المصريين المغتربين بالكويت

[samehmagdy]

بقى معقول كده يا جماعه اروح اجيب التوبك بتاعنا من بعيد كده

فين الناس ولا من كتر الكلام فى السياسه والثوره وحال البلد الناس جالها احباط واكتئاب

دا احنا كنا فى عز الازمات والمشاكل كانت الضحكه الحلوه مبتفارقناش

الظاهر احنا اتحسدنا واخدنا عين من اخوانا بتوع السعوديه

ولا ايه يا ماما قلب ابيض

وانت يا مسيو تامر من يوم ال10 دينار ما راحت وانت متغير

ولا ايه يا حج سمبا

وابو عمار

ونونيم

وبوسى ام عمر اللى بتجيب السمك وتقعد تصطاده فى البيت

واهات روح

والغريب

وهيرو

ومدرس العربى

وحوريه عين

واغابى

وحسن درويش اللى نزل قلب الحكم وعمل الثوره

وامل حياتى سفيرة الكويت معانا هنا

لازم انادى بالاسم على الناس كلها واحد واحد ولا ايه

[noname]

بقى معقول كده يا جماعه اروح اجيب التوبك بتاعنا من بعيد كده

فين الناس ولا من كتر الكلام فى السياسه والثوره وحال البلد الناس جالها احباط واكتئاب

دا احنا كنا فى عز الازمات والمشاكل كانت الضحكه الحلوه مبتفارقناش

الظاهر احنا اتحسدنا واخدنا عين من اخوانا بتوع السعوديه

ولا ايه يا ماما قلب ابيض

وانت يا مسيو تامر من يوم ال10 دينار ما راحت وانت متغير

ولا ايه يا حج سمبا

وابو عمار

ونونيم

وبوسى ام عمر اللى بتجيب السمك وتقعد تصطاده فى البيت

واهات روح

والغريب

وهيرو

ومدرس العربى

وحوريه عين

واغابى

وحسن درويش اللى نزل قلب الحكم وعمل الثوره

وامل حياتى سفيرة الكويت معانا هنا

لازم انادى بالاسم على الناس كلها واحد واحد ولا ايه

هلا وغلا ... مشكور على السلامات

اما بالنسبة للاحباط فأنا عن نفسى لا محبط ولا مكتئب وبعيش افضل حالات التفاؤل

يارب كلنا نتفائل خير علشان مصر بخير

[الســـاري]

:sofa:

انا مش هنا

تكلموا زي مانتو عايزين .. ولا حد ياخد باله

جاي اسلم بس

wst::

[قلب ابيض]

الفرح فى اللمه بيزيد .... والهم فى اللمه بيقل

مش هاقول اكتر من كده

وهازيد حاجه بس من قلبى

وحشتونى بجد

[noname]

الفرح فى اللمه بيزيد .... والهم فى اللمه بيقل

مش هاقول اكتر من كده

وهازيد حاجه بس من قلبى

وحشتونى بجد

انتى اكتر بكتييييييييييييييييييييييييير

وحشتينا .. بلاش تطولى الغيبة كده تانى

[تامر مصطفى]

هيروهيرو

انا مختلف معاك قلبا وقالبا

بس هرجعلك تاني لما الناس تبتدي ترجع هنا تاني

انتظرني

[midosa]

السلام عليكم ورحمة الله وبركانه

دى او مشاركة ليا فى الموضوع الرائع دا ، ومش هتكون الاخيرة ان شاء الله وهصدعكم bnd5::

بجد والله وبلا اى مبالغة ، انا قرات الموضوع من اوله صفحة صفحة ، بجد روح جميلة اللى بينكم

عامة انا هحصلكم قريب ان شاء الله :P كلها 10 ايام والفيزا توصل وطيراااان على الكويت ، رغم انى والله مكنتش عايز اسيب مصر دلوقت ، لانها اصبحت اجمل واروع

بس اعمل ايه بقى فرصة جاتلى ومكنتش عامل حسابها خالص ، شركة كويسة ، الواحد هيستفيد منهم خبرة محترمة ان شاء الله

انا اصلا مبرمج حاسب الى ، بس لسه فى الاول يعنى مش خبرة واسعة اوى ، وفى شركة كويتية راسلتنى وبعد كده كلمونى فى التليفون سئلونى كام سؤال

وبعد كام يوم طلبوا منى صورة الباسبور والمؤهل علشان الفيزا

انا بس هحط اسم الشركة يمكن حد يعرفها ، او يا سلاااااام لو حد طلع شغال فيها bv:- هى اسمها هارد تسك - hardtask-

هما عاملين شغل محترم للحكومة والقطاع الخاص وكمان وزارة الدفاع ....

