المصريين المغتربين بالكويت

[الغريب]

على فكرة جميل قوي سوق شرق اللي على الخليج ده .. روحت أمبارح بس متأخر شوية :)

[Simba]

على فكرة جميل قوي سوق شرق اللي على الخليج ده .. روحت أمبارح بس متأخر شوية

يا غريب بك انت جيت ودخلت برجلك اليمين

مش تحدد موقفكانت معانا

ولا مع الناس التانين

هتكون موجود بكرة ان شاء الله ؟؟؟؟

[قلب ابيض]

الاخ الفاضل الاستاذ تامر

جزاك الله خير على سعيك لجمع ولم الشمل

وسمبا الغالى كل الاحترام لشخصك الموقر

وكل الاحترام لجميع الاخوه والاخوات بالديوانيه الغاليه على تفاعلهم وردودهم الحااااره جدا وتلبيتهم لدعوتى المتواضعه انا واخى تامر والاخيره ان شاء الله لتجمعنا

اسأل الله لكم عيدا سعيدا وايام هانئه ....

ارجو من المهتم بالامر مراجعه صندوق البريد الخاص

تحياتى ... :huh:

[Simba]

حبايبنا في الديوانية الغاليين

طبعا لم يخفي عليكم من بداية الموضوع ده وفيه محاولات كتير للم الشمل ونتقابل فيس تو فيس بس كل المحاولات كانت نتيجتها فيس اوف

ما علينا

االمهم حصل تغيير استراتيجي علشان المكان يناسب اكبر عدد من الناس

بكرة الخميس ان شاء الله في شاطئ المسيلة

والناس الجميلة ياريت تحدد موقفها جاية ولا مش جاية انا عن نفسي بعتبرهم من مؤسسي الموضوع ده

غريب بك

ابلة سارة

مدام بوسي

كب كيك

سامح

سندباد

نو نيم

دكتورة اريج

رونا

ابو عمار

اغابي

ابو طبيخ

نور السما

تم تعديل 17 نوفمبر 2010 بواسطة سمبا

[تامر مصطفى]

الاخ الفاضل الاستاذ تامر

جزاك الله خير على سعيك لجمع ولم الشمل

وسمبا الغالى كل الاحترام لشخصك الموقر

وكل الاحترام لجميع الاخوه والاخوات بالديوانيه الغاليه على تفاعلهم وردودهم الحااااره جدا وتلبيتهم لدعوتى المتواضعه انا واخى تامر والاخيره ان شاء الله لتجمعنا

اسأل الله لكم عيدا سعيدا وايام هانئه ....

ارجو من المهتم بالامر مراجعه صندوق البريد الخاص

تحياتى ... :huh:

عفوا يا سيدة القلوب البيضاء

وان شاء الله مش هتبقى الاخيرة

بس احنا نبتديها باسرتين والريس سمبا وان شاء الله الطلعة التانية نزيد واحد وهكذا

عموما المسيلة اقرب ليا بس انا مقلتش عليها من الاول علشان اغلب الرواد هناك من الجنسية الفلبينية الشقيقة

اما العقيلة فهي ملاذ المصريين

بس على رأي واحد حبيبي

البركة في السكان مش مهم المكان

حبايبنا في الديوانية الغاليين

طبعا لم يخفي عليكم من بداية الموضوع ده وفيه محاولات كتير للم الشمل ونتقابل فيس تو فيس بس كل المحاولات كانت نتيجتها فيس اوف

ما علينا

االمهم حصل تغيير استراتيجي علشان المكان يناسب اكبر عدد من الناس

بكرة الخميس ان شاء الله في شاطئ المسيلة

والناس الجميلة ياريت تحدد موقفها جاية ولا مش جاية انا عن نفسي بعتبرهم من مؤسسي الموضوع ده

غريب بك

ابلة سارة

مدام بوسي

كب كيك

سامح

سندباد

نو نيم

دكتورة اريج

رونا

ابو عمار

اغابي

ابو طبيخ

نور السما

اللي سمع اسمه يصف في الدور

رقم تلفوني هو

66038704

علشان اكون ضابط الاتصال على رأي وزارة التربية

انا مش عارف يعني ايه بس هي شكلها حاجة حلوة

ومادام ضابط يعني رتبة واتحكم في الناس وكده

منتظركم

لمعرفة الموقع بالتحديد

http://www.wikimapia.org/#lat=29.267158&lon=48.0890465&z=15&l=0&m=b

شاطئ المسيلة

[HDarwish]

برغم إني ما لقيتش إسمي في اللستة إلا إني جاي .. رزالة بئا

ة

[تامر مصطفى]

برغم إني ما لقيتش إسمي في اللستة إلا إني جاي .. رزالة بئا

ة

طبيعي يا باشا ان المؤسسين اسمهم ميظهرش

لان من غيرهم اللقاء مش هيكتمل

بس ركز في المكان وتنور يا ريس

[Simba]

علي عجالة اليوم كان رائع جدا جدا

واللي مجاش فاته 98 % من عمره .....

