المصريين المغتربين بالكويت

[pocy]

صباح الخير يا جماعه

ايه الاخبار الحلوه دى

يعنى دلوقتى فى جوازات لاى طفل يتولد جديد والحمد لله شاكرين جهودكم يا جماعه

والمشكله اتحلت والمشكله اتحلت

[مصطفى محمد]

لو سمحتوا ياجماعة فية موضوع كدة عايز اخد رايكم فية

هنا فى مصر دورات فى التحكيم الدولى والدورتين دول تكلفتهم 2500 جنية والشهادتبن معتمدين من مركز تحكيم كلية حقوق عين شمس ومركز التحكيم الدولى بالقاهرة بالاضافة ان المركز بيطلع كارينة بلقب مستشار فى التحكيم الدولى...كنت عايز اعرف هل هذة الدورات ولقب المستشار اللى بتمنح للشخص هل لهذة الشهادات فايدة فى الكويت فى العين فى الوظائف مع العلم ان كتير من الكوتين والسعودين بينزلوا مصر عشان يخدوا الدورات دى...ارجو الرد وشكر

[pocy]

والله يا اخى الفاضل كان نفسي افيدك بس انا معرفش حاجه عن الموضوع ده وربنا يوفقك ان شاء الله لما يحبه ويرضاه

[الغريب]

الكويت تغرق في أمطار الرحمات

الحمدلله .. أللهم أغفر وأرحم وأنت خير الراحمين

البلد غرقانة ماشاء الله من الصباح الباكر بالأمطار الجميلة وبقالها كام يوم كمان

[pocy]

تغيبت عن المحاورات لفتره خمس ايام تقريبا وعندما عدت اليها لم أجد الجديد وهذا للاسف ما ازعجنى

والان اليكم اخوانى فى الكويت شئ اريد ان اناقشه معكم

ولكنى سأناقشه معكم غدا فى مثل هذا الوقت ان شاء لنا الله وكنا فى الحياه الدنيا

ولكنى اريدكم معى لنتحاور سويا فى حال الكويت وشئونها لانى وجدت ان هناك الكثير مما نجهله ونريد ان الاخوه الافاضل الزائرين يستفيدوا ايضا ولكم منى جزيل الشكر

شجعونى بقي لحد ببكره مين هيستنانى ؟؟؟؟؟؟؟؟؟؟؟؟؟؟؟؟؟

لو مش لقيت تشجيع مش هدخل ولا هتكلم تانى زان شاء الله اشوفكم قريبا

[تامر مصطفى]

انا رفعت ايدي بالتشجيع

اتفضلي يا ام عمر

نحن وراءك يا زعيم

انا منتظر

[Simba]

شجعونى بقي لحد ببكره مين هيستنانى ؟؟؟؟؟؟؟؟؟؟؟؟؟؟؟؟؟

لو مش لقيت تشجيع مش هدخل ولا هتكلم تانى زان شاء الله اشوفكم قريبا

انا مستني اهو وقاعد علي باب الموضوع

ولامح كام زائد متخفي جاب فرشته وهينام علي باب الموضوع لحد الصبح

مستنينك يا ام عمر ما تتاخريش علينا

[pocy]

السلام عليكم ورحمه الله وبركاته

اخباركم ايه واخبار الجو النهارده معاكم ايه

النهارده جايه اتكلم معاكم عن الكويت وازاى اتغير حالها ازاى كانت زمان كانت كلها خير والكل بيغرف منها غرف وسبحان الله كان بيبقي برضه لسه فيه لكن دلوقتى ؟؟؟؟؟؟؟؟؟؟؟؟؟؟

زمان اللى كان يسافر كان يرجع محمل ويشتري البد باللى فيها لكن دلوقتى المعظم يقولك اهه عايشين فيها عيشه اكرم من عيشتنا فى مصر وكله محصل بعضه

زمان كان خالى ربنا يرحمه ويرحمنا جميعا يارب كان يسافر سنه واحده يرجع يشتري ارض ويبنيها ويسكنها خلال السنه دى وبعدها بسنه يرجع تانى وكانت الفرص قدامه كتير والكل بيتمنى انه يجيله دلوقتى الكفائات وعندهم بدل الدكتوراه واحده واتنين ويبقي في نقاش وللاسف ممكن يوافق على اى مبلغ المهم يخرج من القمم اللى هو فيه

واعرف بالمناسبه دى دكتور عنده دلوقتى 45 سنه تقريبا ده بقاله هنا تلات سنين واستاذ جامعه وطبيب سكر معروف ومش عنده عياده فى مصر لانه امكانياته الماديه على اده لما جاله سفر الكويت اهه بقاله تلات سنين مش عارف يجمع مبلغ عياده لان اولاده التلاته بسم الله ماشاء الله فى مدارس اجنبيه وبتاخد شئ وشويات دا غير الدروس لان امهم مش قادره تذاكرهم المناهج صعبه عليها

اعرف ناس كتير قوى مستحمله اللى محدش يستحمله وده علشان يقولك ارجع على ايه اذا كان اللى فيها مش لاقي شغل اروح انا واسيب القرف اللى انا فيه علشان اروح للى اقرف منه

