المصريين المغتربين بالكويت

[Simba]

المتزجون يمتنعون :closedeyes:

الأخوة العزاب اللي زي حالتي ولسه ما دخلوش دنيا :happy:

ايه خططكم لأول يوم العيد

تم تعديل 7 نوفمبر 2010 بواسطة سمبا

[nour mageb]

ازيكم كلكم اسم اسم

شكرا يا ابو عمار على اهتمامك الحمد لله نتيجه الكشف طلعت و الحمد لله لائق ووديت و رقي السفاره و هاخد التأشيرة يوم الثلاثاء

عايزه اعرفكم على نفسي الاول انا اسمي نور و جوزي بيشتغل فى مدرس فى وزاره التربيه و التعليم بقالو سنه واحده و قبل كده كان بيشتغل مدرب فى الحرس الوطني فى الرياض

انا كنت بحب الرياض اوي يمكن علشان عشت فيها مده معقوله 6 سنيين و كنت مرتبطه بيها و مبسوطه

لما جوزي قرر فجأه انه يسيب الرياض حسيت بضيق و لما راح الكويت بقي يقولي الكويت احسن و انتي هتحبيها

بس فى حاجات شاغله بالي اوي

انا مكنتش بشتغل فى الرياض زي ستاااااااااااااات كتير اوي هناك و الحياه هناك هاديه مش زي الكويت كل زوجات اصحابه بيشتغلو دوام و دوامين ايه الدوامه دي

احنا كان راتب جوزي فى السعوديه زي الفل معيشنا كويس يمكن مش عارفين نحوش كويس بس الحمد لله كنا مرتاحين . فى الكويت لازم انزل اشتغل علشان نعرف نعيش و برضه التحويش هيكون بسيط

انا قلقانه اوي هو خلاص اخد الخطوه و لواني حاسه انه ابتدي يندم عليها

انا بقالي 7 سنين مش بشتغل مش عارفه هعرف انزل شغل و لا هعمل ايه تفتكرو لو اسره براتب واحد ومعاهم طفلين ممكن يعيشو كويس \

على فكره انا مخلصه ماجيستير فى فرع من فروع الاعلام واشتغلت مصممه جرافيك سنين طويله متفتكروش اني كبيره اوي بتاع 32 سنه كده بس انا كنت بحب الشغل و المذاكره بس خلاص بقيت بااارده و اخدت على قاعده البيت و كمان مش عايزه اكون عبئ على جوزي و يحس اانه مش قادر على مصاريفنا

هو قالي انا هدورلك على شغل بس انا مش عايزه اشتغل و مش عايزه اقوله كده هو مش هيجبرني ابدا اني اشتغل بس هو الي هيتعب اوي علشان يكفينا

ادعولي ربنا يصلحلي الحال و انتو كمان

فضفضه كده على الماشي

[Simba]

اهلا بيكي يا نور منورانا :WelEgTks:

هو حكاية ان اسرة تعيش براتب واحدة عيشة كويسة فده علي حسب الراتب وانا في ظني ان اقل راتب لاسرة هنا المفروض ما يقلش عن 600 دينار ومع وجود طفلين ولو في الدراسة يبقي تنسي بند التوفير

قرار انك تشتغلي او لا من الاحسن ان تأجليه لحد ما تيجي هنا وتشوفي جو الكويت والحياة فيها ولو علي النصيحة انا شايف انك لو لقيتي شغل يناسب دراستك ومجزي فليه لأ

[nour mageb]

شكرا يا سمبا علي سرعة تفاعلك ونخدمك فى الافراح

طبعا التربيه والتعاليم رواتبها اقل من كده يمكن 420 تقريبا مش عارفه بالظبط وده اعتقد قليل بالنسبه للمصاريف

انا طبعا سايبه كل حاجه لحد ما اروح الكويت و اشوف الحياة هتبقي عاملة ازاي و مش واخده اي قرارات و هو طبيعي الي ريح 7 سنيين بيبقي الرجوع للشغل صعب

بس كلها حاجات بتدور فى دماغي حبيت اشاركم و تشاركوني فيها

[Simba]

علي مسرح القادسية

مسرحية بيت المرحوم بطلها حسن حسني

الاسعار 10 دينار 7 دينار 5 دينار

للحجز

67701150

وتوصيل التذكرة مجانا لمكان بيتك أو عملك

ان شاء الله رايح لو لقيت لسه فيه اماكن في اول يوم العيد بس المشكلة ان لسه معنديش سيارة

طبعا سهل اني اروح بتاكسي لكن صعب اني الاقي تاكسي وانا راجع

فبسال وبسأل بياس كالعادة :sad:

يا تري حد من الاخوة هنا ناوي يروح المسرحية دي اول ايام العيد وانا متواضع هاقبل اركب اي نوع من السيارات حتي لو كانت فيراري :closedeyes:

[تامر مصطفى]

ايه رأيكم في اغلاق طلب التثبيت؟؟

عموما

انا كنت عارف ان الموضوع ده هيتقفل واللي قرأ بداية المشاركة هيفهم كده

وانا احتكيت بأكثر من موقف بعد بداية تسجيلي

وفي النهاية يجب ان نقتنع ان محاورات المصريين ليست بعيدة عن حياة المصريين

فالحكم فيها لصاحب الراي الأوحد

والمحاباة والواسطة هي الاساس الذي يتعايشه المصريين

لذا فلا يجب الخروج عن تلك الطبيعة

سبق وانسحبت من موقع مصريين في الكويت الذي ترعاه السفارة المصرية بسبب الديكتاتورية والصوت الأوحد وواجهت مدير الموقع بذلك والان اعتبره من أسوأ المواقع

ولكن في المحاورات اصبح لي اصدقاء احترمهم واقدرهم واحبهم

لذا وجودي ودخولي الى المحاورات للاطمئنان عن اصدقائي فقط

مع احتفاظي برأيي الشخصي وانطباعي عن ان التعبير عن رأي يخالف رأي الادارة أمر غير مقبول

[ياسر]

السلام عليكم

الاخت نور,,الشيئ الوحيد الثابت في الدنيا هو التغير, و اكيد جوزك درس الموضوع قبل ما ينقل للكويت, شجعية و اتكلي علي اللة,, البيئة هنا زي السعودية مافيش اختلاف كبير,, الكويت فيها مدنية و تحضر اكتر شوية و المناطق قريبة لبعضها غير السعودية,اعتقد ان الحياة اغلي شوية من السعودية اما راتب المدرس فهو 430 دينار,, و الايجارات بتختلف حسب المنطقةاللي هتسكنوا فيها,, حولي, الفروانية , السالمية اغلي شوية من غيرها,, غرفة و صالة من 150 دينار,, اما اذا سكنتو في مكان زي الفنطاس مثلا فممكن يبقي اقل عشرة عشرين دينار و دة حسب نوع السكن برضة,,

اما التحويش فدة يعتمد اولا و اخيرا علي البركة و ربنل يبارك لكم,, بس فعلا الحياة بقت غالية و التحويش بقي صعب,, بالنسبة لشغلك اتمني تلاقي شغل في مجالك و تاكدي انك هتتعودي اما تنزلي الشغل هي بس صعبة في الاول عشان تغيير عن ما كنتي معتادة علية.

ربنا يصلح لكم الاحوال

[Simba]

ايه رأيكم في اغلاق طلب التثبيت؟؟

عموما

انا كنت عارف ان الموضوع ده هيتقفل واللي قرأ بداية المشاركة هيفهم كده

وانا احتكيت بأكثر من موقف بعد بداية تسجيلي

الاختلاف في الرأي لا يفسد للود القضية

لا يهم الان تثبيت الموضوع ان كانت تري الادارة ذلك المهم الان هو ان مشاركتك وعلي حسب اعتقادي الشخصي قد فهمت خطأ ويجب تنقية الأجواء

والامر كله لا يتعدي ان حادثتهم بالعشم المصري المعروف بفضل انك جزء من هذا الكيان

[HDarwish]

السلام عليكم

حد لسه فاكرني هنا!

