المصريين المغتربين بالكويت

[نور السما]

يا اهل المحاورتيه مطلوب واحد بيعرف يكتب على الكمبيوتر دوام صباحى و مسائى براتب 200 دينار عند احد اعضاء مجلس الامة ( المراسلة على الخاص )

[حوريةعين]

صباح الخيرات على كل المحاورات

صباح البروفين والفولتارين والديسك اللعين ...ادعولى يا جماعه الله يبارك لكم

شفاك الله وعافاك

ان شاء الله هعملك بند اساسي في دعائي

ربنا يسعدك يا صاحبة القلب الأبيض

وتقبلي مني الهدية دي

http://www.youtube.com/watch?v=kZRVCQVMixk

ويارب تكون هدية مقبولة

ودي بحب اسمعها قوي لما احب انفصل شوية من الدنيا بكل اللي فيها

http://www.youtube.com/watch?v=u3ySVYvGBK8

يارب تعجبك

تم تعديل 24 نوفمبر 2010 بواسطة حوريةعين

[حوريةعين]

انا مخصماكم :sad: كده محدش يسال عليا ولا حتى يسلم (ماعدا مارو وبوسى)و الله انا زعلانه منكم

بس انا برضو هكون الكبيرة بس من دلوقتى ورايح bsh:)ولا اقولكم و النبى و النبى مستنسوش تكتبوا اسمى بليز ارفعوا روحى المعنويه يعنى اخر كل مشاركه تكتبوا سلام خاص لكاب كيك وحشتينا يا كبكب كده يعنى ده انا واحده من البراعم

نيابة عن كل اعضاء المنتدي بقولك

محدش يقدر على زعلك

ووحشتينا يا كب كيك

وبنحبك يا كب كيك

مدام بوسي

ركعتان استخارة بيحلو الموقف خالص

وهتلاقيك راضية باللي هتعمليه

جربيها وان شاء الله هتستريحي

ان شاء الله تروحو وتيجو بالسلامة

تم تعديل 24 نوفمبر 2010 بواسطة حوريةعين

[حوريةعين]

السلام عليكم

وانا هنا بحس بنفسي وكان مع نفسي بدون ادني تكليف

الله لا يحرمني من صحبتكم

اللهم امين

ويمكن ده من مميزات التوبك ده

وبقى صفحتى المفضلة

ادام الله الود والحب على الاعضاء

[تامر مصطفى]

ياما نفسي بقي اروح اجيب عروستي من المطار :wub:

مسيو تامر مش هتروح تجيب انت كمان ;)

تعرف اني عمال ادور على صورة رمزية لشخص رافع ايديه وبيدعي

واشكر مشاعرك الرقيقة تجاهي

واتمنى انك تزورني قريبا انا هبقى قريب منك

بعد المشاركة دي هحجز في مستشفى الرازي

bsh:)

السلام عليكم

حبايبنا في كل مكان في الموضوع

انا حاسس اني برغي كتير وممكن ده مع الوقت حد يحسه انه سخف مني بس انا بجد بكون علي طبيعتي اوي هنا من غير تكليف

انا عايز اهدي لكم حاجة من حلقات قال الفليسوف اللي اهداها لنا الاستاذ تامر مصطفي

سأل احدهم ذات يوم جعفر بن محمد حدثني عن اثقل اصدقائك عليك مجلساً وثانيا اخفهم عليك جليسا ومؤنسا فقال جعفر .. اثقل اصدقائي الي يا اخاه في هذا الحياه هو الذي يتكلف لي واتحفظ منه واخفهم علي قلبي هو الذي أكون معه كما أكون وحدي

بالظبط كده

وانا هنا بحس بنفسي وكان مع نفسي بدون ادني تكليف

الله لا يحرمني من صحبتكم

يا ريس ارغي براحتك احنا اساسا فاتحين الموضوع ده علشان الناس ترغي

تخيل انت ان في زميلة لينا في المنتدى بعتت لي على الخاص مرة تسألني

هو انا رغاية؟؟

وبالطبع رديت عليها وقلت لها

جدا

بس لحقت عدلت الموضوع وفهمتها ان رغيها حلو مش وحش وبعدت وشي عن الكمبيوتر وعضيت شفايفي الحركة اللي معناها "كده وكده" يعني

وبالنسبة للهدية بتاعة قال الفيلسوف

انا عندي كمان تقريبا جميع حلقات ابلة فضيلة

مين قال عاوز

بس انا عايز انبهك انه ممكن تنزل حلقة بحلقة من الجدول اللي في آخر الصفحة تحت

===================================

أم علي

الف حمد لله على سلامتك ونورتي المحاورات اللي كانت مشتاقة لوجودك وياريت متحرميناش من مشاركاتك اليومية

وبعدين انا لو اعرف انك نازلة على مطار برج العرب كنت نبهتك من البداية

حاولي تجربي مطار القاهرة صالة 3 اللي بتنزل عليها مصر للطيران زي ما قال سمبا

وبعدين فاتك اللقاء الاول ومنتظرينك في اللقاء القادم ان شاء الله

====================================

ماما قلب ابيض

الف سلامة عليكي من الديسك

شكلك اتحسدتي

انا هجيب كسفريت ورجل عفريت علشان ارقيكي بيهم

بس حد يقص الورقة على شكل عروسة وانا اخرمها بالابرة واقول

من عين فلان وعين فلانه

طبعا عارفة الناس البعدا اللي قصدي عليهم

======================================

سندباد

الف سلامة على لبك

متزعلش على اللب اللي ضاع من سيارة صاحبك لما سبتها مفتوحة

المهم ان صاحبك نفسه مضاعش

على فكرة ماما قلب ابيض اديتني كيس لب فظييييييييع بس للاسف مش هقدر اسيبلك شوية كلناه في نفس اليوم

بقينا قاعدين كلنا كأننا آلات لتقشير وقزقزة اللب

========================================

ام عمر "بوسي"

انا بقول انتي تسافري قبل اسبوعين وتسيبي ابو عمر هنا ومتقلقيش عليه

احنا هنتوصى بيه

واهو على الاقل يتجدد الشوق

========================================

الحاج حسن درويش

انت مقلل في زياراتك لينا كده ليه

امال لما هترجع مصر هتنسانا نهائيا بقى؟؟

=========================================

نو نيم

انا هحضر البدلة وهشتري إزازتين شربات ورد وقمعين سكر علشان اخطبلك

بس متخافش مش هطلب فيك اقل 20000 دينار

علشان الايام دي العروسة هي اللي لازم تدفع

==========================================

الغريب

اسمح لي ارفع لك قبعتي احتراما لآرائك ورزانه ردودك

اتمنى اشوفك في اللقاء القادم

===========================================

الكاشف

ضحكتني على نعيمة

عموما ان شاء الله مش هتندم ابدا على حضورك للكويت بس شد حيلك

ومتحاولش تقنعنا انك هتخلص امورك من غير واسطة ولا معرفة

اطلع من دول يا ابوحنفي

smk:

============================================

سامح مجدي

اشتقت لمشاركاتك الخفيفة على القلب

متطولش علينا

==========================================

ماروو

اهلا بعودتك خليك قريب

==================================

كب كيك

ارجعي كام صفحة للخلف هتلاقيني سألت عنك ومرحب بيكي

بس انتي مخدتيش بالك

==================================

حورية عين

ايوة كده كتري في مشاركاتك

اصل بيني وبينك انا بتمنى نوصل للصفحة رقم 1000 علشان نكيد الأعادي

==================================

نور السما

ياريت توضح شوية مواصفات الوظيفة

==================================

ابلة سارة

ياريت لما تدخلي تبقي توقعي حضور

علشان منطبقش عليكي لائحة الغياب

عاملة ايه مع اختبارات الفترة الاولى؟

====================================

بالمناسبة

الايام دي وزارة التربية طالبة معلمين ومعلمات من تخصصات متنوعة

بس اللي يروح هناك لازم يكون تقديره على الاقل جيد

وفي بعض المواد بتشترط خبرة سابقة

بس اللي ياخد خبرة معاها ياريت تكون صحيحة علشان الناس دي بقت بتشك فينا بشكل كبير

لدرجة ان اي شهادة جاية من مصر بيتعاملوا معاها على انها مزورة حتى يثبت العكس

وطبعا عندهم حق

تعالوا معايا المشاركة التالية علشان احكيلكم موقف عن شهادات الخبرة

تابعونا

[تامر مصطفى]

اقولكم على القصة بأه

ركزوا معايا

من حوالي 6 سنوات كده كان في لجنة من وزارة التربية بتعمل مقابلات شخصية في مصر

وبعدين كان في 15 شاب من تخصص واحد وقرية واحدة وخريجين كلية واحدة تقدموا للجنة

المهم مطولش عليكم

اتقبل منهم 14 ويا عيني الواحد المسكين اترفض

والناس جت هنا واشتغلت وكله تمام

وبعد مرور حوالي سنة نزلت اللجنة مرة اخرى والواحد المسكين كان مقدم مرة تانية

ولكن ......

اترفض مرة اخرى

فما كان منه الا انه فتح النار على باقي زملاؤه ال14 وأوشى بهم شر وشاية

وقال انهم مقدمين شهادات خبرة مزورة

وللأسف كانت حقيقة

طبعا الناس دي اتقفشت واتهددوا تهديدات عنيفة جدا

اولها السجن بتهمة التزوير

ثانيها كان في عرض للصلح

على ان يعيد كل شخص منهم جميع الرواتب التي حصل عليها خلال عام كامل ويتفنش ويرجع بلده

وبعدها فتحوا ملفات جمييييييييييييييييع المعلمين المصريين وراجعوا كل شهاداتهم وخبراتهم عن طريق السفارة

وللأسف ايضا تم الكشف عن عدد لا بأس به من شهادات التخرج المزورة وعدد يكاد يكون الضعف لشهادات الخبرة التي نسميها بالعرف المصري .... المضروبة

وكان الشعار الذي حمله الشخص المسكين رقم 15

يا نعيش عيشة فل ....... يا نموت احنا الكل

[أمل حياتي]

صباح الفل والبرد الجميل على الجميع

الصراحه الواحد خايف يكتب اسماء لا ينسى اي شخص

انا شكلي حأعمل ملف ادون فيه الاسماء

اشكر كل اللي تحمدولي بالسلامه وربنا يعيد عليكم كل سنه بامن واطمئنان

انا مجربه مطار برج العرب كتير ودي اول مره تحصل الفوضي والطابور كان فعلا متعب جدا

طبعا فرق معايه ان انا حجزت اوصل بدري عشان اكسب وقت وزي ما بيقولوا اخد اليوم من اوله

بس اليوم كله طار وتبخر واحنا بالمطار ادي احنا مستنيين المطار الجديد

تم تعديل 25 نوفمبر 2010 بواسطة أمل حياتي

[أمل حياتي]

طبعا انا مش حينفع ابدا انزل على مطار القاهره زي ما قال استاذ تامر

عشان باروح مكاني بالاسكندريه ومسافة طويله بالطريق وياريت الطريق زي هنا بالكويت

الا تمشي بالسياره وتحس نفسك كل شويه خضه وحركه انت ساعتها بتحس بالطريق كانك نايم عليه

ومع ذلك الواحد كان مستمتع هناك بالهدوء والبحر والجو الجميل

[أمل حياتي]

لي عوده فيما بعد لارد على سلامكم وتعليقاتكم

تم تعديل 25 نوفمبر 2010 بواسطة أمل حياتي

[قلب ابيض]

السلام عليكم

ممكن اعرف لية الرد العنيف دة ؟؟

والله مش قصدى مجرد النقاش بس عاوز اعرف لية الاهل يفضلوا يدللوا على بنتهم ولما الزبون يصدق ويطب يسنوا اسنانهم وهاتك يا طلبات

وقال اية دى بنتنا الخطاب كانوا واقفين طوابير واخترناك انت وتبدا النهاية .. يعنى العريس يهرب والبنت تبووووووووووووووووووووووور

وشكرا يا عزوبية ؟؟؟

( معلش يا جماعة لانى محروق منهم اوى )

كدة ياغريب ياخويا تفتح على باب مش عارف اقفلة خصوصا ماما قلب ابيض وبوسى

عموما انا شايلكم للتقيلة اللى قربت تحصل .. ادعولى

( اخويا تامر ولى امرى دورك قرب )

يا حاتم ولا هجوم ولا حاجه ياحاتم ..انت اللى واضح انك على شعره خلاااااص

انا بالعكس ضد ان الاهل يعقدوا امور الارتباط تماما بس لكل قاعده شواذ..وكل فوله ولها كيال زى ما انت عارف ..يعنى الموضوع مانقدرش نعممه ...وبعدين ابعدوا عنى انا خاااااااااااااالص فى المواضيع دى الايام دى اه

اللى عارفنى عارف اللى جرى لى بسبب الطيبه والتساهل فى الامور دى

ربنا يوفقك وانا على الزفه بتاعتك ياعم بس

الف الف شكر لدعواتك يا حاتم وربنا الشافى ان شاء الله

ماما قلب ابيض

الف سلامه عليكى

مفكرتيش قبل كده فى الحجامه مذهله بكل معنى الكلمه انا شخصيا عملتها مرتين منها واحده فى دماغى bv:-

ايدى على كتفك نفسى والله ياسامح بس الاقى واحده موثوق فيها هنا تعملها لى

انا مجرباها فعلا سبحان الله فوق الوصف

ياريت لو تعرف حدلاء حدايه كويسه يبقى جزاك الله خيرا عنى يارب

وفى علاج تانى واعتقد انه فعال بأذن الله.......بوسه وحضن كبييييييير من احمد ...وحشنى مووووت والله العظيم

ربنا يحفظه يارب :waving:

[sindbad]

صباح الخيرات على كل المحاورات

صباح البروفين والفولتارين والديسك اللعين ...ادعولى يا جماعه الله يبارك لكم

الف سلامه عليكي يا مدام قلب ابيض

ومين سمعك والله :sad:

طبعا فيه ناس استفادوا من الحجامه جدا

بس هل عملت اشعه رنين مغنطيسي؟ : هي الوحيدة اللي ممكن تقول ان في ديسك وليس الام في العضلات الصغيرة المحيطه بالعمود الفقري

عموما انا جربت كل حاجه ماعدا الحجامه

و

العنبر: وده فيه واحدة قريبتي في مصر كان ضهرها بايظ خالص ومبتقدرش تمشي وسمعت انها جابت العنبر ده ومشيت ازاي معرفش

انا بدور عليه هنا لان النوع الكويس في السعوديه

لو نفع معايا حقولك على التفاصيل

وسلامات مرة تانيه

[samehmagdy]

وفى علاج تانى واعتقد انه فعال بأذن الله.......بوسه وحضن كبييييييير من احمد ...وحشنى مووووت والله العظيم

ربنا يحفظه يارب :waving:

يا سلام دا انتى تاامرى بس

انا ابعتهولك شهر بحاله لحد ما تخفى خالص

وعليه ضمان سنه كمان

ومنها انا كمان اشم نفسى شويه

بالنسبه لللحجامه انا اعرف مركز للحجامه كنت عملت عنده قبل كده هتصلك بيهم واشوف عندهم قسم خاص بالنساء ولا لا

تم تعديل 25 نوفمبر 2010 بواسطة samehmagdy

[pocy]

هلا بيكم جميعا وحشتونى

ماما الف سلامه عليكى والله مش اخدت بالى هو الديسك ده الم الظهر ؟؟؟؟؟صح اصلي بيفكرنى بصلاح السعدنى ومحمد صبحى ههههههههههههههه

بجد الف لا بأس عليكى وانا اتعالجت بالحجامه بس الست مكنتش كويسه قوى او بمعنى اصح اتعلمته ونسيت وكانت بتفتكر في والحمد لله بس للاسف راح ورجعلى تانى ودايما بشتكى من ظهرى والحمد لله على كل شئ

تامر انا فى واحد اعرفه كويتى قالى هاتى ورقك وانا هظبتك ان شاء الله لانى من المقبولين ولله الحمد المهم اخد الورق وبعد يومين اتصل بي وقالى مينفعش تضربي الشهاده لانى مش عارف امشيها ويبيلها واسطه خوش قويه حتى امررها اضربيها وهاتيها تانى يوم اتصلت بشيخ وقالى حرام وهيبقي رزق حرام رحت كنسلت الموضوع كله

وفى واحد بقي بعتلى على الميل لو عايزه تتعينى فى وزاره التربيه كلمينى على الرقم ده ...... واتصلت بيه بالفعل من موبيل زوجى وقالى انه عايز 2000 دينار ويخلصلي الموضوع كله تخيل بس طبعا جوزى قالى ده نصاب ثم احنا لو معانا المبلغ ده تشتغلى ليه ؟؟؟؟؟ وشرحلى بعد كده لما اتصل تانى لما انا مش رديت عليه الى انه مش هيطوله من ال2000 الا هم بس 200 دينار والباقي هيتصرف ع الورق

ادعولى الاقي حاجه لحسن العمليه بقت فى النمليه هههههههههههههههه

[Simba]

سالخير علي الجميع. واضح ان الكل خارج نطاق التغطية أنا كمان خارج وداخل النت من التلفيون وشكلنا كده محتاجين مواضيع جديدة تكون محطات تقوية  

[رونا]

مساء الخير على الجميع

كنت عاوزة اخد اراءكو

فى موضوع هنا فى الكويت

دلوقتى احد اصدقائى فى ورطة ومش عارف يعمل اية

اللى حصل انة جة من مصر بعقد على صيدلية ما

ومضى عقد خمس سنين ما يقدرش يسيب الصيدلية قبلها او ينقل اى مكان

ولو حب ينقل يدفع شرط جزائى 2000 دينار

لحد كدة ماشى الحال

لكن دلوقتى عدى سنتين على العقد وجالة فرصة فى وزارة الصحة وقدم واتقبل

والمفروض هيشتغل فى الوزارة من اول الشهر

لكن

!!!!!!!!!!!!!!!!!

صاحب الصيدلية مرضيش مع العلم انة مصرى ومش الكفيل

وعقد الدنيا معاة

وقالو انة مش موافق ابدا

وبعتله استدعاء رسمى مع الكفيل

وطلب البسبور بتاعة

وقالة هيعملة محضر تغيب وكمان خيانة امانة

وكمان هيشتكية فى الشؤون

مع العلم انة وافق الصيدلى على دفع الشرط الجزائى 2000 دينار

ولكن صاحب الصيدلية رفض

ودلوقتى اية الحل علشان الراجل دة مدمر نفسيا

ومش عارف يعمل اية علشان يروح الوزارة

[sindbad]

يمشي قانوني

لو القانون في مصلحته وبيقول انه يدفع 2000 دينار وينهي العقد ماشي

بس اعتقد انه لازم يخبره بفترة لا تقل عن شهرين بطريقه رسميه وهي دي لب القصيد

[Simba]

ولو حب ينقل يدفع شرط جزائى 2000 دينار

زي ما قال اخونا السندباد

لو البند ده في بنود العقد يبقي خلاص من حقه ينقل ويدفع الشرط الجزائي المشكلة كلها انه يبلغه

رغم انها مشكلة تانية لو شغله في الوزارة ما يستحملش انه يأجله شهرين

[Simba]

مدام قلب ابيض

طمنينا عليكي

عملتي ايه مع الآم الديسك

الغيبة طالت

[تامر مصطفى]

مساء الخير على الجميع

كنت عاوزة اخد اراءكو

فى موضوع هنا فى الكويت

دلوقتى احد اصدقائى فى ورطة ومش عارف يعمل اية

اللى حصل انة جة من مصر بعقد على صيدلية ما

ومضى عقد خمس سنين ما يقدرش يسيب الصيدلية قبلها او ينقل اى مكان

ولو حب ينقل يدفع شرط جزائى 2000 دينار

لحد كدة ماشى الحال

لكن دلوقتى عدى سنتين على العقد وجالة فرصة فى وزارة الصحة وقدم واتقبل

والمفروض هيشتغل فى الوزارة من اول الشهر

لكن

!!!!!!!!!!!!!!!!!

صاحب الصيدلية مرضيش مع العلم انة مصرى ومش الكفيل

وعقد الدنيا معاة

وقالو انة مش موافق ابدا

وبعتله استدعاء رسمى مع الكفيل

وطلب البسبور بتاعة

وقالة هيعملة محضر تغيب وكمان خيانة امانة

وكمان هيشتكية فى الشؤون

مع العلم انة وافق الصيدلى على دفع الشرط الجزائى 2000 دينار

ولكن صاحب الصيدلية رفض

ودلوقتى اية الحل علشان الراجل دة مدمر نفسيا

ومش عارف يعمل اية علشان يروح الوزارة

اهلا اختنا رونا

بالنسبة للأخ الصيدلي

مادام موافق انه يدفع الالفين دينار وجاهز بيهم يبقى تقريبا مشكلته شبه محلولة ان شاء الله

اولا

انا اعرف ان الوزارات بتشترط موافقة الكفيل علشان تقبله للعمل

فهل هو حصل على موافقة الكفيل؟؟؟؟

طبعا الوضع هنا هيختلف

ثانيا

هو بيداوم في الصيدلية والا انقطع عن العمل؟

اهم حاجة انه ميسيبش جواز سفره لحد نهااااااائيا

منتظر ردك علشان اكملك الموضوع

تم تعديل 27 نوفمبر 2010 بواسطة تامر مصطفى

[حوريةعين]

سلام الله ورحمته وبركاته على الجميع

الحلوة : مدام بوسي

شفاك الله وعافاك

ورزقك الله من حيث لا تحتسبي

جربي كترة الاستغفار وهتشوفي العجب ان شاء الله

رونا

مش عارفة افيدك ربنا ييسر له الامور

وماشاء الله الاستاذ تامر ان شاء الله متابع وهيفيدك

الاستاذ تامر

ماشاء الله على حضورك الدايم

ربنا يجعله في ميزان حسناتك

الغالية صاحبة القلب الأبيض

عملتي ايه انا قلقانة عليكي قوي

يا أحلى اعضاء

اللي يعرفة حاجة عن صاحبة القلب الابيض يطمنا عليها

وان شاء الله يوم سعيد على جميع الاعضاء

تم تعديل 28 نوفمبر 2010 بواسطة حوريةعين