سؤالى ايه اللى اتغير فى الكويت

الوافدين؟؟؟؟؟؟؟؟؟؟؟؟؟؟؟

الحكومه ؟؟؟؟؟؟؟؟؟؟؟؟؟؟

الشعب الكويتى ؟؟؟؟؟؟؟؟؟؟؟؟؟

ليه بقي ان الواحد يلاقي وظيفه صعب جدا جدا ومبقاش زى زمان الشغل مترمى ؟؟؟؟؟؟؟؟؟؟؟

هل الكوايته بقي بيشجعوا التعليم واصبحوا مش محتاجين للوافدين ؟؟؟؟؟؟؟؟؟؟؟؟؟؟؟؟

هل فكره التكويت لا زالت مستمره وهل هى فى مجالات معينه بس ولا كل المجالات وايه فعلا الحاجات الى اتكوتت خلاص؟؟؟؟؟؟؟؟؟؟؟

امتى من وجه نظرك الكويت هتستغنى عن الوافدين وفى اى مجال ؟؟؟؟؟؟؟؟؟؟؟؟؟؟؟؟؟

وكفايه كده واكمل اسئلتى بعد مناقشتى معكم للوضع الحالى ان شاء الله .............................

[herohero]

تحياتي اخت بوسي وانا عن ظروف الكويت قبل كده وانا كنت عايش فيها ومتربي ويعني ممكن نقول اننا لحقنا ايام الخير

الوضع لم يتغير يعني اللي اقصده مصر هي الي اتغيرت يعني مستوى المعيشة ارتفع ف مصر وده اثر على قدرة اللي ف الكويت او اي بلد انهم يشتروا شيئ

يعني زمان كان مكن اللي يسافر سنة يعمل حاجه وكانت برده المرتبات ف الكويت بسيطة والحياة كانت رخيصه يعني العملية كانت متناسبة

لكن مصر كانت رخيصه دلوقت فيه اسعار شقق كتير ومش جبارة يعني زيها زي اسعار شقق ف دبي مثلا الاسعار عندنا ارتفعت اسعار السلع الاستهلاكية ف مصر ارتفعت بقت قريبة ف بعضها من دول الخليج وماتنسيش سقف المرتبات لمهن معينه بقى مرتفع فمش بيبص انه يسافر

وطبيعي زمان الكويت وكل دول الخليج التزماتها اقل وبالنسبة للكويت من بعد الغزو ما قامتش الامريكان سحبوا كتييييييييير منها

والكويت كبلد صغير اقتصاده قايم بالكامل ع النفط يعني عرضه اي هزة اقتصادية حركة التجارة فيها محدودة لو مشيوا الاجانب القوى الشرائية اختفت

وبالتالي السوق ده بيفرض مهن معينه

وموضوع التكويت من زمان قووووووووووووووي وهمة بيتكلموا عليه لكن تركيبة الكويتي مختلفه عن السعودي او يعني المواطن الكويتي مرفه عن السعودي فمش سهل انه يقبل باي مهنة لكن اكيد الاوضاع ده هتتغير

يعني هنا ف السعوديه مهنة كاشير ف الهايبر كلها سعوديين زمان ف الكويت فالجمعيات كانت للهنود او مصريين او جنسيات هنا كلهم بلا استثناء سعوديين

مهنة التدريس مقفولة بالكامل بل فيها بطالة وفيه مدرسين سعوديين بيروحوا يشتغلوا فالكويت

مثلا محطات الكهرباء هنا السعوديين الغالبية العظمي واماكن كتير وكان زمان صعب تلاقي كده

ماننساش ان الامور بتتغير ودول الخليج اتغيرت وخير زمان قل او بمعنى اخر دولة الرفاه والدلع حتى للمواطنين اتغيرت

غير نقطة تانيه طموحات مغتربين حاليا غير مغتربين زمان سقف طموحاتهم ارتفع بتاع زمن كانت طموحاته بسيطة لان المجتمع كان قريب شوية مكنش فيه الطبقات الموجوده حاليا

اما الان فالمغترب متصور انه يقدر ينافس اللي ف مصر للاسف انسى ياعمرو

وكلنا بنلاحظ ده طبقات الخبطات وتلقيط الرزق ف مصر لاتقارن بالمغتربين ف الخارج

وبالتالي اصبح السفر للخليج ليس هو الفرصة الذهبية التي يجب اقتناصها لكن زي ما بنقلو احسن الوحشين او اخف الضررين

والميزة هي انك بتعيش حياة سهلة مرتاحه والعائد المادي بيختلف من شخص للاخر ونظرته للامور

[الغريب]

يا أهلا بيكي يأم عمر منورة الشاشة

كلامك مهم ولازم أرد عليه "من وجهة نظري يعني" وهقولك رأيي

السلام عليكم ورحمه الله وبركاته

اخباركم ايه واخبار الجو النهارده معاكم ايه

النهارده جايه اتكلم معاكم عن الكويت وازاى اتغير حالها ازاى كانت زمان كانت كلها خير والكل بيغرف منها غرف وسبحان الله كان بيبقي برضه لسه فيه لكن دلوقتى ؟؟؟؟؟؟؟؟؟؟؟؟؟؟

