المصريين المغتربين بالكويت

[أستاذ العربي]

صباح جميل على كل الحبايب هنا وهناك

"صباح اول يوم من السنه الجديده "الهجريه طبعا

صباح سنه سعيده كلها خير وبركه كلها امل بأن ربنا يعوضنا خير عن كل حاجه مش حلوه حصلت لى او لكم فى السنه اللى فاتت

صباح الفل من الاخر

استاذ العربى

هييييييييييييييييه انا صح يعنى اخد نجمه ؟؟؟؟

يا استاذى الفاضل انا والله من محبى لغتنا الجميله واعشق مفرداتها

ومعلومه اخرى يمكن توضح لك نقطه انا عندى بنت فى عاشر ....يعنى هانعوزك هانعوزك ....لامفر

تشرفت بمعرفتك بين اهلك واخواتك ..

السلام عليكم

كل عام وأنتم جميعاً بخير ،

بالنسبة لبنت حضرتك .. أي حاجة أقدر أساعد بها فأنا حاضر ربنا يوفقها وإن شاء الله ستكون دكتورة كبيرة .. تفرحي بها ..

[أبوعمار]

السلام عليكم ورحمه الله وبركاته

اولا كل سنه وانتم طيبين بمناسبه العام الهجرى الجديد ربنا يعيد علينا الايام بالخير والطاعه والبركه

ثانيا يا الف اهلا وسهلا باستاذ العربى باستاذ لغة القران :WelEgTks:

ماما قلب ابيض

ما شاء الله عليكى عينينا عليكى برده ايه دى يا ولاد المتنبى بيتكلم يا جدعان bv:-

وكل سنه وانت طيبه وعقبال 100 سنه وووو نص

بس بصراحه الفسيخ والرنجه مع التورته عامل شغل جااااااااااااامد جدا

بس بصراحه كان يوم حلو جداااا جداااا ورغم فرحتنا بعيد ميلادك بس زعلان علشان معرفناش قبلها علشان نقدر نعمل حاجه فى يوم جميل زى دى بس هتتعوض قريب جداا ان شاء الله

تامر باشا ومسيو سيبما وابو عمار

ايه يا رجاله فينكم الظاهر الفسيخ والرنجه عملو شغل جامد معاكم smk:

بوسى ام عمر

يارب تكونو وصلتو بالسلامه وكانت رحله جميله

ويارب تكون اجازة سعيده تعوض ايام الغربه

امل حياتى

من يوم ما رجعتى من الاسكندريه وانتى مختفيه خالص من المنتدى

للدرجه دى من كتر ما كنتى مبسوطه فى اسكندريه مش عاوزه تكلمى حد

حسن درويش

مفيش جواب عليه طابع بدينارين تطمنا فيه عليك يا راجل

وتقولنا اخبار الدنيا معاك فى مصر ايه

يارب تكون الدنيا اتظبطت معاك وتستقر فى مصر وعقبالنا احنا كمان يارب

محدش شاف اغابى يا ولاد الحلال :closedeyes:

أنا داخل أقول كل سنة وانتوا طيبين

ومساء الفل على الناس الغاليين

بحبكم في الله

[أبوعمار]

صباح جميل على كل الحبايب هنا وهناك

"صباح اول يوم من السنه الجديده "الهجريه طبعا

صباح سنه سعيده كلها خير وبركه كلها امل بأن ربنا يعوضنا خير عن كل حاجه مش حلوه حصلت لى او لكم فى السنه اللى فاتت

صباح الفل من الاخر

بسبوسه

الف حمدلله عالسلامتك يارب ..وقره عينك برؤى الاحبه ان شاء الله

بوسى ابعتى لى رقم مصر ضرورى ....انا نازله ان شاء الله قريب ..

استاذ العربى

هييييييييييييييييه انا صح يعنى اخد نجمه ؟؟؟؟

يا استاذى الفاضل انا والله من محبى لغتنا الجميله واعشق مفرداتها

ومعلومه اخرى يمكن توضح لك نقطه انا عندى بنت فى عاشر ....يعنى هانعوزك هانعوزك ....لامفر

تشرفت بمعرفتك بين اهلك واخواتك ..

سامح

صباحك جميل زيك انت واحمد و......الجميله بتوحشونا بسرعه

موضوع الكوكتيل اللى حصل فى المقابله اياها تقريبا لحد الان مأثر على الدوك هنا

كان يوم جميل بيكم وبلمتنا كلنا وهو ده العيد على فكره ...اجمل يوم قضيته فى عمرى اللى هو التلاتين سنه ونص ;) اللى فاتوا

ابوعمار

سمبا

تامر

حووووووريه

صباح الفل عليكم

:نداء عاجل

===========

امل حياتى

هبه فاروق

كب كيك

الكاشف

حسن درويش

لا اسكت الله لكم حسا ..طمنونا عنكم ...بس

كل سنة وانتي زي ما انتي كده

كل الناس بتحبك

وقلبك بيساع الكل

وكل يوم ميلاد واحنا بنشاركك ان شاء الله

من غير غلاسة وتباتة

...........................ولا فسيخ ان شاء الله

[أبوعمار]

صباح الخير عليكم جميعا

وكل عام وانتم بخير بمناسبه العام الهجري الجديد

بوسي : حمدلله على السلامه ويارب تكونوا مبسوطين في مصر

الكاشف

ابوعمار

سمبا

امل حياتى

هبه فاروق

كب كيك

قلب ابيض

تامر

حسن درويش

حوريه

سامح

استاذ العربى

كل سنه وانتم طيبين جميعا

وكل سنة واحنا متجمعين بصحة وسعادة ان شاء الله

[قلب ابيض]

تباته ايه بس يا ابو سيف؟؟؟

انت ماشفتش النور زاد ازاى لما جيت؟؟

متجمعين فى الخير ;) ...وفى الخيرااااان ان شاء الله ؟

معايا ولا لسه ؟؟ smk:

حدش شاف ابن اخويا ياجماعه؟؟؟؟ :closedeyes:

[Simba]

تباته ايه بس يا ابو سيف؟؟؟

انت ماشفتش النور زاد ازاى لما جيت؟؟

متجمعين فى الخير ;) ...وفى الخيرااااان ان شاء الله ؟

معايا ولا لسه ؟؟ smk:

حدش شاف ابن اخويا ياجماعه؟؟؟؟ :closedeyes:

النهاردة جبت رغيفين حاااف وروحت جنينة الرقعي اغمس علي بقايا ريحة الفسيخ :happy: :happy:

ما سبق كل ازبهلال من الاكلة الجامدة لابد وحتما منه

انا بقي يا شفته يا مدام قلب ابيض

راح يبقي الصنارة والخيط

بس هي خيران دي علي الخريطة :blink: :blink:

تحياتي للجميع اسم بعد اسم

مش هاكتب اسماء علشان ما انساش حد

تاني حاجة ماليش حظ مع اسم اسماء :wub:

[الغريب]

الله يخرب بيت ظلم الوافدين اللي موجود بالكويت

قولو أمين

[HDarwish]

أشوفكم على خير ياجماعة

خلاص أعددت للرحيل وحجزت التذكرة ومسافر قريب جداً بس مش هاقول على الميعاد علشان ما اعملش زحمة في المطار (هههههه) وكمان علشان في ناس كده عارف انها بتتابع الموضوع بس في الخفاء جدا وزمانهم هيموتوا ويعرفوا أنا حجزت إمتى بس أنا عايز اعملهالهم مفاجأة .. حد فهم حاجة ؟؟؟!!!!

أتمنى للجميع دوام الصحة والعافية وأن تظل هذه الروح الجميلة بيننا وبينكم

قلب أبيض

بقدم اعتذاري على الهوا وبقولك أنا آسف جداً.. قصرت معاكي قوي بس صدقيني غصب عني مشاغل الشغل الأيام اللي فاتت كانت كتيرة قوي انا كنت بداوم من ثمانية ل ثمانية متواصل وشغل مرهق جداً ،، كل سنة وانت طيبة .. برغم إنها متأخرة لكنها من القلب جداً .. ربنا يديم عليكي الصحة والعافية ويبارك لكي في أولادك وفي الفاضل الدكتور / محمود، يارب تكوني قبلتي اعتذاري

سمبا ، تامر ، سامح ، أم عمر ، وجميع الأخوة التي لم يكن لي الحظ في معرفتهم أكثر إلا من خلال الأقلام.

تحياتي وتمنياتي للجميع بالتوفيق

[HDarwish]

الله يخرب بيت ظلم الوافدين اللي موجود بالكويت

قولو أمين

مش فـــاهم

[samehmagdy]

السلام عليكم

حسن باشا درويش

ربنا يتمملك موضوعك على خير يارب smk:

بس قلنا على الميعاد علشان نسلم عليك يا راجل قبل ما تسافر متخفش مش هنعمل زحمه فى المطار هيبقى فى تنسيق امنى قبلها

وابقى طمنا عليك من مصر اول باول

ابو عمار

احبك الله الذى احببتنا فيه دى المكان زاد نوره بيك انت وعمار وسيف

الغريب

الله يهدى كل ظالم يا شيخ قول امين امين

ايه بس اللى حصل يا حج غريب قول لو فى حد مزعلك نجيب العده ونجيلك نقفلك المنطقه :hunter:

تامر باشا

فينك من يوم ما رجعت من المعركه اللى فاتت ومحدش سامعلك حس

لا اسكت الله لك صوتا يا كبير

سمبا شاعر المنتدى

ايه حكايه مليش حظ مع اسم اسماء دى ;)

وايه حكايه الراجل اللى بقاله 4 سنين فى الكويت وولاده فى المدارس smk:

تحياتى للجميع نفر نفر

بس كده سلام smk:

[Simba]

وايه حكايه الراجل اللى بقاله 4 سنين فى الكويت وولاده فى المدارس

قصدك 6 سنين ;)

[قلب ابيض]

السلام عليكم

حسن باشا درويش

ربنا يتمملك موضوعك على خير يارب smk:

بس قلنا على الميعاد علشان نسلم عليك يا راجل قبل ما تسافر متخفش مش هنعمل زحمه فى المطار هيبقى فى تنسيق امنى قبلها

"وبناءا عليه ..رتب لنا يا سامح موعد ومكان نعمل فيه " مع السلامه بارتى ..

انت عليه الاقتراح وتامر الترتيب

وسمبا الشاى وانا اللب

تروح وترررررررجع

بالسلامه يا ابوعلى

[أبوعمار]

عزيزي سمبا

معقول ريحة الفسيخ لسه موجودة

ولازم يعني تروح الرقعي عشان تغمس ... ماينفعش يوم تاكل حاف؟

كفاية تبذير بقى

خيران ع الخريطة وبيني وبينها فركة كعب

هاتشوفوها على ايديا ان شاء الله

مانتساش تقر وتعترف

حكاية أسماء دي ايه؟

غريب الدار

ايه الحكاية بس؟

قول لي ... احكي لي .. أحط همي على همك يبقوا اتنين

أستاذ حسن درويش

أنا فعلا كان نفسي أتعرف عليك أكتر

لأنك من أول الناس اللي دخلوا قلبي لما بدأت أقرا لمغتربين الكويت

بس أتمنى لك التوفيق من كل قلبي

وإن شاء الله أشوفك في "مع السلامة بارتي"

ده حتى اسمي على اسمك

عزيزي سامح

صباحك زي العسل

انت كلك ذوق وربنا ما يحرمنا من الصحبة الحلوة دي

قلب أبيض

لما تفضلي تجمعينا كده بكل الدفء والمحبة

ازاي ممكن نحس بالغربة؟!!!

ربنا يديكي الصحة

[حوريةعين]

صباح الخير لاعضاء ديوانيتنا

يارب تكونو بخير

لا يطوفكم هديتي

هديتي

وعلى جمب كده

ايه يا سمبا الصورة المرعبة دي

صاحبة القلب الأبيض

ازيك وحشتيني

لسه طعم الفسيخ في بقى لغاية دلوقتي

تسلم ايدك ويارب يكون في ميزان حسناتك

[samehmagdy]

"وبناءا عليه ..رتب لنا يا سامح موعد ومكان نعمل فيه " مع السلامه بارتى ..

انت عليه الاقتراح وتامر الترتيب

وسمبا الشاى وانا اللب

تروح وترررررررجع

بالسلامه يا ابوعلى

علم وينفذ

ايه رايكم الجمعه الجايه فى الكوت والمنشر مكان تحفه بصراحه او الجزيره الخضراء جميله جدا وقريبه

بس خلو بالكم الجزيرة الخضراء هتبقى محتاجه شوى علشان مش هينفع الناس بتشوى من حوالينا

واحنا نبقى قاعدين كده دى انا تجيلى عقده نفسيه كده

تم تعديل 11 ديسمبر 2010 بواسطة samehmagdy

[Simba]

"وبناءا عليه ..رتب لنا يا سامح موعد ومكان نعمل فيه " مع السلامه بارتى ..