[تامر مصطفى]

ايه رأيكم في اغلاق طلب التثبيت؟؟

عموما

انا كنت عارف ان الموضوع ده هيتقفل واللي قرأ بداية المشاركة هيفهم كده

وانا احتكيت بأكثر من موقف بعد بداية تسجيلي

الاختلاف في الرأي لا يفسد للود القضية

لا يهم الان تثبيت الموضوع ان كانت تري الادارة ذلك المهم الان هو ان مشاركتك وعلي حسب اعتقادي الشخصي قد فهمت خطأ ويجب تنقية الأجواء

والامر كله لا يتعدي ان حادثتهم بالعشم المصري المعروف بفضل انك جزء من هذا الكيان

معلش يا اخي سمبا

انا وجودي معاكم هو هدفي ومادام الود معكم متصل فهذا كل ما انتظره من المنتدى

وشكرا لردك الرائع كالعادة

السلام عليكم

حد لسه فاكرني هنا!

انت فين يا راجل؟؟؟

لو رجعت صفحتين تلاته هتلاقينا سالنا عليك وكنا منتظرينك تحكي لنا عن ظروف المعيشة في مصر بعد عودتك النهائية

متقطعش السؤال مرة تانية

اختي نور

اسف تأخرت في الترحيب بيكي

تنوري الكويت

بس هو زوجك مدرس ايه؟

شكله مدرس تربية بدنية

ربنا يوفقكم واهلا بيكم بين اخوانكم واخواتكم

[Simba]

السلام عليكم

حد لسه فاكرني هنا!

:blink:

:P

[الغريب]

منورانا يا أخت نور وربنا يكرمك توكلي على الله وتعالي وأسندي جوزك، ولا تتكلفي أنت ولا هو التفكير في القادم من الآن ، أستقروا شوية في الكويت الأول وشوفوا الأوضاع ومش لازم تشتغلي ربنا هيرزق متقلقيش..

اهلا بيكي يا نور منورانا :WelEgTks:

هو حكاية ان اسرة تعيش براتب واحدة عيشة كويسة فده علي حسب الراتب وانا في ظني ان اقل راتب لاسرة هنا المفروض ما يقلش عن 600 دينار ومع وجود طفلين ولو في الدراسة يبقي تنسي بند التوفير

قرار انك تشتغلي او لا من الاحسن ان تأجليه لحد ما تيجي هنا وتشوفي جو الكويت والحياة فيها ولو علي النصيحة انا شايف انك لو لقيتي شغل يناسب دراستك ومجزي فليه لأ

كتيير كدة يا سيمبا من وجهة نظري عائلة صغيرة معاهم طفل ممكن يعيشوا بـ300 دينا

السلام عليكم

الاخت نور,,الشيئ الوحيد الثابت في الدنيا هو التغير, و اكيد جوزك درس الموضوع قبل ما ينقل للكويت, شجعية و اتكلي علي اللة,, البيئة هنا زي السعودية مافيش اختلاف كبير,, الكويت فيها مدنية و تحضر اكتر شوية و المناطق قريبة لبعضها غير السعودية,اعتقد ان الحياة اغلي شوية من السعودية اما راتب المدرس فهو 430 دينار,, و الايجارات بتختلف حسب المنطقةاللي هتسكنوا فيها,, حولي, الفروانية , السالمية اغلي شوية من غيرها,, غرفة و صالة من 150 دينار,, اما اذا سكنتو في مكان زي الفنطاس مثلا فممكن يبقي اقل عشرة عشرين دينار و دة حسب نوع السكن برضة,,

اما التحويش فدة يعتمد اولا و اخيرا علي البركة و ربنل يبارك لكم,, بس فعلا الحياة بقت غالية و التحويش بقي صعب,, بالنسبة لشغلك اتمني تلاقي شغل في مجالك و تاكدي انك هتتعودي اما تنزلي الشغل هي بس صعبة في الاول عشان تغيير عن ما كنتي معتادة علية.

ربنا يصلح لكم الاحوال

ربنا يفتح عليك يا ياسر هي البركة وتدبير الأمور والتكيف وربنا ييسرلنا جميعا

السلام عليكم

حد لسه فاكرني هنا!

أنت فيييين يا باشا وحشنا كتييييييييير والله عاوزين شوية حكاوي كدة عن الأوضاع، أنا بصراحة في أجازتي الأخيرة شايف مصر كويسة واللي يقرر ينزل مش هيندم، ولا أنت رأيك أيه ؟؟؟ :)

[Simba]

كتيير كدة يا سيمبا من وجهة نظري عائلة صغيرة معاهم طفل ممكن يعيشوا بـ300 دينا

يا غريب يا خويا 300 ازاي بس

يعني اقل ايجار هيكون 150 دينار وطبعا لم يخفي عليك الطفرة اللي حصلت في الاسعار الفترة اللي فاتت

حقيقي كل حاجة في الكويت بقت اغلي من الاول

بعدين معاهم طفل مش مشكلة المشكلة ان يكون في الدراسة وانت طبعا عارف اكتر مني الموضوع ده

[nour mageb]

السلام عليكم

الاخت نور,,الشيئ الوحيد الثابت في الدنيا هو التغير, و اكيد جوزك درس الموضوع قبل ما ينقل للكويت, شجعية و اتكلي علي اللة,, البيئة هنا زي السعودية مافيش اختلاف كبير,, الكويت فيها مدنية و تحضر اكتر شوية و المناطق قريبة لبعضها غير السعودية,اعتقد ان الحياة اغلي شوية من السعودية اما راتب المدرس فهو 430 دينار,, و الايجارات بتختلف حسب المنطقةاللي هتسكنوا فيها,, حولي, الفروانية , السالمية اغلي شوية من غيرها,, غرفة و صالة من 150 دينار,, اما اذا سكنتو في مكان زي الفنطاس مثلا فممكن يبقي اقل عشرة عشرين دينار و دة حسب نوع السكن برضة,,

اما التحويش فدة يعتمد اولا و اخيرا علي البركة و ربنل يبارك لكم,, بس فعلا الحياة بقت غالية و التحويش بقي صعب,, بالنسبة لشغلك اتمني تلاقي شغل في مجالك و تاكدي انك هتتعودي اما تنزلي الشغل هي بس صعبة في الاول عشان تغيير عن ما كنتي معتادة علية.

ربنا يصلح لكم الاحوال

انا متفقه معاك جدا ان دوام الحال من المحال انا بشجعة ديما و مبتكلمش يعني بالرغم اني كنت مرتاحه فى الرياض لما عرض عليا فكره انه يسيب الرياض و يمشي لانه مش مستريح فى شغلة معرضتوش خالص لانه هو الي بيشتغل و هو الي بيحتك بالناس و هو الي ممكن حد يضايقه انا قاعده فى البيت باكل و بخرج و بلبس بس

انا مش عايزه افكر فى بكره و زي ما تيجي وكله خير من ربنا بس يمكن علشان هي خطوه جديده بس هي كلهافى الاخر غربه السعودية غربة والكويت غربة تخيلو حتي فى مصر الواحد حاسس بالغربة

[HDarwish]

انت فين يا راجل؟؟؟

لو رجعت صفحتين تلاته هتلاقينا سالنا عليك وكنا منتظرينك تحكي لنا عن ظروف المعيشة في مصر بعد عودتك النهائية

متقطعش السؤال مرة تانية

:blink:

Posted Image

:P

أنت فيييين يا باشا وحشنا كتييييييييير والله عاوزين شوية حكاوي كدة عن الأوضاع، أنا بصراحة في أجازتي الأخيرة شايف مصر كويسة واللي يقرر ينزل مش هيندم، ولا أنت رأيك أيه ؟؟؟ :)

أستاذ تامر، سمبا، الغريب .. متشكر جدا وما كانشي العشم يا عم تامر .. بئا هي دي آخرتها!

عموما أحب أطمنكم قوي ... أنا رجعت الكويت

والقصة طويلة

وفيه حاجات كتير عايز اخد رأيكم فيها ... طولوا بالكم ومحدش يتعصب علي

تحياتي

[nour mageb]

شكرا يا اخ تامر على الترحيب

هو مدرس تربية موسيقة كان بيدرب الفرقه النحاسية فى الحرس الوطني فى السعودية

هو و التربية البدنيه ولادعم

[تامر مصطفى]

أستاذ تامر، سمبا، الغريب .. متشكر جدا وما كانشي العشم يا عم تامر .. بئا هي دي آخرتها!

عموما أحب أطمنكم قوي ... أنا رجعت الكويت

والقصة طويلة

وفيه حاجات كتير عايز اخد رأيكم فيها ... طولوا بالكم ومحدش يتعصب علي

تحياتي

ايه يا عم حسن هو انا زعلتك في حاجة؟

وبعدين لو دخلت على البروفايل بتاعك هتشوف انا كنت داخل على بياناتك من قريب

واهلا بعودتك للكويت

ومنتظر اسمع القصة منك

وهناجل التعصب شوية لغاية ما نسمع تبريرك

تحياتي يا ريس

[HDarwish]

طيب خلونا في القصة من آخرها علشان محتاج أخد أكشن في أقرب وقت

فيه واحد معروض عليه شوية حاجات ومحتار في الاختيار (بلاش أقول معروضة علي أنا علشان الحسد)

العروض كالتالي :-

1- وظيفة حكومية في الكويت ب 350 دينار - دوامين من 8-1 و 5-8 - إحتمال التعيين ثابت أو بنظام المكافآت اللي هو أجر مقابل عمل

2- وظيفة في شركة محترمة جدا في الكويت طبعا ومن أكبر شركات المقاولات في الكويت ب 300 دينار - دوام واحد 8-5.5 وساعة بريك - التعيين ثابت طبعا وبعض المميزات الجانبية

3- وظيفة في مصر في شركة كويتية في فرعها في مصر براتب صافي 2600 جنيه وبعض المميزات الجانبية والشركة دي هي الشركة اللي كنت شغال فيها قبل ما انزل مصر واللي عارفني كويس أكيد عرف اسم الشركة (وجاري التفوض لجعل صافي الراتب 3000 جنيه بالإضافة إلى سيارة للانتقال من العمل للبيت)

وللحديث بقية وإدلاء بيانات أكثر

[Simba]

وظيفة في مصر في شركة كويتية في فرعها في مصر براتب صافي 2600 جنيه وبعض المميزات الجانبية والشركة دي هي الشركة اللي كنت شغال فيها قبل ما انزل مصر واللي عارفني كويس أكيد عرف اسم الشركة (وجاري التفوض لجعل صافي الراتب 3000 جنيه بالإضافة إلى سيارة للانتقال من العمل للبيت

bv:- bv:-

[HDarwish]

وظيفة في مصر في شركة كويتية في فرعها في مصر براتب صافي 2600 جنيه وبعض المميزات الجانبية والشركة دي هي الشركة اللي كنت شغال فيها قبل ما انزل مصر واللي عارفني كويس أكيد عرف اسم الشركة (وجاري التفوض لجعل صافي الراتب 3000 جنيه بالإضافة إلى سيارة للانتقال من العمل للبيت

bv:- bv:-

نسيت أقولك إن من مميزات الوظيفة دي بونص شهر ونصف على السنة وتأمين على الحياة وتأمين صحي خاص تبع شركة أمريكية إسمها أليكو بتدخل بيه على أي مستشفى خاص تتعالج مجاني وحتى العمليات بتتحملها الشركة مهما كانت التكلفة والمواصلات مجاني بالإضافة إلى كرت بنزين أو بدل تنقلات إذا لم يتوفر وسيلة نقل، إحتمال يكون فيه حاجة كمان بس مش مؤكده لأنها مش مكتوبة في الأوفر إن المشروع اللي هنزل عليه بيعطوا فيه بدل أكل 75 جنيه يومياً.