المصريين المغتربين بالكويت

[تامر مصطفى]

الاخ ميزو

الجو فعلا حار بالنهار ورطوبة عالية بس بالليل بيبقى حلو والاسعار بقت ناااار

[herohero]

ياجماعه ده من زمان ومصر كده يمكن اللي بيقارنها بالخليج بس المقارنه هتبقى ظالمه دول صغيره وعدد سكانها قليل انا فاكر زمان وانا صغير لما كنت بقول عاوز همبورجر ف مصر كان شيئ جديد وكنتاكي وما شابه ظهرت ف اواخر 89 وكانت زمان تعتبر فسحه وشيئ من دواعي التباهي

وعن السيارات فده عادي مصر وسوريا جماركهم مبالغ فيهم وهي مصدر من مصادر الدخل للموازنه العامة

لكن السؤال اللي بيطرح نفسه وهو ان مثلا الكورولا والانسر بقت سيارات شعبيه ف مصر رغم ارتفاع اسعارهم ورغم غلو سعر البنزين ومش عاوز اقولكم ان عشان تعمل صيانه ف مركز صيانه لميتسوبيشي او هيونداي بالحجز والله

انا بتكلم ع مركز صيانه وده حجه اللي مالوش معارف انما الباقي بيصلح عند ميكانيكيه انا عن نفسي حجز قبلها بشهر وكنت محظوظ وروحت مركز الصيانه اللي ع طريق مصر اسكندريه انا فاكر لحد سنة 2002 كان فاضي

وهي ده المعضلة بتقوله ان العربيات غالية وناس كتير راكبينها والبنزين غالي وناس كتير بتخرج وتتفسح

وده هيجنني الناس معاها فلوس والدليل ع كده كل شويه واحد يطلع يلم فلوس من الناس ويخلع

انما حكاية المقارنه فلا ده سهلة جدا مشوار صغير لا ي كومبوند ف التجمع الخامس او الشيخ زايد وانت تحس انك مش ف مصر شوفوا حتى شكل الطلبة ف الشويفات وما شابه من مدارس

انا ف مصر الجديده شوفت كذا مره سيارة مايباخ انا اتصدمت وكانت ملاكي ع فكرة ف حين ان ف الرياض شوفتها مرتين

وطبعا احدث موديلات المرسيدس وغيره وغيره ياجماعه

مصر بقت مصرين بشعبين مختلفين انما اللي بره مصر لازم يعملوا لهم بلد تانيه لانهم مش هيقدرو يطلعوا لمصر بتاعت مارينا بسهولة ولا هينزلوا لتحت

[mizozizo]

الاخ ميزو

الجو فعلا حار بالنهار ورطوبة عالية بس بالليل بيبقى حلو والاسعار بقت ناااار

الاخ تيمور

سمعت حاجة عن ان اسعار الشقق نزلت شوية في مصر ولا كالعاده دي اشاعات

[pocy]

ضحكتنى والله استاذ تامر ههههههههههههههههههه

انا فاكره انى كنت بدخل الاماكن دى فى المناسبات بس ههههههههههههههههههههه بس بعد ما جينا الكويت بقت هى دى الاماكن العاديه اللى بنروحها هههههههههههههههه

اهه والله يا اخ ميزووووووووو زى ما قلولك الاسعار نار والجو الصبح مولع و

وفعلا الكويت النهارده طوز انا مش شايفه المنار مول اللى هو قدام عمارتى بس ربنا يعين ونقول الحمد لله ان مفيش رطوبه

مشكله مصر فى الرطوبه

[pocy]

والله يااخ هيروووووووووووووووو انا السنه اللى فاتت كنت نازله مصر ااسي علشان اشتري شقه الاسعار مولعه فى الاماكن العاديه اجارك الله على الاماكن بقي الكويسه

المهم فى الاخر استقريت واشتريت حته ارض 200 متر لسه بكلم ماما امبارح وبقولها بفكر ابيع الارض واجيب شقه زمان الاسعار نزلت قالتلى الاسعار هى هى ومفيش حاجه اتغيرت قلتلها ازاى قالتلى والله محدش راضي ينزل جنيه واحد فى اى شقه معروضه خلى الارض اهى ماسكه فلوسها تخيل دا غير بقي ادخل على مصراوى الشقق اللى احنا رحنا شوفناها فى مصر وكانت مواصفاتها عجبانا على مصراوى وحشه والاماكن اةحش يعنى يقوله انها فى مدينه نصر وفى الاخر تطلع فى منطقه عشوائيه عند عذبه الهجانه سبحان الله البلد الوحيده اللى العقارات فيها مش نزلت

غير القرعه والله لما شوفت كراسه الشروط بتاعتها ضحكت ضحك بيضحكوا على الناس وانا مستغربه ازاى الواحد يدفع 10% اللى هى 121000 من قيمه الارض واستنى تشوف هتطلعلك ولا لا وموت بقي يا حمار عقبال ما يجيلك رد

[pocy]

قلبتوا على مواجع الشقق بتاعه السنه اللى فاتت يعنى كانت السنه اللى فاتت شقه تبعد مش فاكره كام متر عن شارع احمد عصمت الرئيسي واماها المقابر يعنى منظر خرافي طبعا (ههههههههههههه)علشان الواحد يبص من البلكونه يتعظ ويدخل تانى ههههههههههههههههه المهم بكام ب 300 الف جنيه اصلا العماره كانت معوجه والله لما رحت وفتها قلت الدولاب هيتحط ازاى فيها دى غير انهم قالوا انها 150 انا شوفتها والله ما تكمل 85 متر بيضحكوا علينا مدخلين المنافع فى مساحه الارض وطبعا مش دى بس انا رجلى حفيت السنه اللى فاتت فى الشقق

[herohero]

والله يااخ هيروووووووووووووووو انا السنه اللى فاتت كنت نازله مصر ااسي علشان اشتري شقه الاسعار مولعه فى الاماكن العاديه اجارك الله على الاماكن بقي الكويسه

المهم فى الاخر استقريت واشتريت حته ارض 200 متر لسه بكلم ماما امبارح وبقولها بفكر ابيع الارض واجيب شقه زمان الاسعار نزلت قالتلى الاسعار هى هى ومفيش حاجه اتغيرت قلتلها ازاى قالتلى والله محدش راضي ينزل جنيه واحد فى اى شقه معروضه خلى الارض اهى ماسكه فلوسها تخيل دا غير بقي ادخل على مصراوى الشقق اللى احنا رحنا شوفناها فى مصر وكانت مواصفاتها عجبانا على مصراوى وحشه والاماكن اةحش يعنى يقوله انها فى مدينه نصر وفى الاخر تطلع فى منطقه عشوائيه عند عذبه الهجانه سبحان الله البلد الوحيده اللى العقارات فيها مش نزلت

غير القرعه والله لما شوفت كراسه الشروط بتاعتها ضحكت ضحك بيضحكوا على الناس وانا مستغربه ازاى الواحد يدفع 10% اللى هى 121000 من قيمه الارض واستنى تشوف هتطلعلك ولا لا وموت بقي يا حمار عقبال ما يجيلك رد

والله انا مقتنع انها زي ماقال فاروق جويده هذه بلاد لم تعد كبلادي ، للاسف ده بلد 50% لو الواحد كان زمان جاب 50% ودخل شرطة كان عاش ملك البلد ده للنيابه والشرطة غير كده انسى طول عمري بقول محتاجه فلوس ونفوذ وده واقع اي حد ربنا كرمه ووفق ف تحقيق فلوس بره مصر خليه ينزل مصر ويعرف يعمل شيئ مش هيعرف ابدا لان ممكن يكون معاه فلوس اذا افترضنا انها فلوس بجد هينقصه النفوذ وده من غيره مش ممكن شيئ يتعمل ف مصر

مصر يعني نفوذ معاك نفوذ تعيش ملك غير طبعا تقييم الناس للامور طبعا هي المعاناة هتكون لابناء حضراتكم اللي انا كنت ف وقت من الاوقات زيهم وشوفت عانيت ازاي اثناء دراستي الجامعية من اختلاف بالكامل

عشان كده للاسف الشديد الاهل اللي يغتربوا لازم يعملوا حسابهم ف عيالهم لما هيرجعوا هيعملوا ايه هيقدرو يعيشوهم ف بيئه زي كده

للاسف اللي ماشي حاليا هو موضوع الهجرة لان بعد فتره هتشعري بانك اتعودتي ع بيئه عمل ومعيشه معينه هنفترض بقى معاكي ملايين ف مصر هتقدري توفري سلوكيات كويسه ولا شوارع فاضيه ومنظمه امشي بعربيتك ف مصر هتعاني انا ف مصر مكنتش بستخدم اشارات كانت كلها اشارات اليد من غيرها ماتعرفيش تمشي طبعا ده حسب المكان

نصيحه ابقي دوري ع قصيده فاروق جويده بتاعت هذه بلاد لم تعد كبلادي وساعتها هنعرف مصر بلدنا ولا هي اتبرت مننا خلاص

وع فكرة طول ما احنا معانا جواز سفرها لازم نبقى عاملين حساب اليوم اللي هنرجع فيه ليها ف كل شيئ

[تامر مصطفى]

كلامك يا أخ هيرو هو فعلا الحقيقة

انا كل يوم اشوف سيارات جيب بورش ملاكي وسعرها 2 مليون جنيه ده غير السيارات اللي على قولتك شعبية وماليه الشوارع وسعرها بالمتوسط 100 الف

لما بشوفها بفكر كتير في حالنا يعني ال 100 الف الواحد ممكن يعملهم في 3 سنين لو ضغط على نفسه ويستخسر يحطهم في سيارة وفي مصر الموضوع بقى عادي وجرب تروح بسيارتك اي حي من الأحياء الشعبية واللي ممكن نقول عليها ناسها غلابه وحاول تدور على مكان تركن فيه طبعا مش هتلاقي واتفرج على انواع السيارات اللي واقفة هناك.

بس اقولك حاجة بكل صراحة وللأسف دي حقيقة اغلبية الشعب المصري : الناس هنا اتعودت على الشكوى يعني كل اصحابي اللي كنا متخرجين مع بعض من 15 سنة وموجودين في مصر ما شاء الله حالهم بقى كويس سواء اللي شغال في الحكومة او اللي في القطاع الخاص وواحد منهم ربنا يكرمه ويزيده لسه مشتري ارض في 6 اكتوبر سعرها 200 الف وبدأ يبني فيها وكان قاعد يشكي الحال وان الدنيا وحشه اوي وانه محتاج 120 الف علشان يبني الدور الارضي (ربنا يكرمه ويوسعها عليه ) بس الشكوى هي الطابع العام

[mizozizo]

كلامك يا أخ هيرو هو فعلا الحقيقة

انا كل يوم اشوف سيارات جيب بورش ملاكي وسعرها 2 مليون جنيه ده غير السيارات اللي على قولتك شعبية وماليه الشوارع وسعرها بالمتوسط 100 الف

لما بشوفها بفكر كتير في حالنا يعني ال 100 الف الواحد ممكن يعملهم في 3 سنين لو ضغط على نفسه ويستخسر يحطهم في سيارة وفي مصر الموضوع بقى عادي وجرب تروح بسيارتك اي حي من الأحياء الشعبية واللي ممكن نقول عليها ناسها غلابه وحاول تدور على مكان تركن فيه طبعا مش هتلاقي واتفرج على انواع السيارات اللي واقفة هناك.

بس اقولك حاجة بكل صراحة وللأسف دي حقيقة اغلبية الشعب المصري : الناس هنا اتعودت على الشكوى يعني كل اصحابي اللي كنا متخرجين مع بعض من 15 سنة وموجودين في مصر ما شاء الله حالهم بقى كويس سواء اللي شغال في الحكومة او اللي في القطاع الخاص وواحد منهم ربنا يكرمه ويزيده لسه مشتري ارض في 6 اكتوبر سعرها 200 الف وبدأ يبني فيها وكان قاعد يشكي الحال وان الدنيا وحشه اوي وانه محتاج 120 الف علشان يبني الدور الارضي (ربنا يكرمه ويوسعها عليه ) بس الشكوى هي الطابع العام

المصريين دلوقت اكتر من نصهم

ياما بيسرق ( ح اخلصلك موضوعك)

ياما بيشحت ( كل سنة وانت طيب يا بيه)

[pocy]

والله كلامكم عبر فعلا الكلام اللى انت بتقوله تعرف يا اخ هيروووووو والله انا ناويه انا وجوزى نهاجر على كندا بس الاول يكون معانا فلوس نقدر نعيش بيها لحد مانلاقي شغل هناك بس اننا نرجع مصر فكره مش مطروحه ولو رجعت لكام صفحه ورا هتلاقينى كاتبه السبب ان مصر هى اللى طرديتنا مش احنا اللى خرجنا منها بمزاجنا

[herohero]

كلامك يا أخ هيرو هو فعلا الحقيقة

انا كل يوم اشوف سيارات جيب بورش ملاكي وسعرها 2 مليون جنيه ده غير السيارات اللي على قولتك شعبية وماليه الشوارع وسعرها بالمتوسط 100 الف

لما بشوفها بفكر كتير في حالنا يعني ال 100 الف الواحد ممكن يعملهم في 3 سنين لو ضغط على نفسه ويستخسر يحطهم في سيارة وفي مصر الموضوع بقى عادي وجرب تروح بسيارتك اي حي من الأحياء الشعبية واللي ممكن نقول عليها ناسها غلابه وحاول تدور على مكان تركن فيه طبعا مش هتلاقي واتفرج على انواع السيارات اللي واقفة هناك.

بس اقولك حاجة بكل صراحة وللأسف دي حقيقة اغلبية الشعب المصري : الناس هنا اتعودت على الشكوى يعني كل اصحابي اللي كنا متخرجين مع بعض من 15 سنة وموجودين في مصر ما شاء الله حالهم بقى كويس سواء اللي شغال في الحكومة او اللي في القطاع الخاص وواحد منهم ربنا يكرمه ويزيده لسه مشتري ارض في 6 اكتوبر سعرها 200 الف وبدأ يبني فيها وكان قاعد يشكي الحال وان الدنيا وحشه اوي وانه محتاج 120 الف علشان يبني الدور الارضي (ربنا يكرمه ويوسعها عليه ) بس الشكوى هي الطابع العام

انا الوضع ده شوفته مع والدي وانا بكرره بس المشكله ان فعلا اللي بيسافر للخليج اللي مالوش ظهر ف مصر انا ليا اصدقاء كتير اشتغلوا ف ماكن احسن مليون مرة واحسن من اللي مسافرين بس هم عندهم ميزة متكيفين مع الفوضى الخلاقة الموجوده ف مصر يتعب لو عاش ف مكان منظم بقى كائن فوضوي فسعيد بكده غير انه بيستفيد من فوضى مصر وفسادها الاداري ف شغله لان للاسف الشديد فوضى مصر خلاقة فعلا من غيرها ومن غير اخوها الصغير الفساد مكنش ابو50% يتعين ف النيابة

[pocy]

فعلا كلامك يا أخ ميزو بس انا مش معاك فى حاجه دلوقت بسم الله ما شاء الله الشركات فى العين السخنه الشغل فيها ممتاز وبمأانى عايشه كنت فى السويس فعارفه المرتبات هناك عامله ازاى يا راجل اذا كان عامل النظافه اللى فى شركه المصريه للاسمده بياخد 800 جنيه والله العظيم احمد عامل النظافه هناك متجوز اتنين ومعاه ارض وبناها تلات ادوار تخيل وعامل نظافه طبعا ربنا يباركله

ومرتب المهندس هناك بسم الله ما شاء الله لا يقل عن 5 الالاف جنيه يعنى مصر فيها فلوس بس للاسف مش لكال الناس

[pocy]

اهه قلبت على ذكريات أليمه كنت قدمت فى شركه الكهرباء عتاقه في السويس بعد ما اتخرجت وكانوا عاملين امتحانات وكانوا قالوا السوايسه بس اللى هيشتغلوا فيها ولانى مواليد القاهره تخيل ومكتوب كده فى البطاقه رفضوا يعينونى مع انى والله تبارك الرحمن على فى الانترفيوا وعرفت انى جبت 94 من 100 ومكنش معاى واسطه واعرف بعد كده ان واحد من الشرقيه اتعين لانه قريب المدير وكان جايب 83 معلش انا مش قصدى حاجه بس انا عشت عمرى فى السويس بس مواليد القاهره يعملوا في كده والله كرهتهم ساعتها واللى ليه ظهر عمره ما يضرب على بطنه ابدا

[herohero]

فعلا كلامك يا أخ ميزو بس انا مش معاك فى حاجه دلوقت بسم الله ما شاء الله الشركات فى العين السخنه الشغل فيها ممتاز وبمأانى عايشه كنت فى السويس فعارفه المرتبات هناك عامله ازاى يا راجل اذا كان عامل النظافه اللى فى شركه المصريه للاسمده بياخد 800 جنيه والله العظيم احمد عامل النظافه هناك متجوز اتنين ومعاه ارض وبناها تلات ادوار تخيل وعامل نظافه طبعا ربنا يباركله

ومرتب المهندس هناك بسم الله ما شاء الله لا يقل عن 5 الالاف جنيه يعنى مصر فيها فلوس بس للاسف مش لكال الناس

انا احط تحت كلمة لكل الناس مليون خط والكلام ده اتقال ف 10 مساء لما استضافو دكتور وقالو نصيحتك للطلبه ايه ، فقال يدور ع واسطته فين ويختار التخصص عليها

للاسف الدكتور بيساعد عياله الدكاترة وانا شوفت ده عن طريق اخواتي ف كلية طب الزقازيق مثلا لجان شفوي لابناء استاف الجامعة وده معروف ابناء استاف الجامعة شيئ تاني

[herohero]

اهه قلبت على ذكريات أليمه كنت قدمت فى شركه الكهرباء عتاقه في السويس بعد ما اتخرجت وكانوا عاملين امتحانات وكانوا قالوا السوايسه بس اللى هيشتغلوا فيها ولانى مواليد القاهره تخيل ومكتوب كده فى البطاقه رفضوا يعينونى مع انى والله تبارك الرحمن على فى الانترفيوا وعرفت انى جبت 94 من 100 ومكنش معاى واسطه واعرف بعد كده ان واحد من الشرقيه اتعين لانه قريب المدير وكان جايب 83 معلش انا مش قصدى حاجه بس انا عشت عمرى فى السويس بس مواليد القاهره يعملوا في كده والله كرهتهم ساعتها واللى ليه ظهر عمره ما يضرب على بطنه ابدا

انت تكلمت عن شيئ انا لمسته انا كنت شغال ف شركة استشاريه لوزارة الكهرباء اسمها EPS وكان ليا علاقات بالشركات وشوفت التعيينات بتم ازاي وحاضر تعيينات وامتحانات ف شركة كهرباء القناة وفاكر اني سالتهم انتوا كاتبين ورقه كبيرة لاتوجد تعيينات وبتمتحنوا الناس دول ليه ؟؟؟

والله انا شوفت حاجات ف شركة كهرباء القناة عسل ، بصي يا باشمهندسة الكهرباء والاتصالات والبترول لابناء العاملين ده شيئ منتهي

فمفيش داعي لتذكر هذه الاشياء لانها زي ماقولنا بلاد لم تعد كبلادي

[تامر مصطفى]

امبارح كان معايا واحد صديقي وقاعد يحكي معايا فقالي ان زوجات البوابين في المنطقة بيتمنوا ازواجهم يموتوا

انا استغربت من الكلام فقالي تعرف البواب اللي مات من شهرين قلت له ايوة قالي مراته اشترت ارض في بلدهم وساكنه في شقة ايجار جديد واشترت لابنها توكتوك ب 23 الف جنيه.

طبعا انا مصدقتش قالي انا بودي ليها تبرعات من ناس بتوكلني بكده ماشاء الله عليها في بيت واحد بس فيه 5 اخوات بنات وزوج اختهم بيدوها لوحدهم 600 جنيه كل واحد 100 شهريا وكل شقة في العمارة اللي كانت شغالة فيها عاملة لها مرتب شهري 50 جنيه يعني حوالي 500 جنيه و3 مساجد في المنطقة بتروح تاخد منهم صدقة الله اعلم بمقدارها بس مش هتقل عن 50 جنيه من المسجد الواحد والتوكتوك بتاع ابنها بيطلع يوميا 100 جنيه وبتروح تنظف شقق للناس بتاخد 80 جنيه في الشقة الواحده للتنظيفة الواحدة مش شهريا يعني .

ربنا يرزقها علشان خاطر الايتام بس انا الموضوع شد انتباهي وحبيت احكيلكم عليه .

تفتكروا لو جالها شغل في الكويت بوظيفة مدير عام في شركة كبيرة ممكن توافق؟؟؟؟؟؟

[تامر مصطفى]

سؤال كمان

تفتكروا مرات البواب دي ترضى تشغلني عندها بواب؟؟؟؟

[pocy]

انا لا اتعقد اخ تامر انها هتوافق هههههههههههههههههه لانك مش هتبقي من مستواها هههههههههههههههههه

[تامر مصطفى]

يا ريت تدخلوا على الموضوع ده وتعرفوني رأيكم بس هنا في المكان بتاعنا

http://www.egyptiantalks.org/invb/?showtopic=83457

انا رأيي ان المقال صحيح والناس اللي بتعترض عليه معندهاش حق وابسط دليل ان كل واحد فيهم قاعد امام كمبيوتر وعنده انترنت وبيرد على الموضوعات

[herohero]

يا ريت تدخلوا على الموضوع ده وتعرفوني رأيكم بس هنا في المكان بتاعنا

http://www.egyptiantalks.org/invb/?showtopic=83457

انا رأيي ان المقال صحيح والناس اللي بتعترض عليه معندهاش حق وابسط دليل ان كل واحد فيهم قاعد امام كمبيوتر وعنده انترنت وبيرد على الموضوعات

انا مؤيد لكلام احمد عز ، وده شيئ يدعو للاستغراب انا فعلا من معجبين ببرامج 90 دقيقه والعاشرة مساء لكن فعلا الوضع ف مصر غريب فعلا بلدين والاتنين عايشين انا كنت عايش ف مصر ومتابع البرامج ده انزل الشارع الاقي الناس بتضحك ومبسوطه بقيت هتجنن وف الاخر طفشت من البلد لان فعلا الناس تجنن تلاقيها بتشتكي ومعاها احلى عربيات والموبايلات الكل لاحظ انها ف مصر احدث من الخليج والناس مهتمة بيها جدا رغم انها مش رخيصه

بصراحه ان شعب بيرمي فلوسه ف الهوا لكن فيه كتير حقوقهم ضايعه ومحتاجين