انت عليه الاقتراح وتامر الترتيب

وسمبا الشاى وانا اللب

تروح وترررررررجع

بالسلامه يا ابوعلى

سامح

يا سامح

يا سامح ياللي معاك جاتوه :happy:

ايه حكايتك مع الشوي والاكل

ياراجل ده كنت فاكر اصلا انك عامل دايت من اول يوم جيت فيه الكويت :P

شوف يا سيدي بص بقي

الجزيرة الخضرا زي الفل وحلوة كتير

بس احنا عايزين يوم من غير اكل نقعد نرغي فيه

الاكل بيضيع كل الوقت

وانا مش بقدر اقاوم :closedeyes:

علم وينفذ

ايه رايكم الجمعه الجايه فى الكوت والمنشر مكان تحفه بصراحه او الجزيره الخضراء جميله جدا وقريبه

بس خلو بالكم الجزيرة الخضراء هتبقى محتاجه شوى علشان مش هينفع الناس بتشوى من حوالينا

واحنا نبقى قاعدين كده دى انا تجيلى عقده نفسيه كده

[HDarwish]

إخواني وإخواتي الاعزاء ،،،

سامح ، سمبا ، تامر ، قلب ابيض ، ابوعمار ، الدكتور محمود ، أم عمر ، حورية عين ، والجميع كل بإسمه حتى لا يفوتني أحد من الأعزاء الكرم

أشكركم على هذا الشعور الطيب والذي قد زادني ألما للفراق ، كما أعتذر عن إفساد مع السلامة بارتي

أُحدثِكم من مصر المحروسة

وإنتظروني في آخر الأخبار اول باول كما أُذكركم بأنني في الخدمة دائما لاي شيء من هنا

وبداية الأخبار

الجو في مصر برد غير طبيعي أكثر منه في الكويت بمراحل ويسود الجو الرياح الشمالية الشرقية الغربية الجنوبية محملة بالرمال وزخات المطر، وهذا ما فاجئني بداية من الخروج من مطار برج العرب حيث الجري بالحقائب من باب المطار حتى لا تفسد من مياه الأمطار الكثيفة التي تنتظرنا بخارج المطار وقبلها مطبات الهواء والهبوط السيء من قائد الطائرة حتى أنه جعل معظم من في الطائرة يتلفظ بالشهادة

تابعونا في آخر أخبار مصر المحروسة

مراسلكم حسن درويش من أرض الكنانة

[قلب ابيض]

إخواني وإخواتي الاعزاء ،،،

سامح ، سمبا ، تامر ، قلب ابيض ، ابوعمار ، الدكتور محمود ، أم عمر ، حورية عين ، والجميع كل بإسمه حتى لا يفوتني أحد من الأعزاء الكرم

أشكركم على هذا الشعور الطيب والذي قد زادني ألما للفراق ، كما أعتذر عن إفساد مع السلامة بارتي

أُحدثِكم من مصر المحروسة

وإنتظروني في آخر الأخبار اول باول كما أُذكركم بأنني في الخدمة دائما لاي شيء من هنا

وبداية الأخبار

الجو في مصر برد غير طبيعي أكثر منه في الكويت بمراحل ويسود الجو الرياح الشمالية الشرقية الغربية الجنوبية محملة بالرمال وزخات المطر، وهذا ما فاجئني بداية من الخروج من مطار برج العرب حيث الجري بالحقائب من باب المطار حتى لا تفسد من مياه الأمطار الكثيفة التي تنتظرنا بخارج المطار وقبلها مطبات الهواء والهبوط السيء من قائد الطائرة حتى أنه جعل معظم من في الطائرة يتلفظ بالشهادة

تابعونا في آخر أخبار مصر المحروسة

مراسلكم حسن درويش من أرض الكنانة

:sad:

no comment

[yatto]

هل يوجد تحليل فيروسات عند تحويل الاقامة من كفيل لآخر

فى الكويت

أرجوا الافادة

[الغريب]

هل يوجد تحليل فيروسات عند تحويل الاقامة من كفيل لآخر

فى الكويت

أرجوا الافادة

الإجابة : لأ

إلا لو كنت محول على حكومة فساعتها هيطلب منك تعمل كشف المجلس الطبي والذي يحتوي ضمنا على تحليل فيروسات