دعوه إهى إهي إهي والا هغرق المنتدى كله

اخى فى الله شريف والله انك اخى فى الله وفى الوطن ولا اريد ان اضايقك بكلامى وكانى بكلم اخويا الصغير اللى لسه هيتخرج السنه دى

اولا انت بتقول تذاكر الطيران عليهم صح هقولك تذكره الطيران الاولى والاخيره فقط بمعنى اول ما تسافر عليهم ولما تسيب الشغل بمزاجهم طبعا هيبقوا يدوك تذاكر الطيران واللى اكيد مش سنويه واسال مجرب

وبالنسبه للسكن فهو فى العاده بيكون سكن حقير شقه ليست واسعه وبها على الاقل 13 فرد

وبالنسبه للشغل فهو لو خاص يبقي متعب جدا لانهم هيدولك كل فلس وياخدوه قدامه من صحتك وتعبك ده غير النفسيه لما تلاقي اقل منك مكانه ومرتبه احسن منك وانت اللى الشغل كله عليك فارجوك فكر الفين مره فى نفسك وفى اسرتك وفى اهلك الغربه للعازب وحشه وهنا علشان تعامل باحترام فى اى حاجه حكوميه لازم مش اقل من 250 دينار ومتعملش حسابك انك تيجي وبعدين تدور لان البلد بقت مقفوله ودى حاجه مش بتاخد شهر واتنين وكمان علشان تطلع رخصه دى صعبه برضه فارجو انك تفكر وتستخير رب العباد فى وضعك فى مصر ب500 جنيه افضل مليون مره ب5000 هنا ولو جيت متبقاش تشتكى لاى حد هنا لاننا عملنا اللى علينا وواسفه انى حاده معاك بس لانى بكلم اخويا واللى اكيد عايزه مصلحته اصبر وخد خبره فى مصر وتعال بخبرتك وان شاء الله هتفرق معاك بمراحل وابقي قول اختى ام عمر قالت وربنا يوفقك للى فيه الخير يارب

ماما قلب ابيض بصي ياقمر السؤال ده كنا فردنا ليه صفحات من قبل وكان استاذ حسن درويش واللى مفتقداه جدا ومفتقده كلامه ونصايحه الغاليه طالب بهذا الامر فى موضوع اخر بناء على كلام الاستاذ عادل واللى قوبل بالرد بفتح باب خاص بالمغتربين فى الكويت فاعتقد انهم لو ثبتوه الموضوع فده يبقي اقل شئ للاخوه المغتربين فى الكويت لانهم مش قليلين وجزاكى الله خير على التذكره اننا نطلب بتثبيت الموضوع

[pocy]

حبيبت اقول انى ان الجو اكثر من رائع مع انها مطرتالصبح فى الجهرا بس الجو اكثر من رائع وبجد حابه جدا انى اخرج فى عز المطره واجرى وانطلق بس اهههه لو كنا فى مصر اصلي كنت بلعب تنس ارضي على شط السخنه فى الجو ده وبجد بحبه قوى

صباحكم جميل باحلى جو حسيته من اول ما جيت

[aboutabeakh]

صباح الخير عليكم اخوانى المصريين والكويتين

ازيك يا ام عمر والله عندك حق الجو رائع انا حاسس ان مبسوط ومعنوياتى رايقة كدة بسبب الجو الجميل دة اللى محرومين منة خصوصا انى ساكن فى المنقف فى الدور الثامن ومنظر البحر جميل اوى اختنا ام على اكيد من قبل ما اشوفها هية انسانة قمة فى الأخلاق والأنسانية واكيد طبعا يكون بينا لقاء ان شاء الله ونتعرف على باقى اخوانا فى المنتدى

[Simba]

سؤاااال برىء

وارجوكم ماتفهمونيش صح

هو ليه باب مغتربين الكويت مش مثبت وباب صباح الخير يا سعوديه مثبت ؟؟؟

مع اننا وصلنا للصفحه 186 وهما حاليا 43 ومثبت من زماااان؟؟؟

سؤال ارجو الاجابه عليه

صحتك في العلبة دي smk:

اقصد الاجابة في الموضوع ده

http://www.egyptiantalks.org/invb/index.php?showtopic=93488

[قلب ابيض]

حدش شاف تامر يا ولاااااد؟؟؟ :sad:

[تامر مصطفى]

حدش شاف تامر يا ولاااااد؟؟؟ :sad:

انا حي أرزق

ولكن عندي مشكلتين اكبر من بعض

وفي نفس الوقت الايام دي تجهيز اختبارات واخده كل وقتي

هقولك عن عناوين المشكلات وابقى احكي التفاصيل قريبا

المشكلة الاولى ان عندي مدرس في القسم مسك في خناق المدير وبما اني رئيس القسم فلازم ينوبني من الحب جانب في التحقيق

المشكلة الثانية اني حطيت انتي فايروس على الاب توب بهدل الدنيا وخلى جهازي يهنج كل 5 دقائق وطبعا ده في عز زنقة الامتحانات وكتابتها على الكمبيوتر والتعديل عليها

سامحوني على التقصير والتأخير ولكن انا حريص على متابعة الموضوعات ولكن في عجالة وبسرعة رهيبة

انتظروني في رد قادم في اقرب وقت ممكن

تحياتي لكم جميعا وحبي واعتزازي بكم

[manoelmasry]

هو ياجماعه مش المفروض ان احنا هنا بنساعد بعض ولو حد فى ايده حاجه يقولها لتانى انا طلبت منكو مساعده هنا محدش رد عليا وعبرنى حتى اللى رد عليا كان رد مختصر جدا وحبيت اساله تانى مردش عليا وةانا بكرر طلبى تانى وياريت حد يساعدنى انا طالب بس اعرف معلومات عن مركز الطالب فى الكويت ياريت لو حد عند اى معلومه يعرفهالى ويسعدنى ده لو سمحتو يعنى؟

تم تعديل 3 نوفمبر 2010 بواسطة manoelmasry

[الغريب]

هو ياجماعه مش المفروض ان احنا هنا بنساعد بعض ولو حد فى ايده حاجه يقولها لتانى انا طلبت منكو مساعده هنا محدش رد عليا وعبرنى حتى اللى رد عليا كان رد مختصر جدا وحبيت اساله تانى مردش عليا وةانا بكرر طلبى تانى وياريت حد يساعدنى انا طالب بس اعرف معلومات عن مركز الطالب فى الكويت ياريت لو حد عند اى معلومه يعرفهالى ويسعدنى ده لو سمحتو يعنى؟

حبيبي .. أسمك على أسم أعز حد لقلبي وهو أبن أختي مانو

مركز الطالب زي ما قال الأستاذ تامر مصطفى ، هو مركز طباعة وتصوير بالكويت فروعه منتشرة بكل مكان، العمالة به غالبا فلبين وهنود والكاشير بيكون ساعات مصري، المهم أنت توضحلنا أنت جاي أزاي وبعرض كام والكلام ده علشان نساعدك لأن مش مهم أسم المكان اللي أنت جاي عليه المهم باقي العرض، يعني الراتب والأجازة السنوية والكلام ده