وعايز سؤال اخير والنبى ، هما المفروض هيبقوا الكفيل بتاعى ، ولا نظام الكفالة خلص ، وكمان فى اخر رسالة بعتوهالى ، فى كلمة بنت تيييييت وقفت قدامى ترجمتها (لا امتيازات ملكية) مش عارف دا معناه ان الشركة مش هتبقى كفيل ، انا هحط نص الرسالة اللى جتلى ، بصراحة خلونى احس انى حمار انجليزي

Dear Muahammed,

We will send you a visa within a week and once you come you will sign a standart contract from ministry of labour, no palanties.

We will be paying you the visa conversion fees in your behalf will cost 300 KD, this will be consilered as a loan, if you complete the 2 year of contract we will not ask you to pay it back

Housing is not included, however you can get a cheep one, we can help you to get one if you do not have contact in Kuwait

If you have decided to come over to KUwait,, we should know when you can come... because we have a deadline to start the project

Best of Luck

شكرا ليكم مقدما ، انا نسيت اقول اسمى معلش :) انا محمد من القاهرة ، 24 سنة

[قلب ابيض]

هانفضل عالوضع ده كتير ؟؟؟

المفترض اننا نقرب من بعض اكتر فى الوقت اللى بنمر بيه ده...مش العكس؟

قررت اجيب ميكرفون وانده النداء الاخييييييير بقى بجد واخر كلام

بوسى

..انتى هنا ولا فى السويس......... ااااااااااااه لو كنت فى السويس

حوريه عين

...انت فين ياست الناس ؟ كنت منتظره ابداعاتك بوحى من ثوره الشباب عاوزين نشوف شغل حلو ينقل المشاعر الحلوه اللى متجسده فى شخص حوريه عين

سمبا

...كنت اتمنى اشوف ابيات بتنطق بالفرحه بتصرخ بصوت كل مصرى اثر فيه التغيير اللى حصل واللى لازال واللى ان شاء الرحمن هايحصل فى ام الدنيا

" الا اذا كنت انا المقصره ومش متابعه بقى "

الغريب

...اصبحت انتظر استفسار من عضو جديد بالكويت لآرى اسم الغريب فى رد الاستفسار ...جعلك الله ذخرا لمن يحتاج اليك ...بس ابقى ارمى السلام لاخواتك بردوا

ساااامح مجدى

...اخر حلاوه ...الراجل بيثبت حضور دايما ربنا يكرمك وما يحرمناش من سؤالك ياغالى

ابوعمار

....متهيألى والله اعلم كان فى واحد عزم بقلب جاااااااامد على يوم فى كويت ماجيك تقريبا ؟؟؟؟؟؟ تعرفه ده يا ابوعلى ؟؟

اغابى

الجميله قلبا وقالبا ...هو انا اللى مابدخلش ؟؟ ولا انت اللى تقلتى علينا ؟؟ اينكان الرد عن نفسى بحب اشوف مشاركاتك h): اوووووى

ام مروان

.... بجد نفسى اشوف اسمك منور تانى ...انت بتروحى فين؟؟؟

الكاشف

...كنا بنشوفك هنا فى الصفحه وانت فى مصر اكتر من دلوقتى ....هاترجع مصرامتى عشان نشوفك معانا هنا تانى ؟؟

مدرس العربى

..... .اين انت يا اخى الفاضل ...اظهر وبان عليك الامان ....الامتحانات قربت وعاوزين مذكرات عاشر

نونيم

...يا رب تكون فضيت من اللا شىء اللى شغلك ونشوفك بقى

اهاااات الروح

...اسمك لازم يكون قبله تنهييييييده قبل نطقه ..مشاركاتك لنا بتدينى احساس انى اعرف من زمان hg):: ....يارب نتشرف بيك قريب ان شاء الله

نور السما ..كب كيك ..طبيبه مصريه ..سندباد..ا

اخوننا الجدد اهلا بيكم " سامحونى فى ذكر الاسماء " ومنتظرين مشاركتكم

تامر مصطفى ..سمبا ..سامح ..رب اخ لم تلده امى

تم تعديل 12 مارس 2011 بواسطة قلب ابيض

[أهااات روح]

ايواااا ..... موجودة يافندم

الى سمع اسمه يجى هنا على اليمين

فين باقى المحاوارتيه

هلمو اخوانى واخواتى الى ديوانيتنا الحبيبة وحشتنا لمتنا الحلوة gra:-

دا انا مااشتركتش فى المحاورات الا علشان اللمة الحلوة والروح الجميلة الى بينا كلنا

شكلنا كده اتحسدنا.......

لأ لأ لأ احنا عاوزين حد يبخرنا من عين الحسود :h!!!h:

[noname]

صباح الخير والهنا على كل الحبايب

ياااااااااااااااااااااااااااه اخيرا اتجمعنا تانى يارب دايما

انا كنت على وشك اعتقد ان المنتدى الجميل ده هيتفركش لكن الحمدلله

الكل هنا ماما قلب ابيض وولى امرى اخويا تامر وكل الحبايب وعقبال الباقى

على فكرة بجد وحشتونى

( ماما قلب ابيض انا لسة بحاول اخلص من اللاشئ الى ولا شئ بتاتا )

[samehmagdy]

ياااااااااااه وانا اقول النور كل كله جاى منين

ايوة كده نورى الدنيا هنا تانى

بجد الفتره دى كلنا محتاجين نبقى جنب بعض اكتر من كده

ولا ااااايه؟

[noname]

ياااااااااااه وانا اقول النور كل كله جاى منين

ايوة كده نورى الدنيا هنا تانى

بجد الفتره دى كلنا محتاجين نبقى جنب بعض اكتر من كده

ولا ااااايه؟

عندك حق والله الدنيا نورت بماما قلب ابيض ونورت كمان وكمان بوجودك يا سموحة

واكيد بلمتنا تانى هتنور اكتر واكتر

[الغريب]

السلام عليكم ورحمة الله وبركانه

دى او مشاركة ليا فى الموضوع الرائع دا ، ومش هتكون الاخيرة ان شاء الله وهصدعكم bnd5::

بجد والله وبلا اى مبالغة ، انا قرات الموضوع من اوله صفحة صفحة ، بجد روح جميلة اللى بينكم

عامة انا هحصلكم قريب ان شاء الله :P كلها 10 ايام والفيزا توصل وطيراااان على الكويت ، رغم انى والله مكنتش عايز اسيب مصر دلوقت ، لانها اصبحت اجمل واروع

بس اعمل ايه بقى فرصة جاتلى ومكنتش عامل حسابها خالص ، شركة كويسة ، الواحد هيستفيد منهم خبرة محترمة ان شاء الله

انا اصلا مبرمج حاسب الى ، بس لسه فى الاول يعنى مش خبرة واسعة اوى ، وفى شركة كويتية راسلتنى وبعد كده كلمونى فى التليفون سئلونى كام سؤال

وبعد كام يوم طلبوا منى صورة الباسبور والمؤهل علشان الفيزا

انا بس هحط اسم الشركة يمكن حد يعرفها ، او يا سلاااااام لو حد طلع شغال فيها bv:- هى اسمها هارد تسك - hardtask-

هما عاملين شغل محترم للحكومة والقطاع الخاص وكمان وزارة الدفاع ....

وعايز سؤال اخير والنبى ، هما المفروض هيبقوا الكفيل بتاعى ، ولا نظام الكفالة خلص ، وكمان فى اخر رسالة بعتوهالى ، فى كلمة بنت تيييييت وقفت قدامى ترجمتها (لا امتيازات ملكية) مش عارف دا معناه ان الشركة مش هتبقى كفيل ، انا هحط نص الرسالة اللى جتلى ، بصراحة خلونى احس انى حمار انجليزي

يا محمد فين التفاصيل اللي أحنا هنحكم بناء عليها

يعني فين الراتب والسكن ونوع المشروع ومكانه

الرسالة اللي هما بعتوهالك بتقول أنهم هيخصموا منك 300 تكاليف الفيزا

ومفيش عليهم إلتزام بالسكن

برجح أن الموضوع يكون عقد مشروع حكومي وده أسوء العروض .. برجاء التركيز عقد مشروع حكومي وليس عقد حكومي

الخلاصة منتظرين منك تفاصيل علشان نفيدك ، وأنت ماشاء الله سنك 24 سنة يعني حاجة كويسة أنك تاخد خبرة هنا ولكن أحنا عاوزين تفاصيل أكتر علشان نقولك الفرصة مناسبة ولا لأ

تحياتي...

الغريب

...اصبحت انتظر استفسار من عضو جديد بالكويت لآرى اسم الغريب فى رد الاستفسار ...جعلك الله ذخرا لمن يحتاج اليك ...بس ابقى ارمى السلام لاخواتك بردوا

ربنا يكرمك يا مدام قلب أبيض

بس أنا مش شايف نشاطات للتوبيك بصراحة

عاوزين نرجع للمواضيع ، أرميلنا أنتي أي طعم وهتلاقي الكل هنا بيطرح رأيه

أيه رأيكم في الأمطار الجميلة في الكويت اليومين دوول ؟؟

سبحان الله جت متأخرة بس مفيدة جدا

لأن ده وقت تراب وأمراض

وكمان خلت الجو لطيف جدا ويا سلااام لما تشم الريحة بعد إنتهاء المطر

بس أنا متوقع أن بعد إنتهاء المطر الصيف هيدخل دخلة قوية جدا

[قلب ابيض]

:hearts: العود احمد :hearts:

تشكرات واحترامات لكل من لبى النداء نفر نفر

الغريب القريب ...موضوع المطر ده سبحان الله من امتع الاشياء اللى بحبها فى الكويت بالاضافه للى ذكرته حضرتك عن مميزلت المطر اهم شىء عندى هو بجد رائحه الارض بعد المطر ...

بس عندى استفسار وهاستنى ردك او ردكم ...حد مننا استشعر الفرق بين رائحه التراب بعد المطر هنا وفى مصر ؟؟

يعنى بتحسوا بفرق ؟؟

على فكره انا مش بتتريق انا باتكلم جد ...

واللى كان نايم يوم الخميس الفجر وماشافش التلج وهو بيخبط على الشبابيك ..اقوله فااااااااااااتك

وعلى رأى صديقنا اللدود سارى

ماتيجوا نشوف

http://www.youtube.com/watch?v=GSA-rnVLFsk

اللهم اجعلها امطار خير وبركه ...

اوصيكم بالدعاء وقت المطر ......وركزوا وانتو بتدعوا لام الدنيا :egyflag:

[أهااات روح]

انا بحب المطر قوى وبحب اقف ورا زجاج الشباك وافضل ادعى وانا باصه للسما وشايفة المطر

بس لما الجو بيبقى هوا شديد ورعد وبرق كتير واصوات الشجر وصوت اهتزاز الشباك من شدة الهوا وانا لوحدى فى البيت ببقى مرعوووبة زى دلوقتى كده cld:

فبدخل انام واحط المخدة على راسى علشان بس مسمعش صوت صفير الاشجار yaw:

وبالنسبة للريحة التراب بعد المطر انا بحس انه مختلف فى ايه مش عارفة بس بحبها قوى فى مصر

((يمكن علشان مشتاقة قوى لمصر فوحشانى ريحة ترابها))

وانا صغيرة كنت بحب اعمل كده

[midosa]

اخى الغريب ، شكرا لردك ،، معلش انى مذكرتش كل التفاصيل ، عامة التفاصيل يا فندم :) كالاتى :

هى شركة خاصة ، وعندهم برنامج لادارة الموارد البشرية ، البرنامج تم تصميمة وبرمجته قديما ، فالمشروع عبارة عن اعادة تصميم وبرمجة البرنامج من تانى باستخدام ادوات حديثة من شركة مايكروسوفت ، وبالتالى المشروع خاص بيهم كشركة ، مش عقد لهيئة او مؤسسة تانية ، وهما بعتولى رسالة تانية فيها تفاصيل شغلى بالضبط ، و عملولى مرتب 300 دينار اول ستة شهور ، ومن الشهر السابع يزيد المرتب 50 دينار ، طبعا السكن عليا ، بس هما عرضوا مساعدتهم ليا فى انى احصل على سكن رخيص ....

