المصريين المغتربين بالكويت

[مصطفى محمد]

لو سمحتوا ياجماعة كنت عايز اعرف اية انواع التحليل المطلوبة للسفر يعنى لما الفيزا بتوصل وبكشف طبى بحلل اية هنا وفى الكويت لما اوصل ان شاء الله وايضا هل بعمل اشاعات ولا اية.وجزاكم الله كل خير

[HDarwish]

بما أني نازل علي مصر للطيران فكنت عايز اسأل

هي ايه صالة 3 دي

دي في المطار القديم ولا الجديد

والتشريفة اللي جاية تستني سعادتي تستناني فين

سعادتك دي في المطار القديم وعموما المطار القديم والجديد في منطقة واحده مفيش مسافة بينهم كبيرة

ولما هتنزل على صالة 3 بجد هتتشرف إن فيه حاجه فعلا في مصر كده تحس إنها كمان أحسن من مطار الكويت بمراحل

المشكلة بس إنك من ساعة ما هتخرج من الطيارة لحد ما توصل لموظف الجوازات هتخدلك مشوار حلو مشي بس هما عاملين حسابهم بمشايات كهربائية زي اللي في مارينا مول كده

ودي شوية صور

http://www.alhnuf.com/up/pics-gif/upload/v...file=a8c33109e6

http://www.alhnuf.com/up/pics-gif/upload/v...file=9e706b26db

http://www.alhnuf.com/up/pics-gif/upload/v...file=68154e80ba

http://www.alhnuf.com/up/pics-gif/upload/v...file=92145a7567

توصل بالسلامة

[تامر مصطفى]

اهلاااااااااااااااااااااااااااااااااااااا استاذ حسن درويش

حمدلله على سلامتك ونورت محاوراتك مرة تانية

ايه اخبارك يا ريس؟

تصدق بالله

انت كنت على بالي من كام يوم وتوقعت اني الاقيك ظهرت في وقت قريب

منتظرين حكاياتك

[Simba]

شاكرين مهللين يا استاذ حسن

[مصطفى محمد]

ياجماعة كنت عايز اعرف اية انواع التحليل المطلوبة للسفر يعنى لما الفيزا بتوصل وبكشف طبى بحلل اية هنا وفى الكويت لما اوصل ان شاء الله وايضا هل بعمل اشاعات ولا اية.وجزاكم الله كل خير

[ابو حودة]

استاذ حسن درويس انت فين يا راجل

في موضوع اخر سألنا عن الاعضاء العائدين

الى مصر وتجاربهم نرجو ان تمدنا بتجربتك علها تنفع الباقين

وشكرا

[mahmoudfaried]

السلام عليكم

ازيكو يا جماعه

فى البدايه احب اعبر عن سعادتى بتواجدكم و تعاونكم و تبادل الخبرات

انا مهندس الكترونات وجاتلى فرصه للعمل بالكويت مدرس الكترونات فى وزارة التعليم

فكنت عاوز اعرف

1- ايه حال المدرسين يعنى الشغل كام ساعه ؟؟ وهل ممكن اغير الشغل من مدرس لمهندس او اشتغل بارت تيم ولا ايه النظام

2-ايه ظروف المعيشه ؟؟ السكن و المواصلات والتليفونات و المصاريف عموما تكلف كام ؟؟

3-مدرس فى الحكومه يعنى مين الكفيل ؟؟ وايه ظروف الاقامه و المسائل دى ؟؟

4-سمعت ان الجو حر جدا . انتو عاملين ايه فى الحر دا ؟؟

بصراحه انا مش عارف اعمل ايه حيران الغربه و شغل تانى بس ناس بيقوقولى دى فرصه متضيعهاش

ياريت تفيدونى بخبرتكم

شكرا لوقتكم

[طبيبة مصرية]

ياجماعة كنت عايز اعرف اية انواع التحليل المطلوبة للسفر يعنى لما الفيزا بتوصل وبكشف طبى بحلل اية هنا وفى الكويت لما اوصل ان شاء الله وايضا هل بعمل اشاعات ولا اية.وجزاكم الله كل خير

السلام عليكم

حضرتك هتعمل فى مصر وفى الكويت تحليل الاجسام المضادة لالتهاب الكبد الوبائى بى وسى وفيروس الايدز

مش متذكرة معاهم وظائف كبد وكلى وصورة دم ولا لا؟؟

بس اعتقد معاهم

وهتعمل اشعة صدر عادية( اكس راى)

وهتكشف نظر وباطنة

لو حضرتك فى القاهرة يبقى الكشف والاشعة فى مستشفى دمشق فى المهندسين

والتحاليل فى المعامل المركزية بوزراة الصحة

[Simba]

السلام عليكم

ازيكو يا جماعه

فى البدايه احب اعبر عن سعادتى بتواجدكم و تعاونكم و تبادل الخبرات

انا مهندس الكترونات وجاتلى فرصه للعمل بالكويت مدرس الكترونات فى وزارة التعليم

فكنت عاوز اعرف

1- ايه حال المدرسين يعنى الشغل كام ساعه ؟؟ وهل ممكن اغير الشغل من مدرس لمهندس او اشتغل بارت تيم ولا ايه النظام

2-ايه ظروف المعيشه ؟؟ السكن و المواصلات والتليفونات و المصاريف عموما تكلف كام ؟؟

3-مدرس فى الحكومه يعنى مين الكفيل ؟؟ وايه ظروف الاقامه و المسائل دى ؟؟

4-سمعت ان الجو حر جدا . انتو عاملين ايه فى الحر دا ؟؟

بصراحه انا مش عارف اعمل ايه حيران الغربه و شغل تانى بس ناس بيقوقولى دى فرصه متضيعهاش

ياريت تفيدونى بخبرتكم

اهلا يا هندزة مبارك عليك انك هتسيب الهندزة وتبقي خوجة وتيجي تجاورنا هنا

مرحبتين

ان شاء الله الاخوة المدرسين هنا يفيدوك أكتر وطالما الشغل تبع الوزارة فأغلب الظن انك هتكون مرتاح هنا أن شاء الله

مدرس في الحكومة يعني الكفيل بتاعك وزارة التعليم يعني بفضل الله محدش هيتحكم فيك ولا يجبرك علي حاجة كل الحكاية هتتبع سياسة العمل اللي ماشية علي جميع المدرسين

كنت اسمع ان بدل السكن حوالي 60 دينار وتقريبا وصل او هيوصل قريبا ل 100 دينار وده مبلغ معقول تقدر تشارك بيه اتنين تلاتة في شقة كويسة

المواصلات تاكسي بياخدك ويجيبك في حدود من 15 دينار الي 20 دينار شهريا

بالنسبة للاكل انت وهواك ممكن 50 اقل حاجة بسيطة ا كتر شويتان تلاتة اربعة علي حسب طبعك

[Simba]

مش عارف ليه انا مصر ومصمم اعزمكم علي الفطار النهاردة

:lol:

make ur morning lazy & sleepy

تم تعديل 22 مايو 2010 بواسطة سمبا

[تامر مصطفى]

مش عارف ليه انا مصر ومصمم اعزمكم علي الفطار النهاردة

:lol:

make ur morning lazy & sleepy

صباح الفل يا سمبا

متشكرين على الفطار

بس انا اعتزلت جاد من زمااااان ونقلت على الريف المصري

بس انت مغطي على رقم تلفونك ليه ؟؟

انا فهمت من كده انها عزومة مراكبية .

===================================

بالنسبة للمهندس اللي هيشتغل في التدريس

زي ما اتفضل الاخ سمبا وقالك ان كفيلك هيكون وزارة التربية يعني ملك نفسك وهيكون ليك كام ميزة كويسة في البلد

يعني سهولة استخراج رخصة قيادة - سهولة عمل الزيارات والالتحاق بعائل

بالنسبة للدوام المدرسي فهو يبدأ من 7:30 ص الى 1:30 م وبعدها فاضي بس لو عايز تشتغل العصر لازم تاخد تصريح من وزارة التربية وده سهل جدا بس شروطه ان الوظيفة متكونش تقلل من شأنك ووضعك ولا يكون فيها تعامل مع جمهور ( بائع - مندوب - عارض - الخ ..)

بالنسبة للراتب فهيكون 430 بالاضافة الى بدل خطر (مخصص لمادتي الديكور والالكترونيات فقط ) بمبلغ 30 دينار يبقى المجموع 460 وطبعا ده مبلغ ميحلمش بيه ناس كتيييييييييييييير هنا .

وبالنسبة للمعيشة فده يرجع ليك شخصيا

ممكن تمسكك عدوى المدرسين وتصرف 10 دينار في الشهر أكل (بس تعمل حسابك بعدها على عملية تغيير معدة )

وممكن تسكن مع 15 واحد في شقة والنوم والحمام أعزكم الله يبقى بالدور وبأولوية الحجز طبعا في الحالة دي هتدفع مبلغ بسيط جدا

وعلى العكس ممكن تعيش كويس وتحوش كويس من غير ما تقتل نفسك على الفلوس وتحتفظ باحترامك لنفسك

طبعا الاجازات في التربية ( ربنا يزيد ويبارك ) ملهاش حدود يعني انا افتكر كده ( على ما اتذكر ) اني داومت السنة دي يجي 60 يوم بس والباقي اجازات متفرقة ربنا يبعد عننا العيون

ربنا يوفقك واي استفسار في الخدمة

[herohero]

هو في نقطة صغيره الاخوة الاعزاء لازم توضوحوها للبشمهندس ان طبعا الطلبة محترمييييييييييييييييييييييم جدااااااااااااااااااااااااااااااا

وانا طبعا اعترف بفضلهم عليا ف تعليمي ازاي تبقى مزعج وانا ابن من ابناء احد المدرسين اللي يعني شاف اد ايه الطلبة الكويتيين هاديييييييييييييين جدااااااااا

اللي عاوز اتاكد انه هل المواد العمليه بتضاف للمجموع يعني الطلبة هتحترم نفسها وتخاف احسن ترسب فيها ولا لا

لان انا افتكر زمان كان معايا الطلبة ف حصة الكومبيوتر بيحطوا رجلهم ع الكيبورد وهم قاعدين يعني المدرس بيدخل ويلاقيهم حاطين رجلهم فوقع الكيبورد

يعني الحكاية قبل الفلوس محتاجه انك تبقى عامل حسابك ع المواضيع ده يا بشمهندس مع كامل احترامي وتقديري للجميع مهنة التدريس ف الكويت وانا عايش تجاربها مع والدي من المهن المرهقه جدا وارهاقها ف انك كفاية بس تتعامل مع هذه النوعيه من الطلبة الا لو كنت موفق وروحت ف مدرسة عدلة

طبعا الاستاذ تامر فاهمني " مايكونش محظوظ ويروح مدارس العارضية ولا الرابية ولا الصليبخات " معايا يا استاذ تامر ع فكرة انا قعدت سنة ف مدرسة ف الرابيه ساعتها كنت هكره نفسي مدرستي اتنقلت من الفروانية الى الرابيه وماادراك ما الرابيه اكيد اللي ف الكويت عارفين الرابية

الاخ الباشمهندس الفلوس مهمة لكن فكر كويس قوي انك هتكون مدرس لماده ف نظر الجميع مش مهمة وبالتالي تعامل الطلبة هيكون له اسلوب تاني

[تامر مصطفى]

طبعا يا هيرو كلامك صحيح

ولكن الموضوع يرجع لشخصية المعلم وذكاءه

أهم الأمور اللي لازم يتعلمها المقبل على مهنة التعليم هي الصبر وطولة البال وتمالك الاعصاب وان لكل شخصية مفتاح وطريقة في التعامل

وإلا ............

1 - يصاب المعلم بالضغط والسكر

2 - سوف يستغل الطلاب عصبية المعلم كمادة للضحك يعني ينرفزوه علشان يضحكوا عليه

3 - هتكتر عليه الشكاوي وبالتالي هيبقى معلم فاشل والادارات ترميه لبعضها

بس المادة اللي جاي الباش مهندس يشتغل فيها ليها ميزتين ممتازتين وهما

انه هياخد نصف عدد طلاب الفصل فقط في الحصة يعني بالكثير 12 طالب

وانه في الفصل الثاني بياخد صفوف غير اللي درسها في الفصل الاول بمعنى انه لو طلع له صف مزعج هيتحمله فصل دراسي واحد فقط مش السنة كلها

وفي الاول والاخر احب اقولك ان العام الدراسي بيجري بسرعة جدا وفي نهاية العام بتحس ان الاحداث المزعجة كان زمنها قصير

[saramath]

مش عارف ليه انا مصر ومصمم اعزمكم علي الفطار النهاردة

;)

make ur morning lazy & sleepy

=

ممكن تمسكك عدوى المدرسين وتصرف 10 دينار في الشهر أكل (بس تعمل حسابك بعدها على عملية تغيير معدة )

ههه تصدق بالله يا استاذ تامر انا بتابع دايما المنتدي بدون مشاركات بس اول ما قريت التعليق دا مت على نفسي من الضحك وقلت لايمكن مشاركش wst::

دا انا كنت فاكرة ان المدرسات النساء هم فقط ال متصابين بهذه العدوي طلع العدوي بتصيب الرجال والنساء

يعني مش المدرسات فقط هما ال عندهم عدوي 10 دينار للأكل

مفيش بند اسمه فاكهه او لحوم الا مرة واحده فى الاسبوعين واحيانا تستبدل بعلبه تونه وشراء كيلو الا ربع طماطم وأهو الطماطم تعتبر فاكهه لو رشينا عليها معلقة سكر

ربنا يعافي الجميع

[mahmoudfaried]

ميرسى يا جماعه على الرد السريع

بجد كنت متوقع التفاعل الايجابى دا منكو .

ربنا يعينكم على الغربه و الحر و التلاميذ المحترمين .....!!!!!!

انتو طمنتونى شويه واطمنت اكتر انى مش لوحدى شكل المصريين مش شويه فى الكويت .

بس حكاية 10 دينار فى الشهر( اكل ) دى صعبه قوى ربنا يكون فى عون اللى بيطبق النظريه دى .. متبقاش غربه و عزاب كمان .

و جديده حكاية سكر على الطماطم دى !!!!

على فكره الطماطم فاكه من غير سكر. لأنها تنمو على شجره .

طب لو مش بالتقشف دا و بردو مش بزخ اوى المعيشه تكلف كام ؟؟ بالمتوسط و المعقول ؟

اكل + شرب + تليفون + مواصلات +نت + لبس + دواء + حلاقه +...........

استاذ تامر كان بيقول انو ممكن شغل بعد الظهر بس بتصريح و قال انو سهل بس السوال بقا الشغل هيبقا متوفر زى ما التصريح سهل ؟؟

لو فيه اي حاجه تانيه زى حكاية الطلبه المحترمين يا ريت تفيدونى افادكم الله .

بجد انا شاكر جدا على وقتكم و على المعلومات القيمه

[saramath]

شوف تيجي بنفسك الاول وبعدين تشوف نظامك ايه

والحمد لله مرتبك هيبقي كويس ووقتها انت هتقرر توفر كام وتصرف كام

[تامر مصطفى]

زي ما قالتلك ابلة سارة

المعيشة تختلف من شخص لشخص

بس انصحك نصيحة اخوية

اول ما توصل الكويت بلاش تفكر بطريقة خطأ ونلاقيك من اول اسبوع مشتري بي ام 540 بالتقسيط وواخد قرض ب 3000 دينار وانت لسه مخدتش اول راتب

وبالنسبة للعمل الاضافي فده يرجع للرزق وربنا يوفقك

[saramath]

شوف تيجي بنفسك الاول وبعدين تشوف نظامك ايه

والحمد لله مرتبك هيبقي كويس ووقتها انت هتقرر توفر كام وتصرف كام

مدرسة معايا بتسأل جوزها طبيب بيطري وهتبعت له كالتحاق بعائل فبتسأل فرصة عمله فى مجال الادوية او فى ممزارع حيوانات تبقى ايه ولو له نصيب يبقي مرتبه حوالي كم؟

ربنا يرزق الكل

[Simba]

بس انا اعتزلت جاد من زمااااان ونقلت على الريف المصري

طيب ممكن تليفون الريف المصري يا استاذ تامر

[تامر مصطفى]

رقم الريف المصري مش عندي حاليا

بس ان شاء الله اول زيارة ليه هجيبلك الرقم

بس هو ليه فرعين واحد في السالمية والتاني في الفروانية

محدش شاف مدام بوسي يا جماعه؟؟؟؟؟

اختفت من زمان

ان شاء الله يكون المانع خير