المصريين المغتربين بالكويت

[pocy]

تم افتتاح سوق المحاميد اخيرا بالجهراء يوم الاتنين الماضي وكانت الاسعار حلوه جدا

[pocy]

لان اللي حوالينا مجتمعات مش متطورة مش هتفهم معنى الحرية الاعلامية ولا النقد للسلبيات

بالضبط كده والمهم اننا نبدأ من انفسنا ومن هم حولنا ويمكن تتغير رأى الناس عن المصري الفهلوى والنصاب ابو الكلام المعسول

[om marawan]

على فكرة انا عندى تجربة بس بالعكس

جيرانى هنا سوريين ومع انى كنت بالاقى كره من بعض المصريين للسوريين ومافهمتش ليه الا انى اتعرفت عليها

وبصراحة لقيتها انسانة رائعة ومحترمة و حبوبة لاقصى درجة وبجد هى من افضل الناس اللى قابلتهم فى حياتى

الانسان بتعامله هو اللى بيدى انطباع وصورة كويسة عن بلده بعيد عن التفاخر والقبلية اللى قال عنها رسول الله صلى الله عليه وسلم : دعوها فانها منتنة

وفى النهاية كلنا فعلا اخوات واهل والتعامل يكون مع الاشخاص مش مع الجنسيات خاصة لو كانت بانطباعات مسبقة

مساءكم ود وسعادة :unsure:

[Simba]

على فكرة انا عندى تجربة بس بالعكس

جيرانى هنا سوريين ومع انى كنت بالاقى كره من بعض المصريين للسوريين ومافهمتش ليه الا انى اتعرفت عليها

وبصراحة لقيتها انسانة رائعة ومحترمة و حبوبة لاقصى درجة وبجد هى من افضل الناس اللى قابلتهم فى حياتى

الانسان بتعامله هو اللى بيدى انطباع وصورة كويسة عن بلده بعيد عن التفاخر والقبلية اللى قال عنها رسول الله صلى الله عليه وسلم : دعوها فانها منتنة

وفى النهاية كلنا فعلا اخوات واهل والتعامل يكون مع الاشخاص مش مع الجنسيات خاصة لو كانت بانطباعات مسبقة

مساءكم ود وسعادة

فعلا فيه كره بين المصريين والسوريين انا اخدت موقف منهم اول ما جيت لما لقيت واحد سوري بيشكي لواحد تونسي ان له معاملة في المنطقة واللي عطل المعاملة المصري كذا وكذا

بس من اسبوعين جالنا الجناح ولد سوري مساعدة لنا وانا حبيته جدا من كلامه وثقافته وبنتكلم مع بعض كتير وبجد زعلان انه هيمشي من الحناح الاسبوع الجاي

[ssmaly]

من احسن الاماكن الموجدة بالكويت المركز العلمى

حول المركز العلمى من كورنيش والنخل مع اضاءة بالليل اكتر من روعة

يعنى تاخد زوجتك مع العيال وكمان عجلة للعيال تبقة فسحة رومانسية الماء والخضرة والاضاءة الشاعرية مع الوجه الحسن وياسلام مع وجود قمر تبقى كملت

والجو يكون احلى جو فى الكويت هواء عليل (وخاصة اليومين دول)

كل واحدة بتحب الجو ده تجرب زيارة المركز العلمى تتمشى هى واسرتها (برضه رياضة) احسن مليون مرة من المولات خاصة الجو اليومين دول تحفة(وترحم زوجها شوية من المشتروات)

وهناك بارك للسيارات فى المدخل الرئسى للمركز وهناك بارك مجانى فى طرف المركز من ناحية رأس السالمية

انا بستمتع بالمشى حول المركز العلمى من اوله الى مرسى المراكب اكتر من المركز العلمى نفسه

اما المركز العلمى فبه

1-سينما أى ماكس ثرى دى ضخمة بها افلام متعددة وحفلات كثيرة وكل حفلة تقريبا بفيلم مختلف

2-الاكواريوم وده ممتع من رؤية حيوانات صحرواية الى احلى حاجة الاسماك الكبيرة مثل سمك القرش فى حوض كبير بارتفاع دورين تلف حوله وترى الاسماك الجميلة

3-قاعة الاكتشافات اذا كان عندك اولاد فى سن اعدادى سوف يستمتعون بها كثيرا

وممكن ان اكون نسيت اشياء اخرى ممكن تجدوها فى موقعه على النت

وده موقع المركز العلمى

http://www.tsck.org.kw/ar/index.asp

وياريت اللى جرب المركز العلمى يقولى رأيه

تم تعديل 11 نوفمبر 2009 بواسطة ssmaly

[Simba]

انا من زمان والله عايز اروح المركز العلمي بس مكسل

هو مكانه فين بالظبط اصل لما بركب تاكسي مع سواق هندي بيدبحني علي ما اوصل للمكان اللي انا عايزه

[Simba]

دعت وزارة الصحة الفئات الأكثر عرضة للإصابة بفيروس «إتش 1 أن 1» إلى ضرورة اخذ اللقاح، مجددة تأكديها على مأمونية اللقاح. مؤكدة أن «نتائج حملات التطعيم الأولية التي أجريت في العالم أكدت عدم ظهور أعراض جانبية تذكر ومماثلة لطعومات الإنفلونزا الموسمية.

وقال الناطق الرسمي في وزارة الصحة الدكتور قيس الدويري إن «وزير الصحة وقيادات الوزارة وأعضاء مجلس الوزراء كانوا من أوائل الأشخاص اللذين تلقوا الطعم لطمأنة المجتمع»، نافياً ما يتم تداوله من أخبار مغلوطة تهدف إلى التشكيك في سلامة الطعم.

وذكر الدويري أن اولوية التطعيم للأطفال الصغار دون الخامسة والمصابين بأمراض مزمنة، لاسيما المتصلة بالجهاز التنفسي وأمراض القلب والأمراض العصبية والأعصاب إضافة إلى الذين يعانون نقص المناعة والحوامل وذوي السمنة الزائدة ومرضى الكبد والكلى.

وأكد أن وزارة الصحة تتبع توصيات منظمة الصحة العالمية والهيئات الطبية العالمية في الولايات المتحدة وأوروبا بخصوص اللقاح ولا تعتمد في استقاء المعلومات من مصادر غير رسمية وغير متخصصة في التطعيم.

كما شدد الدويري أن الطعم آمن واختياري لكنه ضروري في نفس الوقت ومطابق للمواصفات الطبية العالمية ومتوفر في مراكز الصحة الوقائية في المستوصفات والمستشفيات العامة والهدف منه هو حماية المجتمع من الآثار المترتبة من خطر الوباء على الفئات السابق ذكرها.

وأكد أن وزارة الصحة لا تقبل دخول أي دواء أو تطعيم ما لم يكن فعال ومطابق للمواصفات الدوائية العالمية والدساتير الدوائية في العالم.

[Simba]

أعلن ديوان الخدمة المدنية أن جميع الوزارات والجهات الحكومية والهيئات والمؤسسات العامة سوف تعطل أعمالها اعتباراً من يوم وقفة عرفات وحتى ثالت أيام عيد الأضحى المبارك باعتبارها أيام عطلة رسمية.

وأضاف تعميم صادر عن الديوان أنه «إذا صادفت العطلة المشار إليها يوم الجمعة فإنه يعوض عنه في اليوم اللاحق لانتهاء العطلة مباشرة».

[HDarwish]

بستمتع بالمشى حول المركز العلمى من اوله الى مرسى المراكب

بس ؟؟!! .. يا راجل طب كمل حتى لحد مطعم الهارد روك وارجعهم تاني لحد الباركنج اللي ركنت فيه في الأول ..

إوعى تقول كمان إنك ما كملتش ال 1400 متر ..؟؟!!

[HDarwish]

هو مكانه فين بالظبط اصل لما بركب تاكسي مع سواق هندي بيدبحني علي ما اوصل للمكان اللي انا عايزه

شوف يا عزيزي .. تاخد الخامس للآخر تلاقي دوار البدع تلف الدوار طبعا وتطلع شمال اتجاه البلاجات .. تاني إشارة تاخدها يمين حتلاقي دوار .. كمل سيدا حتلاقي الباركنج (المجاني) .. إركن السيارة وخد بالك لإن في مدخل البارك فيه حفرة صعبة قوي على السيارة علشان كده خد المدخل على الواسع شوية .. حتلاقي بوابة من سلك شائك أول ما تعديها حتلاقي في الأرض مقياس متري لحساب كام متر مشيتهم .. فيه قعده دائرية جميلة جداً .. وبعد كده أشجار نخيل و نجيل وقعدات جانبية حلوة تحتها إضاءة رومانسية زي ما قال ssmaly بس خد بالك لإن ساعات (ساعات) بيكون تحتهم نمل .. بعد كده في ممشيين لداخل الخليج حوالي خمسين متر أو 75 ودول بئا لو معاك صنانير وبتحب تصطاد أحسن مكان تصطاد منه .. بعدهم بشوية حتلاقي المركز العلمي والكافيهات اللي قدامه تدخل حتلاقي كل اللي الحاجات اللي وضحها ss.m.aly .. رحلة سعيدة

[pocy]

لا زعلت لما ملقتش الموضوع فى الصفحه الاولى انتم رحتوا فين ؟؟؟؟؟؟؟؟؟؟

انا بقي عايزه اخد رأيكم فى حاجه كده ومش عارفه اعملها ولا لا ؟؟؟؟؟؟؟؟؟؟

هنا انت م عارفين ان ملابس الاطفال بالنسبه لمصر تعتبر رخيصه وطبعا مش كل اللبس المهم يعنى فى ناس انا عايزه اساعدهم وفى نفس الوقت اساعد نفسي هتقولولى ازاى ايه رأيكم انى مثلا كبدايه انى اشتري لبس اطفال فى حدود 50 دينار مثلا وانزلهم مصر معاى للناس دول يحاولوا يبعوهم للناس اللى يعرفوهم والربح بالنص ايه رأيكم وانا هجرب في ال50 دينار دول نفعوا كان بيها مش نفعوا اهو مش خسرنا كتير وبصراحه الفكره دى جاتنى لما شوفت اسعار المحاميد لانها رخيصه جدا بالنسبه لباقي الالاماكن الى كنت بروحوها وربنا يسهل

انا بقي عايزه تشاركونى برأيكم ؟؟؟؟؟؟؟؟؟؟؟؟؟؟؟ هل هى فكر ام فكره غبيه ؟؟؟؟؟؟؟؟؟

ملحوظه انا اول مره اروح المحاميد انا اسمع انه رخيص بس اول مره اروحه فعلا واشوف الاسعار دى

[HDarwish]

[pocy]

إلا الشكل ده معناه ايه ؟؟؟؟؟؟؟؟؟؟؟؟؟؟؟؟؟؟؟؟؟

[Simba]

لا زعلت لما ملقتش الموضوع فى الصفحه الاولى انتم رحتوا فين ؟؟؟؟؟؟؟؟؟؟

انا بقي عايزه اخد رأيكم فى حاجه كده ومش عارفه اعملها ولا لا ؟؟؟؟؟؟؟؟؟؟

هنا انت م عارفين ان ملابس الاطفال بالنسبه لمصر تعتبر رخيصه وطبعا مش كل اللبس المهم يعنى فى ناس انا عايزه اساعدهم وفى نفس الوقت اساعد نفسي هتقولولى ازاى ايه رأيكم انى مثلا كبدايه انى اشتري لبس اطفال فى حدود 50 دينار مثلا وانزلهم مصر معاى للناس دول يحاولوا يبعوهم للناس اللى يعرفوهم والربح بالنص ايه رأيكم وانا هجرب في ال50 دينار دول نفعوا كان بيها مش نفعوا اهو مش خسرنا كتير وبصراحه الفكره دى جاتنى لما شوفت اسعار المحاميد لانها رخيصه جدا بالنسبه لباقي الالاماكن الى كنت بروحوها وربنا يسهل

انا بقي عايزه تشاركونى برأيكم ؟؟؟؟؟؟؟؟؟؟؟؟؟؟؟ هل هى فكر ام فكره غبيه ؟؟؟؟؟؟؟؟؟

ملحوظه انا اول مره اروح المحاميد انا اسمع انه رخيص بس اول مره اروحه فعلا واشوف الاسعار دى

ولا يهمك بوجودك دايما يكون الموضوع في اول صفحة ان شاء الله :happy:

حضرتك واضح انك اول مرة تدخلي المحاميد تقريبا واسعاره كانت مفاجأة ليكي

انا هاقولك كلمة حماتي قالتها لي من 12 سنة لما بدأت اشتري الحاجات للجواز قالت لي ( الفقير بيشتري الغالي wst:: ) طيب ليه يا حماتي .. قالت علشان بيعيش معاه ...

الملابس اللي في المحاميد انسيها غسلة والتانية وشكرا .. صحيح شكلها حلو ومزهزه اوي ويلفت النظر لكنه لبس لمرة واحدة او مرتين وهنروح بعيد ليه جربي الاول للغالي عمورة كده كام طقم واحكمي بنفسك ابعدي عن المنتجات الصينية خالص وخليكي في الامان

بالمناسبة ... فيه فساتين سهرة وافراح للبنات هناك تايلاندي هي تحفة بجد وسعرها من دينار ونص لاتنين دينار انا بحبها جدااااا

[ssmaly]

بستمتع بالمشى حول المركز العلمى من اوله الى مرسى المراكب

بس ؟؟!! .. يا راجل طب كمل حتى لحد مطعم الهارد روك وارجعهم تاني لحد الباركنج اللي ركنت فيه في الأول ..

إوعى تقول كمان إنك ما كملتش ال 1400 متر ..؟؟!!

الحمد لله انى بقدر على كدة :old:

1400 متر ده كان زمان

ليت الشباب يعود يوما وانا امسك فيه وماسيبهوش تانى

[om marawan]

انا عمرى برضه مارحت المحاميد بس لو على الجودة جربى تروحى ستر بوينت بس لما يكون فيه تخفيضات جامدة يعنى 50 فى المية مثلا

بيبقا مثلا سالوبيت الاطفال لحد سنة ب 2 دينار بس رااااائع عاوزة اقولك اقل سالوبيت النهارده فى مصر نص كم واى كلام بخمسين جنيه ونوعية أقل طبعا غسلة وشكرا

هو هيبقا فيه مكسب بس مش كبير يعنى انتى وشطارتك فى اختيار أشكال مميزة مثلا وجديدة وعاوزة تقلبى كتير طبعا فى المحلات

والاحلى كمان mother care طبعا ماركة معروفة وغالية فى مصر جدا وهنا كمان بس ساعات ينزل اوكازيون معين تلاقى قطع كده بدينار ونص و 2دينار !!

لما ينزل الاوكازيونات دى هابلغك وبرضه هابقا أروح المحاميد ولو انى بتهيألى انه زى الجوهرة شوية اللى فى السالمية عندنا

تم تعديل 12 نوفمبر 2009 بواسطة om marawan

[ssmaly]

انا من زمان والله عايز اروح المركز العلمي بس مكسل wst::

هو مكانه فين بالظبط اصل لما بركب تاكسي مع سواق هندي بيدبحني علي ما اوصل للمكان اللي انا عايزه :happy:

[]color="#FF00FF"]الاستاذ حسن وصف المكان وكفى ووفى

اذا سألت عن رأس السالمية هو حيكون هناك فى الراس

شوف فيه كمان مجمع افينيوز

المجمع ده ممتاز لرياضة المشى والتخسيس

اضرب الترنج المحترم وروح بس امشى بداخله من أوله الى أخره رايح جاى تخس كيلو ونص

وده الموقع بتاعهhttp://www.the-avenues.com/arabic/home.html

اذا حبيت تتفرج بدون ان تفقد كيلوا ونص

تم تعديل 13 نوفمبر 2009 بواسطة ssmaly

[amoon]

شباب بعد اذنكم الحرارة عملا اية فى الكويت حاليا باذن الله هكون على يوم الخميس المقبل فى الكويت باذن الله انا هكون محتاج معايا ملابس ثقيلة اجبها معايا ولا الجو عادى صيف حاليا

[Simba]

شباب بعد اذنكم الحرارة عملا اية فى الكويت حاليا باذن الله هكون على يوم الخميس المقبل فى الكويت باذن الله انا هكون محتاج معايا ملابس ثقيلة اجبها معايا ولا الجو عادى صيف حاليا

جيب معاك طبعا ملابس شتوي علي الاقل تكفيك الشتا ده مش معقول اول ما هتيجي هتروح تشتري ملابس الشتا هنا صعب

[قلب ابيض]

حتلاقي الباركنج (المجاني) .. إركن السيارة

فيييين المجانى ده؟؟ انا دخلت اتمشيت واتغديت مع ولادى وخرجت دفعت باركنج 500 فلس

الباركنج بتاع زمان اللى فى الاول بقى كله اعمده حديد تمنع ان حد يركن

وضح لى يا ابو على الله يخليك

شباب بعد اذنكم الحرارة عملا اية فى الكويت حاليا باذن الله هكون على يوم الخميس المقبل فى الكويت باذن الله انا هكون محتاج معايا ملابس ثقيلة اجبها معايا ولا الجو عادى صيف حاليا

هات معاك فيتاسيد فوار 00اى اقراص للحساسيه تحسبا بعد الشر عنك اول ماتيجى فرق الجو 00ولسه مش هاتكون عملت البطاقه المدنيه للمستوصف 00

الجو حلو اوى حاليا صيفى صباحا بارد الى حدما ليلا 00

تيجى بالسلامه :rolleyes: