المصريين المغتربين بالكويت

[قلب ابيض]

طب حد يسال ؟؟؟

حد يقول انتى فين ؟؟؟

:sad: هوااااااااااااااا...ولا كأنى كنت معاكم ؟؟ :sad:

[YOUR BROTHER]

إستفسار من الزملاء التربويين/ات

زملاء بمصر بيسألوا عن طلب وزارة التربية لمعلمين/ات

يا ريت اللى عندو تفاصيل يدليلنا بدلوو فى الموضوع دة

والدعوة عامة

وشكر لكل من يقرأ التعليق ... وشكر خاص للى يرد عليه

[elkashif]

الحمد لله وصلنا واستقرينا

مفتقدكم بجد

ووحشتني مصر

( العمل هنا سري جدا وممنوع التجمعات مع أصدقاء من خارج الكيان )

دا اسمه كلام فارغ

والله كلام فارغ

استاذ عادل أتمنى تكون وجهتك القادمة في مصدر الخير ليك وربنا يوفقك

استاذ سمبا ادام الله عليك الروح الحلوة

ماما قلب أبيض ................... ادعيلي

استاذ تامر كن بخير يا صديقي

[أهااات روح]

طب حد يسال ؟؟؟

حد يقول انتى فين ؟؟؟

:sad: هوااااااااااااااا...ولا كأنى كنت معاكم ؟؟ :sad:

حمدالله على السلامة ياابيض قلب

احنا قلنا من لقا احبابه نسى اصحابه

فقلنا نسيبك تستمتعى بكام يوم كده من غير دوشتنا

بس انتى دايما فى القلب وعلى البال منقدرش ننسى ابيض قلب قابلناه

سلامى للجميع

تم تعديل 13 يناير 2011 بواسطة أهااات روح

[noname]

الحمد لله وصلنا واستقرينا

مفتقدكم بجد

ووحشتني مصر

حمدالله على وصولك سالمنا .. انا كمان بقول الكويت نورها زايد لية؟ اكيد علشان ظهور قمر جديد فى سماها

مصر وحشتنا كلنا وهتلاقى هنا حبايب كتير ان شاء الله .

ماما قلب ابيض مين دة اللى يقدر ينساكى كلنا بنسأل بس مفيش رد .. ان شاء الله خير

وصباح الفل على كل الحبايب

[الغريب]

الجو بااااااااارد جدا

والحرارة إحتمال تصل للصفر اليوم

طب حد يسال ؟؟؟

حد يقول انتى فين ؟؟؟

:sad: هوااااااااااااااا...ولا كأنى كنت معاكم ؟؟ :sad:

مدام قلب أبيض.. محاورات المصريين بشكل عام ، والديوانية بشكل خاص، بدون إطلالات قلب أبيض بتبقى فيها حاجة ناقصة.. دي حقيقة

إستفسار من الزملاء التربويين/ات

زملاء بمصر بيسألوا عن طلب وزارة التربية لمعلمين/ات

يا ريت اللى عندو تفاصيل يدليلنا بدلوو فى الموضوع دة

والدعوة عامة

وشكر لكل من يقرأ التعليق ... وشكر خاص للى يرد عليه

الجماعة بيحاولوا بقدر الإمكان يوفروا الأعداد من هنا أولا، ثم التوجه للإستكمال من مصر وده بيكون في شهر مارس عادة.. على حد معلوماتي

الحمد لله وصلنا واستقرينا

مفتقدكم بجد

ووحشتني مصر

( العمل هنا سري جدا وممنوع التجمعات مع أصدقاء من خارج الكيان )

دا اسمه كلام فارغ

والله كلام فارغ

استاذ عادل أتمنى تكون وجهتك القادمة في مصدر الخير ليك وربنا يوفقك

استاذ سمبا ادام الله عليك الروح الحلوة

ماما قلب أبيض ................... ادعيلي

استاذ تامر كن بخير يا صديقي

الفاضل الكاشف .. موفق بإذن الله ، وناجح كمان.. :)

[مصطفى محمد]

السلام عليكم

ممكن اعراف اية افضل نوع فى الاب توب بالكويت والاب تبو المستعمل بيعمل كام دينار واية افضل محل كويس فى الفروانية وتنصحوينى اجيب واحد مستعمل ولا جديد وشكرا لكم.