مش عارف هيقدر يعيش ازاي تاني بالنسبة المئوية اللي باقية له :blink:

التقرير المفصل بعد شوية او شويتين

[Simba]

تقريري المفصل من وجهة نظري وكل واحد ووجهة نظره بقي

ساعة الصفر كانت رنة من موبايل مسيو تامر مصطفي

ايوة مسيو الراجل شكله اللهم لا حسد جايب خواجاتي وعينيه قططي :)

رديت علي مسيو تامر وعرفت مكانهم وكنت قريب اوي منهم بس تحسبا انهم يرفعوا شعار لا للتدخين smk:

قولت اتفرس في الناس دي من بعيد شوية وادخن سيجارة واخدت نفس عميق رغم ان نفسي مقطوع وقولت اندمج بلاش يحسوا اني جاي من خمسة باب :P وكله ماشي

طبعا الحدث التاريخي اللي هيتحفر في أعماق ذاكرة الأمة

اني قابلت وجه لوجه مدام قلب أبيض انسانة عفوية جدا وبشوشة جدا ماشاء الله تحس انها غلبت الدنيا بابتسامتها

والاستاذ تامر مصطفي من الوهلة الاولي تحس انه شخص مسئول ويعتمد عليه وسعيد جدا اني قابلته

دكتور محمود زوج مدام قلب ابيض باختصار وبالبلدي انسان عشري ومريح

الاستاذ سامح راجل كوول ومحترم ومعاه جاتوه :P

ومن اعماق البحر طلعنا لنا الاستاذ حسن درويش ولحد دلوقتي بعد ما قابلته لسه فاكر انه في مصر

مش عارف لحق يجي امتي :blink: لكن بجد تحس بالطيبة جواه

وطبعا كان شرف لينا حضور اسلام ابن مدام قلب ابيض شاب يبان هادي لكن حاسس انه بيفكر كتير

وبنت مدام قلب ابيض .. عروس المسيلة ... محدش يضرب دي زي بنتي :closedeyes:

الاحداث بدأت بالشوي ولا يفوتني اني اقول ان فكرة الشوي هي فكرة تامر والشواية شوايته

وقفنا وقفة رجالة حوالين الشواية والفحم ولع علشان وقفنا وقفة رجالة والحديث كله حوالين الشواية فحواها الشوي وجودة والفحم وكده

بعد شوية كانت اربع طاولات لأ خمسة علشان الحسد :closedeyes: مفروشين بما لذ وطاب والكثير مما لذ وطاب كان من بيت مدام قلب ابيض

واخد بالك ايها الحالم بالمحشي :P

المهم الكلام كان في حاجات كتير اوي واتجاها كتير اوي

بدأت بالسيارات مع زوج مدام قلب ابيض وبعدها شغل الاستاذ حسن درويش وكلام عن زرع وطماطم وخيار

والعيشة في السعودية

وختمت بالكلام عن الجن والأشباح

خلاص بقي نشوفكم الحلقة الجاية :)

[نور السما]

يا خسارة يا خسارة مفتحتش امبارح النت خالص معلش يا محاورتيه و الله كان نفسي ابقى موجود يا جماعة بالله عليكم فى اللقاءات القادمة لازم تبقى قبلها بثلاثة ايام و تبقى محددة و ثابتة على العموم كل سنة و انتم طيبين و الناس اللى جمعوا ربنا يجمعنا بيكوا على خير و ميحرمكوش من بعض ابدا و لا يحرمكوا مننا و تحياتى الى ماما قلب ابيض و تامر و سمبا و جميع الاعلام فى الموضوع عشان ما انسي حدا

[nour mageb]

كل سنه و انتو طيبين و عقبال التجمع الي جاي و الي بعده و الي بعده ان شاء الله

و اكون معاكم فى التجمع الي جاي بقي

[قلب ابيض]

:)

:)

:)

كلااااااااااااااام كتييييير .....مش عارفه اقول ولا كلمه منه دلوقتى

انتظرونى ...بكره

[HDarwish]

والله مش عارف أقول إيه ولا إيه .. لكن أنا سعيد جداً باللقاء الجميل ده

كنت متردد اروح ولا لأ .. والحمد لله إني قابلت الناس الجميلة دي

إتشرفت جدا بلقاء أبو فرح وأبو شهد وأبو أحمد وأبو إسلام وأم إسلام

بجد حسيت إني أعرف الناس دي من زمان وإنهم مش غٌرب عني وكإني أعرفهم من زمان

يوم جميل جداً وإستمتعب بيه ... رجعتوني للحيرة تاني وشكلي هغير رأيي واستقر هنا في الكويت علشان المجموعة الجميلة دي

للحديث بقية ولن ينتهي مهما تكلمت عنه

تم تعديل 19 نوفمبر 2010 بواسطة HDarwish

[لماضة مصرية جدا]

السلام عليكم و رحمة الله و بركاته

اوعي حد يسالني و يقولي يا بنت يا لماضة يا بتاعت الامارات جاية عندنا بتعملي ايه

بجد....بجد

انا جاية اغش شوية من الروح الحلوة

من الفكرة اللي بتقوي في الغربة

من اللمة اللي نفسي فيها.....و بتوحشني فوق الوصف و نفسي اشوفها عندي في الامارات

بجد

ربنا يوفقكم.....و دايما تتجمعوا علي خير و طاعة و فرحة

مبسوطة بيكم من هنا لغاية عندكم

ينفع بس تسمحولي....اكمل متابعة معاكم...بدل ما انا كنت متشعلقة في اوكرة الباب و عمالة اتصنت عليكم عشان اعرف بتقولوا ايه

قلب ابيض.....صباااااااح حضرتك فتافيت سكر دايبة في فنجان المحبة

اخواتنا في الكويت كلكم

صباااااحكم.....شواية....بنار الحنين للمة العيلة

ربنا يوفقكم

[cup cake]

اهئ اهئ اهئ كان نفسى اكون معاكم بس الظروف يا ريت يا جماعه تكرروها تانى بس المرة الجايه تكون فى العقيله علشان اعرف اجى عالعموم عيد سعيد و يارب تكونوا انبسطوا كلكم بالعيد و ربنا يجعل ايامكم كلها اعياد

[الغريب]

الله يسهلكوا يا عم .. ومتجمعين ديما على الخير

لماضة.. مسموحلك بيوم الجمعة بس وبعد كدة تطلعي وتقفلي الباب وراكي :lol:

[قلب ابيض]

السلام عليكم و رحمة الله و بركاته

اوعي حد يسالني و يقولي يا بنت يا لماضة يا بتاعت الامارات جاية عندنا بتعملي ايه

بجد....بجد

انا جاية اغش شوية من الروح الحلوة

من الفكرة اللي بتقوي في الغربة

من اللمة اللي نفسي فيها.....و بتوحشني فوق الوصف و نفسي اشوفها عندي في الامارات

بجد

ربنا يوفقكم.....و دايما تتجمعوا علي خير و طاعة و فرحة

مبسوطة بيكم من هنا لغاية عندكم

ينفع بس تسمحولي....اكمل متابعة معاكم...بدل ما انا كنت متشعلقة في اوكرة الباب و عمالة اتصنت عليكم عشان اعرف بتقولوا ايه

قلب ابيض.....صباااااااح حضرتك فتافيت سكر دايبة في فنجان المحبة

اخواتنا في الكويت كلكم

صباااااحكم.....شواية....بنار الحنين للمة العيلة

ربنا يوفقكم

طبعا محدش هايسألك بوتيتن يقولك جايه عندنا ليه ؟؟؟ يا لمض انت تزوء الباب كده وتخش عدل من غير لا احم ولا دستور ...وبعدين ايه الفرق بين الامارات والكويت دى فركت كعب ....الكلام ده نقوله لاخوانه البعدا اياهم اللى عارفين نفسهم .

بتوع اسرائيل .. smk:

مرحبا بكل الناس فى ديوانيتنا النتواضعه

تصدقى يا لمضمض اللهمه فعلا كانت مش عارفه لحد الان اوصفها بجد مشاعر حلووووووووووووه بشكل

ان شاء الله تكمل لما نتقابل كلنا من كل المحاورات فى ارض الكنانه واكيد هايحصل فى يوما ما ان شاء الله

وبدل ماتقفى متشعلقه فى اوكره الباب كدهوت ...اتفضلى تعالى معانا ..وكلنا قلوب مفتوحه لكل اللى بيحبونا

وبناءا عليه ومن موقعى هذا اناشد للمره الاخيره بجد بقى

اداره المنتدى رحمه بالاعضاء ودعما لاواصر المحبه بيننا ان تتصرف

ياتوفر لهم الكوله ...يا تصرف لهم شنداوتشات حلاوه بالقشطه

عيد سعيد على كل المحاوراتيه فى كل الدنيا

[خالد شحاته]

ربنا يجمعكم علي الخير ان شاء الله

وكل عام وانتم جميعااااااااااااا بخير

[areeg]

كل سنهوانتو طيبين جميعا معلش يا جماعه انا عيدت في مصر ومعرفش اجي معاكو تتعوض ان شاء الله وشكرا يا سمبا علي الدعوه وعلي تعديدك علينا دايما سابق بالخير وربنا يباركلكو جميعا

علي فكره احنا ذبحنا عجلين في العيد بس مرحناش لجيرنا اللي ذبحوا خروف وقلنالهم ايه ريؤكو في العجلين بتوعنا (الحدق يفهم يا استاذ الكاشف) وده مش عشان خايفين من الحسد ولكن احترام لمشاعر اخوان لنا في الدين والوطن

ام عمرو رحتي فين يا رب تكوني اشتغلتي

[Simba]

وعلي تعديدك علينا دايما سابق بالخير وربنا يباركلكو جميعا

هههههههه

تعديدي ازاي يا دكتورة بس

ده حتي مهنة التعديد انقرضت من زمان ... ملحقتهاش انا غير ان كل اللي بيشتغلوا فيها من نون النسوة وبس

بس كانت مهنة لها احترامها :closedeyes:

عيدك سعيد

تنويه

فرع المحاورات يقبل الفشة والمومبار ولحمة الراس والاكارع smk: