المصريين المغتربين بالكويت

[Simba]

سؤال للمصريين فى الكويت فى مسابقه عاملاها الكويت وطالبين مدرسين من مصر هل المدرس الحكومى مرتبه مناسب للمعيشه فى الكويت ولا يخليه فى بلده أفضل بالنسبه لموضوع العائله فهل بمرتبه يقدر يستقدم عيلته وابناؤه ويقدر يعيشهم حياه كويسه ويحوش ولا البلد هنا احسن ياريت الرد بعد اذنكم

شوف يا استاذي

اللي اعرفه من بنت بلدياتنا جت تشتغل مدرسة عربي هنا

الراتب 370 دينار

السكن علي حساب الوزارة الاكل والمواصلات علي حسابها

مبدئيا لو انت في دماغك استقدام العائلة فالشقة الاوضتين مش هتقل عن 200 دينار باي حال من الاحوال

وعموما شوف العقد يمكن يكون فيه مزايا اكتر وتعال انت الاول كام شهر شوف كل حاجة بعينك بعدها تقرر موضوع استقدام الزوجة والابناء

[Simba]

650 ديناراً للاختصاصي الأول و740 للاستشاري

زيادات رواتب الأطباء الوافدين تنتظر توقيع الخدمة المدنية

نرمين محب:

كشفت مصادر صحية لـ«الدار» أن زيادة رواتب الاطباء تنتظر اعتماد رئيس مجلس الخدمة المدنية الشيخ محمد الصباح تمهيدا لإرسالها الى وزارة الصحة للبدء في اتخاذ اجراءات صرفها.

وقالت المصادر ان الزيادة التي اقرها مجلس الخدمة المدنية تبلغ 260 دينارا للمسجل، و250 دينارا لمساعد المسجل، و400 دينار للمسجل اول، و560 دينارا للاختصاصي، و650 دينارا للاختصاصي الاول و740 دينارا للاستشاري.

وأشارت الى ان الزيادة تشمل بدل طبيعة العمل والخفارة، وكشفت عن ان الوزارة والجمعية الطبية طالبتا بمزايا اخرى للاطباء الوافدين مثل منحهم تذاكر سفر وتعليم اولادهم في المدارس الخاصة مجانا. من ناحية اخرى كشفت مصادر صحية عن اعداد هيكل تنظيمي جديد لمكتبي الوزير الساير والوكيل ابراهيم العبدالهادي، وعزت ذلك الى حدوث مستجدات في المكتبين حيث استحدثت ادارة فنية جديدة في مكتب الوزير يرأسها د. راشد العميري، فيما دعت كثرة المستشارين في مكتب الوكيل الى اعادة هيكلة المكتب، ولفتت المصادر الى ان اعادة الهيكلة سوف يتبعها تغييرات في مكاتب الوكلاء. ومن جهة اخرى عهد العبدالهادي الى الوكيل المساعد لشؤون الخدمات الطبية الاهلية د. راشد الرشود بمتابعة تنفيذ القرار الخاص بتكليف الوكلاء المساعدين من الاطباء ومديري المناطق الصحية والمستشفيات ومديري الادارات المركزية القيام بالخفارات.

[EmanRasmy]

ازيكواااااااااااااا... بجد القهوه دي وحشتني قوي ....

ممكن أسأل سؤال عبيط شويه؟؟؟ هو إيه مهرجان الشوكولاته ده؟؟؟

[Simba]

مدام ام مروان

د أيمان

يقام في فندق النخيل، السالمية معرض القهوة والشوكولاتة من 21 الي 24 يناير 2010.

66323893 أو 66323898

فيه واحد تاني في ارض المعارض لكن للاسف نسيت ميعاده

[hakeem]

استفسار ع السريع كده للاخوه فى الكويت

انا ظهر ادامى فيزا من واحد صحبى قالى اسمها فيزا زياره تجاريه وطالب فيها 25000 جنيه وسالته ايه الشغل قالى انت تيجى وتدور ...ايه رايكم فى السكه دى السعر مناسب ولا بيتاجر عليا؟وسهل انى الاقى شغل ولا صعب(عارف طبعا انها ارزاق)بس حال البلد ايه؟وايه الرواتب اللى ماشيه (طبعا عارف ان كل الشغل مش زى بعضه)بس فى العموم كام؟

انا بكالوريوس تجاره 2006 -جيد - جامعه طنطا

مستنى ارائكم

[Simba]

استفسار ع السريع كده للاخوه فى الكويت

انا ظهر ادامى فيزا من واحد صحبى قالى اسمها فيزا زياره تجاريه وطالب فيها 25000 جنيه وسالته ايه الشغل قالى انت تيجى وتدور ...ايه رايكم فى السكه دى السعر مناسب ولا بيتاجر عليا؟وسهل انى الاقى شغل ولا صعب(عارف طبعا انها ارزاق)بس حال البلد ايه؟وايه الرواتب اللى ماشيه (طبعا عارف ان كل الشغل مش زى بعضه)بس فى العموم كام؟

انا بكالوريوس تجاره 2006 -جيد - جامعه طنطا

مستنى ارائكم

يا سيدي يا بتاع السريع انت :)

خدلك بقي رد علي السريع علشان شكلك مستعجل

صاحبك مش بيضحك عليك ولا حاجة الفيزا التجارية فعلا تمنها خمسة وعشرين الف وبتيجي تدور علي شغل لكن الاول لازم تعرف ان اي شغل هنا معقول بيحتاج علي من سنتين لتلاتة خبرة

لازم تكون جاي علي حد تعرفه غير كده هتوه ومش هتعرف تعمل حاجة

الرواتب اللي ماشية بقي خد عندك يا سيدي

والله في حراس امن مصريين بيشتغلوا 16 ساعة وطالع عينهم ب 70 دينار في الشهر

وفيه شباب بيشتغلوا مدخل بيانات علي الكمبيوتر ب 120 دينار في الشهر

فيه شباب شغال في مطاعم ب 150 دينار في الشهر

باي حال الشغل الخاص دي بتكون رواتبه

تم تعديل 16 يناير 2010 بواسطة سمبا

[om marawan]

مدام ام مروان

د أيمان

يقام في فندق النخيل، السالمية معرض القهوة والشوكولاتة من 21 الي 24 يناير 2010.

66323893 أو 66323898

فيه واحد تاني في ارض المعارض لكن للاسف نسيت ميعاده

ياسمبا مش عارفين نودي جمايلك فين

ذوووووق ذووووووق ذووووووق الصراحة مش عارفة ليه بمناسبة الماتشات حاسة انك ليبرو منتخب المغتربين فى الكويت

وبالمناسبة برضه الف مبرووك لمصر عقبال الكأس يارب ان شاء الله

[الغريب]

استفسار ع السريع كده للاخوه فى الكويت

انا ظهر ادامى فيزا من واحد صحبى قالى اسمها فيزا زياره تجاريه وطالب فيها 25000 جنيه وسالته ايه الشغل قالى انت تيجى وتدور ...ايه رايكم فى السكه دى السعر مناسب ولا بيتاجر عليا؟وسهل انى الاقى شغل ولا صعب(عارف طبعا انها ارزاق)بس حال البلد ايه؟وايه الرواتب اللى ماشيه (طبعا عارف ان كل الشغل مش زى بعضه)بس فى العموم كام؟

انا بكالوريوس تجاره 2006 -جيد - جامعه طنطا

مستنى ارائكم

يا سيدي يا بتاع السريع انت :blink:

خدلك بقي رد علي السريع علشان شكلك مستعجل :blink:

صاحبك مش بيضحك عليك ولا حاجة الفيزا التجارية فعلا تمنها خمسة وعشرين الف وبتيجي تدور علي شغل لكن الاول لازم تعرف ان اي شغل هنا معقول بيحتاج علي من سنتين لتلاتة خبرة

لازم تكون جاي علي حد تعرفه غير كده هتوه ومش هتعرف تعمل حاجة

الرواتب اللي ماشية بقي خد عندك يا سيدي

والله في حراس امن مصريين بيشتغلوا 16 ساعة وطالع عينهم ب 70 دينار في الشهر

وفيه شباب بيشتغلوا مدخل بيانات علي الكمبيوتر ب 120 دينار في الشهر

فيه شباب شغال في مطاعم ب 150 دينار في الشهر

باي حال الشغل الخاص دي بتكون رواتبه

بالأضافة لكلامك ياسمبا لو ركزنا في الاستفسار هنلاقي الأخ كاتب زيارة تجارية يعني لو يقصد فعلا زيارة وليس إقامة تبقى مشكلة كبيرة

[HDarwish]

استفسار ع السريع كده للاخوه فى الكويت

انا ظهر ادامى فيزا من واحد صحبى قالى اسمها فيزا زياره تجاريه وطالب فيها 25000 جنيه وسالته ايه الشغل قالى انت تيجى وتدور ...ايه رايكم فى السكه دى السعر مناسب ولا بيتاجر عليا؟وسهل انى الاقى شغل ولا صعب(عارف طبعا انها ارزاق)بس حال البلد ايه؟وايه الرواتب اللى ماشيه (طبعا عارف ان كل الشغل مش زى بعضه)بس فى العموم كام؟

انا بكالوريوس تجاره 2006 -جيد - جامعه طنطا

مستنى ارائكم

دي زيارة تجارية بتتحول لإقامة لما تيجي هنا ..

إذا جاد في الموضوع .. ما تدفعشي الفلوس كلها مرة واحده .. يعني كل مرحلة تدفع عندها مبلغ .. مثلاً

150-200 لما يعملك الزيارة وتوصل الكويت .. 400 مثلاً لما يطبع الإقامة في الجواز .. والباقي كله لما يسلمك المدنية ..

بس عامة .. الطريقة دي مخاطرها كثير وهتواجه صعاب كثير وممكن توصل لدرجة الدعاء على صاحبك اللي خلصلك الورق ده ..

فيه طريقة أحسن وهي إنك تراسل من عندك شركات كبيرة ممكن تسأل صاحبك عليها أو تسألنا بس حدد الأول في أي مجال .. أو إنك تتابع موقع بيت ومونستر وجلف تالنت ونوكري جلف وغيرها من مواقع التوظيف .. بس الأول ظبط سي في محترم ملغم بشوية دورات تمام مش أي كلام يعني تكون من أماكن لها اسمها زي الجامعة الأمريكية أو المعهد البريطاني .. شوية دورات لغة مع دورات في مجالك ..

دي بصراحة خلاصة ما توصلت له لإني لما اشتغلت فترة في الإتش آر كنت فعلا بشوف العجب العجاب وأقول فعلا من الغباء اللي الناس بتعمله وتروح تدفع المبالغ دي لمجرد إنها تيجي هنا في حين إن لو إنت سلعة مطلوبة أكيد هتتلقط .. والله كنا بنتصل على ناس في مصر وبنعرض رواتب مغرية مع بدلات ممتازة وكانوا بيرفضوا .. لإن هما شايفين إنهم يستاهلوا أكثر من كده .. وفعلا كانوا بيتفاوضوا لحد ما يوصلوا لراتب فوق الممتاز ..

ربنا يوفقك

[hakeem]

[

فيه طريقة أحسن وهي إنك تراسل من عندك شركات كبيرة ممكن تسأل صاحبك عليها أو تسألنا بس حدد الأول في أي مجال .. أو إنك تتابع موقع بيت ومونستر وجلف تالنت ونوكري جلف وغيرها من مواقع التوظيف .. بس الأول ظبط سي في محترم ملغم بشوية دورات تمام مش أي كلام يعني تكون من أماكن لها اسمها زي الجامعة الأمريكية أو المعهد البريطاني .. شوية دورات لغة مع دورات في مجالك ..

دي بصراحة خلاصة ما توصلت له لإني لما اشتغلت فترة في الإتش آر كنت فعلا بشوف العجب العجاب وأقول فعلا من الغباء اللي الناس بتعمله وتروح تدفع المبالغ دي لمجرد إنها تيجي هنا في حين إن لو إنت سلعة مطلوبة أكيد هتتلقط .. والله كنا بنتصل على ناس في مصر وبنعرض رواتب مغرية مع بدلات ممتازة وكانوا بيرفضوا .. لإن هما شايفين إنهم يستاهلوا أكثر من كده .. وفعلا كانوا بيتفاوضوا لحد ما يوصلوا لراتب فوق الممتاز ..

ربنا يوفقك

شكرا على اهتمامك وردك...

انا خريج تجاره 2006 شعبه محاسبه تقدير جيد وواخد زى كل الناس ICDL

ودورات محاسبه دفترى وبيتش ترى ....بس مش عارف هو يعنى المكان هيفرق جامعه امريكيه ولا مركز المستقبل (اللى انا درست فيه)

وياريت تدلنى على كام شركه كبيره ممكن اراسلهم من هنا وكيفيه التواصل معاهم

الاخ اللى ادانى برده رد ع السريع شكرا ليه وفعلا انا مستعجل لان ماشى اصلا فى شغل فى الامارات بس برده مش فى مجالى طبعا هو فى الامن..وصحبى ده اتصل بيا قلت اسالكم لو احسن من الشغلانه بتاعت الامارات كنت اوقف واروح للكويت (ولو انها غاليه عليا )

ياريت بقى كام شركه حلوين كده من عندكم وكيفيه الاتصال بيهم..ومش شرط برده اشتغل محاسب ..اى شغل محترم

وشكرا لاهتمامكم....

[HDarwish]

ما تضيعش نفسك .. وما تقولش اشتغل أي حاجه دي تاني .. عفوا أنا بنصحك زي أخويا الصغير .. لكن فكرة أشتغل أي حاجه وبعد كده أدبر نفسي .. صدقني ده مبدأ غلط وتدمير لمستقبلك .. إنت محاسب يبئا مش هتشتغل غير محاسب أو حاجه قريبة جداً لمحاسب واتعب ودور على كده علشان ما تندمش في آخر المطاف.. لو مش هتشتغل بره في مكانة كويسة وبإنجاز لطموحك يبئا أحسن لك تخليك في مصر .. عارف إنك هترفض كلامي لكن أنا بنصحك لوجه الله تعالى ..

بعض مواقع لشركات الكويت

http://www.arabo.com/links/,199,225,223,23...30,225,199,202/

http://www.arabo.com/links/,199,225,223,23...99,218,199,202/

ده موقع بيت والوظائف المتاحة حالياً

http://www.bayt.com/en/jobs/countries/kuwait/

على فكرة كل اللي جايبه فوق ده من جوجل

عايز فكرة كمان كنت بعملها كثير ..

شوف انت عايز تشتغل ايه ودور عليها في أي موقع توظيف وهتلاقيهم كاتبين الشروط إيه .. شوف الشروط دي تنطبق عليك ولا لأ .. لو ما تنطبقش عليك حاول تحصل عليها سواء بدورات بئا self study أو دورات في مراكز معتمدة .. مش مشكلة تتأخر كمان سنة أحسن ما تضيع عمرك كله في مهنة إنت مش حاببها وما تلاقيش الفرصة ولا المجال إنك ترجع تاني تعمل اللي كان المفروض تعمله من الأول ..

ربنا يوفقك

[EmanRasmy]

ميرسي جدا يا سمبا ع المعلومه الحلوه دي ... أنا كل شويه باكتشف حاجات جديده في الكويت!!!

ألف مبرووووووووووك لمصر و لكل المصريين في كل مكان ..... بالمناسبه ماحدش عارف أختنا سمر راحت فين؟؟؟ أحسن تكون ارتكبت الجريمه إياها بتاعة المرور ... و هربانه بقى .... أنا قلت لها تستنى لحد ما آجي و نعملها سوا ... بس شكلها ما سمعتش الكلام!!!

انتي فين يا سماااااااااااااااااااااااااااااااااااااااااااااااار.... :rolleyes:

[Simba]

ياسمبا مش عارفين نودي جمايلك فين

ذوووووق ذووووووق ذووووووق الصراحة مش عارفة ليه بمناسبة الماتشات حاسة انك ليبرو منتخب المغتربين فى الكويت

وبالمناسبة برضه الف مبرووك لمصر عقبال الكأس يارب ان شاء الله

وبالمناسبة برضه الف مبرووك لمصر عقبال الكأس يارب ان شاء الله

مدام أم مروان سجلي عندك كل الجمايل علشان هنتحاسب اخر السنة المالية :lol:

مع اني مش بحب الكورة خالص خالص حتي لو هية ايه بس حلوة لبيرو دي لها رتم اللورد كده :lol:

تسلمي ربنا يخليكي يارب

[Simba]

ميرسي جدا يا سمبا ع المعلومه الحلوه دي ... أنا كل شويه باكتشف حاجات جديده في الكويت!!!

ألف مبرووووووووووك لمصر و لكل المصريين في كل مكان ..... بالمناسبه ماحدش عارف أختنا سمر راحت فين؟؟؟ أحسن تكون ارتكبت الجريمه إياها بتاعة المرور ... و هربانه بقى .... أنا قلت لها تستنى لحد ما آجي و نعملها سوا ... بس شكلها ما سمعتش الكلام!!!

انتي فين يا سماااااااااااااااااااااااااااااااااااااااااااااااار....

شكرا د. أيمان

ويارب سمر ترجع تاني مفتقدينها ومفتقدين حكاوي الرخصة

[Simba]

تمنى أمين السر العام لجمعية الصحفيين الكويتية الزميل فيصل القناعي من نقابة الصحفيين المصرية ورئيسها مكرم محمد احمد الموافقة على مطالب الزملاء الصحفيين المصريين العاملين في دولة الكويت بنيل عضوية نقابة الصحفيين المصرية. وقال القناعي في تصريح صحافي عقب الاجتماع مع مجموعة من الصحفيين المصريين العاملين في الكويت الأعضاء في جمعية الصحفيين الكويتية ان الجمعية تدعم حق الصحفيين المصريين في نيل شرف عضوية نقابة الصحفيين المصرية.

واضاف لقد لمسنا منهم حرصا على الانضمام إلى نقابة الصحفيين المصرية لما تمثله لهم من مشاعر الارتباط بالوطن باعتبارها النقابة التي يمكنها ان ترعى حقوقهم حيث يمارسون مهنة الصحافة منذ سنوات طويلة.

وتابع القناعي مؤكداً أنه بعد سنوات طويلة من عملهم في الصحافة الكويتية لابد من الاشادة بدورهم المؤثر والمشرف في تقدمها ورقيها وتمتعهم بسمعة مهنية وأخلاقية متميزة اثبتوا من خلالها أنهم نماذج متميزة يشرف أي نقابة أو جمعية انضمامهم إليها.

وذكر أن الصحفيين المصريين بالكويت ومن خلال اللقاءات التي جمعتنا بهم بشأن مطالبهم بالانضمام لنقابة الصحفيين المصرية قد ابدوا استعدادا لتلبية كافة الشروط التي تضعها النقابة في سبيل نيل العضوية، بما فيها الشروط المتعلقة بالنواحي المهنية أو رسوم الاشتراك السنوية المقررة.

وفي ختام تصريحه أكد القناعي عمق العلاقات الطيبة التي تربط بين نقابة الصحفيين المصرية وجمعية الصحفيين الكويتية على المستوى المؤسسي والقيادي، مشيدا بدور رئيس نقابة الصحفيين المصريين مكرم محمد احمد ودوره في رقي وتقدم الصحافة العربية بوجه عام.

[om marawan]

ياجماعة انا دكتور بيطري جالي عقد الكويت مندوب دعاية وكشوفات في مجموعات اولاد جاسم الوزان 250 دينار و50دينار بدل سكن زائد العمولات عايز حد يقولي رايه ايه

اعتقد يادكتور ان شغل مندوبى الدعاية الطبية يبدأ من 450 دينار على " أقل تقدير " وطبعا فيه رواتب لشركات دوا افضل كتييير

الأفضل ان حضرتك تنتظر عرض أحسن من كده وتيجى عليه وتحاول فى الفترة دى تاخد خبرة من الشغل فى شركات الدوا فى مصر خاصة لو حضرتك متخرج جديد

طبعا حضرتك تستخير لكن رأيى الشخصي ان العرض " مش حلو خالص " بالنسبة يعنى لرواتب مندوبى الدعاية الطبية

تم تعديل 17 يناير 2010 بواسطة om marawan

[hakeem]

ما تضيعش نفسك .. وما تقولش اشتغل أي حاجه دي تاني .. عفوا أنا بنصحك زي أخويا الصغير .. لكن فكرة أشتغل أي حاجه وبعد كده أدبر نفسي .. صدقني ده مبدأ غلط وتدمير لمستقبلك .. إنت محاسب يبئا مش هتشتغل غير محاسب أو حاجه قريبة جداً لمحاسب واتعب ودور على كده علشان ما تندمش في آخر المطاف.. لو مش هتشتغل بره في مكانة كويسة وبإنجاز لطموحك يبئا أحسن لك تخليك في مصر .. عارف إنك هترفض كلامي لكن أنا بنصحك لوجه الله تعالى ..

بعض مواقع لشركات الكويت

http://www.arabo.com/links/,199,225,223,23...30,225,199,202/

http://www.arabo.com/links/,199,225,223,23...99,218,199,202/

ده موقع بيت والوظائف المتاحة حالياً

http://www.bayt.com/en/jobs/countries/kuwait/

على فكرة كل اللي جايبه فوق ده من جوجل

عايز فكرة كمان كنت بعملها كثير ..

شوف انت عايز تشتغل ايه ودور عليها في أي موقع توظيف وهتلاقيهم كاتبين الشروط إيه .. شوف الشروط دي تنطبق عليك ولا لأ .. لو ما تنطبقش عليك حاول تحصل عليها سواء بدورات بئا self study أو دورات في مراكز معتمدة .. مش مشكلة تتأخر كمان سنة أحسن ما تضيع عمرك كله في مهنة إنت مش حاببها وما تلاقيش الفرصة ولا المجال إنك ترجع تاني تعمل اللي كان المفروض تعمله من الأول ..

ربنا يوفقك

شكرا لاهتمامك وردك ونصيحك..بس تعرف مهما كان الشغل بره حتى لو مش فى مجالك اهو بتعمل حاجه ..انا مخلص من 3 سنين واشتغلت مره فى مدرسه ومره فى شركه وكانت المحصله صفر ...هنا عايز تشتغل وتعمل اللى حضرتك بتقول عليه فى بلدك اكيد لازم يكون معاك واسطه جامده جدا تحطك فى الاماكن اللى تعرف تعمل فيها نفسك....فهمت قصدى يعنى لو ال3 سنين دول اشتغلتهم فى اى حاجه كان احسن من اللى انا فيه دلوقتى .مش ماديا بس والله لا معنويا كمان كنت هتحس انك حتى اتقدمت لو خطوه لادام..

شكرا ليك مره تانيه

[om marawan]

كل سنة حضرتك بتشتغلها فى مجال معين هى خطوة لقدام

لانها بتضيف لخبرتك فى مكان معين وبتضيف زى مابيقولوا لسيرتك الذاتية

وكل كورس اخدته برضه اضاف ليك عشان لما تقدم فى شغل جديد

ماتندمش على اى شغل وماتيأسش من انك تتعلم وتاخد كورسات وعلى فكرة كل ماكان المكان له اسم معروف كل ما كان مصداقية الشهادة وتقلها اكتر ومجال الدراسات ده او الكورسات هو زى مابيقولوا فلوس بتتصرف عشان تجيب فلوس

يعنى ماتتسرعش فى الشغل وخلاص أسس نفسك وخد خبرات فى اماكن او شغل معقول وساعتها الناس هى اللى هتيجى وراك بدون معرفة ولا حاجة زى ماقالك الفاضل درويش وخللى بالك فعلا من نصيحته لانه بيشوف كتير بحكم مجال عمله

بالتوفيق ان شاء الله

[Simba]

إستمتع بخصومات تصل إلى 50% من جاشنمال التى تنتهى فى 24 فبراير 2010، على أرقى ماركات الأزياء النسائية والرجالية والأطفال والأحذية والحقائب والإكسسوارات والعطورات ومستحضرات التجميل والساعات والأدوات المنزلية والأمتعة

زوروا جاشنمال بالفروع التالية:

برج حمود, شارع فهد السالم تلفون 22420071/2

المطار, صالة المغادرون تلفون 24342263 (24 ساعة)

الفحاحيل, مجمع الكوت تلفون 23930857

الجهراء, أوتاد سنتر تلفون 22244284

[HDarwish]

إستمتع بخصومات تصل إلى 50% من جاشنمال التى تنتهى فى 24 فبراير 2010، على أرقى ماركات الأزياء النسائية والرجالية والأطفال والأحذية والحقائب والإكسسوارات والعطورات ومستحضرات التجميل والساعات والأدوات المنزلية والأمتعة

زوروا جاشنمال بالفروع التالية:

برج حمود, شارع فهد السالم تلفون 22420071/2

المطار, صالة المغادرون تلفون 24342263 (24 ساعة)

الفحاحيل, مجمع الكوت تلفون 23930857

الجهراء, أوتاد سنتر تلفون 22244284

ما بلاش جاشنمال ده ..

اللهم ما بلغت ..

اللي عايز يتعقد شوية ويحس بمدى الغُلب اللي هو فيه وإن فيه مخلوقات غريبة على وجه الأرض عايشة معانا وإحنا مش حاسين يروح جاشنمال ده ..

يا راجل ده حاجه تعقد .. واحد صاحب قاللي مرة عليه وقولت أروح وكنت مستعد أدفع حتى لو عشرين دينار بحالهم في شوذ محترم .. والحمد لله إنصدمت من عالباب .. بمسك أول جازمة ولا مؤاخذة .. شكلها معقولة مش وحشة وأقلبها على ضهرها وياريتني ما قلبتها .. ألاقيلك مكتوب تكت السعر .. 250 دينار .. طبعاً صُعِقت وعينيا إحولت وطلعت من مكانها مترين قدام .. أقلب في الجازمة يمكن فيها دهب وأنا مش واخد بالي للأسف ما لقيتش .. قولت لأ أنا أخلع من المكان ده بسرعة وأنا لسه بصحتي ... ده كان في فرع الكويت

الفرع بئا اللي في المطار يا طويل العمر .. تلاقي لا مؤاخذه برضه شبشب .. مجرد شبشب ولا يفرق أي شيء عن أي شبشب وممكن نقول إنه شحاطه على رأي إخوانا السوريين .. ومفيش فيه شغل كثير علشان نئول بئا أصل الجلد متاخد لسه من نمر أفريقي لسه دابحينه من شوية مثلاً ولا أصل ماضي عليه نابليون مثلاً أيام الحملة الفرنسية .. تخيلوا ثمنه كام .. 180 دينار وإبئوا روحوا وشوفوا بنفسكم علشان تتعقدوا زيي .. وفيه شبشب جنبه 160 .. بس الحقيقة عندهم برضه حاجات سعرها معقول يعني لقيت شبشب هناك لقطة واقع في التنزيلات ب 115 دينار بس .. :yahoo:

لكن طبعاً ليك كل الشكر على الإفادة أخويا سمبا ..