المصريين المغتربين بالكويت

[الغريب]

السلام عليكم

ياريت حد يفيدنى

انا جايلى عقد مع وزارة التربية والتعليم

على 370

المشكلة انى هحتاج اجيب بابا وماما واختى لان مالهومش حد غيرى

بس مش عارفة ظروف المعيشة ايه هناك ولا تكاليف السكن ولا تكاليف الزيارة او الاستقدام وانهى افضل فيهم وياترى اختى مسموح ليها تيجى ولا لا وينفع الثلاثة ييجوا مرة واحده ولا لازم واحد واحد

وايه اشهر المناطق اللى بيتم توزيع مدرسات الانجليزى المصريات فيها والسكن مع المدرسات بيكون ازاى واذا حبيت اخد سكن لوحدى لازم اهلى ييجوا الاول ولا عادى ملهمش دعوة بينا وفى حالة سكنى على حسابى هيكون ليه بدل سكن وبدل تاسيس ولا لا

ياريت تفيدونى

وجزاكم الله خيرا

وعليكم السلام

أختي الكريمة ، دائما أتذكر المقولة الكريمة "المستشار مؤتمن" عندما أرد على إستفسارات ولهذا أنا أنصحك كما أنصح نفسي..

سيمبا وضح لحضرتك الصعوبات الإجرائية والمادية والتعليمية لإحضار الأهل إلى هنا..

وبناء عليه دعيني أطرق ناحية أخرى وهي مجيئك بمفردك ومن وجهة نظري (بخلاف وجهة النظر الشرعية) له عدة صعوبات /

1-البعد عن الأهل وهو ما سيترك في نفسك أثر قوي جدا يكون على المرأة أكثر من الرجل.

2-الأثر النفسي على الأهل أنهم سيفقدوا أحد أركان الأسرة الصغيرة.

3-إذا كنتي هنا بمفردك بعيدا عن أهلك فتأكدى أن كل يوم يمر من عمرك هو خسارة كبيرة لكي حتى ولو كان بمقابله أموال كثيرة.

4-ربما تسول لكي نفسك أنك تتعبي شويتين علشان الأهل يكونوا مبسوطين وأنتي كمان ترجعي بعد كدة وتبقى مبسوطة وهو مبدأ تأكد فشله من التجارب السابقة.

5-ستفتقدي الحضن والأهل والبلد وهي معاني ليست درامية ولا يستوعبها إلا المغتربون وهو أمر على النساء أصعب من الرجال.

بعد كل هذا أنا لا أختلف أن المقابل المادي أكثر من رائع مقارنة بالوضع في مصر ولكن تأكدي أنه للحصول على هذا المقابل ستفقدي المزيد.

الأمر الوحيد الذي تستطيعي التمسك به هو إحضار والدك فقط (إن كان يستطيع العمل) حتى يعثر على عمل هنا ثم تقوموا بإحضار باقي الأسرة بعد ذلك، ده في رأيي أسلم الحلول..

تحياتي :lol: وحاضرين لأي استفسار آخر

[Simba]

مبروك لية أنا ...

خلاص اشتريت التذكرة ... طبعا مش تذكرة صبح صبح يا عم الحاج

التذكرة علي المصرية في شهر ستة بمية وستة

حلوة القافية وماشية

اشتريتها من الفروانية عقر دار الماما قلب أبيض علشان التذكرة تحل عليها البركة والحمدلله حلت عليها فعلا وسعرها يعتبر معقول جدا في بداية موسم الصيف

[herohero]

مبروك لية أنا ...

خلاص اشتريت التذكرة ... طبعا مش تذكرة صبح صبح يا عم الحاج

التذكرة علي المصرية في شهر ستة بمية وستة

حلوة القافية وماشية

اشتريتها من الفروانية عقر دار الماما قلب أبيض علشان التذكرة تحل عليها البركة والحمدلله حلت عليها فعلا وسعرها يعتبر معقول جدا في بداية موسم الصيف

اجازة سعيده ان شاء الله وهتعجب بصاله 3 مادام مصر الطيران هتنزل عليها بجد شيئ جميل

[Simba]

اجازة سعيده ان شاء الله وهتعجب بصاله 3 مادام مصر الطيران هتنزل عليها بجد شيئ جميل

ربنا يخليك يارب

انا عمري ما اخدت بالي انا بنزل علي اي صالة انا بفضل ماشي ورا الناس ولا كأني في في مترو الانفاق لحد ما نوصل لظابط الجوازات وبعد كده الشنط

اللي اعرفه ان المصرية علي المطار القديم وده اخر عهدي بيها من 3 سنين تقريبا

[الغريب]

مبروك لية أنا ...

خلاص اشتريت التذكرة ... طبعا مش تذكرة صبح صبح يا عم الحاج

التذكرة علي المصرية في شهر ستة بمية وستة

حلوة القافية وماشية

اشتريتها من الفروانية عقر دار الماما قلب أبيض علشان التذكرة تحل عليها البركة والحمدلله حلت عليها فعلا وسعرها يعتبر معقول جدا في بداية موسم الصيف

أجازة سعيدة يا سيمبا ان شاء الله

أنا كنت ناوي على أول مايو

بس قررت أأخرها لأغسطس علشان وحشني أوي رمضان في مصر

كل سنة وأنتم طيبين

[قلب ابيض]

مبروك لية أنا ...

خلاص اشتريت التذكرة ... طبعا مش تذكرة صبح صبح يا عم الحاج

التذكرة علي المصرية في شهر ستة بمية وستة

حلوة القافية وماشية

اشتريتها من الفروانية عقر دار الماما قلب أبيض علشان التذكرة تحل عليها البركة والحمدلله حلت عليها فعلا وسعرها يعتبر معقول جدا في بداية موسم الصيف

الف مبرووووك يا سمبا وعقبال تذكره الحج ان شاء الله

على فكره فعلا مطار 3 فى منتهى الجمال بس مشوااااااااااااااااررمشى من باب الطياره لحد الجوازات

توصل بالسلامه ان شاء الله يارب

مين قال ان الفروانيه عقر دارى؟؟؟؟اوشاعات مغرضه والله :rolleyes:

[herohero]

مبروك لية أنا ...

خلاص اشتريت التذكرة ... طبعا مش تذكرة صبح صبح يا عم الحاج

التذكرة علي المصرية في شهر ستة بمية وستة

حلوة القافية وماشية

اشتريتها من الفروانية عقر دار الماما قلب أبيض علشان التذكرة تحل عليها البركة والحمدلله حلت عليها فعلا وسعرها يعتبر معقول جدا في بداية موسم الصيف

على فكره فعلا مطار 3 فى منتهى الجمال بس مشوااااااااااااااااررمشى من باب الطياره لحد الجوازات

امال فين الرياضه والماراثوانات يافندم عندك كم سير تستخدميهم يعني برده بيوفر المشوار وع فكرة مطار دبي نفس المشكلة

بس مهما كان ارحم من موضوع انك تنزلي وتشلي شنطك وتركبي الاتوبيس زي ماموجود ف المطار التاني

وفيه سوق حره جميلة ومطاعم وعيشه حلوة

[Simba]

الف مبرووووك يا سمبا وعقبال تذكره الحج ان شاء الله

على فكره فعلا مطار 3 فى منتهى الجمال بس مشوااااااااااااااااررمشى من باب الطياره لحد الجوازات

توصل بالسلامه ان شاء الله يارب

مين قال ان الفروانيه عقر دارى؟؟؟؟اوشاعات مغرضه والله

تسلمي

الله يخليكي يارب

خلاص نسيبنا من الاشاعة

السيجار ده نوعه ايه بقي

[Simba]

أجازة سعيدة يا سيمبا ان شاء الله

أنا كنت ناوي على أول مايو

بس قررت أأخرها لأغسطس علشان وحشني أوي رمضان في مصر

كل سنة وأنتم طيبين

وانت اسعد يارب

ان شاء الله تكون في رمضان اللي جاي في مصر

[Simba]

النهاردة رجعت من الشغل الساعة 2 وعندي بكرة اجازة وبعده اجازة ويوم الاتنين هشتغل بعد الضهر

اكتر من 90 ساعة فراغ وملل ... ربنا يعديهم علي خير

[مصطفى محمد]

السلام عليكم

انا دى اول مشاركة ليا على المنتدى وانا سعيد جدا بهذا المنتدى لان بصراحة استفدت منة كتير وبشكر الاخوة المشرفين على تعبهم على الرد على الاستفسارات

انا ان شاء الله هسافر الكويت وكان ليا كدة كذا اسفسار اذا سمحتوا وهو ان ان شاء الله هنزل الكويت باسم شركة كوتية والشركة هى اللى هتطلع ليا الفيزا.وولدى شغال فى الشركة دى بس انا سألتة على العقد قالى لاء مافيش عقد انا هبعتلك الفيزا بس وبعدين تروح تكشف وبعد كدة احجز ان شاء الله والسؤال هو

انا كنت مطلع الجواز بتاعى والمهنة مكتوبة فية ليسانس حقوق فهل دة ممكن يطلبوا تغير المهنة عشان الفيزا ولا دة مش مطبق فى الكويت زى السعودية..

والسؤال الثانى بما ان هيبعتوا الفيزا بس من غير عقد يبقى دة زيارة تجارية ولا اية.

وامتة الاجراءات بتاعت الفيزا بتخلص هل بتستغرق شهر او اكتر ام اقل .. وانا بشكركم جميعا..

[Simba]

يا مصطفي اهلا بيك

وتنور الكويت ان شاء الله

الفيزا اللي هتبعت لك الشركة هتكون فيزا زيارة عادية لمدة اسبوعين غالبا زي ما حصل معايا لكن انا اللي بعت لي فيزا الزيارة كانت الوزارة واظن الامور دي مش بتختلف كتير

وطالما الفيزا كده كده زيارة يبقي مش هيطلبوا تغيير المهنة في الجواز ولا حاجة

بالنسبة لفيزا الزيارة بتاعتي محدش كان طلب مني الجواز اصلا ولا حتي صور منه

بعدين لما توصل بسلامة الله هيتعاقدوا معاك

امتي بقي بتخلص دي في علم الله .... ربنا يوفقك

[مصطفى محمد]

اشكرك يا سمبا على ردك المتواضع ولكن هل هذة الزيارة بيتعمل لها كشوفات طبية فى مصر برضوة...وكنت عايز اعرف بعد اذنك هل التعين فى الوزارت بيشترط تقدير فى الؤهل الجامعى او خبرة يعنى انا مثلا خريج حقوق 2009 فمثلا لو اتعينت فى اى وزارة ممكن اشتغل اية...وطبعا انا بسمع ان الواسطة فى الكويت اكتر من مصر...وشكرا جزيلا.

[Simba]

اشكرك يا سمبا على ردك المتواضع ولكن هل هذة الزيارة بيتعمل لها كشوفات طبية فى مصر برضوة...وكنت عايز اعرف بعد اذنك هل التعين فى الوزارت بيشترط تقدير فى الؤهل الجامعى او خبرة يعنى انا مثلا خريج حقوق 2009 فمثلا لو اتعينت فى اى وزارة ممكن اشتغل اية...وطبعا انا بسمع ان الواسطة فى الكويت اكتر من مصر...وشكرا جزيلا.

يا سيدي انا ردي كان عظيم من يومين معرفش اتسخط ليه وبقي متواضع كده ههههههههه

الزيارات مش بتحتاج اي كشف لانها المفروض اسبوعين وخلاص خلصوا علي كده

لكن بقي لما بتيجي تعمل اقامة علي الشركة بتعمل كشف وتحاليل وكل حاجة

الوزرات علي حسب احتياجها بقي ... لكن اسمع والله اعلم انهم دايما بيطلبوا خبرة ما تقلش علي تلات سنين خصوصا في التعاقدات الداخلية

الواسطة طبعا موجودة وكل حاجة لكن مش معني ان فيه واسطة هيكون فيه شغل في وزراة لازم الوزارة تكون محتاجة وتعمل الاجراءات الروتينة بتاعتها زي الاعلان في الجرايد والقصة اللي انت عارفها دي وبرضه مش معني الواسطة ان مفيش حد بيشتغل من غير واسطة هي بتسهل حاجات بس لكنها مش فرض ولا بتخدم حد علي حسب التاني

بعدين انت تيجي تشتغل في الشركة الاول وبعدها بقي تسال وتطقس وما تستعجلش لانك مش هوبا مرة واحدة هتقدر تنقل الكفالة بتاعتك مكانش حد غلب

ربنا معاك ويوفقك للي في الخير

تم تعديل 2 أبريل 2010 بواسطة سمبا

[مصطفى محمد]

ههههههههة ولا تزعل يا باشا اشكرك على ردك العظيم كدة كويس ولا اية هههههههههة

طيب بس ولدى قالى ان انا هعمل كشوفات هنا فى مصر ؟ وكنت عايز اعرف هى الفيزا اللى الشركة هتطلعها دى لما بتوصل ليا بعمل اية بعد كدة وولدى ان شاء الله هيبعت ليا التذكرة من هناك لانة فى شركة تبع المطار ؟ فبكدة هحجز من اى مكتب سفريات ولا فية مكاتب مخصصة للكويت وبندفع فلوس كام.معلشى بقى استحميلنى انا لسى جديد وماعنديش فكرة عن الموضوع.

[Simba]

في الغالب كده يا درش لو هيكون فيه اي كشف في مصر هيكون في مستشفي بتتعامل معاها الشركة وهما هيقولوا لك فين بالظبط

لكن اي كان كل ده هتعيده تاني في الكويت

لما تاشيرة الزيارة توصلك ولا تعمل حاجة حط الورقتين في الباسبور علشان ما تضعش منك

بعدين الوالد هيبعت لك التذكرة من هناك خلاص كده انت مالكش اي علاقة بمكاتب الحجز في مصر تشوف الميعاد والخطوط الجوية اللي انت مسافر عليها .. وياريت تتصل تأكد الحجز

وخلاص تيجي بالسلامة ان شاء الله

[مصطفى محمد]

اشكرك ياحبيبى قلبى وربنا يبارك فيك.

ومعلشى بقى اخر استفسار كنت عايز اعرف اية المعاملة عندك تحاة المصرين من الكوتين..وشكـــــــــــــرا.

تم تعديل 3 أبريل 2010 بواسطة مصطفى محمد

[قلب ابيض]

سكتت ليه يا سمبا ؟؟؟؟

كمل يل عزيزى كمل .....المعامله شلون ياخوى ؟؟

[Simba]

سكتت ليه يا سمبا ؟؟؟؟

كمل يل عزيزى كمل .....المعامله شلون ياخوى ؟؟

ههههههههههههههههههههههههههههه

شسوي انا

مو شايفة اللي جاعد يسأل

[Simba]

اشكرك ياحبيبى قلبى وربنا يبارك فيك.

ومعلشى بقى اخر استفسار كنت عايز اعرف اية المعاملة عندك تحاة المصرين من الكوتين..وشكـــــــــــــرا.

دي بقي تيجي وتكتشفها بنفسك بتختلف الاراء واحد عن التاني لكن انا عن نفسي شايفة الحياة حلوة وزي الفل