المصريين المغتربين بالكويت

[Simba]

تخيلوا شحن البطانيه الواحده اكتر من تمنها اه والله دا حاجه صعبه جدا

يعنى بطانيه ب 10 دينار شحنها طلع ب12 دينار ههههههههههههههههههه لا فعلا نشتريها من مصر ارخص ههههههههههههه

بس ليه مشددين على البطاطين كده

المهم سيبكم من الموضوع ده وطمنونى عليكم فيك اخوانا الافاضل ليكم وحشه والله كبير

انا اعرف واحد بياخد البطانية ب 6 دينار وبتوصل بعد عشر ايام

انا ما اتعاملتش معاه ولا مرة لكن لي واحد صاحبي في الشغل بيتعامل معاه علي طول

لو عايزة اجيب لك رقمه

وطبعا بقولها لحضرتك تاني انا ما اتعملتش معاه خالص قبل كده

[pocy]

هلاهلاهلاهلا

اخيرا وقد ظهر اخينا المبجل الاستاذ تامر والشهير بطموووووووووووووووووووووووره

اخبارك ايه وكنت مختفي فين الفتره اللى فاتت دى اتمنى تكون بافضل حال

الاخ هيرووووووووووووووووووو اخبارك ايه واخبار رحله مصر ايه واخبار السعوديه والجو عندكم ايه نتمنى تكون بالف صحه وسلامه يارب

الاخ سيمبا ليه ظهورك هنا بقي قليل طبعا اعتقد اننا كلنا بنفخر بموضوعك هنا الكويت والنشاط بتاعك هناك بس كنا عايزينك هنا كما ن معانا تنورنا ونتناقش فى امورنا فى الكويت ولا انت شايف ايه؟؟؟؟؟؟؟؟؟؟

اخى الفاضل الاستاذ المحترم / استاذ حسن درويش فينك انت لسه مش مشيت مش بقيت تطل علينا لا بليزززززززززززززززز ارجع وطمنا عنك وعن الاسره الكريمه مره تانيه

قلب ابيض ازيك يا قمر طمنينى عنك ليه بس رجعوكى فى المطار تعالى احكيلنا ومنتظرين خبر مفرح ان شاء الله

أم مروان والله مش عارفه اشكرك ازاى على مكالمتك الرقيقه جدا وازاى فعلا انتى انسانه محترمه وعلى قدر عالى من الاخلاق وبجد ربنا يجمعنا فى يوم لا ظل الا ظله مبعوثين يدنا بيد بعض كأحبه فيه

[HDarwish]

اخى الفاضل الاستاذ المحترم / استاذ حسن درويش فينك انت لسه مش مشيت مش بقيت تطل علينا لا بليزززززززززززززززز ارجع وطمنا عنك وعن الاسره الكريمه مره تانيه

الأخت الفاضلة / بوسي .. شكراً لسؤالك عني .. أنا فعلاً لسه ما مشيت .. لازم أخلص النوتيس بيريود Notice Period .. وإلم شوية حاجات كده وأمشي بئا .. أتمنى التوفيق والخير للجميع

تحياتي

[pocy]

السلام عليكم ورحمه الله وبركاته

صباح الفل والورد والياسمين على عيون احلى محاوراتيه فى الكويت

اخباركم ايه وفينكم كده مش ظاهرين

انا قلت انى هلاقس مستر عمر دايما موجود هو وسيمبا بس واضح انكم مش فاضيين قوى

المهم اتمنى ليكم جميعا التوفيق والنجاح فى شتى مجالات الحياه

وربنا يوفقك يا استاذ حسن اللهم امين ويكرمك وينورلك طريقك ويحب الناس فيك يارب اللهم امين

[الغريب]

انا قلت انى هلاقس مستر عمر دايما موجود هو وسيمبا بس واضح انكم مش فاضيين قوى

واقف من الصبح على الباب ومستنيكي يأم عمر تييجي تفتحلنا بس أنت شكلك أتأخرتي النهاردة حبتين :lol: :wub: ،،

أنا عن نفسي مينفعش أدخل محاورات الكويت من غير أم عمر ماتدخل وتصبح على الجميع "طمنينا على عموور نقدر نققول أنه دخل الجامعة ولا لسه ؟ "

صباح جميل على الجميع ويارب ديما بخيير

[pocy]

الله يسمحك يا مستر عمر انا فتحت الصبح وسيقت المكان ورشيت ميه علشان الصبح يبقي بنسمع عليله كده

اما بالنسبه للاخ عمووووووووووووووووووره فهو والحمد لله كبر واتفطم والحمد لله ومنتظرين تتابعات الموقف ده علشان تبقي الاجازه بتاعه العيد الوطنى من غير ............ والحمد لله

اللهم امين يكون دايما بخير ان شاء الله على الجميع

[رجل مصر]

هلا بيك اخىى الفاضل رجل مصر

لو تراجعت شويه بالصفحات ستجد من رد علي اسئلتك

ولكن من واقع معرفتى ببعض اجواز جاراتى فهومحام يعمل دوامين وبيشتغل كان ب120 دينا وكان شغل متعب جدا والحين وصل مرتبه بعد اربع سنين الى 200 دينار بس فى محاميين استشاريين للشركان بسم الله ماشاء الله مرتبهم بيزيد عن 600 دينار بس طبعا دا محتاج خبره طويله فى الكويت وربنا يوفقك والله اعلم

واللى بقوله من واقع اللى شايفاه يمكن يكون صح ومكن يكون غلط وربنا يوفقك لما يحبه ويرضاه ان شاء الله

كل الشكر اخت بوسي علي الاجابه السريعه

بس يعني ايه دومين

وهل الشركات الخاصه اللي حضرتك بتقولي عليها

ازاي بيكون فرص العمل فيها ...

يعني مثلا هل ليها عنوان علي النت ...او ممكن ابعت ليها السيره الذاتيه

او حاجه اخيره

هل لو جيت الكويت بفيزا حره ..

هل من المتوقع يني اني الاقي شغل بسهوله ..وبعد اد ايه

اذا حصل ..فانا ليا واحد صديق في الكويت من حوالي 3 او4 سنوات ايضا

وممكن جدا انزل عليه الفتره الاولي لحين مالاقي عمل

ولكن انا خايف من ان الفتره تطول ..او اني ملاقيش بسهوله

بصراحه انا تعبت في مصر ..وحاسس اني لسه حتي ماعارف ابدا حياتي

ويمكن الظروف اللي تدفعني اني اسافر هي مشابهه كثيرا لما دفعت حضراتكم

لكن ايضا لااريد ان اتسرع ..او ان اكون متهورا في حاجه اندم عليها بعد ذلك ...

أخي الكريم نعم هناك فرص جيدة للمحامين بالكويتوحتى بالشركات ولكنها تحتاج خبرة بالكويت فوق ثلاث سنوات يعني لو عاوز تييجي بفيزا حرة تعمل حسابك أن في ثلاث سنوات على الأقل لازم تتعب فيهم وبمقابل ضعيف علشان تقدر بعد كدة تستفيد

الف شكر اخي الغريب علي استجابتك السريعه لسؤالي

ولو ممكن حضرتك تجاوبني بالتفصيل شويه علي السؤال الاخير الخاص بالفيزا الحره اللي سالته للاخت بوسي

هل لو جيت الكويت بفيزا حره ..

هل من المتوقع يني اني الاقي شغل بسهوله ..وبعد اد ايه

اذا حصل ..فانا ليا واحد صديق في الكويت من حوالي 3 او4 سنوات ايضا

وممكن جدا انزل عليه الفتره الاولي لحين مالاقي عمل

ولكن انا خايف من ان الفتره تطول ..او اني ملاقيش بسهوله

شكرا جزيلا اخوتي الكرام

ولكم وافر التقدير والاحترام

[الغريب]

السلام عليكم..

بعد أحلى صباح الخير لمحاورتية الكويت .. أيه أخبار التراب "طوز واجد اليوم" ربنا يستر ،، تقريبا كدة بدأنا عهد التقلبات الحقيقية في الجو، بس يارب تكون أجازة العيد الوطني جوها كويس علشان يكون مشجع

الف شكر اخي الغريب علي استجابتك السريعه لسؤالي

ولو ممكن حضرتك تجاوبني بالتفصيل شويه علي السؤال الاخير الخاص بالفيزا الحره اللي سالته للاخت بوسي

هل لو جيت الكويت بفيزا حره ..

هل من المتوقع يني اني الاقي شغل بسهوله ..وبعد اد ايه

اذا حصل ..فانا ليا واحد صديق في الكويت من حوالي 3 او4 سنوات ايضا

وممكن جدا انزل عليه الفتره الاولي لحين مالاقي عمل

ولكن انا خايف من ان الفتره تطول ..او اني ملاقيش بسهوله

شكرا جزيلا اخوتي الكرام

ولكم وافر التقدير والاحترام

الأخ الفاضل / رجل مصر ، أنا عن نفسي لا أرشح لأحد أن يأتي الكويت بفيزا حرة وبالأخص لو كان من أهل القاهرة أو الإسكندرية لأن نسبيا فرص العمل متاحة شئ ما هناك، أما بالنسبة لأخوانا في وجه بحري ووجه قبلي بالأخص ففرص العمل قليلة هناك مما يضطرهم للسفر إلى القاهرة للبحث عن فرصة عمل فبيقول غربة بغربة وآسافر الخليج بفيزا حرة أحسنلي..

هتييجي بفيزا حرة يبقى لازم تكون مستعد للتحمل (تحمل تكاليف الفيزا - تحمل تكاليف المعيشة لحين العثور على عمل - تحمل أي عمل ولو كان غير مناسب لحين العثور على عمل مناسب ) تكاليف الفيزا والمعيشة أمر حتمي ولكن سنوات التحمل بالنسبة لموضوع العمل هتكون قد أيه؟ الله أعلم تختلف من شخص لآخر ممكن شهر وممكن شهور وممكن سنين..

أرجو منك قبل توجيه أي إستفسار آخر أن تقوم بمراجعة صفحات موضوع " المصريين اللى فى الكويت عاوزين نتعرف بعض" وموضوع "هنا الكويت" زي ما قالت الأخت بوسي لأن فيهم أسئلة مشابهة كتييرة وهتلاقي إستفاضة في الردود ، وبعد كدة أرجعلنا تاني وجه لنا ما شئت من استفسار واحنا تحت أمرك، ويعلم الله أني أنصحك كما أنصح نفسي تمام وأرجو لك الخير .. تحياتي :sad:

[pocy]

كل الشكر اخت بوسي علي الاجابه السريعه العفو على ايه لم افعل شيئا حتى الان

بس يعني ايه دومين دوامين بمعنى شفتين يعنى تروح الصبح من 9 :1 صباحا ومن 4: 9 مساءا

وهل الشركات الخاصه اللي حضرتك بتقولي عليها

ازاي بيكون فرص العمل فيها ...

يعني مثلا هل ليها عنوان علي النت ...او ممكن ابعت ليها السيره الذاتيه

او حاجه اخيره

والله انت ممكن تبص فى الوسيط بتاع الكويت اللى على النت ويمكن ربنا يوفقك وتلاقي حاجه كويسه

وده اللنك بتاعه

http://ww2.ewaseet.com/classifieds.php?dos...p;COUNTRY_ID=KW

وربنا يوفقك ان شاء الله

هل لو جيت الكويت بفيزا حره .. انا لا احبذ انك تيجي تدور على شغل بفيزا حره هى طبعا فى الاول وفى الاخر أرزاق ودى وجهه نظرى الشخصيه ليه بقي لان فى ناس بتلاقي شغل بعد اربع ايام وفى ناس بتلاقي شغل بعد شهر وفى بعد شهور وفى بعد سنه وخلال الفترات دى بتبقي حالتهم النفسيه وحشه جدا لدرجه ان فى ناس مؤهلات (فى واحد خريج هندسه جه واشتغل فى الفاعل )بتشتغل شغلانات اقل من مؤهلاتهم بكتير وبيضطروا انهم يشتغلوا علشان يرجعوا على الاقل تمن الفيزا والسكن والمواصلات وما الى ذلك وقبل كل ده بيبقي النفسيه زفت بصراحه

هل من المتوقع يني اني الاقي شغل بسهوله ..وبعد اد ايه والله زى ما قلت الرزق ده من عند ربنا سبحانه وتعالى وربنا هو الرزاق

اذا حصل ..فانا ليا واحد صديق في الكويت من حوالي 3 او4 سنوات ايضا لا تعتمد على احد فى الغربه فانت لا تعرف ظروفه وهل فعلا سيطتيع المساعده ام لا فالغربه الناس بتختلف والله الموفق ان شاء الله

وممكن جدا انزل عليه الفتره الاولي لحين مالاقي عمل زى ما قلت لا تعتمد على ذلك فاوقات الاخ لا يتحمل اخوه فما بالك ؟؟؟؟؟؟؟؟؟؟؟؟؟؟؟؟؟؟؟ وطبعا الناس بتختلف زى ما قلت

ولكن انا خايف من ان الفتره تطول ..او اني ملاقيش بسهوله

بصراحه انا تعبت في مصر ..وحاسس اني لسه حتي ماعارف ابدا حياتي

ويمكن الظروف اللي تدفعني اني اسافر هي مشابهه كثيرا لما دفعت حضراتكم

لكن ايضا لااريد ان اتسرع ..او ان اكون متهورا في حاجه اندم عليها بعد ذلك ...

اخى الفاضل كلنا تعبنا من مصر بس يمكن مصر فيها امل عن هنا فى بعض الاحيان واتمنى لك الخير من كل قلبي والله الموفق ان شاء الله

اخى الفاضل خد قرارك ولكن دون تسرع حتى لا تكون المغامره كبيره والمبلغ الذي ستسافر بيه ليس هين لذا فكر جيدا قبل ان تضع رجلك فى هذه البلد فالوعود كثيره ولكن........................

الله هو الموفق

[pocy]

اولا مساء الخير

انا مش عارفه بصراحه اللى مصحينى ومش مخلينى جايلي نوم

المهم استاذي رجل مصر

انا اسفه جدا لانى حسيت ان كلامى زى الدبش بس صدقنى فيه منه حاجات واقعيه علشان كده بقولك مش تتسرع ودى ارزاق ويمكن سبحان الله تيجي وربنا يرزقك تانى يوم ما تيجي

بس صعب اقولك امال عريضه وان الدنيا هنا وردى وفى الاخر تاخد على دماغك فهمت قصدى انا حبيت بس اوضحلك الصوره ومره تانيه

وافضل شئ تعمله هو انك تدور على شغل بره مصر بس وانت جوه مصر علشان تبقي ضامن انك مش هتتغرب الا على حاجه كويسه

وربنا يوفقك

[رجل مصر]

اولا مساء الخير

انا مش عارفه بصراحه اللى مصحينى ومش مخلينى جايلي نوم

المهم استاذي رجل مصر

انا اسفه جدا لانى حسيت ان كلامى زى الدبش بس صدقنى فيه منه حاجات واقعيه علشان كده بقولك مش تتسرع ودى ارزاق ويمكن سبحان الله تيجي وربنا يرزقك تانى يوم ما تيجي

بس صعب اقولك امال عريضه وان الدنيا هنا وردى وفى الاخر تاخد على دماغك فهمت قصدى انا حبيت بس اوضحلك الصوره ومره تانيه

وافضل شئ تعمله هو انك تدور على شغل بره مصر بس وانت جوه مصر علشان تبقي ضامن انك مش هتتغرب الا على حاجه كويسه

وربنا يوفقك

ابدا اخت بوسي

:D

بالعكس والله

انا بحب جدا الكلام الواقعي حتي وان كان صعبا

شكرا ليكي جدا جدا

ممكن طلب اخير

ممكن رابط الجامعات والمعاهد في الكويت

:rolleyes:

[الغريب]

السلام عليكم

كيف أحوالكم يمحاوراتية الكويت أرجو أن تكونو جميعا بخير

الحمدلله بكرة هتبدأ أجازة العيد الوطني وعيد التحرير والمولد النبوي ..كل عام وأنت بخير

كان نفسي أسافر أعمل عمرة في الأجازة الحلوة دي بس الحمدلله قدر الله وماشاء فعل الحجز خلال يومين كان كومبليت، تتعوض قريبا إن شاء الله

تمنياتي بأجازة سعيدة للجميع :rolleyes: :D :wub:

[pocy]

اولا مساء الخير

انا مش عارفه بصراحه اللى مصحينى ومش مخلينى جايلي نوم

المهم استاذي رجل مصر

انا اسفه جدا لانى حسيت ان كلامى زى الدبش بس صدقنى فيه منه حاجات واقعيه علشان كده بقولك مش تتسرع ودى ارزاق ويمكن سبحان الله تيجي وربنا يرزقك تانى يوم ما تيجي

بس صعب اقولك امال عريضه وان الدنيا هنا وردى وفى الاخر تاخد على دماغك فهمت قصدى انا حبيت بس اوضحلك الصوره ومره تانيه

وافضل شئ تعمله هو انك تدور على شغل بره مصر بس وانت جوه مصر علشان تبقي ضامن انك مش هتتغرب الا على حاجه كويسه

وربنا يوفقك

ابدا اخت بوسي

:D

بالعكس والله

انا بحب جدا الكلام الواقعي حتي وان كان صعبا

شكرا ليكي جدا جدا

ممكن طلب اخير

ممكن رابط الجامعات والمعاهد في الكويت

:rolleyes:

بالنسبه لطلبك لرابط الجامعات والمعاهد فى الكويت

فهو كالاتى :-

http://www.q8links.com/site/main/category/12

اما عن ارقام التليفونات فى جامعه الكويت فهى كالاتالى

http://www.halaq8.com/vb/showthread.php?t=4742

وربنا يوفقك قول امين

[pocy]

السلام عليكم

كيف أحوالكم يمحاوراتية الكويت أرجو أن تكونو جميعا بخير

الحمدلله بكرة هتبدأ أجازة العيد الوطني وعيد التحرير والمولد النبوي ..كل عام وأنت بخير

كان نفسي أسافر أعمل عمرة في الأجازة الحلوة دي بس الحمدلله قدر الله وماشاء فعل الحجز خلال يومين كان كومبليت، تتعوض قريبا إن شاء الله

تمنياتي بأجازة سعيدة للجميع :rolleyes: :D :wub:

وعليكم السلام ورحمه الله وبركاته

انا واحده من المحاوراتيه وبقول انى الحمد لله بخير وعمورى المحاوراتى الصغنون بيقولك انه الحمد لله بخير

بكره ان شاء الله اجازه العيد الوطنى والتحرير والمولد النبوي بس يارب الجو يبقي كويس علشان نعرف نخرج ونتفسح بس نقول ايه فى الطوز اللى بره ده غير الحمد لله

انا جيرانى مسافرين عمره ودى اول عمره من بعد الحج فعلا وربنا يوديهم ويجبهم بالسلامه يارب اللهم امين ويتقبل منهم اللهم امين

عقبالي تانى وتالت يارب يارب اللهم امين

اللهم لا تحرمنى من الصلاه فى الحرم ابدا يارب العالمين اللهم ااكتبلي حج هذا العام يارب اللهم امين

[om marawan]

ياااااارب اللهم ااامين يرزقك دايما ويرزقنا بالحج والعمرة مرات ومرات لان بجد انا ماعرفتش يعنى ايه الشوق لزيارة الأماكن المقدسة غير لما حسيته فعلا

احساس لا يوصف

كان نفسى جدا نروح فى اجازة العيد الوطنى لكن لله الامر من قبل ومن بعد مافيش نصيب مع ان صورة الحرم النبوى الشريف قدام عينى طول الايام اللى فاتت

ربنا يرجع جيرانك بالسلامة يابوسى ويسترها عليهم فى الطريق لو رايحين بالبر

مستر عمر شكرا على التهنئة وكل سنة وحضرتك طيب ويارب اجازة سعيدة لحضرتك ولكل محاوراتية الكويت

[الغريب]

السلام عليكم يامحاوراتية الكويت

النهاردة في أول أيام الأجازة الحلوة دي جاتلي خاطرة حلوة نفسي أعرف رأيكم فيها

الخاطرة عن تفعيل دوور المصريين المغتربين في الكويت في الإرتقاء بمجتمعهم الأصلي بمصر بمعني يكون فيه جهة ما تتولى تنظيم أنشطة معينة الأنشطة دي تفيد بلدنا مصر زي مثلا أن ممكن عشرة دينار من راتبك تتحول لأسرة فقيرة بمصر تعيش عليها وتبقى أنت من هنا بتكفل أسرة في مصر وبحاجة بسيطة مش هتأثر على الراتب يعني وهكذا ممكن تتحول لجواز الشباب يعني الاحتياجات في مصر كثيرة

وعلى فكرة الموضوع سهل جدا كل اللي فيها أن الجهة اللي زي دي بتخليك تمضي على نموزج من البنك أنك بتوافق بالتحويل ده وممكن الجهة دي كمات تعرفك على المستفيد من نشاطك ده في مصر...

بس برجع وبقوول أن المواضيع دي بتكون محتاجة جهة تمتلك آلية التوصل للمصرين بالكويت زي السفارة، وانتو طبعا عارفين أن السفارة في المغارة rs:

[herohero]

السلام عليكم يامحاوراتية الكويت

النهاردة في أول أيام الأجازة الحلوة دي جاتلي خاطرة حلوة نفسي أعرف رأيكم فيها

الخاطرة عن تفعيل دوور المصريين المغتربين في الكويت في الإرتقاء بمجتمعهم الأصلي بمصر بمعني يكون فيه جهة ما تتولى تنظيم أنشطة معينة الأنشطة دي تفيد بلدنا مصر زي مثلا أن ممكن عشرة دينار من راتبك تتحول لأسرة فقيرة بمصر تعيش عليها وتبقى أنت من هنا بتكفل أسرة في مصر وبحاجة بسيطة مش هتأثر على الراتب يعني وهكذا ممكن تتحول لجواز الشباب يعني الاحتياجات في مصر كثيرة

وعلى فكرة الموضوع سهل جدا كل اللي فيها أن الجهة اللي زي دي بتخليك تمضي على نموزج من البنك أنك بتوافق بالتحويل ده وممكن الجهة دي كمات تعرفك على المستفيد من نشاطك ده في مصر...

بس برجع وبقوول أن المواضيع دي بتكون محتاجة جهة تمتلك آلية التوصل للمصرين بالكويت زي السفارة، وانتو طبعا عارفين أن السفارة في المغارة rs:

ايد بذلك بشده واتمنى ان كل سفاراتنا ف الخارج تفرض ده على كل المغتربين وليكن مثلا بعد سنتين عشان محدش يكون له حجه واتمنى بجد يكون هناك وزير للمغتربين وي لبنان يعني ع الاقل تحس انك بتقدر تفيد البلد ماديا وبافكار يمكن تنفعهم بس هل من مجيب اشك

لان مع احترامي ناس زي الفل حاولت ولقت كل تكسير وتثبيط للهمم

[قلب ابيض]

كيفكم شباب 00وحشتونى كلكم

سمبا

بوسى

ام مروان

حسن ابوعلى

ام نور 2

كوووووووول احبائى بالكويت

طبعا الكل لازال فى اجازه 00ياترى عملتوا فيها ايه؟ ورحتوا فين؟

فى الجو الغرييييييب ده

امنياتى ببقيه اجازه سعيده ان شاء الله

انا عن نفسى مأجزه احلى اجااااااازه

[om marawan]

ايه ده ؟؟

ده انا اسمى مكتووووووب وام نور حبيبتى بتسأل علينا

ايوه كده نورى الموضوع وحشتينى ( هههههههه انا أوحش )

الاجازة فعلا الحمد لله كانت حلوة

أول يوم رحت لاول مرة الجزيرة الخضرا والولاد اتبسطوا جداا وقعدنا على الكراسى اللى ف الرملة ولعبوا بالالعاب و شوية ومشينا رحنا على ايكيا كان عامل برضه حركات للاطفال و لعب وكده

تانى يوم بقا راحة

وتالت يوم

راحة طبعا :lol:

لاء بجد خرجنا شوية بس مش كتير لان اول يوم الوقفة فى الدائرى الخامس كانت مش ممكن وروحنا فى ييجى ساعتين وزيادة

وعدينا كمان على ستر بوينت كنا عاوزين نشترى حاجات

( عامل 25% على اى حاجة عنده بما فيه هوم سنتر ) الخصم ده بجد حلو لانه على كل حاجة بما فيها الكوليكشن الجديدة

وبس كده بس بوسى اللى ياعينى قضت الاجزة مع عمورى عشان عيان :sad:

يارب يشفيه ويحفظه من كل سوء

[om marawan]

جاءنا الان البيان التالى

فرحة كبييييييييييرة كبييييييييرة يامحاوراتية الكويت فى قلب حبيبة الكل قلب أبيض

بخطوبة بنوتتها الحلوة والزغاريط مالية المنتدى ياجماعة

الشربات جااااااااى حالا

ألف مبرووك ويارب يحفظهم ويحرسهم من عيوننا وعيون الناس كلها