المصريين المغتربين بالكويت

[الغريب]

السلام عليكم ورحمه الله وبركاته

اخى الفاضل غريب كنت عايزه اسال المعهد الدينى هيبدأ امتى فى الترم الجديد وياريت لو تجبلي رقم التليفون لانه راح منى للاسف

وعليكم السلام ورحمة الله وبركاته

أم عمر تقريبا الترم الجديد هيبدأ في أول شهر أكتوبر وربنا يوفقك

بالنسبة لرقم التليفون بإمكانك زيارة الموقع وهتلاقي عليه العنواين والتليفونات

دور القرآن بالكويت

تحياتي :lol:

[Simba]

عميلنا العزيز , لقد تم اختيارك للعرض التالي : أعد تعبئة رصيدك بمجموع 10 دنانير من خلال بطاقات التعبئة فقط وأحصل علي 5 دنانير رصيد أضافي . يمكنك أستخدام الرصيد الأضافي للمكالمات والرسائل المحلية حتي تاريخ 22 مايو 2010

الرسالة دي بتيجي لي كل يوم 4 او خمس مرات من شركة الاتصالات بالعربي والانجليزي واكيد وصلت لكل مستخدمين شركة الاتصالات دي مكانتش اعرف اني عميل عزيز عليهم اوي كده

انا عمري ما جربت الشحن ابو بريزة كويتي ده واقصي حاجة لي بشحنها بشلن كويتي فقط لا غير

[تامر مصطفى]

عميلنا العزيز , لقد تم اختيارك للعرض التالي : أعد تعبئة رصيدك بمجموع 10 دنانير من خلال بطاقات التعبئة فقط وأحصل علي 5 دنانير رصيد أضافي . يمكنك أستخدام الرصيد الأضافي للمكالمات والرسائل المحلية حتي تاريخ 22 مايو 2010

الرسالة دي بتيجي لي كل يوم 4 او خمس مرات من شركة الاتصالات بالعربي والانجليزي واكيد وصلت لكل مستخدمين شركة الاتصالات دي مكانتش اعرف اني عميل عزيز عليهم اوي كده

انا عمري ما جربت الشحن ابو بريزة كويتي ده واقصي حاجة لي بشحنها بشلن كويتي فقط لا غير

انا كانت بتجيلي رسايل في مصر بتقولك لو رصيدك 50 جنيه او اكثر ممكن تضاعف رصيدك بالضغط على الرموز والاكواد التالية وطبعا لو تابعت الرموز هتلاقي نفسك حولت 50 جنيه من رصيدك للشخص الذكي اللي باعت لك الرسالة .

وسمعت ان الموضوع ده ظهر هنا في الكويت بس لسه معداش عليا لغاية دلوقتي

انتبه وخليك حريص بدل ما الخمسة بتوعك يحصلوا الاتناشر بتوعي :unsure:

[cfaried]

لو واحد مركب طرف صناعى وعايز يشتغل فى الكويت مصمم جرافيك يعدى الكشف الطبى ازاى

[الغريب]

لو واحد مركب طرف صناعى وعايز يشتغل فى الكويت مصمم جرافيك يعدى الكشف الطبى ازاى

الكشف الطبي ملوش علاقة بالأمر ده والله أعلم

أهم حاجة فيروس سي وبي

[cfaried]

*

لو واحد مركب طرف صناعى وعايز يشتغل فى الكويت مصمم جرافيك يعدى الكشف الطبى ازاى

الكشف الطبي ملوش علاقة بالأمر ده والله أعلم

أهم حاجة فيروس سي وبي roseopen.gif

يعنى من كلامك مفيش كشف عظام

[Simba]

لو واحد مركب طرف صناعى وعايز يشتغل فى الكويت مصمم جرافيك يعدى الكشف الطبى ازاى

الكشف الطبي ملوش علاقة بالأمر ده والله أعلم

أهم حاجة فيروس سي وبي roseopen.gif

يعنى من كلامك مفيش كشف عظام

اخونا غريب قالك مالوش علاقة وان شاء الله فعلا ما يكونش له علاقة

الكشف الطبي العام بيكون باطنة واشعة علي الصدر وده حتي عادي خالص مفيش اي تدقيق فيه

وربنا يوفق الجميع للخير

[قلب ابيض]

[color="#800080"]سالخير عليكوا يا جماعتنا بالكويت

انامقصره معاكم جدااااا ....بس انتو عارفين ظروف السفر " اخوكم مسنوووووء" وش الراجل الصينى فى فول الصين العظيم "

المهم محتاجه منكم طلب اللى بقدر عليه جزاه الله الف خير ومنى كيلو لب :blink:

مضطره اسافر من غير ابنى المضاف على جواز سفرى ولهذا لابد من عوده الباسبور بعد وصولى ان شاء الله الى القاهره ..

اذن المطلوب ان يكون الباسبور بالكويت فى الفتره من 22/5 حتى 15 /6

هل من مجيب ؟؟؟؟

ممكن يبقى فيه مع اللب سودانى كمان اه انا ماببخلش بوتيتن bv:-

[الغريب]

يعني نفهم من كدة يا قلب أنك أن شاء الله 22/5 هتكوني في قلب العروبة النابض مصر

على العموم ربنا يسهل لعبيده

وأنا إن شاء الله هشوفلك أي توصيلة خلال الفترة دي بس أبقى تبعينه في المنتدى ولو في حاجة هبعتلك على الخاص إن شاء الله

رحلة سعيدة ان شاء الله

[تامر مصطفى]

عندي سؤال وياريت اسمع آرائكم فيه وردودكم بس اتمنى انها تكون ردود موضوعية واقعية بعيدة عن التأثر بالمشاعر

لو حصل تغيير كبير في مصر ، والظروف اتعدلت هناك فجأة ، هل تترك الكويت وترجع مصر وتستقر هناك بدون ندم ؟

طيب السؤال المتفرع من السؤال الأول :

تفكر الاحوال ممكن تتعدل بعد كام سنه من التغيير ؟

طبعا فاهميني :wub:

تم تعديل 17 مايو 2010 بواسطة تامر مصطفى

[الغريب]

عندي سؤال وياريت اسمع آرائكم فيه وردودكم بس اتمنى انها تكون ردود موضوعية واقعية بعيدة عن التأثر بالمشاعر

لو حصل تغيير كبير في مصر ، والظروف اتعدلت هناك فجأة ، هل تترك الكويت وترجع مصر وتستقر هناك بدون ندم ؟

طيب السؤال المتفرع من السؤال الأول :

تفكر الاحوال ممكن تتعدل بعد كام سنه من التغيير ؟

طبعا فاهميني wst::

والله يا تامر ديما السؤوال ده بييجي على بالي

بس ديما باستشعر الإجابة من نفسي أني هرجع على طوول

موضوع كام سنة ده الله أعلم بيه

بس خد بالك من وجهة نظري أننا كمصريين نتحمل جزء من المسؤولية في أننا عندنا كاريزما تهويل الأمور وإطلاق الشائعات ومثل هذا من العادات الاجتماعية السلبية ، وده خلى الأمور تصل في وجهة نظرنا لما وصلت إليه الآن..

بس عاوز أقولك في النهاية كل واحد هيجوبك على سؤالك ده هيعبر عن وجهة نظره هو فقط أو بالمعنى الأدق هيعبر عن ظروفه هو فقط سواء هنا أو في مصر

صباح الورد

[قلب ابيض]

[color="#800080"]

اذن المطلوب ان يكون الباسبور بالكويت فى الفتره من 22/5 حتى 15 /6

هل من مجيب ؟؟؟؟

ممكن يبقى فيه مع اللب سودانى كمان اه انا ماببخلش بوتيتن ;)

شكر خاااااااص وجامد جدا لاخونا الجامد جداااا برده الاستاذ المحترم جداااااا الاستاذ تامر على ما ابداه من مد يد الهون اقصد يد العون لنا فى اعاده باسبورى المهم الى

ارض الكويت الغاليه

الف شكر لك يا طموره ومانتحرمش من جمايلك ولا منك ابدا يارب.. وده عشمى فيك تمام

وجزاك الله الف خيرا wst::

وبالنسبه لموضوع اللب اسى يا عمرو :P

يعني نفهم من كدة يا قلب أنك أن شاء الله 22/5 هتكوني في قلب العروبة النابض مصر

على العموم ربنا يسهل لعبيده

وأنا إن شاء الله هشوفلك أي توصيلة خلال الفترة دي بس أبقى تبعينه في المنتدى ولو في حاجة هبعتلك على الخاص إن شاء الله

رحلة سعيدة ان شاء الله

تسلم يا غريب يارب ويهون عليك غربتك ان شاء الله

وشايلينك لعوزه .....لا احرمنا الله منكم ابدا اخوات واصدقاء ماطال الامد

[قلب ابيض]

عندي سؤال وياريت اسمع آرائكم فيه وردودكم بس اتمنى انها تكون ردود موضوعية واقعية بعيدة عن التأثر بالمشاعر

لو حصل تغيير كبير في مصر ، والظروف اتعدلت هناك فجأة ، هل تترك الكويت وترجع مصر وتستقر هناك بدون ندم ؟

طيب السؤال المتفرع من السؤال الأول :

تفكر الاحوال ممكن تتعدل بعد كام سنه من التغيير ؟

طبعا فاهميني wst::

زى ما قال اخويا الغريب الردود هاتكون من وجهه نظر شخصيه ...تمام

بالنسبه لى صعب اوى الا اذا كانت معجزه ان تتساوى الظروف فى البلدين 00حتى لو قلنا انها اتعدلت فقط ... فانا الحمد لله الكويت بالنسبه لى حاليا مش ماده فقط صدقونى انا مرتبطه بيها جدا جدا نفسيا وراحتى النفسيه ما بتكملش الا بالكويت 0000مش معنى كده انى باتنكر لمصر اطلاقا بس بالبلدى كده بلدك فين يا جحا ؟؟ مش بس اللى فيها مراتى او جوزى وعيالى لاء اللى فيها راحه بالى

الوضع مختلف من حد للتانى انما انا بقول يااااارب مصر تبقى احسن من اى بلد فى الدنيا كلها كلنا نتمنى ده لبلدنا حتى لو مش عايشين فيها وهارجع واستقر فيها ومن غير ندم بس يبقى الحنين للكويت والحب والذكريات والعرفان للكويت

والاختلاف فى الرأى لا يفسد للود قضيه

صباحكم زى الفل ان شاء الله

[Simba]

لاء اللى فيها راحه بالى

دي خلاصة القول .. وانا ابصم ورا مدام قلب ابيض علي طول

[herohero]

عندي سؤال وياريت اسمع آرائكم فيه وردودكم بس اتمنى انها تكون ردود موضوعية واقعية بعيدة عن التأثر بالمشاعر

لو حصل تغيير كبير في مصر ، والظروف اتعدلت هناك فجأة ، هل تترك الكويت وترجع مصر وتستقر هناك بدون ندم ؟

طيب السؤال المتفرع من السؤال الأول :

تفكر الاحوال ممكن تتعدل بعد كام سنه من التغيير ؟

طبعا فاهميني :blink:

زى ما قال اخويا الغريب الردود هاتكون من وجهه نظر شخصيه ...تمام

بالنسبه لى صعب اوى الا اذا كانت معجزه ان تتساوى الظروف فى البلدين 00حتى لو قلنا انها اتعدلت فقط ... فانا الحمد لله الكويت بالنسبه لى حاليا مش ماده فقط صدقونى انا مرتبطه بيها جدا جدا نفسيا وراحتى النفسيه ما بتكملش الا بالكويت 0000مش معنى كده انى باتنكر لمصر اطلاقا بس بالبلدى كده بلدك فين يا جحا ؟؟ مش بس اللى فيها مراتى او جوزى وعيالى لاء اللى فيها راحه بالى

الوضع مختلف من حد للتانى انما انا بقول يااااارب مصر تبقى احسن من اى بلد فى الدنيا كلها كلنا نتمنى ده لبلدنا حتى لو مش عايشين فيها وهارجع واستقر فيها ومن غير ندم بس يبقى الحنين للكويت والحب والذكريات والعرفان للكويت

والاختلاف فى الرأى لا يفسد للود قضيه

صباحكم زى الفل ان شاء الله

هتخلي ناس تقولك ولائك وموضوع الي اتولدوا بره مصر

انا خدت كلام للصبح عشان انا راجل بحمد ربنا ان قضيتي طفولتي واستمتعت بيها ف الكويت والحمد لله مقدرش انكر حق البلد ده ولا حكومتها

ربنا يوفقك وبجد الكويت انا مازلت احترمها واكن لها كل تقدير وبعدين انا بتكلم ع كويت بجد كانت ايام خير بجد

ربنا يحفظ الكويت من كل سوء

[الحريف]

الاخوة فى الكويت عندى سؤال -- انا زوجتى و الاولاد جايين التحاق بعائل ان شاء الله و كنت عايز اعرف ايه المدارس الكويسة و اسعارها لطفل فى تانية ابتدائى و خصوصا المنطقة العاشرة

شكرا

[Simba]

الاخوة فى الكويت عندى سؤال -- انا زوجتى و الاولاد جايين التحاق بعائل ان شاء الله و كنت عايز اعرف ايه المدارس الكويسة و اسعارها لطفل فى تانية ابتدائى و خصوصا المنطقة العاشرة

شكرا

ارجع كام صفحة لورا انا مش فاكر فين بالظبط بس هتلاقي مدام بوسي متكلمة باستفاضة عن المدارس واسعارها

[Simba]

بما أني نازل علي مصر للطيران فكنت عايز اسأل

هي ايه صالة 3 دي

دي في المطار القديم ولا الجديد

والتشريفة اللي جاية تستني سعادتي تستناني فين

[Simba]

حذفتها مشاركة جت بالغلط في مكان تاني

تم تعديل 19 مايو 2010 بواسطة سمبا

[مصطفى محمد]

لو سمحتوا ياجماعة كنت عايز اعرف اية انواع التحليل المطلوبة للسفر يعنى لما الفيزا بتوصل وبكشف طبى بحلل اية هنا وفى الكويت لما اوصل ان شاء الله وايضا هل بعمل اشاعات ولا اية.وجزاكم الله كل خير