المصريين المغتربين بالكويت

[samehmagdy]

مسيو تامر

ربنا يوفقك ويرزقك بالترقيه الجديده ان شاء الله

ودايما من ترقيه لترقيه احسن منها يارب

بس متنسناش بقى بعزومه حلوه كده لما البليه تلعب معاك وتاخد العلاوة يا سيادة الموجه

[تامر مصطفى]

غريب

الف شكر على ذوقك

بس انا ليا رأي في الدروس الخصوصية انها اسوأ اهانة ممكن يقدمها مدرس لنفسه

وخصوصا لما يدخل بيوت الطلاب اللي عنده في الفصل

بيتكسر ادامهم بعد كده

سمووح

اشكر يا ريس على تهنئتك

وبالنسبة للعزومة فتأكد ان اول علاوة ممكن اضحي بيها كلها واعزمكم بكل فلس فيها

هو انا عندي اغلى منكم؟

سلامي لباقي احبابي واصدقائي فردا فرد

[om marawan]

احم احم

مش عارفة اقول ايه

بس اول دخولى المحاورات من فترة كان لازم اجى ادخل بيتى هنا الاول

غبت كتير عن احلى ناس واحلى محاورات واحلى مغتربين ووحشتونى جدا بلمتكم الحلوة اللى مش ممكن تكون ولا كان ممكن غير بوجود قلب كبير حنين يلم الكل ويطبطب ويساعد ويسأل حتى ع الغايب

" قلب أبيض "

بجد ربنا يبارك لنا فيكى وفى اسرتك ويخليكي لهم ويفرحك بيهم يارب

الفاضل الاخ العزيز استاذ تامر مصطفى

شكرا على دعوتك واسفة والله جدا عن تأخيرى ماليش عذر انى اتأخر عنكم مهما كنت مشغولة

حبيبتى بوسي أم عمر الغالية جدا جداا

نورتى مصر وتيجى بالف مليون سلامة

عندك حق مصر للطيران فيها مشكلة ومعاملتهم بقت عجيبة وخللى بال الناس كلها انهم مشديين ع الوزن جدااا يعنى اى كيلو فوق العشرين بتدفع غرامته ومش مسموح تاخد شنط كبيرة ع الطيارة فوق

استاذ حسن درويش حمد لله على سلامتك لارض مصر

بتفكرنى فى كلامك باختى اللى مش عاوزة تسيب تراب مصر :)

أغابي لعزيزة اللى بتطل من بعيد لكن نشاطها بجد رائع ومداخلاتها قيمة وموضوعاتها مميزة وجميلة تسلم ايدك

كل اخوانى المغتربين القدامى والجدد الاعزاء الغريب .. سمبا الشاعر .. استاذ سامح .. طبيبة مصرية ...سندباد ..حورية عين ..أبو عمار ..كب كيك..رونا اللى مش هتشترى الفورد :) وكل ما لم تسعفنى ذاكرتى بكتابة الاسم سامحونى على غيابى وتقصيري

دمتم كلكم بالف ود ومحبة وتجمع مليان فرحة ورضا

ربنا يسعد ايامكم يارب

تم تعديل 20 ديسمبر 2010 بواسطة om marawan

[sindbad]

بالتوفيق استاذ تامر

وعقبال ما تعزمنا العزومه الكبيره بتاعة الموجهيين :happy:

ام مروان ....

منورة المنتدى

يارب تكونوا بخير جميعا

[تامر مصطفى]

اهلا بعودتك ام مروان

نورتي بيتك

سندباد الف شكر لمشاعرك الطيبة

[elkashif]

والله وحشتوني جدا

قلب أبيض والاستاذ تامر والاستاذ عادل واحمد مظهر (سمبا) وكل الناس الجميلة اللي هنا

ميعاد السفر 2/1 ان شاء الله

وخلاص خلصنا كل المشاكل اللي هنا وخلصت أنا شخصيا

بس ميعاد السفر ميزة وعيب في نفس الوقت

الميزة اني هقضي الكريسماس هنا وهقول هابي نيو يير والنور مطفي :wub:

وبرده هشوف ماتش الزمالك والأهلي هنا ( زملكاوي متعصب ) bsh:)

والعيب انه هيأخرني عن الاختلاط بيكم هوائيا ومناخيا وتعايشا

ولكن اقترب كثيرا من مخالطة الصفوة

يا رب تكونو بخير حال وبمزيد من الصحة والعافية والى يوم مشرق في حياتكم بإذن الله

محمود الكاشف

[الغريب]

غريب

الف شكر على ذوقك

بس انا ليا رأي في الدروس الخصوصية انها اسوأ اهانة ممكن يقدمها مدرس لنفسه

وخصوصا لما يدخل بيوت الطلاب اللي عنده في الفصل

بيتكسر ادامهم بعد كده

أنا متأكد يا أستاذ تامر أني دي هتكون وجهة نظرك في الدروس الخصوصية ، بس كنت بهزر معاك

تحياتي وتمنياتي بالتوفيق

احم احم

مش عارفة اقول ايه

بس اول دخولى المحاورات من فترة كان لازم اجى ادخل بيتى هنا الاول

غبت كتير عن احلى ناس واحلى محاورات واحلى مغتربين ووحشتونى جدا بلمتكم الحلوة اللى مش ممكن تكون ولا كان ممكن غير بوجود قلب كبير حنين يلم الكل ويطبطب ويساعد ويسأل حتى ع الغايب

حمدالله على سلامتك يا أم مروان بصراحة مداخلاتك في الموضوع هنا كانت ديما رائعة، بس أنت أختفيتي مرة واحدة لعل المانع خير

بالتوفيق لك ولأسرتك الكريمة

والله وحشتوني جدا

قلب أبيض والاستاذ تامر والاستاذ عادل واحمد مظهر (سمبا) وكل الناس الجميلة اللي هنا

ميعاد السفر 2/1 ان شاء الله

وخلاص خلصنا كل المشاكل اللي هنا وخلصت أنا شخصيا

بس ميعاد السفر ميزة وعيب في نفس الوقت

الميزة اني هقضي الكريسماس هنا وهقول هابي نيو يير والنور مطفي :wub:

وبرده هشوف ماتش الزمالك والأهلي هنا ( زملكاوي متعصب ) bsh:)

والعيب انه هيأخرني عن الاختلاط بيكم هوائيا ومناخيا وتعايشا

ولكن اقترب كثيرا من مخالطة الصفوة

يا رب تكونو بخير حال وبمزيد من الصحة والعافية والى يوم مشرق في حياتكم بإذن الله

محمود الكاشف

توصل بألف سلامة أخونا الفاضل، وتنور الكويت، وإن شاء الله تكون لبنة جديدة في جدار النجاح المصري بالكويت (أيه الكلام الكبير ده)

بس نصيحة قبل ما تييجي الكويت يا أخي الفاضل، سيبك من الزمالك أحسن ;)

[قلب ابيض]

[quote name=om marawan' timestamp='1292848539' post='671644

احم احم

مش عارفة اقول ايه

بس اول دخولى المحاورات من فترة كان لازم اجى ادخل بيتى هنا الاول

غبت كتير عن احلى ناس واحلى محاورات واحلى مغتربين ووحشتونى جدا بلمتكم الحلوة اللى مش ممكن تكون ولا كان ممكن غير بوجود قلب كبير حنين يلم الكل ويطبطب ويساعد ويسأل حتى ع الغايب

" قلب أبيض "

بجد ربنا يبارك لنا فيكى وفى اسرتك ويخليكي لهم ويفرحك بيهم يارب

ام مرواااان

عودا حميدا يا ست الكل ...وحشتينا

بصراحه كنت بدأت ايأس من وجودك بالكويت موبايل مغلق ..وبريد المنتدى كان المنقذ

ماتغيبيش تانى يا ام مروان

والله وحشتوني جدا

قلب أبيض والاستاذ تامر والاستاذ عادل واحمد مظهر (سمبا) وكل الناس الجميلة اللي هنا

ميعاد السفر 2/1 ان شاء الله

وبرده هشوف ماتش الزمالك والأهلي هنا ( زملكاوي

متعصب ) bsh:)

محمود الكاشف

ياااا ويلكم باللعب والفن والهندسه

وانا اقول ياربى الديوانيه شكلها داخل على عصر ابيض وبخطين

"ان شاء الله تكون سنه سعيده علينا كلنا وعلى الزمالكويه خاااااصه ...."الا وانى اشك

:sad:

توصل بالسلامه ان شاء الله وابقى طمنا اخبار كايرو ايه انا نازله يوم 15 ان شاء الرحمن

غريب باشا ......خد لك جنب يا اهلاوى شويه

" bsh:) ادونا فرصتنا بقـــــــــــــى ......" وش محمد سعد فى ناخد من كل رجل قبيللللللللللللله

[om marawan]

ياخبر حضرتك طلبتينى ع الموبايل :(

معلش والله انا فعلا موبايلى اتسرق ودى حاجة استغربتها هنا جدا هههههههههه

والموضوع بقاله ييجي اسبوعين تلاتة ولسه ماجبتش لا خط ولا عدة

انا هابعت لحضرتك رقم البيت ع الخاص

ده شرف ليا والله

أستاذ تامر ألف شكر يافندم على ترحيبك وسؤالك

الغريب بك .. شكرا على اهتمامك هو الحمد لله فعلا خير انا كنت كل شوية باتشغل فى حاجة

والمشكلة انى فعلا بحب المحاورات جدا يعني لما بافتحها بتاخد منى ساعات طويلة

فكنت مضطرة أبعد فترة تماما

هو للأسف ماخلصتش اللى كان مفروض انجزه برضه

بس الحمد لله خير برضه

الفاضل سندباد المنتدى منور بيكم والله دايما وبمشاركاتكم المتميزة

استاذ الكاشف

والله انا كنت لسه باقول خللوا الزملكاوية يشموا نفسهم شوية عشان بجد حرام صعبانين علينا

ودى احسن فرصة ويمكن ماتتعوضش :closedeyes:

نسيت اقول لحضرتك توصل بالسلامة قصدي يعني

[قلب ابيض]

اول موضوع للكاشف فى المنتدى

http://www.egyptiantalks.org/invb/index.php?showtopic=114397&st=0&p=671867&fromsearch=1entry671867

واجب بردوا نحيووووووه bv:-

[noname]

السلام عليكم ...

اخبار الحبايب اية ؟ اتمنى خيرا

استاذ تامر انا فضلت يوم الخميس منتظر اتصالك علشان اعرف مكان اللقاء واتضح انك مرحتش .. والف مبروك على الترقية

ا/ محمود الكاشف منتظرين وصولك على احر من الجمر ويابخت الكويت ... حللت اهلا ونزلت سهلا

ماما قلب ابيض , سامبا , سندباد وكل اهل التوبيك كل واحد باسمة وشخصة الكريم كل سنة وانتم طيبين وعام سعيد

ويارب دايما متجمعين فى الخير

دعواتكم لانى اليومين دول منتظر اخبار كويسة .. ادعولى تتم على خير

[Simba]

مسيو تامر

بالتوفيق ان شاء الله

والعشر دنانير دول رزق وجالنا

مش هنفرط ومش هنتنازل عن شبر من ارضنا ولا فلس واحد من فلوسك :closedeyes:

فيه مج في ستار بكس ب 9 دينار و 700 فلس

فانت تجيب لنا 12 واحد بعدد شهور السنة وتوزعهم علينا في اللقاء الجاي

ويا سيدي احنا مسامحين في ال 300 فلس الباقيين

[Simba]

اول موضوع للكاشف فى المنتدى

http://www.egyptiantalks.org/invb/index.php?showtopic=114397&st=0&p=671867&fromsearch=1entry671867

واجب بردوا نحيووووووه bv:-

طبعا نحيووووه

ونسقيه شربات كمان

قطيعة محدش بياكلها بالساهل

[Simba]

السلام عليكم ...

اخبار الحبايب اية ؟ اتمنى خيرا

استاذ تامر انا فضلت يوم الخميس منتظر اتصالك علشان اعرف مكان اللقاء واتضح انك مرحتش .. والف مبروك على الترقية

ا/ محمود الكاشف منتظرين وصولك على احر من الجمر ويابخت الكويت ... حللت اهلا ونزلت سهلا

ماما قلب ابيض , سامبا , سندباد وكل اهل التوبيك كل واحد باسمة وشخصة الكريم كل سنة وانتم طيبين وعام سعيد

ويارب دايما متجمعين فى الخير

دعواتكم لانى اليومين دول منتظر اخبار كويسة .. ادعولى تتم على خير

ان شاء الله دايما تسمع كل اخبار حلوة

[أبوعمار]

صباح الخير على أجدع ناس

تامر الزعيم

مبروك الترقية والـ10 دنانير رأيي تساهم بيهم لسداد ديون مصر

ان شاء الله ربنا يبارك لك فيهم ويجعل التراب في ايدك دهب قادر يا كريم

ام مروان

حمد لله عل السلامة نورتينا والله

الكاشف

ايه المواضيع الجامدة دي ... فيلسوف يا اخواتي

قلب أبيض

صباحك أبيض زي اللبن الحليب

سمباوسامح

أحلى صحبة أخباركم ايه؟

noname

ربنا يتم عليك الفرح وتفرحنا معاك ان شاءالله

أيوة كده عايزين أخبار حلوة ترفع معنوياتنا

وباقي الصحبة الحلوة صباح الورد يا ناس يا عسل

تم تعديل 22 ديسمبر 2010 بواسطة أبوعمار

[samehmagdy]

السلام عليكم

ايه يا سمبا دايما مستعجل كده

استنى لما نشوف حاجه بالعشره دينار مقفله ولا عاوزه يبقى ماشى بيشخلل كده بالفلسات

مسيو تااامر

ربنا يستر عليك دى انت اخدت كميه نق محترمه انا لو مكانك اتبرع بالزياده دى بسرعه للمحاورتيه الغلابه اللى زينا

وهنيالك يا فاعل الخير

الكاشف

الكويت تنور بيك ووزاره العدل بالذااااات ولما تيجى هتعرف ليه بالذات

وعلى فكره اللى انت متعرفوش بقى ان

الدعوة انتشرت هنا فى الكويت اوى اصل العبد لله زملكاوى بالوراثه

ابو عمار

يا مساء الورد والانوار عليك يا راجل يا طيب

ونتقابل عن قريب ان شاء الله

ام مروان

يا اهلا وسهلا بيكى نورتى بيتك

انا معرفش حضرتك بس الظاهر كده من كلام ماما قلب ابيض انك من اصحاب البيت

وكل الشرف لينا فى وجودك معانا

noname

ربنا يسمعنا عنك كل خير

ويشرح قلبك دايما بالاخبار الحلوة

بس لو فيها 10 دينار زياده اوعى تقول لحسن يكون مصيرها زى ناس

[elkashif]

http://www.youtube.com/watch?v=So-T2KYwoA0

صباح الخير عليكم

حبيت تشاركوني أفكاركم

هو فيه زي المصرية ولا دا كلام فاضي وبنقوله عشان مفيش قدمنا (غيرهن)

تم تعديل 23 ديسمبر 2010 بواسطة elkashif

[herohero]

http://www.youtube.com/watch?v=So-T2KYwoA0

صباح الخير عليكم

حبيت تشاركوني أفكاركم

هو فيه زي المصرية ولا دا كلام فاضي وبنقوله عشان مفيش قدمنا (غيرهن)

هو فيه وزي المصرية ف ايه ؟؟؟؟

اخي العزيز لازم تحدد وبعدين بكرة لما توصل الكويت هتشوف نماذج مختلفه وتبدا تحكم ساعتها

لاننا ف مصر عندنا قناعات ان مفيش حد زينا ف اي حاجه فده شيئ

تاني

وكمان احنا مانقدرش نتكلم ع المصرية طب ياترى الزوج المصري اخباره ايه

يعني انا بقى عند قناعة ان سبحان اللله المصري الزوج ما تنفعش له الا الزوجه المصرية

ده اللي بدات اقتنع به يعني اللبناننية استايل وحاجه تتعاق بيها بس برده مش اي زوج ينفعها

مبدئيا محتاج ماكينة صراف وراها

يعني من الاخر قناعتي المصرية ع اد ايد\ المصري وهم الاتنين لاقن لبعض

وبرده مستنيين نشوف انطباعاتك لما توصل الكويت اخي الفاضل

خاصة لو ده اول مرة تطلع بره مصر يعني تعتبر الكويت فرصة انك تشوف أشكال مختلفه من البشر وساعتها هتعرف

هو احنا بنقول كده ليه ان المصرية مفيش زيها

اذا بدك تعيش عيشة هنية اتجوز واحده شامية

انا بسمع ده من زمان اتمنى حد يصحح لي المعلومة ده

[samehmagdy]

صباح الخير عليكم

حبيت تشاركوني أفكاركم

هو فيه زي المصرية ولا دا كلام فاضي وبنقوله عشان مفيش قدمنا (غيرهن)

ليه الاحراج دى بس على الصبح

بص يا سيدى هو كل جنسية وليها مميزاتها وعيوبها

angl:: انما بالنسبه لينا احنا كمصريين وعن تجربه" مش انا طبعا

دى احنا كلنا بناكل عيش فى البيت دى

"

وبصراحه لو عاوز تختار فقصادك اتنين

المصريه والسوريه

:ok: والسوريه بصراحه بتجمع ما بين مواصفات المصريه واللبنانيه

بس قبل كل الكلام دى

النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .

فمش مهم هى جنسيتها ايه طالما اخلاقها ودينها وتربيتها كويسه وفى حب و راحه نفسيه بينهم

وانا شخصيا لو اتجوزت مائة مره مش هتجوز غير مراتى

ومقدرش اقول اكتر من كده :sofa:

الا قصاد المحامى بتاعى

:amb: وان لله وان اليه راجعون

تم تعديل 23 ديسمبر 2010 بواسطة samehmagdy

[قلب ابيض]

http://www.youtube.com/watch?v=Ch1ML8RZlnM

انا جيييت ياللى اتغشيت وعليك خشيت فايزه ومنصوره ..ما هواصل قليل الاصل يسيب الاصل وياخد الصوره ;)

ومافيش واحده تقدر على تقليد مصررررريه smk:

تم تعديل 23 ديسمبر 2010 بواسطة قلب ابيض