المصريين المغتربين بالكويت

[الغريب]

السلام عليكم

احببت ان اناقش معكم هذا الموضوع لانى مش قادر اوصل لحل منطقى وهاقولكم على تجاربى فى الموضوع دة

بس الاول احب ان تدلوا بدلائكم فربما اجد اجابة تغينى عناء البحث عن الاسباب

الموضوع ده من رأيي أنه كبير على التوبيك هنا ، وأتناقش بشكل أوسع في المحاورات أكثر من مرة

من رأيي لو عندك نقطة معينة بالنسبة ليك في الموضوع ده ممكن تقولها هنا، والناس أصحاب الخبرة في المواضيع دي ممكن يبدوا أرئهم فيها، ولكن موضوع الفاضل/عادل ابوزيد أكبر من أن تحتويه أرائنا في هذا التوبيك

تحياتي

[elkashif]

صبــــــــــاح الفــــــــل

على كل الناس

أنا دلوقتي لبست وفطرت وقاعد بشرب الكافيه

ورايح أخد قرار مهم

رايح أعمل حفظ للوظيفة بتاعتي رغم صعوبة الإجراءات بس كل حاجة في مصر بتمشي .... قانوني جدا

وان شاء الله أكون في الكويت قبل مطلع السنة الجديدة

ويا رب يجمعنا ديما على خير

ويوم جميل ان شاء الله

..........................

ونداء أول للتهييس

بعد انتخابات الرئاسة القادمة

سيتحدث مبارك قائلا :

أشكر الذين قالوا نعم لمبارك

وأشكر الذين قالوا لا

وأخص بالشكر أما نعمية لأنها قالت ( نعميــــن )

صباح الورد عليكم جميعا

تم تعديل 24 نوفمبر 2010 بواسطة elkashif

[pocy]

صباح جميل مشرق عليكم جميعا

هلا ام على وحمد الله على السلامه هى المشكله فى مطار برج العرب صغير جدا على استيعاب الرحلات وفى ضغط عليه والمشكله مشكله تنظيم عدد الرحلات اللى يقدر يستوعبها المطار ده بس نقول ايه بقي

وبالنسبه للهدوء فى العيد ده يمكن بسبب الجو او بسبب ان الدراسه بدأت فالخروجات بتقل والله اعلم

نيو نيم موضوع الزواج فعلا ده اكبر من انه يناقش هنا وممكن تفرد له موضوع لوحده وهتلاقي مشاركاين بعدد شعر عموره لحسن يكون عدد شعر رأسك قليل ولا حاجه هههههههههههههه بهزر اوعى تزعل

الكاشف ضحكتنى جدا بنعمين دى وان شاء الله نقولك الف حمد الله على السلامه واهلا بيك وسطنا

وبم انكم اخوانى واخواتى ودايما بتفكروا معايا فانا بجد مش قادره اخد قرار فى الموضوع ده وعايزه اخد رايكم فيه مع انى عارفه ومتاكده انى انا بس اللى اقدر اقرر بس كلامكم هيفيدنى اكيد

انا عايزه اسافر جدا لانى كملت سنه وبصراحه مش قادره اقرر اسافر مع زوجى ولا قبله باسبوع زى كل سنه بس المشكله انه لما بيبقي موجود لوحده بيبقي تعبان ومكتئب وببقي قلقانه عليه لانه سبحان الله انا اسافر من هنا وبعدها بالكتير يومين تلاته والاقيه عامل حادثه السنه اللى فاتت الحادثه كانت قويه بس الحمد لله انها مش ناحيته ناحيه الباب اللى انا بقعد فيه وخايفه اروح قبله باسبوع علشان اقعد مع اهلى شويه قبل ما يجي بس ارجع تانى واقول لالالا انزل معاه احسن علشان قلقانه عليه لوحده ومش عارفه اعمل ايه خايفه اسافر ويجيلي احساس بالذنب انى سايباه لوحده واهلى وحشنى جداوانا محتاجه اغير جو ومش عارفه اخد قرار :closedeyes:

[الغريب]

انا عايزه اسافر جدا لانى كملت سنه وبصراحه مش قادره اقرر اسافر مع زوجى ولا قبله باسبوع زى كل سنه بس المشكله انه لما بيبقي موجود لوحده بيبقي تعبان ومكتئب وببقي قلقانه عليه لانه سبحان الله انا اسافر من هنا وبعدها بالكتير يومين تلاته والاقيه عامل حادثه السنه اللى فاتت الحادثه كانت قويه بس الحمد لله انها مش ناحيته ناحيه الباب اللى انا بقعد فيه وخايفه اروح قبله باسبوع علشان اقعد مع اهلى شويه قبل ما يجي بس ارجع تانى واقول لالالا انزل معاه احسن علشان قلقانه عليه لوحده ومش عارفه اعمل ايه خايفه اسافر ويجيلي احساس بالذنب انى سايباه لوحده واهلى وحشنى جداوانا محتاجه اغير جو ومش عارفه اخد قرار :closedeyes:

سافري معاه يا أم عمر

أنا كنت بفكر في كدة لزوجتي أنها تسافر قبلي بس لاقيت الموضوع ميستهلش، وعلشان أجنبها تعب السفر لوحدها وقلقي عليهم ، وكلها محصلة بعضها

تقضي أجازة سعيدة وترجعي بألف سلامة

[قلب ابيض]

صباح الخيرات على كل المحاورات

صباح البروفين والفولتارين والديسك اللعين ...ادعولى يا جماعه الله يبارك لكم

اما بعد...

عودا حميدا يا امل حياتى

..وكل رحله وانت طيبه

وموضوع برجله مطار برج العرب دى مش جديده ..انا مااتعاملتش معاه خالص بس عن السمع بس وتجربه زوجى فيه اعقب

المهم انتى مش اتبسطتى وريحتى وغيرتى جو الشغل والروتين ...خلاص ...حمدلله عالسلامه

بسبس

...ضحكتينى والله ...مشكله كل اجازه لك ..افتح الشباك ولا اقفل الشباك؟؟؟؟

ولا بحبك ولا قادر على بعدك...

:blink: زى ما قالك ابوغريب ...رجللك على رجله بلا تعب اعصاب ووجع قلب ...انا عن نفسى بنزل قبله بشهر ومحدش يسالنى ليه

الكاشف

...صباح القرارات المصيريه ..والانجازات اللى هى

اما نعيمه دى قديمه اوووى بنسمعها من ايام بابا انور رحمه الله ...هات الجديد بقى وانت جاى معاك ...بس عالخاص خللى المنتدى مجمعنا مش عاوزين طرد الله يكرمك

توصل بالسلامه عشان نحتفل 2011 كلنا سوا ان شاء الله

نونيم.....اطمن يا ابنى هاتتجوز والله ان شاء الله

بس زى ماقالوا اللى سبقونى بالرد الموضوع اتناقش كتير اوى فى المنتدى انا شخصيا عملت موضوعين عنه ..وخلاصه القول زى ما قالك غريب حدد النقطه اللى انت بتفكر فيها او محتار لها ونحن لها بعون الله

موضوع الزواج من المنتدى ده لسه قرياه امبارح من الارشيف ..اللى كاتبه فلان بن علان ..ياريت تشوفه

الحديث هايطول ونور زمانه جاى من المدرسه

هاسيبكم على وعد بلقاء قريب جداااااااا

اوعوا تمشوا :wub:

[noname]

السلام عليكم

ممكن اعرف لية الرد العنيف دة ؟؟

والله مش قصدى مجرد النقاش بس عاوز اعرف لية الاهل يفضلوا يدللوا على بنتهم ولما الزبون يصدق ويطب يسنوا اسنانهم وهاتك يا طلبات

وقال اية دى بنتنا الخطاب كانوا واقفين طوابير واخترناك انت وتبدا النهاية .. يعنى العريس يهرب والبنت تبووووووووووووووووووووووور

وشكرا يا عزوبية ؟؟؟

( معلش يا جماعة لانى محروق منهم اوى )

كدة ياغريب ياخويا تفتح على باب مش عارف اقفلة خصوصا ماما قلب ابيض وبوسى

عموما انا شايلكم للتقيلة اللى قربت تحصل .. ادعولى

( اخويا تامر ولى امرى دورك قرب )

تم تعديل 24 نوفمبر 2010 بواسطة noname

[samehmagdy]

ام على

الف حمد الله على السلامه مصر نورت بيكى والكويت رجعت نورت تانى لما رجعتى

معلش انا عارف مطارات اسكندريه عامله ازاى هى فعلا تعتبر من اسواء المطارات اللى شفتها فى حياتى

وهى تقريبا تقدر تقولى عنها محطه باص مش مطار فمعلش حاولى تنسى الساعتين بتوع المطار دول من الزاكره خالص

ماما قلب ابيض

الف سلامه عليكى

مفكرتيش قبل كده فى الحجامه مذهله بكل معنى الكلمه انا شخصيا عملتها مرتين منها واحده فى دماغى bv:-

ام عمر

سافرى قبل جوزك متخفيش عليه اكيد برضه بيبقى نفسك تقعدى مع اهلك شويه برحتك قبل ما يجى هو وتبقى مرتبطه بيه وبتحركاته

وبعدين اكيد الاسبوع دى هيخليكو توحشو بعض اكتر :wub:

بس اهم حاجه تعمليله اكل كفايه الاسبوع علشان ميبقاش لايص وانتى مش موجوده

الكاشف

ربنا يوفقك لما فيه الخير يارب وتيجى بالسلامه ويكون قرارك قرار صائب

ومن ناحيه ان كل حاجه بتمشى فى مصر... وقانونى فاسال مجرب يا واسطه يا فلوس

وتحيا مصر يا عم

سمبا باشا

قصدك ايه بموضوعنا اللى موضع موضعكم ;) smk:

[noname]

بعد انتخابات الرئاسة القادمة

سيتحدث مبارك قائلا :

أشكر الذين قالوا نعم لمبارك

وأشكر الذين قالوا لا

وأخص بالشكر أما نعمية لأنها قالت ( نعميــــن )

كدة رحنا فى ستين داهية انت عارف مين نعيمة دى

الله يريحنا من ابنها وانجالة ومن كل اللى يقولة نعم

[noname]

ماما قلب ابيض

الف سلامه عليكى

مفكرتيش قبل كده فى الحجامه مذهله بكل معنى الكلمه انا شخصيا عملتها مرتين منها واحده فى دماغى bv:-

الحجامة مبتنفعش فى الغضروف يعنى ممكن تخفف الام بس لكن فوايدها كتير وانا عندى بحث كامل فى الحجامة

وكفاية انها سنة نبوية .. انا يوم الوقفة عملتها وريحتنى اوى نفسيا وعضويا .. الاهم من الحجامة هو نية التأسى بالرسول والشفاء من عند الله

بدعيلك ساعة المغربية ان شاء الله والف سلامة عليكى

[Simba]

اما الإسكندريه فانا استغربت في السفريه دي ان الجو معتدل واقل بروده من عندنا لاني توقعت فيه برد اكتر

بس لاحظت كمان مفيش زحمه في المدينه كالمعتاد مع اني العيد نفسه السنه اللي فاتت كنت هناك وكانت زحمه شديده

وطبعا نزلنا احنا اربع طيارات مع بعض في برج العرب وكانت فوضى شديده جدا وخنقه ومفيش تنظيم

ولا عارفين يعملوا ايه وستات خلط على رجاله في طابور المطار والوقت ضاع فيه قعدنا حوالي ساعتين بس

عشان نخرج من الجوازات طبعا هلكانين من الوقفه مش من السفر نفسه

وعش رجبا ترى عجبا

الاسكندرية المحروسة نورت واتشرفت بزيارة حضرتك :)

بس ربكة المطار فأغلب الظن ان اي زحام في الدنيا بيعمل ربكة وصعب تنظيمه خصوصا ان كانت عدد الظباط اللي بتختم الجوازات قليل يعني مطار 3 وده تقريبا بقي وجهة اغلب المسافرين مستحيل يكون فيه الربكة دي اتمني ان حضرتك تشوفيه ان كنت لسه ما شفتهوش هيعجبك جدا

كمان ما اظن ان بيكون في اي مطار طابور للرجال وطابور للنساء

ومش عارف ليه اتكررت معايا اكتر من مرة تكون قدامي عروسة جاية لعريسها

ياما نفسي بقي اروح اجيب عروستي من المطار :wub:

مسيو تامر مش هتروح تجيب انت كمان ;)

اما الاتراك فانا اسمع انهم عصبين جدا بطبعهم والله اعلم

المهم الف الف الف حمد لله علي سلامتك ويارب ما تتكرر الربكة دي تاني وتكون كل سفرياتك احسن من دي :)

تم تعديل 24 نوفمبر 2010 بواسطة سمبا

[Simba]

الموضوع ده من رأيي أنه كبير على التوبيك هنا ، وأتناقش بشكل أوسع في المحاورات أكثر من مرة

من رأيي لو عندك نقطة معينة بالنسبة ليك في الموضوع ده ممكن تقولها هنا، والناس أصحاب الخبرة في المواضيع دي ممكن يبدوا أرئهم فيها، ولكن موضوع الفاضل/عادل ابوزيد أكبر من أن تحتويه أرائنا في هذا التوبيك

تحياتي

لا فض فوك تامر بك bv:-

[Simba]

انا عايزه اسافر جدا لانى كملت سنه وبصراحه مش قادره اقرر اسافر مع زوجى ولا قبله باسبوع زى كل سنه بس المشكله انه لما بيبقي موجود لوحده بيبقي تعبان ومكتئب وببقي قلقانه عليه لانه سبحان الله انا اسافر من هنا وبعدها بالكتير يومين تلاته والاقيه عامل حادثه السنه اللى فاتت الحادثه كانت قويه بس الحمد لله انها مش ناحيته ناحيه الباب اللى انا بقعد فيه وخايفه اروح قبله باسبوع علشان اقعد مع اهلى شويه قبل ما يجي بس ارجع تانى واقول لالالا انزل معاه احسن علشان قلقانه عليه لوحده ومش عارفه اعمل ايه خايفه اسافر ويجيلي احساس بالذنب انى سايباه لوحده واهلى وحشنى جداوانا محتاجه اغير جو ومش عارفه اخد قرار

مدام بوسي

نزار قباني قال ايه بقي الظروف اللي زي دي قال

إني عشقتك .. واتخـذت قـراري

فلمن أقـدم يـا تـرى أعـذاري

لا سلطة في الحب .. تعلو سلطتـي

فالرأي رأيي .. والخيـار خيـاري

هذي أحاسيسي .. فلا تتدخلـي

أرجوك ، بين البحـر والبحـار

فيبقي خلاص بدل ما تقعدي سبوع بحاله قلقانة ومش عارفة تتمتعي باجازتك استني وانزلي معاه وتعالي معاه

تم تعديل 24 نوفمبر 2010 بواسطة سمبا

[Simba]

الحديث هايطول ونور زمانه جاى من المدرسه

هاسيبكم على وعد بلقاء قريب جداااااااا

اوعوا تمشوا

مدام قلب ابيض صاحبة القلب الأبيض :)

ما تقلقيش

نحن هنا قاعدين متربصين متحفزين حيوية وعزم وهمة والمصريين اهما smk:

[Simba]

السلام عليكم

حبايبنا في كل مكان في الموضوع

انا حاسس اني برغي كتير وممكن ده مع الوقت حد يحسه انه سخف مني بس انا بجد بكون علي طبيعتي اوي هنا من غير تكليف

انا عايز اهدي لكم حاجة من حلقات قال الفليسوف اللي اهداها لنا الاستاذ تامر مصطفي

سأل احدهم ذات يوم جعفر بن محمد حدثني عن اثقل اصدقائك عليك مجلساً وثانيا اخفهم عليك جليسا ومؤنسا فقال جعفر .. اثقل اصدقائي الي يا اخاه في هذا الحياه هو الذي يتكلف لي واتحفظ منه واخفهم علي قلبي هو الذي أكون معه كما أكون وحدي

بالظبط كده

وانا هنا بحس بنفسي وكان مع نفسي بدون ادني تكليف

الله لا يحرمني من صحبتكم

[عادل أبو عمر]

قلب أبيض

ألف مليون سلامة على حضرتك :clappingrose:

'cup cake' سندباد أم عمر أمل حياتي

حمدالله على سلامتكم - التوبيك فعلا نوره زاد بوجودكم

سندباد

إنت ليك معزة (بفتح الميم) كبيرة في قلبي و فعلا كنت مفتقد وجودك في التوبيك مش عارف ليه بس حاسس كأنك اخويا الكبير

أم عمر

خليكي مع أبو عمر الأسبوع ده .. عشان عمر :waving: هيفرح أكتر و إنتو مسافرين كلكم مع بعض .. تروحوا و ترجعوا بألف سلامة

أمل حياتي

إنتي بئيتي مصرية بجد .. برده المصريين لما يرجعوا من مصر أول حاجة يشتكوا و بعدين بعد شوية يبدأ يقول دا انا قضيت أيااااام ياااااااااه

الكاشف

بالتوفيق بإذن الله و ومنصور يابني إنشاء الله :)

بإذن الله تسافر في بداية السنة هيكون الجو ممتاز و هتلحق تعرف الكويت في أحلى جو قبل الحر