[samehmagdy]

ماما قلب ابيض

الف الف حمد لله على السلامه

ومين دى اللى قال انك مش معانا

انتى موجوده معانا دايما بقلبك الابيض

وبعدين انتى دلوقتى مع ست الحبايب

فقلنا اكيدانت نسيتى الدنيا كلها هناك

ودى مننا لست الحبايب يا حنناك انت

ابو عمار

يا صباح الخير والورد وكل المشاتل عليك يا ابو عمار وعلى كل احبابنا كلهم

هى جايه متاخره بس عقبال ما الواحد صحى من النوم

noname

ازاى ننساك يا باشا دى برضه كلام

والف مبروك على اكمال سنه مع الكفيل bv:-

وعقبال ما ربنا يكرمك من فضله ومتحتجش الكفيل ولا الغربه كلها

بالنسبه لامتحان الاوقاف انا هروح اسالك هناك ولو عرفت اخبار هبعتلك على طول ان شاء الله

الكاشف

الف حمد لله على السلامه ويارب تكون ايامك ايام كلها سعاده وخير وتوفيق ان شاء الله

وبعدين مين اللى قالك ممنوع التجمعات والاصدقاء من خارج الكيان

هما هيشتغلوك ويعملولك كرت ارهاب من اولها ولا ايه smk:

بتفكرنى بنفسى انا وزميلى لما جينا من مصر اول مره وكانو بيقولولنا نفس الكلام لدرجه اننا كنا بنيجى الدوام بعد الموظفين بنص ساعه ونمشى قبلهم بنص ساعه علشان منتقابلش بحد ولا نتكلم مع حد

كلها اسبوع بالكتير وهتفهم الوضع كله وهتعيش حياتك عادى

الغريب

ليه بس كده يا غريب حسستنا بالبرد من كلامك يا راجل

انت بس ادفى كويس واشربلك واحد نسكافيه كده وانت تبقى تمام وميه ميه

مسيو تامر

اللى اعطاك يعطينا يا عم

bv:- انت زعلان مننا ومخاصمنا ولا ايه بس قول انت بس مين اللى زعلك واحنا نقوم بالواجب

سمبا

انت فين يا كبير مختفى ليه كده ولا انت لسه عند دكتور الاسنان من يومها

ولا العفاريت اللى فى غرفتك قفلو الباب ونسيو المفتاح جوه

ابقى افتح الشباك وصبح علينا كده وطمنا وابقى ادخل تانى

[Simba]

اهل الديوانية الكرام

بعد التحية والسلام

ليكم وحشة كبيرة جدا والله

مدام قلب ابيض

حمدلله علي سلامتكم ونورتم ارض الكويت

مدام بوسي

الله اعلم هتشوفي المشاركة دي ولا لأ بس مفتقدينك والله

مسيو تامر

ابو فرح الغالي

سلامات يا راجل

اوعا تكون كسبت المليون دينار وبدأت تعمل الحاجات اللي قولت عليها من ورانا

غريب بك

ازيك يا استاذي

متابعك هنا وهناك ويارب الامور في المنتدي تهدي

اللورد سامح

ما تقلقش علي الاسنان انا اتصلت علي كل العيادات الخاصة في الكويت وما شاء الله لقيت التركيبة الواحدة بتبدأ من 70 دينار لحد 250 دينار وخلاص كلها سبوع واعملها ان شاء الله مفيش مفر

علي الاقل لو جبت جاتوه تاني اقدر اتعامل معاه

ولو اني ميال للمكرونة بالباشميل :closedeyes:

تحياتي يا استاذي

نو نيم

موفق ان شاء الله

طمنا عليك

الكاشف

سيبك انت طالما بتدخل علي النت ولا يهمك هنبعت لك عينات دليفري علي الانبوكس

ابو عمار الغالي

اخبارك ايه علي الحدود طمنا عليك

وطمنا علي اولادك

ان شاء الله الامور كلها تكون تمام

مطصفي بيه

اهدي

ويا واش يا واش هتعرف كل حاجة

بس عموما في بست في حولي كان عامل عرض للاب توب ايسر امكانياته تمام ب 69 دينار فقط لا غير

بس المواصلات عليك :P

الاخت حورية عين

الاخت رونا

ابلة سارة

دكتورة اريج

فينكم اختفيتم :sad:

[elkashif]

هو انا هلاقيها منين ولا منين

لازم المشاركات توصل 30 عشان اعرف ارد في الانبوكس

ماشي انا موافق

كده 28

[elkashif]

استاذ سامح اتمنى يكون كلامك صح

بس شكله الموضوع رسمي جدا

غريب بيك متشكر ليك جدا

نو نيم البلد منورة بمغتربينها

يا رب تكونو جميعا بخير

29

[elkashif]

سمبا انا هفتح الانبوكس اهو

مستني الدليفري

30

[pocy]

السلام عليكم ورحمه الله وبركاته

يا ترى لسه فكرنى ولا اللى بيروح مصر بيتنسي والله كنت اتمنى اتنسي بس اكيد مش منكم

اولا انا بعتذر لانقطاعى عن المحاورات وان كنت بدخل للحظات قليله واخرج بس المرض ابعد الله الجميع عنه اقعدنى انا وزوجى وابنى طريحى الفراش فتره طويله وكأن نزولنا لمصر لم تكن غير لاكتشاف بعض انواع الامراض التى لم نكن ع علم بها والحمد الله على كل شئ والله انا داخله لانى حاسه انى حزينه من اللى حصلنا الفتره دي عمر ما شوفت درجه حراره توصل ل41 شوفتها مع عمر منذ عده اسابيع وكل ما نقول انه فاق سبحان الله ترتفع تانى ونجرى ع الحميات اما ما حدث لى انا فاجاراكم الله والله ايدى مزرقه من كتر الحقن والمحاليل بجد كان الوضع فى الاجازه دى سئ للغايه وبدأت الرحله من مشكله الوزن مع مصر للطيران واللى فؤجئنا بيه انه بقي 20 مش 40 ويا عالم يوم السبت هنعانى من نفس المشكله ولا لا ؟؟؟؟؟ ولا ع الخدمه اللى فى الطياره مش عارفه احكى عن ايه ولا ايه ابنى زى مانتو عارفين عنده سنتين ونص مكنوش عاملين حسابه فى وجبه ولما كلمتهم فين وجبته ماهو تذكره كامله برضه جابوله جلبر بتاع طفل عنده ست شهور ومكتوب كده ع العلبه كمان يعنى المفروض انهم عارفين وانا فى الوطنيه ولا الكويتيه كان بيبقي في سماعات وعمر بيحب يسمع بيها تخيلوا لما مش لقيتها سالت فين السماعات قالولى مفيش وبطريقه غير مهذبه تحس انى عايزه سماعات علشان اخدها وبجد استغربت جدا وبعد كده لما جه وقت الاكل فرض على اللحمه ونرفزنى جدا وهو بيقلي (تاكلى ايه يا فندم اكيد لحمه راح حط الوجبه ومشي مدنيش الاوبشن اللى موجوده والله حسسنى انى مش لاقيه اللحمه فصعبت عليه فدانى لحمه ولان عمر بيه مش بيحبها لما اتكلمت انه مفروض ليه وجبه وياريت فراخ وافاجئ برضه انه يفرض على اللحمه مع ان فى فراخ وفى سمك بجد كنت مخنوقه جدا جدا ده طبعا ان مفيش اهتمام بالحمامات ولا نظافتها بجد قرفت جدا منهم ودى اول واخر مره اسافر ع المصريه حتى لو كانت برخص التراب مع انه ولا برخص التراب ولا حاجه المهم دى كانت بدايه الرحله وبعد وصولى بيومين والفرحه بلقاء الاحبه والاهل بدأت اعانى انا وعمر من تغيير الجو ودور برد شديد يجعلنا طرحى الفراش انا وابنى وكل من يأتى ليزونا يكون جايب برتقال علشان انه افضل علاج للفرد مع الوصفات الشعبيه من وضع ورقه جرنال تحت الهدوم ومن دعك الجسم بالخل ومن دهن الجسم بزيت زيتون دافئ وهلم جره ثم اتى زوجى وبدأنا رحله العلاج له هو الاخر بس مش برد بس ولفه شديده تحاليل وعلاج ونظام اكل وووووووووو بجد حاسه ان الاجازه كانت صعبه جدا مع انى عارفه انى لما ارجع بيتى هشتاق لكل حاجه حصلت سواء وحشه او حلوه وكفايه ضمه امى لى الله يشفيها ويقومها لينا بالسلامه يارب اللهم امين

معلش نكدت عليكم بس حسيت انى محتاجه افضفض مع حديكون بره مصر الحبيبه وبالاخص بره القاهره

انا بعتذر انى مكنتش برد على اى رسايل الفتره اللى فاتت لان مكنش فى وقت او مكنش في مود للرد واشوفكم ع خير كمان كام يوم عقبال ما افوق من اللى عندى

المهم انا جايه فجر السبت ان شاء الله لو اى حد محتاج اى حاجه يقول انا قدامى بكره بس فى ارضنا الحبيبه مصر

[pocy]

نسيت اقول انا عايزه اطرح موضوع ونناقشه وهو وضع الطب في الكويت وفى مصر من حيث الافضليه والعلاج وما الى ذلك ؟؟؟؟؟

حبيت اضيف سؤال انت بستفاد بالتامين الصحي بنسبه أد ايه فى الميه ؟؟؟؟

وهل استفدت منه ازاى وايه المواقف اللى قابلتك معاه السيئه والزينه ؟؟؟؟؟؟

تم تعديل 13 يناير 2011 بواسطة pocy

[الغريب]

الغريب

ليه بس كده يا غريب حسستنا بالبرد من كلامك يا راجل

انت بس ادفى كويس واشربلك واحد نسكافيه كده وانت تبقى تمام وميه ميه

شكرا لسؤالك بس هو فعلا الجو اليوميين دول باااارد جدا ، يلا حسن ختام الشتا

غريب بك

ازيك يا استاذي

متابعك هنا وهناك ويارب الامور في المنتدي تهدي

:sad:

مش عارف ليه بحب مشاركاتك جدا يا مسيو سمبا، ربنا يكرمك ويزيدك أدب وذوق وأخلاق رفيعة

معلش يا أم عمر كلها حاجات بسيطة وأهم حاجة أنك أنت وأسرتك بخير ، وكل حاجة تهون

لعله كله خير لكم ، وتنوروا الكويت بألف سلاامة

بس ياريت وأنت راجعة على مصر للطيران تطالبي بحقك من الألف للياء، ولو حد عمل حاجة مش كويسة متتردديش تعملي شكوى في خدمة العملاء ، دي بردوا شركة مصر الوطنية وتصحيحها من الفساد مسئولية مشتركة علينا كلنا

ولما ترجعي بألف سلامة نطرح موضوعك المهم ليا أنا كمان صراحة، ويثار هنا من وقت للتاني

تم تعديل 13 يناير 2011 بواسطة الغريب

[Simba]

معلش نكدت عليكم بس حسيت انى محتاجه افضفض مع حديكون بره مصر الحبيبه وبالاخص بره القاهره

ابدا ابدا

بتاتا البتة

اللي منكد علينا غيابكم عن المنتدي يا فندم

الف الف سلامة عليكم وان شا الله تكونوا بقيتم احسن من الاول

خسارة اللي حصلكم في مصر للطيران

وبالنسبة للتامين الصحي

طبعا طبعا بيفيد

بيفيد في الاجازات المرضي ;)

تم تعديل 14 يناير 2011 بواسطة سمبا

[Simba]

الكاشف

مبروك لمعاليك

اخيرا قدرت تستخدم الانبوكس والحياة بقت وردي معاك

عقبالنا يارب :closedeyes:

الغريب بك

من القلب للقلب يا صاحبي

[أبوعمار]

أعضاء الديوانية الغاليين

خلصت فيكم كل الكلام

سمبا الشاعر رقيق المشاعر

أبشرك كله تمام والحمد لله ... كلنا بخير

انت أخبارك ايه ؟ إن شاء الله يكون كله تمام

سامح الراجل الطيب أبو قلب حنين

مساء الأنوار على عيونك يا عسل

قلب أبيض اللي جمعت كل القلوب حواليها

وحشتينا ... أخبارك ايه ؟ والأهل والأصحاب؟

سلمي لي على مصر .... سلمي لي

كل الأعضاء الغاليين بديوانية الكويت

يارب تكونوا في أحسن حال

[حسام البورسعيدي]

ولا ع الخدمه اللى فى الطياره مش عارفه احكى عن ايه ولا ايه

الف حمد لله عالسلامة وربنا يكفيك وجميع الأسرة شر المرض

بخصوص خدمة مصر للطيران بقى هقولك موضوع الوزن ده من أول لما الشركة انضمت لاستارز تقريبا من سنة 2009

واللي بينضم لاستارز بيلتزم بقراراتهم اللي من ضمنها الوزن

المهم ما علينا وانا راجع وأسرتي سنة 2009 عرفت ان الوزن 20 يعني انا وزوجتي 40 كيلو لان بنتي وقتها ما كانتش تمت السنتين وتذكرتها بدون وزن

قبل ما اروح المطار وزنت الشنط طلعوا 140 كيلو يعني معايا 100 كيلو زيادة

كلمت العامل اللي بيحط الشنط عالميزان عشان يراعوني شوية وانا اراعيه

ما دفعتش ولا جنيه وزن زائد واديت الراجل 150 جنيه...ده بخصوص الوزن

بخصوص الخدمة بقى انا من سنة 2004 وانا عارف سر الخدمة الزفت على خطوط الشرق الأوسط بالنسبة لمصر للطيران

صدفت اني كنت مسافر في شهر 7 رحلة اضافية على مصر للطيران

لقيت خير اللهم اجعله خير الطيارة جامبو اللي بدورين دي واللي كنت فاكر ان ما عندناش في مصر للطيران منها

الفاجعة الكبرى بقى كانت لما دخلت الطيارة

مضيفات ايه كأن مش في مصر للطيران خالص

بجد مضيفات مضيفات يعني شياكة ونضافة وذوق وابتسامة تسحر وسبحان الله على جمالهم الرباني

استنوا استنوا اللي جاي اتقل

دخلت الطيارة نضافة ايه وكراسي ايه

عارفين الكراسي الوثيرة؟؟ انا كنت بسمع عنها المرة دي شوفتها

والطيارة بقى وهي بتطير مشغلين الكاميرات اللي بتخليك تشوفي اللي تحت وانتي في الطيارة

وأفلام عربي وأجنبي

مش عارف هو انا كنت في مصر للطيران ولا امريكان اير لاينز اوف ايجيبت

أسكت انا يعني وافوت الحاجات الحلوة دي؟؟

محتار بجد

قولت لازم اعرف

خليت قمر معدي قصدي مضيفة وقولتلها ممكن سؤال؟

عارفين الاعلان بتاع سيجنال تو بتاع زمان ده؟

كانوا بيجبوا صفين لولي يضحكوا

هي كده بالضبط

قولتلها هو احنا مسافرين على ايه؟

قالتلي ايجيبت اير

قولتلها أر يو شور (عنجليزي برده يعني) مهو احنا مش جهلة يعني

قالت يس

طيب عاوز اعرف السر

قولتلها بقولك ايه النبي عربي وانا لغاية هنا واستوب

اتكلمي مصري بقى وخليك جدعة ياي عالابتسامة

ملحوظة: الكلام ده كان قبل ما اتجوز والله عشان ماحدش يفهم غلط وخصوصا المودام بتاعتنا لو جت هنا بالغلط :)

قولتلها ليه النضافة دي كلها من أول الباب لغاية الكرسي لغاية الجو بره

قالتلي أصل الطيارة دي أساسا بتطير على خطوط أمريكا وأوربا بالطاقم بتاعها وجابونا عالخليج في الصيف رحلة اضافية عشان الزحمة

لو شوفتوها وهي بتقولي جابونا عالخليج

كأن يعني معاقبينهم

فهمتوا بقى وجهة نظر مصر للطيران ايه للمصريين

مهو اللي بيسافر عليها اوروبا معظمهم مش مصريين

وفيه حكايات كتير حصلت مع صحابي

لنا بها عودة

فما تزعليش نفسك يا ست بوسي

ارمي ورا ضهرك

طوفي

[noname]

noname

ازاى ننساك يا باشا دى برضه كلام

والف مبروك على اكمال سنه مع الكفيل bv:-

وعقبال ما ربنا يكرمك من فضله ومتحتجش الكفيل ولا الغربه كلها

بالنسبه لامتحان الاوقاف انا هروح اسالك هناك ولو عرفت اخبار هبعتلك على طول ان شاء الله

استاذ سامح والله قلب فعلا كبير

متشكر لاهتمامك انا فعلا مش عارف حاجة فى الكويت ولا نظام امتحان الوزارات

منتظر ردك ويارب توصل لحاجة

مدام بوسى ام عمر هتنورى الكويت وياخسارة مصر الكبيرة

والله ليكى وحشة

ماما قلب ابيض , سامبا , اخويا تامر , الكاشف وكل واحد باسمة لعدم النسيان وحشتونى