المصريين المغتربين بالكويت

[MoHaMMeD EgYpT]

السلام عليكم

معلش يا جماعه انا مشغول عنكم بكنترول الثانوية العامة ان شاء الله اخلص ونحكي مع بعض كتير

بس هبقى اكتب من مصر ان شاء الله علشان مسافر بعد الكنترول بإذن الله

واشكر كل الاصدقاء اللي سألوا عني

هو حضرتك مدرس فين احسن تكون احد مدرسيني و انا مش عارف :blush2:

[pocy]

هلا هلا ايوه كده احيو الموضوع

لا شكر الا على واجب وكنت اتمنى افيدك يا قمر والله

اهه طلع فى ناس من بلدياتك اهه يالا لتكونوا قرايب ومش تعرفوا هههههههههههههههه

ابه لايكون استاذ تامر استاذك وانت متعرفش ابقي بلغ عنه وانت ابقي طمنا عليه يا استاذ تامر

[mohamedabdallah]

السلام عليكم

الاخوه المصريين بالكويت.معلش سؤال .سمعت ان مدينه حفر الباطن بالسعوديه قريبه جدا من الكويت وان الناس اللي في الكويت بيروحوا يتسوقوا منها

وبما ان جاي لزوجي عرض عمل هناك.ومش عارف اساْل مين عنها.فقلت اقرب مكان ليها هو الكوبت وحبيت اعرف اخبار حفر الباطن ايه كسكن ومعبشه وترفيه ومدارس.

كمان لو حد عنده اي معلومه عن مستوصف نور خان فيها او عن صاحب المستوصف ممكن يدلني وربنا يجازيه خير

وشكرا

ممكن الموقع ده يفيد حضرتك عن مدينه حفر الباطن

http://hafralbatin.com/new/

[pocy]

بصراحه الموقع شكله جميع بس في شويه غلطات بالبنر بس بصراحه حلو

[تامر مصطفى]

هو حضرتك مدرس فين احسن تكون احد مدرسيني و انا مش عارف :rolleyes:

اهلا محمد

انا مدرستي في الرميثية مدرسة ابو تمام المتوسطة للبنين

وعموما اتشرف لو كنت درستك قبل كده

واهلا بكل الحبايب اللي منورين الموضوع

واحب اضيف معلومة للأخت روشة وهي ان مدينة حفر الباطن تبعد عن حدود الكويت 96 كيلو متر ولكن ظروف المعيشة فيها ممكن يفيدك فيها حد من السعودية اكتر بس بشكل عام السكن ارخص بمراحل وكذلك الأكل والشرب والمعيشة .

[rewsha]

السلام عليكم

الاخوه المصريين بالكويت.معلش سؤال .سمعت ان مدينه حفر الباطن بالسعوديه قريبه جدا من الكويت وان الناس اللي في الكويت بيروحوا يتسوقوا منها

وبما ان جاي لزوجي عرض عمل هناك.ومش عارف اساْل مين عنها.فقلت اقرب مكان ليها هو الكوبت وحبيت اعرف اخبار حفر الباطن ايه كسكن ومعبشه وترفيه ومدارس.

كمان لو حد عنده اي معلومه عن مستوصف نور خان فيها او عن صاحب المستوصف ممكن يدلني وربنا يجازيه خير

وشكرا

ممكن الموقع ده يفيد حضرتك عن مدينه حفر الباطن

http://hafralbatin.com/new/

شكرا جزيلا الاستاذ محمد عبد الله

[HDarwish]

وسبحان الله خلال 10 شهور كان هو وواحد صديقه بيموله كان مخلص الجهاز من كل النواحى ولما سمع ان فى مناقصه فى جامعه المنصوره راح بسرعه ودفع التامين

مدام بوسي

إوعي تكون من المنصورة .. إلا نكون بلديات

lol brth)

هو حضرتك من المنصورة ؟؟

:sad: :wub: :trumpet:

احنا بلديات يا زمل brth)

أهلا يا محمد أتشرف إن نكون بلديات ..

وعلى فكرة المحاورات فيها كثير قوي من المنصورة

تحياتي

[pocy]

هلا هلا اخوانى وصباح الخير عليكم جميعا كيفييكم وكيف الاولاد

ام نور وام مروان كيفيكم ووينكم

والاخوان الشباب وينكم

[pocy]

هلا هلا اخوانى انا حطيت موضوع بره لي اللى يعرف شئ على الموضوع ده ياريت يرد على او يراسلنى على بريدى بعد قرأته للموضوع http://www.egyptiantalks.org/invb/?showtopic=81115 على فكره هذا بريدى الالكترونى pocy2010@hotmail.com مع العلم انى لا اضيف احد على الماسينجر حتى اذا طلب فياريت لو تراسلونى على الايميل وليس الماسينجر

[pocy]

وينكم ما بتدخلوا علشان الامتحانات ولا علشان شنوووووووووووووووووووووووووووووووووو

[pocy]

هلا اخوانى والله لقيت وظيفه مديره او سكرتيره تنفيذيه انا كان سبق واشتغلت كده فتره حملى المهم ميزيتها انهم 8 ساعات الصبح بالليل العصر المهم انى اكمل 8 ساعات بس انا لسه مش اتحدد المقابله بس عايزين يدونى 250 دينار بس انا شايفه ان مديره تنفيذيه بتاخد اكتر من كده ايه رأيكم فى من 350 : 400 ؟؟؟؟؟؟؟؟؟؟؟؟؟؟؟؟؟؟؟

[pocy]

اذا كان المرور حدد انهم مش هيدوا الرخصه الا لو كان مدير وبياخد 400 دينار على الاقل وده إذن العمل بتاعه ولا انتم ايه رأيكم يا شباب لاحظوا ان الشغل في حولى وانا فى الجهراء فلازم اعمل حساب المواصلات والمربيه والحركات دى فى تحديد الراتب وان كان المرتب مو مغري مسيبش ابنى افضلي انى اقعد معاه واربيه كويس وخصوصا انه صغنون ومحتاجنى بس لو الراتب مغري ممكن افكر واجيبله واحده مؤتمنه تقعد معاه وتاخد بالها منه ولا ايه رأيكم

[pocy]

هو ليه دايما حاسه انى بحكى مع حالى وفين وفين لما حد يدخل انا كنت معتقده تفاعل اكتر من كده

[تامر مصطفى]

معلش ممكن سؤال؟

هو حضرتك مصرية؟؟؟؟؟؟

اذا كنتي مصرية فأكيد الكتابة باللهجة المصرية هتكون اجمل واريح لينا في القراءة.

اسف على التعليق لو كان ضايقك

[pocy]

ازيك يا استاذ تامر معلش على اللهجه بس اتعودت لان في ناس كتير كويته بيكلمونى ومن كتر الكلام لقطت منهم بس انا اكيد مصريه طبعا

[ahmedkamal]

ازيك يا استاذ تامر معلش على اللهجه بس اتعودت لان في ناس كتير كويته بيكلمونى ومن كتر الكلام لقطت منهم بس انا اكيد مصريه طبعا

سيدتي الكوايته والسعوديين عارفين لهجتنا فماتخافيش هيفهموكي ، فمش فارقه معاهم ولهجتنا حلوة

فكرتيني باسم الصرصار بالكويتي انا اسف مش مكانه بس لان من زمان وانا معجب باسمه

[pocy]

امبارح كنت فى الكترونات الغانم اللى فى الجهرا وكانت زحمه بشكل غير طبيعي مع ان فى حاجات اسعارها مبالغ فيها واللى منتشر قوى واسعاره معقوله ونسه وبصراحه انا مش بعتبرها ماركه محدش جابها الا واشتكي منها انا كنت رايحه اشتري قلايه بالكهربا ومش لقيت بروان فجبت فيلبس وخلاص بس ايه سر الزحمه دى انا مفيش مره فيها رحت الغانم وكان فى زحمه كده داحنا فضلنا قدام الكاشير بس ساع علشان ندفع ونستلم

[pocy]

شباب قال صحيح انى ممكن اشحن لمصر اى اجهزه ولما توصل مصر بتتجمرك طبعا لو حد يعرف حاجه عن الموضوع ده ياريت يقلي ؟؟؟؟؟؟؟؟؟؟؟؟

وبالنسبه لموضوع الجمارك فى مصر مش ناويين يغيروها بقي الواحد علشان يجيب عريه هنا وينزلها مصر يدفع تمن العربيه وزياده عليه جمارك الله يسامحهم

وايه رأيكم فى العربيه الستروين انا اجبانى قوى صغيره ومحندقه بفكر اجيبهالى لما ان شاء الله ربنا يكرمنى بشغل ومش عارفه اجيبها جديده ولا مستعمله انتم رأيكم ايه فى الستروين هنا فى الكويت ؟؟؟؟؟؟؟؟؟؟؟؟؟؟؟؟

[تامر مصطفى]

الاخت pocy

في مكاتب كتير للشحن من الباب للباب وبسعر نصف دينار للكيلو ولكن الاجهزة الكهربائية والبطانيات بيكون لها حساب غير .

طبعا هتستغربي ليه البطانيات لها حساب تاني ده بسبب ان اصحاب المكاتب عندهم اعتقاد ان كل اللي بيبعت بطانية هيبيعها في مصر ويكسب فيها كتير وطبعا زي العادة المصرية انهم بيعتبروا انهم ليهم نصيب في البيعه ولازم يستفيد ما دام انتي هتستفيدي .

والمكاتب دي بتبقى عارفة تفاصيل الجمارك لكل الأجهزة بس لو انتي اخدتي الجهاز معاكي ممكن تفاصلي في الجمارك وتعملي غلبانه ويقولك 500 تقولي معاييش غير 150 وبكده تدفعي اقل.

وبالنسبة لرأيي في السيارة الستروين فهي ممتازة بس في مصر مش هنا لأنها هنا ملهاش قطع غيار في الاسواق غير في الوكاله وطبعا غالية ناااااار وثانيا سعر السيارة الستروين بينزل بمعدل 50 % سنويا اذا مكانش اكتر يعني هتشتريها ب 3000 وهتبيعيها ب 300 بعد سنه ونص.

وانا ليا رأي في شراء سيارة وجمركتها في مصر

وهو ان اللي عايش في الكويت ويشتري سيارة ويدفع عليها دم قلبه ويستعملها شهر في السنه يبقى حرام عليه وطبعا هيكون مضطر انه يسيب السيارة اما في جراج وتكون معرضة للتلف من قلة الاستعمال او يسيبها لحد من قرايبه يبهدلها ويطلع عينها باعتبار ان مال غيره مش فارق معاه .

وعايز اقولك على حاجة :

كل ما هلاقيكي كاتبه باللهجه المصرية هرد عليكي .

[ahmedkamal]

الاخت pocy

في مكاتب كتير للشحن من الباب للباب وبسعر نصف دينار للكيلو ولكن الاجهزة الكهربائية والبطانيات بيكون لها حساب غير .

طبعا هتستغربي ليه البطانيات لها حساب تاني ده بسبب ان اصحاب المكاتب عندهم اعتقاد ان كل اللي بيبعت بطانية هيبيعها في مصر ويكسب فيها كتير وطبعا زي العادة المصرية انهم بيعتبروا انهم ليهم نصيب في البيعه ولازم يستفيد ما دام انتي هتستفيدي .

والمكاتب دي بتبقى عارفة تفاصيل الجمارك لكل الأجهزة بس لو انتي اخدتي الجهاز معاكي ممكن تفاصلي في الجمارك وتعملي غلبانه ويقولك 500 تقولي معاييش غير 150 وبكده تدفعي اقل.

وبالنسبة لرأيي في السيارة الستروين فهي ممتازة بس في مصر مش هنا لأنها هنا ملهاش قطع غيار في الاسواق غير في الوكاله وطبعا غالية ناااااار وثانيا سعر السيارة الستروين بينزل بمعدل 50 % سنويا اذا مكانش اكتر يعني هتشتريها ب 3000 وهتبيعيها ب 300 بعد سنه ونص.

وانا ليا رأي في شراء سيارة وجمركتها في مصر

وهو ان اللي عايش في الكويت ويشتري سيارة ويدفع عليها دم قلبه ويستعملها شهر في السنه يبقى حرام عليه وطبعا هيكون مضطر انه يسيب السيارة اما في جراج وتكون معرضة للتلف من قلة الاستعمال او يسيبها لحد من قرايبه يبهدلها ويطلع عينها باعتبار ان مال غيره مش فارق معاه .

وعايز اقولك على حاجة :

كل ما هلاقيكي كاتبه باللهجه المصرية هرد عليكي .

تحيا اللهجه المصريه وياريت محدش يقول كلمه مش مصري لان لهجتنا جميله والكل فاهمها ف الكويت او فاي دلوة خليجيه