عامة شوية معلومات تانية كده علشان تبقى فى الصورة معايا ... :)

انا اصلا خريج خدمة اجتماعية ، بس فى المجال دا انا واخد كورسات وشهادات دولية ، واشتغلت فى اكتر من شركة فى مصر ، وعملت الحمد لله خبرة مش بطالة ، وكمان عملت شغل لحسابى مش بطال ، على اساس ان انا مش خريج حاسبات ومعلومات ، والامر اللى عنيت منه فى مصر ، ان الشركات بتدى الاولوية لخرجى الحاسبات والمعلومات فى التعيين والمرتب ، انا اكبر مرتب اتعرض عليا فى مصر كان 1300 جنيه :unsure: ، وبشتغل فى حاجات قديمة فعلا مش ماشيه مع الادوات الجديدة اللى نازلة ، دا غير المصيبة الكبرى انهم عاملين مشروع نقابة لخريجى الحاسبات والمعلومات ، وبينص ان محدش يشتغل مبرمج حاسب الى الا باذن من النقابة ، ومحدش بياخد تصريح مزاولة للمهنة الا لما يكون خريج حاسبات ومعلومات ، هو المشروع لسه متطبقش ، بس بصراحة انا مش هستنى لحد ما يقعدونى فى البيت ، فانا لما وافقت على العقد دا لعدة اسباب وكان اولها واهمها فعلا الخبرة الخبرة الخبرة ، لانى مؤمن ايمان تام وصريح بان الخبرة والعلم هى اللى هتجبلى الفلوس بعد كده ، smk:

وانا مش جاى الكويت احوش ، مع ان الحاجة الوالدة عماله من دلوقت تدينى دروس فى الاقتصاد والتحويش علشان الحق العروسة بنت الحلال :P

بس انا كل همى وبدعى من ربنا انى ابقى مع فريق محترم ومتعاون اقدر اتعلم منه واخد خبرة كويسة ، لانى عاشق لهذه المهنة جدا جدا

شكرا ليك مرة تانية ، ومعلش على الرغى اللى فوق ، بس انت اللى قلت انك عايز تفاصيل وانا حذرت قبل كده انى هصدعكم bnd5::

[تامر مصطفى]

اخيرا بدأت الديوانية تدب فيها الروح مرة اخرى

اشكر اختي اهاات روح لتلبية الدعوة والعودة لبيت العيلة

وكذلك انتظر كل من وجهت لهم الدعوة بالعودة

سؤال وعايز اجمع منكم الاراء حوله

هل تعتقد ان مطالبة المدرسين الوافدين في الكويت بتعديل اوضاعهم خطأ؟

انتظر اجابات مقرونه بأسباب

[الغريب]

:hearts: العود احمد :hearts:

تشكرات واحترامات لكل من لبى النداء نفر نفر

بس عندى استفسار وهاستنى ردك او ردكم ...حد مننا استشعر الفرق بين رائحه التراب بعد المطر هنا وفى مصر ؟؟

يعنى بتحسوا بفرق ؟؟

:egyflag:

المطر في مصر ريحته طينة جميلة ، أنما المطر هنا ريحته رمل :closedeyes:

ودي أكتر حاجة بتضايقني في الكويت الصحراء والرمال

نفسي في مناظر خضراء وطينة سودا زي مصر

روحنا رحلة عائلية في العيد الوطني كان نفسي تكونوا معانا لمزرعة في العبدلي

أنا قولت أوعى بقى هتلاقي الخضار على اليمين والشمال وتمد إيدك تقطف من على الشجر والكلام بتاع جناين مصر

ولكن كانت المفاجأة .. بلاش أقول والناس اللي راحت مزارع العبدلي والوفرة عارفة الكلام كويس

اخى الغريب ، شكرا لردك ،، معلش انى مذكرتش كل التفاصيل ، عامة التفاصيل يا فندم :) كالاتى :

هى شركة خاصة ، وعندهم برنامج لادارة الموارد البشرية ، البرنامج تم تصميمة وبرمجته قديما ، فالمشروع عبارة عن اعادة تصميم وبرمجة البرنامج من تانى باستخدام ادوات حديثة من شركة مايكروسوفت ، وبالتالى المشروع خاص بيهم كشركة ، مش عقد لهيئة او مؤسسة تانية ، وهما بعتولى رسالة تانية فيها تفاصيل شغلى بالضبط ، و عملولى مرتب 300 دينار اول ستة شهور ، ومن الشهر السابع يزيد المرتب 50 دينار ، طبعا السكن عليا ، بس هما عرضوا مساعدتهم ليا فى انى احصل على سكن رخيص ....

يبقى تمام من وجهة نظري وأتوكل على الله ، بس لو عاوز تتقل لحد لما يلغوا بند أنهم يستقطعوا منك 300 دينار حق التأشيرة يبقى خير وبركة وربنا يوفقك

هل تعتقد ان مطالبة المدرسين الوافدين في الكويت بتعديل اوضاعهم خطأ؟

انتظر اجابات مقرونه بأسباب

أنا لا أرى أن مثل هذا المطلب موفق لعدة أسباب :

1- الأحوال السائدة في العالم العربي.

2- بعض الجرائد السيئة ستحول الموضوع إلى شكل لي ذراع.

3- الكويتيين هيضحوا بأي حد في الوقت الراهن يقلب عليهم استقرار الدولة.

4- مصر محتاجة جهود وأموال المغتربين المحولة من الخارج في الفترة دي فيمكننا بعد إستقرار الأوضاع في مصر وفي المنطقة بالتالي نقدر ساعتها نفرض شروطنا ولو معجبش نروح بلدنا.

5- ثقافة الأخوة هنا لا تتفهم موضوع حقي وتعديل وضعي والكلام ده للأسف هما عندهم كلامات سريعة "ياغريب كن أديب" واللي أنت عارفه.

6- أهم حاجة.. وبمنتهى الصراحة.. بعض المدرسين سوء سمعة المدرسين المصريين في الكويت وكأنه واقف على بير وعاوز يغرف منه قبل ما يخلص ويهين كرامته في الدروس الخصوصية وخلافه، وأنا عن نفسي عندي حكاوي زي الزفت في الموضوع ده فبلاش أحسن حد يزعل مني.

[الغريب]

---- حذف للتكرار

تم تعديل 13 مارس 2011 بواسطة الغريب

[midosa]

شكرا مرة تانية لردك اخى الغريب ، بس تصحيح صغنن ، هما هيطالبونى بال 300 دينار حق التاشيرة فى حالة انى سيبتهم قبل سنتين من العقد

ولكن فى حالة انى كملت سنتين انا غير مطالب رد المبلغ

We will be paying you the visa conversion fees in your behalf will cost 300 KD

this will be consilered as a loan

if you complete the 2 year of contract we will not ask you to pay it back

، عامة كله خير ، وربنا يسهل ، وتبقى رحلة طيبة وعمل محترم ...

بمجمل كلامى بقى عايز احكى موقف رائع لسه حاصل قدام عينى من سيكة (سيكة = من شوية صغننه) :happy:

كنت انا واصحابى فى مطعم اخر ساعة اللى فى ميدان الساعة بمدينة نصر ، كلنا وشربنا وهصنا ، واحنا خارجين

قدام المطعم يبقى فى ناس راكنة عربياتها ، فكان فى واحد كبير فى السن محترم وشيك اوى

قاعد هو و غالبا زوجته فى عربية بى ام انما ايه اخر شياكة ...

كانوا طالبين اوردر من المطعم ولما كلوا فبكل تلقائية رمى شنطة الاكل من شباك العربية على الارض

مع ان ما بينه و ما بين صندوق القمامة دقيقة واحدة مشى و على رجل واحدة :closedeyes:

المهم الكلام دا حصل فى مجية شاب ظريف حاطط اديه الاتنين فى جيبه والشنطة على كتفه و حاطط سماعات MP3 فى وداانه

وعمال يدندن مع الاغنية اللى بيسمعها..

شاب مين الشباب اللى لما الناس الكبار زى والدى ووالدتى يشفوهم يمصمصوا شفايفهم ، ويقولوا هما دول جيل المستقبل :sad: :protest:

المهم علشان مطولش ، الشاب دا شاف صاحبنا وهو بيرمى شنطة الاكل من العربية على الارض

فكان رد فعله بسييييط جدا ، بكل بساطة جاب الشنطة من على الارض وبص للراجل

وقالوا جمله بسيطة : يا فندم احنا خلاص نضفنا

وقام رايح على صندوق القمامة وحط فيه الشنطة وكمل طريقه يدندن على الاغنية اللى بيسمعها ... bnd5::

وصاحبنا اياه كان شكلوا وحششششششش ، و وشه كله جاب الواااان ، ودور عربيته وطيارة اختفى ... :P

بجد كان موقف رائع جدا ، لو كل واحد عمل كده فعلا البلد هتبقى نضيفة

انا اللى مضايقنى ان لما البلد هتبتدى تنضف فعلا ، انا هسافر :unsure: