المصريين المغتربين بالكويت

[mromar]

السلام عليكم

كنت عاوز أقولكم بس كل عام وأنتم بألف خير وتقبل الله منا ومنكم وأن شاء الله نكون في الحج العام القادم

وعاوزين المشاركات والردود علشان الموضوع ديما يكون في المقدمة أنا عارف أن الكل مشغول اليومين دول ربنا يكرمنا جميعا

[قلب ابيض]

هابى خروووووف

هابى عيد

تقبل الله طاعتكم جميعا 00ولاتنسونى بالدعاء قبل افطار يوم عرفه

تقبل الله منا ومنكم صالح الاعمال ورزقنى ورزقكم الحج باذن الله

عيـــــــــــــــــــــــــــــــــــــــــــــــد سعيــــــــــــــــــــــــــــــــــــــــــــــد

[om marawan]

كل سنة وكل محاوراتية الكويت وكل المسلمين بالف خير :rolleyes:

يارب يجمعنا على عرفة ويتقبل منا جميعا صيامه ودعاؤه

أحداث الماتش والمعركة اللى فاتت شغلتنا شوية

بس نكمل بقا كلام فيها بعد العيد عشان العيد أهم

اشمعنى يعنى مجلس الشعب :blush2:

[تامر مصطفى]

كل عام وانتم بالف خير وصحة وسلامة

وهابي نيو خروف مسز وايت هارت

[ssmaly]

كل سنة وكل المصريين والجزائريين وكل العرب بخير وبدون ازمات اقتصادية ولا كروية wst::

اللهم امييييييييييييييييين

[Simba]

كل سنة ومحاوراتية الكويت طبيبن ومعيدين ومصر اليوم في عيد

[الحاج فوزى]

عيد أضحى سعيد على الجميع ..

لكم ولكل أحبابكم وأصدقائكم ..

ويا رب دائما كل ايامكم أعياد

[saramath]

كل سنه وانتم طيبين

عاوزه استفسر عن ان كان سعر سياره شيفورلية 2007 أفيو وعدادها 65 الف كتير عليها 2200 دينار ولا لأ وهي من بيت التمويل؟؟

[Simba]

كل سنه وانتم طيبين

عاوزه استفسر عن ان كان سعر سياره شيفورلية 2007 أفيو وعدادها 65 الف كتير عليها 2200 دينار ولا لأ وهي من بيت التمويل؟؟

مش بتسمعي الكلام يا سارة مش كل الناس قالت لك تويوتا احسن لك رغم ان خبرتي محدودة جدا في السيارات لكن مش بحب الشيفروليه بيقولوا مشاكلها كتير والله اعلم

[Simba]

سارة جبت لك الكلام ده من جروب علي الفيس بوك لمالكي سيارة افيو

والله يا جماعة انا مش شايف عيوب كتير قوي كده العربية معايا من 2007 ومش بشتكي غير من العفشة لأني غيرتها مرتين بس واخر مره جبت الاصلي بالنسبة للتكييف غيرت فلتر التكييف بقت تلاجة والعمة بشتريها من التوفيقية في رمسيس ب 10 جنيه من اللي بيقفوا في الشارع وبرضه اتسرقت بس في داهية بقي لكن هي واسعة وشيلاني انا والعائلة

سبحان من نجاني النهارده من حادثه بالعربيه الارف دي يا جماعه محدش يجري بيها وخلوا بالكوا من الفرامل بجد العربيه خفيفه ومش ثابته

عربية كلها عيوب و ندمان انى اشترتها و حافضل ندمان خمس سنين (مدة القسط) و ربنا يفكها ضيقة

ياجماعا الافيو دى واللة واللة عربية حلوة جدا بس عايزة معاملة رقيقة وفى نفس الوقت المعاملة الجامدة بس من الاخر عربية محترمة تشيل وتحط على ناس كتير

[saramath]

وانا اعمل ايه ما وصيت ناس يجيبوا لى عربيه تيوتا

ال يجيب عربيه ماشيه تتهز فى الشارع اقوله دي بايظه يقولى يا ابـــــــــــــــــــــــــله شويه تظبيطات وتبقى تمام

وال يجيب عربيه تحس انها طالعه من قبر ويقولى الفين دينار اقوله دي قديمه يقولى وش دهان وهتبقى عروسه

فروحت بيت التمويل دا وشوفت العربيه شكلها حلو ويجي منها قلت اعمل لها كشف صيانه وهستلمها بعد العيد ان شالله

اى حاجه بقا اهو حاجه تمشى وتوديني المدرسه والسلام بدل التاكسيات واوفر :rolleyes:

[Simba]

فروحت بيت التمويل دا وشوفت العربيه شكلها حلو ويجي منها قلت اعمل لها كشف صيانه وهستلمها بعد العيد ان شالله

اولا الف مبروك :rolleyes:

ثانيا

مصادر سرية أكدت انك هتدبحي خروف بمناسبة السيارة الناس اللي هنا معزومة ولا ايه :D :sad: :wub:

[mromar]

مبارك عليكي الأفيو ياسارة وربنا يباركلك فيها ، سيارة جميلة وأنا كل لما بشوفها برتحلها بصراحة وبالنسبة للتيوتا أحنا كدة للأسف بنمسك في أي حاجة ومبنسبهاش زي تليفون نوكيا بردو أنت بتجيبي سيارة تركبيها مش تفركي هتبعيها أزاي وأن شاء الله ربنا يوسع علينا ونشتري الأحسن منها ومنبقاش حتى محتاجين نبص لثمن السيارة القديمة، على العموم خلينا في الخروف اللي هيتدبح ده بمناسبة السيارة وقوليلنا حتى على المسجد اللي هتودي فيه وأحنا هنروح ونقوم بالواجب...

[قلب ابيض]

فروحت بيت التمويل دا وشوفت العربيه شكلها حلو ويجي منها قلت اعمل لها كشف صيانه وهستلمها بعد العيد ان شالله

اولا الف مبروك :lol: :wub:

ثانيا

مصادر سرية أكدت انك هتدبحي خروف بمناسبة السيارة الناس اللي هنا معزومة ولا ايه :)

مبروك ان شاء

الله يديكى خيرها ويكفيكى شرها --اللى اعرفه انك تطلعى الرخصه فيها صدر كنافه

تشترى سياره كسر عضم

واضح ؟؟؟ ولا انزل بالترجمه ؟؟؟؟؟

[ssmaly]

الف مبروك على العربية

مافيش عربية وحشة فيه واحد بيسوقها وحش

يعنى تعاملى معها برفق

ودلعيها على قد ماتقدرى

وربنا يعطيك خيرها ويكفيك شرها

تم تعديل 28 نوفمبر 2009 بواسطة ssmaly

[pocy]

كل سنه وكل الامه الاسلاميه بخير يارب

[saramath]

فروحت بيت التمويل دا وشوفت العربيه شكلها حلو ويجي منها قلت اعمل لها كشف صيانه وهستلمها بعد العيد ان شالله

اولا الف مبروك :happy: :sofa:

ثانيا

مصادر سرية أكدت انك هتدبحي خروف بمناسبة السيارة الناس اللي هنا معزومة ولا ايه lo:: :lol: :lol:

هه ياريت والله كان ينفع ادبح فى العيد بس منفعش لاني فى سكن مدرسات وصعب اجيب خروف اربيه بس ان شالله تتعوض يوم ما اجيب الطياره بإذن الله واكيد الكل هياخد لفه وهياخد حته من الخروف كمان

[saramath]

مبارك عليكي الأفيو ياسارة وربنا يباركلك فيها ، سيارة جميلة وأنا كل لما بشوفها برتحلها بصراحة وبالنسبة للتيوتا أحنا كدة للأسف بنمسك في أي حاجة ومبنسبهاش زي تليفون نوكيا بردو أنت بتجيبي سيارة تركبيها مش تفركي هتبعيها أزاي وأن شاء الله ربنا يوسع علينا ونشتري الأحسن منها ومنبقاش حتى محتاجين نبص لثمن السيارة القديمة، على العموم خلينا في الخروف اللي هيتدبح ده بمناسبة السيارة وقوليلنا حتى على المسجد اللي هتودي فيه وأحنا هنروح ونقوم بالواجب... :happy:

الله يبارك فيك

[saramath]

الف مبروك على العربية

مافيش عربية وحشة فيه واحد بيسوقها وحش

يعنى تعاملى معها برفق

ودلعيها على قد ماتقدرى

وربنا يعطيك خيرها ويكفيك شرها

الله يبارك لك

والله انا كنت ناويه احط صوره ميكي ماوس عليها وادلعها فعلا بس قالوا ممنوع

دعوااتك بقا اني انجح فى اختبار الرخصه والحمد لله اتصرفت فى واسطه

[saramath]

فروحت بيت التمويل دا وشوفت العربيه شكلها حلو ويجي منها قلت اعمل لها كشف صيانه وهستلمها بعد العيد ان شالله

اولا الف مبروك :lol: :lol:

ثانيا

مصادر سرية أكدت انك هتدبحي خروف بمناسبة السيارة الناس اللي هنا معزومة ولا ايه :D lo:: :FN:

مبروك ان شاء

الله يديكى خيرها ويكفيكى شرها --اللى اعرفه انك تطلعى الرخصه فيها صدر كنافه

تشترى سياره كسر عضم

واضح ؟؟؟ ولا انزل بالترجمه ؟؟؟؟؟ :happy:

ههه ايه صدر كنافه وكسر عضم دي

انزل بالترجمه :sofa: