المصريين المغتربين بالكويت

[elhag]

السلام عليكم ورخمه الله وبركاته

لكل الاخوه المحترمين والمقيمين واصحاب الخبره بوجه استفساري واحب ااخد ارائهم

لو الواحد حب انه يشتري تاشيره للكويت ويجي يدور علي شغل

علما بانه عنده خبره ست سنوات ف مجال الكمبيوتر والشبكات واخر عمل له كان بالمملكه العربيه السعوديه قضي هناك سنتان ونصف

فياريت اهل الخبره يقولولنا رايهم ويدلونا من كل الجوانب والنواحي

من حيث تكلفه الفيزا وهيجي ازاي ويسكن فين وهل هيلاقي سكن بسهوله وهيلاقي شغل ولا ؟؟ والمعيشه والكلام ده كله

ارجو الا اكون قد اثقلت عليكم

[قلب ابيض]

لايفتى ومالك فى المدينه

تحياااااتى

[ssmaly]

لايفتى ومالك فى المدينه

تحياااااتى

ربنا يكرمك ياأم نور

تحياتى

تم تعديل 10 ديسمبر 2009 بواسطة ssmaly

[mromar]

السلام عليكم ورخمه الله وبركاته

لكل الاخوه المحترمين والمقيمين واصحاب الخبره بوجه استفساري واحب ااخد ارائهم

لو الواحد حب انه يشتري تاشيره للكويت ويجي يدور علي شغل

علما بانه عنده خبره ست سنوات ف مجال الكمبيوتر والشبكات واخر عمل له كان بالمملكه العربيه السعوديه قضي هناك سنتان ونصف

فياريت اهل الخبره يقولولنا رايهم ويدلونا من كل الجوانب والنواحي

من حيث تكلفه الفيزا وهيجي ازاي ويسكن فين وهل هيلاقي سكن بسهوله وهيلاقي شغل ولا ؟؟ والمعيشه والكلام ده كله

ارجو الا اكون قد اثقلت عليكم

الأخ الحبيب السلام عليكم

أنا هقولك بصراحة على الوضع اللي أمامي وعلى كل الجوانب وأنت تقارن براحتك

في الكويت ومن بعد ظهور الشركات الوهمية التي تستقدم العمالة من الخارج بعد أخذ العمولة طبعا. بدأ حال البلد يقل شوية والناس اللي من غير شغل زادوا في الكويت لدرجة أن بعض الكويته أتسرحوا من أعملهم ولكن مجلس الأمة عملهم بدل بطالة، يعني المعروض من الأيد العاملة زاد شوية فبالتالي قل الطلب وقلت الرواتب، وأنا عن نفسي ليا صديق خبرة رائعة في الكمبيوتر والشبكات حوالي عشر سنين وكان في السعودية كمان وخريج حاسبات ومعلومات وشغال دلوقتي شغلانة أي كلام بأجر أي كلام وطبعا راضي حتى تأتي فرصة مناسبة وبقالو حوالي سنة على هذا الأمل، وعاوز أقولك كمان أن السكن غالي شويتين في الكويت والدولة نفسها ساكتة على الموضوع ده لأنه في فايدة لأصحاب البلد كأنها ضريبة بيخدوها من الوافد..

بس أجبلك الخلاصة... أنت تستخير الأول وتقعد مع نفسك وتفكر وتبدأ تاخد خطواتك ولو لاقيت موضوع السفر للكويت ماشي أجراءاته متيسرة سيبك من أي حاجة تانية لعل ليك رزق هنا كويس ولو لاقيت الأمور مش متسهلة وأنت مخنوء من الموضوع يبقى سيبك من السفر هو الموضوع كله أرزاق وتوفيق والله المستعان أرجو أني أكون رديت الرد المناسب وربنا يوفقك..

[ssmaly]

السلام عليكم ورخمه الله وبركاته

لكل الاخوه المحترمين والمقيمين واصحاب الخبره بوجه استفساري واحب ااخد ارائهم

لو الواحد حب انه يشتري تاشيره للكويت ويجي يدور علي شغل

علما بانه عنده خبره ست سنوات ف مجال الكمبيوتر والشبكات واخر عمل له كان بالمملكه العربيه السعوديه قضي هناك سنتان ونصف

فياريت اهل الخبره يقولولنا رايهم ويدلونا من كل الجوانب والنواحي

من حيث تكلفه الفيزا وهيجي ازاي ويسكن فين وهل هيلاقي سكن بسهوله وهيلاقي شغل ولا ؟؟ والمعيشه والكلام ده كله

ارجو الا اكون قد اثقلت عليكم

اخى العزيز

انا مع كلام الاخ عمر

واحب ازيد ان حرام انك تدفع تمن الفيزا اللى بتعادل اكتر من 20الف جنيه مصرى علشان تيجى تدور على عمل و الفرص ليست كثيرة وتضطر انك تعمل براتب ضعيف علشان مقعدش من غير عمل وعندما تبدا العمل تكون عليك ديون تقعد تسدد فيها اكتر من سنة عمل

[ebnalqym]

مكنتش متوقع فعلا ردكم

جزاكم الله كل الخير وبارك الله فيكم

شيء جميل شعور الأخوة اللى لمسته في مشاركاتكم

الشغل المطلوب صيدلانية وليست مندوبة دعاية وذلك لأن زوجتي منتقبة ورحنا قبل كدا لشركة ورفضوا ... قالوا اول مرة نشوف منتقبة جاية لوظيفة مندوبة دعاية.

المهم... بندور على صيدلية ناخد من خلالها الترخيص... احنا عارفين كل الشروط... 3 سنين والتوثيقات بس المشكلة فين الصيدلية اللى توافق تتطلع لها ترخيص مزاولة مهنة؟؟؟؟

دا كل الموضوع

[ssmaly]

اخى العزيز

ليه مافكرتش فى وزارة الصحة؟

[Simba]

اعلنت وزارة الداخلية اليوم انها ستقوم باغلاق بعض الطرق اعتبارا من يوم الاثنين المقبل ما بين الحادية عشرة والنصف ظهرا وحتى الواحدة والنصف استعدادا للقمة الخليجية ال30 في البلاد.

وقالت الوزارة في بيان صحافي انه سيتم اغلاق طريق الملك فيصل من المطار حتى تقاطعه مع الدائرى الخامس واغلاق طريق الملك فيصل الرئيسي القادم من مدينة الكويت بعد منطقة اليرموك باتجاه المطار وتحويله الى الدائري الخامس كطريق بديل بالاتجاهين الجهراء والسالمية واغلاق طريق الملك فهد الرئيسي القادم من المدينة والتحويل للدائري الخامس باتجاه الجهراء واتجاه السالمية. واضافت انه سيتم اغلاق طريق الملك فهد للقادم من الفحيحيل وتحويله الى الدائري السادس للجهتين اليسار الى الجهراء واليمين الى السالمية واغلاق فرعي الدائري الخامس مع طريق الملك فهد القادم من السالمية باتجاه الاحمدي فقط والسير مسموح باتجاه المدينة و سيتم اغلاق طريق الملك خالد بن عبدالعزيز بالكامل ابتداء من جسر نادي خيطان حتى جسر مشرف مع الملك فهد اغلاقا كاملا بجميع التقاطعات واغلاق طريق صبحان من السابع مع صبحان حتى صبحان مع المطار بالكامل بالاتجاهين.

واوضحت انه للراغبين بالسفر والتوجه الى مطار الدولي عليهم سلك الطريقين الاول طريق المطار باتجاه الدائري السادس يمينا حتى محطة الشحن والطريق الثاني طريق الغزالي حتى تقاطع محطة الشحن او البضائع الى المطار الدولي مبينه ان على الراغبين بالسفر عن طريق مطار الشيخ سعد العبدالله الاتجاه الى طريق جسر صبحان القرين عن طريق الملك فهد طريق (208) طريق العرض العسكري سابقا.

وذكرت ان بامكان جميع مستعملي الطريق اللجوء في حالة اغلاق الطرق سابقة الذكر استعمال جميع الطرق الدائرية السبعة بالاتجاهين وذلك باتجاه الجهراء واتجاه السالمية وكذلك طريق الغزالي وطريق الملك فيصل بن عبد العزيز (الفحيحيل) بالاتجاهين وطريق المطار مقابل الفروانية.

واهابت الادارة العامة للمرور بمستعملي الطريق التعاون مع رجال الشرطة واتباع التعليمات الصادرة لانجاح فعاليات هذا المؤتمر.

[EmanRasmy]

أعزائي المتحاورين... أولا عايزه أشكركوا على المجهود الحلو ده... ثانيا ممكن أسأل عن شوية حاجات؟ ... أنا إن شاء الله جايه الكويت على مارس... فيا ترى الجو عندكوا بيبقى عامل ازاي في الوقت ده؟ و جوزي هايشتغل إن شاء الله في الأحمدي .... فهل لازم نسكن فيها او في الفحاحيل زي ما الناس قالوا له؟ لأني شفت المحافظه دي على الخريطه و حاسه إنها محدوفه و نائيه حبتين...و بالنسبه للي معاه رخصه مصريه أو سعوديه ممكن يبقى إجراءات الرخصه الكويتي بالنسبه له أسهل و لا مش فارقه؟ و لو عملت رخصه دوليه ممكن أسوق بيها شهرين برضه حتى لو مقيمه؟؟

معلش طولت عليكوا.. وميرسي مقدما.... تقعدوا بالعافيه

[ssmaly]

توصلى بالسلامة وتنورى الكويت اخت ايمان

الجو شهر مارس بيكون كويس يعنى نهاية الشتاء وبداية الصيف اعتقد انه احلى وقت فى السنة كلها

الرخصة الدولية ممكن تستعمل فى حالة عدم وجود أقامة اى زيارة عائلية ممكن تستعمليها لحين عمل الاقامة

رخصة مصرية اكيد لا تساعد بأى شىء للحصول على الرخصة الكويتية واعتقد كذلك السعودية (مش اكيد)

الحمدى طبعا بعيدة و السكن فى الفحاحيل او المهبولة تصدقى فيه عاقلين ساكنين فى المهبولة (سبحان الله)

و ولكم ان كويت

[عماد حمدي]

معلشي يا جماعة سؤال بايخ شويتين من كتر التوتر مش لاقي دولة عدلة اشتغل فيها افتكرت المشهد بتاع فيلم القرموطي لما كان عايز يسفر ابنة وحيد وبيدور علي الخريطة :blush2:

المهم في حدود كام ممكن الواحد يصرف ويكون مرتاح بس أكل وشرب وسجاير فقط لشخص واحد أعزب دي حاجة

الحاجة التانية معلشي استحملوني اصلي خلاص الفيوسات عندي ضربت 23 سنة ولسة معملتش حاجة اطلع من حفرة اقع في حفرة تانية ....wst::

المرتب المتوقع لمحاسب خبرة سنتين وكمبوتر وشهادات كويسة اوي في حدود كام ؟؟

شاكر اهتمامكم

تم تعديل 17 ديسمبر 2009 بواسطة EMAD HAMDY

[الطير السافر]

السلام عليكم اخت ايمان تصحيحا لمعلومة تحويل الرخصة السعودية لكويتية انا على فكرة لسه مستبدل الرخصة السعودية لكويتية بس لازم لازم يكون معاكي حاجة اسمها براءة ذمة من السعودية وديه عبارة عن ورقة بتتاخد من مرور الخفجى اللى على الحدود مع الكويت او برنت من موقع المرور السعودي على النت اللى انا حاولت اعمله ومطلعش اى حاجة

بس ممكن تحاولي برضة برقم الاقامة

بس لو فى اى سؤال ممكن تساليه

[خالد شحاته]

نورت مصر يا بوسي

بس الجو برد شويه في مصر الله يعينك علي البرد وسلملي علي عموري

[Simba]

اضخم معرض تجاري شبابي لعام 2009

يوم 19-20\12\200

في قاعة الدرة فندقة هيلتون المنقف

[amoon]

السلام عليكم جميعا

كونت من حوالى شهر عمال اسال وادينى وصلت الكويت فعلا جميلة وشوارعها جميلة ومنظمة بس الواحد بيجى عليه اوقات يحس بملل معرفش لية كدا فا مفيش حل لموضوع الملل دة

[قلب ابيض]

السلام عليكم جميعا

كونت من حوالى شهر عمال اسال وادينى وصلت الكويت فعلا جميلة وشوارعها جميلة ومنظمة بس الواحد بيجى عليه اوقات يحس بملل معرفش لية كدا فا مفيش حل لموضوع الملل دة

حمد لله على السلامه نورت الكويت 00

الملل لابد من وجوده فى البدايات خاصه لو مش معاك اسرتك

لحد ماتتعرف على ناس مناسبين لك وتبدء تتعرف على الكويت والجو دلوقتى حلو جدا خاصه الوجهه البحريه والحدائق

والمولااااات ماليه البلد 000واحنا حاضرين لاى استفسار

ونورت الكويت

[وافدة هنا و عاملة بالخارج]

الأخت إيمان رمزي

أهلا و مرحبا بك في الكويت

هذ أول مشاركة لي و جميل أن تكون إجابة على استفسار

أختى ايمان جو الكويت هو اربع فصول السنه في يوم واحد يعني ممكن الصبح يبقي ربد و الظهر صيبف و المغرب غبار و تمطر ليلا

لكن عموموا الجو جميل في شهر مارس

أختي مفيش حاجة اسمها محدوفة في الكويت الكويت كلها تلفيها بساعتين لا تقلقي و الفحاحيل و الاحمدي كل اللي فيها مستمتعين بالاقامة

و عند وصولك اعتبريني اخت لك و اهلا و سهلا :lol:

[وافدة هنا و عاملة بالخارج]

السلام عليكم

ربما يستغرب البعض اسمي و لكن عندما يفهمه جيدا سيعرف أن اسمه نفس اسمى

في الحقيقة لم يكتمل الاسم فهو وافدة هنا و عاملة بالخارج هناك :lol:

هذا حالي أيها الأفاضل

فنحن هنا و افدين و لا يحق لنا ----------- و -------------- و -----------

و هناك نحن عاملين بالخارج و لا يحق لنا ----------- و --------------

فمتي أشعر أني مواطنة :wub:

غريبة هنا و هناك

فهل أحد اسمه يشبه اسمي

سعدت و شرفت بانضمامي لهذه الكوكبة من العقول المحترمة

[herohero]

السلام عليكم

ربما يستغرب البعض اسمي و لكن عندما يفهمه جيدا سيعرف أن اسمه نفس اسمى

في الحقيقة لم يكتمل الاسم فهو وافدة هنا و عاملة بالخارج هناك :lol:

هذا حالي أيها الأفاضل

فنحن هنا و افدين و لا يحق لنا ----------- و -------------- و -----------

و هناك نحن عاملين بالخارج و لا يحق لنا ----------- و --------------

فمتي أشعر أني مواطنة :wub:

غريبة هنا و هناك

فهل أحد اسمه يشبه اسمي

سعدت و شرفت بانضمامي لهذه الكوكبة من العقول المحترمة

وايه الجديد في كده ما في مصر برده مكناش بنتكلم وكنا غرب ف بلدنا ومن غير ماتسافري ولا حاجه هنضحك على بعض هو كلامنا كان له لازمة ولا حد عمره سمع لنا كنا زي صدى الصمت ، للاسف المواطن المصري وافد في الداخل والخارج مادام مش ع الكيف بتاع الحبايب

[الطير السافر]

السلام عليكم اخوانى بالكويت

ممكن اسالكم بس لو تعرفوا اى مواقع توظيف او شركات توظيف فى الكويت تكون لمهندسين ميكانيكا انتاج لانى انا كنت بقالى فترة ستة شهور فى شركة وهنقل كفالتى من عليها ومعنديش خبرة كبيرة بالكويت وانا عندي خبرة فى مجال الالمنيوم والزجاج فى السعودية والفترة الصغيرة ديه فى الكويت

وشكرا