المصريين المغتربين بالكويت

[aboutabeakh]

ازيكوا يا جماعة بقولكم اية كنت عايز اعرف اية نظام المدارس الخاصة ولازم تقدير ولا لا والتقديم يكون بالذهاب للمدرسة والتقديم فيها ولا عن طريق النت

[pocy]

هلا باخ ابو محمد بص بقي يا سيدى بالنسبه للمدارس الخاصه فهى نوعين مدارس نموذجيه ومدارس خاصه عاديه

النموذجيه دى لازم تقدير وخبره ودبلوم تربوي مع شهاده الكليه لو كنت غير متخرج من كليه تربيه

اما العاديه فدى مش لازم تقدير ومش ضرورى قوى الخبره بس يفضل طبعا ومش ضرورى دبلوم تربوى لو مكنتش كليه التربيه

بالنسبه للتقديم فيفضل تروح بنفسك بس ممكن تجيب ارقام تليفونات المدارس والشركات بتاعتهم من موقع وزاره التربيه وتتصل بيهم او تبعتلهم على ارقام الفاكس او الايميل وربنا يسهل ان شاء الله ويكرمك ويكرمنى معاك بس انت قول أمين ان شاء الله

[pocy]

أخي في الله ابومحمد

نسيت اقولك ان فى فرق برضه فى المرتب بمعنى ان مرتبات المدارس الخاصه العاديه هى كالاتى

ابتدائي 175 دينار متوسط 200 ثانوى 225

اما بالنسبه للمدارس الخاصه النموذجيه بتبدأ ب250 دينار

[HDarwish]

بصراحة أنا معاكم ومش معاكم في نفس الوقت في موضوع شغل المصريين (تحديداً .. بتوع شغل ولا لأ)

معاكم ...

بالنسبة لشغل المصريين في الداخل

مش معاكم ..

بالنسبة لشغل المصريين في الخارج

المصريين في مصر اقولك آه ممكن يتراخوا في العمل كثير جداً .. تلاقيهم يتأخروا كثير جدا .. يستأذنوا كثير جدا .. ممكن ما يروحوش خالص ويبئا موظف مثلا في البريد وتلاقيه شغال تاكسي في نفس التوقيت .. ظروف كثير جدا بتأدي لحالة من البلادة والتراخي في العمل ..

على العكس تماما خارج مصر .. تلاقي المصري مش بيستأذن كثير مش بيتأخر في العمل .. وبصراحة من وجهة نظري بشوفهم اكثر ناس بيشتغلوا وبضمير .. أحسن من أي جنسية تانية سواء لبناني سوري اردني فلسطيني هندي فلبيني بنغالي ..

وده أمام عيني .. خاصة الجنسية الأسيوية تلاقيهم فارشين المكتب ورق كثير جدا وتحس إن الواد يعيني مطحون شغل وهو عمال يلعب جيمز على الكمبيوتر او بيشيت مع حد ..

أول ما اشتغلت في الشركة هنا واول اسبوع .. فبالتالي لسه بستكشف طبيعة الشغل وبتعلم من الناس اللي معايا وقاعد في مرة على المكتب ومفيش معايا حاجه بعملها ولقيت الواد الهندي اللي مكتبه جنب مكتبي قام راميلي ورقه وبمعنى كلامه يعني أعمل نفسي شغال وبراجع الورقة دي سألته ليه يابني قاللي المدير معدي ولما حيشوفك كده حيقول انك مش شغال .. وقيس على كده حالات كثير جدا .. بالإضافة إلى الشغلانه اللي تديها لواحد مصري ممكن يخلصها في أقل وقت علشان يظهر بمظهر كويس انه بينجز يعني إنما الجنسيات التانية معظم تفكيرها إنه ياخد فيها اكبر وقت وهي ما تستاهلش وده علشان حاجتين اولا المدير اللي مكلفه بالشغل يقول إن الشغل صعب ودليل انه بياخد وقت والحاجة التانية إن الموظف بيفكر لما هيخلص الشغلانه دي ممكن ما يلاقيش حاجه تانية يعملها وراها فيبقى قاعد فاضي أو إنه لما هيخلصها مديره هيدوله حاجه تانية وهكذا ..

على فكرة الشركة اللي انا شغال فيها 90% منها مصريين وواخدين أعلى المناصب فيها من أعضاء مجلس الإدارة إلى أقل مراتب وظيفية .. وما شاء الله قايمين بشغلهم على أحسن وجه وواجهة مشرفة للمصريين .. حاسس إنكم عرفتم إيه هي وإذا عرفتم الشركة دي رجاءا لا داعي لذكر الاسم للخصوصية.

