المصريين المغتربين بالكويت

[saramath]

:roseop: :roseop:

بلاي ستيشن ايه بس :lol: :lol:

دا للعيال بردو؟؟؟ mfb: لو للعيال بلاش منه علشان بيقلل نسبه ذكائهم وتركيزهم وبيأثر على النظر مع الوقت

لكن لو لحد تاني كبير الكلام يختلف ;) wst::

[HDarwish]

السلام عليكم

ياجماعه انا سألت سؤال ومحدش عبرني

عاوزة اعرف فرصة الشغل لخريجي طب بيطري فى الكويت ايه

وممكن مثلا يشتغلوا مندوبين ادوية بدل مجال الطب البيطري الفرصة بتكون متوفرة ولا لأ ولو اتوفرت الراتب بيكون حوالى كم؟؟

الفرص قليلة شوية والموضوع مش سهل .. خاصة لو أصريت إنك تشتغل في مجالك .. ظروف العمل بتكون سيئة لدرجة لا يمكن لك أن تتصورها حيث العمل في مناطق على الحدود مثل الوفرة أو العبدلي أو الصليبية حيث مزارع إنتاج المواشي

مندوب مبيعات .. ممكن .. لكن حتتعب الأول على ما تجهز نفسك للموضوع ده .. لإنك حتحتاج رخصة وبعد كده عربية والكلام ده كله ممكن ياخد منك مش أقل من ستة شهور في الست شهور دول هتتعب جداً لإن اليوم في الكويت مش ببلاش والحياة غالية بالإضافة إلى حالتك النفسية

إذا مٌصِر على السفر أرشح لك السعودية إلا إذا كان جايلك عرض كويس في الكويت

بالتوفيق

ال كانت بتسأل دي أنا سارة مش واحد راجل

وال بيسأل عن الوظيفة هو جوز صحبتي المفروض انها مدرسة هنا والمفروض هتبعت له استقدام عائل

يعني اقولها البوقين دول وبلاش تخلي جوزها يجي؟؟ ولا ايه :roseop:

أنا آسف .. سامحينا على الخطأ المطبعي يا فندم

خليه يجرب مفيش مشكلة طالما الإقامة مش هتتكلف حاجة .. بس زي ما قولت لحضرتك شغل الطبيب البيطري في الكويت صعب شوية وهيكون أصعب لما تكون إقامته التحاق بعائل

ربنا يوفق الجميع

[HDarwish]

عندي سؤال كدهون صغنن بس مهم

منين اشتري بلاي استيشن 2 في الكويت

هو في الغانم موجود بتلاتين دينار بس المشكلة ان الاجهزة دي محمية ومش بتشغل غير السي ديهات الاصلية والسي الدي الواحد فوق ال 15 دينار

انا اسمع ان فيه محلات بتبعه وبتكون حمايتة مفكوكة وكمان فيه محلات بتبيعه ومعاه 50 لعبة هدية

إطلع على حولي في شارع تونس مجمع الرحاب في السرداب هتلاقي مجموعة محلات كلها بتييع لعب الأطفال الإلكترونية

أنا اشتريت واحد من هناك وانا نازل لاولاد اختي سعره 45 دينار فاصل معاه لحد اربعين دينار .. انا اشتريته ب 42 والسعر ده عباره عن

البلايستيشن ويدتين اصليتين وخمسة وعشرين اسطوانه ذهبية وشنطة للجهاز وعلبة للسيديهات وكارت ميموري

لكن اللي في الغانم عبارة عن الجهاز ويده واحده فقط

فيه كمان في شارع ابن خلدون محلات كتيرة جدا وفيه في الفروانية كمان

بس إبئا إفتكرنا بماتش ولا حاجه

تحياتي

[HDarwish]

السلام عليكم ورحمة الله وبركاته

إخواني وإخواتي مصريين في الكويت .. تحياتي إليكم جميعا وسلامي إلى الجميع ولا أخص بالذكر أحداً حتى لا أقع في خطأ السهو

أحب أن أطمئنكم عني فأنا والحمد لله بأحسن صحة وبأحسن حال

الأمور ماشية تمام معايا لحد الوقتي والحمد لله أحسن مما كنت عليه في الكويت والآن أصبحت أعطي رواتب بما يعادل ما كنت أقوم بتوفيره في الكويت

يوم بعد يوم يتأكد لي أني كنت صائباً في إتخاذ قرار العودة وذلك من جوانب متعددة منها الجوانب المادية والجوانب المعنوية والاجتماعية (تكفي إبتسامة جنا في كل صباح)

يملؤني التفاؤل والحياة مٌبشرة بكل خير

أتمنى للجميع التوفيق والسداد .. وللحديث بقية بإذن الله تعالى

حسن بك والله واحشنى ياراجل وكل يوم بنسأل عليك

وفعلا سعيد جدا أنك مبسوط في وسط أهلك وبلدك ربنا يزيدك سعادة

بس متنساش تشقر علينا وقت بعد التاني تطمنا عليك وعلى البلد والأحوال

بالتوفيق

عزيزي الغريب

إنت واحشني أكتر .. مااتحرمش من سؤالك .. ألف شكر

محدش يقدر ينسى حبايبه وإن شاء الله من وقت للتاني هشقر عليكم طبعا

معندكش بئا عقد عمل في الكويت

ربنا يوفقكم جميعا

تم تعديل 27 مايو 2010 بواسطة HDarwish

[شريف مان]

يا أبو الروقان

انا عايز اجيبه علشان العيال

فهمتني غلط

بجد

ما انا عارف طبعا انا بهزر معاك

ربنا يخليهملك

[Simba]

إطلع على حولي في شارع تونس مجمع الرحاب في السرداب هتلاقي مجموعة محلات كلها بتييع لعب الأطفال الإلكترونية

أنا اشتريت واحد من هناك وانا نازل لاولاد اختي سعره 45 دينار فاصل معاه لحد اربعين دينار .. انا اشتريته ب 42 والسعر ده عباره عن

البلايستيشن ويدتين اصليتين وخمسة وعشرين اسطوانه ذهبية وشنطة للجهاز وعلبة للسيديهات وكارت ميموري

لكن اللي في الغانم عبارة عن الجهاز ويده واحده فقط

فيه كمان في شارع ابن خلدون محلات كتيرة جدا وفيه في الفروانية كمان

بس إبئا إفتكرنا بماتش ولا حاجه

نطلع علي الرحاب يا باشا .. يا سلام بجد علي الوصف التفصيلي .. انا الواد الاندونيسي بقاله اسبوع يوصف لي مكان محل في العاصمة ....... شكرا حسن باشا

[elmeguidy]

السلام عليكم

يا جماعة انا ان شاء الله رايح الكويت قريب أوي،،، وكنت عاوز اعرف مصاريف المعيشة هناك؟؟؟ وكمان عاوز اعرف مكان كويس للسكن، و اسعار الايجارات كام؟؟؟

ياريت يا جماعة اللي يقدر يفدني في موضوع السكن ده يقولي على متوسط الايجار كام، لو استديو او شيرنج مع واحد بس ويكون سكن معقول

اتمنى الافادة،،

وشكرا

محمد

[حسام البورسعيدي]

السلام عليكم أخواني المصريين المتشحطتين في الطين ومتغربين وعن بلدهم واهلهم بعيدين ربنا يهون علينا الايام والسنين ونرجع لمصر سالمين غانمين ان شاء الله رب العالمين

تم تعديل 29 مايو 2010 بواسطة حسام البورسعيدي

[حسام البورسعيدي]

السلام عليكم

يا جماعة انا ان شاء الله رايح الكويت قريب أوي،،، وكنت عاوز اعرف مصاريف المعيشة هناك؟؟؟ وكمان عاوز اعرف مكان كويس للسكن، و اسعار الايجارات كام؟؟؟

ياريت يا جماعة اللي يقدر يفدني في موضوع السكن ده يقولي على متوسط الايجار كام، لو استديو او شيرنج مع واحد بس ويكون سكن معقول

اتمنى الافادة،،

وشكرا

محمد

تنور ان شاء الله يا أخ محمد وأنا بما اني جديد هنا فقرأت موضوع المصريين المغتربين بالكويت ولقيت اكتر من حوار على أسئلتك يا ريت ترجع لها وتقريبا كده كلها بتدور حول انك ممكن تدبر أمورك حسب معيشتك أنت لان الموضوع ده بيختلف من واحد للتاني حسب سلوكياتك في الاكل واللبس والمعيشة والتزاماتك في مصر وكده يعني مالها معيار محدد أو ثابت ولكن بتختلف من شخص لشخص وكل واحد بيدبر أموره حسب ظروفه.

وممكن تلاقي سكن بـ 100 ستوديو أو شير وممكن تلاقي برده سكن بـ 20 ستوديو أو شير

وبالتوفيق إن شاء الله

[Simba]

بلاي ستيشن ايه بس

دا للعيال بردو؟؟؟ لو للعيال بلاش منه علشان بيقلل نسبه ذكائهم وتركيزهم وبيأثر على النظر مع الوقت

لكن لو لحد تاني كبير الكلام يختلف

كده ... كده .. بقي كده

يوم ما سألتي عن الرخصة انا ما اتكلمتش مع أنه معروف علميا أن الرخصة بتقلل نسبة الذكاء ان مكانش بتلغيه :rolleyes:

[Simba]

شكرا جزيلا أستاذ حسن

انا رحت فعلا مجمع الرحاب في حولي ... واتفاجأت بعدد محلات الالعاب الاليكترونية .. حسيت ان الكويت كلها بلا استثناء بتلعب بلاي استيشن :rolleyes:

[HDarwish]

شكرا جزيلا أستاذ حسن

انا رحت فعلا مجمع الرحاب في حولي ... واتفاجأت بعدد محلات الالعاب الاليكترونية .. حسيت ان الكويت كلها بلا استثناء بتلعب بلاي استيشن :rolleyes:

لا شكر على واجب يا استاذ سمبا دي أقل حاجة

أهم حاجة طمني اشتريت ولا لسه؟؟ واوعى تكون نسيت تفاصل معاهم لانهم بيزودوا في السعر شوية علشان متوقعين أنك هتفاصل

تحياتي لك وللاسرة الكريمة

تم تعديل 30 مايو 2010 بواسطة HDarwish

[HDarwish]

السلام عليكم

يا جماعة انا ان شاء الله رايح الكويت قريب أوي،،، وكنت عاوز اعرف مصاريف المعيشة هناك؟؟؟ وكمان عاوز اعرف مكان كويس للسكن، و اسعار الايجارات كام؟؟؟

ياريت يا جماعة اللي يقدر يفدني في موضوع السكن ده يقولي على متوسط الايجار كام، لو استديو او شيرنج مع واحد بس ويكون سكن معقول

اتمنى الافادة،،

وشكرا

محمد

بالتوفيق يا أستاذ محمد ... وبالنسبة لسؤال حضرتك فأنا زي ما قولت لحضرتك وأنتظر تفاصيل أكثر حتى استطيع افادتك افادة كاملة .. بالإضافة إلى ظروف العمل والشركات التي يتوافر بها أماكن وفرص عمل أكثر ..

تحياتي

[Simba]

يا استاذ حسن انا اشتريت بس من بعد ما روحت لرابع محل لقيتهم كلهم متفقين علي 45 دينار وعشرين سي دي ومالقيتش مجال للفصال

[pocy]

اتعرفت على عائلتين واحده مكونه من ام واب وطفله والتانيه أم واب وطفلين وكل منهم استقروا على ان السنه هذه هى اخر سنه لهم هنا فى الكويت الاب سيكمل السنه القادمه لكن باقى الاسره هيروحوا مصر طب ليه يا جماعه الخير لا اصل الكويت مبقتش جايبه همهما الزوج ليه شغله والزوجه كمان فنرجع مصر احن طالما مفيش اللى عايزينه هنا ولما ناقشتها فى العيشه الكريمه والنظفيه وتربيه الاولاد هنا وهكذا لاقتها بترد على وبتقلي كل ده موجود فى مصر بس احنا اللى كنا بنجري ورا حاجات موجوده فى السراب علشان كده كنا تعبانين

