المصريين المغتربين بالكويت

[samehmagdy]

صباح الفل عليكم كلكم

مسيو سمبا

هنعمل ايه بس يا حج حكم القوى على الضعيف

تامر باشا

معلش يا باشا تتعوض فى حاجه احسن منها ان شاء الله متعرفش الخير فين

بس انت اللى غلطان لو كنت بتزاكر من اول السنه وبتاخد دروس خصوصيه كان زمانك متظبط احسن تظبيط

اطيب قلب ابيض

ربنا يسمعنا عنكم كل خير يارب وتبشرينا دايما كده بالاخبار الحلوه

وتطلعى تقولى كده

(انباء عن هروب حسنى وعائلته الى السعوديه فى طائرة خاصه

كان معكم قلب ابيض من امام كشرى ابو طارق ميدان التحرير)

الدنيا بتمطر دلوقتى يا جماعه ودى وقت دعاء وتضرع لربنا سبحانه وتعالى

ادعو ان ربنا يفرجها علينا وعلى بلدنا

[امير المستقبل]

الاخ الغريب اشكرك لطمانتى وربنا يسمعنا عنه خير يارب ومفيش لينا قرايب هناك ربنا يطمنا بس قولوا امين ولو احتجت لمساعدتكم اكيد هقولكم وتسلموا يارب ويحميكم كلكم فى غربتكم

[قلب ابيض]

تم حجب موقع الفايسبوك وتويتر عن مصر بالفعل

والتجمع الكبير لكل مصر عقب صلاه الجمعه غدا ان شاء الله مساجد وكنائس

جمعة الغضب للثورة على الفساد والظلم والبطالة والتعذيب

Tomorrow, January 28 at 12:00am

Location: في كل أنحاء مصر

ده ايميل ومسجات توزع حاليا بمصر

قولوا يااارب يحمى ولادنا وبلدنا ويرد الظلم عن الناس ....البلد حالها ما يسرش ابدااااا

حاتم ....العيد الوطنى هاكون بمصر لسه ....القاكم على خير ان شاء الله

[noname]

تم حجب موقع الفايسبوك وتويتر عن مصر بالفعل

والتجمع الكبير لكل مصر عقب صلاه الجمعه غدا ان شاء الله مساجد وكنائس

جمعة الغضب للثورة على الفساد والظلم والبطالة والتعذيب

Tomorrow, January 28 at 12:00am

Location: في كل أنحاء مصر

ده ايميل ومسجات توزع حاليا بمصر

قولوا يااارب يحمى ولادنا وبلدنا ويرد الظلم عن الناس ....البلد حالها ما يسرش ابدااااا

حاتم ....العيد الوطنى هاكون بمصر لسه ....القاكم على خير ان شاء الله

الى مراسلتنا فى قاهرة المعز

شكرا على الاخبار الطازة وبالفعل من يومين مش عارف اقابل حد من مصر على الفيس بوك

وربنا يحميكى يامصر ويحمى شعبك الحى .. علشان يعرفوا ان شعب مصر الطيب صبور مش خنوع

العيد الوطنى مش هيكون لية طعم .. لان امنا هتكون فى مصر وانا ان شاء الله فى مكة للعمرة وهدعيلك وادعى لمصر وادعى على الظلمة

ولتسقط مملكة مبارك الوراثية وتحيا جمهورية مصر العربية

تم تعديل 27 يناير 2011 بواسطة noname

[Abo Yossef]

أشكر الأخوة المشاركين فى هذا الموضوع لما فيه من الفوائد و تبادل الخبرات فى الكويت

و ارجو من الأخوة مشاركتى فى معرفة أفضل المدارس فى محافظة الأحمدى

لأن سأقدم للأولاد فى الكى جى 1

و عايز أعرف مواعيد التقديم و المصاريف لو بعض الأخوة لديه فكرة

اخوكم

مهندس أبو يوسف

اهلا بيك يا ابو يوسف

انا اعتقد ان من المدارس الكويسة مدرسة المعرفة النموذجية

او مدرسة كامبريدج

والاتنين تابعين لنفس الشركة

مشكور أخى على الرد

أنا فعلا سألت عن كلا المدرستين مبعض الزملاء ولكن لم أجد من يمدح فى مستوى التعليم فيهما

حيث كما قيل إن إهتمام بالأمور الترفيهية أكثر من التعليمية بالأضافة لرفع نسب النجاح فى المراحل الأبتدائية و المتوسطة لجذب أولياء الأمور لكن هناك من يمدح النجاة الأسلامية لكن لا يوجد بها روضة

على العموم الله المستعان

مهندس أبو يوسف

[Abo Yossef]

أخى لشراء خط موبيل هنا يلزم إقامة و بالتالى أخوك لا يستطيع شراء خط إلا بصورة إقامة أو بطاقة المدنية لشخص مقيم لكن فيه محال منتشرة للأتصالات

و إن شاء الله يكون المانع خير لأن أى أحد جديد بيأخذ فترة للتعرف على الوضع الجديد

سلمك الله يا أبو يوسف ، ولكن لا يلزم لشراء الخط أن يكون هناك بطاقة مدنية أو إقامة ولكن يمكن ذلك بجواز السفر عادي جدا..

الأخ أمير المستقبل ، لا تقلق أخوك مش في بلاد اللي يروح ميرجعش لا قدر الله ، ولكن المصريين هنا في كل مكان والعرب والناس كلها هنا كأنه في مصر تمام ، وهو راجل وبيقدر يصرف أموره بس تلاقيه مشغول شويتين في الأول والأمور ملخبطة معاه ولسه هيستقر وهيسمعكم عنه أحسن أخبار ، بس أنت وصي الوالدة تدعيله، ولو عاوزنا نساعدك أبعتلنا أي بيانات وأحنا نقدر نوصله ، يعني مثلا الكفيل أو أي قريب هنا أو أي حاجة، بس في المجمل متقلقلش الأمور زي الفل أن شاء الله

أخى الغريب

أنا قمت بنفسى بشراء خط لزميل وافد جديد بإسمى و أخذ صورة البطاقة المدنية لى للعقد لأن طبعا لم يستخرج إقامة بعد

أخوك

مهندس ابو يوسف

[ارماندوا]

مبارك وحبيب العادلى بيطلعولنا لسانهم ولا هممهم المظاهرات كأنهم فاهمين الشعب

[ارماندوا]

أكدت صحيفة "دايلي ميل" البريطانية الخميس إن جمال مبارك نجل الرئيس حسني مبارك قد "فر" على حد تعبير الصحيفة إلى العاصمة البريطانية لندن على متن طائرة خاصة ومعه حوالي 100 حقيبة في ثاني أيام التظاهرات الشعبية التي تجتاح مصر.

أنامش عارف ليه الحقد ده علي جمال مبارك واحد رايح يتفسح ويستجم في لندن زي ما كلكم مابتروحوا واّخد معاه 100 شنطة لانه معاه المدام والطفلة الصغيرة 100 شنطة مش كتير البيبي لازمها حفاضات صناعة مصرية ولزوم المدام برضه ملابس وخلافه ولكن الظاهر إنكم بتحقدوا عليه لانه سافر علي طيارة خاصة وأنتم لاتستطيعوا ...... بلاش حقد خليكو حلوين وتسلمي يامصر ويحيا جيمي ( مبارك الكبير اوى ) ( جمال الكبير )

[noname]

ياترى مصر هيكون شكلها اية بكرة ؟

ممكن الشعب يكون نفسة اطول من نفس مبارك ؟

ممكن فعلا تكون دى بداية جديدة لعهد جديد ؟

ممكن زى مادرسنا فى كلية الحقوق ان الشعب مصدر السلطات ؟

ممكن تكون دى هى الفوضى التى تمهد الطريق للنظام والليبرالية الحقيقية ؟

ممكن ويمكن وحاجات كتير بحلم بيها لمصر علشان هى دى مصر اللى عمرى ماكرهتها حتى فى اصعب المواقف

ياريتنى كنت هناك .. لأ الحمدلله انى مش هناك .. مش يمكن كنت اخاف واستخبى زى ملايين كتير مستخبية دلوقتى ؟

هاعمل زى سيد درويش واسخن الشعب واقول ( قوم يامصرى مصر دايماً بتناديك ..خد بنصرى نصرى دين واجب عليك)

ولتسقط مملكة مبارك الوراثية وتحيا جمهورية مصر العربية

تم تعديل 27 يناير 2011 بواسطة noname

[herohero]

ياجماعه القصه مش سودة كده انا ف مصر والامور مش منهارة كده فيه قلق وفيه مظاهرات ولكن لم تصل حتى الان لمرحلة الفوضى

وما اتمناه ان تستمع الحكومة للناس

قفلوا الفيس بوك انا حاليا ف مصر بدخل عليه عن طريق برنامج الهوت سبوت

[pocy]

ممكن اسال سؤال انا عارفه ان المعظم بيتابع الاحداث في مصرنا الحبيب والتى أدعوا الله ان تكون فى صالح الشعب يارب اللهم امين

سؤال الان هو هل تعرفون ما حدث للطالب المصري فى ثانويه المباركيه ؟؟؟؟؟؟ وماذا فعلت السفاره المصريه للقصاص لمقتل هذا الشاب الذي لم يبلغ بعد عامه ال 16

انتظر ردودكم وان لم تكونوا تعرفوا الحكايه احكيلكم انا عنها

اتت اختى الى وقالت هل علمتى ما حدث للطالب المصري

انا : لا

اختى وجدتها تبكى وتقول انا خايفه جدا على اولادى

انا : ليه بس هو ايه اللى حصل

وروت لى حكايه لا ليست بحكايه انها مأساه

طالب ثانوى يخرج من امتحانه وينتظر اصدقائه وكان يجلس على عربه من العربات خارج المدرسه وبعد قليل جاء شابان كويتيان ونهروه بافظع الشتائم وطلبوا منه ان يمسح مكانه بقميصه وان قال الشاب الكويتى انت تعلم هذي السياره بكام علشان تقعد عليها واذا ما مسحتها سأجعلك عبره لكل المصاروه

ولكن رفض الشاب المصري مسح السياره بقميصه وتبادلا الشتائم واشتبكا الاتنين ثم قام الطالب الكويتى بطعن الشاب المصري ولم يسكت عند هذا الحد بل قام بمسكه وذبحه من عند رقبته ليكون عبره

تخيلوا معى موقف ام الطالب وابوه والام تنهر نفسها وتقول انا السبب انا اللى جبت ولادى هنا ومنتظرين السفاره هتعمل ايه

تفتكروا ممكن تعمل ايه وهل ستكون هذه اخر الاحزان ام لازال ................ مستمرا ؟؟؟؟؟؟؟

[نور السما]

السلام عليكم

كيف الحال يا اخواني

انا لسه جاى من مصر امبارح الوضع صعب ربنا يعدى الايام القادمة بخير

الشعب كله متحفز و عايز يظهر غضبه بكل ما اوتي من قوة

و الايجابي فى الموضوع ان الناس بقت تحب بعضها و متجمعين على شي فى مصلحتهم مش على كورة او اى حاجة هايفة

ربنا يحفظك يا مصر

شوفتوا الغباء السياسي فى مصر قطعوا الانترنت و المحمول يعني الشباب اللى كان بيقعد على النت او بيحب يرغي فى التليفون عشان يضيع وقته بقى ينزل يشارك فى اى مظاهرة عشان مخنوق

بجد مش عارف ازاى الحكومة بتفكر

ربنا يعدى الايام القادمة على خير

[نور السما]

تقريبا الرئيس و الوزراء هربوا ياريت الشعب يلاحقهم قبل ما يمشوا يقفلوا المطار عليهم ياريت يتوجهوا للقصر الجمهورى

[noname]

تقريبا الرئيس و الوزراء هربوا ياريت الشعب يلاحقهم قبل ما يمشوا يقفلوا المطار عليهم ياريت يتوجهوا للقصر الجمهورى

حمدالله على السلامة ونورت الكويت

الوزراء والمسئولين والملعون الكبير مبقوش يهمونا فى شئ اللى يهمنا اهلنا

وبما انك لسه جاى من مصر وعشت جزء من الاحداث ياريت تطمنا عليهم

[تامر مصطفى]

الديوانية مهجورة من ساعة الاحداث

فقلت افتح وارش

ازيكوا كلكوا عاملين ايه؟

سؤال اليوم

هل تعتقد انه في وقت قريب سوف نجد انفسنا مضطرين للعودة لمصر والعمل هناك باعتبار ان سعر الجنيه المصري قد يصل الى 5 دولارات؟

ما هي المدة التي تتوقع حدوث ذلك بعدها؟

[noname]

الديوانية مهجورة من ساعة الاحداث

فقلت افتح وارش

ازيكوا كلكوا عاملين ايه؟

سؤال اليوم

هل تعتقد انه في وقت قريب سوف نجد انفسنا مضطرين للعودة لمصر والعمل هناك باعتبار ان سعر الجنيه المصري قد يصل الى 5 دولارات؟

ما هي المدة التي تتوقع حدوث ذلك بعدها؟

فعلا الديوانية لاحس ولا خبر وكنت ناوى اعمل زيك بس اعمل اية دايما سابق بالخير

اما عن السؤال ( اليوم دا جاى بس مش لينا دا من حق اولادنا ان شاء الله وكفاية يكون الجنية بدولار واحد مش لازم خمسة ,,, وبعدين هنرجع مصر اكيد لانها اولى بعرقنا )

تم تعديل 2 فبراير 2011 بواسطة noname

[قلب ابيض]

انا بكتب لكم دلوقتى ومش عارفه هاقدر اكتب تانى امتى ...هاحاول اختصر واوجز فى كلمات وعليكم اخذ ما بين السطور

حاتم نونيم ....

محدش كان مستخبى فى بيته اطلاااااقا

اللى حاش الشباب والبنات على السواء هو هجوم البلطجيه على البيوت والمولات ...وغياب الشرطه بالعكس يا حاتم اصبح الجبان شجاع جداااااا

لم اكن اتصور ان اسلم لكل ابن من ولادى سكينه اوشومه اوحتى علبه بيرسول وولاعه تخيل الوضع بنفسك ..ما هو انت ياقاتل يا مقتول ..ما فيش اختيارات

نزل جوزى وولادى وكل الناس انا بحكى على سبيل المثال فقط كل الرجاله والشباب والاطفال والله العظيم من عمر 8 سنوات لحد 70 سنه كلهم كونوا لجان شعبيه قفلوا كل المداخل والمخارج للشوارع الجانبيه والرئيسيه ..بالحجاره والشجر والزجاج المكسر

البنات وقفوا فوق الاسطح ناضورجيه ..اصبح فى كلمه سر واشارات وانذارات بالصوت او الصيحات الكل على قلب واحد

الاكل بقى بيتوزع بين الناس فى البيوت

لم نسمع عن كنيسه اتحرقت او جامع انتهك..مسيحى ومسلم فى حضن بعض

حاتم وهيرووووو مافيش فى مصر جبان ولا خواف

الاوضاع سيئه يا هيرو مش زى ما انت وصفت

الحسنه الوحيده والعادى جدا ان الشده تصنع الرجال ومصر طولعمرها ولادها جدعان ورجاله حتى الشباب اللى كانوا بيطلق على بعضهم سيس واله والله والله انا دموعى ما نشفت للان من منظرهم وهما مطبقين طول الليل بالنهار تحت البيوت وكل ساعات يمسكوا ببلطجى ويسلموا للجيش

ولادنا رجاله اوى والشده اللى بتبينهم

نفسى اكتب بدون انقطاع ...لكن الوقت لا يسمح بأكتر من هذا

دعواتكم يا اخوانى كلكم لمصر الحبيبه

على فكره وحشتونى والله

لا اله الا الله

[cup cake]

وحشتينا يا قلب ابيض ووحشتنا الديوانيه و الناس و اللمه و الدفا ربنا معاكى و مع اهلنا فى مصر بس هنقول ايه ان شاء الله لكل ظالم نهايه و ربنا يسهلها

احنا هنا برضوا قلبنا و فكرنا معاكم انا عن نفسى بقالى اسبوع من التلفزيون للكمبيوتر بتابع الى بيحصل اول باول و بدعى من قلبى لان ده كل الى اقدر عليه احنا هنا عاجزين و عجزنا قاهرنا ياريتنا كنا معاكم هناك

مصر وحشتنى قوى و خايفه عليها و على اهلها قوى بس دى ساعه ولاده جديده و لازم تكون صعبه بس يا رب نقوم منها على خير

بس الى حازز فى نفسى ان فى ناس هنا و فى مصر بيقللوا من شان المظاهرات و كمان بيايدوا حسنى مبارك و بسمع جمل زى صاحب الطلعه الاولى كانه هو صاحب فكرة الحرب و هو الى طلع الطلعه الاولى و قضى على اليهود و رجع و كان محدش حارب غيرة

ولا الى يقولك اقتصادنا هيدمر كانه كان اقتصاد فله شمعه منورة و هيدمر مهو اساسا بايظ وبعدين مهى اليابان خرجت من الحرب العالميه على الحديده و بقت من اغنى الدول و كمان ماليزيا و تايلند و بعدين مين الى بيعمل الاقتصاد حسنى ولا المصريين و بعدين مهو فى سرقه ل 14 مليار جنيه السنه الى فاتت دى بس من قوت الشعب يبقى اقتصاد ايه

و طبعا مش هتكلم عن حال المصريين فى الغربه بسبب حكوماتنا الجميله على مر 30 سنه بتوعهاتزلينا و اتمرمطنا و اشتغلنا زبالين

و كمان الى يقول محدش هيعرف يحكم مصر غيره طب لما يموت هنعمل ايه ولا هو مخلد و احنا مش عارفين ولا هيحكمنا من قبره مهو لازم يجى غيره ولا احنا هنخليه يجيب لنا الرئيس القادم لاننا نغه و برياله و مش هنعرف نختار لوحدنا

ااااااااااااه و اااااااااااه تعبت منه و من اتباعه الى اتعودوا على الفساد و الخنوع و الرشوه و الذل

ربنا يحمى المصريين و ينور بصيرتهم و يهديهم للخير

[noname]

السلام عليكم وسلمتى يامصر من كل سوء

ماما قلب ابيض كل يوم ادخل ومش لاقى حد اتكلم معاه .. الحمدلله انك طمنتينا عليكى

مصر بخير طالما فيها شباب صاحى وواعى وناسها الطيبين .. معلش انا زى الملايين فى الخارج بجمع معلوماتى من الفضائيات

لكن اللى فى قلب الحدث شايف وعارف الحقيقة الكاملة تقريبا .. صحوة انتظرناها كتير بس خايف على الثورة البكر من اعداء الشعب

معلش افكارى مش مرتبة يمكن من الفرحة ويمكن من الخوف على المكاسب الغير متوقعة .. اصفى ذهنى وارجعلكم

[herohero]

ياجماعه مفيش داعي للقلق الزايد عن الحد الاوضاع مش مستقرة طبعا لكن مش رعب زي ما بتشوفوا القنوات المصرية

الاعلام المصري محسس اي واحد ان البلد سودة لا مش سوده قوي كده

العمارات ف مدينة نصر ومصر الجديدة الناس مش مرعوبة كده

يقولك اغتصبوا الستات ودخلوا البيوت ماحصلش كده

فيه انفلات امني اه لكن الشعب ايد واحده والسرقات اللي حصلت كانت بتحصل ف الايام العاديه

ياجماعه ماتقلقوش قوي وبلاش الرعب اللي عايشين فيه نبقى متماسكين وواحده واحده البلد هتقف ع رجلها

ولما الامور هتستقر هتعرفي ان كل ده كان ممكن نغيره من زمان كان فيها ايه

لو كل ده كان اتعمل قبل 25 يناير ما يما اتحايلنا وفين الشرطة اللي هربت