زمان اللى كان يسافر كان يرجع محمل ويشتري البد باللى فيها لكن دلوقتى المعظم يقولك اهه عايشين فيها عيشه اكرم من عيشتنا فى مصر وكله محصل بعضه

زمان كان خالى ربنا يرحمه ويرحمنا جميعا يارب كان يسافر سنه واحده يرجع يشتري ارض ويبنيها ويسكنها خلال السنه دى وبعدها بسنه يرجع تانى وكانت الفرص قدامه كتير والكل بيتمنى انه يجيله دلوقتى الكفائات وعندهم بدل الدكتوراه واحده واتنين ويبقي في نقاش وللاسف ممكن يوافق على اى مبلغ المهم يخرج من القمم اللى هو فيه

واعرف بالمناسبه دى دكتور عنده دلوقتى 45 سنه تقريبا ده بقاله هنا تلات سنين واستاذ جامعه وطبيب سكر معروف ومش عنده عياده فى مصر لانه امكانياته الماديه على اده لما جاله سفر الكويت اهه بقاله تلات سنين مش عارف يجمع مبلغ عياده لان اولاده التلاته بسم الله ماشاء الله فى مدارس اجنبيه وبتاخد شئ وشويات دا غير الدروس لان امهم مش قادره تذاكرهم المناهج صعبه عليها

اعرف ناس كتير قوى مستحمله اللى محدش يستحمله وده علشان يقولك ارجع على ايه اذا كان اللى فيها مش لاقي شغل اروح انا واسيب القرف اللى انا فيه علشان اروح للى اقرف منه

في رأيي يأم عمر الكويت متغيرتش كتيير أوي وبالعكس حالتها الاقتصادية بقت أفضل من الأول والأرقام والاحصائيات هتأكدلك الكلام ده ، بس في عوامل كتير أتغيرت هذكر منها :

1- إرتفاع الأسعار بشكل كبير في مصر وصار الجنيه ليس له قيمة وممكن تشوفي الفرق بين سعر متر الأرض أو سعر الحديد والأسمنت دلوقتي وزمان ، هتقوليلي ما هو الدينار غلي عن زمان ، هقولك قارني بين إرتفاع سعر صرف الدينار وإرتفاع أسعار بعض المواد في مصر وأنت تشوفي.

2-دخول العمالة الأسيوية بشكل مزري للغاية بعد حرب الخليج وأصبحوا ينافسو المصريين في مجالات كانوا ينفردو بيها في السابق مثل عمال المعمار ، والمهندسين والدكاترة ، دلوقتي تلاقي عمال المعمار في الشوارع هنود وبكستان ومهندسين الاتصالات كلهم هنود والدكاترة في المستوصفات كمان هنود ، ومرتباتهم أقل طبعا من راتب المصري.

3- ظهور الشركات الوهمية بشكل منتشر للغاية والذي ظهر معه العقد الحر ، والذي كان هو العامل الأكبر في ملأ الكويت بالأيدي العاملة التي تبحث عن أي عمل بأي مقابل وهو ما أثر بقوة على الأيد العاملة صاحبة الخبرة (وعلى فكرة موضوع الشركات الوهمية شكله كدة مؤيد من الحكومة الكويتية بقوة علشان يملو البلد بالأيد العاملة التي ترضى بأي مقبل ، أنما الحكومة دلوقتي بدأت تبين أنها ضد الشركات الوهمية لأنها أحست أن البلد أكتفت وخافو على نفسهم من أضرار الأيد العاملة الزائدة عن الحاجة)

-هكتفي دلوقتي بالأسباب دي وإن شاء الله هرجع أكمل معاكي تاني ، وأظن تامر وسمبا هيكملو بردو من وجهة نظرهم ، بس خليني أجاوب بسرعة على أسألتك

سؤالى ايه اللى اتغير فى الكويت

الوافدين؟؟؟؟؟؟؟؟؟؟؟؟؟؟؟

أيوة المصريين بالتحديد صارت ظروفهم أصعب وبالتالي أصبحو يتوافدو على الكويت بكثافة ويرضو بالقليل

الحكومه ؟؟؟؟؟؟؟؟؟؟؟؟؟؟

أكيد الحكومة تفكيرها أختلف بكتير بعد الغزو وصارت تفكر بمبدأ "مصلحتي فقط ولا شئ آخر"

الشعب الكويتى ؟؟؟؟؟؟؟؟؟؟؟؟؟

ربنا يعين الشعب الكويتي والمصري وكل الشعوب العربية على دعاة الفتن اللي بينفخو في نار الفتن بين البلاد العربية

ليه بقي ان الواحد يلاقي وظيفه صعب جدا جدا ومبقاش زى زمان الشغل مترمى ؟؟؟؟؟؟؟؟؟؟؟

العولمة بتاكل الكويت والانفتاح والأيدي العاملة الرخيصة متوافرة بشدة

هل الكوايته بقي بيشجعوا التعليم واصبحوا مش محتاجين للوافدين ؟؟؟؟؟؟؟؟؟؟؟؟؟؟؟؟

حقهم يأم عمر هما أولى بخير بلادهم

هل فكره التكويت لا زالت مستمره وهل هى فى مجالات معينه بس ولا كل المجالات وايه فعلا الحاجات الى اتكوتت خلاص؟؟؟؟؟؟؟؟؟؟؟

في رأيي مش هيقدرو في الوقت الحالي على التكويت بسرعة زي مانتي متخيلة

امتى من وجه نظرك الكويت هتستغنى عن الوافدين وفى اى مجال ؟؟؟؟؟؟؟؟؟؟؟؟؟؟؟؟؟

عن نفسي عندي يقين أن " الكويت هتتخلي عني أو عن غيري لما ربنا ينهي رزقي هنا" فقط لا غير

وكفايه كده واكمل اسئلتى بعد مناقشتى معكم للوضع الحالى ان شاء الله .............................

شكرا ليكي على موضوعك الجميل وعاوز أقولك ما تشغيليش بالك بموضوع الرزق كتيير ، ربنا كريم ودي كلها أسباب

ربنا يديم علينا نعمته ويوفقنا جميعا لشكرها

تم تعديل 4 مايو 2010 بواسطة الغريب

[الغريب]

تحياتي اخت بوسي وانا عن ظروف الكويت قبل كده وانا كنت عايش فيها ومتربي ويعني ممكن نقول اننا لحقنا ايام الخير

الوضع لم يتغير يعني اللي اقصده مصر هي الي اتغيرت يعني مستوى المعيشة ارتفع ف مصر وده اثر على قدرة اللي ف الكويت او اي بلد انهم يشتروا شيئ

يعني زمان كان مكن اللي يسافر سنة يعمل حاجه وكانت برده المرتبات ف الكويت بسيطة والحياة كانت رخيصه يعني العملية كانت متناسبة

لكن مصر كانت رخيصه دلوقت فيه اسعار شقق كتير ومش جبارة يعني زيها زي اسعار شقق ف دبي مثلا الاسعار عندنا ارتفعت اسعار السلع الاستهلاكية ف مصر ارتفعت بقت قريبة ف بعضها من دول الخليج وماتنسيش سقف المرتبات لمهن معينه بقى مرتفع فمش بيبص انه يسافر

وطبيعي زمان الكويت وكل دول الخليج التزماتها اقل وبالنسبة للكويت من بعد الغزو ما قامتش الامريكان سحبوا كتييييييييير منها

والكويت كبلد صغير اقتصاده قايم بالكامل ع النفط يعني عرضه اي هزة اقتصادية حركة التجارة فيها محدودة لو مشيوا الاجانب القوى الشرائية اختفت

وبالتالي السوق ده بيفرض مهن معينه

وموضوع التكويت من زمان قووووووووووووووي وهمة بيتكلموا عليه لكن تركيبة الكويتي مختلفه عن السعودي او يعني المواطن الكويتي مرفه عن السعودي فمش سهل انه يقبل باي مهنة لكن اكيد الاوضاع ده هتتغير

يعني هنا ف السعوديه مهنة كاشير ف الهايبر كلها سعوديين زمان ف الكويت فالجمعيات كانت للهنود او مصريين او جنسيات هنا كلهم بلا استثناء سعوديين

مهنة التدريس مقفولة بالكامل بل فيها بطالة وفيه مدرسين سعوديين بيروحوا يشتغلوا فالكويت

مثلا محطات الكهرباء هنا السعوديين الغالبية العظمي واماكن كتير وكان زمان صعب تلاقي كده

ماننساش ان الامور بتتغير ودول الخليج اتغيرت وخير زمان قل او بمعنى اخر دولة الرفاه والدلع حتى للمواطنين اتغيرت

غير نقطة تانيه طموحات مغتربين حاليا غير مغتربين زمان سقف طموحاتهم ارتفع بتاع زمن كانت طموحاته بسيطة لان المجتمع كان قريب شوية مكنش فيه الطبقات الموجوده حاليا

اما الان فالمغترب متصور انه يقدر ينافس اللي ف مصر للاسف انسى ياعمرو

وكلنا بنلاحظ ده طبقات الخبطات وتلقيط الرزق ف مصر لاتقارن بالمغتربين ف الخارج

وبالتالي اصبح السفر للخليج ليس هو الفرصة الذهبية التي يجب اقتناصها لكن زي ما بنقلو احسن الوحشين او اخف الضررين

والميزة هي انك بتعيش حياة سهلة مرتاحه والعائد المادي بيختلف من شخص للاخر ونظرته للامور

سبحان الله، كنت هنتظر مشاركتك والله يا هيرو لأن ليك خبرة في الموضوع ده ، بس يشاء ربنا أن مشاركتك تظهر قبلي بخمس دقائق وأنا بكتب مشاركتي ، وعلى العموم أحنا بنتفق في حاجات كتير

تحياتي ياباشا

[تامر مصطفى]

السلام عليكم

اسمحي لي يا ام عمر (باعتبارك صاحبة الموضوع ) وباقي المشاركين في الموضوع طبعا اني أبدي رأيي من واقع العمل

بالنسبة لقضية التكويت فلو نظرنا لها من وجهة نظر الدولة والكويتيين سوف تجد ان الكويتي فعلا أولى من الوافد بالعمل في بلده

اما بالنسبة للمصريين العاملين هنا فعدد كبير منهم هو السبب في الوضع الذي وصل له حال المصريين خصوصا

مثلا :

- قبول شريحة كبيرة من المصريين العمل في مهن أقل من مستواهم التعليمي بمراحل وخير مثال على ذلك أحد الحراس اللذين قاموا بحراسة مدرستنا الموقرة براتب 50 دينار وكان خريج كلية الهندسة ولكنه قبل بالعمل كحارس أمن أملا في البحث عن وظيفة أخرى وطبعا هذا الوضع مع انتشاره يؤثر سلبا في نظرة أصحاب العمل لهذا المؤهل وتقديرهم واحترامهم لهم.

- تراجع كفاءة الموظف والعامل المصري بشكل عام (وبالطبع هذا بسبب تدني مستويات التعليم في مصر) واصبحت الفكرة المنتشرة عن المصري هي (يتحدث كثيرا ويعمل قليلا) .

- اعتماد عدد لا بأس به من المصريين على مبدأ الفهلوة ومحاولة الاستفادة المالية باي شكل مهما كان مخالفا (وبدعم قوي من الأفلام المصرية) مما أدى الى انتشار فكرة ان المصري نصاب .

- الحقد الأزلي بين المصريين وبعضهم البعض .

بالنسبة لاهتمام الكويتيين بالتعليم فهو اهتمام وهمي ولكن الدولة تدعمهم بكل الوسائل لاخراج أعداد من المتعلمين لتولي المناصب القيادية والأدلة كثيرة واذكر منها مثال واحد

في مصر الطالب الذي يتأخر على اختبار الثانوية العامة لمدة أكثر من 5 دقائق يحرم من الاختبار ... أما هنا (فبالقانون وليس منة من أحد ) له حق دخول الاختبار اذا لم يخرج اي طالب من اللجان حتى ولو بعد بدء الاختبار بساعة ونصف .

وبالنسبة للمستوى العلمي والفكري للطالب فهو غير مطلوب وغير هام وليس مضطرا للاجتهاد وهذا له اسباب لا نستطيع الحديث عنها هنا (الواحد لازم يعتبر من السابقين اللي سفروهم مصر ) .

وبالطبع مثل ما ذكروا اخواني ان العمالة الآسيوية الرخيصة كثرت وغطت كل المجالات وزاحمت الكل وقللت فرص العمل .

بالمناسبة منذ عام بدأت حملة في جمعية المعلمين الكويتية تحت شعار ( مع المعلم ) وأبرز بنود هذا الميثاق : المعلم الكويتي (الجيد) أفضل من الوافد (الممتاز) .

تحياتي لكم ومتابع للموضوع

[herohero]

طبعا يااخ الغريب انا مازلت احتفظ للكويت بكل الذكريات الجميلة مش عشان هي بلد جميلة لكن ع الاقل لان ذكريات الطفولة فيها وده شيئ لا يرتبط بالمكان وبيني وبينك بصراحه كانت جميلة يعني طفل وعايش ف مكان نظيف ومنظم ولا انت حاسس باي شيئ يعني ماشوفتش الا الجانب الحلو وماتعتبرش غربة لانك طلعت ف المكان ده ونشات فيه فبالنسبة لك هو البلد اللي نشات فيه

وطبعا كانت الكويت ايامها لسه فيها بركه ومصر برده كانت غير دلوقتي والناس غير والاجيال اللي كانت ف الكويت مختلفه كليا عن دلوقتي الطمووووووووووحات زادت قوي

زمان مكنش حد بيركز قوي ادخل عيالي مدارس فين ولا كان فيه القاهرة الجديدة ولا الرحاب والناس كانت طموحاتها محدودة وف هذا الزمن كان اللي بيحصل بتشتري شقة بالتقسيط الممل جدا ف فيصل او ف مدينة نصر

وتجيب لك عربية اما الان فالطموحات كبرت وبصراحه لا الكويت ولا غيرها مناسب لذلك لان البلاد ده ياجماعه اتغيرت بمعنى اخر ودعت زمن الرفاه والطفرة انا كنت حاضر العلاج مجاني وكل حاجه تخطر ع بالك بتتعمل ببلاش يعني تقويم الاسنان كان ببلاش وغيره وغيره

لكن الظرف كان مختلف على ابناء البلد والوافدين وبرده كان فيه هنود وكانوا مسيطرين ماتنسوش ياجماعه الخليج ده اصلا مرتبط بالهند جدا الكويت كان مواد ف قانون العقوبات فيها بالروبية وكلمات كتير ف اللكنه الكويتية ماهي الا هندية "بنكة ودريشة وكبت وجلاس ماي"

الي حصل ان مستوى دخل المصريين تغير انا اعرف ناس بتاخد مرتبات مش عا رفه تلاقيها ف الخليج لان فيه الهندي بيعمل شغلها وده واضح جدا ف مجال الاتصالات وتكنولوجيا المعومات روحوا القرية الذكية وانتوا تلاقوا مصر تانيه خالص

يخت ام عمورة عيشي يومك وتمتعي باللي عايشينه النهاره ورزق بكرة لرب الييوم وكل يوم هو كفيل بينا وبعيالنا وتحياتي للاستاذ عمورة

[قلب ابيض]

تصدقوا اللمه دى عاوزانى

انا بس افوق من اللى عندى وراجعه لكم فورا

انتظرووووووووووووووووووونا

[pocy]

مش تصدقوا انا مبسوطه اد ايه للمتنا الحلوه دى مع انها برضه مفتقده للاستاذ حسن درويش والاستاذ الحاج فوزى والاستاذ سمبا لسه مش رد برضه لعل المانع خير مع انه كان بايت فى الموضوع قبل ما اكتب الله يعينه ويسر اموره فى الشغل بتاعه قولوا امين والدكتور محمد وووووووووووووووو خايفه انسي حد وطبعا منتظرين رد ماما قلب ابيض انا من امبارح وانا ماسكه ايدى من ع الكيبورد لانى مش عايزه ارد ولا اكمل الموضوع الا لما اسمع باقي الاراء

بصراحه انا اتناقشت مع زوجى فى نفس الموضوع امبارح وسبحان الله الرد بتاعه تقريبا كان نفس الرد بتاعكم ويمكن الموضوع زاد بامثله لناس نعرفهم واد ايه هو بيحترم الفكر الكويتى فى التعليم وفى الثقافه وازاى ان الامير الجديد بدأ يفكر لقدام بعد 15 سنه كده لما البترول يبدأ ينضب وايه اللى ممكن يحصل

وطبعا مقارنه الفكر الكويتى والفكر المصري وده للاسف خلى الفكر المصري في الحضيض

وسألنى سؤال وهسألهولكوا مين فينا بيعرف انجليزى كويس زى اللبنانين والفلبينين والهنود ووووووووووووو الى الاخره ؟؟؟؟؟؟؟؟؟؟؟؟؟

هتلاقي دايما ان المصري بيتهته فى الكلام وده لاحظه وللاسف ده كان تعقيب من واحد زميله فى الشغل فلسطينى ان جوزى بيعرف انجليزى كويس عكس اللى هو قابلهم من المصريين

تفتكروا السبب ايه؟؟؟؟؟؟؟؟؟؟؟؟؟ هل التعليم المصري هو السبب

هل مفيش طموح لتعلم اى حاجه جديده ولا عدم الممارسه لفتره طويله ولا ايه؟؟؟؟؟؟؟؟؟؟؟

طبعا انا لسه فى كلام تانى وتعقيب على بعض الكلام بس مش هعقب الا لما اسمع رأى قلب ابيض وسمبا ان شاء الله

[herohero]

مش تصدقوا انا مبسوطه اد ايه للمتنا الحلوه دى مع انها برضه مفتقده للاستاذ حسن درويش والاستاذ الحاج فوزى والاستاذ سمبا لسه مش رد برضه لعل المانع خير مع انه كان بايت فى الموضوع قبل ما اكتب الله يعينه ويسر اموره فى الشغل بتاعه قولوا امين والدكتور محمد وووووووووووووووو خايفه انسي حد وطبعا منتظرين رد ماما قلب ابيض انا من امبارح وانا ماسكه ايدى من ع الكيبورد لانى مش عايزه ارد ولا اكمل الموضوع الا لما اسمع باقي الاراء

بصراحه انا اتناقشت مع زوجى فى نفس الموضوع امبارح وسبحان الله الرد بتاعه تقريبا كان نفس الرد بتاعكم ويمكن الموضوع زاد بامثله لناس نعرفهم واد ايه هو بيحترم الفكر الكويتى فى التعليم وفى الثقافه وازاى ان الامير الجديد بدأ يفكر لقدام بعد 15 سنه كده لما البترول يبدأ ينضب وايه اللى ممكن يحصل

وطبعا مقارنه الفكر الكويتى والفكر المصري وده للاسف خلى الفكر المصري في الحضيض

وسألنى سؤال وهسألهولكوا مين فينا بيعرف انجليزى كويس زى اللبنانين والفلبينين والهنود ووووووووووووو الى الاخره ؟؟؟؟؟؟؟؟؟؟؟؟؟

هتلاقي دايما ان المصري بيتهته فى الكلام وده لاحظه وللاسف ده كان تعقيب من واحد زميله فى الشغل فلسطينى ان جوزى بيعرف انجليزى كويس عكس اللى هو قابلهم من المصريين

تفتكروا السبب ايه؟؟؟؟؟؟؟؟؟؟؟؟؟ هل التعليم المصري هو السبب

هل مفيش طموح لتعلم اى حاجه جديده ولا عدم الممارسه لفتره طويله ولا ايه؟؟؟؟؟؟؟؟؟؟؟

طبعا انا لسه فى كلام تانى وتعقيب على بعض الكلام بس مش هعقب الا لما اسمع رأى قلب ابيض وسمبا ان شاء الله

لاننا في مصر للاسف الشديد بنحب نقفل ع نفسنا وان مفيش زينا واحنا احفاد الفراعنه ومالناش دعوة بحد للاسف لشديد انغلاقنا ف خلال الفترة اللي فاتت من بعد قيام ثورة52 وزيادة نعرة اننا بنعرف كل حاجه وكل للي حوالينا دول جهلاء

ودول الخليج ده متخلفه هذا مايقال لدينا ف مصر والهنود دول اغبياء دول بيركنوا الفيل برا

والفلبينيين شغالات خدامات

وبالتالي كل دولة لقينا شيئ نقلل بيه من شأنها طبعا بنكتشف العكس لما نطلع بره مصر

وبالنسبة للكويت هي اول دول من زمان جدا عملت حاجه اسمها صندوق الاجيال القادمة ويستقطع من دخل النفط ويودع فيه ونفس جدا هذا الصندوق ف تكاليف حب الخليج

وطبعا العامل المصري غير مؤهل جيدا لان ابسط اساسيات اللعبه هياجادة اللغه تعالوا كده شوفوا مستوانا ف اللغة الانجليزية الغالبية العظمى تعالوا شوفوا هنا الدكاترو مع الممرضات الفلبينيات حاجه مسخره دكتور واللغه عنده وحشة وده كله لاننا قافلين ع نفسنا وممكن يبقى مدرس الانجليزي عندنا ف مصر اي حاجه استثنوا المدارس الراقيه

يعني بصراحه العامل المصري لا يمتاز بصفات مميزة له عن الباقي وهذا يتجلى ف ان مثلا المصريين حاليا يظهر تواجدهم بكثره ف حاله لو المجتمع الهوا بتاعه مصر ي

وهذا نراه ف السوق السعودي والكويتي اما ف الامارات مثلا المجال الطبي هندي لان الغالبيه من المقيمين هنود وهكذا

وطبعا فشل المخرج من العملية التربوية المصرية ناتج من نواتج هذه الادارة الفاشلة

[Simba]

السلام عليكم

اسف مدام بوسي لتاخيري في الرد لاني بشتغل نايت و وتقريبا طول النهار نايم

انا متهيالي ان كل التغييرات اللي حصلت السبب فيها الرواد المصريين الأوائل للخليج

يعني كان يقعد سنة ولا سنتين وتلاقي عمارة تحفة وعربية دفع رباعي موديل السنة ... حاجة كده عملت سمعة محترمة للخليج ده طبعا غير انهم كانوا السبب الرئيسي في ارتفاع اسعار الاراضي والعقارات في مصر

انا هنا من 2005 وزمايلي اللي هنا من 2000 وقبلها بيقولوا كانوا بيشتغلوا بنص الراتب اللي بناخده دلوقتي وحتي الألف جنيه كان باكتر من 90 دينار لكن اللي بيقال ان نص الراتب ده كان له بركة ضعفين الراتب دلوقتي في مصر وبيقولوا هنا في الكويت التغييرات في الاسعار او مستوي المعيشة مش كبير اوي عن عشرة او 12 سنة فاتت

بالنسبة لموضوع التكويت اظن انه صعب في السنين اللي جاية نظرا لقلة تعداد السكان واحتياجاتهم الكبيرة من تعليم وصحة وخدمات مختلفة

وبما ان موضوع اللغة جه وسط سياق المداخلات فحقيقي الجنسية الفلبينة او الهندية اكفأ من ناحية اللغة لكن انا هاتكلم عن مجال شغلي

المصري من الناحية الفنية والتمرس في الشغل اكفأ مرات ومرات من اي جنسية تانية فبلاش نخلط الأمور ونقلل من قيمتنا

حقيقي فيه مصريين كتير اتخدعوا وقدموا للكويت علي امل فرصة تانية احسن واشتغلوا في حاجات اساءت ليهم ولسمعة المصريين ده غير ديونهم في مصر وهنا

لكننا بنتمني مع سهولة خدمة الأنترنت والاتصال ومعرفة الامور قبل السفر ان الشباب يكون عندها درجة من الوعي اكتر وتقدر ترفض عروض مش هتزودها غير وجع وديون

[الغريب]

وبما ان موضوع اللغة جه وسط سياق المداخلات فحقيقي الجنسية الفلبينة او الهندية اكفأ من ناحية اللغة لكن انا هاتكلم عن مجال شغلي

المصري من الناحية الفنية والتمرس في الشغل اكفأ مرات ومرات من اي جنسية تانية فبلاش نخلط الأمور ونقلل من قيمتنا

حقيقي فيه مصريين كتير اتخدعوا وقدموا للكويت علي امل فرصة تانية احسن واشتغلوا في حاجات اساءت ليهم ولسمعة المصريين ده غير ديونهم في مصر وهنا

لكننا بنتمني مع سهولة خدمة الأنترنت والاتصال ومعرفة الامور قبل السفر ان الشباب يكون عندها درجة من الوعي اكتر وتقدر ترفض عروض مش هتزودها غير وجع وديون

هلا يا سمبا فييييينك ياراجل وحشتنة إعلانات المعارض

على فكرة معرض زين السنة دي سمعت عنه أنه كان راااائع للغاية وأسعاره لقطة بس للأسف كنت مشغول ومعرفتش ألحقه

أحب أضيف نقطة بالنسبة للغة ، عاوز أقول أن فعلا زي ما قال هيرو نظام التعليم المصري الفاشل ضيع مننا إتقان اللغة الإنجليزية بس، سبحان الله أحنا هنا في الكويت أكل عيشنا اللغة العربية ولولاها كان عدد المصريين بالذات اللي في الوزارات قل جدا جدا..

وعلشان تستوعبوا الجزئية دي أكتر حاولو تقولو لو الكويت عاوزين ناس تسير أمور الوزارات "كما يفعل المصريين الآن" كانو هيجيبوا مين غيرنا معاه لغة عربية ؟؟!!!

[herohero]

وبما ان موضوع اللغة جه وسط سياق المداخلات فحقيقي الجنسية الفلبينة او الهندية اكفأ من ناحية اللغة لكن انا هاتكلم عن مجال شغلي

المصري من الناحية الفنية والتمرس في الشغل اكفأ مرات ومرات من اي جنسية تانية فبلاش نخلط الأمور ونقلل من قيمتنا

حقيقي فيه مصريين كتير اتخدعوا وقدموا للكويت علي امل فرصة تانية احسن واشتغلوا في حاجات اساءت ليهم ولسمعة المصريين ده غير ديونهم في مصر وهنا

لكننا بنتمني مع سهولة خدمة الأنترنت والاتصال ومعرفة الامور قبل السفر ان الشباب يكون عندها درجة من الوعي اكتر وتقدر ترفض عروض مش هتزودها غير وجع وديون

هلا يا سمبا فييييينك ياراجل وحشتنة إعلانات المعارض

على فكرة معرض زين السنة دي سمعت عنه أنه كان راااائع للغاية وأسعاره لقطة بس للأسف كنت مشغول ومعرفتش ألحقه

أحب أضيف نقطة بالنسبة للغة ، عاوز أقول أن فعلا زي ما قال هيرو نظام التعليم المصري الفاشل ضيع مننا إتقان اللغة الإنجليزية بس، سبحان الله أحنا هنا في الكويت أكل عيشنا اللغة العربية ولولاها كان عدد المصريين بالذات اللي في الوزارات قل جدا جدا..

وعلشان تستوعبوا الجزئية دي أكتر حاولو تقولو لو الكويت عاوزين ناس تسير أمور الوزارات "كما يفعل المصريين الآن" كانو هيجيبوا مين غيرنا معاه لغة عربية ؟؟!!!

مشكلة اللغه ليست ف التعليم هي مشكلة ممارسة وده بنفتقدها ف مصر يعني مفيش احتكاك وطبعا لغتنا العربية سهلت لنا فرص ف العمل ف دولالخليج

خاصةالسعوديه والكويت يمكن الامارات مش قوي لان هواها هندي

يعني من الاخر انت لو مهندس مثلا الفلبيني اوالهندي ممكن يعمل شغلك الفني اما اصلا عشان تجيب المشروع هتتكلم مع العربي سعودي او كويتي يعن من الاخر الفلوس والشغل مع العرب وده ميزة بتساعد المصريين انهم يبقوا مدراء مشاريع ومدراء تسويق

رب ضارة نافعه

[مصطفى محمد]

وبما ان موضوع اللغة جه وسط سياق المداخلات فحقيقي الجنسية الفلبينة او الهندية اكفأ من ناحية اللغة لكن انا هاتكلم عن مجال شغلي

المصري من الناحية الفنية والتمرس في الشغل اكفأ مرات ومرات من اي جنسية تانية فبلاش نخلط الأمور ونقلل من قيمتنا

حقيقي فيه مصريين كتير اتخدعوا وقدموا للكويت علي امل فرصة تانية احسن واشتغلوا في حاجات اساءت ليهم ولسمعة المصريين ده غير ديونهم في مصر وهنا

لكننا بنتمني مع سهولة خدمة الأنترنت والاتصال ومعرفة الامور قبل السفر ان الشباب يكون عندها درجة من الوعي اكتر وتقدر ترفض عروض مش هتزودها غير وجع وديون

هلا يا سمبا فييييينك ياراجل وحشتنة إعلانات المعارض

على فكرة معرض زين السنة دي سمعت عنه أنه كان راااائع للغاية وأسعاره لقطة بس للأسف كنت مشغول ومعرفتش ألحقه

أحب أضيف نقطة بالنسبة للغة ، عاوز أقول أن فعلا زي ما قال هيرو نظام التعليم المصري الفاشل ضيع مننا إتقان اللغة الإنجليزية بس، سبحان الله أحنا هنا في الكويت أكل عيشنا اللغة العربية ولولاها كان عدد المصريين بالذات اللي في الوزارات قل جدا جدا..

وعلشان تستوعبوا الجزئية دي أكتر حاولو تقولو لو الكويت عاوزين ناس تسير أمور الوزارات "كما يفعل المصريين الآن" كانو هيجيبوا مين غيرنا معاه لغة عربية ؟؟!!!

فعلا عندك حق يااخ غريب وكمان اللغة العربية تقبلة شوية ومن الصعب ان حد يعرفها بسرعة من الاجانب والحمدلله فى الكويت فاهمين لغتنا كويس اووى اقصد طبعا الكويتين والرسول صلى الله علية وسلم عربى والحمدلله

تم تعديل 6 مايو 2010 بواسطة مصطفى محمد