انتم ايه رأيكو ا فى الكلام ده؟؟؟؟؟؟؟؟؟؟؟؟؟؟؟؟؟؟؟ظ

[herohero]

اتعرفت على عائلتين واحده مكونه من ام واب وطفله والتانيه أم واب وطفلين وكل منهم استقروا على ان السنه هذه هى اخر سنه لهم هنا فى الكويت الاب سيكمل السنه القادمه لكن باقى الاسره هيروحوا مصر طب ليه يا جماعه الخير لا اصل الكويت مبقتش جايبه همهما الزوج ليه شغله والزوجه كمان فنرجع مصر احن طالما مفيش اللى عايزينه هنا ولما ناقشتها فى العيشه الكريمه والنظفيه وتربيه الاولاد هنا وهكذا لاقتها بترد على وبتقلي كل ده موجود فى مصر بس احنا اللى كنا بنجري ورا حاجات موجوده فى السراب علشان كده كنا تعبانين

انتم ايه رأيكو ا فى الكلام ده؟؟؟؟؟؟؟؟؟؟؟؟؟؟؟؟؟؟؟ظ

الحكاية نسبية خالص ولا يمكن تعميمها يعني انا لو ف مصر شغال ف مكان كويس وبلاقي نفسي فيه وعربية الشغل بتوديني وتجيبني

تقريبا كده مصر ما هيكونش عندي فيها مشاكل

ولو انا عايش ف محافظة غير القاهرة ومرتاح من قرف وزحمة المواصلات او الطرق اللي بستخدم فيها عربيتي يبقى انا عندي مشاكل الزحام والفوضى المرورية

عموما انا ف راي هي الحكاية تاقلم وتعود يعني ماهو رغم كل ده ما احنا كنا عايشين ف السلبيات ده كل القصة اننا شوفنا مكان تاني بظروف تانيه

لكن ف الاول وف الاخر هي الحكاية شخصيه جدا كل واحد وله ظروفه لكن اجمالا هو موضوع الخليج ما بقاش هو اللي يحل الازمة

وسلبيات المكان بتختف من شخص لاخر ومدى تاثره بيها فيه ناس ولا تفرق معاها وجود الفوضى من غيره المهم ياكل ويشرب ومش مهم اي سلوكيات

[HDarwish]

اتعرفت على عائلتين واحده مكونه من ام واب وطفله والتانيه أم واب وطفلين وكل منهم استقروا على ان السنه هذه هى اخر سنه لهم هنا فى الكويت الاب سيكمل السنه القادمه لكن باقى الاسره هيروحوا مصر طب ليه يا جماعه الخير لا اصل الكويت مبقتش جايبه همهما الزوج ليه شغله والزوجه كمان فنرجع مصر احن طالما مفيش اللى عايزينه هنا ولما ناقشتها فى العيشه الكريمه والنظفيه وتربيه الاولاد هنا وهكذا لاقتها بترد على وبتقلي كل ده موجود فى مصر بس احنا اللى كنا بنجري ورا حاجات موجوده فى السراب علشان كده كنا تعبانين

انتم ايه رأيكو ا فى الكلام ده؟؟؟؟؟؟؟؟؟؟؟؟؟؟؟؟؟؟؟ظ

الحكاية نسبية خالص ولا يمكن تعميمها يعني انا لو ف مصر شغال ف مكان كويس وبلاقي نفسي فيه وعربية الشغل بتوديني وتجيبني

تقريبا كده مصر ما هيكونش عندي فيها مشاكل

ولو انا عايش ف محافظة غير القاهرة ومرتاح من قرف وزحمة المواصلات او الطرق اللي بستخدم فيها عربيتي يبقى انا عندي مشاكل الزحام والفوضى المرورية

عموما انا ف راي هي الحكاية تاقلم وتعود يعني ماهو رغم كل ده ما احنا كنا عايشين ف السلبيات ده كل القصة اننا شوفنا مكان تاني بظروف تانيه

لكن ف الاول وف الاخر هي الحكاية شخصيه جدا كل واحد وله ظروفه لكن اجمالا هو موضوع الخليج ما بقاش هو اللي يحل الازمة

وسلبيات المكان بتختف من شخص لاخر ومدى تاثره بيها فيه ناس ولا تفرق معاها وجود الفوضى من غيره المهم ياكل ويشرب ومش مهم اي سلوكيات

الله يفتح عليك يا بشمهندس هيرو .. في بعض الحاجات

كلام سليم ..

بس فيه ناس بتبئا عايشة وخلاص وما بتحسبهاش كويس وبيجي عليها وقت تقول ياريتني .. والكلمة دي اللي أنا بكرها جداً كلمة ياريتني

علشان كده بحسبها كويس جداً وبفكر كتير جدا لحد ما أوصل للقرار الصح اللي ما اقولش بعدها ياريتني

ناس كتير عاشت في الخليج بالثلاثين سنة وفي الآخر بيقول ياريتني رجعت من زمان وده واقع لمسته بنفسي سواء وأنا هناك وسواء وأنا هنا

أهم حاجه إن الواحد ياخد القرار الصح وفي الوقت الصح أحسن ما يرجع يقول ياريتني

وربنا يوفق الجميع إن شاء الله

لي عودة

تحياتي

تم تعديل 31 مايو 2010 بواسطة HDarwish

[قلب ابيض]

وحشتونى اوووى

مش قادره اتابعكم اعذرونى

شغاله عالخط كورنيش المعادى اكتوبر 12 ساعه فى اليوم

والسواقه فى الحر دماااااااار ....وسحب رخص!!!!!

دعواتكم

[pocy]

السلام عليكم ورحمه الله وبركاته

انا بقالى فتره بشوف الموضوع ده مهجور ةمفيش اى جديد

اتمنى يكون الجميع بخير يارب اللهم امين

قلب ابيض ربنا يعينك يا قمر وييسرلك امرك ويفرح قلبك يارب اللهم امين

استاذى الفاضل / حسن درويش عودا احمد للمحاورات وربنا ييسرلك امورك يارب اللهم امين

سألتنى واحده كويتيه بتحبي الكويت طب بتحبي فيها ايه تتمنى تاخدى الجنسيه فيها ؟؟؟؟؟؟؟؟؟؟؟؟؟؟؟؟ طب ليه ؟؟؟؟؟؟؟؟؟؟ عايزه اسمع ردكم يا جماعه وهقولكم بعدين انا رديت وقلت ايه ؟؟؟؟؟؟؟؟؟؟؟؟؟؟

[تامر مصطفى]

السلام عليكم ورحمه الله وبركاته

انا بقالى فتره بشوف الموضوع ده مهجور ةمفيش اى جديد

اتمنى يكون الجميع بخير يارب اللهم امين

قلب ابيض ربنا يعينك يا قمر وييسرلك امرك ويفرح قلبك يارب اللهم امين

استاذى الفاضل / حسن درويش عودا احمد للمحاورات وربنا ييسرلك امورك يارب اللهم امين

سألتنى واحده كويتيه بتحبي الكويت طب بتحبي فيها ايه تتمنى تاخدى الجنسيه فيها ؟؟؟؟؟؟؟؟؟؟؟؟؟؟؟؟ طب ليه ؟؟؟؟؟؟؟؟؟؟ عايزه اسمع ردكم يا جماعه وهقولكم بعدين انا رديت وقلت ايه ؟؟؟؟؟؟؟؟؟؟؟؟؟؟

اهلا بعودتك اختنا بوسي

معلش اغلب الناس مشغولة اما باختبارات نهاية العام او بالتجهيز للسفر

بالنسبة لسؤالك الاخير فإجابتي باختصار : اتفرجي على فيلم عسل اسود وانتي تلاقي كل الاجابات

تحياتي