المصريين المغتربين بالكويت

[الغريب]

هو البرد دخل ولا أيه :blink:

تم تعديل 22 نوفمبر 2010 بواسطة الغريب

[Simba]

فاليومين دول فى عروض فى شركات الطيران زى طيران الجزيرة والعربيه وبالنسبه للمصاريف فهتقعدلك فى شقه عذاب هتدفعلك على الاقل 600 جنيه فى الشهر نصيبك من الايجار

واكل وشرب قول 750 كمان على الاقل (دى اقل حاجه هتقدر تصرفها فى الشهر اوعى تفكر انك هتقدر تخنصر منهم)

دى طبعا غير مواصلات الداخليه هنقول اقل مشوار ليك رايح جاى هيبقى فى حدود 50 جنيه التاكسى

سامح بيه

بلاش تتكلم بالباوند المصري 750 جنيه ده مرتب موظف في مصر

عموما ما تقلقش هتاكل ب 35 دينار بس وهتشرب مية مؤقتا

[Simba]

هو البرد دخل ولا أيه

اشمعني :P

[حوريةعين]

اختنا حور العين

بما ان ماما قلب ابيض وتامر وسمبا وقعو على اوراق اعتمادك معانا يبقى مش ناقص غير انى

استلم منك اشتراك العضويه وهو عباره عن كيلو رنجه مدخنه وكيلو فسيخ من عند عبده تلوث اللى فى وسط البلد

اهلا وسهلا بيكى وسطنا فى العيله

انت هنا وسط اهلك واخواتك رغم ان نون النسوه بدات تقوى شوكته علينا يا رجاله smk:

ربنا يكرمك بس صدقني نون النسوة غلابة جمب جبروت الرجالة

الست ضعيفة مهما اظهرت العكس

ومتشكره جدا على الدفء العائلي الجميل ده

والحبيبة قلب ابيض

وتامر وسمبا شكرا على توقيع اوراق اعتمادي

وربنا يتم نعمه عليكم يااااااااااااااااااااارب

[pocy]

صباح الورد والفل والياسمين صباح جميل مفعم بالامل فى بكره صباح مفعم باشراقه ودفء جميل

وحشتونى ايه الرغي ده كله

سمبا اشكرك على ذوقك وكلامك الجميل وان شاء الله المره الجايه هاكون معاكم وكان نفسي حد يجي يخطفنى وزى ما قالت حوريه ان الستات ضعاف والحكم مش ليهم وتمنيت بالفعل انى اكون معاكم وان شاء الله الجايات كتير

تامر بصراحه الواحد مش عارف يشكرك على ايه ولا ايه ربنا يكرمك وييسرلك امورك وبالنسبه للفسيخ احتمال اسافر واجبلكم احلى فسيخ من مصر

ماما قلب اخبارك ايه وفينك وميرسي على الدعوه الجميله وبجد انتى انسانه فوق الوصف بجد وجزاكى الله كل الخير

حوريه يا هلا والف غلا بيكى حبيبتى وسطنا وان شالله دوم موجوده معانا

امل حياتى حمد الله على السلامه ويارب تكونى بالف صحه وسلامه منتظره مشاركاتك بفارغ الصبر

سامح مجدى والله اانا يشرفنى انى اكون زى اختك بجد وبالنسبه للوقت اللى غبته فهو بسبب ظروف البيت والعزومات والخروجات فى العيد لانها فرصتى الوحيده للخروج بعد كده مليش غير البيت والمحاورات وانتم اكيد وربنا يديم المحبه ان شاء الله

اخى الكبير حسن درويش اخبارك ايه يارب تكون بخير حال واتمنى ان ربنا يوفقك لما يحبه ويرضاه

اخى مارررررررررررروووووووووووووو اين انت وكل سنه وانت طيب وبخير يارب ودايما صاحب واجب معلش انشغلت شويه الفتره اللى فاتت بس الان انا فضيت والحمد لله ويار بتكون بخير انت والاسره الكريمه

رونا وكب كيك وام جنه وحشتونى وفينكم وفين مشاركاتكم كان نفسي اعرف رقمك يا كب علشان اقابلك فى العجيله واشوف لؤي اللى اكيد زى العسل بس للاسف مش معايا الرقم وانا بعتلك رقمى علشان لو جيت وعرفتى انى موجوده تبقي تكلمينى

الغريب درجه الحراره بقالها كام يوم بتترواح بين 7 الى 8 والكلام ده السااعه 6 الصبح فاكيد الجو برد بس بيبقي خرافه على الساعه 9 وبحب اخر بالعيال في الوقت ده

سندباد حمد الله على السلامه وعودا احمد والاجازه فى مصر يارب تكون بخير وعقبال ما انزل مصر انا كملت سنه من اخر نزول لى ومشتاقه جدا انى انزل علشان اشوف الاهل واكسر الروتين وتدب الحياه فى مره تانيه

اخباركم ايه جميعا يارب تكونوا جميعا بكل خير

تم تعديل 23 نوفمبر 2010 بواسطة pocy

[sindbad]

صباح الفل عليكم جميعا

اهلا اخت بوسي

مصر جميله جدا والاجازة كانت زي الحلم الجميل :happy: بس بسرعه قوي خلصت

انا فوجئت باسعار الاجهزة في مصر واللي تقل عن هنا ب 30% تقريبا!!!!

بصراحه الواحد بطل يشتري اجهزة من هنا او ملابس يمكن بطاطين بس :happy:

[sindbad]

عايز اقول كمان ان اقهوة في مصر سيئه جدا حتى في الفنادق الخمس نجوم

انا كنت مأمن نفسي من عند العميد

بس فيه بن البدوي برضه رائع .. بصراحة الواحد مدمن قهوه ودي مشكله في مصر لان معظم البن مخلوط بسوداني محروق :protest:

[الغريب]

صباح الفل عليكم جميعا

اهلا اخت بوسي

مصر جميله جدا والاجازة كانت زي الحلم الجميل :happy: بس بسرعه قوي خلصت

انا فوجئت باسعار الاجهزة في مصر واللي تقل عن هنا ب 30% تقريبا!!!!

بصراحه الواحد بطل يشتري اجهزة من هنا او ملابس يمكن بطاطين بس :happy:

ربنا يجعل أيامك كلها سعادة

أسعار الأجهزة في مصر أفضل من هنا حتى اللابتوبات أرخص بـ 25% على الأقل وده كلام مؤكد ، ومحدش يقول الجودة هنا أفضل، الكلام ده كان زمااااان

الملابس في مصر أذوق وأفضل وأرخص وكذلك الأحذية

بصراحة هنا حلو من وجهة نظري في :

1-ملابس البيت للرجال، والجواكت فقط بالنسبة للخروج.

2-ملابس الأطفال بيت وخروج.

3-البطاطين.

4-ملابس النساء معرفش :closedeyes:

5-في حاجات بسيطة أنا تأكدت أنها هنا أفضل زي ما حضرتك زكرت القهوة، والتانج، والشيكولاتة.

ليا عودة مع وجهة نظري في الحاجات المصرية اللي لازم تجيبها معاك ومتنفعش من هنا ..

[HDarwish]

عايز اقول كمان ان اقهوة في مصر سيئه جدا حتى في الفنادق الخمس نجوم

انا كنت مأمن نفسي من عند العميد

بس فيه بن البدوي برضه رائع .. بصراحة الواحد مدمن قهوه ودي مشكله في مصر لان معظم البن مخلوط بسوداني محروق :protest:

فيه بن محسن في مصر بصراحة بن ممتاز برغم إني بدأت أتعود على بن العميد هنا وخاصة القهوة العربي

اخى الكبير حسن درويش اخبارك ايه يارب تكون بخير حال واتمنى ان ربنا يوفقك لما يحبه ويرضاه

تامر، سمبا، قلب أبيض، سامح ... حد يقول لأم عمر حاجة والنبي يا جماعة أصل كده بتحرجني والله ..

عارفين أنا بفكر أسيبها على عماها كده وأخليها ما تشوفنيش وتفضل فاكرة إن أنا الأخ الأكبر فعلاً

يا أم عمر أنا اصغر واحد في المجموعة هنا .. وعامة خليها اخي الأكبر مش مشكلة، من منطلق يعني إنكم دايما ما بتحبوش تكبروا نفسكم

يا داهية (الوش الفلاحي على اصوله) لا أكون أكبر بجد ...

عموماً ... شكرا على السؤال والدعوة الجميلة .. سلامي لعمر

بس صدقني نون النسوة غلابة جمب جبروت الرجالة

جبروت إيه يا أبلة حورية .. لا مؤاخذة على الداخلة الجامدة دي بس الكلام ينرفز بصراحة

ده إنتم عليكوا حاجات .. آه منكم إنتم آه يا نون النسوة .. غلابة إيه بس ..

مقولة معروفة بين الرجال وهي " إن اللي يقول أنا فاهم الستات كويس يبئا ما بيفهمش حاجة"

تحياتي، وإوعى حد يزعل إحنا بنهزر.

فاليومين دول فى عروض فى شركات الطيران زى طيران الجزيرة والعربيه وبالنسبه للمصاريف فهتقعدلك فى شقه عذاب هتدفعلك على الاقل 600 جنيه فى الشهر نصيبك من الايجار

واكل وشرب قول 750 كمان على الاقل (دى اقل حاجه هتقدر تصرفها فى الشهر اوعى تفكر انك هتقدر تخنصر منهم)

دى طبعا غير مواصلات الداخليه هنقول اقل مشوار ليك رايح جاى هيبقى فى حدود 50 جنيه التاكسى

سامح بيه

بلاش تتكلم بالباوند المصري 750 جنيه ده مرتب موظف في مصر

عموما ما تقلقش هتاكل ب 35 دينار بس وهتشرب مية مؤقتا

يا حبايبي هي المياية لا يمكن تقل بس ممكن تزيد ..

وآه صحيح ،،،

الأخ ميتنوس ،، نصيحتي لك تعالى وما تقلقش شغلك مطلوب هنا بكثرة

ده إنت يا دوب لو نزلت شارع تونس في حولي أو حتى شارع المثنى ومريت على مكاتب الطباعة والترجمة هتحصلك شغل ممتاز وممكن كمان تشتغل حر وده افضل لك،، ولو جاي قريب كلمني عالخاص يمكن يكون فيه شغل بنا كويس ولو محصلش نصيب بنا فيه ناس اعرفهم كانوا محتاجين مترجم بأي طريقة مش عارف لسه محتاجين ولا لأ ، المهم خلينا على اتصال وإن شاء الله خير ،، ربنا يوفقك

[cup cake]

انا جيت نورت البيت وحشتونى اخباركم ايه تمام الحمد لله انا كمان تمام الدنيا بقت برد مش كده

بسبوسه بوسى حبيبه قلبى وحشتينى وايد وايد وايد اخبارك ايه و اخبار عمورى حبيبى ايه يا رب تكونوا انبسطوا فى العيد و بعدين مش تزمرى و تقولى انك هتروحى العقيله كنت جبت الواد و جيت يلا خيرها فى غيرها

امل حياتى انتى وين يا عمرى ولهنا عليك وايد ماتيجى بقى ونورى المحاورات تانى و احكيلنا عملتى ايه فى مصر يا رب تكونى قضيتى عيد لذيذ

ماما قلب ابيض i love u y بيكوز انتى حبوبه جدا و نفسى نبقى اصحاب و اخوات

الاستاذ تامر و الغريب و سمبا ومارو و الاستاذ درويش و سامح و رونا وابو طبيخ (قريبي)و الكل يا رب تكونوا بخير bv:-

حوريه اهلا بيكى نورتينا و الله ايه الاسم الحلو ده

فاصل و نواصل

[sindbad]

صباح الفل عليكم جميعا

اهلا اخت بوسي

مصر جميله جدا والاجازة كانت زي الحلم الجميل :happy: بس بسرعه قوي خلصت

انا فوجئت باسعار الاجهزة في مصر واللي تقل عن هنا ب 30% تقريبا!!!!

بصراحه الواحد بطل يشتري اجهزة من هنا او ملابس يمكن بطاطين بس :happy:

ربنا يجعل أيامك كلها سعادة

أسعار الأجهزة في مصر أفضل من هنا حتى اللابتوبات أرخص بـ 25% على الأقل وده كلام مؤكد ، ومحدش يقول الجودة هنا أفضل، الكلام ده كان زمااااان

الملابس في مصر أذوق وأفضل وأرخص وكذلك الأحذية

بصراحة هنا حلو من وجهة نظري في :

1-ملابس البيت للرجال، والجواكت فقط بالنسبة للخروج.

2-ملابس الأطفال بيت وخروج.

3-البطاطين.

4-ملابس النساء معرفش :closedeyes:

5-في حاجات بسيطة أنا تأكدت أنها هنا أفضل زي ما حضرتك زكرت القهوة، والتانج، والشيكولاتة.

ليا عودة مع وجهة نظري في الحاجات المصرية اللي لازم تجيبها معاك ومتنفعش من هنا ..

تمام ياباشا

الشتوي هنا رخيص عن مصر والبطاطين برضه

ملابس الحريم هنا مشكله مفيش غير عبايات والموضات الجديده الممنوعه على حريمنا طبعا :closedeyes:

الاطفال ملابسهم نفس الاسعار

التليفزيونات ال سي دي ارخص بكتير في مصر واللاب توب فعلا والموبايلات كمان :unsure:

[Simba]

احب اقول للعسس والبصاصين من مغتربي الامارات والسعودية

موضوعنا موضع موضعكم

يقدر موضوعكم يموضع موضوعنا

زي ما موضوعنا موضع كل المواضيع :P

[قلب ابيض]

احب اقول للعسس والبصاصين من مغتربي الامارات والسعودية

موضوعنا موضع موضعكم

يقدر موضوعكم يموضع موضوعنا

زي ما موضوعنا موضع كل المواضيع :P

ياشرررررررررررررير يا سمبا smk: ;)

[saramath]

سلام عليكم

ازيكم اجمعين

حلو موضوع الحاجات الافضل فى الكويت والحاجات الافضل من مصر

ال افتقدته فى الحاجات ال من مصر هي اللب والناس

طيب اللب ممكن يتعوض

بس الناس دي صعبه جداا

تحية للشعب الكويت

والحاجات ال تلاقيها فى الكويت ومش تلاقيها فى مصر هي الدينارات

والأوكازيونات بصورة عامة على كل شىء

[sindbad]

متفكرونيش باللب

جبت معايا تحبيشه لب وحطيت ششويه في السيارة الواحد صحبي ونسيت الزجاج مفتوح بالليل

الصبح كل حاجه في السيارة زي ماهي ماعدا

اللب

:protest:

[Simba]

طيب اللب ممكن يتعوض

بس الناس دي صعبه جداا

مش صعب اوي يا سارة

لو كنتي جيتي معانا المسيلة كنتي هتلاقي اللمة المصرية الحلوة والعفوية

تم تعديل 23 نوفمبر 2010 بواسطة سمبا

[أمل حياتي]

مساء الخير او صباح الخير على كل مغتربي الكويت

وكل سنه وانتم والأهل طيبيين وبخير وصحه جيده

اشكر كل من سال عني خلال فترة غيابي بالإسكندريه

وخسارة ان فاتتني اللمه الحلوه بتاعتكم فعلا خساره كبيره

بس تتعوض بإذن الله

تم تعديل 23 نوفمبر 2010 بواسطة أمل حياتي

[أمل حياتي]

الجو الأيام دي رهيب فعلا في الكويت كفايه ان الواحد يفتح الشبابيك

وينام على لسعة برد خفيفه وجميله مفيش احلى من هوا ربنا

طبعا احنا عندنا عقدة نقص في الكويت عشان البرد ده حبيبنا من كتر ما بنشوف الحر

وانا اعتقد لولا الجو الكويت تبقى احلى مكان

اما الإسكندريه فانا استغربت في السفريه دي ان الجو معتدل واقل بروده من عندنا لاني توقعت فيه برد اكتر

بس لاحظت كمان مفيش زحمه في المدينه كالمعتاد مع اني العيد نفسه السنه اللي فاتت كنت هناك وكانت زحمه شديده

وطبعا نزلنا احنا اربع طيارات مع بعض في برج العرب وكانت فوضى شديده جدا وخنقه ومفيش تنظيم

ولا عارفين يعملوا ايه وستات خلط على رجاله في طابور المطار والوقت ضاع فيه قعدنا حوالي ساعتين بس

عشان نخرج من الجوازات طبعا هلكانين من الوقفه مش من السفر نفسه

وعش رجبا ترى عجبا يعني وصلنا وهمه مش عارفين ينظموا حاجه طيب عايزين السياح ييجوا ازاي على الحال ده

كان معانا طياره كلها اتراك والكل كان بيتذمر من كل الجنسيات من الفوضى

والحمدلله على كل حال

تم تعديل 23 نوفمبر 2010 بواسطة أمل حياتي

[حوريةعين]

الجو الأيام دي رهيب فعلا في الكويت كفايه ان الواحد يفتح الشبابيك

وينام على لسعة برد خفيفه وجميله مفيش احلى من هوا ربنا

طبعا احنا عندنا عقدة نقص في الكويت عشان البرد ده حبيبنا من كتر ما بنشوف الحر

وانا اعتقد لولا الجو الكويت تبقى احلى مكان

اما الإسكندريه فانا استغربت في السفريه دي ان الجو معتدل واقل بروده من عندنا لاني توقعت فيه برد اكتر

بس لاحظت كمان مفيش زحمه في المدينه كالمعتاد مع اني العيد نفسه السنه اللي فاتت كنت هناك وكانت زحمه شديده

وطبعا نزلنا احنا اربع طيارات مع بعض في برج العرب وكانت فوضى شديده جدا وخنقه ومفيش تنظيم

ولا عارفين يعملوا ايه وستات خلط على رجاله في طابور المطار والوقت ضاع فيه قعدنا حوالي ساعتين بس

عشان نخرج من الجوازات طبعا هلكانين من الوقفه مش من السفر نفسه

وعش رجبا ترى عجبا يعني وصلنا وهمه مش عارفين ينظموا حاجه طيب عايزين السياح ييجوا ازاي على الحال ده

كان معانا طياره كلها اتراك والكل كان بيتذمر من كل الجنسيات من الفوضى

والحمدلله على كل حال

كل سنة وانت طيبة

فعلا الجو رائع الايام دي وبحس انها نعمة كبيرة من رب العالمين

لان فعلا الجو لما بيكون حلو المزاج كمان بيكون حلو

الحمد لله رب العالمين

ودايما بفتكر كلمة واحد من الصالحين بمعنى :

الشتاء جنة المسلم نهاره قصير فيصومه وليله طويل فيقيمه

بس المشكلة اني خايبة قوي في الصوم

من ادمان القهوة والنسكافية ربنا يتوب عليا منها

وانا مش عارفة انت مصرية ولا كويتية بس كلامك مصري خالص

عامة اسكندرية نورت بيك

ومعلشي على قلت النظام الله يهدينا جميعا

بحس ان احنا محتاجين نتعود عليه في كل حياتنا من اول ما نصحى من النوم لغاية لما ننام

بجد الشعوب العربية مفتقده النظام ومش متربية عليه

الله المستعان

وكل سنه وانت طيبة ودمتي بصحة وعافية ومزاج حلو

[noname]

فى محيط الأسرة و الأسر التى أعرفها تقفز على السطح مشكلة زواج البنات أو الأولاد رغم كثرة من هم فى سن الزواج من الجنسين ، و ظهرت أنماط جديدة ممن يحترفون مهمة البحث عن شريك أو شريكة الحياة عن هذه الإشكالية دعونا نتحاور ...

ما سبق كان إستهلالا لابد منه

منذ ما يقرب من ثمان سنوات حكت لى زوجة صديقى عن سيدة مجتمع راقية تحترف - أو ربما تهوى - القيام بدور الخاطبة و قالت لى زوجة صديقى أن المطلوب منها أن تدعوها لتناول الشاى فى بيتها و ترى الفتاة المطلوب البحث عن شريك العمر لها ... ثم تقوم الأم بدس مظروف به ثلاثة آلاف جنيه فى يدها - يد الخاطبة - ..... إلخ و لم توافق زوجة صديقى أو ربما وافقت و شعرت بالحرج من ذلك.

و فى الصحف و المجلات و جريدة الوسيط الكثير من الإعلانات لمكاتب الزواج التى تقول أن تقوم بعملية ال match making بمنتهى الجدية و الحرفية.

و قد تلقينا هنا فى محاورات المصريين طلبات عديدة للمساعدة فى الوصول إلى شريك العمر و إعتذرنا لأنها مهمة صعبة و تحتاج إلى ضوابط و إمكانيات ليس فى مقدورنا التصدى لها.

أعرف فى الريف تكاد لا توجد تلك الإشكالية و أظن أيضا - مجرد ظن - أن الإخوة المسيحيين لا يعانون من هذه المشكلة بنفس القدر الذى يعانيه المسلمين لأن عند المسيجيين يوجد مفهوم "أبناء معمودية واحدة" كما جاء فى فيلم "بحب السيما" و ليصحح لى معلوماتى أحد الأعضاء المسيحيين.

العمل فى الخارج ربما ساهم بكثرة فى تفاقم المشكلة

هل تغالى البنات فى طلباتهن ؟ هل المشكلة من البنات أم الأولاد ؟ أم الأهل؟ ( من طرح أ / عادل ابو زيد )

السلام عليكم

احببت ان اناقش معكم هذا الموضوع لانى مش قادر اوصل لحل منطقى وهاقولكم على تجاربى فى الموضوع دة

بس الاول احب ان تدلوا بدلائكم فربما اجد اجابة تغينى عناء البحث عن الاسباب

تم تعديل 24 نوفمبر 2010 بواسطة noname