أنا كنت في الكويت من سنتين زي اليومين دول ... فعلا كان الجو جميل جدا و كورنيش مارينا في السالمية رووووعة

خالص تحياتي للجميع

[pocy]

سمبا بدون القاب او مقدمات

you are welcome

وعلى فكره لما الكلمات بتطلع من القلب وكتير ..... الواحد برضه بيرد من القلب وعايزه اقولك انك زى ماقال جعفر انك بتتكلم لوحدك ههههههههه مش قصدى mad لا سمح الله قصدى انك واننا زى الصديق الخفيف على القلب وده اللى مخلينى باخد مشورتكم فى حاجات كتير لو مش قريبين منى مكنتش ذاتكلمت فيها ولا ايه

كب كيك وحشانى موت عايزه ارغي معاكى شويه بس على الخاص هههههههههههههههههه

[pocy]

ماما قلب انتى بتقولى فيها والله فعلا بتبقي مشكله كل سنه انزل لوحدى ولا معاه اكلم ماما قبلها الاقينى عايزه انزل وبنزل وبيحصل ما لايحمد عقباه شكلى فعلا هنزل معاه وبجد مشكورين جميعا على النصيحه ماروووو و حسن درويش وغريب وسمبا وسندباد واكيد فى الاول قلب ابيض

على فكره صح اللى كتبه الساري عنك جميل قوى ياريت تشوفيه

تم تعديل 24 نوفمبر 2010 بواسطة pocy

[sindbad]

قلب أبيض

ألف مليون سلامة على حضرتك :clappingrose:

'cup cake' سندباد أم عمر أمل حياتي

حمدالله على سلامتكم - التوبيك فعلا نوره زاد بوجودكم

سندباد

إنت ليك معزة (بفتح الميم) كبيرة في قلبي و فعلا كنت مفتقد وجودك في التوبيك مش عارف ليه بس حاسس كأنك اخويا الكبير

ربنا يخليك ياباشا مع انك مكبرني في السن انما زي بعضه :closedeyes:

تم تعديل 24 نوفمبر 2010 بواسطة sindbad

[cup cake]

انا مخصماكم :sad: كده محدش يسال عليا ولا حتى يسلم (ماعدا مارو وبوسى)و الله انا زعلانه منكم

بس انا برضو هكون الكبيرة بس من دلوقتى ورايح bsh:)ولا اقولكم و النبى و النبى مستنسوش تكتبوا اسمى بليز ارفعوا روحى المعنويه يعنى اخر كل مشاركه تكتبوا سلام خاص لكاب كيك وحشتينا يا كبكب كده يعنى ده انا واحده من البراعم

حمد لله على السلامه يا امل حياتى و طبعا الجو الجميل ده اكيد جبتيه معاكى و انتى جايه (الحلو بيجيب الحلو معاه)الجو ده بيفكرنى بجو مصر يا حبيبتى يا مصر وحشتينى

اما بقى يا نونيم موضوع الجواز ده زى ما قالو الاخوة الموضوع كبير و عايزله حوارات و مناقشات و بما انى من فترة قصيره كنت بدور لاخويه على عروسه ففاهمه وجهة نظرك و حاسه بالى انت فيه بس جواز الشباب زى ما هو صعب كمان جواز البنات و خصوصا فى الغربه علشان كده والدى خدها من قصرها و بعتنى مصر علشان اتجوز اما بقى عن موضوع الطلبات الكتير فده بيبقى لسببين اولا ان العروسه و اهلها عايزين يطمنوا ان العريس هيقدر يريح بنتهم ماديا و انه مش بخيل و ان بنتهم غاليه و لازم يتعب و يحفى علشان يجوزوهالوا و تانى سبب عايزين يحسسوا نفسهم و يحسسوا اهلهم و اصحابهم ان بنتهم وقعت واقفه زى ما بنقول و طبعا ده بيبقى تفكير سطحى لكن هو ده التفكير السائد يا سيدى عالعموم ربنا يوفقك لبنت الحلال لو مش متجوز و يوفق الجميع يارب

[عادل أبو عمر]

[

ربنا يخليك ياباشا مع انك مكبرني في السن انما زي بعضه :closedeyes:

الكبر مش بالسن ده بالاحترام والنصيحة اللي ما اتخرتش بيها عني و ده معروف منك مانساهوش

حيث بئى إنك طلعت مش كبير في السن تسمح تمد إيدك بشوية لب من اللي فاضلين معاك :)