المصريين المغتربين بالكويت

[وافدة هنا و عاملة بالخارج]

ربما أخي لم تفهم قصدي

أنا لم اتكلم على سياسية الصمت او تكميم الأفواه

أنا أتكلم على أبسط الحقوق التي تشعر بها بالغربة هنا هناك

عندما يتقد ابنك لأحد الكليات العسكرية فيرفض لطول فترة اغترابه فأنت غريب !!!!!!!!! مع إنه لم يتخرج يتجند عادي ؟!!!!!!!

عندما يتفوق ابنك و يدخل احدي الكليات الخاصة لان مجموعة بال 95 % لم يدخله هندسة مثلا و يطلب خصم التفوق من الكلية يقوله ان ثانوية من الخارج

و غيرها كثير

حتى على مستوي المعاملات اليومية من اول بواب العمارة و لغاية اي مسئول انت من بتوع بره

استوعبت أخي

و شكرا لأسلوبك الحماسي في التعليق

[herohero]

ربما أخي لم تفهم قصدي

أنا لم اتكلم على سياسية الصمت او تكميم الأفواه

أنا أتكلم على أبسط الحقوق التي تشعر بها بالغربة هنا هناك

عندما يتقد ابنك لأحد الكليات العسكرية فيرفض لطول فترة اغترابه فأنت غريب !!!!!!!!! مع إنه لم يتخرج يتجند عادي ؟!!!!!!!

عندما يتفوق ابنك و يدخل احدي الكليات الخاصة لان مجموعة بال 95 % لم يدخله هندسة مثلا و يطلب خصم التفوق من الكلية يقوله ان ثانوية من الخارج

و غيرها كثير

حتى على مستوي المعاملات اليومية من اول بواب العمارة و لغاية اي مسئول انت من بتوع بره

استوعبت أخي

و شكرا لأسلوبك الحماسي في التعليق

انا من اللي كان بيتعامل انه ابن للعامل في الخارج والوافد ف الكويت العزيزة وف مصر ع مستوى الاقارب كذلك وكل الدوائر الحكومية والتعليم ابناء العائدين من الخارج لهم نظرة اخرى وانا حضرت ايام النظرة ما كانت ع اشدها من اول انت واخد الثانوية بالكوسة الى اخر هو انت فارقة معاك مانتوا معاكم ع قلبكم

وبصراحه لازم اي مغترب يبقى عامل ده ف حسابه انه بيخسر ف الحالتين بلد الاغتراب مش هتبقى بلده باستثناء دول المهجر وبلده الاصلي مع البعد بتتغير الطباع والنتيجه غربة ف الحالتين وبالتالي بيرث الابناء هذا المرض الوراثي الاغتراب وانا اصيبت بهذا المرض بعد محاولات مريرة للتكيف مع الوضع ف مصر ل4 سنوات اعمل ف مصر دون قدرة ع التكيف

وهذا حال جميع رفقائي ممن تربوا ف الخارج بينزل بيحس انه ناقص او مشكوك ف ولائه مع ان اللي كلفوا البلد بيسافرو اول ماتيجي فرصة كلفوا البلد وسابوها احنا مريحينهم وبندخل لهم دخل

[mromar]

ربما أخي لم تفهم قصدي

أنا لم اتكلم على سياسية الصمت او تكميم الأفواه

أنا أتكلم على أبسط الحقوق التي تشعر بها بالغربة هنا هناك

عندما يتقد ابنك لأحد الكليات العسكرية فيرفض لطول فترة اغترابه فأنت غريب !!!!!!!!! مع إنه لم يتخرج يتجند عادي ؟!!!!!!!

عندما يتفوق ابنك و يدخل احدي الكليات الخاصة لان مجموعة بال 95 % لم يدخله هندسة مثلا و يطلب خصم التفوق من الكلية يقوله ان ثانوية من الخارج

و غيرها كثير

حتى على مستوي المعاملات اليومية من اول بواب العمارة و لغاية اي مسئول انت من بتوع بره

استوعبت أخي

و شكرا لأسلوبك الحماسي في التعليق

أهلا بيكي أختنا الكريمة ونشكرك على تنشيط الموضوع وتنشيط الأخوة محاورتية الكويت الكسلانين أمثالي

أما بالنسبة لموضوعك فأنا شايف أنك لازم ترضي بالوضع القائم ولا تحاولي أن تكدري صفو حياتك لأن سلبيات مصر كترت عن المحتمل ويكفي أننا خرجين منها غصب عننا ولا تملكي ألا أن تقولي حسبي الله ونعم الوكيل وتمضي

[جيمي]

انا صيدلى فى السعودية وببحث عن فرصة جيدة للعمل فى الكويت حد عنده فكرة عن فرص عمل الصيادلة فى الكويت والدخل هناك

البلدي احسن من غيرها :blink: ربنا يوفقك بس ايه الميزه اللى انت عاوزها من الكويت ومالقتهاش فى السعوديه؟؟؟؟

تم تعديل 21 ديسمبر 2009 بواسطة جيمي

[EmanRasmy]

توصلى بالسلامة وتنورى الكويت اخت ايمان

الجو شهر مارس بيكون كويس يعنى نهاية الشتاء وبداية الصيف اعتقد انه احلى وقت فى السنة كلها

الرخصة الدولية ممكن تستعمل فى حالة عدم وجود أقامة اى زيارة عائلية ممكن تستعمليها لحين عمل الاقامة

رخصة مصرية اكيد لا تساعد بأى شىء للحصول على الرخصة الكويتية واعتقد كذلك السعودية (مش اكيد)

الحمدى طبعا بعيدة و السكن فى الفحاحيل او المهبولة تصدقى فيه عاقلين ساكنين فى المهبولة (سبحان الله)

و ولكم ان كويت

ميرسي جدا ع النصيحه الغاليه دي ... جوزي بيقوللي نسكن في المهبوله دي ... بس قلبي مش مطاوعني ... أقول للناس ايه؟ يا مثبت العقل في الراس .. ربنا يستر لاحسن تكون هي الأوبشن الوحيد قدامنا

[EmanRasmy]

الأخت إيمان رمزي

أهلا و مرحبا بك في الكويت

هذ أول مشاركة لي و جميل أن تكون إجابة على استفسار

أختى ايمان جو الكويت هو اربع فصول السنه في يوم واحد يعني ممكن الصبح يبقي ربد و الظهر صيبف و المغرب غبار و تمطر ليلا

لكن عموموا الجو جميل في شهر مارس

أختي مفيش حاجة اسمها محدوفة في الكويت الكويت كلها تلفيها بساعتين لا تقلقي و الفحاحيل و الاحمدي كل اللي فيها مستمتعين بالاقامة

و عند وصولك اعتبريني اخت لك و اهلا و سهلا

]

أختي الوافده هنا و عامله بالخارج هناك.... شكرا جزيلا على ردك و ترحيبك الحار و ان شاء الله نتقابل أول ما آجي ان شاء الله.. و نضع حجر الأساس في جمعية يا نساء الكويت اتحدوا gra:- .... أنا عايزه أسجل إعجابي باسمك ..لأننا كلنا هذا الرجل... أو هذه المرأة : ... أنا بقالي سنتين باشتغل في السعوديه و عندي نفس الشعور و كمان كانت مامتي زيي.. كانوا اهلي عايشين في الإمارات و اتولدت و اتربيت هناك ... و بالرغم ان مصر كانت أحلى بلد في عيني و كان يوم لما بارجع من الأجازه في مصر كنت بابقى زي اللي واخدينها لحكم الإعدام :hang: و مش بس أنا اللي كنت كده ... انا و اخواتي كمان ... بس زي ما قلتي رجعنا ندخل الجامعه لقينا نفسنا أغراب بجد... و الناس بيتهمونا بعدم الولاء ... ليه مش عارفه!! مع ان كل اصحابي اللي عرفتهم في مصر و اتولدوا و اتربوا فيها فعلا ما بيحبوهاش قدي... مش كلام و خلاص .. لأ بجد... يعني جوزي مثلا مولود فيها و اتربى فيها و طول الوقت قرفان منها و مش طايق القعده فيها و هو صاحب فكرة السفر .. و أنا اللي كنت معارضه لحد ما لقيت ان إحساس الغربه ده أهون بكتير من أنك تتربي و تعيشي في بلدك و من قسوتها عليكي يبدأ عندك إحساس الجفاء .... فالأحسن في بعض الحيان ان الواحد لما يحب حاجه قوي و يكون متأكد إن قربه من الحاجه دي هتخليه يتصدم فيها و يزعل منها ... يبقى يبعد أحسن عشان يفضل يحبها .... (حد فاهم حاجه؟؟!!) ... القصد ... أخويا مثلا كان هايموت و يدخل كلية شرطه ... و اجتاز كل الاختبارات بنجاح حتى قفزة الثقه بتاعتهم دي .... و في الآخر قالوله شكرا انت مولود بره و بكده معندكش ولاء لمصر ....

