المصريين المغتربين بالكويت

[الغريب]

أنزلي بالصور كمان مرةيا مدام قلب أبيض

[sindbad]

السلام عليكم

ازيكم يا شباب

انا يا دوبك لسه هخبط على الباب و هستأذن علشان انضم و جايبة كل و رقي معايا و ناقص بس اعتماد اعتماد ماما قلب ابيض و توقيعاتكم كلكم

واه ورقة الدمغة صحيح و ختم النسر

لسه يادوبك هدخل برجلي اليمين

لقيت فى حرب بينكم و بين اخونا

قلت بس اقدملكم رشوة علشان تقبلوني

رحت عملتلكم بوستر الفيلم الجديد

ولو كنت فاضيه ولله كنت اخرجتلكم الفيلم كله

بس يالا البركه فيكم

انا لزقت البوستر فى ساحة المعركه

يالا اشوفكم على خير

هدخل تاني اطمن عليكم

اه نسيت اقلكم

انا لسه مستجده فى الكويت

و كنت عايشه فى السعودية كتييييييييييييييير

حللت اهلا ونزلت سهلا ومرحب بيك يا هبه بين اخوانك في الكويت

معلش ظروف الحرب مع الاخوة شغلاتنا شويه

امسكي المسدس ده وخديلك ساتر بقى :happy:

[sindbad]

يا جماعه ماتخلوش انشغالنا بأمور جانبيه يلهينا عن حبنا لبعض وجو الاسره الجميل اللى عايشينوا سوا هنا

خدوا عندكم ...انا رحت وزاره التربيه النهارده وكان فيه تقديمات لوظائف للعام الدراسى القادم ان شاء الله

صورت لكم الاعلان لعله يفيد حد مننا هنا ...وفى لجنه للتعاقدات نازله مصر بعد ما تاخد الناس اللى مستوفيين الشروط من هنا

http://dl103.herosh.com/8e04bd55d55fedd44b834680252d1f4e/20101128753.jpg

شروط التقديم لمعلمى الحاسب الالى

http://dl104.herosh.com/9f7117e45bcdb5c34d3c191847a1d75a/20101128750.jpg

دى التخصصات المطلوبه للعام الدراسى 2011-2012

ربنا يوفق الجميع يارب

اما بقى بالنسبه لحوار الاخوه الاعداء ...فالموضوع عاوز له ترتيبه تانيه خالص ...ولان الحيطان لها ريهاااااام ...اقصد وداااااان مش هانتكلم فيه هنا خالص

احنا بعون الله نحدد وقت قريب ونسهر سهره شتويه بارده مع غورى او قورى الشاى اللى هو عالفحم وابوفروه واللب بتاع سندباد ونخطط بقى للرد السليم

بوسى حوريه وهبه ......اجتماع مغلق حريمى صرف جاهزيييييييييين smk:

تمام يافندم انا جاهز باللب عيار 9 مللي و 12 مللي كمان وده لما يتقزز بيبقى زي الرصاص !! :)

على فكرة: الوصلات مش شغاله خالص!!

[samehmagdy]

صباح الخير عليكم جميعا

انا اول ما جيت امبارح لقيت الحرب شغاله روحت شايل السيف بتاع ابراهيم الابيض بتاع زمان ايام البلطجه والاجرام والحزب الوطنى gsm::

بس عجبنى حسن اوى وهو ماسك الالى بتاعه وبيقول

حد ليه شوق فى حاجه :hunter:

عالم متجيش غير بالعين الزرقاء صحيح bxg::

المهم

يا مراحب يا مراحب بالاخت هبه

والله ما قصرتى فى المعركه اللى فاتت بس استعدى للى جاى

ماما قلب ابيض وتامر وسبما وحسن وكل حبايبنا واخونا واخوتنا اللى معانا هنا وسمعنى دلوقتى

ابلغ رد على اخوانا التانين هو طلعه يوم الجمعه الجايه ان شاء الله نتجمع ونتلم تانى فيها قلب الجو ما يبرد بجد cld:

وشويه صور على خفيف كده تفحم كل معتدى اثيم

وانا بقترح الجزيرة الخضراء ايه رايكم smk:

[لماضة مصرية جدا]

عوااااااااااااافي عليكم

انا بس جيت اقولكم

بصوا كده

1 الاعضاء, 0 الزوار, 1 مجهولين

لماضة مصرية جدا

عشان تعرفوا بس انكم ظالمني و شوفوا مين بقي...اللي رامي ودن عندكم

انا اهوت....و اوعي حد يحدفني بايد الكبشة شايفاكي يا هارتي...او لما تيجي كمان شوية

و الساري....اظن و الله اعلم....اتخمد...نام

مين بقي

بقي مين....!!!

خليكوا قاعدين

انا عارفة السكة لوحدي

فوتكم بعافية

منه لله اللي شال السلم.....كده يالساري...تسيبني في وش المدفع

[تامر مصطفى]

عوااااااااااااافي عليكم

انا بس جيت اقولكم

بصوا كده

1 الاعضاء, 0 الزوار, 1 مجهولين

لماضة مصرية جدا

عشان تعرفوا بس انكم ظالمني و شوفوا مين بقي...اللي رامي ودن عندكم

انا اهوت....و اوعي حد يحدفني بايد الكبشة شايفاكي يا هارتي...او لما تيجي كمان شوية

و الساري....اظن و الله اعلم....اتخمد...نام

مين بقي

بقي مين....!!!

خليكوا قاعدين

انا عارفة السكة لوحدي

فوتكم بعافية

منه لله اللي شال السلم.....كده يالساري...تسيبني في وش المدفع

اختي اطاطا

قصدي لماضة

تصدقي الاتنين على نفس الوزن

عموما احنا بقينا عارفين كويس مين اللي في صفنا ومين اللي ضدنا

واللي يحبنا ميضربش نار

بس رودك على الفيلم هناك هتخليني اغير شخصيتك لو عملت فيلم جديد

مش هطلعك مفترية

تنوري عندنا في اي وقت الغريب سايب اسمك عند الأمن تقدري تدخلي بسيارتك لغاية مبنى الادارة

[قلب ابيض]

كلاكيت تانى مره عشان البيه

http://www.alhnuf.com/up/pics-gif/upload/view_h.php?file=577f9ff8cb

http://www.alhnuf.com/up/pics-gif/upload/view_h.php?file=df5f8f1e05

لو ماظهرش الرابط ياتقولوا لى على موقع تانى للرفع او اكتبه لكم انا بقى

المهم الحضور لمبنى الوزاره مبنى 2 قبل الساعه 7 ونص لان الزحام شديد وباسبقيه الحضور الارقام بتتوزع

والله الموفق

ياريت تطمنونى بس ظهر الرابط ولا لاء؟؟

تم تعديل 29 نوفمبر 2010 بواسطة قلب ابيض

[تامر مصطفى]

كلاكيت تانى مره عشان البيه

http://dl103.herosh.com/0789e5f529d09f015beb8a542dcdef38/20101128753.jpg

http://dl104.herosh.com/87db21531d4f8cace1aa37febba9f372/20101128750.jpg

لو ماظهرش الرابط ياتقولوا لى على موقع تانى للرفع او اكتبه لكم انا بقى

المهم الحضور لمبنى الوزاره مبنى 2 قبل الساعه 7 ونص لان الزحام شديد وباسبقيه الحضور الارقام بتتوزع

والله الموفق

الصور ظهرت يا ماما قلب

مشكورة على مجهوداتك ورعايتك مصالح الرعية

ويسلم اللي وصفلك التربية

يا جماعة الكويت

يعني انا ادخل الحرب واضحي بنفسي علشان مصالحكم ومطالبكم وانتوا تسيبوني هناك لوحدي؟؟؟

طيب اللي يدخل هناك يشوف الفيلم يحط لي تعليق علشان يحسوا اننا كتير ويعملوا حسابنا

وبعدين دول كتير اوي ولو سبتوني لوحدي هتبهدل

ده لو كل واحد فيهم ضرب ألم واحد الدنيا هتبقى بالألوان

هبة فاروق احنا محتاجينك في الفترة القادمة علشان نكمل اركان الحرب الالكترونية

[sindbad]

ظهرت الصوره ظهرت الصوره ( وش انها سليمه في الفيلم) :happy:

بس مش عارف المها علشان الصوره كبيره قوي

عموما يدوم العز

[samehmagdy]

يا جماعة الكويت

يعني انا ادخل الحرب واضحي بنفسي علشان مصالحكم ومطالبكم وانتوا تسيبوني هناك لوحدي؟؟؟

طيب اللي يدخل هناك يشوف الفيلم يحط لي تعليق علشان يحسوا اننا كتير ويعملوا حسابنا

وبعدين دول كتير اوي ولو سبتوني لوحدي هتبهدل

ده لو كل واحد فيهم ضرب ألم واحد الدنيا هتبقى بالألوان

هبة فاروق احنا محتاجينك في الفترة القادمة علشان نكمل اركان الحرب الالكترونية

ازيك تقول كده يا تامر احنا كلنا وراك بس انت روح ووريهم قوتك

واحنا هنحصلك

ولو اتاخرنا عليك فاحنا عارفين هنجيلك فين

بس اهم حاجه انت متقلقش

[الغريب]

الثلاثاء 7 ديسمبر إجازة رأس السنة الهجرية

أصدر ديوان الخدمة المدنية تعميما حمل الرقم 6 بشأن عطلة رأس السنة الهجرية لسنة 1432 هجرية، وجاء في التعميم: بمناسبة رأس السنة الهجرية لعام 1432 هـ وبعد الاطلاع على قرار مجلس الوزراء رقم 42 لسنة 1979 الصادر بتاريخ 22/7/1979 بشأن العطلات الرسمية وتعديلاته، وعلى قرار مجلس الوزراء رقم 252 الصادر باجتماعه رقم (24-2/2007) المنعقد بتاريخ 27/5/2007 بشأن تعديل بعض العطلات الرسمية، وعلى تعميم الديوان رقم 12 لسنة 2008 بشأن تنفيذ قرار مجلس الوزراء رقم 252 الصادر باجتماعه رقم (24-2/20007) المنعقد بتاريخ 27/5/2007، وحيث ان غرة شهر محرم للعام 1432هـ تصادف يوم الثلاثاء الموافق 7/12/2010، لذا يسر ديوان الخدمة المدنية أن يعلن الى جميع الوزارات والجهات الحكومية والهيئات والمؤسسات العامة بأن تعطل أعمالها يوم الثلاثاء الموافق 7/12/2010 بمناسبة رأس السنة الهجرية كعطلة رسمية، أما بالنسبة للأجهزة والجهات ذات الطبيعة الخاصة فيتم تحديد إجازاتها بمعرفة الجهات المختصة بشؤونها بمراعاة المصلحة العامة.

[Simba]

الثلاثاء 7 ديسمبر إجازة رأس السنة الهجرية

أصدر ديوان الخدمة المدنية تعميما حمل الرقم 6 بشأن عطلة رأس السنة الهجرية لسنة 1432 هجرية، وجاء في التعميم: بمناسبة رأس السنة الهجرية لعام 1432 هـ وبعد الاطلاع على قرار مجلس الوزراء رقم 42 لسنة 1979 الصادر بتاريخ 22/7/1979 بشأن العطلات الرسمية وتعديلاته، وعلى قرار مجلس الوزراء رقم 252 الصادر باجتماعه رقم (24-2/2007) المنعقد بتاريخ 27/5/2007 بشأن تعديل بعض العطلات الرسمية، وعلى تعميم الديوان رقم 12 لسنة 2008 بشأن تنفيذ قرار مجلس الوزراء رقم 252 الصادر باجتماعه رقم (24-2/20007) المنعقد بتاريخ 27/5/2007، وحيث ان غرة شهر محرم للعام 1432هـ تصادف يوم الثلاثاء الموافق 7/12/2010، لذا يسر ديوان الخدمة المدنية أن يعلن الى جميع الوزارات والجهات الحكومية والهيئات والمؤسسات العامة بأن تعطل أعمالها يوم الثلاثاء الموافق 7/12/2010 بمناسبة رأس السنة الهجرية كعطلة رسمية، أما بالنسبة للأجهزة والجهات ذات الطبيعة الخاصة فيتم تحديد إجازاتها بمعرفة الجهات المختصة بشؤونها بمراعاة المصلحة العامة.

احنا كنا لسه خلصنا اجازة العيد علشان ناخد اجازة تاني

يا يلا كله خير smk:

[Simba]

ايه يا غريب بك

اجازة تاني

احنا كنا لسه خلصنا من اجازة العيد علشان ناخد اجازة تانية

يايلا كله خير :) :)

[heba farouk]

سالخير عليكو كلكم

انا كل ماجي ملقيش حد

ازيك يا استاذ تامر و وراك للنهاية

و طبعا معاك جحافل المحاربيين الي هماسمبا و الغريب و سامح و السندباد mc: ksh:: :knight:

ما شاء الله حلوه جحافل دي

يالا ربنا معاكمو واحنا فى الخدمه

امال فين الجنس الناعم هنا و لا كله اخد ساتر و جري :sofa:

ازيك يا ماما قلب ابيض اخبارك ايه كان نفسي اكون مدرسة علشان اقدم فى وزارة التربية بس يالا تتعروض

ازيك يا بوسي يا ام عمر شفتي انا حافظه ازاي

ازيك يا حورية يالا يا بنتي نعمل فيديو للرد هما يحطو السيناريو واحنا نمنتج

انا فرحت جدا باليوم الاجازه ده اخيرا الواحدهياخد اجازه

و لو اني اصلا مبشتغلش

تعرفو يا شباب نفسي اشتغل جدا علشان احس بمتعة اليوم الاجازه مش كله زي بعضه كده وشه زي قفاه :tease:

[Simba]

سالخير عليكو كلكم

انا كل ماجي ملقيش حد

ودايما مش هتلاقي حد غالبا موجود في الصفحة

لانه مش شات الناس بتحط مشاكتها وتخرج وبعدين تدخل وبعدين تخرج وهكذا

انا فرحت جدا باليوم الاجازه ده اخيرا الواحدهياخد اجازه

و لو اني اصلا مبشتغلش

هههههههههههههههه

عجبتني

[حوريةعين]

استغااااااااااااااااااااااثة

حد يقولي ازاي ابعت رسالة على الخاص

مش عارفة ليه مش راضي

الريس / تامر مصطفى

بجد رفعت راسنا ربنا يعزك

احنا وراك وجمبك وان لزم الامر قدامك(دروع بشرية) اامر

بس شوف انت عاوز ايه واحنا تحت الخدمة

حبيبتي صاحبة القلب الأبيض

مش عارفة ارد عليك في الخاص

بس انا موافقة على الاقتراح

بوسي وهبة فاروق

ربنا يرزقكم ويوسع رزقكم ويباركلكم فيه

سمبا بجد ايه الصورة دي

اكيد ليها معني يلا قولنا ايه قصتها

وبعدين ياراجل في حد بيزهق من الاجازات

دمتم في نعم وعافية وستر

[Simba]

سمبا بجد ايه الصورة دي

اكيد ليها معني يلا قولنا ايه قصتها

وبعدين ياراجل في حد بيزهق من الاجازات

الصورة دي اسمها الرجل المدخن

رسمها فنان عالمي للاسف معرفش اسمه رغم حبي الشديد للوحات الزيتية لكن انا مش متعمق في بحورها

الصورة حسيت ان فيها حاجة مشتركة معايا او فيها شوية مني فعجبتني

بس كده

وعن الاجازات

انا لسه عندي رصيد كبير من اجازات العيد وايام الجمع وايام النايت اللي اشتغلتها

وانا بكرة اصلا اجازة كمان وعندي شغل يومين وبعد كده كده اجازة

بس خلاص كفاية كده علشان العسس بتوع السعودية والامارت

[mitonos]

لو حد فكرنى انا اللى كنت جاى الكويت بفيزا زيارة المهم انا سألت واحد قريبى فى الكويت وقال لى انه هيدور لى على فيزا تجارى قابلة للتحويل اقامة وهيقولى سعرها قد ايه يا ريت اللى عنده معلومات يقول لى وعاوز اسأل الاستاذ قلب ابيض سؤال هو وزارة التربية والتعليم اخر معاد لتقديم فيها امتا داخل الكويت عشان انا مدرس انجليزى

معلومة غير مهمة الانتخابات فى المنصورة اتزورة ذى بقيت مصر

شكرا لاعضأ المنتدى على النصائح وحقا انه منتدى محترم

[الغريب]

ايه يا غريب بك

اجازة تاني

احنا كنا لسه خلصنا من اجازة العيد علشان ناخد اجازة تانية

يايلا كله خير :) :)

يا عم سيمبا بحبها شوية وماله يعني ربنا يكتر الأجازات هو في أحلى من الدفا في الشتا ده، وخدعندك كمان أجازة الأسبوع اللي بعده بمناسبة رأس السنة الميلادية (ربنا يجعل أجازتنا خفيفه عليهم) "بتوع السعودية، والإمارات كمان"

لو حد فكرنى انا اللى كنت جاى الكويت بفيزا زيارة المهم انا سألت واحد قريبى فى الكويت وقال لى انه هيدور لى على فيزا تجارى قابلة للتحويل اقامة وهيقولى سعرها قد ايه يا ريت اللى عنده معلومات يقول لى وعاوز اسأل الاستاذ قلب ابيض سؤال هو وزارة التربية والتعليم اخر معاد لتقديم فيها امتا داخل الكويت عشان انا مدرس انجليزى

معلومة غير مهمة الانتخابات فى المنصورة اتزورة ذى بقيت مصر

شكرا لاعضأ المنتدى على النصائح وحقا انه منتدى محترم

الفيزا التجارية اللي بتتحول إقامة موجودة بالفعل وفي تجار كتيير بيبيعوها، بس خد بالك قوي من النصب والنصابين كتييير في الموضوع ده..

أما بالنسبة للتقديم بالتربية فمأظنكش تلحق

على العموم تعالى وإن شاء الله في أماكن أكيد هتفضى في المدارس الخاصة تنزل فيها بأمر الله وتنتظر التربية في الموسم القادم، أو أستنى عندك مين عارف يمكن التربية تقبل من عندك بعد ما يخلصوا هنا..

أما بالنسبة للتزوير بالمنصورة فدي قديمة شوف غيرها :P

[noname]

صباح الفل والورد والياسمين لكل الحبايب

وحشتونى كتير واعتذر عن عدم المشاركة الايام اللى فاتت لانى مجددتش اشتراك النت

ياريت تفيدونى عما هو آت :-

اولا : انا سامع طبول الحرب بس مش مش عارف مع مين ولا ضد مين

عموما بصفتى جندى سابق هجهز اسلحتى الفتاكة ( الرشاش الموف والبندقية الفوشيا وعصاية الاستيك)

بس بلاش تكون بين رجال وسيدات المنتدى

واذا كان الامر كذلك فأنا كجنتلمان اكيد مش هقدر اكون الا مع ماما قلب ابيض واخواتها. وربنا يستر

والله خايف تكون مع اطراف اخرى خارج المنتدى بتاعنا بس ولا يهمكم انا واخد بطولة الماراثون فى الهروب السريع

ثانيا : سمعت اشاعة عن لقاء قريب يوم الجمعة ياريت حد يؤكد او ينفى لانى لسة مضرب عن الاكل بسبب اللقاء الماضى مع انى كنت مدعو بس مكنتش متابع

وعلشان كدة انا هتابع كل يوم وكل ساعة يمكن الاقى اسمى مكتوب فى المدعوين

مع انى واثق انة لو دا حقيقى انى مدعو

ويومكم سعيد

( أ / مصطفى الكاشف هل هناك قرابة مع المستشار سامح الكاشف ولا دا تشابة اسماء ؟ ) على فكرة انا محامى مصرى مقبول للمرافعة امام مجلس الدولة ودا سبب السؤال

تم تعديل 30 نوفمبر 2010 بواسطة noname