المصريين المغتربين بالكويت

[herohero]

[

هو أنتو مبتشتقوش لمصر ؟

مش عارف مع ان عائلتي معايا بس بردو بحس أني مشتاق للبلد قوي مش عارف هل لأني جديد بالكويت؟

الواحد مشتاق بالفعل لأمه وأهله وأصدقائه..

مشتاق يصلي في المسجد ويسلم على الناس وهو راجع..

والمشكلة أني خايف أني أكون وقعت في معادلة صعبة قوي نبه عليها زميل في أحد موضوعات المحاورات وهي "أننا نقيص أعمارنا بالمال وياله من ثمن بخيس"

حولو ياجماعة تشاركو في الموضوع ده لأنه بصراحة موضوع يخصنا كلنا ويخص أهم حاجة في حياتنا وهو راحة البال...

سيدي جميعنا نشتاق لكن ف حقيقة الامر فنحن نشتاق لمرحلة زمنية معينة وعمرية بالخص نشتاق لما كان فيها من ذكريات يعني مش حكاية مكان بس والدليل ان حضرتك ممكن قوي تكون ف مصر وتكون فعلا كنت مشتاق لكن لاتجد الظروف هي نفسها تجد اصدقاء الامس صحابك وشلتك تفرقت بهم السبل ساعتها هتحس ان ده معقولة مصر الي كنت مشتاق لها

اشتياقنا لمصر يرجه الى اشتياقنا لفترات معينة ولما تكون ف مصر هتشتاق للكويت وهكذا فان اشتياق الانسان يرجع الى فترات عمرية معينة يشتاق اليها يعني طفل اتربى ف بلد ما غير مصر اكيد يشتاق لها مواقف معينة حصلت لك مع شخص معين اكيد هتشتاق لها

ومع الوقت هيكون اشتياقك للمكان اللي فيه ذكريات اسعد يعني لو بقى لك ذكريات اسعد ف الكويت هتشتاق لها اما ما تقصده باشتياقك الى الاهل فده مالوش حل وده من ضمن فاتورة الاغتراب طبعا او من ضمن الحاجات الكتير اللي بيخسرها المغترب ليست هي فقط بل القائمة تمتد

ومش حكاية ان الفلوس بتعوضك للاسف خارج مصر بالاضافة الى انك ممكن تحقق وفرة مالية فانت بعيد عن سلوكيات الزحام وماتفرزه هذهالسلوكيات من تصرفات كثيرة تندرج تحت سلوكيات الزحام

لكن الاشتياق الى الاهل لااعلم كيف يمكننا كمصريين مداواته لان لاحظت ان الداء ده عندنا كمصريين فقط الشوام عادي خالص قلبهم جامد قوي عنننا

[HDarwish]

الغربة بتأسي

[الحاج فوزى]

الغربة بتأسي

صح الغربة بتأسى ..

بس اوعى تديها فرصة انها تأسيك ..

خلى ليك ورد إسبوعى وهو أنك تتصل بأهلك ..

العم والعمة ، الخال والخالة ..

الأخ والأخت والأم والاب ..

أقرب الأصدقاء ..

خليك قريب حتى لو المسافة بعدت .. ، هتفرق كتير ،، هتبقى غايب لكن فى قلوب الناس كلها ، والناس كلها فى قلبك ..

ساعد اللى تقدر عليه من الأهل المحتاجين .. ، خلى حضورك دائم فى كل المناسبات حتى ولو بالتليفون ..

فى العيد إتصال واحد وقت التجمع .. والسلام للجميع ، مكالمة 5 او 6 دقائق لكن تفرق كتير ، عندك وعندهم ..

كده تكون بتحاول تغلب الغربة ، بدل ما هى اللى تغلبك ..

[قلب ابيض]

مرموووور000غيرت الموضوع فى لمح البصر

بص ياسيدى مافيش حد ما بيشتاقش لاهله او لاحبابه او لجيرانه00

انا كتي كنت وحط خطوط تحت كنت دى

اشتاق لحيطان بيتنا00لقعده البلكونه المغربيه وكوبايه الشاى بالنعناع

اشتاق لهوا البحر الصبح بدرى بعد الفجر وصوت فيروز بيكمل اللوحه

اشتاق لصوت جيرانى وهما طالعين او نازلين

اشتاق لصوت بياع الجرايد والفول والعيش الصبح بالذات يوم الجمعه

حاجات كتيره بنشتاق لها وشويه شويه الاشتياق بيقل بس ما بينتهيش

حاجات بتحل محلها حاجات تانيه وزى ما قال هيرو انت بتشتاق للذكريات الحلوه اينكان مكانها

يعنى مثلا بتشتاق لزحمه المواصلات ؟او منظر الزباله فى الشوارع ؟او لاى من السلبيات اللى فى المجتمع المصرى "انا هنا مش بعيب فى بلدنا الغاليه اطلاقا انا بس بركز الضوء على المعنى اللى اقصده "

مع الوقت هاتصبح لك ذكريات واصحاب واماكن توحشك هنا برضه 00انا اصبحت غربتى فى مصر مش الكويت

والله والله والله بحب بلدى جدا وبمووت فى ترابها وغيوره جدا عليها بس زى ما قلت قبل كده فى اول مشاركات الباب بتاعنا ده 00بلدك فين ياجحا ؟؟؟انا بقول اللى فيها اسرتى و اكل عيشى وراحه بالى

ويا حسن باشا مش قساوه ولو قساوه يبقى مش احنا السبب فيها 000معايا؟

حاج فوزى 00الناس اللى هناك لو قعدنا معاهم على طول فين وفييييين لما هايرنوا علينا رنه

البعيد حبيب0000وابعد حبه تزيد محبه

اعتبروه رأى خاص جدا

[قلب ابيض]

سمبا

حلو اوى ترحيب وزاره الداخليه الممثله فى الشرطى ده

انا بكره بقى هاحكيلكم مواقف لذيذه كتير

تصبحوا على الف خير

[mromar]

كلمكم كله رائع ياجماعة

كلامك منطقي وعقلي جدا ياهيرو

وعلاجك مفيد ياحاج فوزي

بس اللي عاوز أقولكم عليه أن فيه حاجات مبيعوضكش عنها أي ثمن أقولكم زي ايه

زي لما تبدأ سفرك وسايب والدك وولدتك سنهم مناسب وصحتهم كويسة وترجع تلاقيهم بيعانو من المرض والشيخوخة

ونسأل الله العافية لو حد منهم ربنا قضى أجله وأنت مش جانبه هتحس أن الدنيا دي واللي أحنا بنجري وراه حقير أوي

مابالك بقى باللي مسافر وسايب زوجته وأولاده ده أقل حاجة تتقال عنه أن سنين بتضيع والمقابل لا يذكر

على العموم ياجماعة دي كانت زفرات مهموم بس حبيت أفضفض بيها معاكم

بس خدو بالكم من حاجة مهمة قوي،أن ربنا عزيز حكيم يعني واحد ملوش رزق في مصر وعليه ديون أكيد لما هييجي هنا ربنا هيصبرو عن كل الحاجت دي

ربنا يكرمنا جميعا ويلهمنا رشدنا ويقينا شرور أنفسنا

[pocy]

كلمكم كله رائع ياجماعة

كلامك منطقي وعقلي جدا ياهيرو

وعلاجك مفيد ياحاج فوزي

بس اللي عاوز أقولكم عليه أن فيه حاجات مبيعوضكش عنها أي ثمن أقولكم زي ايه

زي لما تبدأ سفرك وسايب والدك وولدتك سنهم مناسب وصحتهم كويسة وترجع تلاقيهم بيعانو من المرض والشيخوخة

ونسأل الله العافية لو حد منهم ربنا قضى أجله وأنت مش جانبه هتحس أن الدنيا دي واللي أحنا بنجري وراه حقير أوي

مابالك بقى باللي مسافر وسايب زوجته وأولاده ده أقل حاجة تتقال عنه أن سنين بتضيع والمقابل لا يذكر

على العموم ياجماعة دي كانت زفرات مهموم بس حبيت أفضفض بيها معاكم

بس خدو بالكم من حاجة مهمة قوي،أن ربنا عزيز حكيم يعني واحد ملوش رزق في مصر وعليه ديون أكيد لما هييجي هنا ربنا هيصبرو عن كل الحاجت دي

ربنا يكرمنا جميعا ويلهمنا رشدنا ويقينا شرور أنفسنا

أخي الفاضل / مستر عمر

لما أنت مهموم و يأس لا يأس مع الحياه ولا حياه مع اليأس

لقد كفوا ووفوا اخوانا الافاضل في ذكر الطرق اللى بتسهل المعيشه هنا

وانتممكن تنزل مصر كل فتره حتى يومين كل فتره وده لو تابعت طيران الجزيره ساعات بيكون السفر ب 8 دينار او 16 رايح جاى وتطمئن على الاهل والاقارب

كلامك يا اخى عن ان كل واحد تارك اهله فى صحه جيده وممكن يرجع يلاقي انهم كبروا ده يمكن يكون صحيح بس انت حاول تنزل كل سنه وحاول دايما تتابع معاهم على النت والتليفون وانت هترتاح بعض الشئ وتأكد اخى الفاضل أنهم طول ما شيفينك مرتاح هم هيرتاحوا اكتر والله الموفق

واحنا هنا كلنا اخوه وفضفض براحتك

قلب ابيض ام قلب ابيض اخبارك ايه وايه اخر الاخبار يالا انا منتظره مذكرات زوجه مفروسه

[ssmaly]

اقتباس

حاجات كتيره بنشتاق لها وشويه شويه الاشتياق بيقل بس ما بينتهيش

حاجات بتحل محلها حاجات تانيه وزى ما قال هيرو انت بتشتاق للذكريات الحلوه اينكان مكانها

يعنى مثلا بتشتاق لزحمه المواصلات ؟او منظر الزباله فى الشوارع ؟او لاى من السلبيات اللى فى المجتمع المصرى "انا هنا مش بعيب فى بلدنا الغاليه اطلاقا انا بس بركز الضوء على المعنى اللى اقصده "

مع الوقت هاتصبح لك ذكريات واصحاب واماكن توحشك هنا برضه 00انا اصبحت غربتى فى مصر مش الكويت

والله والله والله بحب بلدى جدا وبمووت فى ترابها وغيوره جدا عليها بس زى ما قلت قبل كده فى اول مشاركات الباب بتاعنا ده 00بلدك فين ياجحا ؟؟؟انا بقول اللى فيها اسرتى و اكل عيشى وراحه بالى

انا متفك معك فى هذا الرأى الذى ممكن الممكن ان نتهم بسببه فى وطنيتنا ولكن كل واحد جديدلازم ان يتذكر تلك الجملة وسوف يحس بها يوما ما

انا كنت فى اول سنه كنت اتمنى ان يحدث اى شىء يجعلنى انزل مصر ولا ارجع الكويت تانى لان مصر وحشانى بكل مافيها من اقارب واهل واصدقاء وحتى مبانى وزحمة وحتى مشاكلها

وكنت لاحتمل الكويت بكل مافيها حتى الاشياء الجملية كنت لا احبها

ونزلت اول اجازة وبعد الاحضان والقبلات والزيارات كام يوم ووجدت الناس كل واحد له حياته التى تشغله عنى لحد ما من اقارب واصدقاء وبأدت افتقد بعض الاصدقاء والاقارب بالكويت وبدات افتقد بعض المزايا فى الكويت وكذلك افتقد بيتى فى الكويت (لما لاقيت غرفتى تم احتلالها من قبل الجيل الثانى لاخوتى) مافيش عربية لى فى مصر مش مشكلة ارجع ياواد للاول من تاكسيات وميكروباسات(فينك ياسيارتى العزيزة)

تانى اجازة الفجوة قلت الزيارات قلت اصل العيال واخدة كل وقتى(الكلام ده من الاقارب والاصدقاء)

تالت اجازة الفجوة زااادت

وهكذا اصبحت الغربة فى الوطن ووطنك فى الغربة

الواحد بيرتاح فى بيته وهو بيسخدم اشياءوه الخاصة ومع اصدقاؤه ومع اقاربه كل موجود فى الكويت

مصر فيها اقارب وللاسف بيقلوا اجازة بعد اجازة(وده بحكم القدر) واصدقاء بيقلوا وذلك بحكم السفر (الكثير من اصدقائى خارج مصر واللى فى مصر الحياه و المشاكل اليوميه واخدة كل وقته )

طبعا وقت التحول يختلف من شخص لاخر ومن اختلاف الظروف المحيطة بنا

اذا كان عندك اقرباء فى الكويت مثل اخ او اخت يبقى التحول سوف يكون سريع واذا كان عندك صديق كنت تعرفه كويس من مصر برضه ده بساعد

اكيد النهارده بعد العمر الطويل فى الكويت زاد ارتبطاى بالكويت نفسها بكل مافيها من عيوب ومزايا وانا فى مصر بتوه وبسأل حد من الجيل التانى عن اى حاجة عايزها اجيبها منين او بكام (علشان ما يضحكش على خاصة بتاع التاكسى لما بيعرف انى عايش برة)

انا فى رأى ان الكويت بلد مهجر وليست مثل السعودية سنتين واقلب

علسان كدة انا بقوا للمتسجدين فى الكويت اعمل حسابك على هجرة وتأقلم على العيوب واعمل اصدقاء هنا

يعنى خطط لترتب امورك كبلد مهجر

انا بعرف ناس طلعت اتجوزت هنا وخلفت هنا والولاد دخلوا المدارس هنا فى الكويت

وبعد ما الولاد خلصوا المداراس دخلوا الجامعة فى مصر و رجعوا تانى الكويت واشتغلوا الاولاد هنا واتجوزا هنا والاب طلع معاش وقاعد هنا

من باب المواضيع الطريفة انا عايز احكى لكم قصة اول يوم لى فى الكويت

القصة طويلة شوية لو فاضيين احكيها

تم تعديل 4 نوفمبر 2009 بواسطة ssmaly

[Simba]

هذا الموضوع ليس شبيه موضوع المصريين بالكويت عايزين نتعرف علي بعض

لمن يود التواصل مع الأخوة في الكويت

المصريين في الكويت عايزين نتعرف علي بعض http://www.egyptiantalks.org/invb/?showtopic=75905

هذا الموضوع

هنا الكويت

خاص بأخبار الكويت التي تهم المقيمين فيها وللرد علي الاستفسارات بواسطة الأخوة والأخوات الأفاضل المقيمين هنا

تم تعديل 4 نوفمبر 2009 بواسطة سمبا

[Simba]

عطلة الأضحى من 26 إلى 30 الجاري

خالد الدوسري

كشفت مصادر مطلعة في ديوان الخدمة المدنية أن إجازة عيد الأضحى المبارك ستبدأ الخميس الموافق 26 من الشهر الجاري وهو يوم الوقوف بعرفة، ليكون الجمعة هو أول أيام العيد وتستمر الإجازة حتى الاثنين 30 من الشهر نفسه.

وقالت المصادر لـ'الجريدة' إن 'آخر أيام العيد سيكون يوم الاثنين، ومن المفترض أن يعود الموظفون والطلبة إلى أعمالهم اعتباراً من يوم الثلاثاء الموافق 1 ديسمبر المقبل، أما قرار اعتبار بقية أيام الأسبوع إجازة رسمية فهو يعود إلى تقدير مجلس الوزراء'

[Simba]

أعلن وكيل وزارة الصحة المساعد للشؤون الفنية والرعاية الصحية د.خالد السهلاوي أنه تم رفع مذكرتين لوكيل وزارة الصحة د.إبراهيم العبدالهادي لزيادة رواتب الأطباء الوافدين، مشيرا الى ان هذه الزيادات ستتراوح بين 250 و1000 دينار وبنسبة 30 الى 60%.

ولفت الى أنه قدم مقترحات الى الوكيل بتقديم مزايا أخرى للأطباء الوافدين من بينها إلحاق أبنائهم بالمدارس على حساب الوزارة وإعفاء أسرهم من رسوم التأمين الصحي للحيلولة دون هجرة هذه الفئة الى الخارج.

من جانب آخر، تتجه وزارة الصحة لإنشاء مكتب لإحصاء أعداد المصابين بڤيروس إنفلونزا الخنازير، وقالت مصادر صحية مطلعة ان الهدف من تأسيس هذا المكتب هو معرفة أعداد وأسباب انتشار الڤيروس في مكان دون الآخر، وكذلك حصر المناطق والمحافظات التي ترتفع فيها الإصابة بالڤيروس دون غيرها.

[قلب ابيض]

انا متفك معك فى هذا الرأى الذى ممكن الممكن ان نتهم بسببه فى وطنيتنا ولكن كل واحد جديدلازم ان يتذكر تلك الجملة وسوف يحس بها يوما ما

من دواعى سرورى يا دكتور 00ويشاركنا الراى الكثيرين ممن مروا بنفس التجربه والدليل موجود وبكثره فى كل مكان بالكويت

نا فى رأى ان الكويت بلد مهجر وليست مثل السعودية سنتين واقلب

علسان كدة انا بقوا للمتسجدين فى الكويت اعمل حسابك على هجرة وتأقلم على العيوب واعمل اصدقاء هنا

يعنى خطط لترتب امورك كبلد مهجر

اذكر كلمه قالها لى زوجى يوم قررنا العمل بالكويت 00" السنه دى بس عشان خاطرك 00بس سنه ومش هانجدد" وللان السنه لسه ماخلصتش الحمد لله

انا بعرف ناس طلعت اتجوزت هنا وخلفت هنا والولاد دخلوا المدارس هنا فى الكويت

وبعد ما الولاد خلصوا المداراس دخلوا الجامعة فى مصر و رجعوا تانى الكويت واشتغلوا الاولاد هنا واتجوزا هنا والاب طلع معاش وقاعد هنا

كتييييييييير

من باب المواضيع الطريفة انا عايز احكى لكم قصة اول يوم لى فى الكويت

القصة طويلة شوية لو فاضيين احكيها

ده المطلوب 00احكى حضرتك وكل واحد هايدخل وقت مايكون فاضى

كلنا آذان ضاغيه00اتفضل

[قلب ابيض]

الاستاذ تامر 00

لعل المانع خير

اين انت ؟ طمنا عليك

تم تعديل 5 نوفمبر 2009 بواسطة قلب ابيض

[قلب ابيض]

ينفع كده يعنى؟؟؟؟

توقعونا فى الغلط كده مع ابوعلى 00000

مش احنا اولى من ال000000قرب

:)

انا قلت اجيب لك التورتايه الصغننه دى :sad: ونحتفل سوا كلنا 00

ياله يا جماعه تعالوا واحد

:D

:lol:

وشويه تفاريح كده 00هوباااا

:lol: :)

ونسمع احلى عابى بيرث داى تو ااااابوووو على هابى بيرث دااااى تووووو يووووو :P

عقبال مليون سنه يا اتش وانت معانا فى الكويت :lol:

[قلب ابيض]

تحيه لك يا سمبا على فتح هذا الموضوع المفيد لاشك فيه بمشاركات المحاورين بالكويت

اتمنى من الله ان افيد واستفيد منه000واضيف ايضا ان كل من يرغب فى الاستفسار عن اى شىء خاصه القادمين الجدد للكويت ان يتفضل وسنسعى جميعا للمشاركه

وبمناسبه عطله العيد اذكركم بعروض الجزيره للعطلات ممتازه فقط لاهالى الاسكندريه والاقصر

" لصغر العطله "

[ssmaly]

تحية كبيرة لاخى سيمبا على فتح الموضوع الجميل والمفيد ده

انا بستعمل النت عن طريق zain e.goو ملاحظ الايام دى انه بيفصل كثيرا و اتصلت بالشركة كثيرا و لم يحدث اى تغير فهل هذه الشكوى من انا فقط ولا يعانى منها بعض الأعضاء وما الحل لذلك؟ وعلى فكرة اكتر من مرة اكتب رد على موضوع فى المحاوارات وبعد ماكتب واخلص كتابة اعمل اضافة رد الاقى النت مفصول وبييضيع الكلام اللى كتبته واعيد الكتابة ويتكرر الموضوع الاقى نفسى ابطل كتابة واكتفى بالفرجة

فيه حد من الاعاعضاء بياعنى من نفس المشكلة او عنده الحل؟

[mromar]

موضوع رائع يجماعة ويارب الكل يشارك فيه بكل ماهو مفيد

الآن ولمدة أسبوع فقط أدخل على موقع الجزيرة لحجز تذكرة في أي وقت من شهر 12 وحتى آخر شهر 5 بسعر 8 دينار فقط

يابلااااااااااااااااااااااااااش

[herohero]

اقتباس

انا فى رأى ان الكويت بلد مهجر وليست مثل السعودية سنتين واقلب

سيدي للاسف اي بلد مش بتديك جنسيتها او امكانية التملك دون قيود مش هتنفع تكون بلدك لا الكويت ولا السعودية بلد مهجر لان للاسف النظرة العنصرية موجوده انا اتربيت عمري كله ف الكويت وكنت بعيط وانا نازل سنة الغزو وحاسس انها بلدي لكن مع الوقت عرفت ان عمرها ماهينفع تكون بلدي مع ان ولائي للكويت او ع الاقل ليا فيها ذكريات اكتر من مصر ويمكن كلنا بنحب ذكريات الطفولة وخاصة ان الكويت لو انت طفل ومش مسئول عن شيئ بتشوفها حلوة قوي لافيه ضغوط شغل ولا انت دريان باي مشاكل

وانا بتكلم ع وقت زمان كانت الكويت فيه دانة الخليج مش عاوز اقولك ان الكتب بتاعت المدارس كانت بتروح للامارات من الكويت وان كان لنا قرايبنا بيجوا يشتروا لبس من الكويت لان ذوق الملابس ف ابوظبي وحش

فانا بتكلم ع كويت كانت راقية قوي بجد يمكن اكتر من دلوقت او ع الاقل مكنش فيه حد بينافسها لكن ف اي لحظة هتمشي عشان كده وجهة نظري لمن اصيب بمرض الاغتراب داخل الةطن وانا بقول انه مرض مزمن ومالوش علاج وانا بعاني منه جدا لازم يكون العلاج قاطع الاغتراب يكون ف مكان يسمح لك بحرية الاقامة الى الابد

لان والله العظيم انا بحس باغتراب في مصر اكتر من برة مصر لان اغتراب الحس والطباع صعب جدا

ولما كنت بقول ده الكل كان بيستغرب لكن اللي طلع بره مصر وجه بعد كده هيحس ودايما احسبها انت عيشت كم سنه بره وجوا كل ماعدد السنين يزيد بره كل ماتلاقي صعوبة ف رجوعك تاني

لان التغيير عندنا ف مصر سريع جدا وانا حزين انه تغيير للاسوأ الفساد بينتشر بسرعة فظيعة

[HDarwish]

ينفع كده يعنى؟؟؟؟

توقعونا فى الغلط كده مع ابوعلى 00000

مش احنا اولى من ال000000قرب

:)

انا قلت اجيب لك التورتايه الصغننه دى :sad: ونحتفل سوا كلنا 00

ياله يا جماعه تعالوا واحد

:)

:lol:

وشويه تفاريح كده 00هوباااا

:lol: :P

ونسمع احلى عابى بيرث داى تو ااااابوووو على هابى بيرث دااااى تووووو يووووو :D

عقبال مليون سنه يا اتش وانت معانا فى الكويت :lol:

يـــــــــــــاه .. أخيراً حد إفتكرني هنا؟!. ... لذيذة قوي التهنئة بعد ما فات العيد ميلاد بأربعة أيام ..

عموماً لن أنسى لكم هذا الموقف (عدا قلب أبيض) كثر خيرها هي الوحيدة اللي جبرت بخاطري حتى لو متأخرة شوية مش مشكلة .. كثر خيرك يا أم نور ..

ما حدش يعتب علي بعد كده إذا جيه عيد ميلاده وما قولتلوش كل سنة وانت طيب ..

(كل الكلام ده هزار في هزار .. أنا أساساً مش متعود أحتفل بعيد ميلادي والكلام ده)

عقبال مليون سنه يا اتش وانت معانا فى الكويت

ليه بس الدعوة الوحشة دي يا أم نور ؟!! .. يارب ما تُستجاب ..

[amoon]

السلام عليكم ورحمة الله وبركاتة موضوع جميل قعدت اقرى فية من حوالى اسبوع لانى باذن الله قادم للكويت فى الفترة القادمة جالى العقد الحمد لله ومنتظر عدم الممانعة فى غضون 10 ايام باذن الله سوف استلمها

انا اسمى احمد

مهندس شبكات

شغلى باذن الله فى منطقة شرق

يارب اكون مش ضيف يارب اكون صديق واخ ليكم جميعا

طبعا بشكر كل من خط منك خط فى هذا الموضوع الجميل لانى استفدت جدا جدا