مصر مازالت أحلى بلاد الدنيا ... بس بعض الناس فيها قاسيين قوي ....

[EmanRasmy]

السلام عليكم اخت ايمان تصحيحا لمعلومة تحويل الرخصة السعودية لكويتية انا على فكرة لسه مستبدل الرخصة السعودية لكويتية بس لازم لازم يكون معاكي حاجة اسمها براءة ذمة من السعودية وديه عبارة عن ورقة بتتاخد من مرور الخفجى اللى على الحدود مع الكويت او برنت من موقع المرور السعودي على النت اللى انا حاولت اعمله ومطلعش اى حاجة

بس ممكن تحاولي برضة برقم الاقامة

بس لو فى اى سؤال ممكن تساليه

أخي الطير المسافر ... شكرا على العلومه دي ... و مبروك ع الرخصه الكويتيه... عقبالنا يا عم... طبعا جوزي هو اللي هايستفيد من الموضوع ده لأنه معاه رخصه سعوديه ... بس هي الورقه دي لازم تيجي من مرور الخفجي؟؟؟ ماينفعش أي مرور تاني؟؟؟ و بما إنك كنت عايش في السعوديه... يا ترى قيه فرق كبير في أسعار الحاجات هنا و هناك؟؟؟ عشان جوزي مصمم نخلص من معظم حاجاتنا هنا و نشتري جديد تاني من هناك ... مع ان حاجاتنا اللي هنا اشتريناها جديده لما جينا هنا من سنتين.... بس طبعا كل الرجاله بيزهقوا من الشيل و السفر و نفسه يروح من غير ولا شنطه...

[الطير السافر]

على فكرة هما بيقولوا انها ممكن تيجى من اى مرور فى السعودية بس انا كنت فى الرياض ولفيت مرور الرياض كله ومقدرتش اجيبها بس انتوا حاولوا فى بتاع النت الاول اللى هو فى موقع مرور الرياض

بالنسبة للحياة هنا هو متهيالى الاجهزة واحد بالنسبة للاسعار والاختلاف كبير طبعا فى سعر الايجارات والحاجات العادية اليومية بس الاستهلاككية برضة متهيالى انها واحد وعلى فكرة فى شركات شحن كتير بتنقل الحاجات للكويت عادي

[pocy]

السلام عليكم ورحمه الله وبركاته وحشتونى وحشتونى وحشتونى وبجد فرحانه بيكم جدا

المهم انا هنا علشاناسأل ذوى الخبره فى الشحن عايزه اشحن بطاطين لمصر هل تعرفوا سعر الشحن بيقي كام وبياخد اد ايه وهل بتجمرك ولا لا ؟؟؟؟؟؟؟؟؟؟؟؟؟؟؟ منتظره ردودكم يا اخوانى الافاضل

الا انا صحيح موجوده فى مصر اللى عايز حاجه يقلي وانا طبعا مش هتاخر

[وافدة هنا و عاملة بالخارج]

أنا اللي كنت معارضه لحد ما لقيت ان إحساس الغربه ده أهون بكتير من أنك تتربي و تعيشي في بلدك و من قسوتها عليكي يبدأ عندك إحساس الجفاء .... فالأحسن في بعض الحيان ان الواحد لما يحب حاجه قوي و يكون متأكد إن قربه من الحاجه دي هتخليه يتصدم فيها و يزعل منها ... يبقى يبعد أحسن عشان يفضل يحبها .... (حد فاهم حاجه؟؟!!) ...

طبعا يا إيمان فاهمين و يمكن حاسين أكتر من إننا فاهمين

باختصار ممكن الواحد يبعد عن حد علشان يحافظ على المتبقى من الحب جواه و بدل ما يتحول الحب كره

بس يا جماعة خلينا واقعين الحال في مصر مش بالصورة و لا حجم الشكوي بس حوالينا في بيوت قريبنا و اهلينا و الموظفين و المدرسين و غيرهم

في فرق؟ آه في فرق

هل يساوي حجم الغربة ؟

راكب عربية 128

مش مهم

بيروح يصيف في راس البر و انت في الساحل الشمالي

و غيره و غيره

تعرف في فرق كبير

ان الموجود في مصر بيستمتع بالحصاد

يعني لما يجيب حاجة جدية في بيته هيلاقي اللي يزوره و يقوله الله و ده مشاركة تسعدك

أما نحن بنجيب و نخزن في كراتين و هنقول هنفرش و نلم علشان شهرين

و كتير لما بيستقروا بيلاقو الحاجة كلتها العتة زي ما اكلت حاجات كتير

يا جماعة أنا مش بنكر الخير و لا بقول كدا علشان انا عملتهم مثلا زي ما كتير بيقول

لكن بقول اللي بدا سكة الغربة خليك حريص و خد منها الللي انت عايزة باسرع وقت

او معني اصح اخطفه و اجري لا تخطفك و تنتهي

تم تعديل 22 ديسمبر 2009 بواسطة وافدة هنا و عاملة بالخارج

[وافدة هنا و عاملة بالخارج]

المهم انا هنا علشاناسأل ذوى الخبره فى الشحن عايزه اشحن بطاطين لمصر هل تعرفوا سعر الشحن بيقي كام وبياخد اد ايه وهل بتجمرك ولا لا ؟؟؟؟؟؟؟؟؟؟؟؟؟؟؟ منتظره ردودكم يا اخوانى الافاضل

ما هي ملية مصر و أرخص من هنا

لكن في ناس بتأخذ بالكيلو و بتأخذ على البطانية الكبيرة 5 دينار

تم تعديل 22 ديسمبر 2009 بواسطة وافدة هنا و عاملة بالخارج

[mromar]

اخطفه و اجري لا تخطفك و تنتهي

والله أحلى كلمة سمعتها من ساعة ما اتغربت ربنا يفتح عليكي بجد

[MemoG]

السلآم عليكم

أنا عضوة جديدة معاكم وليا كام سوأل للعضو الطير السافر بس متعتبرش ده تدخل مني في خصوصياتك

ليه عايز تنقل كفالتك مع إنك لسه جاي الكويت من وأنا قرأت في هذا القسم موضوع كنت بتسأل فيه الأخوة

الآعضاء عن عقد عمل في الكويت وإنك كنت شغال في السعودية وهل مرتبك زي مكنتوا متفقين أنت والكفيل

ولأ زي مامكتوب في العقد بحجة الضرايب وقولي الكويت ولأ السعودية أحسن من ناحية المصاريف والسكن

والمعيشة وهل هنعرف نحوش يعنى أعملي مقارنة مابنهم عشان أنا وزوجي مقيمين في السعودية وبنفكر

ننتقل للكويت هو مهندس كهرباء خبرة 7سنين

تفتكر مرتبوا يكون كام عشان نقدر تقريبا نقارن الوضع هيكون إزاي لو خدنا الخطوة دي

وأسفة إن كنت طولت عليك في أسئلتي

تم تعديل 23 ديسمبر 2009 بواسطة MemoG

[الطير السافر]

السلام عليكم اختى ميمو

انا جيت على الكفيل اللى هنا واول حاجة اكتشفتها ان مفيش اى بدلات بالمرة وكل شئ على حسابي حتى الاجازة والاقامة وكل حاجة

تانى حاجة ان الشركة عبارة عن مصنع صغير غير مدار بمهندسين المهم متهيالى التفاصيل م شهتبقى ليها لزمة واختلفنا بس الحمدلله الناس كويسين فطلبت منهم نقل كفالة وافقوا بعد شوية نقاشات بس

بالنسبة اختي للحياة فى الكويت انا بصراحة شايف ان الحياة هنا افضل بكتير لان الحياة اشبه مايكون بمصر ده احساسى انا

غير السعودية فى النظام بتاعها خالص بل هو افضل بكتير

بالنسبة للسكن غالى جدا هنا يعنى اقل شئ متوسط ممكن يبقى فى حدود 200 دينار يعنى حدود اربعة الاف جنيه فى الشهر

بالنسبة للاكل والشرب المطاعم اغلى بكتير جدا بس السلع متهيالى ان هى هى

بالنسبة للراتب الادنى للمعيشة لاسرة من زوج وزوجته معتقدتش ان يقل عن 600 لحياة متوسطة جدا

بس الحياة هنا بجد كويسة واحسن من السعودية كمجمل

والقوانين اسهل وانا بصراحة مشوفتش كويتين وحشين جدا زى مكنت بسمع

[قلب ابيض]

هلا بالغاليين والقادمين من السعوديه الطير المسافر ميمو

نورت الكويت يا طير وعادى جدا سمعنا عنه كتير موضوع ان اللى جاى على كفالته يطلع مش ولابد

المهم ربنا ييسر لك الخير ان شاء الله وانت مجرب السفر قبل كده وعارف ان البدايات فى اى مكان جديد بتبقى صعبه حبتين00

مرحب بيك يا ميمو فى اول مشاركه لك فى المنتدى 00واضح انك اشتركت عشان المشاركه دى ودى حاجه تسعدنا 000اهلا بيك

المقارنه معقوله اللى عرضها الطير المسافر بس انا هاوضح نقطه

انا عشت فى السعوديه مضطره وكرهت الغربه كلها بسببها 00انا اسفه ده رأى شخصى 000

الكويت مختلفه تماما فى حياه تقريبا نفس مصر مع الفارق وانا اسفه فى الكلمه بس هى واقع ملموس الفرق النضافه والرقى فى التعامل والالتزام بالقوانين

بالنسبه لمعيشه الاسره مش زى ما قال الطير المسافر اعتقد نص المبلغ او ممكن تلته مصروف البيت لاسره والسكن حوالى 200 تمام وحسب المنطقه السكنيه برده000الاهم هو اللى هايكون عبأ عليكم وخاصه ان الزوج وحضرتك من خارج وزاره التربيه هى هتكون مصاريف المدارس الخاصه

السعوديه ممكن تحوشى 000وتعيشى نص نص " برده على حسب كل اسره "

الكويت هاتعيشى كويس 000ومش هاتحوشوا 000على الاقلا فى الاول

لو مرتاحين عندكم الحمد لله استقروا هناك

والخيره فيما اختاره الله

تحياتى للجميع

[تامر مصطفى]

صح لسانك ماما قلب

[MemoG]

شكرا علي الرد السريع للاخ والاخت الطير السافر وقلب أبيض

أنا بالصدفة عرفت الموقع وأستفدت كتير من المواضيع المكتوبة

وحبيت أكون عضوة معاكم عشان أستفيد أكتر من خبراتكم اللي دائما

مابتبخلوش بها علي أحد

مشكلة شغل زوجي إن صاحب المؤسسة مش مقدر المهندسين اللي

شغالين معه مفيش تأمينات تذاكر الطيران تذكرة واحدة طبعا لرب الاسرة

مفيش بدل سكن بيحدد مبلغ معين للايجار اللي هيدفعوا هو وطبعا مبلغ

يكفي إيجار 6 شهور واحنا بندفع الفرق مع انو عارف أسعار الايجارات في البلد

وطبعا مفيش سيارة ولابدل مواصلات واكيد المرتبات قليلة بالمقارنة للمهندسين

في مؤاسسات تانية زي ما بنسمع مفيش مكافأت ولا اي شي في نهاية كل مشروع

ادينا صابرين لما الاقامة تخلص ونشوف هنعمل ايه

يارب يسر أمورنا وأمور الناس جميعا

[saramath]

السلام عليكم

اخباركم ايه جميعا

بما اني بتاعت مصلحتي ومبشاركش الا لما يكون عندي مصلحة فعدت تاني لان عندي استفسار

انا كنت جبت سيارة من يجي شهرين وطلع نوعها على فكره اوبيكا مش افيو

انهارده كان اختبارى وبعد 15 حصه تدريب مع المدرب علشان اضمن اني اسوق كويس والحمد لله صرت ممتازه

لكني اتفاجئت انهارده وانا فى امتحان المرور

الامتحان النظري ذاكرت كل الكتاب والاخر امتحنوني فى اشاارات تافهه وجبت 100 %

جيت على الامتحان العملى ربنا رزقني بعسكري تحس ان على وشه الغضب وناقص يجيب عود كبريت ويولع فى كل ال بيمتحنوا

قالى اصفطي يمين صفط يمين صح قالى طيب اطلعي من الصفطه طلعت

قالى روحي عند الجزيره وقالى ادخلها والحمد لله دخلتها صح قالى ارجعي لورا رجعت صح

انا قلت الحمد لله هنجح لان خلاص الصفطة والجزيره صح

لقيته راح قايلى ارجعي تاني كرر الجزيره ؟؟ :happy: :blink:

واتأكدت انه ناوي يسقطني وبالفعل سقطني لاني خبطت طرف الرصيف من نرفزتي

افهم حاجة بقا ... هو لغايه امتي هسقط طول ماا انا مش معايا واسطة؟؟؟؟ عاوزه اعرف علشان ميجيش لى اكتئاب

وهل ينفع اطلع بالعربية بدون رخصه لان مرتبي نصه بيروح على التاكسيات ولو المرور وقفني وسألني عن الرخصه اقوله نسيتها ويبقي يعملى غرامه ب15 دينار وخلاص ؟؟ ولا الموضوع اكبر من كدا

انا محتاجة السيارة علشان اروح وارجع المدرسة فقط لا غيرررررر لا هروح هنا ولا هنا :happy:

معلش طولت عليكم بس حقيقة انا حاسة بالظلم ومتساءة من ال حصل

تم تعديل 24 ديسمبر 2009 بواسطة saramath

[قلب ابيض]

سااااااره

اوعى تخرجى من غير اللسن بالسياره 00انتى اكيد عندك تراى مره تانيه حددوا لك معاده؟ تمام؟

شوفى لوعندك واسطه كان بها 00وانا اشك ان عندك الواو دى والا ماكناش شوفناكى هنا

تقدرى تروحى وتيجى لمدرستك لو عندك طرق جانبيه ومدرستك قريبه من بيتك لكن لو هاتمشى قى طرق وكده ما انصحكيش

انت عارفه طول ما انت ماشيه وانت مش سايقه يعنى ولا عسكرى تشوفيه حتى

لكن لما تسوقى انت وتيجى الطوبه فى المعطوبه بقى؟؟؟ اذا كان فى مصر رخصتى انتهت وانا بالمصيف ونسيت وخلص الشهر كمان قعدت مذلوله لحد ماجددتها لان غرامتها زى ما سمعت فلوس وحبس 3 شهور او شهر المهم فيها حبس

طب وهنا؟؟؟

معلش خيرها فى غيرها سبحان الله انا هنا نجحت من اول مره بدون واسطه :) 00فى مصر سقطت مرتين والله ظلم وطلعت الرخصه وانا قاعده فى عربيه سياده اللواء فلان بس تعبونى ونزلونى ال ايه عشان اتصور00000حاجه وحشه

ولا يهمك ان شاء الله تعدى اللى جاى بتفوق ولو عاوزه تدينى العربيه لغايه ماتطلعى الرخصه انا حااااضره

[saramath]

مرسى على ردك يا قلب ابيض

بس والله انا متغاظه لدرجه لا توصف بأي حق اشوف ناس بتنجح بدون ما يدخلوا الاختبار وانا عملت ال عليا والكتاب ذاكرته كله وتدريب واخدت حصص كتيررررررررررررررر

وصفطه وعملتها وجزيره وعملتها يقولى ليه اكرر الجزيره وهو بيزعق كدا خلاني اتنرفز وعرفت انه ناوي على شر وهوووباااا الكاوتش لمس الرصيف لقله التركيز

يلا اهو العسكري دا ال جابه لنفسه والله لاخبطه دعوه مش بعيد تصيبه يجي فى يوم الاقى بنته عندي فى الفصل

وقتها بقا هخلى بنته تعيد امتحانات الفتره الاولى تلت مرات وامتحان الفتره التانية تلت مرات وهخليها تلم الكتب كل يوم وتوزع الكتب وتشيل اغراضى لازم انتقم منه

ادعولى بس الاقي فى يوم بنته عندي

وربنا يسهل وابقى استخير ربنا كدا بعد ما ااسقط تاني مره اشوف اطلع بالسيارة بدون رخص ولا لا

ولعله خير وربنا ياخد المفتري (( العسكري يعني ))