تحياتي

ابلعكس مشكلة المصريين انهم بيشتغلوا كتير وبتوعم شغل والكل عارف كده بس مش بيعرفوا يبروزا شغلهم انا مش بعمم لكن ف كثير من الاحيان وصدقوني بقيت احس انها بقت صبغه ع البلد عموما يعني مصر مش بتعرف تستغل الاوراق اللي ف ايديها سياسيا ولا تحس اننا بنعرف نظهر نفسنا ونوريهم مجهوداتنا بعكس اللبناني مش بتاع شغل بس عامل لنفسه برستيج حلو اشي مظهر شيك وعربية شيك فبقى بيخلي اللي ادامه بيحسب حسابات تانيه وهو بيتعاقد معاه

اللي بيزعلني اننا ف كثير من الاحيان بنعور بعض اتمنى اننا نكون زي الهنود ظاهريا ما كويسين مع بعض يعني زي ما بنشوف شركات كلها فلسطينيين او اردنييين ، بابقى سعيد لما الااقي شركات كلها مصريين

نفسي نبقى مع بعض كويسين ع الاقل ادام الغرب ما يبقاش عندنا احقاد تجاه بعضنا البعض

اللي بيبقى مزعل الواحد اننا بتوعم شغل وبنتحمل لكن للاسف مش بنعرف نبروز شغلنا كويس

أؤيدك مئة في المئة يا عزيزي هيرو .. إنت عارف أكثر حاجة ترفع ضغطي هي إيه ! .. إن ألاقي مصري بيشكي الحال ووضع البلد ويعيب في مصر والمصريين أمام جنسيات أخرى زي اللي ذكرتها حضرتك .. خصوصا ان الجنسيات دي فيهم عيوب كثير جدا وهما عارفين كده كويس لكن إنهم يذكروا عيوبهم امام حد من جنسية أخرى .. ابدا نهائي .. بالعكس تلاقيهم بيمدحوا في بلدهم ويفتخروا بيها برغم إنها مورياهم الويل .. عندك مثلا في سوريا عندهم مشاكل كثير جدا سواء على المستوى الاقتصادي او السياسي وهما عارفين ده كويس جدا لكن ممكن يذكروه بينهم وبين بعض لكن أمام جنسية أخرى لا والفلسطينيين كمان والأردنييين واللبنانيين ..

حاجة تانية كمان بترفع ضغطي .. إن مصري يعوج لسانه ويتقلب لبناني ولا كويتي ولا سوري .. ويئولك ده بحكم شغلي بتكلم طول النهار وياهم .. طب يا أخي ما احنا هنا مصريين كلنا وفي وسطنا فلسطينيين وسوريين مفيش يوم لقينا واحد قلب لهجته لمصري ..

المفروض نفتخر بنفسنا ونكون واثقين بنفسنا أكثر من كده ..

وللحديث بقية حيث إنشغالي في العمل الآن .. والأفكار كثيره لكنها غير مرتبة في الوقت الحالي .. خاصة موضوع الغزو عايز اتكلم معاك فيه باستفاضة شوية ..

تقبل كل التحية والاحترام

-------------------------------------------------------------

حاجة صغيرة نسيتها وكنت عايز اعلق عليها ..

عزيزي هيرو انا بأيدك في اننا فعلا ما بنبروزش أو إننا بتوع شغل لكن ما بنظهروش لكن في نفس الوقت عايز اوضح نقطة صغيرة هو ان فيه فرق بين إني ابروز شغلي وبين ان اخدع مرؤوسي بإن شغال برغم ان العكس هو اللي حاصل

كمثال ..

في مجال شغلي مثلا بيكون فيه حاجات بعملها لنفسي علشان تسهل علي شغلي زي اللوج وبعش الشيتات والتقارير اللي بتسهل علي وتخلي شغلي منظم ومرتب .. مش عيب خالص ولا خداع إني أقدم التقرير ده لمرؤوسي بدون ما يطلبه .. علشان برضه يعرف إني بشتغل ومش قاعد بلعب مثلا .. في حين إني ممكن اسيب مكتبي مش مرتب ولا متنظم واكوام ورق هنا وهنا علشان في الآخر مديري لما يعدي علي يقوللي يعطيك العافية وهو لو لف من قدام المكتب حيلاقيني مشغل لعبة استراتيجية زي لعبة جنرال وعامل شبكة مع موظفين القسم وقاعد بلعب ..

حبيت بس اوضح الفرق في إني أبرز شغلي وبين إني أخدع مرؤوسي ..

تحياتي

تم تعديل 1 أغسطس 2009 بواسطة HDarwish

[aboutabeakh]

امين اختى ام عمرو وربنا يكرمك يا رب وتلاقى الشغل اللى على هواكى ويكرمنا معاكى

[pocy]

صباح الخير اخوانى الموجودين بالكويت فينكم

اتمنى تكونوا جميعا بخير

وليه تعقيب ان شاء الله على كلامك اخىفى الله استاذ حسن ولى رجعه ان شاء الله

[pocy]

السلام عليكم ورحمه الله وبركاته

اولا اخي فى الله حسن درويش احب ان اعرفك ان كل بلد به السئ والجيد يعنى مثلا نا اعرف ا ن الفلبينيى حمير شغل وبيشتغلوا بهمه جدا ومنظمين بشكل يفوق الوصف

اما المصري هو اللى زى ما قال الاخ هيروووووووووووو هو اللى اتعود على الفوضي وعدم النظام واهه الامور بتمشي وانا اتعاملت مع اكتر من مكان وصدقنى كان منهم الججامعه الامريكيه واد ايه انها معروفه بس لانها فى مصر برضه جزء منها فوضوى المهم

اللى انا اقصدك ان مش معنى ان المصري طالما مش بيعرف يبروز شغله زى السورى والبنانى يبقي مش بيشتغل وهم عارفين كده بس المشكله اننا اتعرف عنا يا مصريين النصب بالكلام المعسول وده منتشر جدا فى المسلسلات والافلام اكتر من الحقيقه وناس كتير بتتفرج ع التليفزيون والاعلام صدقنى هو اللى جابنا ورا ومنقلش حريه الرأى والرأى الاخر دايما زى ما فى موقف سلبي دايما بتلاقي الايجاب برضه لكن للاسف الاعلام دايما بيحب يجيب السلبي قولى كام برنامج معمول علشان يشتموا فى الحكومه واللى بتعملوه فى الشعب والحالات الانسانيه اللى بيعلنوا عنها وان الحكومه سايباها والميه المقطوعه دايما فى بعض الاماكن العشوائيه لدرجه ان لحد الان فى ناس بتشرب من الزير ويفضوه ويملوه وهكذا وكام برنامج بيكرموا فيها الشباب المصري الواعد اللى مش لاقى نفسه في مصر وطلع بره وبقي احسن الناس زى زويل ومجدي يعقوب و .......... انا متاكده ان جوزى ممكن يبقي زى الناس دى بس ايه اللى حصل لما اتقدم بمنتج محلى 100% وتكلفته اكل من المنتج المحلى بالنص بالضبط وفى الاخر شغل من تحت التربيزه

يا استاذى الفاضل مصر ليه لحد الان دوله من دول العالم التالت علشان الفساد الموجود من ايام الثوره والمستمر لحد الان وياعالم هيستمر لحد امتى وياترى امتى الثوره اللى جايه كلنا عايشين فى ايام ابو الهول والحضاره القديمه مصر بتتراجع ولم تتقدم فى حين اخدوا الاوروبين ما توصلنا اليه وكملوا وتقدموا

على العموم الحرب أو الثوره قادمه قادمه بس يا عالم متى سيفوق الشعب المصري من الغيمه اللى عايش فيها الله اعلم

اتمنى مكنش قد أطلت عليكم بالحديث بس ملحوظه لما كنت بشتغل في مصر مكنتش بيتاخر ودايما بجي بدرى عن ميعادى اكتر من نص ساعه كامله ولما جيت هنا كان نفس النظام لان الواحد لما بيشتغل بيتعامل مع رب العباد وليس العباد وبيحاول يحلل كل قرش هو بياخده

وشكرا على وقتكم الثمين

[pocy]

نسيت اصبح عليكم الاول

صباح الخير اخوانى فى الكويت اتمنى تكونوا بخير يارب واشوفكم فى خير حال يارب اللهم امين

[HDarwish]

السلام عليكم ورحمه الله وبركاته

وعليكم السلام ورحمة الله وبركاته

اولا اخي فى الله حسن درويش احب ان اعرفك ان كل بلد به السئ والجيد يعنى مثلا نا اعرف ا ن الفلبينيى حمير شغل وبيشتغلوا بهمه جدا ومنظمين بشكل يفوق الوصف

أختي في الله بوسي .. بصراحة أنا جتلي عقدة من كل الجنسيات الأسيوية .. وما بطيقشي أي واحد منهم سواء بئا فليبيني، هندي، بنغالي .. كلهم عندي سواء .. كلهم لئم وخبث إلا ما ندر ..

اما المصري هو اللى زى ما قال الاخ هيروووووووووووو هو اللى اتعود على الفوضي وعدم النظام واهه الامور بتمشي وانا اتعاملت مع اكتر من مكان وصدقنى كان منهم الججامعه الامريكيه واد ايه انها معروفه بس لانها فى مصر برضه جزء منها فوضوى

لما كنا في مصر كانت الأمور عادي بالنسبة لنا والحياة كانت ماشية والواحد كان مقضيها وخلاص حتى تطوير الذات والمهارات تقدري تسميها حالة من التراخي والكسل والوخم .. وفي نفس الوقت كنا بنحس إن المصري مفيش زيه ومفيش غيره لا تقولي بئا لا هندي ولا صيني .. وبدأنا بعد كده نقارن بين اللي شوفناه بره واللي كنا عايشين فيه جوه .. إحنا السلبيات عندنا أكثر بكثير من الإيجابيات .. فعلا ..

اللى انا اقصدك ان مش معنى ان المصري طالما مش بيعرف يبروز شغله زى السورى والبنانى يبقي مش بيشتغل وهم عارفين كده بس المشكله اننا اتعرف عنا يا مصريين النصب بالكلام المعسول وده منتشر جدا فى المسلسلات والافلام اكتر من الحقيقه وناس كتير بتتفرج ع التليفزيون والاعلام

للأسف

انا متاكده ان جوزى ممكن يبقي زى الناس دى بس ايه اللى حصل لما اتقدم بمنتج محلى 100% وتكلفته اكل من المنتج المحلى بالنص بالضبط وفى الاخر شغل من تحت التربيزه

بلدنا بس بتهتم بحاجتين اثنين الكورة والرقاصات .. لكن تقوليلي علم وتكريم النوابغ والمخترعين والكلام الفاضي ده .. إزاي بئا .. ده يبئا عيب ..

يا استاذى الفاضل مصر ليه لحد الان دوله من دول العالم التالت علشان الفساد الموجود من ايام الثوره والمستمر لحد الان وياعالم هيستمر لحد امتى وياترى امتى الثوره اللى جايه كلنا عايشين فى ايام ابو الهول والحضاره القديمه مصر بتتراجع ولم تتقدم فى حين اخدوا الاوروبين ما توصلنا اليه وكملوا وتقدموا

طب ياريت نرجع لأيام الثورة من تاني .. صحيح كان فيها من كثير من المشاكل والسلبيات .. لكن كان المصري بيرفع راسه ويقول أنا مصري بفخر .. بعكس الوقتي بئت (آسف) شتمة لما واحد يقول للثاني (يالمصري) مع إن المفروض نفتخر بيها .. عجبني موقف كنا قاعدين في قهوة بنتفرج على ماتش كورة مصر x أمريكا (برغم إن ماليش في الكورة) الكلام ده كان في قهوة منطقة مشرف والقهوة دي مفتوحة وكبيرة جدا .. حصلت مشادة كلامية بين عامل القهوة اللي بينزل الطلبات وبين واحد كويتي .. المهم الكويتي قال للعامل ده يالمصري .. وشوفوا بئا رد العامل ده بجد عجبني جدا اللي مضمونه افتخار بالمصري والمصريين .. والحق يتئال حتى الكويتيين اللي كانوا موجودين وقفوا في صفنا .. أصل لحظة كمان وكانت العدد الكبير جدا من المصريين الموجودين كانوا خلاص بيكشروا عن أنيابهم مجرد ما قال يالمصري ..

على العموم الحرب أو الثوره قادمه قادمه بس يا عالم متى سيفوق الشعب المصري من الغيمه اللى عايش فيها الله اعلم

قريب جداً ..

اتمنى مكنش قد أطلت عليكم بالحديث بس ملحوظه لما كنت بشتغل في مصر مكنتش بيتاخر ودايما بجي بدرى عن ميعادى اكتر من نص ساعه كامله ولما جيت هنا كان نفس النظام لان الواحد لما بيشتغل بيتعامل مع رب العباد وليس العباد وبيحاول يحلل كل قرش هو بياخده

لو الناس كلها اتعاملت بنفس المنطلق ده حنبئا حاجة كويسة قوي .. لكن اللي زي حضرتك قليل قوي ..

وشكرا على وقتكم الثمين

العفو .. شكرا على مداخلتك الثرية

لي عودة .. تقبلوا كل التحية

[قلب ابيض]

ايه ده دا الناس الحلوه كلها متجمعه اهه

ياعينى على البرد اللى في الساحل الشمالى مسيرك تعوضي هنا كل البرد ههههههههههههههه

اثبات حضور :

صباح الفل على الكل 000انا بتابع من الركن البعيد الهادى 00ونفسى اعقب بس مأجله الردود لحين تواجدى بالكويت

وعلى فكره يا استاذ تامر الجو برررررررد والله مش ببالغ " فى الساحل الشمالى "

اللهم لا حسد

bk: :D

مش هاقول اكثر من كده يا أم نور

احبائى رفاق الغربه 00عاوزه اقولكم على سر بينى وبينكم بس :happy: :P ومحدش واخد باله

الغربه فى بلدك اصعب بكتيييير من غربتنا بره البلد

انا مش عاوزه انكد عليكم ولا اقلب المواجع 00بس حسيت بخنقه وانتم اصدقائى اللى لا بتنافقوا ولا بتتجملوا لسبب اننا فى عالم افتراضى وكل منا متخيل الاخر بالصوره اللى حاسسهها هو

انا مخنؤه جدا000انا غريبه فى بلدى ووسط اهلى

عزائى الوحيد وسلوتى هى انتم والله بكل صدق

سامحونى انا ما عقبتش على حوارتكم او بمعنى ادق ما أطلعتش عليها حتى 00حسيت انى عاوزه اكلمكم بس وقد كان

على فكره انا على كرسى الاعتراف من فتره 000انتم مش بتشاركوا ليه؟؟؟

[HDarwish]

ايه ده دا الناس الحلوه كلها متجمعه اهه

ياعينى على البرد اللى في الساحل الشمالى مسيرك تعوضي هنا كل البرد ههههههههههههههه

اثبات حضور :

صباح الفل على الكل 000انا بتابع من الركن البعيد الهادى 00ونفسى اعقب بس مأجله الردود لحين تواجدى بالكويت

وعلى فكره يا استاذ تامر الجو برررررررد والله مش ببالغ " فى الساحل الشمالى "

اللهم لا حسد

bk: :D

مش هاقول اكثر من كده يا أم نور

احبائى رفاق الغربه 00عاوزه اقولكم على سر بينى وبينكم بس :happy: :P ومحدش واخد باله

الغربه فى بلدك اصعب بكتيييير من غربتنا بره البلد

انا مش عاوزه انكد عليكم ولا اقلب المواجع 00بس حسيت بخنقه وانتم اصدقائى اللى لا بتنافقوا ولا بتتجملوا لسبب اننا فى عالم افتراضى وكل منا متخيل الاخر بالصوره اللى حاسسهها هو

انا مخنؤه جدا000انا غريبه فى بلدى ووسط اهلى

عزائى الوحيد وسلوتى هى انتم والله بكل صدق

سامحونى انا ما عقبتش على حوارتكم او بمعنى ادق ما أطلعتش عليها حتى 00حسيت انى عاوزه اكلمكم بس وقد كان

على فكره انا على كرسى الاعتراف من فتره 000انتم مش بتشاركوا ليه؟؟؟

إحساس صعب قوي يا أم نور .. ربنا يكون في عونك ويصبرك ..

وإحنا هنا كلنا إخوة .. فضفضي وخدي راحتك .. ولو فيه حاجة نقدر نساعد بيها حتى لو بمجرد شوية كلمات .. يمكن تخفف عنك الألم

جربت الإحساس ده قبل كده .. وكنت بتمنى أرجع تاني الكويت وتخلص أجازتي .. تخيلي ..

الناس بتتغير .. واللي الواحد كان بيتعذب لبعادهم وبيتمنى اليوم اللي يشوفهم فيه أصبح مش عايز يشوفهم تاني .. بتبئا صدمة ..

الألم بيكون أكثر وقعاً على النفس لما يكون من أقرب الناس ..

تحياتي .. ودعواتي بزوال الهم والفرح بالخير والسعادة

[قلب ابيض]

اصبت يا استاذ حسن000من اقر بالاقربين اللى بنعد الايام عشان نشوفهم 00اللى بناخد من قوتنا عشان نسعدهم 00اللى هما آآآخر ناس ممكن تتوقع منهم الضرب فى مقتل

حسبى الله ونعم الوكيل

تم تعديل 3 أغسطس 2009 بواسطة قلب ابيض

[herohero]

السلام عليكم ورحمه الله وبركاته

وعليكم السلام ورحمة الله وبركاته

اولا اخي فى الله حسن درويش احب ان اعرفك ان كل بلد به السئ والجيد يعنى مثلا نا اعرف ا ن الفلبينيى حمير شغل وبيشتغلوا بهمه جدا ومنظمين بشكل يفوق الوصف

أختي في الله بوسي .. بصراحة أنا جتلي عقدة من كل الجنسيات الأسيوية .. وما بطيقشي أي واحد منهم سواء بئا فليبيني، هندي، بنغالي .. كلهم عندي سواء .. كلهم لئم وخبث إلا ما ندر ..

اما المصري هو اللى زى ما قال الاخ هيروووووووووووو هو اللى اتعود على الفوضي وعدم النظام واهه الامور بتمشي وانا اتعاملت مع اكتر من مكان وصدقنى كان منهم الججامعه الامريكيه واد ايه انها معروفه بس لانها فى مصر برضه جزء منها فوضوى

لما كنا في مصر كانت الأمور عادي بالنسبة لنا والحياة كانت ماشية والواحد كان مقضيها وخلاص حتى تطوير الذات والمهارات تقدري تسميها حالة من التراخي والكسل والوخم .. وفي نفس الوقت كنا بنحس إن المصري مفيش زيه ومفيش غيره لا تقولي بئا لا هندي ولا صيني .. وبدأنا بعد كده نقارن بين اللي شوفناه بره واللي كنا عايشين فيه جوه .. إحنا السلبيات عندنا أكثر بكثير من الإيجابيات .. فعلا ..

اللى انا اقصدك ان مش معنى ان المصري طالما مش بيعرف يبروز شغله زى السورى والبنانى يبقي مش بيشتغل وهم عارفين كده بس المشكله اننا اتعرف عنا يا مصريين النصب بالكلام المعسول وده منتشر جدا فى المسلسلات والافلام اكتر من الحقيقه وناس كتير بتتفرج ع التليفزيون والاعلام

للأسف

انا متاكده ان جوزى ممكن يبقي زى الناس دى بس ايه اللى حصل لما اتقدم بمنتج محلى 100% وتكلفته اكل من المنتج المحلى بالنص بالضبط وفى الاخر شغل من تحت التربيزه

بلدنا بس بتهتم بحاجتين اثنين الكورة والرقاصات .. لكن تقوليلي علم وتكريم النوابغ والمخترعين والكلام الفاضي ده .. إزاي بئا .. ده يبئا عيب ..

يا استاذى الفاضل مصر ليه لحد الان دوله من دول العالم التالت علشان الفساد الموجود من ايام الثوره والمستمر لحد الان وياعالم هيستمر لحد امتى وياترى امتى الثوره اللى جايه كلنا عايشين فى ايام ابو الهول والحضاره القديمه مصر بتتراجع ولم تتقدم فى حين اخدوا الاوروبين ما توصلنا اليه وكملوا وتقدموا

طب ياريت نرجع لأيام الثورة من تاني .. صحيح كان فيها من كثير من المشاكل والسلبيات .. لكن كان المصري بيرفع راسه ويقول أنا مصري بفخر .. بعكس الوقتي بئت (آسف) شتمة لما واحد يقول للثاني (يالمصري) مع إن المفروض نفتخر بيها .. عجبني موقف كنا قاعدين في قهوة بنتفرج على ماتش كورة مصر x أمريكا (برغم إن ماليش في الكورة) الكلام ده كان في قهوة منطقة مشرف والقهوة دي مفتوحة وكبيرة جدا .. حصلت مشادة كلامية بين عامل القهوة اللي بينزل الطلبات وبين واحد كويتي .. المهم الكويتي قال للعامل ده يالمصري .. وشوفوا بئا رد العامل ده بجد عجبني جدا اللي مضمونه افتخار بالمصري والمصريين .. والحق يتئال حتى الكويتيين اللي كانوا موجودين وقفوا في صفنا .. أصل لحظة كمان وكانت العدد الكبير جدا من المصريين الموجودين كانوا خلاص بيكشروا عن أنيابهم مجرد ما قال يالمصري ..

على العموم الحرب أو الثوره قادمه قادمه بس يا عالم متى سيفوق الشعب المصري من الغيمه اللى عايش فيها الله اعلم

قريب جداً ..

اتمنى مكنش قد أطلت عليكم بالحديث بس ملحوظه لما كنت بشتغل في مصر مكنتش بيتاخر ودايما بجي بدرى عن ميعادى اكتر من نص ساعه كامله ولما جيت هنا كان نفس النظام لان الواحد لما بيشتغل بيتعامل مع رب العباد وليس العباد وبيحاول يحلل كل قرش هو بياخده

لو الناس كلها اتعاملت بنفس المنطلق ده حنبئا حاجة كويسة قوي .. لكن اللي زي حضرتك قليل قوي ..

وشكرا على وقتكم الثمين

العفو .. شكرا على مداخلتك الثرية

لي عودة .. تقبلوا كل التحية

سيدي الفاضل اولا نستثني ف كلامنا عن تقييم المصري الاخوة ف الخليج لان بصراحه انا اتربيت ف الكويت وعارف نظرتهم حتى للسعودي مش للمصري الناس ده عندها صلف وكبرياء مش واقعي وهم حرين ف شخصيتهم احكم ع المصري بره واله العظيم الاوروبيين والامريكان بيحبوا التعامل وبيستغربوا اننا عرب والله انا بحس انهم عاوزين يقولوا ما انتوا ادميين وبتفهموا الصورة سيئة ، وكلمة يالمصري او ابن المصريه اللي هي شتيمة كبيرة ف الكويت ده لانهم شعب غير مثقف وعندهم عقدة موجوده عند عرب كتير هنعمل لهم ايه متعقدين لان مصر عندها تاريخ كويس للاسف حاضرها بيمسحه لكن ده الواقع ان احنا عندنا تاريخ منظومة ثقافيه بلد تحس ان لها وجود تكتب عنها كتب

اما هم فلا وده شيئ مضايقهم جدا غير طبعا الاعلام عندنا من افلام لمسلسلات ناسي خالص انه بيخاطب العالم العربي ومش كله مثقف ولا يقدر يفهم الفكر اللي ورا الفيلم والهدف منه لكنه بيحكم ع الرقصه والخمور والمخدرات اللي انا مقتنع اننا ممكن نوصل اللي عاوزينه من غيرها

شوفوا المسلسلات السورية تحسوا ان سوريا ده بلد جميلة جدا مع ان الكل عارف اد ايه فيها فساد اخلاقي وسياسي واداري والكل عارف ان مفيش سوري يكلم ادامك ف السياسة ولا اردني

فاحنا نفخر بمناقشتنا لمشاكلنا وطز فيهم لكن احنا يهمنا اننا نرتقي ببلدنا جزء من الصورة السلبية احنا كنا سبب فيها المصريين اللي جم زمان مش كلهم كانوا متعلمين طبقه العمال كانت تعبانه قوي ولها سلوكيات سيئة وكانت سلوكياتها ف مصر هي نفسها السلوكيات اللي جم طبقوها وللاسف اثرت علينا

وانا لما بتكلم مع اي حد مصري كل اللي اتمناه اننا نبقى حريصين ف تعاملنا ان غيرنا هيقول ده مصري كويس او مصري وحش انا فاكر ايام جرايد الكويت تلاقي بالبولد كاتب مقيم مصري وجنبه مواطن كويتي بفونت صغير يمكن هنا كتر خيرهم ف السعودية بيكتب مقيم دون ذكر للجنسية

لكن ف الاول وف الاخر القيمة احنا اللي نعلمها لنفسنا ، مدى سعادتي وانا شايف الدكتور مجدي يعقوب وجايبين ناس من كل الجنسيات جايين ف معهد باسمه ف لندن لجراحات القلب يتعلموا منه دول اللي لما حد يقول يا بن المصريه اقوله هي د المصرية اللي خلفت زويل ومجدي يعقوب وفاروق الباز وغيرهم كتير قوي يكفينا فخرا ان مستشارة اوباما للشئون الاسلاميه مصرية بالحجاب وبتكلم مصري صرف

[HDarwish]

سيدي الفاضل اولا نستثني ف كلامنا عن تقييم المصري الاخوة ف الخليج لان بصراحه انا اتربيت ف الكويت وعارف نظرتهم حتى للسعودي مش للمصري الناس ده عندها صلف وكبرياء مش واقعي وهم حرين ف شخصيتهم احكم ع المصري بره واله العظيم الاوروبيين والامريكان بيحبوا التعامل وبيستغربوا اننا عرب والله انا بحس انهم عاوزين يقولوا ما انتوا ادميين وبتفهموا الصورة سيئة ، وكلمة يالمصري او ابن المصريه اللي هي شتيمة كبيرة ف الكويت ده لانهم شعب غير مثقف وعندهم عقدة موجوده عند عرب كتير هنعمل لهم ايه متعقدين لان مصر عندها تاريخ كويس للاسف حاضرها بيمسحه لكن ده الواقع ان احنا عندنا تاريخ منظومة ثقافيه بلد تحس ان لها وجود تكتب عنها كتب

اما هم فلا وده شيئ مضايقهم جدا غير طبعا الاعلام عندنا من افلام لمسلسلات ناسي خالص انه بيخاطب العالم العربي ومش كله مثقف ولا يقدر يفهم الفكر اللي ورا الفيلم والهدف منه لكنه بيحكم ع الرقصه والخمور والمخدرات اللي انا مقتنع اننا ممكن نوصل اللي عاوزينه من غيرها

شوفوا المسلسلات السورية تحسوا ان سوريا ده بلد جميلة جدا مع ان الكل عارف اد ايه فيها فساد اخلاقي وسياسي واداري والكل عارف ان مفيش سوري يكلم ادامك ف السياسة ولا اردني

فاحنا نفخر بمناقشتنا لمشاكلنا وطز فيهم لكن احنا يهمنا اننا نرتقي ببلدنا جزء من الصورة السلبية احنا كنا سبب فيها المصريين اللي جم زمان مش كلهم كانوا متعلمين طبقه العمال كانت تعبانه قوي ولها سلوكيات سيئة وكانت سلوكياتها ف مصر هي نفسها السلوكيات اللي جم طبقوها وللاسف اثرت علينا

وانا لما بتكلم مع اي حد مصري كل اللي اتمناه اننا نبقى حريصين ف تعاملنا ان غيرنا هيقول ده مصري كويس او مصري وحش انا فاكر ايام جرايد الكويت تلاقي بالبولد كاتب مقيم مصري وجنبه مواطن كويتي بفونت صغير يمكن هنا كتر خيرهم ف السعودية بيكتب مقيم دون ذكر للجنسية

لكن ف الاول وف الاخر القيمة احنا اللي نعلمها لنفسنا ، مدى سعادتي وانا شايف الدكتور مجدي يعقوب وجايبين ناس من كل الجنسيات جايين ف معهد باسمه ف لندن لجراحات القلب يتعلموا منه دول اللي لما حد يقول يا بن المصريه اقوله هي د المصرية اللي خلفت زويل ومجدي يعقوب وفاروق الباز وغيرهم كتير قوي يكفينا فخرا ان مستشارة اوباما للشئون الاسلاميه مصرية بالحجاب وبتكلم مصري صرف

بكون سعيد جداً وأنا بقرأ مداخلاتك عزيزي هيرو

فعلا الطابع اللي واخداه الناس عننا جزء كبير من السبب هو إحنا .. ياريت لو كل واحد يراعي في تصرفاته خارج مصر إنه مش بيمثل نفسه وبس لا ده بيمثل بلده بأكملها .. الواحد بيتعب قوي على ما بيقدر يغير فكرة الناس له لدرجة إن ساعات بحاول أقنع إن الناس تعاملني كفرد مش مجتمع .. ..

تحياتي .. عزيزي هيرو

[pocy]

اهلين وسهلين [ام نور والله ليكى وحشه كبيره ومش تتصورى انا منتظراك ترجعى الكويت بفارغ الصبر عايزاكى النهارده قبل بكره يا نوارتنا انتى

بصراحه انتى جيتى الجرح فعلا صعب جدا ان الواحد بيكون وسط اهله وحاسس بالغربه وان الوجيعه تيجي من اقرب الناس ليكى

بس انتى يا قمر بقالك اد ايه مغتربه عنهم وعن عوايدكم ومصر اختلفت كتير وكمان نفوس الناس اختلفت هناك انا مش عايزاكى تزعلى يا قمر ولا تتخنقي وتعالى فضفضي معانا

وهتلاقينا اكتر من اخواتك ومأكد هنقدر اللى انتى فيه لاننا مأكد جربنا نفس الشعور في سنه من السنين اهه الواحد لو كان بايده كان كتب كتب بس بالمواقف البايخه اللى بيقبلها من أقرب الناس ليه

واحنا منتظرينك يا قمر وانا مجهزه ودانى من الان وايدى على الكيبورد للرد

ومش تزعل ابدا يا قمر داانتى نوارتنا وورده المنتدى هنا وبجد وحشانا جدا وبلا احقاد ولا ضغينه انك فى برد الساحل الشمالى واحنا هنا فى صهج الكويت ولا حاجه ههههههههههههههههههههه

[pocy]

اولا صباح الفل والورد والياسمين على احبائنا فى الكويت وكل مسلمى الدول العربيه وكل سنه وانتم طيبين

وسلام خصوصي لاختنا ام نور و نقولها ليكى وحشه كبيره يا قمر ومنتظرين رجوعك بفارغ الصبر

[pocy]

ثانيا : انا دايما من اعدادى وانا كنت بسمع المقوله دى

"ان السيئه بتعم والحسنه بتخص"

وعلى هذه المقوله دارت كل حوارتنا من قبل وهو ان المصري لو عمل حاجه كويسه هتخصه هو مش لانه مصري اما لو عمل حاجه مش كويسه فانها هتعم المصريين أجمع لذا اخوانى وأوصيكم وأوصي نفسي بتقوى الله وبالعمل لرب العباد وليس للعباد فانت تعامل ربنك فى كل شئ فى الماء الذي تشربه والاكل الذي تأكله والقدم التى توصلك واليد التى تساعدك والعين التى تنظر بها لو فعلنا كلنا كده عمر ما واحد هيقول المصري بيعمل كذا وكذا واتمنى ان الاعلام بتاعنا ياخده باله من السلبيات اللى بينشرها علينا للعالم العربي والاوربي اجمع

حد يا جماعه شاف دكان شحاته والابتذال اللى كان فيه ولا شاف ؟؟؟؟؟؟ ولا شاف .................. والله الواحد مش عارف الواحد يذكر ايه ولا ايه بقت الافلام عباره عن مجموعه لإيفهات و مناظر مقرفه بيقلدوا فيها الاجانب والله بيعين في الاخر هيقولوا المصريين شايلين برقع الحيا والله ما كلهم بس نعمل ايه لاعلامنا

ممكن تقولوا انا متحامله على الاعلام المصري بس نعمل ايه يالا الخيره فيما اختاره الله المهم ان احنا نعمل اللى علينا ونحاول نخلى اللى حولينا واهلنا برضه يراعوا ربنا فى كل شئ وصدقونى ساعتها بس هتعود كرامه المصري بكل مكان وربنا ييسر اللى فيه الخير

وأسفه على الاطاله

[pocy]

اتمنى من الاخوه الافاضل اننا نخاف على بعض وندعى لبعض بالخير ودايما نقف جنب اى واحد فينا محتاج التانى

[pocy]

امال فين أستاذ تامر مش باين اوعى تكون مش لاقي مكان تركن فى السياره من ساعتها هههههههههههههه

يالا عايزين محاوراتك فى مصر ومغامراتك

الاستاذ رمضان فينك بقالك فتره مش دخلت هو الجو لسه طوززززززززززززززز عندك ولا ايه

انا جوزى لما بيخرج الصبح النظاره بيبقي عليها شبوره ههههههههههههههههههه الله يعين ويوصل بالسلامه ههههههههههههههه

الاستاذ احمد كمال برضه من زمان مش ظهر انت سيبتنا ليه يا اخ احمد ومنكم نستفيد ياريت تيجي وتشاركنا برأيك

الاستاذ ابوطبيخ ليه مش بتشارك معانا غير بس في طرح الاسئله تعال وقول رأيك واحنا معاك واخبار البلد معاك ايه وانت حاسس بايه تجاه البلد دى وبلدنا الحبيب

[pocy]

اخوانى انا خايفه جدا من فكره اننا لما ننزل نستقر منعرفش نعيش لسه واحده بتحكيلى عن ابنها وانه مش قادر يعيش في مصر وهو لسه فى الكليه ومش قادر يتعامل مع البشر هناك على كلامها يعنى انا خايفه الموضوع ده يأثر على الواحد يبقي ننزل ونعيش مش مرتاحين هتبقي صعبه جدا وسط اهلنا وفي بلدنا ومش مرتاحين حاجه صعبه جدا