المصريين المغتربين بالكويت

[samehmagdy]

السلام عليكم

مساء الخير عليكم جميعا واحد واحد

ايه يا جماعه فين اشتراك الرحله بتاعه بكره

الناس اللى طالعه لسه مدفعتش الاشتراكات ليه ايها يا سيبما الناس دى ناويه تطلع جدعنه ولا ايه smk:

خلاص مش مهم علشان خاطرك بس مسيو تامر نلم منهم الاشتراكات فى الحديقه ذات نفسها

بصراحه النهارده الجو كان تحفه ويشجع جدااا على الخروج بكره بعد صلاه الجمعه على طول زى ما ماما قلب ابيض بتقول

وبالنسبه للمستجدين على يقدرو يتصلو بسيبما على تليفونه الجديد اى فون 4 جى phn:

[HDarwish]

انا بقى عندى سؤال هو انا لو عايزة افتح حساب فى بنك مصرى و انا هنا فى الكويت هل هينفع ولو هينفع اعمل ايه و اروح فين يارب حد يعرف و تفيدونى

أهلا بعودتك مرة أخرة أختنا كب كيك

موضوع أنك تفتحي حساب من هنا في مصر مينفعش

وخدي بالك في نصابين كتيير بيوهمك أنه يقدر بس ياخد مبلغ من المال لكن الحقيقة أنه مينفعش، بسبب التوقيع

بس أنا مش شايف فائدة واحدة أنك تفتحي حساب من هنا، أصبري لحد ما تنزلي قريبا أن شاء الله وأفتحي برحتك وأنصحك ببنك البركة وفيصل

ولو عندك فلوس كتير مش لقيلها حساب يشلها كلها هنا في الكويت فأنا موجود وتحت الخدمة وحسابي يشيل وأهو كلنا مصريين :lol:

باشا

إيه الكلام ده بس ،، إتأكد من المعلومات دي كويس ،،

موضوع فنح حساب في مصر من الكويت سهل جدا وانا كنت عملت ده قبل كده ، الموضوع بسيط خالص هتروح عند الملا للصرافة وهتقولهم عايز افتح حساب في مصر وهيوقعوك على ورقة وتقريبا بياخدوا عمولة دينارين ونصف وتدفع خمسة دينار علشان فتح الحساب وبتكون موجوده في حسابك اللي هي مية جنية كحد أدنى للرصيد ، والموضوع مفيش فيه نصب ولا حاجة

دمتم بود

[نور السما]

نور السما حمدلله على سلامه المدام ...للاسف انا قرأت استفسار حضرتك الان فقط اى بعد نزول كفيلى للعمل ...

ان شاء الله ارد على حضرتك بعد الضهر عند عودته سالما باذن الله

ومؤقتا خد الرابط ده يمكن يفيدك فى حاجه وسيفه للظروف

http://moi.gov.kw/po...2-D0DBFE40A9A5}

ماما قلب ابيض الف شكر على اللينك و ان شاء الله نشوفك بخير فى التجمع بس حاسس ان التجمع بدرى اوى يوم الجمعة ده الواحد بيكمل شوية نوم بعد صلاة الجمعة فكنت عايز اعرف هاتقعدوا لحد الساعة كام عشان لو حد مكسلاتى زى كده حابب يتأخر على التجمع شوية صغيرة

[HDarwish]

ان شاء الله

دعواتك معايا

بالمناسبة شفت سيارة امبارح فورد 2003

حلوة جدا ونضيفة من جوة وبرة

على 700 دينار

هل كويس السعر وهل الفورد قطع غيارها متوفرة وسعرها كويس ؟؟؟

رغم اني مش ضليع غير في حتي

بس اظن ان اي سيارة مهما كانت متوفر لها قطع غيار هنا وبما اني بشوف افلام امريكي كتير فانا معجب اوي بسيارة فورد دي

وبرضه 700 دينار لو السيارة كويسة يعتبر سعر معقول

هااه نقول مبروك

تصدق لو قولتلك مش لقين وقت نفحصها

يارب ينفع زوجى ياخد ساعة بريك

ويروح يفحصها

لسه هقولك بلاش الفورد خاصة لو مونديو

لقيتك في المشاركة اللي بعدها بتقولي إنها مونديو و 2003 كمان ، دي كملت

صاحبي كان معاه أختها وبيلعن اليوم اللي اشترى فيه فورد مونديو

إبعدي عن الأمريكي وعن الألماني إلا في بعض الماركات وأحسن حاجة خاصة لنا كمصريين هو الياباني

الأمريكي بجميع فئاته يعيبه الصيانة المعقدة وقطع الغيار الغالية وإستهلاكه العالي في البنزين

الألماني معظمه على كمبيوتر ومقرف في صيانته حتى أطلق على البي إم بي هم

الياباني ممتاز خاصة الكورولا برغم إن سعرها غالي إلا إن ثمنها فيها ومشهور عنها إنها زي الشيك في جبيك

بصراحة أنا لو كنت كملت في الكويت كنت هشتري واحدة من اثنين يا تويوتا كامري خاصة موديلات ما فوق ال 2003 أو مرسيدس عيون E240

بالتوفيق إن شاء الله ولو فيه أي استفسار أنا حاضر

تحياتي

[نور السما]

نور السما بخصوص تحويل الزيارة لالتحاق بعائل فده مش هينفع لانى من حوالى 6 شهور مريت بنفس التجربه كنت زياره على والدى و حاولنا نحولها لاقامه لكن رفضوا و جبنا كل الوسايط الى ممكن تتخيلها لكن مفيش فايده و طبعا بعد ما غلبنا و مفيش فايده كان لازم انزل مصر و على فكرة لازم تكون المدام فى مصر علشان يعملولها ورقه الالتحاق بعائل و طبعا لما تبعتلها الورقه لازم تعمل الكشف الطبى و الفيش و خلافه ربنا يعينك و يعينها و يارب اكون افدتك

انا بقى عندى سؤال هو انا لو عايزة افتح حساب فى بنك مصرى و انا هنا فى الكويت هل هينفع ولو هينفع اعمل ايه و اروح فين يارب حد يعرف و تفيدونى

اولا : شكرا على الرد كب كيك انا صحيح جالى احباط بس انت بتقولى عن تجربتك الشخصية يعنى اكيد فالحمد لله على كل شئ بس لازم زوجتى تنزل الاول و بعدين اعمل ورقة الالتحاق بعائل يعنى ما ينفعش حتى انزل معاها بجد تخلف عقلي مش عارف ايه الحكمة طالما هاتعمل كشف طبي تانى بعد بتاع مصر و هى كمان موجودة بالفعل مش عارف ليه اللفة الغريبة الى هما طالبنها المهم الحمد لله كله خير

ثانيا : موضوع فتح حساب فى بنك مصرى من هنا فى الكويت بصراحة مش عارف بس انا لما كنت جاى الكويت سألت عن البنوك اللى فى الكويت و عرفت ان فى بنك الاهلى المتحد له فروع فى مصر و فروع فى الكويت و تقريبا فى البحرين المهم عرفت انى لو فتحت حساب فى البنك و طلبت عمل الحساب ده جلوبال ممكن برقم حسابي اعمل ايداع من اى فرع له فى جميع الدول العربية يعنى ممكن اعمل ايداع فى حسابي من الكويت و اعمل ايداع من مصر و اى بلد فيها فرع للبنك يعنى بيوفر ثمن تحويل الفلوس من الكويت الى مصر و ده كل معلوماتى و شكرا اخيرا على ردك

[HDarwish]

إعملوا حسابي معاكم

ابدا ابدا

بتاتا بتاتا

انت يا عم حسن بقيت مصري وطني بتحب تراب البلد

لو جيت معانا هتغير فكرنا عن اسفلت الكويت ;)

كده يا حسام ،، طب إعزم علي حتى عزومة مراكبية ،، كنت هكدب عليك أنا كمان وهقولك أنا هحجز واجي اقضي معاكم اليوم وارجع تاني

كان نفسي بجد اكون وياكم واعيش الجو الجميل اللي عشناه مع بعض قبل كده

تمنياتي بيوم سعيد

[HDarwish]

نور السما بخصوص تحويل الزيارة لالتحاق بعائل فده مش هينفع لانى من حوالى 6 شهور مريت بنفس التجربه كنت زياره على والدى و حاولنا نحولها لاقامه لكن رفضوا و جبنا كل الوسايط الى ممكن تتخيلها لكن مفيش فايده و طبعا بعد ما غلبنا و مفيش فايده كان لازم انزل مصر و على فكرة لازم تكون المدام فى مصر علشان يعملولها ورقه الالتحاق بعائل و طبعا لما تبعتلها الورقه لازم تعمل الكشف الطبى و الفيش و خلافه ربنا يعينك و يعينها و يارب اكون افدتك

انا بقى عندى سؤال هو انا لو عايزة افتح حساب فى بنك مصرى و انا هنا فى الكويت هل هينفع ولو هينفع اعمل ايه و اروح فين يارب حد يعرف و تفيدونى

اولا : شكرا على الرد كب كيك انا صحيح جالى احباط بس انت بتقولى عن تجربتك الشخصية يعنى اكيد فالحمد لله على كل شئ بس لازم زوجتى تنزل الاول و بعدين اعمل ورقة الالتحاق بعائل يعنى ما ينفعش حتى انزل معاها بجد تخلف عقلي مش عارف ايه الحكمة طالما هاتعمل كشف طبي تانى بعد بتاع مصر و هى كمان موجودة بالفعل مش عارف ليه اللفة الغريبة الى هما طالبنها المهم الحمد لله كله خير

ثانيا : موضوع فتح حساب فى بنك مصرى من هنا فى الكويت بصراحة مش عارف بس انا لما كنت جاى الكويت سألت عن البنوك اللى فى الكويت و عرفت ان فى بنك الاهلى المتحد له فروع فى مصر و فروع فى الكويت و تقريبا فى البحرين المهم عرفت انى لو فتحت حساب فى البنك و طلبت عمل الحساب ده جلوبال ممكن برقم حسابي اعمل ايداع من اى فرع له فى جميع الدول العربية يعنى ممكن اعمل ايداع فى حسابي من الكويت و اعمل ايداع من مصر و اى بلد فيها فرع للبنك يعنى بيوفر ثمن تحويل الفلوس من الكويت الى مصر و ده كل معلوماتى و شكرا اخيرا على ردك

لا ممكن تعمل التحاق بعائل بدون ما المدام تنزل مصر ولا حاجة وده حصل مع واحد صاحبي بس بصراحة كان فيه واسطة جامده من الجوازات وكان جايبها زيارة وراحت بس البحرين ورجعت تاني ،، تمنياتي بالتوفيق

موضوع الحساب زي ما قولتلك ممكن تعمله من الكويت ،، أنا عملت كده لاني كنت استقلت من الشركة وكان لي بعض المستحقات اللي هيحولوها على الحساب بعد ما انزل واضطريت فعلا اني افتح الحساب من الكويت والحمد لله مشت الأمور على مايرام ،، بس انت روح أي فرع للملا للصرافة وهتلاقي الأمور سهلة جدا وبعد ما يتم فتح الحساب تقريبا تاني يوم هيبعتولك رسالة عالموبايل برقم الحساب

تحياتي

[نور السما]

لا ممكن تعمل التحاق بعائل بدون ما المدام تنزل مصر ولا حاجة وده حصل مع واحد صاحبي بس بصراحة كان فيه واسطة جامده من الجوازات وكان جايبها زيارة وراحت بس البحرين ورجعت تاني ،، تمنياتي بالتوفيق

الف شكرا يا ابو على احيت الامل فى نفسي تانى ربنا يبارك لك و يصلح لك حالك و يحلى ايامك فى مصر المحروسة الف شكر على الرد يا جميل

[قلب ابيض]

سااااااااامح

ياللى مش هاتجيب الجاتوه ;)

.....الاشتركات هنلمها وهما خارجين ... :ph34r: وخليك فاكر دخول الجزيره مش زى خروجها

نور

باشا ..يا اسم غالى مايتنسيش...بعد الصلاه عشان الجو ممكن يقلب او يبرد بعد العصر مثلا يبقى الحمدلله كده..وبعدين نتغدى

"سوابقى ..والدوده بالمودوده " الجوده بالموجوده

كب كيك رونا

ياااارب تلاقوا بريك ..هتنوروا rs:

حووووووريه

....صباح الفل يا قمر ...هاعمل حساب الدايت مش هاحط زبيب على طبقك et:(

تامر ..حمدلله عالسلامه الحاجه ....هاننتظرها تنووووووووورنا

ماتنساش الشوايه هاعتمد عليك فيها ....اوعى تنسى

ابوعمار

ياااادوب تطلع انت الفجر من ام الهيمان عشان تلحقنا بعدالصلاه ان شاء الله خللى سيف يجيب :cardred: الكوره

سمبا

خلص النايت وتعالى على طووووول من غير الشاى :coffeenews: المره دى

ام مروان

بجد بجد وحشتينا اووووى فكرى كده وانا على التوصيل ماتحمليش هم

طبيبه مصريه

..متهيألى الكتاكيت كبرت ممكن نشوفك بقى؟؟

جايه لك يا كنداااا

...كده كتير بجد كتييييييييييير اوى تعالى بقى

" على جنب بقى flrt: ..من خارج المحاورات ومن داخل حبايب المحاورات ..ياسر وحرمه ..احمد ووولاء ..هلا وغلا فى انتظاركم "

حسن درويش ......معانا بقلبك بقى يا ابوعلى كان نفسى اقولك السلاطه عليك بس يالا بقى ..هابعتلك الصور عالموبايل pht:

اللى عنده شوايه ما يبخلش بيها ....والبروتين علينا ...

[عادل أبو عمر]

خير اللهم اجعله خير شميت كده و الله اعلم ريحه كلام عن الشوكلاته و خصوصا حبيبه قلبى الكيت كات تليها فى المحبه الجلاكسى اه ذكريات (وش هومر سيمسون و هو بيفكر فى الاكل )

اصلى بطلت حلويات و شوكولاته من ساعه ما جالى الى ميتسماش السكر بعيد عن السامعين :sad:

ألف سلامة لحضرتك ربنا يجعله في ميزان حسناتك ..

يارب برحمتك اجمعنا في جنتك ... فيها أنهار من عسل مصفى .... و فيها ماتشتهيه الأنفس و تلذ الأعين ... اللهم آمين

[أبوعمار]

صباح الفل على أحلى صحبة

[Simba]

[size="5"]اولا

وثانيا

وثالثا

لحد المليون سبعة وخمسين احب اشكر مدام قلب ابيض جداااااااا جدااااا

خاااالص خاااالص

علي تعبها معانا

وعلي الجو الاسري اللي بتعمله في كل لقاء

كان نفسي اقدر اقول ياريت اقدر ارد جمايلها لكن عارف اني مش هاقدر

والشكر موصول لسامح اللي مش معاه جاتوه

وزوج مدا قلب ابيض

وبناتهم

ومسيو تامر

رغم انه مجاش بس نفسه كان معانا

اسيبكم مع الصور

او احسن اني اروح مع الصور

احمد ابن سامح

نبذة تاريخية عنه

بطل فيلم التوت والنبوت الجزء التالت والرابع

صاحب سجل اجرامي دموي مشرف

صاحب 48 قضية بلطجة وترويع الشارع وزعزعة الامن العام

مطلوب من البوليس الدولي والمحلي

فتوتنا وابن حتتنا اسم عليه ,,, اسم الله عليه

اللي عايز يبقي من صبيان المعلم يرفع لنا طلب وهنبعته لتوفيق الدقن ينظر في امره

نور ابن مدام قلب ابيض

نبذة تاريخية عنه

مفكر وفليسوف ومخترع قدر يحقق حلم اختراع الة الزمن سنة 2035 ورجعلنا بيها يجي 25 سنة علشان يحضر اللقاء من تاني

حاصل علي وسام الدولة

ووسام زميلته في الجامعة

حقق الحلم الذكوري واتجوز اربعة ورجع للعهد الذكوري مجده من تاني

صاحب حلقات متزجون متزجون اكبر برنامج بيدعو للتعدد في الوطن العربي والغربي واللي حقق نجاح مائة في المائة

علامة التعجب ان جوازه باربعة تم بموافقة وبمباركة الوالدة

يايلا بقي

بلا دايت بلا وجع قلب

صحتك في الشواية دي

قف للعاشورا واوفها التبيجيلا

كادت العاشورا ان تكون زبهليلا

طبعا علي اليمين سامح

اللي هو ابو احمد

صاحب كتاب الدايت وسنينه

وبيتكلم في الكتاب ده عن اضرار الدايت

وفلسفته العميقة

وما الدنيا الا اكلة جميلة وتعدي

علشان تيجي اكلة اجمل منها

وزي ما انتم شايفين الجولة الرابعة من الاكل

وما رضيتش احط صور الجولات الاولي والتانية والتالتة

مراعاة لمشاعر العسس والباصصين

والناس اللي وعدت ولا جتش

اما بقي عن بنات مدام قلب ابيض

فانا مش عندي كلام كتير

لكن الاغنية دي اقل وصف لهم

http://www.youtube.com/watch?v=KldOl5WMUKI&feature=related

نداء انساني لمدام قلب ابيض

خبي الحاجات الحلوة دي في البيت

علشان العين :closedeyes:

[تامر مصطفى]

صباح الفل على احلى تجمع في الشبكة الدولية للمعلومات

انت بتحسرني يا سمبا

يا ريتني كنت معاكم بس كعلش تتعوض المرات القادمة ان شاء الله

واتمنى من الله انكم تكونوا استمتعتوا بكل لحظة

عموما مادمنا في الكويت يبقى تكرار الرحلات الجميلة دي امر سهل جدا

وبصراحة يا سمبا انت كفيت ووفيت في وصف رقي الناس وجدعنتهم وحلاوتهم

ربنا يخليكوا لينا ويجمعنا دايما في الخير وللخير

تحياتي لجميع مغتربي الكويت والمنتسبين لهم

بدون ذكر اسماء علشان من :clappingrose: :clappingrose: ساش حد

[قلب ابيض]

اليوم جميل بوجود الناس الجميله فيه

احنا اللى بنصنع السعاده مش العكس

الكلمه الصادقه لما تخرج من القلب توصل للقلب مباشره

اجتمعنا على ود ولله فى لله

وادعو الله الا يفرقنا شىء ابدا

ويديم بنا الموده والمحبه والاخوه

بجد اصبح عمق الاخوه بينا ومشاركتنا للحظات الحلوه واحيانا المره شىء كنت افتقدته مع الاقربين من الاهل

عوضنا ربنا غربتنا بلمتنا هنا سوا ...اتمنى من الله يديم بنا الخير ويزيدنا ما ينقصنا

شكرا سمبا على مشاعرك اللى وصلت لنا كلنا ولاداعى لكلمات ...يكفينا لحظات تسعدنا لايام

[أبوعمار]

ان شاء الله دايما متجمعين ومبسوطين

المرة الجاية في الأحمدي ان شاء الله ونكون معاكم أنا والأسرة الكريمة

شوفوا بقى عايزين تشرفونا في الكويت ماجيك ولا الكوت ولا الخيران ولا حديقة الأحمدي؟

نهاركم صحبة حلوة متجمعة دايما في المناسبات الحلوة

[الغريب]

باشا

إيه الكلام ده بس ،، إتأكد من المعلومات دي كويس ،،

موضوع فنح حساب في مصر من الكويت سهل جدا وانا كنت عملت ده قبل كده ، الموضوع بسيط خالص هتروح عند الملا للصرافة وهتقولهم عايز افتح حساب في مصر وهيوقعوك على ورقة وتقريبا بياخدوا عمولة دينارين ونصف وتدفع خمسة دينار علشان فتح الحساب وبتكون موجوده في حسابك اللي هي مية جنية كحد أدنى للرصيد ، والموضوع مفيش فيه نصب ولا حاجة

دمتم بود

أسف ياباشا ، بس والله دي معلومات قالهالي أخ راح الملا وأتعرض عليه نفس الكلام اللي حضرتك أكدتوا، ومادام أنت خضت التجربة بنفسك ونجحت يبقى كلامك الصحيح

بالتوفيق للجميع

[samehmagdy]

ماما قلب ابيض

ربنا يديم الود والحب فى الله

والله من بعد كلامك مش عارف اقول ايه

cr((: انا خلاص الدمعه هتفر من عينى

سيبما

دايما ظالمانى فى موضوع الدايت دى

وانا اقول الواحد تعب وملوش نفس النهارده ليه

بس حلوه الكلمتين دول فى حق احمد

اهو الصيت ولا الغنى برضه smk:

مسيو تامر

بجد والله يوم فاتك وهتندددددددددم عليه

بس بما ان ست الحبايب كانت معاكم يبقى كل حاجه تتعوض

ابو عمار

كان نفسنا نشوفك المره دى زى ما وعدتنا المره اللى فاتت

بس احنا اخدنا منك وعد المره دى اهو

حسن درويش

ازيك يا ابو على يارب تكون بخير وتفضل مفتكرنا كده بكل خير وانت فى مصر

;) وكانك كنت موجود يا ابو على ومتقلقش انا باخد نصيبك من الغدا كانك موجود واكتر

على فكره صحيح نسينا نلم اشترا ك الرحله بتاعت الجونينه

اللى عليه فلوس يطلعها من سكات كده لحد ما اشوفه

[sindbad]

والله وعملوها الرجاله

............. ماشاء الله ايه الحلاوه دي

مش عارف اضبط ولا جمعه معاكم !!

ان شاء الله تتعوض

بس قولولي مين اللي بينسق الموضوع وبنتصل بيه ازاي؟

المشكله اني مبدخلش خميس وجمعه على النت!! :closedeyes:

وبعدين انتم فاتكم شغل الاحتراف بتاعي ( الشاورما) ودي المرحله اللي جت بعد احتراف الشواء :happy:

وربنا يكرمكم جميعا ويديم المعروف ونتقابل على خير ان شاء الله

[تامر مصطفى]

والله يا جماعة انا فعلا خسرت كتير بعدم حضوري

بس البركة فيكم

وان شاء الله نتجمع في المرات القادمة

بس انا الايام دي مشغول شوية بالمذاكرة

عقبال عندكوا عندي مقابلة شخصية للترقي لوظيفة موجه فني

وطبعا الراتب هيقفز قفزة رهيبة ومهوووولة

هزيد 10 دنانير

بس الترقية وتغيير بيئة العمل هو المطلوب

منتظر دعواتكم

[الغريب]

والله يا جماعة انا فعلا خسرت كتير بعدم حضوري

بس البركة فيكم

وان شاء الله نتجمع في المرات القادمة

بس انا الايام دي مشغول شوية بالمذاكرة

عقبال عندكوا عندي مقابلة شخصية للترقي لوظيفة موجه فني

وطبعا الراتب هيقفز قفزة رهيبة ومهوووولة

هزيد 10 دنانير

بس الترقية وتغيير بيئة العمل هو المطلوب

منتظر دعواتكم

بالتوفيق يا أستاذ تامر وأن شاء الله خير

أنا بردو حسيت أنك مختفي عن المحاورات اليومين دوول بس قولت الامتحانات قربت والدروس بقى والله يسهل لعبيده :lol:

ولكن جاء الرد قاطعا أنك تعد العدة للترقية

بالتوفيق أن شاء الله وأبقى طمنا